 |
|
|
Mirhəsən Seyidov yeni seçiləndə Neftçala sakinlərinin gözləntiləri tamam fərqli idi. Hərkəs İsmayıl Vəliyevin çəkdirdiyi əziyyətlərdən qurtulduğunu və yeni icra başçısını həm prezidentimizin həm də onların etimadını doğruldacağına inanırıdı. Amma çox təəssüf ki, belə olmadı.
ölkə başçısı İlham Əliyev 3 il öncə İsmayıllı və Neftçala rayonlarının icra başçılarını qəbul edərkən onlara bir sıra tövsiyyələr etmişdi. Konkret olaraq ən gənc başçı olaraq təyinat alan Mirhəsən Seyidova xüsusi tövsiyyələr etmişdi. İndi Neftçala sakinlərinin ümumi fikrini belə ifadə etmək olar: “Cənab Ali Baş Komandan Mirhəsən Seyidov bir əsgəriniz, xalqın bir xidmətçisi olaraq, Sizin etimadınızı doğrultmadı”.
M.Seyidovun bir rayona rəhbərlik edə bilməməsi tək sadə insanları deyil Neftçalanın tanınmış simalarını, rayonda böyük nüfuz sahibi olan şəxslərdə də ciddi narazılıq yaradıb. Milli azadlıq hərəkatının Neftçalada liderlərindən biri, 1992-93-cü illərdə Neftçala rayon İcra başçısı olmuş Fərman Hüseynovun fikirləri bu baxımdan maraq doğurur. 90-cı ilin yanvarın 25-də sovet ordusunun Neftçalada törətdiyi qətliam zamanı işğalçılara qarşı mübarizədə meydanda olan və yaralanan F. Hüseynov facebook sosial şəbəkəsində icra başçısının məhz həmin hadisələrlə bağlı laqeydliyi haqda yazısını Anaxeber.info olaraq təqdim edirik: “Bu gün Neftçala İcra hakimiyyətini idarə edən kəslər anlamırlar ki, Neftçala qətliamına bənzər hadisə bir Bakıda, bir də Neftçalada və Lənkəranda baş verib. Bu tarix ayrıca qeyd edilməlidir. Bu gün İcra başçısı özünə borc bilməlidir, məhz bu gün də abidə önünə gəlib ziyarət etsin. Çünki bu qanı tökulən qəhrəmanlar o tarixi yazanda başçı Mirhəsən Seyidovun 1 yaşı vardı, onun kimi kef məclislərində həyat sürməmişdilər. Cənab başçı hətta özünə rəva bilmədi ki, həmən günü yanvar qazilərini otağına dəvət edib onlara Allahın salamını versin. Cənab başçı hələ də anlamır ki, o bu qəhrəman qazilərin, şəhid ailələrinin əlinə su tökməyə layiq deyil.
Bu ötən 33 ildə bütün icra başçıları biz qaziləri, şəhid ailələrini ehtiramla qəbul ediblər, otaqlarında çay stolunda yarım saat belə olsa o günləri xatırlayıblar. Yalnız Mirhəsən Seyidov başçı gələndən sonra 20 yanvarçılara , bu təşkilat rəhbərinə qarşı gizli müharibə aparıb. Cənab Mirhəsən Seyidov biz qazilərin rayonda keçirilən vətənpərvərlik tədbirlərində iştirakımıza qadağa qoya bilər, ancaq o anlamır ki, biz qəhrəmanlıq tarixini yazanların övladları da 44 günlük müharibədə savaşıb bizləri Zəfərə qovuşduranlardır. Bu sayğısız, qanacaqslz davranlşlara son qoymağı məsləhət görərdim. Bir gün polis rəisi ilə intriqa aparan, özünün 1-ci müavininə düşmənçilik edən, YAP Neftçala rayon təşkilatının sədrinə maşın nömrəsi üstündə müharibə elan edən, savadı, təşkilatçılığı ilə çoxuna örnək olan Heydər Əliyev Mərkəzinin direktoru, neçə beynəlxalq tədbirlər təşkil edib Neftçalaya nüfuz gətirən Könül Məmmədovaya qarşı haqsız sayğısızlıq etməklə , rayon idarəçiliyini özündən əvvəlki həbs olunan icra başçısının fəaliyyətinə qaytarmaqla hegemonluq edə bilər. Ancaq bizi kimsələrə bənzətməsin. Cənab Prezidentin onu Neftçalaya başçl göndərəndə 10 milyonluq xalqın qarşısında ekrandan söylədiyi “böyük-kiçik yerini bil” tövsiyyəsini unutmasın. Bizdən xatırlatmaqdır”.
Yeri gəlmişkən, rayondan Anaxeber.info-ya daxil olan məlumata görə, rayon icra hakimiyyətinin bir neçə strukturu əsl korrupsiya bataqlığınddadır. Məsələn, Neftçala rayon İcra Hakimiyyəti Başçısı Aparatının digər bir dövlət qulluqçusu, memarlıq və tikinti şöbəsinin aparıcı məsləhətçisi (mühəndis) olan Elton Əsgərov da elə öz kolleqalarından geri qalmır.Belə ki, Elton Əsgərov sahibkarlara hədə-qorxu gələrək guya ki onların tikdiyi tikililərin qanunsuz olduğunu bildirərək sökdürəcəyini iddia edir. Çarəsiz durumda qalan sahibkarlar min-bir əziyyətlə tikdirdiyi obyektlərinin sökülməyini gözə ala bilmir. Məcbur qalıb Elton Əsgərova rüşvət verir. Bu rüşvətləri bəh-bəhlə götürən Elton Əsgərov, Dövlət Təhlükəsizlik Xidməti tərəfindən həbs olunan əvvəlki memarlıq və tikinti şöbəsinin müdiri Vüqar Nağıyevin aqibətini niyə yaddan çıxarıb ?
Mənzil Kommunal Təsərrüfatı İdarəsinin fəaliyyət dairəsi kifayət qədər genişdir. Bura yol çəkilişi, məktəb və uşaq bağçaları, eləcə də, digər sosial obyektlərin tikintisi və təmiri daxildir. Ümumiyyətlə, mənzil kommunal təsərrüfatı sahəsinə Prezidentimiz cənab İlham Əliyev tərəfindən büdcədən kifayət qədər böyük həcmdə vəsait ayrılır.
Neftçala Mənzil-Kommunal Təsərrüfatı İstehsalat Birliyinin rəisi olan Mehdi Miriyev nazir deyil, komitə sədri deyil, hətta icra başçısı da deyil, departament rəisidir. Məlum məsələdir ki, ona aid olan bu qədər sərvət nə hesabına əldə olunub. Mehdi Miriyev Neftçala Mənzil-Kommunal Təsərrüfatı İstehsalat Birliyin “qohumluq imperiyası” qurub. Belə ki artıq təqaüd yaşına çatmış şəxsləri çıxarıb onları yeni işçilərlə əvəz etmək əvəzinə, heç bir kadr dəyişikliyi etmir. Belə ki adı siyahıda olan şəxslər var ki hansı ki onlar işləmir və həmin şəxslərin kartlarını cibində saxlayır aylıq onların maaşıını özü mənimsəyir. 150 nəfərlik işçi heyətinin siyahıda adının olmasına baxmayaraq, üst-üstə toplasan qurumda heç 70 nəfər yoxdur. //Anaxeber.info//
Kooperasiya Universitetində növbəti rüşvət qalmaqalı yaşanıb.
TEREF.AZ yenicag.az-a daxil olan məlumata əsasən biildirir ki, Kooperasiya Universiteti Magistratura şöbəsinin müdiri Əmiraslan Nəbiyev məqbul qiymət üçün magistrlərdən 150 manat tələb edir.
Qeyd olunur ki, magistrlərə bu məbləğdə qiymət “oxuyan” Nəbiyev hətta imtahanların vaxtı ilə bağlı onları məlumatlandırmağa da ehtiyac görmür.
Nəticədə magistrlər nə zaman imtahan verəcəklərini son anda öyrənmək məcburiyyətində qalırlar və seytnot vəziyyətinə düşərək imtahana normal hazırlaşa bilmirlər. Ancaq bu hal şöbə müdirini qətiyyən qayğılandırmır.
Redaksiyamıza göndərilən bu qiymət cədvəlinə diqqət edin. Məlumata görə, cədvəldə qiymət qrafaları boş saxlanılan magistrlər Nəbiyevin tələb etdiyi məbləği ödəyənlərdir. Yəni digər magistrlərin nəticələri qiymətləndirildikdən sonra onlara da uyğun qiymət yazılacaq.
Bildirilir ki, Nəbiyəv imtahandan məqbul qiymət ala bilməyən, yaxud da balı qəsdən aşağı salınan magistrlərə “özlərini yormamağı, tələb olunan pulu verib qiymət almağı” tövsiyə edib.
Qeyd edək ki, Kooperasiya Universitetinin rektoru Milli Məclisin deputatı Eldar Quliyevdir.
Qarşı tərəfin mövqeyini işıqlandırmağa hazırıq.
Teref.az yazır ki, Mədəniyyət Nazirliyi deyəsən yeni layihəyə start verib. Binaların tarixiləşdirilməsi və ya tikilmə tarixlərinin falsifikasiya edilməsinə başlanıb
Bakıda bəzi binaların üstünə vurulmuş bu binaların tikilmə tarixi ilə bağlı lövhələr adamları çaş baş qoyur. Çünki bu löhələrdə yazılan tarixlərlə binaların əsl tikilmə tarixləri heç də uyğun deyil.
Məsələn oxucularımızdan birinin bizə göndərdiyi şəkildə gördüyünüz bina Neftçilər pr 131-də yerləşir. Şəkili göndərən oxucumuz iddia edir ki, bina 1958-ci ildə tikilib. Lakin Mədəniyyət Nazirliyinin vurduğu lövhəyə inansaq bina 1916-cı ildə tikilib. Oxucumuz sual verir, əgər bina 1916-cı ildə tikilibsə, niyə 1920-30-40-cı illərin əski Bakı şəkiullərində bu bina yoxdur?
Bu bina isə Zərifə Əliyeva k 53,57 də yerləşir. Oxucumuzun yazdığına görə bina 1913 cü ildə tikilib. Lakin lövhədə 1880 il yazılıb. Oxucumuz yazır ki, biz bu binada yaşayırıq, o zamanlar binanı təmir edəndə divarda binanın tikilmə tarixi 1913-cü il yazılmışdı. İndi bilmirik bunlar 1880-ci ildə tikildiyini hardan götürüblər.
Zərifə Əliyeva 25e və Rəsul Rza küçələrinin kəsişməsində yerləşən bu bina isə həqiqətən ağıllara sığmayan bir möcüzə nəticəsində 1888-ci ilə aid edilib.
Axı sadə gözlədə baxanda bilinir ki, bu binalar 50 -ci illərin binasıdır... Hansı ağılla bu binanı aparıb 1888-ci ilə aiad etmisinioz ay cənab "mütəxəsislər"
Teref.az olaraq qeyd etmək istəyirik ki, həqiqətən bu evlərə baxanda bunun elədə qədim olmadığı bilinir. Hər halda əsl mütəxəsislər öz fikirlərini bildirərlər
Teref.az yazır ki, "save.baku" səhifəsi bu zəmində daha bir ilginc məqama toxunub. Səhifə yazır:
Yarım əsr əvvəl polşalı satirik Stanislav Yeji Lets yazırdı: «İnəyə kakao versən belə, şokolad saga bilməyəcəksən». Mənə elə gəlir ki, o, bizim Mədəniyyət Nazirliyinin əməkdaşlarını nəzərdə tuturdu. Düşünə bilərsiniz ki, niyə onları yenidən xatırladım? Bəli, bu gün qismət oldu, Akademik Əbdül Kərim Əlizadənin adını daşıyan küçə ilə gedirdim və birdən görürəm: binanın üstündə yeni «Yaşayış evi» lövhəsi var - görünür, bu yaxınlarda «mədəniyyət» nazirliyinin əməkdaşları tərəfindən vurulub.
Əslində, bütün həyatım boyu ikimərtəbəli binanın N.M.Şağıdanovun passajı olduğunu düşünürdüm. Düzdür, rəsmi mənbələrdə bina nədənsə «Tağıyevin pasajı» adlanır (təxmin edin niyə), baxmayaraq ki, o, onu yalnız 1903-cü ildə N.M.Şaqidanovdan alıb. Binanın özü isə 1896-1898-ci illərdə polşalı memar Kazimir Skureviçin layihəsi əsasında passaj, univermaq, müasir terminologiyadan istifadə etsək – o dövrün böyük ticarət mərkəzi kimi tikilib. Məlum olur ki, Mədəniyyət Nazirliyinin indiki «səriştəli» işçilərinin dediyinə görə, bu, yaşayış binasıdır. Beləliklə, siz, yoldaşlar, bunu yadınızda saxlayın! Rusiyalı Kozma Prutkovun yazdığı kimi: «Bir filin qəfəsində «camış» yazısını oxusanız, gözlərinizə inanmayın».
Teref.az olaraq inanırıq ki, Mədəniyyət Nazirliyi bu "nailiyyətləri" barədə hansısa acıaqlama verəcək!
Teref.az
“2022-ci ilin aprelin 1-dən Kəlbəcərdə yol tikintisi ilə məşğul olmuşuq. Sentyabrda baş verən döyüşlər ərəfəsində təhlükəli olduğu üçün ərazidən çıxdıq. Bizə dedilər ki, narahatlıq üçün heç bir səbəb yoxdur, maaşlarınız ödəniləcək. Amma son bir neçə ayın maaşları ödənilmədi”.
Bunu Meydan TV-yə “İnterservis qrup” şirkətinin keçmiş əməkdaşı Samir Mahmudov deyib.
Şikayətçinin sözlərinə görə, maaşını ala bilməyən işçilərin çoxu şikayət etməkdən çəkinir. Amma üç nəfər bununla bağlı Əmək və Əhalinin Sosial Müdafiə Nazirliyinin Dövlət Əmək Müfəttişliyi Xidmətinə şikayət edib. Xidmət şikayəti araşdırıb və şirkət cərimələnib:
“Mühəndis heyətinin maaşları ödənildi, amma fəhlələrə dedilər ki, maaşlar ödənilməyəcək, hara istəyirsiniz şikayət edin. Sentyabr ayının 12-nə qədər olan maaşı verdilər. Avqust ayının maaşı noyabrda ödənildi. Sentyabr ayının yarısı, oktyabr, noyabrın əməkhaqqı ödənilməyib”.
Digər şikayətçi Ziya Heybətoğlu Əzizov isə deyib ki, o, martın 16-dan müqavilə əsasında işə götürülüb. Son 3 ayın maaşını ala bilməyib:
“Sentyabr hadisələrinə görə bizi məzuniyyətə göndərdilər, amma məzuniyyət haqqı ödənilmədi. Sentyabrın 1-dən maaşım 1500 manat olmalıydı. Buna baxmayaraq, sentyabr ayında cəmi 377 manat, noyabr ayında 351 manat, sonradan 243 manat pul köçürüblər. Şirkətdən bizə deyiblər ki, şikayət etdiyinizə görə cərimə ödənilib. Buna görə də, maaşlar verilməyəcək”.
Şikayətçilərdən biri isə deyib ki, sentyabrdan dekabradək hər həftə əməkhaqlarının ödəniləcəyinə dair vəd verilib:
“Əmək Müfəttişliyi Xidməti şikayətimizin haqlı olduğunu təsdiqlədi. Ötən ilin dekabrın 29-da şirkətdən bizə zəng edib dedilər ki, şikayət etdiyiniz üçün pullarınız ödənilməyəcək. Çünki maaşlar Əmək Müfəttişliyi Xidmətinə cərimə olaraq verilib”.
“Əmək Müfəttişliyi Xidmətindən isə dedilər ki, araşdırma davam edir, amma şirkətdən maaşlarımız məcburi şəkildə ödənilə bilməz. Uzaqbaşı, müraciət edəcəklər ki, pullarımızı ödəsinlər. Şikayət etməyən işçilərə isə deyirlər ki, nə işləmisiniz ki, sizə pul ödənilsin. Bizimlə şirkət arasında bağlanmış müqavilə dekabrın 1-də tamamlanır”, – şikayətçi deyib.
Qeyd edilib ki, “İnterservis” qrup haqqında internetdə geniş məlumat verilməyib. İşçilər şirkətin əvvəllər başqa ad altında fəaliyyət göstərdiyini deyirlər.
İşçilərin müdir kimi təqdim etdikləri Orxan adlı əməkdaş isə şirkətin cərimələndiyini təsdiqləyib. Onun sözlərinə görə, işçilərə borcları qalmayıb.
Dövlət Əmək Müfəttişliyi Xidmətindən məsələ ilə bağlı sorğuya cavabda deyilib:
“İnter Sevice Group” MMC-nin işçiləri olmuş Əzizov Ziya Heybət oğlu və Qasımov Vasif Balaqardaş oğlunun əmək hüquqlarının pozulması barədə Dövlət Əmək Müfəttişliyi Xidmətinə daxil olmuş müraciətləri araşdırılıb. Onların əmək müqavilələrinə xitam verildiyi, lakin son haqq-hesablarının ödənilmədiyi müəyyən edilib. Dövlət Əmək Müfəttişliyi Xidməti tərəfindən qanunvericiliyə uyğun olaraq görülən tədbirlər nəticəsində “İnter Sevice Group” MMC tərəfindən həmin iki şəxsə – Z.Əzizov və V.Qasımova son haqq-hesabları hesablanaraq ödənilməsi təmin edilib”.
"Mənim anam beş ay öncə vəfat edib. Adında kredit vardı "Access bank"da..." DİA.AZ bildirir ki, bu barədə "Hüquqşünaslar Qrupu" sosial platformasında şikayət edən vətəndaş çıxılmaz durumda olduqlarını ifadə edir.
Narazı vətəndaş daha sonra yazır: "Anamdan bizə heç bir mal-mülk miras qalmayıb. Adımızda heç bir mal-mülk yoxdur. Və zamin da durmamışıq.
Lakin bank bizi məhkəməyə verəcəyini... aylıq maaşdan tutduracağını deyir. Qanunla bunu edə bilərmi?"
DİA.AZ bildirir ki, vətəndaşın bu şikayəti hüquqşünaslar tərəfindən aşağıdakı kimi dəyərləndirlib və aydın olur ki, "Access Bank" açıq-aşkar qanunları pozmaqla məşğuldur. Hüquqşünaslar açıqlayır:
"AZƏRBAYCAN RESPUBLİKASI KONSTİTUSİYA MƏHKƏMƏSİNIN PLENUMUNUN 4 iyun 2018-ci il tarixli Qərarına əsasən "borclunun ölümündən sonra, ilk növbədə, mirası qəbul etmiş vərəsələr miras açıldığı gündən onlara çatan miras payı həcmində miras qoyanın kreditorları qarşısında birgə məsuliyyət daşıyırlar"".
Yəni bu o deməkdir ki, "Access Bank" vətəndaşa qarşı qanunsuz tələb irəli sürməkdədir...
Məsələ ilə bağlı teref.az olaraq bütün maraqlı tərəfləri inləməyə hazırıq...
Milli Məclisin üzvü Erkin Qədirlinin 1-2 cümləlik açıqlaması deputatlar arasında xeyli narazılıq yaradıb. Bizim məqsədimiz nə Erkin Qədirlinin fikirlərinə dəstək verməkdir, nə də onu susdurmaqdır.
Bu məqamda 20 il öncə, 2003-cü ildə Prezident seçilən cənab İlham Əliyevin ilk müsahibəsində dediyi bir fikri yada düşür: “Biz mağara psixologiyası, feodal təfəkkürü ilə heç nəyə nail ola bilmərik”. Doğrudan da, danışanın ağzından vurmaq, onu susdurmaq lazım deyil. İmkan verin cəmiyyət danışsın...cəmiyyətdə bir açılım olsun. Biz demirik ki, Erkin Qədirlinin ağzından dür tökülür, dedikləri düzdür-filan. Amma insanlara öz düşüncəsini qadağan etmək olmaz. Cənab Prezidentimiz demişkən, mağara psixologiyası ilə biz uzağa gedə bilmərik.
Məlumatı olmayanlar üçün qeyd edək ki, Erkin Qədirli 9 fevral 2020-ci ildə keçirilən növbədənkənar seçkilərdə 16 saylı Yasamal II dairədə qalib olub və millət vəkili seçilib. Erkin Qədirli Milli Məclisin Hüquq Siyasəti və Dövlət Quruculuğu Komitəsinin və Milli Məclisin Müdafiə, Təhlükəsizlik və Korrupsiya ilə mübarizə Komitəsinin üzvü seçilib. Erkin Qədirli İrlandiya-Azərbaycan Parlamentlərarası İşçi qrupunun rəhbəri və Azərbaycanın AŞPA-dakı nümayəndə heyətinə üzv seçilib. Erkin Qədirli REAL partiyasının liderlərindən biridir. Bir daha qeyd edirik ki, nəinki Erkin Qədirlinin, ümumiyyətlə, heç kimin dedikləri Quran ayəsi deyil. Biz bir cəmiyyət olaraq müxtəlif yanaşmalara, fərqli düşüncələrə hörmətlə və dözümlü yanaşmalıyıq.
Unutmaq lazım deyil ki, cəmiyyət üçün tənqid çox vacibdir. Və problemlərin üstünü basdırdıqca, problem alt qata keçir və gələcəkdə ciddi təhlükə yaradır. Deməli, ən yaxşısı cəmiyyətin danışması, öz mövqeyini bildirməsidir.
Yeri gəlmişkən, ölkənin ən problemli qurumlarından biri olan, “Azərsu” ASC-nin bəzi nümayəndələri də danışmağa başlayıb. Görürsünüzmü, məsələ təkcə millət vəkili Erkin Qədirli ilə bitmir ee....Cəmiyyətdə bir danışmaq, açılmaq, etiraz etmək, öz düşündüyünü bəyan etmək tələbatı var. Bəli, bir neçə gün əvvəl olan toy məclisində Azərsu ASC-nin Qaradağ rayon Su Kanal İdarəsinin rəisi Elnur Əliyev də danışıb, fikirlərini bildirib, nəyəsə etiraz edib.
Məlumat üçün qeyd edək ki, Elnur Əliyev əvvəllər Binəqədi Rayon Su Kanal idarəsinin, Yasamal rayon Su Kanal idarəsinin rəisi olub. Elnur Əliyevin əməlləri barədə mediada kifayət qədər yazılıb. Bizim bu yazının məqsədi cəmiyyətdəki danışmağa başlayanları və...ən əsası onları kimlərin danışdırdığını təhlil etməkdir. Bu adam toy məclisində az qala rəsmi tribunadan danışırmış kimi çıxış edib. Bəli, Elnur Əliyev deyib ki, Azərsu ASC-nin rəhbərliyi guya qurumun xeyli borcu olmasından danışır, hansı borcdan söhbət gedə bilər, bəs yığılan milyonlar hara gedir..? Elnur Əliyev açıq şəkildə deyib ki, Azərsu-nun topladığı 28 milyon pulun 80 faizini mən Qaradağ rayonundan toplayıb verirəm. Elnur Əliyev deyib ki, mən hər ay “paçka-paçka” pulları yığıb Azərsu-nun rəhbərlərinə göndərirəm. Elnur Əliyev bir az da irəli gedərək, deyib ki, Azərsu-nun prezidenti olmaq mənim halal haqqımdır, mən o kresloda oturmalıyam.
İndi gördünüzmü, danışan təkcə Erkin Qədirli deyil ee.... Erkin Qədirli cəmi 1-2 cümlə demişdi. Amma Elnur Əliyev bir dastan danışıb. Bizim Elnur Əliyevin çıxışına da münasibətimiz normaldır. Vətəndaş danışmaq istəyir, öz mövqeyini ortaya qoyur. Deyir ki, mən Azərsu-nun rəhbəri olmalıyam. Əlbəttə, hər bir vətəndaşın, o cümlədən Elnur Əliyevin yüksək vəzifə tutmaq hüququ var. Nə üçün Elnur Əliyev Azərsu-nun rəhbəri olmasın..? Bu onun konstitusion hüququdur. Amma.... Əmması odur k, gəlin görək, o boyda Azərsu ASC-də heç olmasa bircə nəfər SU üzrə mütəxəssis, SU-dan bilgisi olan, başı çıxan varmı..? Həə, bax, burda deyirlər ki, Kərəmi ağlamaq tutdu. Hələ Elnur Əliyev onu da bildirdi ki, Azərsuda Ramiz Mehdiyevlə Vasif Talıbovun qohumları o qədər çoxdur ki, bizə növbə çatmaz. Cənablar, qoyun insanlar danışsın, içini boşaltsın, bu cəmiyyətimizin xeyrinədir.... İnşallah gələn dəfə Elnur Əliyev Qaradağ rayonunda nə qədər “levi” su xətti olmasından da danışar... Amma cənab Prezidentimizə, dövlətimizə, dövlətçiliyimizə kim xəyanət edirsə, onun cəzası mütləq verilməlidir.
P.S. Elnur Əliyev uca səslə həmin toy məclisində "Mən Şamxalın oğluyam". Mən bir yazar olaraq, sənin kimin olduğunu, yəni Əliyev Elnur Şamxal oğlu olduğunu bu gün bildim. Özün gözəl bilirsənki sənin qohumlarına görə, sənə hörmət qoyulub, salam verilib. İstər sən Elnur Əliyev, istər Ülfət sizin hər ikiniz ürəyinizdə müxalifəti dəstəkləyirsiniz. Amma zaman hər bir kəsin cavabını verəcək. Sən Elnur Əliyev həmin məclisdə onlar İsgəndərovdular, məni əsəbləşdirməsinlər deməklə nə demək istəyirdin?
Bu məqamda 20 il öncə, 2003-cü ildə Prezident seçilən cənab İlham Əliyevin ilk müsahibəsində dediyi bir fikri yada düşür: “Biz mağara psixologiyası, feodal təfəkkürü ilə heç nəyə nail ola bilmərik”. Doğrudan da, danışanın ağzından vurmaq, onu susdurmaq lazım deyil. İmkan verin cəmiyyət danışsın...cəmiyyətdə bir açılım olsun. Biz demirik ki, Erkin Qədirlinin ağzından dür tökülür, dedikləri düzdür-filan. Amma insanlara öz düşüncəsini qadağan etmək olmaz. Cənab Prezidentimiz demişkən, mağara psixologiyası ilə biz uzağa gedə bilmərik.
Məlumatı olmayanlar üçün qeyd edək ki, Erkin Qədirli 9 fevral 2020-ci ildə keçirilən növbədənkənar seçkilərdə 16 saylı Yasamal II dairədə qalib olub və millət vəkili seçilib. Erkin Qədirli Milli Məclisin Hüquq Siyasəti və Dövlət Quruculuğu Komitəsinin və Milli Məclisin Müdafiə, Təhlükəsizlik və Korrupsiya ilə mübarizə Komitəsinin üzvü seçilib. Erkin Qədirli İrlandiya-Azərbaycan Parlamentlərarası İşçi qrupunun rəhbəri və Azərbaycanın AŞPA-dakı nümayəndə heyətinə üzv seçilib. Erkin Qədirli REAL partiyasının liderlərindən biridir. Bir daha qeyd edirik ki, nəinki Erkin Qədirlinin, ümumiyyətlə, heç kimin dedikləri Quran ayəsi deyil. Biz bir cəmiyyət olaraq müxtəlif yanaşmalara, fərqli düşüncələrə hörmətlə və dözümlü yanaşmalıyıq.
Unutmaq lazım deyil ki, cəmiyyət üçün tənqid çox vacibdir. Və problemlərin üstünü basdırdıqca, problem alt qata keçir və gələcəkdə ciddi təhlükə yaradır. Deməli, ən yaxşısı cəmiyyətin danışması, öz mövqeyini bildirməsidir.
Yeri gəlmişkən, ölkənin ən problemli qurumlarından biri olan, “Azərsu” ASC-nin bəzi nümayəndələri də danışmağa başlayıb. Görürsünüzmü, məsələ təkcə millət vəkili Erkin Qədirli ilə bitmir ee....Cəmiyyətdə bir danışmaq, açılmaq, etiraz etmək, öz düşündüyünü bəyan etmək tələbatı var. Bəli, bir neçə gün əvvəl olan toy məclisində Azərsu ASC-nin Qaradağ rayon Su Kanal İdarəsinin rəisi Elnur Əliyev də danışıb, fikirlərini bildirib, nəyəsə etiraz edib.
Məlumat üçün qeyd edək ki, Elnur Əliyev əvvəllər Binəqədi Rayon Su Kanal idarəsinin, Yasamal rayon Su Kanal idarəsinin rəisi olub. Elnur Əliyevin əməlləri barədə mediada kifayət qədər yazılıb. Bizim bu yazının məqsədi cəmiyyətdəki danışmağa başlayanları və...ən əsası onları kimlərin danışdırdığını təhlil etməkdir. Bu adam toy məclisində az qala rəsmi tribunadan danışırmış kimi çıxış edib. Bəli, Elnur Əliyev deyib ki, Azərsu ASC-nin rəhbərliyi guya qurumun xeyli borcu olmasından danışır, hansı borcdan söhbət gedə bilər, bəs yığılan milyonlar hara gedir..? Elnur Əliyev açıq şəkildə deyib ki, Azərsu-nun topladığı 28 milyon pulun 80 faizini mən Qaradağ rayonundan toplayıb verirəm. Elnur Əliyev deyib ki, mən hər ay “paçka-paçka” pulları yığıb Azərsu-nun rəhbərlərinə göndərirəm. Elnur Əliyev bir az da irəli gedərək, deyib ki, Azərsu-nun prezidenti olmaq mənim halal haqqımdır, mən o kresloda oturmalıyam.
İndi gördünüzmü, danışan təkcə Erkin Qədirli deyil ee.... Erkin Qədirli cəmi 1-2 cümlə demişdi. Amma Elnur Əliyev bir dastan danışıb. Bizim Elnur Əliyevin çıxışına da münasibətimiz normaldır. Vətəndaş danışmaq istəyir, öz mövqeyini ortaya qoyur. Deyir ki, mən Azərsu-nun rəhbəri olmalıyam. Əlbəttə, hər bir vətəndaşın, o cümlədən Elnur Əliyevin yüksək vəzifə tutmaq hüququ var. Nə üçün Elnur Əliyev Azərsu-nun rəhbəri olmasın..? Bu onun konstitusion hüququdur. Amma.... Əmması odur k, gəlin görək, o boyda Azərsu ASC-də heç olmasa bircə nəfər SU üzrə mütəxəssis, SU-dan bilgisi olan, başı çıxan varmı..? Həə, bax, burda deyirlər ki, Kərəmi ağlamaq tutdu. Hələ Elnur Əliyev onu da bildirdi ki, Azərsuda Ramiz Mehdiyevlə Vasif Talıbovun qohumları o qədər çoxdur ki, bizə növbə çatmaz. Cənablar, qoyun insanlar danışsın, içini boşaltsın, bu cəmiyyətimizin xeyrinədir.... İnşallah gələn dəfə Elnur Əliyev Qaradağ rayonunda nə qədər “levi” su xətti olmasından da danışar... Amma cənab Prezidentimizə, dövlətimizə, dövlətçiliyimizə kim xəyanət edirsə, onun cəzası mütləq verilməlidir.
P.S. Elnur Əliyev uca səslə həmin toy məclisində "Mən Şamxalın oğluyam". Mən bir yazar olaraq, sənin kimin olduğunu, yəni Əliyev Elnur Şamxal oğlu olduğunu bu gün bildim. Özün gözəl bilirsənki sənin qohumlarına görə, sənə hörmət qoyulub, salam verilib. İstər sən Elnur Əliyev, istər Ülfət sizin hər ikiniz ürəyinizdə müxalifəti dəstəkləyirsiniz. Amma zaman hər bir kəsin cavabını verəcək. Sən Elnur Əliyev həmin məclisdə onlar İsgəndərovdular, məni əsəbləşdirməsinlər deməklə nə demək istəyirdin?
Goranboy rayonunun Boluslu kənd sakinləri məişət tullantılarını atmağa müəyyən yerlər olmadığı üçün tullantıları kəndin ərazisinə atmalı olurlar.
DİA.AZ-ın məlumatına görə, sakinlər Yeniavaz.com-a bildiriblər ki, dəfələrlə aidiyyəti qurumlara bununla bağlı məlumat veriblər.
Sakinlərin sözlərinə görə, bu tullantılar yay aylarında daha betər olur. Hətta küçə itlərinin yığıldığı bu ərazidən keçmək mümkün olmur. İfunət ətrafa yayıldığından ərazi hər cür xəstəliyin mənbəyidir.
DİA.AZ: - Tanınmış insan hüquqları müdafiəçi, “Neftçilərin Hüquqlarının Müdafiə Təşkilatı” (NHMT) İctimai Birliyinin sədri Mirvari Qəhrəmanlı növbəti vətəndaş gileyini paylaşıb. DİA.AZ bildirir ki, narazı vətəndaş, Sabirabad rayonu Mirhəsən Mirağa oğlu küçəsi ev29a Hüseynov İlkin Fərhad oğlu Azərbaycan Respublikasının Energetika Nazirliyinə, Azəriqaz İB Baş direktoruna, SOCAR-ın prezidentinə və Respublika prokuroruna ünvanladığı müraciətində yazır:
"Cənab Nazir, şikayyətim “Azəriqaz” İstehsalat Birliyi Salyan Regional Qaz İstismar idarəsinin rəisi Azər Musayevdən, rəis müavini Qənimət Səmədovdan və Fərid Ağayevdəndir.Yuxarıda qeyd etdiyim vəzifəli şəxslər regionda at oynadırlar qeyri qanuni olaraq qazdan istifadəyə görə vətəndaşları bu qişin soyuq vaxtında cərimələyərək evlərə qazın verilməsini qeyri qanuni olaraq dayandırırlar, belə ki mübahisələnən hər bir qanun pozuntusu yalnız məhkəmə yolu ilə həll olumması halda, bu vəzifəli şəxsər özlərini hakim sayaraq qərar qəbul edirlər.
Bildirmək istəyirəm ki, 28.11.2022-ci il tarixdə idarənin əməkdaşları tərəfindən mənim icazəm olmadan qeyri qanuni olaraq yaşadığım evə basqın etdilər, kənar xətt axtarmaq adı ilə həyətimdə olan kanlizasiya beton konustruksiyanı uçurdular ,nəticədə Azəriqazın 3 əməkdaşı həmin uçurtduqları beton kanalizasiyaya düşdülər. Səhəri güni Fərid Ağayev mənim yaşadığım evə gələrək mənə idarənin rəis müavini Qənimət Səmədovun təstiq etdiyi ölmüş şəxsin yəni mərhum atam Hüseynov Fərhad Əşrəf oğlunun (26.11.2013-ci il tarixdə vəfat etmişdir) qeyri qanuni olan 0351835 saylı aktı təqdim edərək mənə imzalamamı tələb etdi, məndə öz növbəmdə hansı aktdan söhbət gedə bilər dedikdə o, mənə cavabında dünən yadımızdan çıxıb yazmamışıq ona görə tez-bazar gətirdim imza edəsiz, bildirmək istəyirəm ki, akt yəni hansısa bir hadisəni yazılı olaraq şahidlərin iştirakı ilə yazılan bir təstiqi sənətdir. Yalnız idarənin əməkdşları dövlətin qanunlarına məhəl qoymayaraq həmin aktı təstiq edərək hesablanması üçün reginal idarəyə göndərib, idarənin rəisi Azər Musayevdə aktı dəqiqləşdirmədən qanun pozuntusu ilə 30 noybr 2022-ci il tarixdə dəymiş ziyanın bərpasına dair tələbnamə tərtib edərək ölmuş şəxsin adına cərimə 360 günə hesablanaraq cəmi 83808 kub metr (səksən üç min səggiz yüz səggiz) qaz yəni 100.56.96 manat (on min əlli altı manat qoxsan altı qəpik) tətbiq edilmişdir, belə ki, Nazirlər Kabinetinin 80 saylı qərarının bir neçə maddəsi pozulur. Bundan əlavə 16 dekabr 2017-ci ildə SOCAR vitse prezidenti Rəhman Qurbanovun təsdiq etdiyi “Sayğacla ölçülməyən qaz həcmlərinin hesabatının aparılmasına dair; Metodiki tövsiyyələrə əsasən 1.4.1 bəndində abonentə cərimə tətbiq olunarkən dəymiş ziyanın 90 gün ərzində sərf olunan qaz həcmi miqdarında nəzərdə tutulur, Azəriqaz İstehsalat Birliyi Salyan Regional Qaz İstismarı İdarəsinin rəisi Azər Musayev tərəfindən hazırlanan qaydada isə bu 360 günlə əvəz olunub nəticədə tədbiq olunan qeyri qanuni aktda cərimə dörd qat qədər şişirdilib. Nazirlər Kabinetinin 12 may 2011-ci il tarixli 80 saylı qərarının 6 bəndinin bütün müddialları pozulmuşdur, qərarda yazılmş hər hansı aktla bağlı hesablanan cərimələr vətəndaşın saldo hesabına cərimə kimi vurulması nəzərdə tutulmayıb, yəni yaşadığım evin qazını məhkəmədə mübahisələnib yekun qətnamə çıxıb icraya yönəlmədən qeyri qanuni olaraq qazın verilməsi dayandırılmışdır. Belə nəticəyə gəlmək olur ki, Azəriqaz İstehsalat Birliyi Salyan Regional Qaz İstismarı İdarəsinin rəisi Azər Musayev rəis müavini Qənimət Səmədov və onların əlaltıları Fərid Ağayev vəzifələrindən sui istifadə, vəzifə səlahiyyətlərini aşmaq, hərci-mərciliy, Sizin apardığınız siyasətinizə kölgə salmaq kimi qiymtləndirmək olar.
Cənab Nazir ökəmizdə qanunların çiçəklndiyi bir vaxtda Azəriqaz İstehsalat Birliyi Salyan Regional Qaz İstismarı İdarəsinin rəisi Azər Musayev rəis müavini Qənimət Səmədov və onların əlaltıları Fərid Ağayev kimi məmurların bu vəzifələrdə işləməkləri bilavastə yol verilməzdir. Odur ki, xahiş edirəm yuxarıda göstərdiyim məmurlar barəsində qanuna müvafiq olar cəzalanmasına göstəriş verəsiniz".
İddia olunanlarla bağlı dia.az olaraq bütün maraqlı tərəfləri dinləməyə hazırıq...
***
DİA.AZ bildirir ki, qarşı tərəf adından Elçin Qocayev M.Qəhrəmanlıya cavab reaksiyasını ünvanlayıb. Həmin açıqlamanı da olduğu kimi təqdim edirik:
"Hörmətli Mirvari xanım !
Sabirabad rayonu, M.Mirağa oğlu küçəsi, ev 29 A ünvanında yaşayan İlkin Hüseynovun sosial şəbəkə üzərindən daxil olmuş müraciəti “Azəriqaz” İstehsalat Birliyində araşdırılmışdır.
Araşdırma zamanı müəyyən edilmişdir ki, sözügedən ünvan 235403500000900 saylı abonent kodu ilə (abonent adı: Hüseynov Fərhad) istehlakçı qeydiyyatındadır. 28.11.2022-ci il tarixində “Azəriqaz” İstehsalat Birliyinin Salyan Regional Qaz İstismarı İdarəsinin nümayəndələri tərəfindən sözügedən ünvanın qaz təchizatına baxış keçirilən zaman ünvanda təbii qazdan sayğacdan kənar, qeyri-qanuni istifadə edildiyi aşkar olunmuşdur.
Bildiririk ki, “Qaz təchizatı haqqında” Azərbaycan Respublikası Qanununun 13-cü maddəsinin 8-1.-ci hissəsinə əsasən, qanunsuz qoşulma halları aşkar edildikdə, qaz paylayıcısı qanunsuz xətti dərhal qazpaylayıcı şəbəkədən ayırmaqla, qazın verilməsini dayandırmalıdır. Həmçinin, Azərbaycan Respublikası Nazirlər Kabinetinin 2011-ci il 12 may tarixli 80 nömrəli qərarı ilə təsdiq edilmiş “Qazdan istifadə qaydaları”nın 6.5-ci bəndinin tələblərinə əsasən, qazpaylayıcı şəbəkəyə qanunsuz qoşulma halları aşkar edildikdə qaz paylayıcı qanunsuz xətti dərhal qazpaylayıcı şəbəkədən ayırmaqla qazın verilməsini dayandırmalı və dəymiş zərərin ödənilməsini qanunvericıliyə uyğun olaraq həmin şəxsdən tələb etməlidir.
Bununla əlaqədar olaraq, qazın alqı-satqısı Müqaviləsinin 2.1.5-ci yarımbəndinə əsasən istehlakçıya verilən qazın həcminin dəqiq uçotununun aparılması məqsədilə 28.11.2022-ci il tarixli 0351835 saylı “Təbii qazdan istifadə qaydalarının pozulması haqqında” akt tərtib olunmuş və dəymiş zərər müəyyən edilmişdir.
Eyni zamanda Salyan Regional Qaz İstismarı İdarəsinə tapşırılmışdır ki, qeyd olunan məsələyə dair istehlakçı ilə qarşılıqlı anlaşmanın əldə edilməsi mümkün olmadığı halda Müqavilənin 5.2-ci bəndinə əsasən, müvafiq qaydada məhkəməyə müraciət olunması təmin edilsin".