Dövlət Təhlükəsizlik Xidmətinin (DTX) Neftçala Rayon İcra Hakimiyyətində keçirdiyi xüsusi əməliyyatın üzərindən iki ildən artıq vaxt ötüb. Cumhuriyyet.az xatırladır ki, 2020-ci ilin fevralında DTX Neftçala Rayon İcra Hakimiyyətində icra başçısı İsmayıl Vəliyev də daxil olmaqla vəzifəli şəxslərin həbsi ilə müşayiət olunan əməliyyat keçirib.

İsmayıl Vəliyev 2019-cu ilin sonlarından başlayan anti-korrupsiya əməliyyatlarında həbs edilən ikinci icra başçısı idi.Bu proses sonradan da davam etdirildi, amma yenə bölgələrdən yerli icra hakimiyyətlərinin qanunsuz əməlləri ilə bağlı şikayətlərin ardı-arası kəsilmir. Bu sırada xüsusilə Neftçala rayonunun adını çəkmək olar.

Məlumat üçün deyək ki, iki ildir ki, rayonun rəhbəri Mirhəsən Seyidovdur və qısa müddət Neftçalaya rəhbərlik etməsinə baxmayaraq, gənc icra başçısı barədə çoxsaylı şikayət və narazılıq var.

Rayondan daxil olan şikayətlərdə iddia edilir ki, icra başçısı faktiki olaraq fermer təsərrüfatının inkişafına əngəl olur. İddialara görə, fermerlər icarəyə götürdükləri torpaqlarla bağlı müqaviləni uzatmaq istədikdə müəyyən şərtlərlə qarşılaşırlar.

Bununla bağlı cumhuriyyet.az-a damışan mənbə bildirir: “İcarə müaviləsi bitdikdən sonra ilk olaraq torpaq icarədara təklif olunmalıdır. Düzdür, təklif olunur, amma bunun şərti var. Torpağın hər hektarına görə min manat pul ödəməlisən. Bu pulu vermədikdə torpaq hərraca çıxarılır və şərtlərə əməl edənlərə verilir”.

Bildirilir ki, müqaviləsi başa çatmayan fermerlər də icarələrində olan torpağa görə qeyri-rəsmi rüsum ödəməyə məcbur edilir: “Onlardan hər hektara görə 70 manat istənilir. Bundan imtina edən fermerlərdən həmin torpaqlar ən müxtəlif üsullarla alınır, yaxud onların fəaliyyətinə maneələr yaradılır. Məsələn, texnika sahəyə buraxılmır, yaxud hansısa bəhanə ilə torpaqda əkin-biçin aparılmasının qarşısı alınır və s.”

İddia olunur ki, bu işlərin başında əvvəllər Neftçala Rayon İcra Hakimiyyətinin Sosial-iqtisadi inkişafın təhlili və proqnozlaşdırılması Şöbəsinin Baş məsləhətçisi işləmiş, hazırda DSK Sədri olan Zaur Kərimov dayanır. Yeri gəlmikən, cumhuriyyet.az olaraq xatırladaq ki, Z.Kərimovun adı bu günlərdə başqabir qalmaqalda da hallanmışdı. Neftçala rayon sakini birinci Vətən müharibəsi iştirakçısı İslam Bayramov İH tərəfindən aldadılmasını iddia edərək bilirib ki, 2020-ci ilin sentyabr ayında Neftçala rayonu 2-ci Mayak kəndi yaxınlığında yerləşən “Kürağzı dövlət fond torpağı”nda 100 hektar torpaq sahəsi almaq üçün rəsmi qaydada Neftçala Rayon İcra Hakimiyyətinin başçısı Mirhəsən Seyidova müraciət edib:” 2020-ci ilin oktyabr ayında mənə həmin ərazidə monitorinq işləri bitdikdən sonra torpaq ayırılacağı ilə bağlı cavab verdilər”.

O , 2021-ci ilin fevral ayında rayon torpaq komissiyasının sədri Zaur Kərimovun onu dəvət etdiyini, M.Seyidovun tağşırığına əsasən ona torpaq sahəsi veriləcəyini bildirdiyini qeyd edib: “Bütün lazımi sənədləri onlara təhvil verməyimi istədilər. Fevral ayından vaxtı uzatdılar və nəhayət sentyabr ayında iqtisadiyyat bölməsinin baş məsləhətçisi Vüsal Ağabəyov və iqtisadiyyat bölməsinin şöbə müdürü Aqil Quliyevin iştirakı ilə sənədlər hazırlandı, mən 5 yerə imza çəkdim. Mənə “torpaq artıq sənindir, narahat olma” deyib yola saldılar.

Kimsə qeyri-qanuni işlədiyimi deməsin deyə, sənədi tələb etdim. Dəfələrlə Mirhəsən Seyidovun qəbuluna gedib şəxsən özü ilə danışdım ki, dəqiq mən o torpaqda iş görə bilərəmmi? İcra başçısı hər görüşdə mənə dedi ki, torpağı mən sizə vermişəm, heç kim o torpağı sizdən ala bilməz, ora sizindir.

Lakin 10 dekabr 2021-ci il tarixində biz cinayət məsuliyyətinə cəlb olunduq. Bizə torpağı verən şəxslərdən biri Aqil Quliyev məhkəmədə şahid qismində iştirak edərək bizə torpağın verilmədiyini dedi”, deyə İ.Bayramov deyib.

Bildirək ki, Zaur Kərimov bundan əvvəl Əmək və Əhalinin Sosial Müdafiəsi Nazirliyiyinin yerli şöbəsinin müdiri olub. İşində yol verdiyi nöqsanlara görə tutduğu vəzifədən azad edilib. Lakin hansısa “sehrli əlin” dəstəyi ilə icra hakimiyyətində Baş məsləhətçi vəzifəsinə təyin edilib. Zaur Kərimovun qanunsuz əməlləri və buna görə işdən çıxarılması barədə mediada da yazılıb.

Bundan başqa, Neftçaladakı “torpaq alveri”ndə Vüsal adlı şəxsin də adı çəkilir. Bildirilir ki, bu şəxs hər hansı rəsmi vəzifə daşımır. Mirhəsən Seyidov onu özü ilə Bakıdan gətirib. Heç bir vəzifəsi olmayan Vüsal adlı şəxs icra başçısının sağ əli və “qara işlər”in icraçısı kimi tanınır.

"Görünür, özümü yandırmalıyam və ya hündür mərtəbəli binanın üzərinə çıxıb atmalıyam ki, mənə yaradılmış problemə diqqət yetirilsin".
Bu fikirlər Azərbaycan Texniki Universitetinin (AzTU) Nəqliyyat və Logistika fakültəsini 2021-ci ildə bitirən, amma bu günə kimi diplomunu ala bilməyən Davudov Pərviz Rahim oğlunun Faktinfo.az saytına göndərdiyi növbəti məktubundandır.

Şikayətçi bildirir: "Azərbaycan Respublikasının Təhsil Nazirliyinə, Texniki Universitetin rektoruna, Azərbaycan Respublikasının İnsan Hüquqları üzrə Müvəkkili (ombudsman) rəsmi məktub yazmışam, mətbuat üzərindən Prezident Administrasiyasının şöbə müdiri Fərəh Əliyevaya müraciət edərək xahiş etmişəm, amma tapdanmış haqq və hüququmu bərpa edə bilməmişəm. Mənə hələ diplomumun hansı səbəbdən verilməməsinə dair rəsmi cavab verilmir ki, bunu əsas götürüb məhkəməyə müraciət edim.

Azərbaycan Texniki Universitetinin rektoru Vilayət Vəliyevə gəlincə, bu adam hələ məni qəbul etməyib. Diplomun hansı səbəbdən verilməməsini əsaslandırılmış şəkildə mənə bildirməyib. Məni Tədris Hissə şöbəsinin müdiri Ərəstun Məmmədovun yanına yönləndiriblər, o da normal bir əsaslandırma ortaya qoymayıb, "nağıl, nəğmə" danışaraq yola verib.

Belə rəhbərlik olar, belə rektor olar? Bəlkə də başqa bir vaxt olsa idi, belə davranışlarına görə bu adamları universitetin qapısına mühafizəçi məsləhət bilməzdilər. Dünyanın harasıdı rektor Vilayət Vəliyev, tədris Hissə şöbəsinin müdiri Ərəstun Məmmədov anlamaq istəmirlər ki, illərim bu universitetdə keçib, indi necə mənə diplom vermirlər.Əgər mənim fakultədən-fakultəyə keçirilməyim qanunsuz olmuşdusa niyə mənə xəbər vermirdilər,3 il mən Nəqliyyat və Logistika fakultəsində oxuyurdum? Və ya məni qanunsuz fakultədən-fakultəyə keçiriblərsə indiyə qədər bu işi edənlərdən kim cəzalandırılıb? İnsan taleyi ilə oynamaq bu qədər asandı? Başqa tərəfdən Təhsil Nazirliyi bu işə niyə ciddi yanaşmır(qanunsuzluq olmuşdusa belə) məni bu vəziyyətə salanların cəzalandırılmasını istəmir?

Universitetə gəlincə,Təhsil Nazirliyinin qarşısında əsaslandırılmış arqumet niyə qoyulmur, bilinmir. Nədir onları ora özləri üçün çalışmağa, kapital toplamağa, müxtəlif rakuslardan şəkil çəkdirib google yükləməyə göndəriblər."
Pərviz Davudov Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Hüquq Mühafizə orqanları ilə iş şöbəsinin müdiri Fuad Ələsgərov və Azərbaycan Respublikası Prezidentinin Mətbuat Katibi Azər Qasımov cənablarına müraciət edərək, ona köməklik edilməsini hər iki şəxsdən xahiş edir.O, müraciətində bildirir: "Fuad Ələsgərov və Azər Qasımov cənablarını Azərbaycan Respublikası Prezidenti İlham Əliyev cənablarının siyasətinə sadiq şəxslər hesab etdiyimdən onlardan diplomumun verilməməsinin məndən aslı olub-olmadığının araşdırılmasına göstəriş vermələrini xahiş edirəm. Arayış üçün bildirirəm ki, Sumqayıt Dövlət Universitetindən Azərbaycan Texniki Universitetinin Menecment fakültəsinə köçürülmüşəm. Orada 1 il oxuduqdan sonra AzTU rəhbərliyinin qərarına əsasən, Nəqliyyat və Logistika fakültəsinə köçürülmüşəm. 3 il Nəqliyyat və Logistika fakültəsində ödənişli əsaslarla (5200 AZN) oxumuşam. Bütün imtahanları vermişəm, dövlət imtahanını müdafiə etmişəm. Bu fakültəni 2021-ci ildə bitirmişəm.

İndi Təhsil Nazirliyi və AzTU rəhbərliyi mənə diplom verilməsini uyğun bilmir. Səbəb də o gətirilir ki, fakültədən-fakültəyə keçirildiyim zaman adım Təhsil Nazirliyinə göndərilən tələbələrin siyahısında qeyd edilməyib. Texniki səhv olub, ona görə də mənə diplom verilmir. Daha düşünmək istəmirlər ki, bu texniki səhvi Davudov Pərviz Rahim oğlu edib ki, ona diplom verilmir. Sanki məktubu tərtib etməli və adımı siyahıya da özüm yazmalıyammış.

Fuad Ələsgərov və Azər Qasımov cənablarından baş vermiş bu texniki səhvin aradan qaldırılmasında köməklik göstərmələrini xahiş edirəm.

Firuddin Oruc
Faktinfo.az

Kənd Təsərrüfatı Nazirliyi Aqrar Xidmətlər Agentliyinin işdən çıxarılan əməkdaşı Həsənov Naməddin Tofiq oğlu başda nazir İnam Kərimov olmaqla nazirlik əməkdaşlarına meydan oxuyur.
Faktinfo.az saytına pdf formasında göndərdiyi məktubunda Naməddin Həsənov Aqrar Xidmətlər Agentliyinin rəhbəri Rəşad Vahabzadənin ondan 25 min,Tərtər rayonunda isə sahibkara ayrılmış subsidiyanın 58 min manatını istəməkdə ittiham edir.Naməddin Həsənov irəli gedərək peşəkar mütəxəssislərin işdən çıxarıldığını,qeyri-peşəkarların Kənd Təsərrüfatı Nazirliyinin strukturlarına yerləşdirildiyini,nazirlik və onun tabeli qurumlarında rüşvət və korrupsiya hallarının baş alıb getdiyini,milyonların mənimsənildiyini,bu barədə dövlət qurumlarına,Respublika Baş Prokurorluğuna və Korrupsiyaya Qarşı Mübarizə Baş İdarəsinə yazdığını da qeyd edir.

Naməddin Həsənov:"Cəsarətlə bildirirəm ki,Respubilkada ən savadlı və peşəkar olan mütəxəssisəm.İxtisasım alim-aqranomdur,Bakı şəhərində Kənd Təsərrüfatı Nazirliyinin əməkdaşlarına dərs keçmişəm.Savadsız,arpa və buğdanın fərqini bilməyən,ispanaqla çuğunduru bir-birindən fərqləndirməyən,Rəşad Vahabzadənin istədiyi 25 min manat rüşvəti verə bilmədiyimə görə,məni işdən çıxartdı.Hazırda Aqrar Xidmətlər Agentliyinə ixtisasca nefçi olan bu şəxs rəhbərlik edir."

Məktub dövlət orqanlarına,ölkə rəhbərliyinə,bir sıra deputatlara vəs. ünvanlandığından hələlik əhatəli şəkildə yazmırıq.

Qeyd edək ki,Aqrar Xidmətlər Agentliyinin işdən çıxarılan əməkdaşı Həsənov Naməddin Tofiq oğlu Tovuz rayonu Vahidli kənd sakinidir.Onun bir qardaşı Qarabağ uğrunda döyüşlərdə şəhid olub,digər qardaşı Qarabağ müharibəsi veteranıdır. Xəstə anasının və ailəsinin dolanışığını Aqrar Xidmətlər Agentliyindən aldığı 400 manat civarında məvaciblə təmin edirmiş.Hazırda işsizdir.
Faktinfo.az

Hər dəfə Azərbaycanda adı korrupsiyada hallanan məmurların dövlətin və xalqın malını talan edib daşıdıqları xarici ölkələrdə övladlarının adına şirkətlərinin üzə çıxması cəmiyyətimizdə hiddətlə qarşılanır. Bu “şanlı” siyahıda Azərbaycan Meliorasiya və Su Təsərrüfatı Açıq Səhmdar Cəmiyyətinin sədrinin müavini Rafiq Aslanovun da adı vardır. Yayılan informasiyaya görə, Vətən müharibəsinin qızğın vaxtı, doğulduğu Füzuli şəhəri uğrunda qızğın döyüşlərin getdiyi bir dönəmdə Rafiq Aslanov Londonda yaşayan oğluna əmlak şirkətləri tərəfindən hazırda 438 min funt sterlinq (1 milyon manata yaxın) dəyərində qiymətləndirilən mənzil alıb.

Efirdəki çıxışlarından birində suvarma suyunun az qala yarısının itkiyə getdiyini bildirən Rafiq Aslanovun paytaxtda — Nəsib Bəy Yusifbəyli küçəsi — 100 ünvanda yüksəkmərtəbəli yeni binasının dəyərinin bir neçə milyon manat, Qubanın Qəçrəş kəndindəki böyük istirahət mərkəzinin dəyərinin isə ölçüyəgəlməz olduğu deyilir. Adamın Türkiyədə də otel biznesinin mövcudluğu barədə xəbərlər dolaşır.

İndiyədək Rafiq Aslanovun oğlunun avtomobil kolleksiyası natamam siyahı ilə KİV-də sərgilənib. Belə ki, həmin avtomobillərin nömrə nişanlarındakı hərflər də ASLANOV soyadına uyğun (Asl) seçilib. Sədr müavininin oğlunun kolleksiyasında “Bentley”, “Range Rover”, “Mercedes” (S Class, C Class, E Class) markalılar da daxil olmaqla onlarla avtomobil var.

Rafiq Aslanovun bacısı oğlu İlqar Əliyev Meliorasiya və Su Təsərrüfatı ASC — nin Texnoloji İstehsalat Komplektləşdirmə İdarəsinin rəisidir. Məlumatlarda bildirilir ki, dayısına güvənən bacıoğlu dövlət vəsaiti hesabına özünə təzə kabinet, 40 min manat dəyərində mebel, istirahət otağı, hətta işdə hamam düzəltdirib. Adam idarəyə öz şəxsi təsərrüfatı kimi baxır, kimi istəyir işdən qovur, kimi istəyir qapısında işlədir. O da qeyd olunur ki, İlqar Əliyev dəyəri 1 milyon olan qülləli kranı yararsız kimi sənədləşdirib və 150 min manata satıb. Respublikanın bütün rayonlarında fəaliyyət göstərən meliorasiya təşkilatlarına texniki təchizatın bölünməsini həyata keçirən Komplektləşdirmə İdarəsi üzrə hər ay avtokran və avtoyükləyicilərə silinən yanacağın böyük hissəsi təyinatı üzrə göndərilmir, mənimsənilir. Barəsində yazılmış və internet üzərindən açıq şəkildə ictimailəşdirilmiş bir şikayət ərizəsində bildirilir ki, rayon təşkilatlarının rəhbərləri İlqar Əliyevdən və dayısı Rafiq Aslanovdan qorxduqlarına görə səslərini çıxarmırlar.

Qeyd edək ki, İlqar Əliyev bu idarədə rəhbərliyə 2019-cu ildən gətirilib. Onun gəlişindən sonra idarə tərəfindən keçirilmiş tenderlərdə ayrılan vəsaitlər özlüyündə çox şeylər deyir. Bunun üçün idarənin keçirdiyi son bir neçə tenderə nəzər salmağımız kifayət edər.

Xüsusi nasoslar və mühərriklər üçün aqreqatlar, hissələrin satınalınması üzrə 1 597 866.27 manat məbləğində satınalma müqaviləsi 29.07.2021-ci il tarixdə “BAKI İNŞAAT LAYİHƏ” Qapalı Səhmdar Cəmiyyəti ilə bağlanmışdır.

Avtomobil nəqliyyat vasitələri və digərlərinin satınalınması üzrə 3 827 108 manat məbləğində satınalma müqaviləsi 23.06.2021-ci il tarixdə “MARKETİNQ VƏ SERVİS MÜƏSSİSƏSİ” Məhdud Məsuliyyətli Cəmiyyəti ilə bağlanmışdır.

İstehsalat nəqliyyat vasitələri və digərlərinin satınalınması üzrə 16 724 490 manat məbləğində satınalma müqaviləsi 23.06.2021-ci il tarixdə “CASPİAN EQUİPMENT COMPANY” Qapalı Səhmdar Cəmiyyəti ilə bağlanmışdır.

Satınalmaların vahid elektron portalına yeləşdirilmiş məlumatlardan da görindüyü kimi, Texnoloji İstehsalat Komplektləşdirmə İdarəsi cari ilin iyun-iyul aylarında müxtəlif xidmətlərin alınmasına 20 milyon manatdan çox vəsait ayırıb.

İdarə təkcə təkcə “KASKAD-HİDRO” Məhdud Məsuliyyətli Cəmiyyəti ilə nasos aqreqatları və digər avadanlıqların satınalınması üzrə 2020-ci ildə 9 844 811 manat, 21.06.2021-ci il tarixdən 05.07.2021-ci il tarixə, yəni cəmi 14 günə ümumi dəyəri 8 158 192 manat olan 5 satınalma müqaviləsi bağlamışdır.

Qeyd edək ki, apardığımız araşdırmalar zamanı Texnoloji İstehsalat Komplektləşdirmə İdarəsinin keçirdiyi tender prosedurlarında ciddi qanun pozuntularına yol verildiyini də gördük. Belə ki, tenderlərin şərtlər toplusunda alınan mallar barədə heç bir məlumat yerləşdirilməyib. Məsələn idarənin 16 724 490 manat vəsait ayırdığı, istehsalat nəqliyyat vasitələri və digərlərinin satınalınması üzrə keçirdiyi tenderdə alınan nəqliyyat vasitələrinin növü və markası barədə heç bir məlumat yerləşdirilməyib ki, bu da həmin texnikaların real qiymətlərinin gizlədilməsindən başqa bir şey deyildir. Bu göstərdiyimiz rəqəmlər Texnoloji İstehsalat Komplektləşdirmə İdarəsinin keçirdiyi 5-6 tenderə ayrılanlardır. Maraqlıdır, il ərzində burada nə qədər belə tenderlər keçirilir, və alınan malların qiymətləri nə qədər şişirdilir?

Rafiq Aslanovun himayəsi altında olan «Hidro-Kaskad» MMC (rəsmi təsisçisi Zakir İsmayıl oğlu Aslanov) üzərindən həyata keçirilən tender əməliyyatlarında qiymətlərin şişirdilməsi yolu ilə edilən maxinasiyalardan da cinayət təqibi orqanlarının müdaxiləsinə kifayət edəcək qədər yazılıb.

Meliorasiya və Su Təsərrüfatı ASC-nin sədri, çox hörmətli cənab Zaur Mikayılovun birinci işi sələfi Əhməd Əhmədzadədən problem kimi miras qalan köhnə kadrları, o cümlədən 1984-cü ildən sistemdə destruktiv fəaliyyət göstərən Rafiq Aslanovu vəzifədən kənarlaşdırmaq olmalıydı. Amma olmadı. Və nə qədər ki, korrupsiyaya bulaşmış köhnə kadrlar iş başındadır, suyun yarısı “itkiyə” gedəcək, həmin vəzifəli şəxslərin xaricə daşıdıqları sərvətlərin dəyərini ifadə edən kəmiyyətlər də artacaq.

P.S. Qeyd olunan məsələlərə münasibət bildirməsi üçün Rafiq Aslanovla əlaqə qurmaq istədik. Köməkçisinin vasitəsilə bildirdi ki, istirahətdədir, nə istəyiriksə yaza bilərik.

Dəryaz Oraqov
Dəryaz.az

– Şəhər nümayəndəsi İlqar Salmanovun sabiq icra başçısı Ceyhun Cəfərovla birgə həbs olunmaması şirkət sahiblərini tərəddüd içində buraxıb

Bu günlərdə Kürdəmir Rayon İcra Hakimiyyətinin (RİH) həbsdə olan sabiq başçısı Ceyhun Cəfərovun və digər vəzifəli şəxslərin korrupsiyaya görə həbs olunmalarının iki ili tamam olur.

Bu barədə cinayət işinin materiallarında qeyd edilib ki, Ceyhun Cəfərov 2014-cü il aprelin 16-dan 2020-ci il avqustun 20-dək Kürdəmir RİH-in keçmiş birinci müavini Tacəddin Novruzov və İcra Hakimiyyəti Başçısı Aparatının Ərazi idarəetmə və yerli özünü idarəetmə orqanları ilə iş şöbəsinin sabiq müdiri Natiq Kərimovla cinayətkar əlaqəyə girib aralarındakı ümumi cinayətkar niyyət və məqsədlərə uyğun olaraq yaratdıqları korrupsiya şəbəkəsində qabaqcadan əlbir olan bir qrup şəxs qismində birləşiblər.

Belə ki, onlar 2004-cü il tarixdən Kürdəmir rayon Yaşıllaşdırma İdarəsinin rəisi vəzifəsində işləyən Balayev Ata Seyfəddin oğlundan vəzifədə qalıb fəaliyyətini davam etdirməsi müqabilində 18 000 manat, rayonun Atakişili kənd bələdiyyəsinin sədri Ömərov Habil Ələddin oğlundan 10 000, rayonun Şıxımlı kənd uşaq bağçasının müdiri İslamova Nazlı Yusif qızından 1 300 manat, rayonun Carlı kənd sakini Novruzov Sədrəddin Şəmsəddin oğlundan 187,0 ha torpaq sahəsinin örüş-otlaq məqsədilə 15 illik müddətə icarə əsasında istifadə edilməsinə görə 81 200 manat pulu rüşvət qismində alıblar.

Bundan başqa, C.Cəfərovla T.Novruzov Kürdəmir RİH başçısının Topalhəsənli kənd inzibati ərazi dairəsi üzrə nümayəndəsi vəzifəsində işləmiş və öldüyünə görə barəsində cinayət təqibinə xitam verilmiş Rəsulov Rasim Aydın oğlu və “Ruslan-Qərb” MMC-nin direktoru Səfərov Ramiz Məhəmmədəli oğlu ilə cinayətkar əlaqəyə girib.

İttihamda qeyd edilib ki, R.Rəsulov Topalhəsənli kənd körpələr evi-uşaq bağçasına və kənd tam orta məktəbinə guya müxtəlif təsərrüfat malları və qiymətlilərin alınması görüntüsü yaradıb. Daha sonra onlar 32 896,05 manat məbləğində pul vəsaitini Kürdəmir rayonu üzrə Maliyyə Şöbəsi vasitəsilə “Ruslan-Qərb” MMC-nin bank hesabına köçürüb. Yalnız 18 may 2020-ci il tarixli elektron qaimə ilə 3 adda 1 083,05 manat məbləğində mal-material qiymətliləri alınaraq nümayəndəlik üzrə maddi-məsul şəxsin hesabına mədaxil edilib. Qalan, o cümlədən, həmin nümayəndəlik üzrə 2 432 manat, Topalhəsənli kənd körpələr evi-uşaq bağçası üzrə 27 276 manat və Topalhəsənli kənd tam orta məktəbi üzrə 2 105 manat, cəmi 31 813 manat məbləğində pul vəsaiti R.Səfərov tərəfindən rayon ərazisində həmin müddətdə bankdan çıxarılaraq nağdlaşdırılıb, Rasim Rəsulova verilib. C.Cəfərov həmin pul vəsaitini əlbir olduğu T.Novruzov, R.Rəsulov və R.Səfərovla bölüb.

Eyni zamanda C.Cəfərovla T.Novruzov 13 oktyabr 2014-cü il tarixdən 30 iyun 2016-cı il tarixədək Kürdəmir rayon Kommunal Müəssisələri Kombinatının direktoru vəzifəsində işləmiş, öldüyünə görə barəsində cinayət təqibinə xitam verilmiş Sadıqov Müşfiq Qubad oğlu və kombinatın digər əməkdaşları ilə cinayətkar əlaqəyə girib. Keçmiş icra başçısının verdiyi tapşırıq əsasında M.Sadıqov tamah niyyəti ilə tərtib etdiyi kassa məxaric orderləri ilə həmin kombinata guya təsərrüfat malları və yumşaq inventarların alınması görüntüsü yaradıb. Daha sonra kombinatın sabiq təmizlik şöbəsinin müdiri Xələfov Vaqif Osman oğlunun adına qeyd edilən tarixlərdə saxta kassa məxaric orderləri tərtib edilib. V.Xəlilov inzibati binada kassadan həmin müddətlərdə nağd qaydada 11 729 manat məbləğində pul vəsaitini götürərək M.Sadıqova verib. Həmin pul isə C.Cəfərova T.Novruzov vasitəsilə çatdırılıb. Keçmiş icra başçısı pulu öz aralarında bölərək şəxsi ehtiyaclarına sərf edib.

İstintaqla həmin şəxslərin birbaşa və icra hakimiyyətinin digər vəzifəli şəxsləri vasitəsilə ayrı-ayrı vaxtlarda rayon ərazisində fəaliyyət göstərən səhiyyə müəssisələrindən ümumilikdə 137 min manat, Kommunal Müəssisələr Kombinatından 58 min manat, rayon ərazisində fəaliyyət göstərən təhsil müəssisələrindən 120 min manat, “Azbiyan” Məhdud Məsuliyyətli Cəmiyyətindən 71 min manat məbləğində vəsaiti rüşvət qismində istəyərək almaları müəyyənləşdirilib.

Qeyd edək ki, Ceyhun Cəfərov və digərlər Baş Prokuror yanında Korrupsiyaya Qarşı Mübarizə Baş İdarəsi tərəfindən Kürdəmir Rayon İcra Hakimiyyətində keçirilən əməliyyat zamanı saxlanılıb.

Lənkəran Ağır Cinayətlər Məhkəməsinin hökmü ilə Ceyhun Cəfərov, Tacəddin Novruzov və Natiq Kərimovun hər biri 8 il 6 ay, Eynulla Novruzov, Məhəmməd Musayev, Mətləb Allahverdiyev, Rəsəb Hüseynovun hər biri 8 il üç ay, Emin Sadıqov 4 il, Sərvər Məmmədov 2 il 6 ay azadlıqdan məhrum edilib.

Təqsirləndirlilən Məhəmməd Surxayev isə 3 il müddətinə azadlığın məhdudlaşdırılması şərti ilə 2 min manat cərimə olunub.

Kürdəmirdə bir çoxları bu qənaətdədirlər ki, Ceyhun Cəfərovun korrupsioner dəstəsinin əhatə dairəsi tam müəyyənləşdirilməyib və o sıradan kənarda qalanlar olub. Redaksiyamıza müraciət edən rayon sakini bildirmişdir ki, məlum əməliyyat zamanı Kürdəmir Rayon İcra Hakimiyyəti başçısının Kürdəmir şəhər inzibati ərazi vahidi üzrə nümayəndəsi İlqar Salmanov da saxlanılıbmış. Lakin o, hansısa himayədarının sayəsində məsuliyyətə cəlb olunmadan yaxasını qurtara bilib. İnformator qeyd edib ki, Cəfərov bir çox korruptiv əməliyyatlarını məhz Salmanovun əli ilə həyata keçirib və şəhər nümayəndəsi yaxşı mənimsədiyi üsulları sabiq başçı tutulandan sonra da davam etdirib.

Məsələ ilə əlaqədar İlqar Salmanovun özü ilə telefon əlaqəsi qurub münasibət bildirməsini xahiş etdik. Salmanov bildirdi ki, nə keçən il, nə bu il Kürdəmir şəhəri üçün dövlət vəsaiti hesabına heç bir iş görülməyib. Səbəb də bu olub ki, şəhər nümayəndəliyinin elan etdiyi tender və kotirovkalara heç bir firma qatılmayıb. İlqar Salmanov deyir ki, bu, firmalara sərf eləməyib.

Amma hamımız bilirik ki, Azərbaycan hökuməti səxavətlidir və heç cür inandırıcı deyildir ki, elan olunan tender və kotirovkalar üzrə nəzərdə tutulan maliyyə vəsaiti görülməsi nəzərdə tutulan işlərin real dəyəri ilə adekvat olmasın.

Bəs elə isə nəyə görə şirkətlərə həmin işləri görmək sərf eləməyib? Burada bir neçə versiya var: Birincisi, ola bilsin şirkət sahibləri qorxurlar ki, sabiq icra başçısı Cəfərov və digər vəzifəli şəxslər həbs olunandan sonra rayon hələ də xüsusi xidmət orqanlarının nəzarətindədir. İkincisi, Azərbaycanda çoxdan oturuşmuş bir stereotip var ki, iş görən sahibkarlar ilk növbədə “yapışmağa ətək”, on lardan “şapka” istəyəcək adam axtarırlar. İndi isə bu ilin əvvəlindən vəzifəyə başlayan Elxan İbrahimov yəqin heç kəsə “ətəyini öpdürmədiyindən”, bu vəziyyət şirkət sahiblərinə qəribə görünür və onlar tərəddüd edirlər.

Mövzuya qayıdacağıq.

Deryaz.az

34

Sumqayıtda zavodda partlayış: ölən var
Sumqayıt metaləritmə zavodu: ölümlə nəticələnən partlayışın səbəbi bəlli olub
İstehsalatda baş vermiş bədbəxt hadisə haqqında zərərçəkən, yaxud hadisənin şahidləri dərhal işəgötürənə (müəssisənin vəzifəli şəxslərinə) məlumat verməlidir. İşəgötürən (müəssisənin vəzifəli şəxslərinə) zərərçəkənə ilk tibbi yardım göstərilməsini, onun tibbi sanitar hissəsinə və ya digər müalicə idarəsinə çatdırılmasını təşkil etməyə, hadisə baş vermiş iş yerindəki şəraiti və avadanlıqların vəziyyətini hadisənin baş verdiyi anda olduğu kimi saxlamağa (əgər həmin şərait və vəziyyət ətrafdakı işçilərin həyatı və səhhəti üçün təhlükə törətmirsə, qəzaya səbəb olmursa) borcludur.

İşəgötürən istehsalatda baş verən bədbəxt hadisələrin ağırlıq dərəcəsindən asılı olmayaraq, hadisənin təhqiqatının aparılması üçün dərhal həmin hadisə baş verən günü Dövlət Əmək Müfəttişliyi Xidmətinin yerli bölməsinə (və ya birbaşa Dövlət Əmək Müfəttişliyi Xidmətinin aparatına), Fövqəladə Hallar Nazirliyinə (Bədbəxt hadisə təhlükə potensiallı obyektlərdə qəza nəticəsində baş vermişsə) məlumat verməyə borcludur. Eyni zamanda yuxarı mərkəzi icra hakimiyyəti orqanına və Respublika Həmkarlar İttifaqı Konfederasiyasına (əgər işçilər bu həmkarlar təşkilatının üzvüdürlərsə) məlumat verilməlidir.

İstehsalatda bədbəxt hadisələrin təhqiqatının vaxtında aparılmasına müvafiq şəraitin yaradılmasına, İZ formalı aktın düzgün tərtib edilməsinə işəgötürən cavabdehdir.

Bədbəxt hadisənin təhqiq edilməsinə əsas işəgötürənin, zərərçəkənin, mətbuat vasitələrinin, hüquq-mühafizə orqanlarının, tibb müəssisələrinin, respublikada fəaliyyət göstərən əməyin mühafizəsinə nəzarət orqanlarının və həmkarlar ittifaqları təşkilatlarının bədbəxt hadisənin baş verməsi haqqında yazılı və yaxud şifahi məlumatı ola bilər. Bu halda məlumat araşdırılır və lazımi hallarda bədbəxt hadisənin təhqiqatının aparılması üçün komissiya yaradılır.

Ağırlıq dərəcəsindən asılı olmayaraq bütün növ xəsarətlər, bir nəfərin həlak olması və qrup halında baş vermiş bədbəxt hadisələrin təhqiqatı Dövlət Əmək Müfəttişliyi Xidmətinin rəisinin (və ya onun tapşırığı ilə Dövlət Əmək Müfəttişliyi Xidmətinin yerli bölməsinin) əmri ilə yaradılmış komissiya tərəfindən aparılır.

Qrup halında xəsarətlə və ya bir nəfər işçinin ölümü ilə nəticələnmiş bədbəxt hadisələrin təhqiqatını aparmaq üçün tərkibi: sədr — Dövlət Əmək Müfəttişliyi Xidmətinin vəzifəli şəxsləri, üzvlər — sahə həmkarlar ittifaqı birliyinin, müəssisənin və yaxud onun tabeçiliyi üzrə yuxarı orqanının (əgər varsa) nümayəndələrindən ibarət Təhqiqat komissiyası yaradılır.

Təhqiqat komissiyasının yaradılmasına əsas bədbəxt hadisə barədə Dövlət Əmək Müfəttişliyi Xidmətinə işəgötürən tərəfindən verilən məlumat ola bilər. Əgər gizlədilmiş bədbəxt hadisə halı dövlət nəzarət orqanları, həmkarlar təşkilatı tərəfindən aşkar edilərsə və yaxud belə məlumat mətbuatdan, radio və televiziya verilişlərindən, digər mənbələrdən daxil olarsa, bədbəxt hadisənin gizlədilmə səbəbləri Dövlət Əmək Müfəttişliyi Xidməti tərəfindən araşdırılır və lazımi hallarda işəgötürənin iştirakı olmadan bu Qaydalara müvafiq bədbəxt hadisənin təhqiqatının aparılmasını təşkil edir.

Bədbəxt hadisə baş vermiş sahədə əməyin təhlükəsizliyinə bilavasitə cavabdeh şəxs təhqiqat komissiyasına üzv ola bilməz.

Təhqiqat komissiyası sığorta ödənişi verilməli olan şəxsin və sığortaçının xəsarətlə və ya ölümlə nəticələnmiş bədbəxt hadisələrin təhqiqatının aparılmasında iştirak etmək hüququnun təmin edilməsinə şərait yaradır.

İşəgötürən tərəfində lazımi orqanlara haqqında məlumat verilməmiş, həmçinin əmək qabiliyyətinin dərhal itirilməsi ilə nəticələnməmiş bədbəxt hadisə baş verdiyi vaxtdan sonra işçi əmək qabiliyyətini itirərsə (ölərsə), zərərçəkənin, yaxud onun mənafeyini təmsil edən şəxsin ərizəsi əsasında, ərizə verilən gündən bir ay müddətində həmin bədbəxt hadisə bu Qaydalara əsasən təhqiq edilir.

Təhqiqat komissiyası bədbəxt hadisənin səbəbini və iş yerinin şəraitini təhqiq edir, əməyin mühafizəsi və təhlükəsizlik texnikası qaydalarının standartlarının pozulmasına yol vermiş şəxsləri aşkar edir.

Amma bəzən işəgötürənlər İstehsalatda baş verən bədbəxt hadisələrin təhqiqi və uçota alınması Qaydalarının yuxarıda göstərilən tələblərini pozurlar. Bu hallarda, əsasən bədbəxt hadisənin işəgötürən tərəfindən əməyin təhlükəsizliyinin təmin olunmadığı, hadisəyə zərərçəkmişin özünün deyil, vəzifəli şəxsin səhlənkarlığının və ya qanunsuz əmrinin səbəb olduğunun gizlədilməsi məqsədi güdülür.

Mayın 4-ü saat 15 radələrində Sumqayıt şəhərində TUQ zavodunun ərazisində yerləşən «Azmet» QSC-nin istismarında olan metaləritmə zavodunda işçilərdən biri — 1990-cı il təvəllüdlü Sərxan Hümmətov zavodda qaynaq işləri görərəkən propan qaz balonunun partlaması nəticəsində müxtəlif dərəcəli bədən xəsarətləri aldı və aldığı xəsarətlərindən çatdırıldığı xəstəxanada dünyasını dəyişdi.

Faktla bağlı Sumqayıt şəhər prokurorluğunda araşdırma aparıldığı deyilirdi.


Hərçənd, bildirilir ki, Hafiz adlı şəxsin rəhbəri olduğu, Seymur adlı şəxsin isə idarə etdiyi partlayış baş verən zavodda ölüm hadisəsi ilə bağlı indiyədək heç bir vəzifəli şəxs məsuliyyətə cəlb olunmayıb. Məlumatlarda o da qeyd olunur ki, ölən şəxsin zərərçəkmiş kimi tanınan yaxın adamına zavodun yaxınlığında işlətməsi üçün dükan verilib, susdurulub. Elə isə görəsən, cinayət təqibi orqanının məsələyə göz yumması nəyin hesabına olub?

Bu suallarla bağlı Baş Prokurorluğa və aidiyyatı qurumlara göndərdiyimiz müraciətlərə cavab aldıqdan sonra mövzuya yenidən qayıdacağıq

Dəryaz Oraqov
Dəryaz.az

Aşağıda təqdim olunan hündür hasarlı obyekt Abşeron Rayon Mehdiabad Qəsəbəsinin Siyanşor ərazisində yerləşir.
‌Bu yaşıllaşdırılmış və uzunluğu bəlli olmayan hasarlanmış bağlı-bağçalı malikanə Dövlət Sərhəd Xidmətinin rəisi Elçin Quliyevə məxsusdur. Gördüyümüz və şahidi olduğumuz açıq-aşkar talançılığın davam etməsi heç də xalqımız üçün adi görünməməlidir.

‌Çünki, Azərbaycan Xalqı məmurların belə komfortlu obyektlərinə baxmağa öyrəşiblər. İnsanlarımız səfalət içində yaşasalar da, məmurlarımızın hansı quruma rəhbərlik etməsinə baxmayaraq, onlar öz ampluasında komfortlu həyatlarını yaşamaqda davam edirlər.
‌Görünən mənzərə fantastik məbləğə başa gəlsə də, yaşadığımız dövrün reallığı belədir.

Müasir dövrdə hökumətdən haqqını tələb edən insanları 1936-37-ci illərdəki repressiyaya məruz qoymağa və ya Sibirə sürgün etməyə ehtiyac yoxdur. Çünki, hökumətin məmurları bunun "yolunu" tapıblar. Belə ki, onlar insanların haqqını mənimsəyir və özləri üçün bu cür prestijli həyat tərzi yaradırlar. Bu da yaranmış mənzərəyə tamaşa edən xalqa ölümdən də betər ağır gəlir.

Əgər ölkəmizin yeraltı və yerüstü sərvətləri səmərəli şəkildə Azərbaycan vətəndaşlarına sərf olunsa, o halda hər kəs öz hökumətindən razı qalar. Amma dediklərimizin heç biri baş vermir. Ona görə də Qazilərimiz ac-yalavac yaşamaqdan bezərək özlərini öldürməyə üstünlük verirlər.

Əzəmətli "Çin səddi"nə oxşayan ərazinin bir hissəsi də Novxanı dəniz kənarına daxildir. GundemXeber.Az-ın lentə aldığı ərazinin görünüşündən onu deyə bilərik ki, general Elçin Quliyev Dövlət sərhədinin səddini necə bərkidilmiş görürsə, özü üçün tikdirdiyi bağ iqamətgahının səddini də belə bərkidir.

Ona görə də Dövlət büdcəsindən əldə etdiyi pul vəsaitini belə milyonlara başa gələn obyektlərə yatırım edib.

Azərbaycanda biznesmen məmur fikri səslənəndə ilk xatırlanan şəxslərdən biri də ”’Azərenerji”nin rəhbəri Baba Rzayevdir.

Bu şəxs Azərbaycan hökumətində çalışan azsaylı adamlardan biridir ki, rəhbəri olduğu sahənin paralel biznesini də qurub.

Bəzi məmurlardan fərqli olaraq, Baba müəllimin biznesi qohumlarının, dostlarının deyil, birbaşa öz ailə üzvlərinin adına sənədləşdirilib.

Məsələn, Baba Rzayev ”’Azərişıq”a rəhbərliyi həyata keçirərkən, dövlət büdəcsindən ayrılan vəsaitləri özünün qurduğu müəssisələrə köçürüb.

Təbii ki, şişirdilmiş rəqəmlər hesabına Baba Rzayev öz biznesinin qazancını ağlasığmaz dərəcədə artırıb.

Büdcədən maliyyələşən sifarişləri həyata keçirən “Göknur Bakı LTD”, “GBS” MMC şirkətləri “Santral Elektrik”şirkətlərin təsisçi və rəhbərləri də Rzayevlər ailəsinin üzvləri olması barədə mediada araşdırmalar buna sübutdur.

“General Boards System” – GBS Məhdud Məsuliyyətli Cəmiyyətini Baba Rzayevin oğlu və qardaşı – Fuad Rzayev və Emin Rzayev 2003-cü ildə təsis ediblər. Şirkət elektrik avadanlıqları istehsalı ilə məşğuldur. GBS MMC-nin son işləri Bakı Beynəlxalq Hava Limanı, Muğam Teatrı, Park Bulvar və Landmark-n işıqlandırmasını təmin etmək olub.

DİA.AZ bildirir ki, bu barədə yerli KİV-də yetərincə informasiyalar paylaşılıb. DİA.AZ-ın araşdırması zamanı Baba Rzayevin Mingəçevirdəki İstilik Enerjisi Stansiyasının cari təmiri və ətrafdakı abadlıq işlərində böyük məbləğlərdə vəsaitləri silməsi bəlli olub.

Hələlik, Baba müəllimin ”Gül əməliyyatı’ndan başlayaq.

Mingəçevirdəki məlum qəzadan sonra Azərbaycan prezidenti İlham Əliyev İstilik Enerji Stansiyasının təmiri , bəzi blokların yenidən qurulmasını hökumətin əsas prioritetlərindən biri etdi.

Bu isə Baba Rzayevin yaxşı pul qazanması üçün əla fürsət oldu.

Bunun üçün ”Azərenerji’ rəhbərliyi milyonların bu sahəyə xərclənməsinə dair saxta qaimələr yazaraq, pulları mənimsədi.

Baba Rzayev bu prosesə də qardaşı və digər yaxınlarının şirkətlərini cəlb etmişdi.

İstilik Enerjisi Stansiyasının yenidənqurulması prosesinə cəlb olunan ”Elektro İndustries”, ”Cənun Enerji Tikinti”’ Baba Rzayevin ailə şirkətləri olub.

Bundan başqa Baba müəllim Zirədəki Gülçülük Sovxozunu da dövlət büdcəsinin vəsaiti hesabına qazanclı edib.

Təkcə, Mingəçevirdəki İES-in ətrafında gül, ağac kollarının əkilməsi və qazon sahəsinin salınması adı ilə 3 milyona yaxın vəsait ”silinib”.

Bununla bağlı təqdim olunan elektron qaimədəki gül siyahısına nəzər yetirəndə stansiya ətrafına baxışa ehtiyac olmur. Çünki, qaimədə adı keçən güllər Azərbaycanda inkişaf etmir.

Ancaq sənədlərə görə, İES-in ətrafı hazırda gülüstanlıq olmalıdır. Amma reallıq isə tam başqadır.

Ortada milyonlar silinib, amma İES-in ətrafı əvvəllər olduğu kimidir.

Sadəcə olaraq, Baba Rzayevin Zirədəki sovxozundan gətirilən ucuz gül kolları olub ki, o da baxımsızlıqdan quruyub.

Bunun üçün 2020-ci ilin avqust ayında Elektro qaima vasitəsi ilə Cənub Enerji Tikinti MMC-dən 2.822600 manatlıq gül,çiçək, ağac və digər bəzək kollarının sənədi daxil olub.

Pul büdcədən ödənsə də ancaq İES-də bu gül-çiçəkləri görən olmayıb. Sadəcə olaraq, saxta aktlar tərtib olunmaqla həmin güllər təhvil alınması sənədləşdirilib.

Bu proses isə bir neçə MMC vasitəsi ilə həyata keçirilib. Güllərin alınması üçün ayrı şirkət, onu əkib-becərən isə başqa şirkətlər olub.

DİA.AZ Baba Rzayevin gül-çiçək əməliyyatlında büdcədən sildiyi vəsaitlərin bir qisminin qaiməsini təqdim edir.


Ən təəccüblü olan məqam isə burasındadır ki, Azərbaycan Prezidenti korrupsiya ilə mübarizəni dövlətin əsas prioriteti elan edib.

Görünür, Baba Rzayev bu prosesdə ”Böyük başlar” getməsinin də fərqində olmayıb. Yoxsa, hər kəsin uzaydan belə gözlə gördüyü Mingəçevirin boz dağlarının ətəyində gülüstanlıq adı ilə dövlət vəsaitlərini talan etməzdi.

Amma nə bilmək olar, bəlkə də Baba müəllim tez-tez üz tutduğu falçıların, cadugərlərin kəramətinə güvənir ki, ölkənin hüquq-mühafizə orqanlarının ona uzanan əlləri olmayacaq.

Məsələ ilə bağlı dia.az olaraq bütün maraqlı tərəfləri dinləməyə hazırıq...