Haqqında bəhs edəcəyimiz şəxs Qaçqınların və Məcburi Köçkünlərin İşləri üzrə Dövlət Komitəsində çalışır. Özü də sıradan bir şəxs deyil, Departament direktorunun müavinidir. Konkret mövzuya keçməzdən öncə qeyd edək ki, Qaçqınların və Məcburi Köçkünlərin İşləri üzrə Dövlət Komitəsini 2 mühüm səbəbdən digər nazirlik, komitələrlə müqayisə etmək olmaz.
Birincisi, bu komitənin kontingenti 100 minləri, bəlkə də 1 milyona yaxın insanı əhatə edir. Həm də necə insanları. Evini-eşiyini, yurdunu, təsərrüfatını, ömür boyu qazandıqlarını itirmiş, qaçqın-didərgin, həyatından narazı olan kontingent.
İkincisi, Qaçqınkomun gördüyü işlərin həcmi və miqyası milyonlarla deyil, milyardlarla ölçülür. Bu komitə qaçqın qəsəbələri, şəhərcikləri tikir, 1 milyon insana müavinət verir, binalar inşa edir, qaçqın yataqxanalarını təmir edir, bir sözlə, bura əsl korrupsiya mənbəyidir. Və korrupsiyanın miqyası 100 milyonları keçir. Bura korrupsiyanın miqyasına görə, Təhsil nazirliyi, Səhiyyə nazirliyi, hətta Gömrük komitəsi ilə müqayisə olunmaz. Və miqyası ölçüyə gəlməyən pulları Komitənin sədri, müavinləri, qurumdakı vəzifə sahibləri mənimsəyir. Komitədə də mənimsənilən pullara, korrupsiyaya görə ən öndə gedən qurum komitənin Mənzil istismar Departamentidir( direktoru Səbuhi Əhmədov ).
44 günlük Qarabağ savaşından, torpaqlarımızın azad edilməsindən sonra bu Departamentin dairəsi daha da genişlənib.
İndi isə gələk konkret mətləb üstünə. Deməli, sədri Səbuhi Məmmədov olan Mənzil istismar Departamentinin direktor müavini Azər Eminovdur. Azər Eminov hər yerdə özünü Qarabağ qazisi kimi reklam etməyə üstünlük verir. Olsun. Qarabağ qaziləri bizim dəyərli insanlarımızdır. Amma nəinki qazi, hətta ŞAH QANUNDAN aşağıdır.
Öncə onu qeyd edək ki, Azər Eminovun direktor müavini olduğu Mənzil Departamenti ən çox korrupsiyalaşmış departamentdir. Görəsən, burada baş verənlərdən Azər Eminovun xəbəri yoxdur..? Azər Eminovun şefi Səbuhi Əhmədovun qaranlıq keçmişi ilə bağlı uzun-uzadı yazmaq istəmirik. Təkcə onun Rəsul Quliyevlə gizli neft biznesini yazsaq aləm qarışar. Bunları Azər Eminov çox gözəl bilir və özü də bu işlərin içərisindədir.
Təsəvvür edirisiniz, Rövşən Rzayev komitə sədri olan kimi haradansa Səbuhi Əhmədovu taparaq onu komitənin ən yağlı vəzifəsinə təyin edib. Beləcə Rövşən Rzayevlə Səbuhi Əhmədovun biznes ortaqlığı başlayıb. Və bu biznesdə ikinci şəxs Azər Eminovdur. Azər Eminovla bağlı xırda bir araşdırma apardıq. Bu adam özünü gah Qarabağ qazisi, gah ictimai fəal, nə bilim, Qeyri-Hökumət Təşkilatının üzvü kimi qələmə verir.
Görəsən, Azər Eminov bilmir ki, onun rəhbəri olduğu Departament köçkünlər üçün tikilən binalardakı JEK rəisləri ilə birgə mənzilləri satmaqla, kiməsə bağışlamaqla məşğuldur. Görəsən, Azər Eminov bilmir ki, rəhbəri olduğu Departament dəyəri milyonlarla olan tenderləri necə satır, necə qazanır..? Görəsən, Azər Eminov bilmir ki, direktor müavini olduğu departament qaçqınların hesabına milyonları mənimsəyir..? Belə ki, məcburi köçkünlər üçün tikilən binaların, şəhərciklərin həyətini, ətrafını kənardan gələn, məcburi köçkün olmayan şəxslərə satıb. Yəni ticarət obyekti kimi işlətmək üçün kənar şəxslərə verib. Və həmin şəhərciklərdə ayaq basmağa yer qoymayıb. Və yenə milyonlar qazanıb.
Sözün qısası, Azər Eminov bütün bunları gözəl bilir. Amma şərik olduğu üçün səsini çıxarmır. Bu adam özünü elə aparır ki, elə bil süddən çıxmış qaşıqdır. Lakin....
Məlumat üçün onu qeyd edək ki, Azər Eminov əvvəllər Qubadlı rayon İcra Hakimiyyətində işləyib. Sonradan Qaçqınkoma transfer edilib. Azər Eminovun qardaşının adı SEVAN-dır, yəni bizim Göycə gölünün ermənicə adı olan Sevan. Bacısının adı isə Klaradır. Bütün bunlarla bağlı növbəti yazıda. Amma bir məsələ maraqlıdır. Səbuhi Məmmədovun müavini Azər Eminov görəsən bilmir ki, onun şefi bloggerlərə nə qədər pul xərcləyib..?
Sözün qısası, araşdırmamız davam edir. Bizi izləyin. Qarşı tərəfin mövqeyni dərc etməyə hazırıq.gundelik baki.com/

Naxçıvan Səhiyyə Nazirliyi 2021-ci ilin aprel ayında Muxtar Respublikada fəaliyyət göstərən bəzi xəstəxanaların Baş həkimlərindən “Zəngəzur dəhlizinin təmiri və açılması üçün” pul yığıb. Kimdən 50 min, kimindən daha çox.
Pulu yığan isə Səhiyyə nazirinin köməkçisi Məhərrəm Talıbov və Nazirliyin maliyyə sektorunun müdiri Asəf Musayev olub. Tələb olunan pulu verməyən Baş həkimlərdən biri işdən çıxarılıb.
Belə məlum olur ki, nazir Niyazi Novruzovun çetesi Naxçıvan həkimlərini rəsmən axmaq yerinə qoyurmuş.
Mövcud olmayan dəhlizi necə təmir edirmişlər?
Heydər Oğuz
Teref.az

Naxçıvan "qolçomaqlar" ordusunun Ordubad “korpusu”na Əmir adlı bir şəxs rəhbərlik edib. Əmir Məmmədov Vasif “xan”ın qardaşı Məhərrəm Talıbovun ortağı imiş. Rayonun iş adamlarına məxsus obyektləri onunla bərabər mənimsəyib.
Maraqlıdır ki, digər həmkarlarından fərqli olaraq, Əmir qurbanlarının əmlakını rəsmi şəkildə ələ keçirmək dərdində olmayıb. Onun mənimsədiyi əmlaklar hələ də rəsmi sənədlərdə əsl sahiblərinə məxsus yer kimi göstərilir. Əmir sadəcə obyektləri söküb yerində öz təsərrüfatını yaradıb.
Ordubad rayonunun Aza kəndinin sakini Pərviz İbrahimov İmran oğlunun təsərrüfatı da Əmir-Məhərrəm cütlüyünün zorla ələ keçirdiyi obyektlərdəndir. Sənədlərdə həmin obyekt ictimai iaşə müəssisəsi kimi göstərilir. Əvvəl bu ərazilərdə çörək sexi, çayxana və s. iş yerləri var idi. Əmir-Məhərrəm cütlüyü bu yeri ələ keçirdikdən sonra həmin yerlər sökülür və ərik bağı salınır. Maraqlıdır ki, sənədlərdə Pərviz İbrahimovun mülkü kimi göstərilən həmin ərazi Ordubad icra hakimiyyətinin xüsusi sərəncamı ilə 2026-cı ilə qədər Əmir Məmmədovun istismarına verilib. Obyektin əsl sahibi isə öz kəndində çörək pulu tapa bilmədiyinə görə İstanbula köçüb.
Təsərrüfatın başçısı Pərviz bəyin oğlu Adəm İbrahimovun ata mülkünün başına gətirilənləri belə şərh edir.

Naxçıvanın sabiq İqtisadi İnkişaf naziri Famil Seyidovun “xan dedi, mən də rüşvət aldım” arqumenti ona bəraət qazandırmır və Firdövsinin “Şahnamə” əsərində Dəhhak surətini yada salır.
Firdövsinin mifik qəhrəmanı olan Dəhhak bizim müasir inancımızdakı şeytanı təmsil edir. Cəmşiddən sonra İran və Turan taxtında oturan 5-ci nəsil hökmdardır. Rəvayətə görə, Dəhhakın çiyinlərinin hər birində bir ilan və ya əjdaha var imiş. Həmin əjdahalar hər gün insan beyni ilə qidalanırmış.
Rəvayəti Famil Seyidovun arqumentinin üzərinə köçürsək, belə çıxır ki, Vasif Talıbov da müasir Dəhhak və onun çiynində bitən iki əjdahadan biri Famil Seyidov imiş. Yəqin ki, digəri də hazırda Naxçıvan MR Baş naziri vəzifəsini icra edən Səbuhi Məmmədovdur. Çünki məhz onlar vasitəsilə iş adamlarının bütün varidatı mənimsənilib və Naxçıvan iqtisadiyyatı sıradan çıxarılıb.
Dəhhak “xan”ın ən önəmli “leşyeyən”lərindən sayılan Famil Seyidovun indi seydilikdən dəm vurması və kimlərisə “ağır cəddi” ilə təhdid etməsi məntiqsizliyin və vicdansızlığın pik nöqtəsidir. Həyatını məzlumların haqq işinə həsr etmiş seyidlik hara, Dəhhakın beyin yeyən əjdahası olmaq hara? Seyidlik əmələ görədir, nəsildən gələn özəllik deyil. Adətən donqili seyidlər öz “cədd”lərini şələyib bellərinə atırlar.
Heydər Oğuz
Teref.az

Məhəmməd peyğəmbər və İmam Əli bütün seyidlərin ulu babası hesab olunur. Famil (Mir Yezid) Seyidov da iddia etdiyi kimi, həqiqətən seyiddirsə, deməli o da bu iki müqəddəs şəxsiyyətin nəslindən gəlir. Dolayısıyla Mir Yezid müəllimin bir nömrəli vəzifəsi öz ulu babalarına hörmət etmək, onların saldığı yolla getmək və bütün bunları əməli fəaliyyəti ilə ortaya qoymaq olmalıdır.
Bəs bu gün cəddinin arxasında gizlənən Mir Yezid öz əməli fəaliyyəti ilə həmin müqəddəs şəxslərin ənənəsinə nə qədər hörmət göstərib və göstərməkdədir?
Sözsüz ki, Məhəmməd peyğəmbərin və Həzrət Əlinin bütün fəzilətlərini yazmağa qalxışsaq, buna ömür yetməz. Odur ki, "dənizdən bir damla içməklə onun suyunun dadını müəyyənləşdirmək" yolunu tutacağıq.
Mir Yezid Seyidovun və qohumlarının bu gün bizə “xoxan” kimi göstərdiyi cəddi Həzrət Əli rəşid xəlifələrdən dördüncüsü sayılır. Yəni o, ilk İslam dövlətində ən yüksək vəzifəni tutub. Rəvayətə görə, xəlifə seçiləndən bir gün sonra əlinə xırdavat mallarını alıb bazara yollanır. Yolda onu görənlər hara getdiyini soruşurlar. O da bazara, xırdavat mallarını satmağa getdiyini bildirir. İmama xatırladırlar ki, o, artıq dövlət başçısıdır və xırdavat malları satmaq dövlət başçısına yaraşmaz. Həzrət Əli buyurur:
-Mən imam seçilmişəm deyə, çörək pulu qazanmayıb acmı qalmalıyam?
Səhabələr bundan sonra yığışıb dövlət büdcəsindən Həzrət Əliyə maaş kəsirlər.
İlk İslam dövlətində imamlara kəsilən ilk maaş budur. Digər xəlifələr zəngin olduğundan onlar maaş almayıblar. Həzrət Əlinin isə heç bir qazanc yeri olmadığından ona maaş kəsilir və İslam aləmində dövlət başçısının maaşla işləməsinin əsası bu hadisə ilə başlayır. İddialara görə, Həzrət Əli ona kəsilən maaşı maksimum səviyyədə qənaətlə xərcləyib geri qalanını yenidən beytül-mala, yəni dövlət büdcəsinə qaytarırmış.
Özünü onun neçə onmininci və ya yüzmininci nəvəsi sayan Mir Yezid Seyidov isə iş adamlarına verdiyi kreditin 40-50%-ni “şapka” kimi, qalanlarını investisiya xərci kimi əllərindən alırmış. Həmin investisiya xərci adı ilə mənimsədiyi vəsaitə İrandan zay məhsullar alıb iş adamlarına verirmiş. Məhz bu “leşyeyən”liyinin sayəsində Naxçıvanda yüzlərlə kiçik və orta sahibkar iflas edib, dövlətə borclu düşüb. Bütün əmlakları girovda olduğundan hər gün polislərin, prokurorluğun təzyiqləri altında qalıb, Böyükdüz əsirxanasına salınıb, bütün qohum-əqrəbaları rüşvət toplayıb onları müvəqqəti azadlığa buraxdırıb. Beləcə, iş adamlarının təkcə özləri deyil, qohumları da müflisləşdirilib.
Ən dəhşətlisi isə odur ki, dünənə qədər Vasif “xan”ın arxasında sığınan bu adam indi də öz ulu babalarının izzətini əlində qalxan kimi tutub ondan haqqını tələb edənləri “ağır cəddi” ilə təhdid edir. Bir növ cəddini “xoxan” kimi göstərir. Bununla da əslində öz cəddinə ən böyük hörmətsizliyi nümayiş etdirir.
İstinad etdiyi yaxşı bəhanəsi də var: “xan” dedi, mən də iş adamlarını müflis etdirdim. Halbuki, iş adamlarının iddialarına görə, bu gün qabırğasına döşədiyimiz “xan” ondan 5-10% “şapka” yığmağı tələb edirmiş. Mir Yezid isə “xan”ın bu acgözlüyündən öz şəxsi mənfəəti üçün də maksimum yararlanırmış.
Əldə etdiyim məlumata görə, cəddini “xoxan” kimi göstərən bu adam barəsində Naxçıvan MR Prokurorluğunda cinayət işi açılıb. Mir Yezid zülmündən əziyyət çəkən bütün iş adamları prokurorluğa gedib haqqını tələb etsin.
Heydər Oğuz
Teref.az

Yenidən qurulan Mərkəzi Nəbatat Bağının (Botanika Bağı) yeni layihə görüntüləri yayılıb.

Yeni layihənin görüntülərini sosial şəbəkərdə "MB Architects” şirkəti paylaşıb.

Qlobal.az xəbər verir ki, Mərkəzi Nəbatat Bağının layihəsi ilə bağlı yayılan xəbərdə təzadlı məqam var.



Belə ki, sözügedən layihənin sifarişçisi Bakə Şəhər İcra Hakimiyyətinin tabeliyində fəaliyyət göstərən "Bakı şəhər Əsaslı Tikinti və Təmir" Məhdud Məsuliyyətli Cəmiyyəti olub.



"Bakı şəhər Əsaslı Tikinti və Təmir" bu məqsədlə 2022-ci ilin iyul ayının 25-də tender elanı verib.



Bu tenderin məbləği 580.300 manat, qalibi isə "Feniks-AA" Məhdud Məsuliyyətli Cəmiyyəti olub.

"Feniks-AA" MMC 2001-ci ildə dövlət qeydiyyatına alınıb. Bu şirkətin sahibi Aydınlı Aydın İlqar oğludur. Aydınlı Aydının atası İlqar İsbatov Azərbaycan Respublikasının Dövlət Şəhərsalma və Arxitektura Komitəsinin sədr müavini vəzifəsində çalışır.



"Feniks-AA" MMC-nin dövlət büdcəsindən maliyyələşən təşkilatların sifarişçi olduqları böyük smetalı tenderlərdə mütəmadi qalib edildiyi barədə mediada xeyli yazılar dərc edilib.

Qeyd edək ki, Mərkəzi Nəbatat Bağının yeni layihəsi ictimaiyyət tərəfindən birmənalı qarşılanmayıb. Əksər insanlar yarım milyon manatdan artıq vəsait xərcləyənən yeni layihədə təbiiliyin itməsi ilə yanaşı, həm də büdcədən milyonlarla vəsaitin xrəclənəcəyinə görə bunu izafi xərc hesab edirlər.

Həmin fotoları təqdim edirik: