Qobustan rayonu, Ərəbşahverdi kəndində pasport qeydiyyatında olan və yaşayan fermer Lətifov Becan Gülbala oğlu tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:
"Cənab Prezident, yazıb Sizə bildrmək istəyiəm ki, biz aqrar təsəsrrüfat fermerləri həmişə çalışmışıq ki, ölkəmizdə ərzaq bolluğu yaratmaq üçün taxıl istehsalı ilə məşğul olaq. Mənim ailəmə torpaq islahatı zamanı kəndimizin ərazisindən 21 ha sənədlə pay torpaq mülkiyyətimizə verilmişdir. Və hər ili də burada taxıl əkmiş, dövlətdən subsidiya almışıq. Bu il, 2022-ci ilin yazında KTN-yi yanında Aqrar Sığorta Fondunun əməkdaşları sahəmizdə bizə yaxınlaşdılar ki, bəs əkdiyiniz taxılı məcburi sığorta etməlisiniz. Əks təqdirdə, sizə subsidiya yazılmayacaqdır. Biz də digər fermerlər kimi məcbur olub razılaşdıq. Mən 15 ha əkdiyim taxıl üçün sığortaya ödəniş etdim ( Kapital bank vasitəsilə) Lakin Aqrar Sığorta Fondu tərəfindən bizə sonra heç bir sığorta müqaviləsi təqdim etmədi.
Çox təəssüflər olsun ki, bu ilin martın axırı, aprelin əvvəlində ümumi sahəmizdə güclü fırtınalar oldu. Nəticədə fırtına toxum qarışıq məhsulu aparmış, sahəni pis günə qoymuşdur. O cümlədən qonşuluqdakı bütün taxıl sahələrinə də təbii fəlakət nəticəsində ziyan dəymişdir. Aqrar Sığorta Fondunun komissiyasının 1-ci dəstəsi aprelin əvvəlində sahələrə baxış keçirdilər və fəlakəti olduğu kimi aktlaşdırdılar. Sonra nə fikirləşdilərsə, 2-ci dəstə komissiya bu ilin may ayında gəlib təzədən sahələrə baxış keçirdilər və yenidən aktlaşdırdılar. Lakin bu dəfə komissiya əvvəlki komisiyadan fərqli olaraq taxılımıza guya quraq nəticəsində ziyan dəyməsini aktlaşdırdılar. ASF-du qonşularımızın şikayətlərindən sonra onların sahələri üçün 100 % sığorta ödənişi etsə də bizə 15 ha-dan cəmi 2 ha ziyan dəyməsini sənədləşdirdilər. Qalan 13 ha bizlik deyil dedilər, quraq aparıb. Biz də 2 ha-ın sığortasını almaqdan imtina etdik. Halbuki, hamı blir ki, mən cəmi sahə olan 15 ha-ın biçilməsi üçün kombayn salmadım. Çünki əhəmiyyətsiz idi. Bunu komisiya da görmüşdü. Həmkəndlilərim isə narazı qalıb prokurorluğa şikayət edən kimi, dərhal sığorta onların hamısının pulunu ödədi.Yəni yerlərinin ölçüsünə görə kimiyə 8000, kimiyə 4000 manat kimiyə də 5200 manat lakin mən məsələni soruşanda cavab verdilər ki, get məhkəməyə müraciət et. Guya fırtına mənim ortalıqda olan taxıl zəmimə "hörmət" əlaməti olaraq "DƏYMƏYİB" , yazığı gəlibmiş. Axı bu fermerlər arasında ayrısekçilikdir. Bununla ASF-rəhbərliyi bizə qarşı korrupsiya əməli törədir., süi-istifadə edib bizə qanunla düşən sığorta haqqını özləri mənimsəyirlər. Sahəmizə ikinci dəfə komissiya göndərib, əvvəl yazdıqları aktı dəyişib sənəd saxtakarlığı edirlər. Sonuncu gələn komissiya da əvvəlkindən fərqli olaraq yazıb ki, guya taxılın bitməməsinə səbəb quraqlıq olubmuş., Quraqlığa görə də Aqrar Sığorta Fondu tərəfindən hansısa fermerə kompensasiya ödənilməsi nəzərədə tutlmur.
Bəli, bu qədər etdiyimiz şikayətlərdən sonra KTN-nin Aqrar Sığorta Fondu də dekabrda yazdığı əsassız cavab məktubunda bidirir və izah etməyə çalışır ki, təkcə Becan Lətifovun yerinin cüzi hissəsində fırtına olubmuş, qalan ərazidən yan keçibmiş. ASF-nun bu "mütəxəssislərindən" soruşmaq istəyirəm ki, öz yazdığınız rəsmi cavabın məntiqinə özünüz inanırsınızmı? Belə formal cavabı heç bir özünə 1 manat hörmət edən təşkilat verməz. Qaldı ki, bu fond ciddi maliyyə maxenasiyalarını ört-basdır etmək, verdikləri yalançı maliyyə hesabatlarını və bizə verdikləri saxta və əsassız cavabların düzgünlüyünü sübut etmək üçün çox yersiz çaba göstərirlər.
Budur, sonuncu 28 yanvar müraciətimizdən sonra məni KTN-nin Aqrar Sığorta Fondunan zəng edib qəbula dəvət etdilər. İki nəfər rəsmi şxs əni qbul edib yenə köhnə söhətləri izh etməyə çalışdıla ki, bəs sizin yerdə toraq cadar cadar olub bu da quraq əlaməti imiş, ona görə də sizə yalnız 2000 manat öəniş edə biərik Vəssəlam. Mən bu "mütəxəssislri" başa sala bilmədm ki, şiddətli fıtına olan yerdə torpaq üzrində olan hər bir birtki -txum sovrulub apaılır. Və torpaqda olan nəmrütubəti də fizik qanunlarına görə qurudur. Nəticədə torpaq üzərində çatlar əmələ gəlir. Sual verdilər ki, bəs niyə bəzi alaq otları bitib yeinizdə? Cava verdim ki, may aynda baş vermi yağıntıladan sonra burada taxıl yox alaq otları cücərmyə balamışdır. Bu dediyinz fakt da bir dahasübut edir ki, əgər saəmdə uraqlıq olsayı orda heç alaq otları da bitməzdi. Sonra da niyə Qobutan rayonun digər qonşu ərazilərində bu dediyiniz quraqıq özünü biruz vermədi Və fermerlər hər hektardan ən azı 3-4 ton taxıl əldə etdilər. Niyə 15-20 m aralıda olan sahlərə bu quraqlıq təsir etməi? ASF-nun ütəxəsiləri bildirilər ki, biz 1.5 milyon manatsığortalar ödəmişik. Sənə d 2000 manat verək Allahına şükür et və get evinə. Razılamadım. Yəni bu rəsmi adamlarla söbət zamanı mlum olu ki, ASF tərəfindən əldə etdikləri pulların 1.5 milyon manatını tanış bilişləinin adlarına təbii fəlakə adı altında rəsi sənədləşdirb puları iliblər. İdi bizə verəyə ullar qalmadığındanmüxtəlif bəhanlər uyurmaqla baş qatmaq istəyirlər.
Biz bu formal cavabla razı deyilik. Və hesab edirik ki, prokurorluq məsələni ciddi araşdırmalı, Maliyyə Nazirliyinin, Hesablama Palatasının və Mərkəzi Bank rəhbərliyinin tapşırığı əsasında Aqrar Sığorta Fondunda baş verən qanunpozuntuları ciddi araşdırılaraq hüquqi qiymətini almalıdırlar ki, gələcəkdə biz fermerlərə qarşı belə çirkin oyunlara bulaşmasınlar, pulu da adam kimi qazanmağa öyrəşsinlər. Bundan sonra beləməcbui sığrtalar qətietiraımızı bildiriri. Və bu məcburetməni soyğnçuluq hesab edrik.
Cənab Prezident, cənab nazir İnam Kərimov və cənab Taleh Kazımov! Təkrar olaraq Sizlərdən çox xahiş edirəm ki, ASF tərəfindən fermerlər arasında qoyduqları ayrıseçkiliyə son qoyulsun, maiyyə maxnasiyalrı araşdırılsın, biz müflis vəziyyətinə düşmüş fermerlərin haqqı olan sığorta ödənişinin həyata keçirilməsinə göstəriş verin ki, biz də indiki əkinimizi davam etdirək".
İddia olunanlarla bağlı teref.az olaraq bütün maraqlı tərəfləri dinləməyə hazırıq...

Xamisin qanunsuz binaları Xırdalanda hərəkəti iflic edib Məlumdur ki, neçə illərdi Bakı şəhərini tikinti bumu bürüyüb. Paytaxtda bir-birindən əzəmətli göydələnlər, hündürmərtəbəli yaşayış evləri, inzibati binalar inşa edilir, lakin çox vaxt tikinti normaları gözlənilmir.
Bəli, neçə illərdir ki, Bakının Baş Planı barədə söhbətlər gedir, amma hələ ortada bir sənəd yoxdur. Adama deyərlər ki, şəhərin Baş planı yoxdursa, bu binalar, göydələnlər, apartmanlar hansı plana uyğun tikilir. Ümumiyyətlə, bizim məmurlar hələ anlamır ki, şəhərsalma müasir elmdir, bu elmin öz qanunları var.
Sözün qısası, paytaxmızda baş verən tikinti bumu İradə Gülməmmədovanın dövründə Abşeron rayonunda, onun inzibati mərkəzi olan Xırdalan şəhərində lap pinti, eybəcər formada aparılıb. Məlumdur ki, uzun illər Abşeronun icra başçısı olan İradə Gülməmmədovanın vaxtında Abşeronda “tikinti bandası” var idi, kimlərdənsə küli miqdarda pul alıb qanunsuz tikintilərə icazə verirdilər. Təsəvvür edirsiniz, fərdi yaşayış evlərinin arasında hündürmərtəbəli binalar, restoran, apartman və s. Belə hallar sakinlər arasında ciddi narazılığa səbəb olurdu.
İradə Gülməmmədovanın “xeyir-duası” ilə Xırdalanda qanunsuz apartman tikənlərin biri, bəlkə də birincisi Xamis adlı şəxsdir. Bu adam özünü hər yerdə “apartmanlar kralı” adlandırır. Xamis hətta piyadaların yolunun üstündə, nə bilim məktəb yolunda, fərdi yaşayış evlərinin arasında özünə apartmanlar tikib. Və Xırdalan şəhərində dəhşətli “probka”nın yaranmasına səbəb olub. Yəni Xamisin binalarının ucbatından balaca Xırdalan şəhərində hərəkət iflic olub.
Sakinlər haqlı olaraq deyir ki, Xamis Xırdalanı zəbt edib, işğal edib. Xamis isə hər yerdə deyir ki, mən vaxtında Xırdalanı İradə Gülməmmədovadan pulla almışam. Bəli, Xamisin apardığı tikintilərə görə, şəhərin yolları daralıb, insanlar küçədə sərbəst hərəkət edə bilmirlər, uşaqlar həyətlərdə oynamağa yer tapmır, sakinlər öz şəxsi avtomobillərini saxlamağa yer axtarır. Xamisin qanunsuz tiknti biznesi ətrafda antisanitariya yaradır, kanalizasiya xətləri sıradan çıxır və s.
Görəsən, bu ölkənin Dövlət Şəhərsalma və Arxitektura Komitəsi, FHN-nin Tikintidə Təhlükəsizliyə Nəzarət Dövlət Agentliyi və digər qurumlar hara baxır..?
Axı, kağız üzərində qalan qanunvericiliyə əsasən fərdi yaşayış evlərinin yanında hündürmərtəbəli bina tikilə bilməz. Şəhərsalma və Tikinti Məcəlləsinə əsasən tikililər arasındakı məsafələrin ölçüsü müəyyən edilib.
Tikinti standartlarındakı normaya görə tikilən binalar arasındakı məsafə divarın hündürlüyünün ən azı 1/3-dən az olmamalıdır. Amma Xamisin tikdiyi binaların heç birində bu normalara riayət olunmur.
Onu da qeyd edək ki, Xamis sakinləri aldadır ki, narahat olmayın 3 mərtəbədən artıq tikməyəcəm, amma sonra məlum olur ki, 9-10 mərtəbəli apartman tikir. Sakinlər bildirir ki, onların rahatlığı pozulub, ərazidə yaşayış həm də təhlükəli olmağa başlayıb. Nəticədə narazı sakinlər dövlət rəhbərliyinə, hüquq-mühafizə orqanlarına müraciət ünvanlayıblar.
Yəqin ki, yaxın zamanda Xamisin qanunsuz əməllərinə son qoyulacaq və o həbs olunacaqdır. Gundelik Baki.com/

Paytaxtın Yasamal rayonunda yaşıllıq tikintiyə qurban verilib. Reportyor.info-nin əməkdaşının məlumatına görə, rayon icra başçısı Elşad Həsənovun “xeyir-duası” ilə ağaclar kəsilərək yerində tikinti aparılır. Bu qanunsuzluq “Qəbələ Residence” yaşayış massivinin sol tərəfində qeydə alınıb. Bu ərazi Şərifzadə 144 ünvanıdır və Yasamalın icra başçısı yaşıllıqların məhv edilməsinə şərait yaradıb. Əməkdaşımızın müşahidələrinə görə, ağaclar qırılıb, yerində tikinti gedir. Bununla bağlı heç bir araşdırma aparılmır. Halbuki şəhərdə kimsə bir ağacın budağını belə kəsəndə başının üstünü kəsdirib cərimələyirlər, amma Yasamalda onlarla ağac kəsilir, İH göz yumur.

Fevralın 2-də Kürdəmir Rayon İcra Hakimiyyətinin başçısı Elxan İbrahimov növbəti səyyar qəbulunu Köhnəbazar məktəbində keçirib. DİA.AZ bildirir ki, bu görüşlə bağlı sakinlərin təəssüratı birmənalı olmayıb. Regional İnsan Hüquqları və Maarifləndirmə Mərkəzinin sədri Lətafət Məlikova da bu vətəndaş qəbuluna maraqlı reaksiya verib.

DİA.AZ RİHMM sədrinin qeydlərini təqdim edir: "Dünən Kürdəmir Rayon içra hakimiyyətinin başcısı Kürdəmir Rayon Köhnəbazar Məktəbində zəhmətkeşləri qəbul edirdi.
Görəsən, təmirsiz məktəbi və sinif otağındakı odun peçlərindən cıxan tüstünü gördümü?
Vətəndaş kimi mənə maraqlıdır.
Məktəbin yeni rəhbərliyi və övladları o məktəbdə oxuyan, hər gün məktəbli cantasında yemək əvəzinə odun qoyan valideynlər məsələni İcra başcısının qarşısında qaldırdımı?
İcra başcısından, məktəb direktorundan, kənd sakinlərindən cavab istəyirəm....
Məktəbli uşaqların yarıdan coxu soyuqdan xəstələnib. Dərsə davmiyyət pozulub. Körpələr yazıqdır. Sağlam gəncliyi məhv etməyin.
Qeyd edim ki, Köhnəbazar kənd məktəbi Kürdəmirin ən qədim məktəbidir. Onun məzunları dünyanın hər tərəfinə səpələnib. Qürurla mənə yazırlar: "Köhnəbazar məktəbinin məzunlarıyıq..""

Məsələ ilə bağlı teref.az olaraq bütün maraqlı tərəfləri dinləməyə hazırıq...