Bura Neftçala rayonun Mürsəqulu kəndidir. Kəndin sakinləri torpaq sahələrinin zəbt olunmasına etiraz edir. Onlar deyir ki, sabiq bələdiyyə sədri Əlibala Səlimov vəzifədə olduğu dövrdə bələdiyyənin balansında olan torpağının 400 hektarını satıb və icarəyə verib.
Kənd sakini Çingiz Səmədov bildirir ki, Əlibala Səlimov 20 ildir qeyri-qanuni mənimsədiyi torpaqları əkib-biçir. O, bütün kəndlilərin torpağını əlindən alıb. 63 hektar torpağın 9 hektarı oğlu Səlimov Ozal Əlibala oğlunun adınadır. Onu da rüşvətlə keçirdib oğlunun adına.
Kənd sakini Fəxrəddin Usubov isə iddia edir ki, Əlibala Səlimov ondan və daha bir neçə nəfərdən aldıqları torpağı sənədləşdirmək üçün 1300 manat pul alıb, amma sənəd verməyib.
Çobanlıqla məşğul olan Famil Məmmədov isə kənddə örüş torpağının olmadığından əziyyət çəkdiyini, qoyunları otara bilmədiyini deyir.
Onun bu çətinliyini heyvandarlıqla məşğul olan Lətifə Hüseynova da bölüşür. Onun sözlərinə görə, Əlibala Səlimov bələdiyyə torpaqlarını qanunsuz şəkildə qohumlarının istifadəsinə verib deyə, sakinlər heyvandarlıqla məşğul ola bilmir.
Narazı sakinlər şikayətləriylə bağlı məhkəməyə müraciət edib.
Sakinlər onu da deyir ki, illərlə aidiyyəti orqanlara şikayət etsələr də, bu, nəticə verməyib.
Bələdiyyə üzvü Vəfa Nağı artıq üç ildən çoxdur ki, keçmiş sədr Əlibala Səlimovun qanunvericiliyin tələblərini pozması barədə hüquq-mühafizə orqanları qarşısında məsələlər qaldırmaqdadır.
2020-ci il iyunun 19-da Vəfa Nağı kənd bələdiyyəsinin sədrinin rüşvət alması hallarının araşdırılması tələbi ilə Daxili İşlər Nazirliyinin qarşısında aksiya keçirməyə cəhd edib.
O bildirib ki, bələdiyyə sədri otlaq sahələrini qanunsuz olaraq icarəyə verir, kənd sakinlərinə ev tikmək üçün nəzərdə tutulan torpaq sahələrini rüşvət müqabilində verir.
Keçmiş bələdiyyə sədri ilə əlaqə saxlamaq mümkün olmasa da, Əlibala Səlimov bir müddət əvvəl jurnalistlərə açıqlamasında torpaqların zəbt edilməsi ilə bağlı iddia ilə razılaşmayıb. O bildirib ki, bələdiyyənin cəmi 352 hektar torpağı var və deyilənlərin hamısı yalan və böhtandır.
Örüş torpaqlarına gəlincə o bələdiyyənin nəzdində cəmi 9,5 hektar örüş torpaqları olduğunu və həmin torpaqdan kənd əhalisinin istifadə etdiyini deyib.
2002-ci ildən 2020-ci ilədək Xolqaraqaşlı Bələdiyyəsinin sədri vəzifəsində işləyən Əlibala Səlimov səhhəti səbəbindən istefa verdiyini bildirib.
Hazırki bələdiyyə sədri Elnur Səfərov suallarımıza cavab verməkdən imtina etdi.

“Şərur İnşaat” tikinti şirkətinin fırıldaqları barədə KİV-lərə və mətbuata mütəmadi olaraq şikayətlər daxil olmaqdadır. Şirkət rəhbərliyinin binalarda dayaq sütunlarının sökülməsinə göz yumması, bir mənzilin bir neçə vətəndaşa satılması, inşa etdiyi binalarda qeyri-qanuni fəaliyyətlə məşğul olaraq sakinlərdən kommunal xidmət adı altında aylıq külli miqdarda pul yığılması ilə bağlı dələduzluq halları “Şərur İnşaat”ın əsas devizlərindən biridir.

Bir neçə gün bundan əvvəl isə şirkətin Nərimanov rayonu Ceyhun Hacıbəyli küçəsindəki binasındakı blokların birində içində sakinlərin də olduğu qəzalı lift 9-cu mərtəbədən boşluğa düşüb. Xoşbəxtlikdən xəsarət alan olmayıb. Amma bu məsələ əsəbləri onsuz da tarıma çəkilən sakinləri bir az da özündən çıxarıb.

Bina sakinləri özünü komendant adlandıran və hər bir mənzildən aylıq 55-60 manat yığan Fərman adlı şəxsə müraciət etsələr də, o bildirib ki, liftlərin yeniləri ilə əvəzlənməsi qeyri-mümkündür və İsfəndiyar müəllimin buna imkanı çatmır. Odur ki, bu məsələni sakinlər özləri həll etməlidir. Bəs onda belə bir sual yaranır ki, qeyri-qanuni və heç bir qəbz verilmədən yığılan pullar hara gedir?!

“İrəvan SSR” lift zavodunun istehsalı olan və çoxdandır qəzalı vəziyyətə düşən bu liftlər nə üçün müasir və təhlükəsiz qaldırıcı qurğularla əvəz edilmir?! Axı Azərbaycan dövlətinin əsas prioriteti onun vətəndaşının təhlükəsizliyidir, nədən “Şərur İnşaat” Azərbaycan vətəndaşlarını hər an təhlükə ilə üz-üzə qoyur?

Araşdırmamız deməyə əsas verir ki, bu illər ərzində adıçəkilən inşaat şirkəti binalarda Azərbaycan Respublikasının qanunlarına zidd fəaliyyət göstərib, heç bir vergi ödəməyib. Yanğın və digər təhlükəsizlik qaydalarına məhəl qoymayan “Şərur İnşaat” öz fəaliyyətini keçən əsrin 90-cı illəri aspektində, reket şəklində qurub. Qeyd edək ki, yeni tikilən binalarda sakinlər tərəfindən MMMC-lər yaradılmalıdır. Lakin “Şərur İnşaat” buna imkan vermir.

Bəs MMMC nədir?

MMMC – yəni Mənzil Mülkiyyətçilərinin Müştərək Cəmiyyəti – çoxmərtəbəli binaların idarə edilməsi üçün bina sakinlərinin (binanın sahə mülkiyyətçilərinin) könüllü birliyidir. MMMC qeyri-kommersiya təşkilatı olan hüquqi şəxsdir və onun əsas məqsədi mənfəət götürmək, ya da onu bölüşdürmək deyil. MMMC-lərin fəaliyyəti əsasən Mənzil Məcəlləsi əsasında tənzimlənir. Qanunvericiliyə əsasən, çoxmənzilli bina sakinləri MMMC yaradaraq binanın idarə edilməsi məsuliyyətini birbaşa öz üzərilərinə götürürlər. MMC-lərdən fərqli olaraq MMMC-lər kommersiya fəaliyyəti göstərsələr də, əldə edilən gəlir bölüşdürülmür, ancaq Nizamnamə fəaliyyətinə yönəldilir. MMC-lər Dövlət Vergi Xidmətində, MMMC-lər isə Ədliyyə Nazirliyində dövlət qeydiyyatına alınır.

Xatırladaq ki, bu yaxınlarda Bakının Nərimanov rayonunda, Ceyhun Hacıbəyli – 24 ünvanında “Şərur İnşaat”a məxsus çoxmərtəbəli binanın sütunlarının kəsilməsi faktı da qeydə alınıb. Fövqəladə Hallar Nazirliyinin mütəxəssisləri həmin ünvanda reyd keçirib. Bildirilib ki, sütunlar arasında ara məsafə genişləndirilib. Bu isə qanunsuzdur.

Görəsən, “Şərur İnşaat” Türkiyədə baş verən və on minlərlə insanın həyatına son qoyan zəlzələni gözünün önünə gətirirmi?

KONKRET.az-ın ARAŞDIRMA QRUPU

Sosial Xidmətlər Agentliyinin sözçüsü şəhid ailələrinin qanunda nəzərdə tutulmuş sanarotiya-kurort güzəştlərilə bağlı ictimailəşdirdiyim məsələ ilə bağlı həmişəki kimi şablon açıqlama verib. Açıqlamadan belə çıxır ki, mən guya yalan danışmışam.

Tribunainfo.az yazır ki, bu sözləri şəhid Vüsal Vəliyevin qardaşı, jurnalist Elyar İslamoğlu yazıb. Sosial Xidmətlər Agentliyinin fəaliyyətsizliyini üzə çıxaran jurnalistin suallarını agentlik əməkdaşları şablon cavablarla yola veirr:

“Saat 09:30-dur, (+994 12) 525 41 30 nömrəsinə az əvvəl zəng etdim, operator xanım xəttdə gözləməyimi istədi, nə qədər gözləsəm də mətbuatla bağlı şöbədən kimisə tapıb mənə yönlədirə bilmədi. Sonra geri dönüş edəcəklərini dedi.
Biraz sonra Sosial Xidmətlər Agentliyindən mobil nömrədən zəng gəldi. Sonuncu dəfə Sosial Xidmətlər Agentliyindən ailəmizi haçan ziyarət etdiklərini, sanatoriya üçün müraciət edəndə həmin qurumdan xanım əməkdaşın mənə verdiyi cavabı, mətbuata verilən şablon açıqlamanı soruşdum. Çünki dəqiq bilirəm ki, Sosial Xidmətlər Agentliyinə rəhbərlik səviyyəsində şəhid ailələrini ziyarət edərək onların problemlərilə maraqlanmaq tapşırığı verilib. Amma bizim ailəmizə nədənsə heç kim gəlməmişdi.
SXA-nın sözçüsü mətbuata verdiyi şablon açıqlamanı təkrarlamaq istədi, imkan vermədim, cavablamağa sözü olmadığı üçün “yazılı sorğu göndərərsiniz, cavablayarıq” dedi.

Bunlar şəhid ailələrinə, qazilərə belə xidmət edir. Telefonla canlı şəkildə sorğuları cavablaya bilmirlər, çünki yalanlarını dərhal üzlərinə vururam.
Bəzi saytlara, jurnalistlərə ayda 100-150 manat göndərərək problemlərin mətbuatda yazılmamasının, ictimailəşdirilməsinin qarşısını almağa çalışırlar.
Özlərinə də dedim, onlarda günah görmürəm, atalar deyib ki, “atı-atın yanına bağlasan həmrəng olmasa da, həmxasiyyət olar”. Bir qurumun rəhbərinin nənəsi ermənidirsə, o qurum heç vaxt şəhid ailəsinə, qaziyə normal xidmət göstərməz. Şəhid ailələrindən, yarıcan qazilərdən bacardıqca qohumlarının intiqamını almağa çalışacaq”.

E.İslamoğlu Sosial Xidmətlər Agentliyinə göndərdiyi, lakin hər dəfə şablon cavab aldığı sorğunu bir daha media vasitəsilə göndərərək dəqiq və doğru reaksiya gözləyir:

“Sosial Xidmətlər Agentliyi, şəhid mayor Vüsal Vəliyevin ailəsi rəhbərlik səviyyəsində haçan ziyarət edilib?”