Kənd Təsərrüfatı nazirliyi onun struktur vahidləri ilə bağlı saytların elektron poçtuna göndərilən şikayət məktublarının sayı-hesabı yoxdur.Göndərilən şikayət məktublarından,narazılıqlardakı motiv üzrə yüngül məntiqi əsaslandırmadan aydın olur ki, vətəndaşları əsassız yerdən narazı salan nazirliklərdən biri də KTN-dir.

Ola bilər ki,nazirlikdəki aidiyyatı şəxslər özlərini mütləqi hakim bilib,onlara ünvanlanan şikayətlərə əhəmiyyətsiz yanaşsın.Amma o da ağla batan deyil ki,saytlara ictimailəşdirilməsi üçün göndərilən şikayətlər birinci halda Prezident Administrasiyasına ünvanlanmasın və bir gün bu şikayətlərin təhlili nazirlik rəsmiləri üçün müsbət nəticələnsin.

Faktinfo.az bildirir ki,Kənd Təsərrüfatı naziri İnam Kərimovun kadr siyasətindən narazı qalan vətəndaşlardan biri də Tovuz rayonu,Vahidli kənd sakini,Şəhid və Qarabağ veteranı anası Həsənova Ceyran Məhəmməd qızıdır.Bir ildən çoxdur ki,şəhid anası media orqanlarına şikayət məktubları ünvanlayır,övladı Həsənov Naməddin Tofiq oğlunun əsassız olaraq işdən çıxarılmasını əsaslandırır.

Şəhid və Qarabağ veteranı anası Həsənova Ceyran Məhəmməd qızının Faktinfo.az saytına ünvanladığı növbəti şikayət məktubu isə, Kənd Təsərrüfatı nazirliyinin "məntiqini" alt-üst edir.

Şikayət məktubunu təqdim edirik:

Hörmətli media orqanlarının rəhbərləri!

Bir ildən artıqdır ki,mətbuata yazıram.Və bildirirəm ki,Kənd Təsərrüfatı nazirliyi oğlum Həsənov Naməddin Tofiq oğlunu qanunsuz olaraq əmək müqaviləsinin müddətinin başa çatmasını əsas götürərək işdən azad edib.

Bildirirəm ki, bununla bağlı Kənd Təsərrüfatı nazirliyinin mətbuat xidmətindən Meydan tv-yə yalan məlumat verilərək ölkə mediasını,ictimaiəti çaşdırmağa yönəlik fikirlər səsləndirilib.Belə ki,Kənd Təsərrüfatı nazirliyinin mətbuat xidmətindən Meydan tv-yə bildirilib ki,Həsənov Naməddin Tofiq oğlunun vəzifəsi ixtisara düşdüyündən ona başqa iş təklif olunub və o da bunu qəbul etməyib.

İnam Kərimov və onun qeyri-peşəkar komandasının bu məlumatının ağ yalan olduğunu faktlarla sübut edirəm.

1.Aqrar Xidmətlər Agentliyinin 01 oktyabr 2021-ci il tarixli, 286/k nömrəli əmrinin surətini müraciətimə əlavə edirəm. Əmrin sonunda qeyd olunub ki, ƏSAS: Naməddin Həsənovla bağlanmış müddətli əmək müqaviləsinin başa çatmasını əsas götürərək işdən azad edib.Yeri gəlmişkən,Naməddin Həsənovun işdən azad edilməsi haqqında verilən əmr təsdiqləyir ki,onun işlədiyi ştat ixtisara düşməyib,şəxsin əmək müqaviləsinin uzadılmasına xitam verilib.Əmrin surəti aşağıda foto qalareyyada.

2.Əgər həmin vəzifə ixtisara düşübsə həmin vəzifəyə,oğlumun yerinə başqasını necə təyin ediblər və bu təyinatda da dəfələrlə qeyd etdiyim kimi Korrupsiyaya Qarşı Mübarizə haqqında qanunun 7-ci maddəsi kobud şəkildə pozulub.

3.Dəfələrlə qeyd etdiyim kimi Nazirlər Kabinetinin, yəni hökumətin 15 yanvar 1994-cü il tarixli,10 saylı qərarının 3.2.9. bəndində qeyd olunur ki,idarə və təşkilatlarda ixtisar gedərsə şəhid ailəsi üzvlərinə üstünlük verilir, yəni şəhid ailəsinin üzvləri ixtisara düşmür, təşkilatın fəaliyyəti tam dayandırılarsa şəhid ailəsi üzvüləri başqa təşkilatda işlə təmin olunurlar.Oglumun işlədiyi təşkilatda heç bir ixtisar getməyib,əksinə idarənin fəaliyyəti daha da genişləndirilib.Oğlumun əmək müqaviləsinə xitam verərək yerinə isə cənab prezidentimizin tapşırıqlarının və Nazirlər Kabinetinin qərarının tam əksinə olaraq səriştəsiz,müharibədə iştirak etməyən birini təyin ediblər.

4.Necə olur ki, respublika üzrə fəaliyyət göstərən təşkilatda yalnız bir ştat ixtisara düşür və o da şəhid və veteran qardaşının işlədiyi vəzifə olur.Digər tərəfdən, həmin vəzifə ştatından başqa rayonlarda da var və onlar niyə ixtisara düşməyib?

5.Kənd Təsərrüfatı nazirliyinin əməkdaşı Rəşad Vahabzadə şikayət etdiyimizə görə bizi təhqir edib və bildirib ki, ərizəsini yazıb işdən azad olunub.Əslində isə ixtisasca neftçi olan Rəşad Vahabzadə işdən azad olunmayıb və nazirlikdə at oynadır,vəzifəli şəxsə yaraşmayan ifadələrlə şəhid ailəsini təhqir edir.

Hörmətli media orqanlarının rəhbərləri!

Sizləri əmin edirəm ki, Kənd Təsərrüfatını bərbad və idxaldan aslı vəziyyətə salan,ixtisaslı kadr korpusunu məhv edən,ölkəni aclıq və fəlakətə sürükləyən,şəhid anasını vətən,dövlət üçün oğullar böyütdüyünə peşiman edən İnam Kərimov haqqında nə vaxtsa yazacaqsınız.Amma onda bu gec də ola bilər.Çünkü ölkəni ərzaq böhranından xilas etmək bir-iki ilin işi deyil.

Hörmətlə,

Həsənova Ceyran Məhəmməd qızı

Şəhid və Qarabağ veteranı anası

Sözün düzü, səbrimizi basıb Məhkəmə-Hüquq Şurasının 2 il öncə, daha dəqiq desək 22 sentyabr 2020-ci il tarixdə Sabirabad rayon məhkəməsinin sədri Füzuli Pənahovla bağlı qərarını sonadək oxumalı olduq. Təsəvvür edirsiniz, Ədliyə naziri, Məhkəmə-Hüquq Şurasının sədri Fikrət Məmmədovun sədrliyi, hakim T. Mahmudovun məruzəsi, S.Hüseynovun katibliyi ilə Sabirabad rayon məhkəməsinin sədri Füzuli Pənahov haqqında intizam icraatı üzrə işə baxaraq müəyyən edib. Sabirabad Rayon Məhkəməsinin sədri Füzuli Pənahov xidməti vəzifələrinin icrasına laqeyd münasibət bəsləyərək məhkəmədə işin təşkilinə və məhkəmə aparatının işinə rəhbərliyi lazımi səviyyədə həyata keçirməmiş, icra və əmək intizamına əməl edilməsini təmin etməmiş və çoxsaylı qanun pozuntularına yol vermişdir. Müəyyən edilmişdir ki, məhkəmədə ədalət mühakiməsinin həyata keçirilməsinin əsas prinsiplərinin və şərtlərinin pozulması, həmçinin süründürməçilik hallarına yol verilməsi bir çox hallarda prosessual qanunvericiliyin tələblərinin kobud pozulmasına səbəb olmuşdur. Rayon məhkəməsində seçmə üsulu ilə öyrənilmiş 156 iş və material üzrə 300-dən çox qanun pozuntusu aşkar edilmişdir.
Təsəvvür edirsiniz, 300-dən çox qanun pozuntusu. Bu hələ harasıdır? MPM-in 227.3-cü maddəsinə əsasən məhkəmənin qətnaməsi işdə iştirak edən şəxslərə tərtib edildikdən sonra 3 gün ərzində rəsmi qaydada verilməlidir. Qanunun bu tələbinə baxmayaraq hakim F.Pənahov qətnamələri tərəflərə 1ay, bəzən 2 ay sonra verirmiş, hətta boşanmaq istəyənlərdən qətnaməni vermək üçün pul alırmış. Nə isə uzun-uzadı MHŞ-nın qərarındakı detallara varmaq istəmirik. Bəli, sonra qərar belə olub: Sabirabad Rayon Məhkəməsinin sədri Pənahov Füzuli Novruzəli oğlu intizam məsuliyyətinə cəlb edilməklə ona töhmət elan edilsin.
Doğrudan da dəhşətdir ee...300 qanun pozuntusu və töhmət. Adam az qalır desin ki, hakim olmaq üçün içdiyin AND sənə qənim olsun, Pənahov. Nə isə indi gəlin görək, Pənahovun keçmişi kim, nəçi olub.
Məlumat üçün qeyd edək ki, Füzuli Pənahov 1990 – 2000-di illərdə Zəngilan Rayon Məhkəməsinin hakimi, 2000 – 2007-ci illərdə Astara Rayon Məhkəməsinin sədri, 2007 – 2017-ci illərdə Quba Rayon Məhkəməsinin sədri olub, hazırda Sabirabad Rayon Məhkəməsinin sədridir. Füzuli Pənahov hakim kimi ilk “siftə”sini Zəngilanda on bir nəfərdən, hər birindən 65 min manat alaraq həbsdən buraxmağa söz verib...beləcə “rüşvətxorluq” fəaliyyətinə başlayıb. Və neçə ildir o pulu geri qaytarmaq istəmir. Füzuli Pənahov Qubada məhkəmə sədri işləyərkən elə bir səhvə-cinayətə yol verib ki, heç savadsız kənd mollası da belə etməzdi.
Təsəvvür edirsiniz, torpaq-mülkiyyət çəkişməsində adı keçən şəxslərdən biri 4 aydır əsgərlikdə, həqiqi hərbi xidmətdə olduğu halda hakim onun guya məhkəmə prosesində olduğunu məhkəmə sənədlərində qeyd edib. Bunun üstü açılanda Füzuli Pənahov nə desə yaxşıdır: Olub də, texniki səhvdir. İnsanların mülkiyyətlə bağlı TALEHİ həll olunan vaxtda, doğrudanmı, hakim texniki səhvə yol verib, yoxsa, külli miqdarda rüşvət alıb ?
Füzuli Pənahov Qubada məhkəmə sədri olduğu vaxt 9 yaşlı uşağın başına açılan oyunlar, işgəncələr az qala ölkəni silkələmişdi. Xeyli sayda deputat, Qadın-Ailə-Uşaq komitəsi sərt şəkildə məhkəməyə etirazını bildirmişdi. Füzuli Pənahovun yığdığı rüşvət onu o dərəcədə....o hər yerdə deyir ki, Ali Məhkəmənin sədri Ramiz Rzayevin yaşı 70-i keçib, mən niyə getməliyəmki?
Bu adam özünü gah zəngilanlı, gah da saatlılı, gah sabirabadlı, gah lökbatanlı kimi qələmə verir. Buna başa salan yoxdur ki, yerini-yurdunu danma. Əldə etdiyimiz məlumatlara görə, Füzuli Pənahov hal-hazırda Zəngilanlıdır, çünki Sabirabadlı olaraq, Sabirabadın məhkəmə sədri olmaq olmaz. Görün saxtakarlıq hansı həddə çatıb. Biz eşitdiyimizi yazmışıq, səhvdirsə Füzuli Pənahov desin ki, səhvdir.
P.S. Növbəti sayımızda Füzuli müəllimin şəxsiyyət vəsiqəsi ilə bağlı müəmmalı məsələlərə toxunaçağıq.
gundelik baki.com

Mədəniyyət sahəsi cəmiyyət üçün çox vacib sferalardan biridir. Sovetlərin dağılma ərəfəsində Azərbaycanda bir “bambılı” ləqəbli birinci katib var idi, Əbdürrəhman Vəzirov. Onun vaxtında, yəni 1988-ci ildə Vəzirov Mədəniyyət nazirliyinə Polad Bülbüloğlunu nazir təyin etdi. Yeri gəlmişkən, Polad Bülbüloğlu bunu gizlətmək üçün öz tərcümeyi-halında yazır ki, guya 1991-ci ildən nazir olub.
Sözün qısası, Vəzirovun, sonra prezident Ayaz Mütəllibovun, daha sonra prezident Elçibəyin sevimlisi olan mədəniyyət naziri Polad Bülbüloğlu düz 2006-cı ilə kimi nazir oldu. Onun vaxtında muzeylərdən nələr satıldı, bunu gələcəkdə araşdıracaqlar. Buna vaxt ayırmaq istəmirik. Nəhayət 2006-cı ildə Əbülfəz Qarayev mədəniyyət naziri təyin olundu. Və 2020-ci ilin may ayının 21-dək mədəniyyət naziri oldu. Onun dövründə bütün kitabxanalar dönərxanalara, gözəllik salonlarına çevrildi, kinoteatrların binası söküldü, yerində uca binalar tikildi, korrupsiya dəhşətli həddə çatdı. Nəhayət 2020-ci ildə Əbülfəz Qarayevin müavinləri, departament rəhbərləri həbs olundu. Onlar məhkəmədə açıq şəkildə bildirdilər ki, biz musiqi məktəblərindən və digər mədəniyyət obyektlərindən aldığımız pulları nazir Əbülfəz Qarayevə verirdik. Bütün bunlara baxmayaraq müavinləri və departament rəhbərləri həbs olunsa da Əbülfəz Qarayev həbsdən canın qurtara bildi. Və onu 2020-ci ildə nazir Anar Kərimov əvəz elədi. Hamı düşünürdü ki, Əbülfəz Qarayevin biabırçı əməllərindən sonra yeni nazir Anar Kərimov çalışar ki, cənab Prezident İlham Əliyevin etimadını doğrultsun.
Təəssüf ki, Anar Kərimov öz sələflərindən də biabırçı işlədi, hətta 2 il də vəzifə də qala bilmədi. Onun dövründə hətta Kukla Teatrı da korrupsiya və rüşvətə görə ittiham olundu. Təsəvvür edirsiniz, təzə nazir 40 gün də normal işləyə bilmədi. Belə biabırçı nazirin sevimli kadrlarından biri də Kürdəmir Regional Mədəniyyət İdarəsinin rəisi Faiq Xudanlıdır. Bu yazıda onun cinayət əməllərindən bəhs etmək istəyirik.
Belə ki, Azərbaycan Respublikası Mədəniyyət Nazirliyi Kürdəmir Regional Mədəniyyət İdarəsinin rəisi Elman Məmmədov vəzifədən azad ediləndə hamı düşündü ki, regionun mədəniyyət sferasında ciddi müsbət dəyişikliklər olacaq. Amma bütün camaat deyir ki, Allah Elman müəllimin ölənlərinə rəhmət eləsin.
Məlumat üçün qeyd edək ki, cənab sabiq nazir Anar Kərimovun əmri ilə Faiq Elman oğlu Xudanlı Kürdəmir Regional Mədəniyyət İdarəsinin rəisi vəzifəsinə təyin olunub. Onu da qeyd edək ki, Kürdəmir Regional Mədəniyyət İdarəsi İmişli, Beyləqan, Xocavənd və Füzuli rayonlarını əhatə edir. Təsəvvür edirsiniz bu qədər ərazidəki musiqi məktəblərinə nəzarəti Kürdəmir Uşaq İncəsənət Musiqi məktəbinin müdiri Qəndab Zülfüqarova edir. Adama deyərlər ki, kimdir bu qadın..? Məlumat üçün qeyd edək ki, Qəndab Zülfüqarova Faiq Xudanlının müavini Vaqif Alıyevin “çox yaxın” adamıdır. Daxil olan məlumatlardan bəlli olur ki, məhz Vaqif Alıyevin dəstəyi ilə Qəndab Zülfüqarova musiqi məktəblərində işləyən müəllimlərin dərs saatlarını artıraraq hər ay külli miqdarda pul toplayaraq Faiq Xudanlıya çatdırır. Yeri gəlmişkən, Faiq Xudanlı xeyli müddət Mədəniyyət Nazirliyinin Katibliyində çalışıb. Və Kürdəmir Regional Mədəniyyət İdarəsinə rəsi təyin olunan kimi 2 məktəb direktorunu vəzifəsindən uzaqlaşdırıb.
Təsəvvür edirsiniz, təzə məktəb direktorları nazirlik tərəfindən təsdiq olunmayıb, amma direktor vəzifələrini icra edirlər. Bəli, Faiq Xudanlı özünün Füzuli rayonu üzrə nümayəndəsi Elşad Cəfərovun əli ilə Füzuli rayon 3 nömrəli uşaq musiqi məktəbinin direktorunu da işdən azad edərək yerinə Əhmədova Lamiyə Fəxrəddin qızını direktor təyin edib.
Bundan başqa Faiq Xudanlı Füzuli rayonunun Aybasanlı kənd uşaq musiqi məktəbinin direktorunu da heç bir əsas olmadan işdən azad edərək direktor vəzifəsinə orta ixtisaslı Anar Əliyevi təyin edib. Yəni Faiq Xudanlı musiqi təhsili olan şəxsləri direktor vəzifəsindən azad edərək, onların yerinə, ümumiyyətlə, musiqi təhsili olmayan şəxsləri təyin edib. Faiq Xudanlının 3 nömrəli uşaq musiqi məktəbinə direktor təyin etdiyi Lamiyə Əhmədova az vaxtda musiqi təhsili olmayan şəxsləri musiqi məktəbinə işə götürüb. Məktəbdə dərs saatları ilə bağlı ciddi narazılıq yaranıb. Təsəvvür edirsiniz başqa müsiqi məktəbində dərs deyən şəxs digər musiqi məktəbində direktordur. Axı, əsasnaməyə görə, 32 saat dərs yükü olan müəllim həftənin 6 gününü mütləq məktəbdə olmalıdıır. Həm də nəzərə almaq lazımdır ki, məktəbin biri Xətai rayonunda, o biri isə Qaradağ rayonunun Qobu qəsəbəsində yerləşir.
Bəli, Faiq Xudanlının direktor təyin etdiyi Anar Əliyev Xətai rayonu ilə Qaradağ rayonu arasında qalıb. Bəli, Lamiyə Əhmədovanın Faiq Xudanlının yanında sözü o qədər ötkəmdir ki.... Hətta Lamiyə Faiq Xudanlıya əmr formasında deyib ki, məni Mehdiabaddakı Musiqi məktəbinə direktor təyin elə.... Və Faiq Xudanlı həmin gün Lamiyəni Mehdiabaddakı Musiqi Məktəbinə direktor təyin edib. İndi isə gəlin Faiq Xudanlının “siyasi keçmişinə” nəzər salaq. Bəli, Faiq Xudanlı keçmiş müsavatçı olub, hətta 2003-cü ildə Prezident seçkilərində İsa Qəmbərin seçilməsi üçün şəhərdə stabilliyi pozmağa çalışanlardan biri olub. Amma uğursuzluğu görən kimi, Yeni Azərbaycan Partiyasına daxil olaraq özünə karyera qurmağa başlayıb. Faiq Xudanlının özünün dediyinə görə, sabiq nazir Anar Kərimovun həyat yoldaşı ilə onun həyat yoldaşı bir məktəbdə oxuyublar, rəfiqə olublar…
Sözün qısası, bu gün də Faiq Xudanlı musiqi məktəblərinin direktorlarını məcbur edir ki, könüllü ərizə yazıb işdən çıxsınlar. Məqsəd boş qalan direktor yerlərini “satışa çıxarmaqdır”. Bütün bunlardan sonra bizi bir sual düşndürür: Faiq Xudanlının “ağası” sabiq nazir Anar Kərimov biabırçı şəkildə vəzifəsindən qovuldu.
Görəsən, Prezidentin sərəncamı ilə mədəniyyət nazirinin 1-ci müavini təyin edilən və nazir vəzifəsini icra edən Adil Kərimli sabiq nazirin dostu Faiq Xudanlının cinayət əməlləri barədə nə düşünür..?
Qarşı tərəfin mövqeyni dərc etməyə hazırıq.
gundelik baki.com

Klinikanın direktoru Surxay Musayevin əməlləri ...

Sözün düzü, vergi borcu Azərbaycanda ciddi problemə çevrilib. Kifayət qədər gəlirlə işləyən biznes qurumlarının, şirkətlərin dövlət büdcəsinə olan borcu ölkə iqtisadiyyatına ciddi zərbə vurur. Bu gün Azərbaycanda ən gəlirli sahələrdən biri də dərman biznesi və xəstəxanalardır. Dərmanların qiyməti durmadan artır, bu barədə hətta Milli Məclisin tribunasından deputatlar həyəcan təbili çalır.
Xəstəxanalara gəldikdə isə neçə illərdir ki, ölkə mətbuatı yazır ki, adi müayinə, rentgen qiymətləri nəinki kasıb, heç orta təbəqənin də imkanlarına uyğun deyil. Biz hələ ağır cərrahi əməliyyatlardan, orqan plantasiyasından-zaddan danışmırıq. Ona görə də az-çox imkanı olanlar qarnı ağrlyan kimi xarici ölkələrə, İrana, Türkiyəyə üz tuturlar.
Sözümüzün canı odur ki, bu gün Azərbaycanda ən çox pul qazanan müəssisələrdən biri, səhiyyə müəssisələri, tibbi klinikalardır. Biz özəl klinikalara toxunmaq istəmirik. Onların öz əlləri, öz başlarıdır. Bəs, dövlətin ayırdığı milyonların hesabına fəaliyyət göstərən klinikalar niyə əhaliyə çox baha qiymətə qulluq edirlər və vergdən küllü miqdarda yayınırlar. Hamıya məlumdur ki, Azərbaycan Tibb Universitetinin nəzdində xeyli sayda klinikalar fəaliyyət göstərir. Məsələn, Onkoloji klinika, Tədris Cərrahiyyə Klinikası, Tədris Stomatoloji Klinika və s. Bir daha qeyd edirik ki, bu klinikalar özəl deyil, heç kimin atasının, babasının pulu ilə ərsəyə gəlməyib, bir başa dövlətin ayırdığı milyonların hesabına müasir avadanlıqlarla təchiz olunublar.
Biz bir media olaraq Onkoloji Klinikada baş verən qanunsuzluqlardan kifayət qədər yazmışıq. İndiki yazının yazılmasına səbəb isə bir müddət öncə yayılan məlumat oldu. Belə ki, yayılan xəbərdən bəlli olur ki, böyük miqdarda vergi borcuna görə, Tibb Universitetinin Tədris-Terapevtik Klinikasının direktoru Surxay Musayevə “STOP” qoyulub, yəni ölkədən çıxa bilməz.
Təsəvvür edirsiniz, qiymətləri “od kimi əl yandırdığı” klinikanın dövlətə külli miqdarda vergi borcu var. Və Dövlət Vergi Xidməti Klinikanı məhkəməyə verib. Qeyd edək ki, Surxay Musayev professor, "əməkdar həkim" və əməkdar elm xadimidir. O, 2010-cu ildən Tədris-terapevtik Klinikasının direktorudur.
Təsəvvür edirsiniz, cənab Prezident İlham Əliyevin qayğısı nəticəsində yaranmış Klinikada ancaq varlı, zəngin adamlara qulluq edilir. Və külli miqdarda borcu yaranıb. Bəs görəsən, direktor Surxay Musayev xəstələrdən aldığı külli miqdarda pulları kimə verib..?
Təsəvvür edirsiniz, klinikaya müraciət edən xəstələr həkimlərin qəbuluna düşmək üçün 60 manat ödəməlidir. Həmin xəstə təkrar qəbula gələrsə yenidən 60 manat ödəməlidir. Və xəstələrin ödədiyi pullara görə, heç bir qəbz-zad verilmir. Bu boyda klinika dövlətin pulu ilə yaradılıb, amma bir nəfər əlilə, qaçqına, məcburi köçkünə, qaziyə güzəşt edilmir.
Sözün qısası, klinika Surxay Musayevin öz şəxsi, özəl qaydaları ilə idarə olunur. Hətta rektor dəyişib, ATU-ya Gəray Gəraybəyli rektor təyin olunanda çoxları düşünürdü ki, bəlkə müsbətə doğru nəsə dəyişə bilər. Amma o gözlənti də özünü doğrultmadı.
Bəli, Surxay Musayevin yaxın adamları qəbul şöbəsində oturub gələn xəstələrdən pul almaqla məşğuldurlar. Ən dəhşətlisi odur ki, klinikadan edilən şikayətlər, Səhiyyə Nazirliyinin “qaynar xətt”inə edilən zənglər araşdırılmır, bu istiqamətdə müsbətə doğru hər hansı ölçü götürülmür. Bəs görəsən, Surxay Musayevin keçmişi kim, nəçi olub. Onun tərcümeyi-halına nəzər salanda bəlli olur ki, bu adam 1974-82-ci illərdə Azərbaycan Dövlət Tibb Universitetinin KOMSOMOL təşkilatına, 1983-88-ci illərdə universitet PARTİYA komitəsinə, 1994-2010-cu illərdə universitet HƏMKARLAR ittifaqı komitəsinə rəhbərlik etmişdir. Şərhə ehtiyac varmı..?
Bəli, “profsoyuzda” çalışanda “putyovka” satmaqla məşğul olan, professor, “Əməkdar elm xadimi” indi də dövlətin büdcəsinə çatası vergini mənimsəyir.
P.S. Belə etməyin cənablar, dövlətin vergisini vermək onun sütunlarını möhkəmləndirmək deməkdir. Yəni sizin tamahınız o qədər üstündür ki, dövlət hesabına qazanılan pulları yemək bir yana, hətta dövlətə çatası pullarıda mənimsəyirsiniz. Bunun aqibəti isə yaxşı olmayacaq, biləsiniz.
Dövlət sizi cəzalandıracaq.gundelik baki.com/

2017-ci ildən 2021-ci ilə qədər Naxçıvan şəhərinin 10 saylı orta məktəbinin direktoru olmuş Anaxanım Axundova redaksiyamıza şikayət məktubu göndərib. Məktubdan belə anlaşılır ki, onun işdən uzaqlaşdırılmasının səbəbi MR Təhsil naziri Plaket Rəhmanla Naxçıvanın baş leşyeyəni Azər Zeynalovun “ölü canlar” siyasətinə qulluq etməməsi olub.
Doğrusu, Anaxanım müəllimənin bu iddialarına təəccüblənmədim. Naxçıvanda hər kəs Azər Zeynalovu baş “leşyeyən” kimi tanıyır. Leşyeyənlər üçün isə “ölü canlar” diri canlardan daha dəyərlidir və onların bu siyasətinə qarşı çıxanlar mütləq cəzalanmalıdırlar. Görünür, Naxçıvanın Təhsil naziri Rəhman Məmmədov da başını başlara qoşmaq istəyib və gedib baş “leşyeyən”ə qoşulub.
Bəs təhsildə “ölü canlar” nədir?
Anaxanım müəllimənin iddiasına görə, “ölü canlar” Naxçıvan məktəblərində keçirilmədiyi halda adına yalandan maaş yazılan xəyali müəllimlərdir. Həmin xəyali müəllimlərin adına yazılaraq mənimsənilən maaşlar yuxarı orqanlardan müfəttişlər gələndə məktəbin təmir işlərinə xərclənmiş kimi göstərilir. Anaxanım müəllimədən də bunu tələb ediblər, məktəb direktoru isə tələblə razılaşmayıb. Dərhal sertifikasiya imtahanı keçirilib və Anaxanım Axundova o “imtahan”da “uğur qazana” bilməyib. Halbuki həmin hadisədən 2 il əvvəl, yəni 2019-cu ildə Azərbaycan Müəllimlər və Direktorlar Şurası tərəfindən Naxçıvan Muxtar Respublikasının məktəb direktorlarının “Məktəbin İdarə Olunması” adlı təlimi və imtihanı keçirilib, Anaxanım müəllimə isə sözügedən imtahanda 100 baldan 89 bal toplayaraq birinci dərəcəli sertifikata layiq görülüb. Görünür, Naxçıvan leşyeyənlərinin tərtib etdiyi imtahanlar ya istənilməyən kadrların işdən uzaqlaşdırılması, ya da dövlət məmurlarından külli miqdarda rüşvət alınması üçün keçirilirmiş.
Naxçıvanda dəbdə olan ilginc qarğış: “Səni görüm, Cavanşir Qəriblinin imtahanına “düşəsən””
Maraqlıdır ki, eyni iddiaları biz başqa şəxslərin dilindən də eşitmişik. Bəzi məmurların sertifikasiya imtahanından 5, 10 bal toplanmasını tənqid atəşinə tutduğum zaman həmin məmurun yaxınları mənə maraqlı qarğış tökmüşdülər: “Kaş, Allahın altında Naxçıvan Muxtar Respublikasının Dövlət İmtahan Mərkəzinin İsmayıl Cavanşir oğlu Qəribli sizdən esse imtahanı götürərdi. Görüm, onun imtahanından neçə alardınız?”.
Çox uzatmadan, Anaxanım Axundovanın redaksiyamıza göndərdiyi şikayət məktubunu olduğu kimi yayımlayırıq.

“Mən Axundova Anaxanım Zöhrab qızı 1970 ci ildə Naxçıvan şəhərində anadan olmuşam. İlk təhsilimi Naxçıvan şəhər Əli Sultanlı adına 10 № tam orta məktəbdə almışam. Həmin məktəbi 1987-ci ildə əla qiymətlərlə bitirib Naxçıvan Dövlət Universitetinin Pedaqogika və Psixologiya fakültəsinin məzunu olmuşam. İxtisasca ibtidai sinif müəllimiyəm. Azərbaycanın tanınmış pedoqoqlar nəslinin, Təhmasiblər nəslinin nümayəndəsiyəm. Məmmədhüseyn Təhmasib,Rza Təhmasib, Məzahir Daşqın, Dilbər Təhməzbəyova, Vahid Axundov kimi tanınmış və nüfuzlu şəxslərin irsini daşıyıram. Babam Vahid Axundov bəstəkar olmuş, 1959-cu il yanvarın 11 də Naxçıvan Dövlət Mahnı və rəqs ansamblını yaratmışdır. “O Naxçıvandır, Nəqşi-cahandır” mahnısının müəllifi Vahid Axundovdur.
Nənəm Dilbər Təhməzbəyova 1941-1945 ci illərdə Böyük Vətən müharibəsinin iştirakçısı olmuşdur. Azərbaycanın nüfuzlu zabit qadını olaraq Türk dünyası Ensiklopediyasında yer almışdır.
Atam Zöhrab Axundov Prezindent mükafatçısı, Naxçıvan Muxtar Respublikasının Əməkdar artistidir. Uzun illər Naxçıvan Dövlət Filarmoniyasının Mahnı və Rəqs Ansamblının bədii rəhbəri vəzifəsində çalışmışdır. Hal-hazırda təqaüddədir.
Mən 1995-ci ildən Naxçıvan şəhər Əli Sultanlı adına 10 № li tam orta məktəbdə müəllimə vəzifəsində işləyirəm. 2017-ci ildə Naxçıvan şəhər 10 №li məktəbə direktor təyin olundum. Direktor çalışdığım müddətdə iki nazirin idarəçiliyi dövrünü gördüm. Bir il tam rahat və incidilmədən məktəbi yüksək səviyyədə həvəslə və sevə-sevə vəzifəmi icra etdim. Rəhman Məmmədov Təhsil naziri təyin edildikdən sonra təhsildə bir çox dəyişikliklər baş verdi. Belə ki, vaxtı ilə işindən haqlı olaraq uzaqlaşdırılan, özü kimi təhsildən xəbəri olmayan Azər Zeynalovun kadrları və eyni zamanda iş yoldaşı olmuş Rəşad Əlizadəni vəzifəyə gətirdi. Biz direktorun qara günü elə o gündən başaldı. Təziqlər olundu və maliyyə pozğunluğuna yol verməyim tələb olundu. Mən isə bunu etmədim. Dəfələrlə məndən tələb olundu ki, məktəbdə adları olub özləri olmayan “ölü canlar” deyilən şəxslərə aid məvacibin məktəbə xərcləndiyini Ali Məclisin yoxlama monitorinq qrupuna söyləyim. Mən isə bu tələbi rədd edib dedim ki, əmək haqqından hər ay məktəbə xərclədiyim halda məni bu yalana sövq etməyin.

2021-ci ildə aprel ayının əvvəli idi. Naxçıvan şəhər Təhsil şöbəsinin müdiri Baba Əliyev mənə zəng edərək bildirdi ki, Naxçıvan şəhər Təhsil şöbəsinə gəlməyiniz lazımdır. Təhsil şöbəsinə getdim, Baba Əliyev çox təssüflə mənə dedi ki, sizin kimi direktoru itirmək mənə çox çətindir ama bu məndən tələb olunur, sizin ərizənizi almalıyam. Mən səbəbini soruşanda, cavab verərək bildirdi ki, sertifikasiyanı bəhanə edirlər, heç özüm də bilmirəm, nə məsələdir. Mən bildirdim ki, sizin məndən dəfələrlə tələb etdiyiniz “qanunsuz işlərə görə etiraz olaraq aldığım mükafatdır”. Təkidlə ərizəni yazmayacağımı bildirib,nazir Rəhman Məmmədovun məni qəbul etmesini tələb etdim. Lakin, cavab olaraq bildirildi ki, məni nazirin özü yox, müavini Ovni Muradov qəbul edəcək. Ovni Muradov məni qəbul etdi, masanın üzərinə kağızla, qələmi çırparaq təkidlə bildirdi ki, ərizəni yaz.
Ovni Muradov narahat vəziyyətdə dedi: Müəllimə, siz mənim üçün çox yaxşı kadrsınız, amma mənlik bir şey yoxdur, aparat rəhbərindən belə göstəriş gəlib. Mən cavab olaraq bildirdim ki, sizin müavin olaraq aparat rəhbərindən tapşırıq almağınız nə dərəcə doğrudur? O mənim sualımı cavablandırmadan nazirə zəng vurdu və bildirdi ki, Axundova ərizəni yazmır, məni sual atəşinə tutub. Nazir Rəhman Məmmədov “qov getsin və yetmiş ikinci maddə ilə əmək kitabçasına işdən azad olma əmrini verin”, - dedi və əgər istefa ərizəsi yazmazsam ailə üzvlərimin işlədiyi iş yerlərindən qovulacaqları ilə məni hədələdi. Bunun Azər Zeynalovun tələbi olduqunu bildirdi və qeyd etdi ki, sertifikasiya imtihanından keçməyən direktorların vəzifədə işləməsi mümkün deyil. Mən bildirdim ki, 5 bal, 7 bal toplayan direktorlar Rəşad Əlizadənin və Rəhman Məmmədovun rüşvət qılıncının altından keçərək onları razı salıb, istədikləri məbləği verərək bu günə qədər məktəblərdə arxayın şəkildə vəzifələrini icra edirlər.
Məlum oldu ki, bir il əvvəl İsa Həbibbəylinin əmri ilə Rəhman Məmmədova bir neçə kadrların yerləşdirilməsi əmr olunub və bildirilib ki, mütləq adı çəkilən adamlar getməli və siyahı üzrə bu şəxslər vəzifəyə gəlməlidirlər. Qeyd edim ki, Dövlət İmtihan Mərkəzinin rəhbəri də Rəşad Əlizadənin və Rəhman Məmmədovun iş ortağıdır. İstədikləri müəllimi bal toplamadığı halda imtihandan keçirirdilər, mən də bu əməliyyatın günahsız qurbanına çevrildim.

2019-cu ildə Azərbaycan Müəllimlər və Direktorlar Şurası tərəfindən Naxçıvan Muxtar Respublikasının məktəb direktorlarının “Məktəbin İdarə Olunması” adlı təlimində və imtihanından 100 baldan 89 bal toplayaraq birinci dərəcəli sertifikata layiq görülmüşəm. Dəfələrlə məqalələrimi başqa gənc müəllimlərə sataraq onları Qrand Lahiyələrə qoşub reklam edərək Əməkdar Müəllim adını veriblər. Qeyd etmək istəyirəm ki, Naxçıvan şəhər İcra Hakimiyyəti yoxlamalar zamanı məktəbin yaxşı işini qeyd edib və eyni zamanda idarəçilik və təhsilin səviyyəsini yüksəltdiyim üçün məktəb infrastrukturunun qorunub saxlanmasında yaxşı işlərimə görə və məktəbdə çətin tərbiyə olunan şagirdlərin olmadığı üçün, ailə başçılarını itirmiş şagirdlərimə daima qayğı ilə yanaşmamı nəzərə alaraq və vətəndaş tərəfindən heç bir şikayətin olmadığını və dəfələrlə valideynlərin təşəkkürünü bir sözlə problemsiz sağlam bir mühiti yaratdığım üçün, nüfuzlu Ali məktəblərə şagird yetişdirdiyim üçün, hərbi məktəbə qəbul nəticələrinə görə məni Fəxri Adla təltif olunmağımı Naxçıvan Şəhər İcra Hakimiyyəti Ali Məclisə bildirdi. Bundan xəbər tutan Rəhman Məmmədov Azər Zeynalova bildirdi ki,mənim təqdimatım olmadan İcra Hakimiyyəti niyə bu sənədləri sizə göndərib? İclasda qeyd etdi ki, siz karyeranızı o vaxt yüksəldə bilərsiniz ki, mənim razılığım ola. Buna görə də mənim bu fəaliyyətimi geridə qoydular. Dəfələrlə nazirin qəbuluna düşmək istədim, lakin qəbul etmədi.

Fikirləşdim ki, biz vətəndaşın qayğısına qalan, daima xalqına sevə-sevə xidmət edən nüfuzlu bir ailəyik. Doğrusu ləkələnməkdən qorxdum. Bu gün isəçox əzmlə bu məktubu yazıram, inanıram ki, ədalət gec-tez qalib gələcək və bu məktubun həmin zəfərdə mühüm rolu olacaq. Cənab Prezidentimizin Naxçıvana nümayəndə təyin etməsini mediada görəndə anladım ki, səbr - ən dəyərli psixoloji mübarizə silahı imiş. Bunlar bir iftira deyil!31 illik nüfuzlu müəllim olaraq şagirdlərimi və cəmiyyəti sevib bağrıma basan bir Azərbaycanlıyam.
Hörmətlə: Anaxanım Axundova”.
Heydər Oğuz
Teref.az

Hər kəsin dilində bu söz var: "Ən böyük hakim Allahdır" və bildiyimiz qədərilə konstitusiyada da ədalətli qərarlar verə bilmək üçün müqəddəs kitablardan (Qur'ani Kərim) istifadə edilib.

Lakin, nəinki həbsxanalarda olmuş, ümumiyyətlə ömründə bir dəfə də olsun məhkumluq həyatı yaşamış, yaxud hər hansı bir hüquqi cəza almış bir kimsəni dindirən kimi o, da ona qarşı hakim ədalətsizliyindən gileylənir.

Əvvəllər bu çoxumuza gülməli görünürdü. Amma, necə deyərlər "heç vaxt, heç kimi, heç nədə qınama, başına gələr".
Bəli, gəldi də. Özü də birimizin, yaxud bir neçəmizin deyil, demək olar ki, xalq olaraq hamımızın başına gəldi. Dünya malına hərislik, pul sevgisi Allah, ədalət sevgisini üstələdi. Yavaş-yavaş ədaləti bərpa etməli olan hakimlər, müdafiə etməli olan vəkillər əlbir olub, özləri də satıldılar, ədaləti də satdılar.

İndi ölkədə nə məhkəməyə, nə hakımə, nə də "açıq bazara çıxarılmış ədalət"ə inamımız qalmayıb. Yuxarıda da qeyd etdiyimiz kimi, bu inamsızlığı yaradan qanunla ədaləti və insanların hüququnu müdafiə etməli olan hakimlər, vəkillər və cinayətlərin araşdırılmasında məsul olan digər səlahiyyət sahibləridir.
Əslində belə şəxslər bununla həm də öz təhsillərini və vəzifəyə təyinatlarını şübhə altına salırlar. Çünki, mayalarının rüşvətlə yoğrulduğunu öz əlləri və nəfsləri ilə aşkarca bəlli edirlər.

Ədalətsiz qərarları ilə insanları ölkə qanunlarından, konstitusiyadan, dövlətdən, dövlətçilikdən sözün əsl mənasında iyrəndirən hakimlərdən biri də çoxlarının dediyinə görə Ağır Cinayətlər məhkəməsinin hakimi Eldar İsmayılovdur.
O Eldar İsmayılov ki, əvvəllər MTN-də çalışıb.
Hazırda Bakı Ağır Cinayətlər Məhkəməsinin hakimidir.
Verdiyi ədalətsiz qərarları ilə buvaxta qədər çox vətəndaşları narazı salıb ki, onlardan bir neçəsi barəsində sosial şəbəkələrdə və bəzi xəbər portallarında məlumatlar dərc edilib.

Belə ki, "DogruXeber.az"a Eldar İsmayılovun ədalətsiz qərarından narazılıqlarını danışan Əsgərov Kamal Aydın oğlu hazırda 30.000 (üç yüz min) manat ziyana düşdüyünü və məhz bu səbəbdən öz evində kirayə qaldığını deyir.

Kamal Əsgərov bildirir ki, "Rüstəmov Mətləb İxtiyar oğlu mənə qarşı dələduzluq edib və məni 300.000 (üç yüz min) manat ziyana salıb.
Qeyd edim ki, mən onun aldatdığı ilk adam deyiləm. Məndən əvvəl də 5 nəfəri aldadıb, evsiz-eşiksiz qoyub. Hətta, aldatdığı adamlardan birinin ürəyi partlayıb ölüb. Rəhmətliyin övladları da məhkəmədə dedilər, "Mətləb Rüstəmov qatildir, o, bizim anamızı öldürüb".

Mətləbə dələduzluğa görə əvvəllər də həbsxanada olub. Azadlığa çıxdıqdan sonra, yenə öz "məsləyi"ni davam etdirib. Yəni, dələduzluq etməkdə davam edib. Mənim bildiyim, buvaxta qədərki sonuncu qurbanı hələ ki, mənəm. Amma, görünür Mətləb Rüstəmovun vəkili olan Elçin Sadıqovun və Ağır Cinayətlər Məhkəməsinin hakimi Eldar İsmayılovun sayəsində onun mənim kimi qurbanları hələ çox olacaq.

Təsəvvür edin, 2011-ci ildə məndən əvvəl aldatdığı adamlar Mətləb Rüstəmovun barəsində şikayətçi oldu və o, cinayət məsuliyyətinə cəlb olundu.

Lakin, mən şikayətçi olmadım. Baxmayaraq ki, 2011-ci ildə Mətləb mənim də evimi girov qoyub, "Muğan bank"dan 94.000 (doxsan dörd min) dollar kredit götürüb və həmin pulu mənimsəmişdi.
Düşündüm, insandır, həbsdən çıxar, ödəyər.
Beləliklə, ona cinayət məcəlləsinin 178.2.3 - cü maddəsi ilə cinayət işi açıldı və məhkəmənin qərarı ilə Mətləb Rüstəmov 9 il yarım müddətinə azadlıqdan məhrum edildi.

Bir də baxdım ki, ödənişlər ödənilmədiyi üçün "Muğanbank" evimi satışa çıxarmaq istəyir. Məcburiyyət qarşısında min bir əziyyətlə başqa bankdan kredit götürüb, Mətləbin "Muğanbank"a olan kredit borcunu bağladım və başladım hər ay həmin bankə ödəniş ödəməyə.

Artıq, 5 ildir ki, hər ay 1250 (min iki yüz əlli) manat ipoteka krediti ödəyirəm. Bugünə qədər 70.000 (yetmiş min) manat ödəmişəm. Bu da o deməkdir ki, öz evimdə 5 ildir kirayə yaşayıram. Hələ bundan sonra da 130.000 (yüz otuz min) manat - yəni, 23 il də əlavə ödəməliyəm.

Mənim hazırda 47 yaşım var, 23 də bundan sonra - belə çıxır ki, mən 70 yaşıma qədər bu zülmü çəkmək məcburiyyətindəyəm. Yəni, Mətləbin keyiflə xərclədiyi pulu mən bir ömür zülmlə, əziyyətlə ödəməliyəm.

Yeri gəlmişkən, Mətləb Rüstəmov ona verilən 9 il yarım həbs cəzasının 7 ilini çəkdi, qalan iki il yarımını şərti azadlığa buraxılıb.

O, şərti azadlığa çıxdıqdan sonra mən Mətləblə danışdım, vəziyyəti dedim və pulu artıq ödəməyə başlamasını dedim. Bu dəfə o kobudcasına "Vermirəm, get hara deyirsən, de" - dedi.

Yalnız bundan sonra mən də 2020-ci ildə onun barəsində şikayətçi oldum və o qalan iki il yarım müddətlik cəzasını çəkmək üçün həbs edildi. Hazırda həbsdədir.

Mən Mətləb barəsində o həbsdə ola-ola iddia qaldırdım və 27.12.2022-ci il tarixində keçirilən məhkəmədə hakim Eldar ismayılov ona yenidən 7 il 10 ay müddətinə "azadlıqdan məhrumetmə" cəzası təyin etdi.

Lakin, məni işin tamam başqa tərəfi narahat edir.

Baxın!
Cinayət məcəlləsində 12 il "Məsuliyyətə cəlb olunma müddəti" var. "Məsuliyyətə cəlb olunma müddəti"nə görə 2023-cü ilin aprel ayında Mətləb Rüstəmov məsuliyyətdən azad olunacaq.

Onun vəkili ona verilən 7 il 10 ay həbs cəzasından appelyasiya şikayəti verəcək, qərar qüvvəyə minməsin deyə, onu da müxtəlif yollarla hakimlə əlbir olub uzadacaqlar aprel ayına qədər və aprel ayında da avtomatik olaraq, cinayət işi bağlanacaq və Mətləb Rüstəmov məsuliyyətdən azad olunacaq.

Bu qanunda belədir, buna sözüm yoxdur. Amma, təsəvvür edin ki, məhkəmə müddətini onun vəkili ilə hakim Eldar İsmayılov əlbir olaraq, 1 il 3 aydır ki, müxtəlif bəhanələrlə uzadırlar. Gah vəkili Elçin Sadıqov deyir, "bu gün filan yerə uçacam, təyyarəyə gecikirəm", gah digər bəhanələr, gah da Eldar İsmayılov müxtəlif bəhanələrlə müddəti uzatdılar.

Doğrusu, vəkilin hər dəfə məhkəmə prosesinə müxtəlif yollarla mane olmasının da məqsədli olduğunu düşünürəm.

1 il 3 ay məhkəmə olar?!
Məhkəmə olar 3 ay, 5 ay...

Eldar İsmayılovla vəkil əlbir olub, ortaya dəxlisiz fəsadlar çıxarıblar.
Məsələdə adı hallanan ikinci tərəf - qəyyum ki, var, həmin qəyyumla əlaqəli gülünc maneələr yaradırlar. Bütün çalışdıqları budur ki, məsələni bu ilin aprel ayına qədər birtəhər uzatsınlar, hökm qüvvəyə minməsin və aprel ayında da müddət bitsin, Mətləb Rüstəmov da azadlığa buraxılsın.
Eldar İsmayılov qəsdən mənim mülki iddiamı təmin etmir.

Bəhanəyə baxın!
Güya mən iddiamda göstərməli idim ki, mənə vurulan maddi ziyanın - yəni məbləğin nə qədərini Mətləb Rüstəmovdan, nə qədərini qəyyumdan tələb edirəm.

Qardaş, bunun işə nə aidiyyatı var axı?

Bəs, əgər elə boyuk qüsurdursa, 1 il 3 aydır məsələni müxtəlif bəhanələrlə uzadarkən, Eldar İsmayılov niyə bir dəfə də olsun məhkəmədə bunu mənə irad tutmadı ki, mən də iddiamı yenidən hazırladım.

Qaldı ki, mən ilk növbədə pulumu Mətləb Rüstəmovdan tələb edirəm. Məni aldadan odur. Qəyyumdan şikayətim yoxdur. Qaldı ki, kim ödəyir ödəsin, mənə vurulan maddi zərər ödənilsin. Mən ömrümün qalanını niyə əsəb, stress keçirərək, min bir əziyyətlə Mətləbin yediyi pulu ödəməliyəm?!
Mənim pulum ödənilsin, vəssalam.

Mən Eldar İsmayılovun ədalətsiz qərarından narazıyam.
Odur ki, ilk növbədə ölkə başçısı cənab İlham Əliyevdən və Məhkəmə Hüquq Şurasının sədri - Ədliyyə naziri cənab Fikrət Məmmədovdan xahiş edirəm Eldar İsmayılovun barəsində lazımi tədbirlər görülsün. Şəxsi maraqlarına görə vətəndaşlar arasında konstitusiyaya, qanunlara, dövlətə və dövlətçiliyə qarşı nifrət yaradan Eldar İsmayılova layiq olduğu cəza verilsin. Həmçinin, mənim məsələm yenidən araşdırılsın, tez bir zamanda ədalətli həllini tapsın.

Mətləb Rüstəmov tutulsun, yaxud nə cəza verilir verilsin fərqi yoxdur mənim üçün. Əsas odur ki, mənə vurduğu maddi ziyanın Mətləb Rüstəmov tərəfindən ödənilməsi təmin edilsin.

Mənim keçirdiyim əsəb, stress səbəbilə, artıq sağlamlığım təhlükə altındadır.
Mən Mətləbin məndən əvvəl aldatdığı ürəyi partlayıb ölən o məsum insanın taleyini yaşamaq istəmirəm.
Mənim mülki iddiamı niyə təmin etmir Eldar İsmayılov?

Çox xahiş edirəm bu araşdırılsın və ədalətli həllini tapsın."

Yeri gəlmişkən, onu da qeyd edək ki, Kamal Əsgərovun "DogruXeber.az"a bildirdiyinə görə, o, son ümidi olaraq, Appelyasiya məhkəməsində Məhkəmə Hüquq Şurasının məsələyə diqqəti və ədalətli yanaşması sayəsində mülki iddiasının təmin ediləcəyinə, ədalətli qərar veriləcəyinə ümid edir.

Hər halda, biz də buna ümid edirik.
Odur ki, məsələ diqqətimizdədir, gedişatlardan mütəmadi olaraq, izləyicilərimizi də xəbərdar edəcəyik.

Redaksiyamız hər kəsin söz haqqını tanıyır.

DogruXeber.az