 |
|
|
Gəncə Şəhər "Qaz İdarəsinin" maxinasiya hallarının əsas arqumenti Gəncə Şəhərinin ərazisində yerləşən, Şadlıq sarayları, Kafelər, Restoranlar, Çörək zavodları qaz pulu verməkdən yayınırlar.
Əsas olara onu qeyd edək ki, adı çəkilən dövlət qurumu, heçbir şadlıq saraylarında, kafelərdə, restoran və çörək zavodlarında qaz pulunu, "SAYĞAC" ilə deyil, yazılı kağız üzərində aldıqları faktlar mövcuddur.
Beləki, sayğac olduğu halda heç bir sahibkara xeyir etməz ki, külli miqdarda yazılan qaz pulunu rəsmi dövlət hesabına keçirsin.
Bunu əsas götürərək qaz idarəsi ilə, danışığa gedərək, sayğacdan kənar qaz istifadə edirlər, sayğacda yazılan kiçik pul hesabını qaz idarəsinə keçirərək, digər qanunsuz istifadə etdikləri qaz pulunu isə kimə çatdırmaqları sual altında qalır.
Bu qanunsuz əməlin araşdırılması üçün SOCAR-ın «Аzəriqаz» İstеhsаlаt Birliyi, Gəncə Şəhərində monitorinq keçirərsə yazılanların həqiqət olduğu təsdiqini tapar.
Hürriyyət.az
“Azərbaycan Dövlət İqtisad Universitetinin (UNEC) nəzdində Qida Sənayesi Kollecində imtahanlarda tələbə və valideynlərdən rüşvət alınıb, imtahanda cavablar telefon və dəftərlərdən köçürülür”.
Bu şikayətlə kollecin hüquqşünası Aynurə Muradova müraciət edib. Onun sözlərinə görə, bu hal dəfələrlə baş verib: “Bu görüntüləri 25 yanvar səhər saat 09:42-də çəkmişəm. Həmin an imtahan gedirdi. Mən birinci mərtəbədə olan vəziyyəti çəkə bildim.
Eyni anda ikinci mərtəbədə də imtahan var idi. Görüntülərdən də göründüyü kimi, tələbələr cavablar üçün telefona baxırlar. Hüquqşünas olsam da, rəhbərlik məni imtanlara nəzarət etməyə qoymur. Direktor Vilayət İsmayılov, tədris işləri üzrə müavin Teymuraz Əfəndiyev, tərbiyə işləri üzrə müavin Sevinc Həmzəyeva kolleci şəxsi bizneslərinə çeviriblər. Onu da deyim ki, Teymuraz Əfəndiyev 2014-cü ildə korrupsiya ilə əlaqədar Sosial İqtisad Kollecindən işdən çıxarılıb”.
4 ildir bu kollecdə çalışdığını deyən A. Muradovanın iddiasına əsasən, bu vəziyyəti şikayət etdiyi üçün rəhbərlik onunla ədavət aparır: “Mənim İqtisad universitetinə şikayətimdən bəri aylardır bəzi işçiləri öyrədib üstümə hücum edirlər. Əl altından ərizə yığıblar ki, guya onları təhqir etmişəm”.
İddialarla bağlı Qida Sənayesi Kolleci ilə əlaqə saxladıq. Kollecin direktoru Vilayət İsmayılovun sözlərinə görə, deyilənlər tamamilə böhtandır: “Yazılı imtahan çətin olduğuna görə, humanist yanaşaraq biletlər paylandıqdan sonra tələbələrə 3 dəqiqə vaxt verilir ki, yaddaşlarını bərpa etsinlər. Həmin anı çəkərək yalandan istifadə ediblər. Onun davamı da var ki, artıq imtahana başlayanda telefonlar hamısı yığışdırılıb”.
Rektor Şahin Bayramovun nəfəs kəsən avtobioqrafiyası...
Azərbaycanın Bakı, Gəncə, Sumqayıtdan sonra dördüncü böyük şəhəri olan Mingəçevir Dövlət Universiteti ilə bağlı yazmaq istəyərkən, xırda bir araşdırma aparmalı oldum.
Deməli, Mingəçevir Dövlət Universiteti Azərbaycan Respublikası Prezidentinin 24 iyul 2015-ci il tarixli Sərəncamına əsasən Azərbaycan Respublikası Təhsil Nazirliyinin tabeliyində olan Mingəçevir Politexnik İnstitutunun bazasında ali təhsilin bütün səviyyələri üzrə kadr hazırlığını həyata keçirən Azərbaycan Respublikası Təhsil Nazirliyinin tabeliyində yaradılmışdır. Sonra rektor Şahin Bayramovla bağlı xırda bir araşdırma aparmalı oldum. Bu adamın özü haqqında yazdığı ÖMÜR YOLUnu oxuyanda adamın nəfəsi kəsilir. Az qala bir roman boyda tərcümeyi-hal. Nə bilim, Polşada çıxış elədim, Çində konfransda oldum, Fransada koordinator oldum-filan....
Bu adam yazır ki, 2018-ci ildən Azərbaycan İlahiyyat İnstitutunun Himayəçilər Şurasının üzvüdür. Yahu, İlahiyyatın sənə nə dəxli var..? Bu adamın dissertasiya mövzuları ilə tanış oldum və dəhşətə gəldim. Bunlar necə alim olublar..?
Sözün qısası, cənab rektorun uppuzun tərcümeyi-halı aşıqların qoşduğu dastandır. DASTAN dedim, yadıma Şahin Bayramovun Azərbaycan Dövlət İqtisad Universitetində DİSTANT və əlavə təhsil mərkəzində şöbə müdiri vəzifələrində çalışması düşdü. Həə, cənab Şahin Bayramov “Narxoz”da distant təhsil diplomlarının neçəyə satıldığını yəqin ki, bilirsiniz..?
Deməli, bu illər ərzində sizlər külli miqdarda pullar qazanmısınız. Və həmin pulların hesabına Mingəçevir Dövlət Universitetinə rektor təyin olunmusunuz. Hazırda Mingəçevir Universitetində imtahanların qiyməti, kadrların təyinatı sanki açıq bazar qaydaları ilə aparılır. Bu hələ harasıdır..? Cənab rektorun Mingəçevir Dövlət Universitetində təmir, avadanlıqların alınması, mebel-zad adı altında keçirdiyi tenderlər, əsl korrupsiya mənbəyidir.
Məlumdur ki, “Dövlət satınalmaları haqqında” Qanun var. Amma bu qanuna əməl edən yoxdur. İki gün öncə məlum oldu ki, musiqi məktəbi köhnə, dəyəri 300-400 manat olan royal musiqi alətinə 15 min pul verib, yəni kağız üzərində.
Bəli, Mingəçevir Dövlət Universiteti “MAYA-AK İNŞAAT” Məhdud Məsuliyyətli Cəmiyyəti (MMC) ilə əməlli-başlı bazarlıq yapır. Mingəçevir Dövlət Universiteti “MAYA-AK İNŞAAT” MMC ilə cari təmir işləri ilə bağlı 12.02.2021-ci il tarixdə 78770 manat dəyərində müqavilə bağlayıb. Görəsən, cari təmirə 80 min manatı necə ayırmaq olar..? Bu əməkdaşlıq barədə məlumatlar dövlət satınalma portalı vasitəsilə ictimaiyyətə açıqlanıb. Amma,... Mingəçevir Dövlət Universiteti bu tələbat və satınalmalarda bir mənbədən istifadə edilməsi metodunun səbəbləri barədə məlumat vermir. Niyə məlumat vermir..? Axı, Qanunda bütün bu əməliyyatların şəffaf olması qeyd edilir. Azərbaycan Respublikası Prezidentinin 29 yanvar 2002-ci il tarixli, 668 saylı Fərmanı ilə qüvvəyə minmiş “Dövlət satınalmaları haqqında” Azərbaycan Respublikası Qanununa əsasən 5000 manatadək olan satınalmalar müqavilə, 5000-50000 manat arası satınalmalar kotirovka sorğusu metodu, qiyməti 50000 manatdan çox olan işlərin, malların və xidmətlərin satınalınması istisna yoxdursa, açıq tender üsulu ilə həyata keçirilir... Bəs cənab rektor niyə tender keçirmədən birbaşa müqavilə imzalayıb..? Belə faktlar kifayət qədərdir ee...biz sadalamaq istəmirik.
Bəli, cənab rektor üçün yüz minlərlə dövlət vəsaitini talamaq, həzmi-rabedən keçirmək olar, amma...
Təsəvvür edirsiniz xristian Avropanın bir çox ölkələrində müsəlman qadınlara hicabla dərsə, işə gəlməyə icazə verilir. Amma bizim cənab rektor Şahin Bayramov gənc tələbə qızın hüququnu pozur. Belə ki, 326 bal toplayan gənc qız Mingəçevir Dövlət Universitetinin "Metodika” ixtisasına qəbul olub. Lakin universitet rəhbərliyi daxili nizamnaməni əsas gətirərək onun sənədlərini qəbul etməyib.
Bu barədə qızın anası deyir: "Qızım bu il Mingəçevir Dövlət Universitetinə qəbul olub. Avqustun 16-da qeydiyyatdan keçmək üçün universitetə getdik. Amma universitetin rektoru hicablı olduğuna görə qızımın sənədlərini qəbul etməyəcəklərini bildirdi. Dedi ki, bizim universitetdə hicab geyinən qızlar təhsil ala bilməz. Bax belə, qızım qaldı havada. Qızımın psixoloji vəziyyətinə görə də narahatam. Biz onu çətinliklə repititor yanına hazırlıqlara göndərmişik, xeyli pul xərcləmişik. İstəmirəm əziyyətimiz batsın”.
İndi gördünüzmü, cənab rektor Şahin Bayramov rüşvəti, korrupsiyanı, dövlət malını mənimsəməni HALAL hesab edir, amma hicabla dərsə gəlməyi qəbul etmir.
Azərbaycan Milli Elmlər Akademiyasının (AMEA) Yüksək Texnologiyalar Parkı (YTP) ilə texnoparkın rezident şirkəti "Troniq" MMC arasında məhkəmə çəkişməsinin olduğu barədə məlumat vermişdik. Məlumatda deyilirdi ki, bu işdə "Troniq" MMC iddiaçı, YTP isə cavabdeh qismində təmsil olunur.
"Troniq" MMC-nin qanuni təmsilçisinin Müşfiq Rəsulzadə, şirkətin baş direktorunun isə Anar Nəbiyev olduğunu bildirmişdik. Həmçinin qeyd etmişdik ki, Müşfiq Rəsulzadə eyni zamanda YTP-nin baş direktorunun müşaviri vəzifəsində çalışır.
Məsələ ilə bağlı apardığımız araşdırmalar zamanı ortaya ilginc məqamlar çıxıb. Əvvəla, məlum olub ki, YTP barəsində məhkəmə iddiası qaldıran "Troniq" MMC yox, "Tronıq" MMC-dir. Vahid məhkəmə portalında yerləşdrilən bildirişdə şirkətin adı səhv göstərilib.
YTP-nin rezident şirkəti də "Tronıq" MMC-dir. Anar Nəbiyev həm şirkətin təsisçisi, həm də baş direktorudur.
O da məlum olub ki, Müşfiq Rəsulzadə YTP-nin baş direktorunun müşaviri vəzifəsindən istefa verib. Bunun səbəbi isə "Tronıq" MMC ilə YTP arasındakı məhkəmə çəkişməsidir.
Məhkəmə çəkişməsinin kökündə isə YTP-nin baş direktoru Vasif Abbasovun "Tronıq" MMC-nin faəliyyətinə mane olması dayanır.
Qaynarinfo bu məlumatları dəqiqləşdirmək üçün Anar Nəbiyevlə əlaqə saxlayıb. O, YTP-ni məhkəməyə verdiyini təsdiqləyib:
"AMEA Yüksək Texnologiyalar Parkı MMC-nin rəhbəri Vasif Abbasova sahibkarlıq fəaliyyətilə məşğul olduğumuz, innovativ layihələri burada gerçəkləşdirmək, inkişaf etdirmək, təkmilləşdirmək məqsədilə müraciət etməyimizlə yanaşı, led lampa, mikrosxem, diod, robot və robotexnika kimi innovativ məhsulların istehsalını, sənaye, xidmət və digər sahələrdə faydalı tədbiqini gerçəkləşdirə biləcək biznes layihəsi təqdim etmişik.
Müraciətimizlə yanaşı, Azərbaycan Prezidentinin 2014-cü il 15 may tarixli 168 nömrəli Fərmanı ilə təsdiq edilmiş "Texnologiyalar Parkı" haqqında "Nümunəvi Əsasnamə"nin müvafiq tələblərinə üyğun rəsmi sənədlər də təqdim edilib. Təqdim etdiyimiz rəsmi sənədlərə AMEA-nın "Ekspertlər Surası"nda baxılıb və "Tronıq" MMC-nin rezident kimi fəaliyyət göstərməsi üçün şirkət "AMEA Yüksək Texnologiyalar Parkı" MMC-nin 28 iyul 2022-ci il tarixli 08 nömrəli qərarı ilə qeydiyyata alınıb və ona "qeydiyyat şəhadətnaməsi" təqdim edilib".
Vasif Abbasov
Anar Nəbiyevin sözlərinə görə, nəzərdə tutulan layihələri həyata keçirmək üçün ayrı-ayrı sahibkarlarla təmaslar qurulub və layihələrin maliyyələşdirilməsi ilə bağlı razılıq əldə olunub:
"Vasif Abbasov isə təqdim edilən innovativ yönümlü layihələrin texnopark ərazisində gerçəkləşdirilməsini şəxsi vəsaiti hesabına təmin edəcəyini və əldə edilən mənfəətə şərik olacağını bildirərək, digər investorlarla əldə edilən razılıqlardan imtina etməyimi xahiş etdi. Lakin o, üzərinə götürdüyü öhdəliyi yerinə yetirmədi. Beləliklə, investorlardan imtina etdim və nəticədə layihənin həyata keçirilməsi mümkün olmadı.
Daha sonra, texnoparkda mövcud tikili sahənin və oradakı muasir standartlara cavab verən dəzgahların, "Robot və Robotexnika", eləcə də digər innovativ layihələrin həyata keçirilməsi məqsədilə "Tronıq" MMC-yə icarəyə verilməsi üçün Vasif Abbasova müraciət etdik. İcarə şərtlərini müzakirə etməzdən əvvəl sözügedən tikili və mövcud dəzgahların texniki cəhətdən istismara yararlı olub-olmamasının monitorinqini apardıq. Məlum oldu ki, dəzgahlarda texniki və elektron proqram təminatı məsələlərində ciddi problemlər var.
İkitərəfli müzakirədə əldə edilən razılıq əsasında, Elm və Təhsil Nazirliyi yanında "Yüksək Texnologiyalar Parkı" MMC ilə "Tronıq" MMC arasında, buradakı dəzgahlardakı problemlərin aradan qaldırılması və daha sonra həmin dəzgahların "Tronıq" MMC-yə icarə müqaviləsi əsasında istifadəsinə verilməsi haqda 10 avqust 2022-ci il tarixdə xidmət müqaviləsi və müqavilənin ayrılmaz hissəsi olan qiymət razılaşma protokolu imzalandı. Bundan sonra müəssisəmizin texniki və elektron proqram təminatı üzrə mütəxəssislərinin əməyi nəticəsində, bizə icarəyə veriləcək dəzgahlar istismara yararlı hala gətirildi".
Şirkət rəhbəri deyir ki, ortada rəsmi müqavilələrin olmasına baxmayaraq, Vasif Abbasov yenə də öhdəliklərə əməl etməyib: "Xüsusilə qeyd etməliyəm ki, qarşılıqlı razılaşma nəticəsində aramızda imzalanan "icarə müqaviləsinə baxmayaraq, Vasif Abbasov "Tronıq"MMC-nin fəaliyyəti nəticəsində əldə edilən mənfəətə şərik olacağını bildirib. Təbii ki, mən bu məsələyə etirazımı edərək icarə müqavilələrinin şərtlərinə əməl edəcəyimi dedim".
Bundan sonra Vasif Abbasov icarə haqqını aylıq 1000 manatdan 3500 manata qədər artıracağını və müqavilə şərtlərinin dəyişiləcəyini bildirib. Şirkət təbii ki, bununla razılaşmayıb: "1 dekabr 2022-ci i tarixdə isə icarəyə götürdüyümüz dəzgahlardan istifadəyə qadağa qoyuldu. Vasif Abbasov həmçinin "Tronıq" MMC-nin əməkdaşlarının və hətta mənim əraziyə buraxılmamağım barədə nəzarətçilərə xüsusi tapşırıq verib. Təsəvvür edin, şirkətlə texnopark arasında 5 illik müqavilə var. Amma Vasif Abbasov qanunsuzluq edərək bizə mane olur".
Anar Nəbiyev bildirib ki, qanunsuzluğun aradan qaldırılması üçün bütün hüquqi vasitələrdən istifadə edəcək.
Anar Nəbiyevin iddiaları ilə bağlı Vasif Abbasovun mövqeyini öyrənmək mümkün olmayıb.
“Azərbaycan Dövlət İqtisad Universitetinin (UNEC) nəzdində Qida Sənayesi Kollecində tələbə və valideynlərdən rüşvət alınır, imtahanda cavablar telefon və dəftərlərdən köçürülür”.
Xalqxeber.az xəbər verir ki, bu şikayətlə “Qafqazinfo”ya kollecin hüquqşünası Aynurə Muradova müraciət edib.
Onun sözlərinə görə, bu hal dəfələrlə baş verib:
“Bu görüntüləri 25 yanvar səhər saat 09:42-də çəkmişəm. Həmin an imtahan gedirdi. Mən birinci mərtəbədə olan vəziyyəti çəkə bildim. Eyni anda ikinci mərtəbədə də imtahan var idi. Görüntülərdən də göründüyü kimi, tələbələr cavablar üçün telefona baxırlar. Hüquqşünas olsam da, rəhbərlik məni imtanlara nəzarət etməyə qoymur. Direktor Vilayət İsmayılov, tədris işləri üzrə müavin Teymuraz Əfəndiyev, tərbiyə işləri üzrə müavin Sevinc Həmzəyeva kolleci şəxsi bizneslərinə çeviriblər. Onu da deyim ki, Teymuraz Əfəndiyev 2014-cü ildə korrupsiya ilə əlaqədar Sosial İqtisad Kollecindən işdən çıxarılıb”.
4 ildir bu kollecdə çalışdığını deyən A. Muradovanın iddiasına əsasən, bu vəziyyəti şikayət etdiyi üçün rəhbərlik onunla ədavət aparır:
“Mənim ADİU-nə İqtisad universitetinə şikayətimdən bəri aylardır bəzi işçiləri öyrədib üstümə hücum edirlər. Əl atdan ərizə yığıblar ki, guya onları təhqir etmişəm”.
Qida Sənayesi Kollecinin direktoru Vilayət İsmayılov isə iddiaları böhtan adlandırır:
“Yazılı imtahan çətin olduğuna görə, humanist yanaşaraq biletlər paylandıqdan sonra tələbələrə 3 dəqiqə vaxt verilir ki, yaddaşlarını bərpa etsinlər. Həmin anı çəkərək yalandan istifadə ediblər. Onun davamı da var ki, artıq imtahana başlayanda telefonlar hamısı yığışdırılıb”.
XalqXeber.Az
A.F. Qarayev adına 2 saylı uşaq kliniki xəstəxanasındakı şəraitsizlik və bərbad durum aktullaşıb.
DİA.AZ bildirir ki, bu barədə Bizim.Media-ya A.Şaiq adına Azərbaycan Dövlət Kukla Teatrının mətbuat katibi Həmidə Rüstəmova şikayətlənib.
Onun sözlərinə görə xəstəxananın sanitar qovşaqlarında isti su problemi var. Palatalardakı pəncərələrin isə tutacağı olmadığından birdəfəlik qapadılıb və havalandırma yoxdur:
“Övladımın müalicəsinə görə bir neçə gündür ki, xəstəxanada qalıram. Nəinki qaldığım palatada, xəstəxananın bütün sanitar qovşaqlarında isti su yoxdur. Özləri qapadıblar. Səbəb isə gətirirlər ki, burada qalan analar saçlarını yuyurlar.
Üstəlik heç bir pəncərənin tutacağı yoxdur ki, ən azından otağı ara-sıra havalandıraq. Sağlam adam bu şəraitsizlikdə xəstəlik tapar”, - deyə şikayətçi gileylənib.
Məsələ ilə bağlı Tibbi Ərazi Bölmələrinin İdarəetmə Birliyindən (TƏBİB) Bizim.Media-ya bildirilib ki, Kliniki Tibbi Mərkəzin nəzdində olan Ə.F.Qarayev adına 2 saylı Kliniki Uşaq Xəstəxanasında isti suyun verilməsində müvəqqəti problem yaranıb və bununla bağlı hazırda iş gedir:
“İsti suyun verilməsində fasilə yaransa da, tibb müəssisəsində istilik təchizatı ilə bağlı problem yoxdur”, - deyə qurumdan qeyd edilib.
“Hürriyyət”in ötən sayında Bakı şəhəri, Əliyar Əliyev küçəsi ev 79, mənzil 1 ünvanında yaşayan Qasımov Müzəffər Əzim oğlu tərəfindən redaksiyamıza daxil olan şikayət məktubunu dərc etmişdik. Qəzetimiz vasitəsilə Prezident İlham Əliyevə, Birinci vitse-prezident Mehriban Əliyevaya, eləcə də Ali Məhkəmənin rəhbərliyinə müraciət edən şikayətçi yazırdı ki, Bakı şəhər sakini Lötfi Cəbrayıl ona şər ataraq, guya 64000 manat borclu olduğunu iddia edib. Onun sözlərinə görə, bu məsələ hüquq müstəvisində araşdırılan zaman bəzi məhkəmə instansiyaları faktla əlaqədar ədalətsiz qərar çıxarıb.
Qeyd edək ki, ötən yazımızda şikayətçi konkret olaraq Apellyasiya Məhkəməsinin hakimi Şərafət Məmmədovanın qərarına etiraz etmişdi. “Şərafət Məmmədova mənim məhkəmədə iştirak etmədiyimdən istifadə edərək, heç bir hüquqi sənədə istinad etmədən və hər hansı sübut olmadan ədalətsiz qətnamə qəbul etmişdir”, - deyə M.Qasımov bildirmişdi. Hansı ki, Ali Məhkəmənin Mülki Kollegiyası da 15 noyabr 2022-ci il tarixli qərarında Ş.Məmmədovanın qərarının ədalətsiz olduğunu göstərir: “Məhkəmə kollegiyası hesab edir ki, apellyasiya instansiyası məhkəməsi tərəfindən maddi hüququ normasının tətbiqində səhvə yol verilmişdir. Buna görə də apellyasiya instansiyası məhkəməsinin qətnaməsi ləğv edilməli, iş üzrə məhkəmələr tərəfindən müəyyən edilmiş işin hallarına əsasən yeni qərar çıxarılmaqla iddia qismən təmin edilməlidir”.
Bununla belə, Ali Məhkəmənin Mülki Kollegiyası Müzəffər Qasımov tərəfindən verilmiş kassasiya şikayətini qismən təmin etsə də, qərarda onun üzərinə Lötfi Cəbrayıla 64 350 (altımış dörd min üç yüz əlli) manat ödənilməsi öhdəliyi qoyulmuşdur. Şikayətçi isə deyir ki, Ali Məhkəmənin də qətnaməsində əks olunan 64350 manat “borcun” mənbəyi, ümumiyyətlə bu rəqəmin haradan alındığı göstərilmir. Onun sözlərinə görə, əslində, bu rəqəm müstəntiq araşdırması zamanı texniki yanlışlıq nəticəsində istintaq materiallarında əks olunub. Yəni burada 64350 manatdan deyil, 59 500 manatdan söhbət gedir və bu məbləğ də qarşı tərəfə artıqlaması ilə ödənilib...
Dəyərli oxucularımıza aydın olsun deyə bildirək ki, Lötfi Cəbrayıl Bakıda məşhur sələmçi kimi tanınır. Bu haqda məlumat verən şikayətçinin sözlərinə görə, onun arxasında çox nüfuzlu məmurlardan (müəyyən səbəblərdən adını qeyd etmirik – red.) biri dayanır. Həmin məmura arxalanan L.Cəbrayıl əksər hallarda heç bir sənəd imzalamadan ehtiyacı olanlara, çətinə düşən insanlara yüksək faizlə böyük məbləğdə pul verir. Onun Müzəffər Qasımovla tanışlığı da məhz bu məsələ ilə bağlı yaranıb. Şikayətçinin dediyinə görə, bu işdə ortaq tanışları Süleyman Əmirov vasitəsilik edib. Lakin, yuxarıda da qeyd etdiyimiz kimi, burada cəmi 59 500 manatdan söhbət gedir ki, şikayətçinin sözlərinə görə, həmin vəsaiti müxtəlif vaxtlarda Lötfi Cəbrayıla qaytarıb, faizlərin faizi də hesablanmaqla ona cəmi 13500 manat borcu qalıb: “Baş Mütəşəkkil Cinayətkarlıqla Mübarizə İdarəsində Cəbrayılın dostları olan iki vəkilin və müstəntiq Şöhrət Hüseynovun iştirakı ilə o, borclu olduğum pulun 31 000 manatını Bilgəh qəsəbəsindəki evində, 15000 manatını isə Xaşa-Xunadakı bağ evində qaytardığımı etiraf etdi. Qalan 15000 manatı isə şahidim Xəlil Astanovun yanında veridiyimi etiraf etməmişdir”.
Şikayətin məğzindən belə anlaşılır ki, L.Cəbrayıl arxasında olan məmura arxalanaraq M.Qasımovu faizlərlə “yükləmək” qərarına gəlib. Görünür, məhz bu səbəbdən də, o, hələ də Müzəffər Qasımovun 64 350 manat “borclu” olduğunu iddia edir. Ən maraqlısı isə odur ki, Lötfi Cəbrayıl rəsmi olaraq qarşı tərəfin ona 31 min manat və 15 min manat olmaqla, toplam 46 min manat ödədiyini etiraf etsə də, nə Apellyasiya Məhkəməsinin hakimi Şərafət Məmmədova, nə də Ali Məhkəmənin hakimi Vüqar Həsənov bu faktı nəzərə almayıb. Hansı ki, şikayətçi redaksiyamıza müraciətində bu haqda öz fikrini açıqlayıb:
“Apellyasiya Məhkəməsinin hakimi Şərafət Məmmədova və Ali Məhkəmənin hakimi Vüqar Həsənov Lötfi Cəbrayılın sadəcə sözlərinə əsaslanaraq, qərar qəbul etsələr də, bütün araşdırmalarda Cəbrayılın özünün etiraf etdiyi 31000 manatı görməzdən gəliblər. Onlar gizli yazılıb, montaj olunmuş, köhnədən yazılmış səs yazılarına əsaslansalar da, yada salmayıblar ki, Azərbaycan Respublikasında heç bir orqan faizə verilmiş pula əlavə faiz və yaxud zərər hesablayıb, qərarı qismən təmin etməməlidir. Hakimlər yalnız hər hansı bir dövlət sənədinə əsaslanıb qərar qəbul etməlidir. Mənim ona pulu qaytarmağımı sübut etməyimə ehtiyac yoxdur, çünki Lötfi Cəbrayıl araşdırmada özü məndən 31000 manat aldığını, 15000 manat faiz aldığını etiraf etmişdir. 15000 isə şahidim Astanov Xəlilin yanında qaytardığıma baxmayaraq, mənimlə bərabər dostum Nazim Novruzovu da şərləyərək, onun həyat yoldaşının adına olan bağ evini dələduzluq yolu ilə ələ keçirmək istəmişdir. Araşdırmanı aparan müstəntiqlər və Nəsimi rayon Məhkəməsinin hakimi Rəşid Səmədov Lötfi Cəbrayılın hiyləsini başa düşüb ədalətli qərar qəbul etmişlər. Hakimlər Şərafət Məmmədova Vüqar Həsənov isə, nədənsə, Cəbrayılın hiyləsini görməzdən gəlib, özləri onunla bərabər qanunsuzluğa ortaq olmuşlar”.
Sələmçilik baş kəsmək kimidir
Məhz bu baxımdan, şikayətçi güman edir ki, hər iki məhkəmə instansiyası sifarişli hökm çıxarıb. Bir sözlə, məhkəmə orqanları bu qərarları ilə həm də qanunla qadağan olunan sələmçiliyə hüquqi don geydiriblər. Baxmayaraq ki, qanunvericiliklə vətəndaşların faizə pul vermək və bu barədə müqavilə bağlamaq səlahiyyəti yoxdur. Odur ki, verilən pula görə borc alandan faiz tələb etmək qanunvericiliklə məsuliyyət yaradır. Bu cür fəaliyyət yalnız xüsusi lisenziya əsasında həyata keçirilə bilər. Azərbaycan Respublikası qanunvericiliyi ilə faziə pul vermək xüsusi lisenziya alınmaqla banklar, bank olmayan kredit təşkilatları və lombardlar tərəfindən həyata keçirilə bilən fəaliyyət hesab edilir. Bu səbəbdən, M.Qasımova verdiyi pulu aldığını özünün də etiraf etməsinə rəğmən, məhkəmə orqanlarının sələmçinin xeyrinə qərar çıxarması onu deməyə əsas verir ki, burada Lötfi Cəbrayılın arxasındakı nüfuzlu məmurun əlinin olduğu haqda iddialar öz təsdiqini tapır...
Bəs, Lötfi Cəbrayıl Müzəffər Qasımovun dostu Nazim Novruzovu necə şərləyib və ona aid (həyat yoldaşına – red.) obyekti hansı yollarla ələ keçirməyə çalışıb? Və yaxud sözügedən obyekt hərracda satıldıqdan sonra, L.Cəbrayıl saxta sənədlərlə dövlət adından verilən qərarı necə ləğv etdirib? Bu və digər suallara növbəti yazımızda cavab tapa biləcəksiniz!
(Ardı var) //“Hürriyyət”//
Uzun illər Laçın rayon Şamkənd uşaq musiqi məktəbinin müəlliməsi Qiymət Əhmədovaya hədə-qorxu gəlinərək vəzifəsindən kənarlaşdırılıb.
TEREF.AZ bildirir ki, bu barədə Qaynarinfo-ya onun həyat yoldaşı Ələsgər Qasımov məlumat verib. Ələsgər Qasımov həyat yoldaşı Qiymət Əhmədovanın 2003-cü ildən 2021-ci ilədək Laçın rayon Şamkənd kənd uşaq musiqi məktəbində musiqi müəlliməsi işlədiyini qeyd edib:
"Həmin məktəbin direktoru həyat yoldaşımı çağıraraq bildirib ki, Ağcabədi Regional Mədəniyyət İdarəsinin yeni rəisi Qalib Həsənov səninlə bağlamış olduğum 29 sentyabr 2021-ci il tarixli 1 illik əmək müqaviləsini pozmağımı və 20 oktyabr 2021-ci il tarixdən etibarən səni işdən azad etməyimi təkid edir. Əks halda onun özünü direktorluqdan azad etməklə hədələyib. Ertəsi gün həyat yoldaşımla birgə Ağcabədi Regional Mədəniyyət İdarəsinin rəisi Qalib Həsənovla görüşüb bu barədə söhbət etdik. Həyat yoldaşımın müəllimlik fəaliyyətini davam etdirməsi üçün rəisin maddi marağı isə həm təəccübümüzə, həm də narazılığımıza səbəb oldu. Digər tərəfdən bizim maddi durumumuz da bu tələbi yerinə yetirməyə imkan vermirdi”.
Ələsgər Qasımov ikinci dəfə həyat yoldaşıyla 20.10.2021-ci il tarixdə Q.Həsənovun qəbulunda olublar:
"Qəbula gələcəyimizdən xəbərdar olan Q.Həsənov özünə tabe olan beş-altı nəfər işçisi və mühavizə polisi ilə bizi qəbul etdi. Biz anladıq ki, məzhəkə qabiliyyətli bu şəxsin fikri mənə və həyat yoldaşıma polis vasitəsi ilə hədə-qorxu gəlmək və saxta aktlaşdırma tətbiq etməkdir. Buna baxmayaraq, həyat yoldaşım onunla bağlanmış əmək müqaviləsinə qeyri-qanuni olaraq xitam verilməsini xatırlatdı və öz işinə qaytarılmasını xahiş etdi. Bunun qarşılığında oturduğu kreslonu ata mirası hesab edən bu şəxs "bu dəqiqə səni bayıra atdıracam, dur çıx çölə” hədələri ilə həyat yoldaşımın üstünə qışqıraraq əlavə etdi ki, "məni mədəniyyət naziri Anar Kərimov bura qayda-qanun yaratmağa göndərib. 80 nəfər müəllimi işdən çıxartmışam. Sənin işdən çıxma əmrini bu gün verdirəcəyəm. Mənim heç kimdən qorxum yoxdur”.
Ələsgər Qasımov iddia edir ki, Qalib Həsənovun göstərişi ilə işdən çıxarılan 80 nəfərdən çox müəllimin dərs saatları musiqi məktəblərində işləyən müəllimlərə pul müqabilində paylanılır:
"Açıq-aydın görünür ki, burada əsas məqsəd kapital yığmaqdır. Həmin vaxt iki ay idi ki, Q.Həsənov vəzifəyə təyin olmuşdu. Vətəndaşı dinləmək əvəzinə içəridəki polisə göstəriş verdi ki, bunu at bayıra. Polis isə qeyri-etik formada həyat yoldaşımın qolundan tutub itələyə-itələyə bayıra çıxartdı. Artıq həyat yoldaşım fiziki təziqlərə məruz qaldığı üçün əsəb və ürək xəstəliyi tapıb. Çox maraqlıdır, Q.Həsənovun mədəniyyət sahəsində hansı fəaliyyəti və hansı titulları olub ki, belə bir vəzifəyə gətirilib? Macarıstanda yarıtmaaz fəaliyyətinə görə vəzifədən uzaqlaşdırılan bu şəxsin Ağcabədi Regional Mədəniyyət İdarəsində uğur qazanacağı real görünmürdü. Hərbi xidməti borcunu belə yerinə yetirməyən fərarinin dövlət qulluğunda vəzifə tutması olduqca təəccüblüdür”.
Şikayətçi yazır ki, Q.Həsənovun saxtakarlığının bir nümunəsi də həyat yoldaşı Qiymət Əhmədovanın işdən çıxarılması ilə bağlı 01.10.2021-ci il tarixli, 129 nömrəli əmrin tarixindədir:
"O, 22 oktyabr 2021-ci il tarixədək Şamkənd kənd uşaq musiqi məktəbinə dərs dediyi halda Q.Həsənov onun işdən çıxma əmrini 22 gün geri tarixə, yəni 01 oktyabr 2021-ci il tarixinə verdirib. Xatırladım ki, Q.Həsənov özünə tabe olan işçilərin çoxunu, o cümlədən xidməti maşınının sürücüsünü – 44 günlük Vətən müharibəsi qazisini də bezdirərək ərizəsini alıb işdən azad edib. Əvəzində öz yaxın qohumunu sürücü kimi işə götürüb. İdarənin polisi öz qohumu, rəisin müavini tələbə yoldaşı, idarənin baş mühasibi həmyelisi və s. - yazmaqla bizməz”.
Məktub sahibi yazır ki, Adil Kərimlinin mədəniyyət nazirinin birinci müavini təyin edilməsi və ona nazir səlahiyyətinin verilməsi bölgələrdəki mədəniyyət işçilərinini çox sevindirib:
"Ancaq Qalib Həsənov vəzifədə qalması, qanun pozuntularını davam etdirməsi üçün Adil Kərimlinin üstünə minnətçilər göndərmək üçün yollar axtarır. Bizdə olan məlumata görə, bu məqsədlə Ağcabədi rayonundan millət vəkili seçilmiş Tahir Rzayevi, Şəmkir rayon polis rəisi olan qardaşı Elnur Həsənovu və sabiq icra başçısı olan atası Şamil Həsənovu hərəkətə keçirib Q.Həsənov. Çox güman ki, yığdığı var-dövlət müqabilində öz işində qalması üçün əlindən gələni etməyə çalışacaq. İndiyədək Nazirliyə ünvanladığımız məktubların araşdırılmasını şikayət etdiyimiz Q.Həsənovun üstünə göndərirlər. Lazımı tədbir görmək əvəzinə şikayət məktublarımızın Q.Həsənova ünvanlanması onun nazirlikdəki havadarları ilə birgə dırnağarası "fəaliyyətinin" nəticəsidir. Q.Həsənovun rəhbərlik etdiyi Regional İdərədə ədalətli yoxlamalar aparılsa, ciddi maliyyə fırıldaqçılığı üzə çıxacaq”.
Ələsgər Qasımov qeyd edib ki, sabiq mədəniyyət naziri Anar Kərimov 26 may 2022-ci il tarixdə Ağdam rayonunun Quzanlı qəsəbəsində vətəndaşlarla qəbul keçirərkən ona olanları yazılı şəkildə bildirib:
"Bundan əlavə, Qalib Həsənov digər musiqi məktəbləri ilə yanaşı Şamkənd kənd uşaq musiqi məktəbinin müəllimlərindən on min manat pul yığdırıb. Bununla bağlı heç bir tədbir görülmədi. Ətraflı araşdırılsa, Ağdam, Ağcabədi və Laçın rayon musiqi məktəblərindən hər ay külli miqdarda hesab alındığı faktlarla hər kəsə bəlli olacaq. Bunun bariz nümunəsi kimi Laçın rayon Şəlvə kənd musiqi məktəbini də göstərmək olar. 30 nəfərdən ibarət müəllim kollektivi məktəbdə Q.Həsənovun göstərişi ilə rüşvət yığılması ilə bağlı cənab Prezident İlham Əliyevə şikayət ərzəsi ilə müraciət etmələri və kollektiv şəkildə Mədəniyyət Nazirliyinə şikayət etmələri barədə məlumatlar KİV-də yayılıb. Mən və həyat yoldaşım 1 il 2 aydır ki, bütün dövlət orqanlarına, məhkəmələrə müraciət etsək də, Q.Həsənov aldığı rüşvətlər hesabına çirkin əməllərini ört-bastır etməyi asanlıqla bacarır. Haqq-ədaləti pul müqabilində tapdamaq Q.Həsənovun ustalıqla bacardığı işdir”.
Ələsgər Qasımov Mədəniyyət Nazirliyində Qalib Həsənovun yaxın adamlarının olmasına baxmayaraq, mədəniyyət naziri cənab Adil Kərimli baş vermiş nöqsanları araşdımasına və bununla bağlı müvafiq qərar verəcəyinə inanır.
Məsələ ilə əlaqədar Mədəniyyət Nazirliyinə müraciət ünvanladıq. Bir həftədən çox keçsə də, vəd olunan cavabı ala bilmədik.
Kiçik sahibkar Pərviz Fərəcov qeyd edir ki, "Lebro" broyler şirkətindən satmaq məqsədilə 17.500 (on yeddi min beş yüz) manatlıq qablaşdırılmış toyuq aldım. Onun 9.500 (doqquz min beş yüz) manatını Nəriman və Orxan adlı şəxslərə ödədim, qalanını borclu qaldım.
Sonra malı açanda baxdım ki, hamısı iylənmiş toyuqlardır. Geri qaytarmaq üçün dəfələrlə müraciət etsəm də qəbul etmədilər.
Axırda mənə dedilər apar Lerikə, fabrikin özünə. Filan qədər də xərc çəkib yükdaşıma xidmətindən yük maşını sifariş verib, onunla malı apardım Lerikə. Orda da borclu qaldığım qədərini götürdülər, pulunu ödədiyim qədərini isə nə qədər israr etsəm də geri almadılar. Mən də məcbur olub malı şirkətin həyətinə boşaltdım.
Geri qayıdanda mülki geyimli polis əməkdaşları yolda "VAZ-2107" markalı avtomobillə qarşımızı kəsdilər və haqqımızda şikayət olduğunu dedilər.
Güya bizim sürücü şlaqbaumu qırıb. Sonra dedilər mühafizəçini vurub.
Biz yenidən şirkətə geri döndük. Orada polis əməkdaşları tərəfindən baxış keçirildi və haqqımızdakı şikayət öz əksini tapmadı. Bizdən kafedə izahat aldıqdan sonra sürücünü buraxdılar. Mən də gecə yarısı Bakıya qayıtdım.
Başımıza gətirdikləri bu qədər oyunlara rəğmən ödədiyim məbləği mənə qaytarmırlar. Orxanla Nəriman deyir ki, "pulu yemişik, üstündən də su içmişik. Get əlin hara qəlbidir ora qoy".
Həə, atalar yaxşı deyib, "Arxalı köpək qurd basar".
Pərviz Fərəcovun sözlərinə görə, ""Lebro" broyler şirkətinin əsl (qeyri-rəsmi) sahibi millət vəkili İqbal Məmmədovdur. İdarəçilik edən Nəriman və Orxan isə qardaşı oğlanlarıdır."
Yəqin, bu səbəbdəndir ki, Nəriman bəy və "əmisinin ərköyün balası" Orxan bəy vətəndaşa qarşı etdiyi haqsızlıq azmış kimi, kobudluq da göstərir. Təqdim etdiyimiz videoda toyuq məhsullarının kəsildiyi, saxlanıldığı şəraitin görüntülərinə baxın!
Yeri gəlmişkən, yazını yazmadan əvvəl "Lebro" broyler barəsində internet üzərindən kiçik araşdırma apardıq.
Sözügedən məhsulların reklamını izlədikcə, bizdə maraqlı fikirlər oyandı. Əslində, belə çıxır ki, sözügedən şirkət heç də alıcılarını aldatmayıb.
Gördüyünüz kimi reklam fotosunda "qoxusu aləmi gəzər" sözləri yazılıb ki, zatən Pərviz Fərəcov da məhz bu səbəbdən malları geri iadə etmək istəyir.
Bir də "qızıl qırmızı" deyirlər ki, "hər gün marketlərə yeni məhsul çatdırırıq".
Yuxarıda təqdim etdiyimiz videogörüntülərdə reklamda yazılan bu sözün nə dərəcədə həqiqətə uyğun olub-olmadığını da görmüş oldunuz.
İqbal Məmmədovun biznesi böyüyür...
Görünür doğma yurdunun təbiəti deputat İqbal Məmmədovu özünə çox bağlayıb ki, Lerik rayonunda biznesini böyütməyə qərar verib.
Odur ki, əldə etdiyimiz məlumata görə daha bir zavod - ən müasir texnologiyalarla yem zavodunu da artıq işə salıb.
Onu da qeyd edək ki, təbii olaraq, əlbəttə bütün bu əmlakların deputatın özünün adına olması mümkün deyil. Yəqin, o səbəbdən də Nəriman və qardaşı oğlu Orxan butun işlərə rəhbərlik edirlər.
Pərviz Fərəcov isə uzun müddətdir ki, zəhmətlə qazandığı halal pulunu bu iki şəxsdən geri ala bilmədiyini deyir və hüquq-mühafizə orqanlarından ona hüquqlarını bərpa etməkdə köməklik göstərmələrini xahiş edir.
Məsələ ilə bağlı adıçəkilən tərəflərin də mövqeyini dinləməyə hazırıq.
GundemXeber.Az
DİA.AZ: - ""Jasmine Park" saraydan 2 ildir ev almışıq. Evi bizə 1 il gec təhvil verdilər..." DİA.AZ bildirir ki, bu barədə "Mənim Şikayətim Var" sosial qrupundakı paylaşımında Gülər Əli adlı istifadəçi giley edir.
Daha sonra narazı vətəndaş yazır: "Nəysə... ona susduq. Sonra da dedilər, "sayğacların ödənişini edin, sonra başlaya bilərsiz təhvilə"... Onu da ödədik. Biz artıq təmiri bitiririk, amma bunlar hələ də sayğacı qoymurlar.
Əlavə bizdən 80 manat pul alıblar ki "remont" edəndə bizim suyumuzdan, işığımizdan istifadə edəcəksiniz.
Yaxşi bəs mən indi evimin təmirin bitirirəm, nə pulu demisiz ödəmışəm.... bu ayın sonuna qoyacaqdınız sayğaclarııı noldu?
Zəng də edirsən, hərəsi bir yerə yönəldir, boyun qaçırırlar.
Azərişıq ASC, Azəriqaz İB, Azərsu ASC, bəlkə sizlikdi bu problemlər?
Bir çarə tapılsın da buna... belə olmaz axı... Camaatı aylardı oynadırlar.
Burdan kiminsə ev almaq fikri varsa, əsəblərinə heyfi gəlsin..."
İddia olunanlarla bağlı dia.az olaraq qarşı tərəfi də dinləməyə hazırıq...