"Kənd Təsərrrüfatı Naziri İnam Kərimov idarəçiliyini itirdiyi kimi regonlarda tabeliyində faliyyət göstərən Dövlət Aqrar İnkişaf Mərkəzləri də maddi cəhətdən problemlər yaşayır". Bu barədə DİA.AZ-a göndərilən məlumatda deyilir.

Məqlumatda daha sonra qeyd olunur: "Dövlət büccəsindən milyonlarla manat pul ayrılan aqrar sahədə acınacaqlı şərait yaranıb. Şabran rayonu Dövlət Aqrar İnkişaf Mərkəzi Azərişıq ASC-yə ödəməyə pul tapa bilmədiyinə görə 10 gündən çoxdu qaranlığa qərq olub. Hazırda ibtidai icma dövrünü yaşayan Şabran DAİM-nin rəhbəri Fəxrəddin Osmanov işçilərə bildirib ki fevral ayının ortalarına qədər belə olacağını bildirib. DAİM nin işçilər vacib sənət işləri olduqda 1-2 saatlıq generator işlədərək binanı müvəqqəti işıqlandıraraq işlərini görür. İnam Kərimov aqrar sahəni məhv etdiyi kimi regonlarda işləyən dövlət qulluqçularınında dövlətə Cənab Prezidentin siyasətini kölgə altına salır. Qaranlığa qərq olunmuş dövlət müəssəsinə vətəndaşın necə ehtimad etsin, ya orada işləyən dövlət məmuru işıqsız invertarsız necə dövlətin vətəndaşın işin görsün. İnam Kərimovun yarıtmaz faliyyətinə görə regonlarda neçə DAİM elektrik enerjisindən günlərdi əziyyət çəkir. İnanırıq ki, Cənab Prezident İlham Əliyev özbaşınalıqla idarəçilik edən İnam Kərimov barəsində tədbir görər".

İddia olunanlarla bağlı dia.az olaraq bütün maraqlı tərəfləri dinləməyə hazırıq...

Azərbaycanda ən çox korrupsiya və özbaşınalıqların baş verdiyi qurumlardan biri də Meliorasiya və Su Təsərrüfatı Açıq Səhmdar Cəmiyyəti olub. 2006-ci ildən 2021-ci ilə qədər bu quruma rəhbərlik edən Əhməd Əhmədzadə sözün həqiqi mənasında buranı korrupsiya bataqlığına çevrimişdi.
2021-ci ildə quruma rəhbər təyin edilən Zaur Mikayılovdan bəzi gözlənilər olsa da, o da ASC-nin fəaliyyətini şəffaflaşdıra bilmədi, daha doğrusu, şəffaflaşdırmadı, bataqlıq daha da böyüdü, ətrafa yayıldı və dərinləşdi.
Bu yaxınlarda mediada gedən araşdırmalar da Meliorasiya və Su Təsərrüfatı Açıq Səhmdar Cəmiyyəti ilə bağlı haqlı suallar ortaya çıxarıb. Amma qurum bu suallara cavab vermək əvəzinə, olanları gözməzdən gəlir və qanunvericilik qarşısında özünü heç məsul saymır.
2022-ci ilin sonlarında qurumun tabeliyində fəaliyyət göstərən Kür-Araz çaylarında Bəndlərin İstismarı İdarəsi sifarişçi olduğu növbəti tenderə yekun vurub. Bu tenderlə bağlı suallar durumun olduqca ağır olmasından xəbər verir. Yəni merkantil idarəçilik bu təşkilatın əsas sevizinə çevrilib.
Bəs tenderi udan MMC kimindir?
Bir müddət öncə "qlobal.az"da gedən araşdırmada bildirilirdi ki, idarə 2022-ci ilin dekabr ayının 29-da "Əsaslı təmir üzrə Sabirabad, Hacıqabul, Salyan və Neftçala rayonları ərazisində Kür çayında daş-betonla sahilbərkitmə işlərinin satın alınması" lotu üzrə keçiridyi satınalmanın məbləği 5.965.000 manat, qalibi isə "İnşaatçı-Neftçi" Məhdud Məsuliyyətli Cəmiyyəti olub.
Nizamnamə kapitalı 10 manat olan "İnşaatçı-Neftçi" MMC-nin hüquqi ünvanı Şirvan şəhəri 28 may küçəsi, ev 2, mənzil 30 ünvanı, qanuni təmsilçisi isə Zeynalov Faiq Səmid oğludur. Amma tenderin şəffaflığı ilə bağlı ortada heç bir hesabatlılıq yoxdur. Bu MMC-nin fəaliyyəti ilə bağlı isə heç bir dolğun suala məlumata rast gəlinmir…

15 milyonluq satınalma ilə bağlı qaranlıq məqamlar…

Kür-Araz çaylarında Bəndlərin İstismarı İdarəsi 2021-ci ilin mart ayından 2022-ci ilin dekabr ayının 29-a qədər 7 (yeddi) satınalmaya yekun vurub. Bu tenderlərin ümumi məbləği 15.252.638 (on beş milyon iki yüz əlli iki min altı yüz otuz səkkiz) manat təşkil edib:
1. Lot - "Maşın mexanizmlərinin və nəqliyyat vasitələrinin ehtiyat hissələrinin satınalınması"
Qalib təşkilat - "Sevinc-96" MMC
Məbləğ - 241.880 AZN
2. Lot - "Əsaslı Təmir uzrə torpaq işləri"
Qalib təşkilat - "Meliorativ maşın stansiyası" MMC
Məbləğ - 538.600 AZN
3. Lot - "Cari təmir üzrə daş-betonla sahil bərkitmə işləri"
Qalib təşkilat - "Sevinc-96" MMC
Məbləğ - 1.046.132 AZN
4. Lot - "Əsaslı Təmir uzrə torpaq işləri"
Qalib təşkilat - "İlkin-N" MMC
Məbləğ - 6.175.511 AZN
5. Lot - "Maşın mexanizmlərinin və nəqliyyat vasitələrinin ehtiyat hissələrinin satınalınması"
Qalib təşkilat - "Sevinc-96" MMC
Məbləğ - 239.507 AZN
6. Lot - "Cari təmir üzrə Ucar, Zərdab, Kürdəmir, Sabirabad, Salyan, Neftçala rayonları ərazisində olan çaylarda mexanizmlərlə torpaq işlərinin satın alınması"
Qalib təşkilat - "Ricon" MMC
Məbləğ - 1.006.008 AZN
7. "Əsaslı təmir üzrə Sabirabad, Hacıqabul, Salyan və Neftçala rayonları ərazisində Kür çayında daş-betonla sahilbərkitmə işlərinin satın alınması"
Qalib təşkilat - "İnşaatçı-Neftçi" MMC
Məbləğ - 5.965.000 manat.
Göründüyü kimi, idarənin qalib etdiyi bu təşkilatlardan "Ricon" MMC istisna olmaqla hamısının hüquqi ünvanları qonşu rayonlardadır:
- "İnşaatçı-Neftçi" MMC - Hüquqi ünvanı Şirvan şəhəri 28 may küçəsi, ev 2, mənzil 30;
- "Sevinc-96" MMC - Hüquqi ünvanı Şirvan şəhəri, H.Z.Tağıyev, ev 45, m. 1;
- "İlkin-N" MMC - Hüquqi ünvanı Salyan rayonu Qarabağlı kəndi;
- "Meliorativ maşın stansiyası" MMC - Hüquqi ünvanı Sabirabad rayonu Bulaqlı kəndi.
Qalib təşkilatların texniki bazası yoxdur…
Kür-Araz çaylarında Bəndlərin İstismarı İdarəsinin 2021-ci ilin mart ayından indiki dövrədək qalib elan etdiyi təşkilatların maddi-texniki bazaları barədə açıq internet resurslarında heç bir məlumata rast gəlinmir.
Məlumata görə, "İlkin-N" MMC-nin texniki bazası mövcuddur. Iddia olunur ki, Kür-Araz çaylarında Bəndlərin İstismarı İdarəsinin digər tenderlərində qalib elan olunan təşkilatlar - "Meliorativ maşın stansiyası" MMC və "Sevinc-96" MMC əslində "İlkin-N" MMC-nin sahibi "Hacı Qurban" kimi tanınan Qurban Abasova məxsusdur.
Bu şirkətlərin qalib elan edildiyi işlərdə "İlkin-N" MMC-yə məxsus avtomobil və digər texnikalardan istifadə edilir. Yeri gəlmişkən, işlərdə "İlkin-N" MMC ilə bağlı zaman-zaman mediada tənqidi məqalələr dərc olunub, şirkətin şəffaflığı sorğulanıb, amma şirkət hər hansı bir açıqlama verməyib.

Tenderin qaliblərini ASC-dəki xalaoğlu müəyyən edir…

Digər qurumlarda olduğu kimi və artıq Azərbaycanda pis ənənəyə çevrilən qohumluq prinsipləri ASC-də də uzun illərdir ki, mövcuddur. Ona görə də satınalmaların formallığı hər zaman diqqət çəkir. Kür-Araz çaylarında Bəndlərin İstismarı İdarəsinin sifarişçi olduğu satınalmaların bəzi təşkilatlarda olduğu kimi formal keçirildiyi, əslində qaliblərin öncədən bəlli olduğu bildirilir. Həmçinin Meliorasiya və Su Təsərrüfatı Açıq Səhmdar Cəmiyyətinin ən böyük təşkilatlarından olan Kür-Araz çaylarında Bəndlərin İstismarı İdarəsinin sifarişçi olduğu satınalmalarda görülən işlərin dəfələrlə şişirdiliyi, alınan mal-materiallar isə rəsmi sənədlərdə əks olunduğu barədə fikirlər səslənir. İdarənin formalaşdırdığı satınalma komissiyasının müstəqil və şəffaf qiymətləndirmə aparmaq və satınalma keçirmək kimi imkanları yoxdur.
Buna səbəb isə İdarə rəisinin qanunun tələblərindən daha çox ASC rəhbərliyində təmsil olunan qohumunun sözlərinə və tapşırıqlarına qeyd-şərtsiz əməl etməsi iddia edilir. Görünən odur ki, qurumda tapşırıq və qohumluq qanunların aliliyindən daha öndədir.
Kür-Araz çaylarında Bəndlərin İstismarı İdarəsinin rəisi Elman Nuriyevin xalasıoğlu Azərbaycan Meliorasiya və Su Təsərrüfatı ASC-nin sədr müavini Zakir Quliyevdir.
Zakir Quliyev ASC-yə sədr müavini təyin edilməmişdən əvvəl uzun illər Kür-Araz çaylarında Bəndlərin İstismarı İdarəsinin rəisi vəzifəsində çalışıb.

O, 2006-cı ildə Azərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sədr müavini vəzifəsinə təyin edildikdən sonra xalasıoğlu Elman Nuriyevi Kür-Araz çaylarında Bəndlərin İstismarı İdarəsinin rəisi qoyub. Bu da bayaq dediyimiz kimi, dövlət qurumunun qohumluq prinsipləri ilə çalıışdığının bariz nümunəsidir. Təbii ki, şəffaf olmayan qurumlarda qohumşuluqla idarəçilik həm də geniş korrupsiya şəbəkəsinin formalaşmasına yol açır və Azərbaycan nümunəsində biz zaman-zaman bunun şahidi olmuşuq.
Azərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sədri Zaur Mikayılovdur. O, bu vəzifəyə 2021-ci ilin aprel ayında təyin edilib. Artıq iki ildir ki, quruma rəhbərlik edən Mikayılovun tender və satınalmalarda yol verdiyi nöqsanlar göz deşir və bu hələ ASC-də baş verənlərin hamısı deyil, görünür, orada daha dərin və ciddi problemlər var. Açıq tenderləri bu prinsiplə icra etdirən şəxslərin gör gizlində hansı fəaliyyətləri var. Mikayılovun rəhbərlik etdiyi qurumda və onun tabeliyində olan idarələrdə bu halların baş verməsi hər şeyi açıq-aşkar ortaya qoyur.
Əgər bu qurumda ciddi yoxlamalar aparılsa, aydın olacaq ki, Zaur Mikayıov nəinki sələfindən geri qalmır, hətta mənfi idarəçilikdə onu da vurub keçib… //gundemxeber.az//

Kənd Təsərrüfatı Nazirliyi, ona tabeli qurumlar, xüsusilə də nazir İnam Kərimov və komandası son vaxtlar medianın gündəmindən düşmür. Məlum olur ki, aqrar sektorun inkişaf etdirilməsi adı altında İnam Kərimov və komandası bir çox oliqarx məmurlara məxsus torpaq sahələrində bizneslərinə daxil olan xərcləri dövlət hesabına həyata keçirirlər. Dövlətin aztəminatlı ailələrə, fermerlərə verdiyi dəstəkdən isə bu gün daha çox yararlananlar nazirin “islahatçı” kadrlarıdır desək, yanılmarıq. Aqrar sektorun inkişaf etdirilməsi məqsədi ilə fermərlərə güzəştli şərtlər adı altında baha satılan gübrələr, yanacaq, vaxtlı-vaxtında verilməyən subsidiyalar və texnikalar gözdən pərdə asmaqdan başqa bir şey deyildir. Əslində isə son illər kənd təsərrüfatının inkişaf etdirilməsinə daha çox büdcə vəsaiti ayrılır. Bundan şəffaf və səmərəli istifadə etmək qalır İnam Kərimovun komandasının insafına.

İnam Kərimov və komandası isə əksinə, bunları fürsət bilib özlərinə məxsus təchizatçı şirkətlərlə işbirliyi qururlar. Aqrar sektorda islahatlar həyata keçirmək adı altında kənd təsərrüfatı texnikalarının və damazlıq heyvanların alışına şişirdilmiş rəqəmlərlə yüz milyonlarla manat vəsait xərcləyirlər. Hansı ki, aqrar sahəyə çəkilən belə izafi xərclər Kənd Təsərrüfatı Nazirliyinin bir çox maliyyə əməliyatlarında özünü açıq şəkildə biruzə verir. Aşağıdakı məlumatlarda olduğu kimi.

“Aqroservis” Açıq Səhmdar Cəmiyyəti tərəfindən Ucar Təchizat Bazasının hasarının təmiri işlərinin satın alınması üzrə keçirilmiş açıq tenderin nəticələri açıqlanıb. Dövlət satınalmalarının vahid internet portalına yerləşdirilmiş məlumata görə satınalma müqaviləsi 16.01.2023-cü il tarixdə bağlanıb. “Aqroservis” ASC qalib seçdiyi “OMAR NN GROUP” Məhdud Məsuliyyətli Cəmiyyətinə qeyd etdiyimiz işlərin görülməsi üçün 326 536.16 manat dövlət vəsaiti ödəyəcək.

Qeyd edək ki, tenderin şərtlər toplusunda görüləcək təmir işlərinin həcmi göstərilməyib. Buradan da maraqlı suallar meydana çıxır. Ucar Təchizat Bazasının hasarının uzunluğu və hündürlüyü nə qədərdi, cəmi neçə kvadratmetrdir ki, buranın təmirinə, tikintisinə yox, yalnız təmirinə üç yüz min manatdan çox vəsait ayrılıb. Bu vəsaitlə yeni nə qədər hasar çəkmək olar? Elə bu sual ətrafında araşdırmalar apardıq. Məlum oldu ki, “OMAR NN GROUP” Məhdud Məsuliyyətli Cəmiyyəti ilə “Aqroservis” Açıq Səhmdar Cəmiyyəti arasında işbirliyi çoxdan var. Belə ki, “Aqroservis” Açıq Səhmdar Cəmiyyəti 24.05.2022-ci il tarixdə Gəncə Təchizat Bazasının hasarının təmiri işləri üzrə də “OMAR NN GROUP” MMC ilə 103 840 manat məbləğində satınalma müqaviləsi bağlayıb.

Məlum olduğu kimi “Aqrolizinq” Açıq Səhmdar Cəmiyyətinin fəaliyyətinin tənzimlənməsi ilə bağlı bəzi tədbirlər haqqında” Prezident İlham Əliyevin 2020-ci il 17 avqust tarixli Fərmanına əsasən Cəmiyyətin adı dəyişdirilərək “Aqroservis” Açıq Səhmdar Cəmiyyəti adlandırılmışdır. Yəni hazırki “Aqroservis” ASC 2020-ci ilə qədər “Aqrolizinq” ASC kimi fəaliyyət göstərmişdir.

Bir az dərin araşdırdıqda məlum oldu ki, “Aqrolizinq” ASC-nin Tovuz rayon bölməsinin hasarının yenidənqurulması işlərinin satınalınması üzrə 54 574.33 manat məbləğində bir müqavilə də 04.03.2020-ci il tarixdə “İNŞAAT-İ.” Məhdud Məsuliyyətli Cəmiyyəti ilə bağlayıb. Hansı ki, bu MMC-yə məxsus VÖEN (1100157541) həm də “OMAR NN GROUP” MMC-yə aid olduğu göstərilir.

“Aqrolizinq” ASC-nin hasar təmiri əməliyatları bununla da bitmir. Belə ki, ASC Kürdəmir rayon bölməsinin uçmuş hasarının yenidənqurulması işlərinin satınalınması üzrə keçirdiyi kotirovka sorğusunda da qalib “İNŞAAT-İ.” MMC olub və tərəflər arasında 20 164.94 manat dəyəri olan satınalma müqaviləsi 27.12.2019-cu il tarixdə bağlanılıb.

Qeyd edək ki, “OMAR NN GROUP” MMC -yə aid olduğu göstərilən VÖEN-lə (1100157541) 2021-ci ilə qədər “İNŞAAT-İ.” MMC kimi bir sıra tenderlərin qalibi olub. 2022-ci ildə isə “İNŞAAT-İ.” MMC dönüb olub “OMAR NN GROUP” MMC. Bu adla isə 2022-ci ildə MMC yol çəkilişindən tutmuş təmir bərpa işləri üzrə bir neçə tenderin qalib olub.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “OMAR NN GROUP” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində 21.02.2005-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanının BAKI ŞƏHƏRİ SABUNÇU RAYONU, BAKIXANOV ŞTQ, 4090\94 MƏH., ev 2/7, m. 118, qanuni təmsilçisinin isə Ömərov Namiq Nüsrət oğlu olduğu göstərilir.

MMC haqqında açıq mənbələrdə olan məlumatlar bu qədərdir. Görsənən odur ki, “Aqroservis” Açıq Səhmdar Cəmiyyəti ilə MMC-lərin qanuni təmsilçisi kimi göstərilən Namiq Ömərov arasında ancaq hasarların təmiri üzrə anlaşma olub. Hansı ki, heç bir tenderin şərtlər toplusunda görüləcək təmir işlərinin həcmi göstərilməyib. Elə Ucar Təchizat Bazasının hasarının neçə kvadratmetr olduğunu öyrənmək cəhdlərimiz də boşa çıxdı. Bu əməliyyatın nələrə hesablandığını da elə buradan təxmin etmək olar. Əsas məqsəd bazanın hasarının təmiri deyil, bu əməliyyatdan daha çox bəhrələnməkdir.

Qeyd edək ki, “Aqroservis” ASC-nin rəhbəri Elmin Rəhmanovdur. O, sözügedən quruma 2019-cu ildə rəhbər təyin olunduqdan qısa müddət sonra özünə 298 min manata “Lexus” avtomobili alması ilə gündəmə gəlmişdi. Elə 2019-cu ildən də Elmin Rəhmanov Səhmdar Cəmiyyətin rayonlarda yerləşən bazalarına hasar təmiri əməliyatlarına başlayıb.

Aktualinfo.org

Gəncə şəhərində yerləşən universitetlərdən mütamadi olaraq saytlara şikayət məktubları göndərilir.Əksər şikayətlərdə də həqiqət payı var.Bu günümüzdə də davam edir.Son illər universitetlərin arasında bir tək ADAU-nun adı hallanmırdı,artıq son aylar bu təhsil müəissəsinin adı da siyahıda yer alır.
Azərbaycan Dövlət Aqrar Universitetinin professor müəllim heyəti adından Faktinfo.az saytına növbəti şikayət göndərilib. Şikayətdə deyilir:

İnam Kərimov Zəfər Qurbanova Azərbaycan Dövlət Aqrar Üniversitetinin rektoru vəzifəsini icra etməyi həvalə edib.Zəfər Qurbanov texnika elmləri namizədidir, neft sənayesi üzrə mütəxəssisdir.O,aqrar sektora, onun istehsalat həyatına tanış sima deyil, aqrar sahədən heç bir məlumatı olmayan yad bir adamdır. Bu adam elə hesab edir ki, aqrar sahə və kənd təsərrüfatı sahəsi başqa-başqa məfhumlardır.

Bunlar əyani sübutdur ki,İnam Kərimov ixtisas sahibləri olan mütəxəssisləri yox,böyük çapda yerlibazlıq edərək yaxın qohum və əqrabasını müvafiq strukturlara yerləşdirir.

Eləcə də bu günlərdə Əhməd Məlikov ADAU-ya tədris işləri üzrə prorektor təyin olunub.Əhməd Məlikov Azərbaycan Texnologiya Universitetində müəllim işləyirdi. Xəmir qarışdıran qurğu üzrə müdafiə edib, aqrar sahənin mütəxəssisi deyil.Bu adam Azərbaycan Texnologiya Universitetinin sənayesi üzrə mütəxəssisdir.O,Azərbaycan Texnologiya Universitetinin keçmiş rektoru Telman Məlikovun qardaşıdır.Telman Məlikovun kürəkəni Elnur Əliyev isə nazir Mikayıl Cabbarovun ən yaxın adamıdır, onun birinci müavinidir.

Son dövrlərdə ADAU-da 3 dəfə olan ölkə Prezidenti universitetdə nümunəvi tələbə evi, nümunəvi tədris korpusu, nümunəvi maddi-texniki baza yaratdı. Zəfər Qurbanov isə aqrar universiteti nəinki regionda, hətta beynəlxalq səviyyədə tanıtmaq əvəzinə universiteti müxtəlif məmurların təsiri altına saldı.O,daxili nəzarət şöbəsinə Kamran adlı bir şəxs təyin edib. Bu adam tələbələrin davamiyyətini yoxlamır,əlində jurnal professor - müəllim heyətini yoxlayır.

Hazırda Aqrar Universitetdə pislə yaxşının, savadlı ilə savadsızın yeri bilinmir. Vəzifələrə dərəcəsi olmayan adamlar təyin olunur. Bu günlərdə "Əkinçilik, genetika və seleksiya" kafedrasına keçirilən kafedra müdiri seçkisində aqrar elmləri doktoru, professor Nizami Seyidəliyev kənarlaşdırılaraq bu sahəyə tamamilə yad olan, Şəmkir rayonunun sabiq icra başçısı Aslan Aslanovun bacısı qızı Aynur Həsənovanı müdir seçdi.Aynur Həsənovanın anası Ema Aslanova Gəncə Dövlət Universitetinin kafedra müdiridir. Onun dərsləri kafedranın digər müəllimləri tərəfindən tədris olunur.

Aqrar Universitetdə quşçuluq təsərrüfatı məhv edilmək üzrədir. Universitetin parnik təsərrüfatı ləğv olunub. Zəfər Qurbanov heyvandarlıq təsərrüfatında heyvanların sayının azaldılması haqqında da göstəriş verib. İxtisasları bağlayır,tələbələrin sayını aşağı salır. Bu da Cənab Prezidentin iqtisadi inkişaf konstektində apardığı kadr siyasətinə böyük zərbədir və onun Sərəncamına hörmətsizlikdir.

Zəfər Qurbanovun ADAU-ya rektor əvəzi təyin olunduğu gündən nəzərə çarpacaq bir fəaliyyəti olmamışdır. Hər gün iclas keçirir və bu 4-5 saatlarla davam edən mənasız iclasların hamısında yalnız özü danışır, özünü tərifləyir. Zəfər Qurbanov ancaq tələbələrlə görüşür, professor-müəllim heyəti ilə normal bir görüşü hələ də olmayıb.

Əhməd Məlikov isə Qəmbər Abdullayevin, Nurəddin Məmmədovun, Texnologiya Universitetinin sabiq rektorundan gecə-gündüz ora-bura donos yazan Azər Allahverdiyevin yaxın dostudur. Onun da heç bir qabiliyyəti yoxdur, olsa idi Texnologiya Universitetində ona vəzifə verərdilər.

Zəfər Qurbanov İnam Kərimovun kadrıdır. Əhməd Məlikov isə Mikayıl Cabbarovun kadrıdır. Hər ikisinin məqsədi rektor olmaqdır. Rektorluq uğrunda mübarizə gedir, savaş gedir. "İki qoçun başı bir qazanda qaynamaz" deyib atalar... Bu savaşda Mikayıl Cabbarovun kadrı olan Əhməd Məlikovun qalib gələcəyi açıq-aydın görünür. Hətta artıq Əhməd Məlikov Göygöl rayonunda Gilavar restoranında dostları ilə yeyib içərkən,Zəfər Qurbanovun qatarının getdiyini bildirmiş və bunu süfrə arxasında tostlarla qeyd etmişdir.

Mərhum akademik Cəlal Əliyevin dediyi kimi torpaqda yetişib, torpaqda böyüyən ən azından elmlər doktoru, professorlar bu universitetdə çalışıblar. Ona görə də aqrar sahəni dərindən bilən mütəxəssslər bu universiteti inkişaf etdirə bilər.ADAU-da magistr, bakalavr, yüksək ixtisaslı elmlər doktoru, fəlsəfə doktoru hazırlanırsa, ən azından bu universitetə aqrar sahəyə tam bələd olan şəxsin rəhbərlik etməsi daha münasibdir.

Seyid Cəfər Pişəvəri adına humanitar gimnaziyanı bitirib fars dili mütəxəssisi olan, daha sonralar Bakı Dövlət Universitetinin Beynəlxalq hüquq fakültəsini bitirərək beynəlxalq hüquq üzrə mütəxəssis olan İnam Kərimov aqrar sahəyə necə zərbə vurursa, onun yaxın qohumu, neft sənayesi üzrə mütəxəssis olan Zəfər Qurbanov da, ADAU-nu elə məhv edir. Aqrar sahə çox spesifik sahədir, bu sahəni idarə etmək üçün illərin təcrübəsi lazımdır, yəni akademik Cəlal Əliyevin ifadəsi ilə desək, idarə edən mütəxəssis “asfaltda yox, torpaqda doğulmalıdır”.

Ümid edirik ki, ölkə rəhbəri bu universitetin aqrar sahədən tamamilə məlumatsız şəxslərə həvalə etməsi haqqında ciddi bir tədbir görəcəkdir.

FAKTİNFO.AZ

İllər boyu Təbibin hal-hazırki icraçı direktoru Vüqar Qurbanov Nərimanov Tibb Mərkəzinin direktoru Fazil Alməmmədov ilə əlbirdir. Belə ki, Vüqar Qurbanov uzun illər keçmiş 5 saylı xəstəxanada (indiki Nərimanov Tibb Mərkəzi) həkim-nevropotoloq kimi adı gedirdi. Özü "ölü canlar kimi" işə gəlmirdi, dərman biznesi ilə məşğul idi. Həmçinin Vüqar Qurbanovun həyat yoldaşı Nərimanov Tibb Mərkəzində nevroloji şöbənin müdiridir.
Respublikanın bütün poliklinikalarında post terminallar quraşdırılıb. Baxmayaraq ki, hər ay İcbari Tibbi Sığorta tərəfindən vətəndaşların maaslarından pul tutulur, lakin onlar tibbi xidmət üçün pullar keçirirlər. İcbari Tibbi Sığorta zərfində nəzərdə tutulmuş tibbi xidmətlər pulsuz olduğu halda sadə tibbi baxış ödənişlidir. Qiyməti 40 manat 12 qəpikdir. Deməli, ödənişlərə aid olan arayışlar:
1. İşə qəbul
2. 18 yaşı bitmiş tələbələr
3. Magistra, rezdenturaya qəbul olan tələbələr
4. İlk sürücülük, vaxtı bitmiş sürücülük
5. Obliqat-kontingent
6. Digər arayışlar
Sual yaranır ki, post-terminal qəpik qəbul etmir. Vətəndaşlar 41 manat ödəmək məcburiyyətindədirlər. 88 qəpiyin aqibəti bilinmir ki, hansı cibə gedir.
Statistikaya nəzər yetirsək hər il arayışlardan külli miqdarda gəlir əldə olunur. Tibb müəssisələrinin vəziyyətinə baxaraq Təbib və İcbari Tibbi Sığortaya xalqın üstündə eksperiment aparmasına, onların hüquqlarını pozmasına kim icazə verib?
Fazil Alməmmədov Şuşaya göndərdiyi hər həkimin ezamiyyət pulundan məcburi 200 manat oteldə qalmaq üçün mənimsəyib cibinə qoyur…
Fazil Alməmmədovun 88 qəpik biznesi….

Biz bir media olaraq Səhiyyə Nazirliyi, İctimai Tibbi Sığorta Dövlət Agentliyi və onun tabeçiliyində olan “Tibbi Ərazi Bölmələrinin İdarəetmə Birliyi” publik hüquqi şəxsin (TƏBİB) sədri Vüqar Qurbanovun əməlləri barədə xeyli müddətdir ki, yazırıq.
Təsəvvür edirsiniz, uzun illərin təcrübəli, peşəkar həkimləri deyir ki, biz səhiyyə sistemində baş verənlərdən dəhşətə gəlirik. TƏBİB deyilən qurum və onun rəhbəri Vüqar Qurbanov hər rayona sanki bir “səhiyyə naziri” təyin edib.
Doğrudan da, bu gün Azərbaycanda profilindən, təyinatından asılı olmayaraq mövcud səhiyyə müəssisələrini, xəstəxanaları, poliklnilakarı birləşdirib bir nəfərə tabe edirlər. Daha dəqiq desək hər rayonda RAYON TİBB MƏRKƏZİ yaradılır və bütün tibb müəssisələri ona tabe edilir. Biz bir media olaraq dəfələrlə yazmışıq ki, bunun adı islahat-reforma olsa da, söhbət rüşvət və korrupsiyanın çiçəklənməsindən gedir.
Sözün qısası, Azərbaycan səhiyyəsinin məhv edənlər hər rayonda yuxarıda dediyimiz kimi “səhiyyə nazirləri” yaradıblar. Paytaxt Bakının Nərimanov rayonunda isə “səhiyyə naziri” Allah qoymasa Nərimanov Tibb Mərkəzinin direktoru Fazil Alməmmədovdur. Vaxtilə 5 saylı Klinikanın baş həkimi olan Fazil Məmmədova tabe etdirilən Tibb müəssisələrinin siyahısına baxın. Şuşa Modul Tipli Xəstəxana Uşaq Yoluxucu Xəstəliklər Xəstəxanası Uşaq Klinik Xəstəxaansı Yanıq Mərkəzi 1 nömrəli Poliklinika 2 nömrəli Poliklinika 3 nömrəli Poliklinika Adama deyərlər ki, yanığın, yoluxucu xəstəliyə nə dəxli..? Hələ bu harasıdır..? Fazil Alməmmədov cavan, təcrübəli işçiləri işdən azad edərək, təqaüd yaşı çoxdan keçmiş, rüşvətxor baş həkimləri vəzifələrə gətirir.
Belə faktlar Nərimanov Tibb Mərkəzində xeyli saydadır. Yuxarıda göstərdiyimiz faktları bir daha təkrar etməkdə məqsədimiz kimisə aşağılamaq, kimisə ittiham etmək deyil. Məlumdur ki, vətəndaşlar sürücülük vəsiqəsi almaq üçün arayışlar alırlar. Bundan başqa vətəndaşlar işə düzələndə sağlamlıq haqqında arayış, hətta narkoloji və digər arayışlar təqdim edirlər.
Məlumdur ki, əvvəllər bu arayışlar ödənişsiz idi. Amma Fazil Alməmmədov kimilərin səhiyyə sisteminə gəlişindən sonra vəziyyət dözülməz olub. Belə ki, İcbari Tibbi Sığorta Agentliyindən bildirilib ki, sürücülük vəsiqəsi almaq üçün tələb olunan tibbi arayış və iş yerinə təqdim edilən sağlamlıq haqqında arayış ödənişlidir. Bunu başa düşdük. Bəs, Fazil Alməmmədov kimi Tibb Mərkəzi direktorlarının tətbiq etdiyi “tarif biznesi” vətəndaşları dövlətdən narazı salır. Belə ki, sürücülük vəsiqəsi və digər tibbi sağlamlıq arayışları üçün qiymət 40 manat 12 qəpik müəyyən edilib. Və vətəndaşlara deyilir ki, mütləq post terminala gedib pulu ödəməlisiniz. Görəsən, bunlar başa düşmür ki, post terminal pulun qalığını qaytarmır.
Deməli, hər gün minlərlə, bəlkə də on minlərlə vətəndaş tibb arayış üçün terminallara 41 manat pul köçürür. Görəsən, terminalda qalan 88 qəpiklər…vuranda on minlərə….milyonlarla manat edir.
Əlbəttə Azərbaycan Səhiyyəsinin ciddi islahatlara ehtiyacı var. Amma bu gün İcbari Tibbi Sığorta, Təbib, Bakı Baş Səhiyyə idarəsi, Tibb Mərkəzləri adı altında baş verənlər Azərbaycan Respublikasının Səhiyyə sisteminin dağıtmağından başqa bir şey deyil. Bu rəhbərlər səhiyyəni biznes ocağına çeviriblər və bunuda iclaslarda açıq-aydın söyləyirlər. Onların şüarı "Pul qazanmaq vaxtıdır". Səhiyyə və xəstə əks istiqamətdədirlər.
Məsafədən asılı olmayaraq, Tibb müəssisələri Tibbi Mərkəzlərə birləşdirilib. Bu da vətəndaşların haqlı narazılığına səbəb olub. Məsələn, vətəndaş icbari tibbi sığorta yolu ilə hansı bir müayinə, müalicə və əməliyyat keçmək üçün ilk növbədə müraciəti ASM (ailə sağlamlıq mərkəzi), İDM ( ixtisaslaşmış diaqnostik mərkəzə), son nöqtəsi Tibb Mərkəzləridir. Orada da saatlarla gözləməkdə qalırlar. Bir günə məsələ həll olunmur. Vətəndaşlar həm yollara, həm də gözləmələrə məruz qalırlar.
Həmçinin laboratoriaya xidmətlərinə gəlincə sual yaranır ki, Tibb Müəsissələrində laboratoriya cihazları olduğu halda, vətəndaşlardan qan götürülüb, özəl klinikalara yönləndirilir.
Görəsən səhiyyəmizin baş bilənləri 40 manat 12 qəpik əvəzinə 41 manat edib, vəsaiti dövlətin büdcəsinə keçirə bilməzdilər..? Hələ bu harasıdır..? Fazil Alməmmədov Şuşaya ezamiyyətə göndərilən həkimlərə verilən 500 manatın 200 manatını elə yerindəcə tutub alır. Bir sözlə, Nərimanov Rayon Tibb Mərkəzində rüşvət və korrupsiya halları baş alıb gedir.
Redaksiyamıza daxil olan məlumatlara görə, Nərimanov Tibb Mərkəzində yoxlamaların başlanacağı gözlənilir. Deyəsən, Fazil Alməmmədovun kitabı bağlanmaq üzrədir.
gundelik baki

Keçən həftə Qusar rayon icra hakimiyyətinin başçısı Şair Alxasovla bağlı vətəndaş gileyini təqdim etmişdik.

Qusar sakinləri başçının əlindən DAD deyir - MÜRACİƏT

DİA.AZ bildirir ki, sözügedən materialda olduqca ilginc iddia və ittihamlar yer almışdı. Bu dəfə isə sakinlər dediklərini əks etdirən fotoları redaksiyamıza yollayıblar.

Sakinlər yazır:

"Şikayətimizi işıqlandırdığınıza görə sizə bütün sakinlər adından təşəkkürümüzü çatdırmaq istəyirik.

Əlavədə sizə şikayətimizdə sadaladığımız obyektlərin fotolarını təqdim edirik.

Şəkildə gördüyünüz "Bənövşə gölü"-nün 2 il öncəki, və hal hazırki vəziyyətini görə bilərsiniz. Göl tamamilə qurudulub.
Bundan əlavə Şair Alxasovun oğlu İlkinin adına tikdirdiyi "İlk İnn" otelin şəkillərini, "Təzə Bazar" Ticarət Mərkəzinin və "Yaşıl Park" restoranı görə bilərsiniz".









Məsələ ilə bağlı teref.az olaraq qarşı tərəfin mövqeyini dərc etməyə hazırıq...