 |
|
|
"Ekologiya və Təbii Sərvətlər Nazirliyinin Regional idarəsininin rəsmi icazəsi olmadan Tovuz rayonu Aşağı Quşçu kənd ərazisinin Mal Bazarına, "İpək Yolu"na, bir neçə strateji əhəmiyyət kəsb edən boru xəttinə, hətta su kanalının 20 metrliyinə yaxın olan hissəsinə zibil tökülür.
Ərazi rayonun Aşağı Quşçu kəndinə aiddir. Zibil də 1000-ə yaxın evi olan kənd əhalisinin gündəlik atmalı olduğu tullantıdır. Ərazinin seçilməsinə Aşağı Quşçu kənd bələdiyyəsinin sədri Tofik Hüseynov qərar verib, zibilin atılmasını isə kənd icra nümayəndəsi Ələsgər Vəliyev təşkil edərək həyata keçirir."
Bu sözlər Tovuz rayonu Dondar Quşçu kənd sakini, fermer Vəliyev Həzi Abbasəli oğlu tərəfindən Faktinfo.az saytının elektron poçtuna göndərilən şikayət məktubundandır. Şikayətçi bildirir ki, Aşağı Quşçu kənd bələdiyyəsinin sədri Tofik Hüseynov düzgün qərar qəbul etməyib, kənd icra nümayəndəsi Ələsgər Vəliyevin yanaşması da kökündən yanlışdır. Bələdiyyə sədri zibilin tökülməsi üçün "poliqon" ərazini seçərkən, yaxınlıqdan keçən boru xətlərini, mal bazarını, su kanalını, ətrafda olan taxıl sahələrini və s. nəzərə almalı, Ekologiya İdarəsinin rəsmi razılıq məktubuna əsaslanmalı idi. İcra nümayəndəsi isə kəndin əhalisinin çox cüzi vəsaiti hesabına zibili MKTB-nin xətti ilə daşıtdıra bilərdi.
Təsəvvür edin ki, güclü külək əsir, ətraf üfunət qoxusuna qərq olmazmı? Olar! Selofan torbalar havada uçuşmazmı? Uçuşar! Bununla "İpək Yolu"ndan istifadə edən nəqliyyat vasitələrini idarə edən insanlarda pis təəssürat da yaranar. Yaxınlıqda olan taxıl sahələri siçan-siçovul yuvasına dönər, ziyanvericilər üçün münbit şərait yaranar.
Faktinfo.az saytı yaranmış ziddiyyətli vəziyyətə Ekologiya və Təbii Sərvətlər Nazirliyinin Regional idarəsindən münasibət öyrənə bilməsə də, Aşağı Quşçu kənd bələdiyyəsinin sədri Tofik Hüseynov və kənd icra nümayəndəsi Ələsgər Vəliyevdən münasibət öyrənə bilib. Aşağı Quşçu kənd bələdiyyəsinin sədri Tofik Hüseynov bildirib ki, şikayətçi Vəliyev Həzi Abbasəli oğlu bu gün rayon rəhbərliyinin qəbulunda olub. Ona izah edilib ki, ərazi Aşağı Quşçu kəndinə aiddir. Bu gündən ora müvəqqəti zibilin tökülməsi dayandırılır, Ekologiya və Təbii Sərvətlər Nazirliyinin Regional idarəsinə rəsmi məktub ünvanlanır.
Aşağı Quşçu kənd icra nümayəndəsi Ələsgər Vəliyev isə qeyd etdi ki, doğru deyil, zibilin tökülməsi üçün nəzərdə tutulan ərazi yol kənarından uzaq məsafədə yerləşir, magistral boru xətlərinə də yaxın deyil. Hazırda Ekologiya və Təbii Sərvətlər Nazirliyinin Regional idarəsinə məktub yazılır. Gərək, məktub əvvəldən yazılaydı. Əminəm məktuba müsbət cavab veriləcək. İcazə alındıqdan sonra əraziyə zibil töküləcək və vaxtaşırı üstü örtüləcək.
İndiyə kimi tökülmüş zibilin üstü isə bu gündən torpaqlanacaq.
FAKTİNFO.AZ
Ötən gün günorta saatlarında Ağsunun Bico kəndinin ərazisində yerləşən, mal-qaranın suvarılması üçün nəzərdə tutulan gölü su ilə təmin edən böyük diametrli dəmir borunu kəsib aparmaq istəyirlərmiş, lakin təsadüfən həmin ərazidə taxıl sulayan kənd sakini Famil Dadşov avtogen qaynaqla borunu doğramaq istəyən, adını söyləməyən Ağsu sakininə mane olub.
Bu barədə Bico kəndindən Mediatv.az-a daxil olan müraciətdə deyilir. Müraciətdə bildirilir ki, kənd sakininin müdaxiləsini görən həmin şəxs əraziyə özbaşına gəlmədiyini, onu Ağsu Suvarma Sistemləri idarəsinin müdiri Səfər Məmmədovun oğlanlarının gətirib düşürtdüklərini və borunu doğramağını tapşırdıqlarını söyləyib.
Sakinlərin verdiyi bilgiyə görə, qaynaqçı öz telefonu ilə Ağsu SKİ-nin müdiri Səfər Məmmədovun oğluna zəng edərək, F.Dadşovla danışdırıb və məmur oğlu kənd sakininin adını soruşandan sonra, hədə şəklində “Orda gözlə, gəlirəm” deyib və telefonu söndürüb.
Müraciətdə qeyd edilir ki, F.Dadaşov kənd bələdiyyəsinin sədri Südabə Mikayılovaya və bir neçə kənd sakininə günün günorta çağı olunan “mədəni oğurluq” barədə məlumat verdikdən sonra telefonla çəkiliş aparmağa başlayıb. Çəkilişi görən qaynaqçı Ağsu sakini oksigen balonlarını hadisə yerində qoyaraq, ərazidən uzaqlaşıb.
Mediatv.az-a daxil olan m üraciətdə daha sonra bildirilir:
“Əvvəlcə hadisə yerinə kənd bələdiyyə sədri gəldi və borunu doğramaq istəyən qaynaqçını, onun ləvazimatlarını və onları ordan aparmağa gələn ön və arxa dövlət nömrə nişanları açılmış “pikap”ı da gördü. Bələdiyyə sədri dedi ki, sürücünü də, yanındakını da tanıdım, su idarəsinin işçiləridir.
Ardınca əraziyə kənd icra nümayəndəsi Bəhlul Mahmudov, müavini, mühasibi və dörd kənd sakini də gəldi. Sonradan gələnlər də dövlət nömrə nişansız ağ rəngli “pikap” maşının ərazidən uzaqlaşdığının şahidi oldular. Kənd sakinləri polisə zəng etməyi məsləhət görsələr də, icra nümayəndəsi B.Mahmudov “Sabah Səfər müəllimlə özüm danışaram” deyərək, hadisə yerini tərk etdi. Lakin sakinlərlə bir yerdə olan bələdiyyə sədri S.Mikayılova Ağsu RİH-nin Ərazi idarəetmə və yerli özünü idarəetmə şöbəsinin müdiri Sənan Feyzullayevə zəng edib, hadisə ilə bağlı məruzə etdi. S.Feyzullayevsə maraqlanıb, məlumat verəcəyini söylədi. Sonradan bələdiyyə sədrinə “maraqlanma”nın nəticəsi olub-olmaması barədə heç bir məlumat verilməyib.
Hazırda həm əlimizdə fotoşəkillər, həm video görüntülər var, həm də borunun düz dibinə qədər getmiş “pikap”ın şum üstündəki izləri durur”.
Kənd sakinlərinin icra nümayəndəsinə istinadən sözlərinə görə, sonradan Səfər Məmmədov Bəhlul Mahmudova zəng vurub və onların məsələyə aidiyyatı olmadığını bildirib. Sonda o da qeyd olunur ki, hadisənin qarşısını alan Famil Dadaşova tanımadığı müxtəlif nömrələrdən durmadan zənglər gəlir, lakin tanımadığı üçün zənglərə cavab vermir.
Kənd bələdiyyəsinin sədri Südabə Mikayılova saytımıza açıqlamasında su borularının kəsilməsinə imkan verilmədiyini bildirib:
“Məlumat gələn kimi dərhal hadisə yerinə getdim və onları sahədən uzaqlaşdırdım. Nömrəsiz maşın idi, bu səbəbdən hələ araşdırma gedir. Su borularını kəsmək istəyən şəxs su-kanal müdiri Səfər Məmmədovun oğlanlarının sifarişi ilə gəldiyini bildiriblər. Mən özüm onların qarşısını kəsdim, sahədə nə üçün gəzdiklərini soruşdum. Dedilər ki, “biz bura öz başına gəlməmişik”. Gələndə özləri ilə su borularını kəsmək üçün qaz balonları gətirmişdilər. Mən onlara yaxınlaşmaq istəyəndə qaçdılar. Kənd icra nümayəndəsi Bəhlul müəllim hadisə yerinə gəldi və telefonla olanları Səfər Məmmədova dedi. Səfər müəllim də hadisədən xəbərsiz olduğunu deyib. Bəhlul müəllimə dedim ki, hadisəni belə qoymaq olmaz, nömrəsiz maşının sahədə nə işi?
Məsələ ilə bağlı Ərazi İdarəetmə və yerli özünüidarəetmə orqanları ilə iş çöbəsinin müdiri Sənan Feyzullayevə məlumat verilib”. //Mediatv.az//
Rayonun Şəhriyar kənd bazarında palçıq dizə çıxır...
Bunları görmürsən, Siraqəddin Cabbarov..?
Sabirabad rayonu, Şəhriyar kənd sakinlərinin redaksiyamıza göndərdiyi VİDEO-materiala baxanda adam dəhşətə gəlir.
Məlumat üçün qeyd edək ki, 90-cı illərədək bu kəndin adı Aleksandrovka idi, sonradan Ali Sovet kəndin adını dəyişib dahi şairimizin adı ilə Şəhriyar qoydu. Və camaat düşünürdü ki, kəndin adını dəyişməklə, Moşu Göyəzənli demişkəın, XOŞVAXT olacaqlar. Amma atalar deyib ki, sən saydığını say, gör, bəzi rüşvətxor məmurlar, icra başçıları nə sayır. Nə sayacaq, əlbəttə PUL...
Xatırlatma üçün qeyd edək ki, bir müddət əvvəl Sabirabad rayonunun Mərkəzi bazarı yanıb kül oldu.
Təsəvvür edirsiniz FHN-nin dəstəsi gələnə kimi bazarda bir salamat obyekt qalmadı. Həmin yanğın videolarına baxanda adam düşünür ki, görəsən, bu dövlət qurumları hara baxır..? Görəsən, 2008-ci ildən 2019-cu ilədək Saatlı rayon İcra Hakimiyyətinin başçısı olan, 2019-cu ildən Sabirabadı idarə edən Siraqəddin Cabbarov nə düşünür..? Axı, yanıb kül olan vətəndaşların əmlakı, məhsulları idi.
Sözün qısası, Şəhriyar kənd sakinlərinin bizə göndərdiyi fotolardan, videolardan göründüyü kimi, dəmir yolun kənarında yerləşən bazarda dəvə palçığa batsa çıxa bilməz. Belə bir şəraitdə öz həyətlərində yetişdirdikləri almanı, armudu, göy-göyərtini və əti, balığı satan kənd sakinləri zığın, palçığın içində qalıblar. Hətta bazarda olan avtomobillər də yarıyacan zığa batıb. Bir daha deyirik ki, insana belə zülm etməzlər. Bu insanlar bütün günü zığın-palçığın içərisində oturub çörək pulu qazanırlar. Digər tərəfdən o zığın-palçığn içərisində, yerə sərilmiş ərzaq məhsullarının mikrob, virus daşımadığını kim deyə bilər..?
Axı, o boyda rayonun sanitar-gigiyena idarəsi var, bələdiyyəsi var, nə bilim, Allah qoymasa, icra nümayəndəsi var...bəs bunlar hara baxır..? Bu palçıqlı sahəyə bir-iki maşın qum tökmək üçün görəsən Siraqəddin Cabbarovun 5-10 manat pulu yoxdur..? Bəs Binəqədidəki, milyonluq villa kimindir..? Araşdırma zamanı digər bir videoda Şəhriyar kəndinin sakinləri haray salıb, imdad diləyərək, su istəyirlər...
Təsəvvür edirsiniz, kəndçi həyətini, bağını, əkdiyi məhsulu suvarmağa su tapmır. Və icra başçısına şikayət edirlər. İcra başçısı hər dəfə söz verir ki, hər şey yaxşı olacaq. Kəndlinin əkdiyi məhsul zay olub gedirsə, necə yaxşı ola bilər..? Axı, onun və ailəsinin illik ruzisi həmin məhsullardır.
Yeri gəlmişkən, son illər Allah qoymasa, rayonlarda festival keçirmək moda minib. Göyçayda NAR festivalı, Qubada ALMA festivalı, Sabirabadda QARPIZ festivalı, İmişlidə YEMİŞ festivalı... Bir deyən yoxdur ki, su yoxdursa, kəndçi binəva bunları nə ilə sulayacaq..? Bəlkə...?
Nə isə, Şəhriyar camaatının ərz-halını yazıb çatdırdıq. Vallahi, bir gün bu qəzəblənmiş kütlə, bəzi məmurları qabağına sel kimi basıb, inək balasını tapdalayan kimi əzəcəklər. Sonra deməyin ki, deyən olmadı. İndi söz müvafiq dövlət qurumlarınındır.
guindelik baki.com
49 nömrəli məktəbin müəlliminin pul istədiyinə dair səs yazısı yayılıb.
"DogruXeber.az" bildirir ki, 49 nömrəli intellekt məktəb litseyinin müəllimi Könül Həsənova rəhbərlik etdiyi sinifin votsap valideyn qrupuna səsli mesaj göndərərək, açıq-aşkar rüşvət istəyib.
Özü də müəllimin danışığından belə məlum olur ki, o bu rüşvəti "göz yumduqları" qanunsuzluq və şagird özbaşınalıqlarının əvəzində istəyir.
Müəllim bu rüşvətin məcburi olmadığını dönə-dönə vurğulasa da, imtahanları xatırlatmağı da "özünə borc bilib".
Həmçinin o başqa siniflərin səssizcə məbləği toplayıb, artıq təhvil verdiklərini də vurğulayıb.
Qeyd edək ki, Bakı Şəhəri Üzrə Təhsil İdarəsindən artıq, yayılan səs yazısından məlumatlı olduqları, bu barədə bir neçə gün öncə quruma şikayət daxil olduğu bildirilib.
Məsələ araşdırılır.
DogruXeber.az
Anarə Muhəmməd
DİA.AZ: - İcra başçıları üçün artıq QARA KABUSA çevrilən MALİYYƏ NAZİRLİYİ XOFU davam etməkdədir. Qeyd edık ki, iki gün əvvəl Azərbaycan Maliyyə Nazirliyinin Dövlət Maliyyə Nəzarəti Xidməti Biləsuvar və Ağcabədi Rayon İcra Hakimiyyətlərində, Biləsuvar Şəhər Ərazi Nümayəndəliyi və Biləsuvar Şəhər Kommunal Müəssisələri Kombinatında əsassız ödəmələr aşkar etdiyi məlum oldu.
DİA.AZ bildirir ki, bu barədə Maliyyə Nazirliyindən rəsmi qaydada məlumat verildi. Xəbərə görə, vətəndaş müraciətlərinə əsasən, sözügedən qurumlarda yoxlama aparılıb. Nəticədə 64,4 min manat məbləğində artıq və əsassız ödənişlərə yol verildiyi aşkar olunub.
Yoxlamalarla aşkar edilmiş nöqsanlara hüquqi qiymət verilməsi üçün yoxlamaların nəticələri üzrə tərtib edilmiş sənədlər Azərbaycan Respublikasının Baş Prokurorluğuna göndərilib.
Qeyd edək ki, əslində bu faktlar sözügedən icra hakimiyyətlərindəki mənimsəmlərin cüzi bir hissəsidir və əsas yeyinti faktlarını təbii ki hüquq-mühafizə orqanları üzə çıxaracaq.
Bu arada DİA.AZ-a daxil olan informasiyalardan belə aydın olur ki, Biləsuvar və Ağcabədi ilə yanaşı, Ağsunun icra başçısı üçün də arzuolunmaz dönəmə start verilib.
Bu barədə redaksiyamızı bilgiləndirən raayondakı mənbə iddia edir ki, bu ilin may ayında Ağsu "hökmranlığını" qeyd etməyə hazırlaşan Rövşən Bağırov bu rayonda özünə əməlli-başlı XANLIQ qurub. Qaynaq dia.az-a yazır:
"Rövşən Bağırov da Ağsunu Vasif Talıbov Naxçıvanı idarə etdiyi kimi idarə edir. Diqqət yetirin, ondan şikayət-filan da yoxdur. Hamısı yerindəcə boğulur. Adam özünə rayonda balca XANLIQ da qurub".
Amma buna rəğmən bütün "balaca padşahların" sonunun çatdığını deyən mənbə Ağsuda da Maliyyə Nazirliyi tərəfindən təftişin həyata keçirildiyini iddia edib: "Bu yoxlamalar nəticə verəcək. Hər halda ağsulular ümid edir..."
Əlavə bilgilərimiz olacaq. Bizi izləməyə davam edin. İddia olunanlarla bağlı dia.az olaraq bütün maraqlı tərəflərin mövqelərini işıqlandırmağa hazırıq...
Mehman Soltanovun sevimli xobbisi nədir..? Notariuslar Mehman Soltanovun “borc”larını bağlamaqdan beziblər...
Atalar çox dəqiq deyib ki, utanmasan oynamağa nə var ki...
Doğrudan da, insan abır-həya, utanmaq hissini itirəndən sonra, ondan nə desən gözləmək olar. Bu gün Ədliyyə Nazirliyinin Qeydiyyat və Notariat Baş İdarəsinin Notariat İdarəsinin rəisi Mehman Soltanovun uşaq adları ilə bağlı açıqlamasını oxudum. Cənab Soltanov deyir ki, bəzi adlar gülüş hissi oyadır, adam öz adından xəcalət çəkir və.s Bu adama deyən lazımdır ki, AD şərti xarakter daşıyır, əlbəttə, uşaqlara yaxşı ad qoymaq lazımdır, amma əsas AD deyil, ƏMƏL-dir, ay Mehman müəllim. Sənin adın yaxşı ola bilər ee, amma əməllərindən az qala bütün ölkə danışır. Nə isə, keçək ölkənin BAŞ NOTARİUSU Mehman Soltanovun başçılığı altında notariat kontorlarında baş verən qanunsuz, cinayət əməllərinə.
Öncə onu qeyd edək ki, ölkənin məhkəmə-hüquq sistemi, istintaq idarələri ƏSAS olaraq notariusların verdiyi sənədlər əsasında qərar verirlər. Yəni notariusun təsdiq elədiyi saxta sənəd əsasında necə ədalətli qərar çıxarmaq olar...?
İndi bildinizmi, notariusun rolu hansı dərəcədədir..? Yəni notariat qurumları sıradan bir qurum deyil.
Məlumat üçün onu da qeyd edək ki, “Notariat haqqında” Azərbaycan Respublikasının Qanununu hətta notariuslara siyasi partiya üzvü olmağı, biznes fəaliyyətini qadağan edir. “Notariat haqqında” Azərbaycan Respublikası Qanunununa uyğun olaraq notarius aşağıdakı notariat hərəkətlərini aparır: əqdləri və etibarnamələri təsdiq edir; vərəsəlik hüququ haqqında şəhadətnamələr verir; ər-arvadın ümumi əmlakındakı paya mülkiyyət hüququ haqqında şəhadətnamələr verir; sənədlərdəki imzaların hәqiqiliyini təsdiq edir; sənədlərin bir dildən başqa dilə tərcüməsinin düzgünlüyünü təsdiq edir; sübutları təmin edir.
Bu sadaladığımız sahələrdə ölkə notariuslarının faəliyyəti bərbad gündədir. Hər gün oxuyuruq ki, filankəsin evi saxta sənədlərlə banka girov qoyulub, filankəsin avtmobili saxta imza ilə başqası tərəfindən ələ keçirilib və daha nələr. Bütün bu saxta sənədləri, saxta imzaları təsdiq edənlər kimlərdir..? Əlbəttə, Mehman Soltanovun cinayət şəbəkəsinin üzvü olan notariuslar. Bəs görəsən, Mehman Soltanov nə üçün onların əməlləinə göz yumur..?
Əslində Mehman Soltanov notariusların cinayət əməllərini himayə edir, onlarla “şərik”dir. Onu da qısaca qeyd edək ki, qanuna görə, Mehman Soltanovun müsabiqəsindən keçməyən şəxs notarius ola bilməz. Belə ki, notarius olmaq istəyən şəxs öncə Dövlət İmtahan Mərkəzinin imtahanından keçməli, sonra Mehman Soltanovun qarşısında oturub sorğu-sual olunmalı və sonra Ədliyyə Akademiyasında icbari təlimə cəlb olunmalıdır.
İndi gördünüzmü, notarius olmaq elə də asan məsələ deyil. Amma Mehman Soltanovu “görənlər” üçün problem qalmır.
Yeri gəlmişkən, onu da qeyd edək ki, 2011-ci ildə ədliyyə naziri cənab Fikrət Məmmədov Kollegiya iclasında notariat sahəsində baş verən rüşvət və cinayət hallarına görə, Ədliyyə Nazirliyi Qeydiyyat və Notariat baş idarəsinin rəisi İlqar Məmmədovu iclasda vəzifəsindən azad elədi və səlahiyyətləri onun müavini Mehman Soltanova verdi. Sual oluna bilər ki, müavin Mehman Soltanovun guya o boyda əməllərdən xəbəri yox idi..? Əksinə, Mehman Soltanov o cinayət əməllərinə və nazirin dediyi rüşvət tüğyanına şərik idi. Mehman Soltanov sonuncu müsahibəsində deyir ki, İnşaAllah yaxın zamanda qarabağlılar, ağdamlılar öz vətənlərinə qayıdacaqlar, orada notariat kontorları açacağıq və s. Cənab Soltanov, indi də gedib Qarabağda yığmaq istəyirsən..?
Qısa məlumat üçün onu da qeyd edək ki, Mehman Soltanovun nəzarəti altında hazırda Azərbaycanda 155 notariat kontoru fəaliyyət göstərir. Onlardan 99-u dövlət, 56-sı xüsusi notariat kontorudur. Notarius fəaliyyəti ilə isə 173 nəfər məşğul olur. Onlardan 104 nəfəri dövlət, 69 nəfəri xüsusi notariat kontorlarında fəaliyyət göstərir. İndi Mehman Soltanovun biznesinin miqyasını təsəvvür edin.
Onu da qeyd edək ki, Mehman Soltanovun kantorları şəxsiyyət vəsiqəsi olmadan adi sürücülük vəsiqəsi ilə rəsmi sənədləri təsdiq edir. Amma ASAN xidmət şəxsiyyət vəsiqəsi olmadan heç bir sənədi təsdiq etmir. Mehman Soltanovun notariusları isə “PULUNU VER, nə şəxsiyyət vəsiqəsi..” qaydası ilə işləyirlər.
Sözün qısası, Mehman Soltanovun əməlləri bununla bitmir. Cənab Baş İdarə rəisinin biabırçı xobbisi də var. Baş notarius tez-tez Gürcüstana, Tbilisi şəhərinə gedir. Və hər dəfə də böyük problemlərlə üzləşir. Notariuslar deyir ki, şefin problemlərini həll etməkdən bezmişik. Bu başqa bir yazının mövzusudur. Həmin mövzuda, 2.400 000-lik problem və onun həlli yollarından bəhs olunacaq.
Sözün qısası, mühüm dövlət qurumuna rəhbərlik edən bu adamın əməlləri heç bir qanuna sığmır. Yəqin ki, yaxın zamanda Mehman Soltanov qanun qarşısında cavab verəcəkdir.
gundelik baki.com
Teref.az oaraq məqalədə toxunulan iddialarla bağlı qarşı tərəfin mövqeyini dıərc etməyə hazırıq!
Teref.az
"Yardımlı rayonundan dəfələrlə şikayət olunsa da, hələ də etdiyimiz müraciətlərə gərəkən qurumlar tərəfindən reaksiya verilməyib". DİA.AZ bildirir ki, bu barədə sakinlər adından edilən müraciətdə deyilir.
Yerli icra hakimiyyətinin rayondakı bütün özbaşınalıqların arxasında dayandığını vurğulayan narazı vətəndaşlar iddia edir ki, bu xüsusda, əslində imkansız ailələr üçün nəzərdə tutulan Ünvanlı Sosial yardım da məhz Yardımlı RİH-in işçilərinin inhisarında olan bir qazanc yeridir.
Sakinlər adından dia.az-a göndərilən müraciətdə bildirilir:
"Yardımlı rayon İcra Hakimiyyətin işçilərinin ünvanlı soasial yardımın verilməsinə çox çiddi müdaxilələri var. Ünvanlı Sosial Yardım haqda müraciətin sistemə salınmasını Yardımlı rayon üzrə iki şəxs həyata keçirir: Yardımlı rayon İcra Hakimiyyəti Başçısının Ərazi idarəetmə və yerli özünü idarəetmə orqanları ilə iş şöbəsinin Böyük məsləhətçi Miramil Mirsəmid oğlu Səmədli və Yardımlı rayon Kommunal Təsərrüfatı İdarəsinin baş mühasibi Mirzəyev Akif Yusif oğlu..."
Qeyd edək ki, müraciətlərində sakinlər bir sıra ittihamları da səsləndiriblər. Bu barədə müəyyən dəqiqləşdirmələrdən sonra daha geniş materialımızı təqdim edəcəyik. Hər halda, aidiyyatı olmayan məmurların Yardımlı kimi rayonda dövlətin aztəminatlı ailələrə nəzərdə tutduğu qayğısını qazanc yerinə çevirməsi faktı hüquq-mühafizə orqanları üçün də araşdırma mövzusu ola bilər.
İddia olunanlarla bağlı teref.az olaraq bütün maraqlı tərəfləri dinləməyə hazırıq. Əlavə bilgilərimiz olacaq...
Tərbiyəsizliyin Elm və Təhsil Nazirliyi yanında İctimai Şura səviyyəsi
Bildiyiniz kimi, Qardaş Türkiyədə zəlzələ baş vərən kimi hər bir Azərbaycanlı göstəriş, əmr, buyruq gözləmədən cibində olmasa da, ürəyində olanından, kimi malından, kimi pulundan, kimisi də duasından fəlakət bölgəsinə yolladı.
Dövlət və özəl sektorun milyon manatlarla maddi, mənəvi yardımı hər kəsə bəllidir və bu davam edir.
Bu insanlıq borcudur və kiminsə minnəti, tapşırığı ilə olmur. Hər kəs imkanı daxilində yardım göstərir .
Deməli, Elm və Təhsil Nazirliyi yanında İctimai Şurada təmsil olunan AGMA (Əslində yaradıcısı elə bu nazirlikdir) adlı QHT belə bir rəsmi ərizə forması tərtib edib məktəblərə yollayıb.
Məktəb direktorları da Elm və Təhsil Nazirliyi yanında İctimai Şuranın adını, təşkilatın adını görüb, həmçinin buna nazirliyin rəsmi şəxslərinin də təzyiqi var, onsuz da sosial qayğılar, maddi ehtiyaclar içində boğulan müəllimlərə "könüllü" olaraq imzaladırlar.
Qanunsuzluq və özbaşınalığın səviyyəsinə baxın. Hörmətli Elm və Təhsil Nazirliyi, başqa bir qurum sizə belə bir müraciət etsə, ona şərait yaradarsınız? Əlbəttə ki YOX.
Deməli, mən elmi tədqiqat aparmaq, təhsil üçün əhəmiyyət kəsb edən araşdırma aparmaq üçün Elm və Təhsil Nazirliyinə müraciət etdim, mənə YOX cavabı verildi.
Deməli, bu AGMA - ya bir ay əvvəl 200 min manat məbləğində vəsait ayrılıb. Amma hara xərclənib?
Onların tədbir təşkil etdiyi məkanlar orta məktəblərdir və heç bir arenda ödənmir. İştirakçılar da müəllimlərdir, deməli resurslara da pul xərclənmir.
Guya bunlar ürəyi yanan çıxıb. Yüzlərlə Azərbaycan müəllimi öz əmək haqqını tam şəkildə zəlzələdən zərər çəkmişlərə bağışlayıb.
Yüz minlərlə müəllim öz əmək haqqından imkanı verən qədər müvafiq fondlara köçürüb.
Siz niyə bu saf, halal işə öz haram əlinizi uzadırsınız? Niyə yardım etmək məqsədilə belə iyrənclik edirsiniz?
Soruşacam ki, sizə kim ixtiyar verib, cavabı zatən məlumdur.
Hər qrant müsabiqəsində yüz minlərlə vəsaiti haram yolla əldə edirsiniz, köçürün də o puldan. Müəllimin 200 manat maaşına niyə göz dikirsiniz?
Siz müəllim işləmədiyiniz, müəllim maaşı ilə ailə dolandırmadığınız üçün onların sosial ehtiyaclarından xəbəriniz olmaz.
Bir dəfə də sizi müəllimin yanında, onun tapdanmış hüququnu müdafiə edən görsün də müəllimlər, ancaq onların cibinə və haqqına girə bilirsiniz.
Zəlzələdən zərər çəkmişlərə yardım fondunun hesabı da, ünvanı da açıqdır və Azərbaycan müəllimi oxuyub-anlama qabiliyyətinə malikdir. Özü bunu edə bilər.
Müəllimin haqqını qoruyun, onun əmək haqqını əlindən almayın.
Qanunsuz fəaliyyət və əməllərinizi təhsildən, müəllimdən çəkin.
Kamran Əsədov
Teref.az
Biz bir media olaraq Azərbaycanda yüksək mərtəbəli binalar tikən MTK-ların qanunsuz əməlləri barədə neçə illərdir ki, yazırıq. Biz bu mövzuda yazanda nə qardaş Türkiyədə, nə də hansısa qonşu ölkədə bu miqyasda zəlzələ baş vermişdi. Sadəcə, biz problemi görürdük, cəmiyyətin və hakimiyyətin diqqətini buna yönəltməyə çalşırdıq. Bu gün Azərbaycanda hamı zəlzələdən, tikilən binaların riskli olmağından və daha nələrdən danışıb yazırlar. Bəs biz neçə illər öncə bu barədə haray salanda niyə kimsənin səsi çıxmırdı. İndi hamı xorla bu barədə danışır.
Bəli, Türkiyədə baş vermiş dağıdıcı zəlzələdən sonra yaşayış binalarının, eləcə də digər təyinatlı obyektlərin təhlükəsizliyi məsələsi aktuallaşıb. Mütəxəssislərin fikrincə, binalar bir-birinə nə qədər yaxın inşa edilərsə, zəlzələ zamanı dağıntı və təlafat bir o qədər çox olur. Paytaxt Bakıda da az qala bir-birinə söykənərək inşa edilən yüzlərlə bina var. Biz çətinliklə əldə etdiyimiz sənədlər əsasında yazmışdıq ki, binalar arasındakı məsafə binaların hündürlüyünün 0.6 hissəsindən az olmamalıdır. Biz rəsmi sənədlər əsasında yazmışdıq ki, məhəllə daxilində yüksək mərtəbəli binalar tikilə bilməz. Əgər sabah qəza vəziyyəti olarsa, xilasetmə qüvvələri bura necə daxil olacaq..? Təsəvvür edirsiniz, yeni tikilən binaların arasından adi avtomobil güclə keçir. İraq olsun fəlakət olarsa, vəziyyət necə olacaq..? Bir daha bildiririk ki, dünya seysmoloqlarının tərtib etdiyi xəritədə Bakı 8-9 ballıq seymsik zonada yerləşir. Başa düşdünüzmü, cənablar..? Millətin faciəsi ilə alver etməyin.
Bəli, bu gün Bakıda yüksək mərtəbəli bina tikənlərin, MTK sahiblərinin çoxunun inşaat işindən başı çıxmır. Dünən bazarlarda şortik satanlar, siqaret alverçiləri, nə bilim qəssablar hamısı bina tikintisinə girişib. Belələrindən biri də “Bizim Ev” MTK-dır. Mənə “İmişlili Mürşüd deyərlər, mənim qarşımda heç kim dayana bilməz...” deyən bu köhnə tərəkəməyə necə başa salaq ki, şəhərsalma müasir elmdir, ay adam... Sən nə bilirsən inşaat, şəhərsalma nədir..? Bu adam heç tikintinin adi-elementar qaydalarını da bilmir. Beləsinə heç toyuq hini də etibar etmək olmaz. Bu adam gecə-gündüz ətrafda yaşayan sakinləri nevroz həddinə çatdırıb, səs-küydən sakinlər evlərində otura bilmir. Bu adam məhəllədə uşaqların oynadığı xırda sahəni də zəbt edib. Əgər sabah bu uşaqların başına bir iş gələrsə kim cavab verəcək, ay Mürşüd..? Bu adam Yasamal rayonunda “Məhsul” idman stadionunun ərazisini zəbt edib. Görəsən, Yasamal İcra Hakimiyyəti, FHN, Arxitektura və Memarlıq Komitəsi hara baxır..?
Yazıq vətəndaşlar ən yuxarı instansiyalara şikayət etsələr də heç bir nəticə olmur. Axı, yuxarıda qeyd etdik ki, bu işlərin arxasında məmurlar dayanır. MTK-lar təkcə səs-küy, stress mənbəyi deyil ee... Bu MTK-la həm də yaşıllıqların qənimidir. Sakinlər bildirir ki, son günlər küləkli havaların olmasına baxmayaraq MTK Zərdabi küçəsində apardığı tikintini nəinki dayandırmayıb, əksinə aktivləşdirib. Və küləkli havada tikintinin tozu, torpağı, qumu, çınqılı, hətta beton palçığı həyətləri basıb, sakinlərin yaşadığı binanın həyəti sanki tikinti poliqonudur.
Təsəvvür edirsiniz İmişli Mürşüd idman stadionunun soyunub-geyinmə otağını da zəbt edib. Sözün qısası, biz yenə də gördüklərimizi yazırıq, haray salırıq ki, bəlkə bu məmurlar ayıla. Türkiyədəki faciə bizdə təkrar olunmaya. Buyurun bu da sakinlərə işgəncə verən obyektin ünvanı: Bakı şəhəri, Yasamal rayonu, 3155-ci məhəllə, Həsənbəy Zərdabi küçəsi, 69b ünvanında 2 girişli çoxmərtəbəli yaşayış binası. Sifarişçi: “Bizim Ev” MTK Dövlət ekspertizasının rəyi: 25693, 17.07.2018 Layihəçi: KARKAS-S MMC lisenziya İNİL-523/2017.05.06.2017 Podratçı: “Bizim Ev” MTK lisenziya EL-118/21.05.2018 Başlanma tarixi: 10.03.2022 Bitmə tarixi: 10.09.2024
gündelik baki.com
Saytımızın poçtuna Saatlı şəhər sakini Əliyev Qara Şirəli oğlu tərəfindən şikayət məktubu
ünvanlanıb. TEREF.AZ olaraq məktubu oxuculara təqdim edirik:
ŞİKAYƏT ƏRİZƏSİ
Dost və qardaş Türkiədə baş vermiş zəlzələ hər birimizi kədərləndirmidir. Təbii
ki, Türkiyənin acısı acımız sevinci sevincimizdir. Düşünürəm ki, bizlər bu
hadisədən həm də dərs çıxarmalıyıq.
Məsələn mən 31.01.2023-cü il tarixində Fövqəladə Hallar Nazirliyinə və HüquqMühafizə orqanlarına, Saatlı rayonu H.Əliyev pr 240 ünvanında yerləşən “Səma” şadlıq sarayının 2011-ci ildə layihə sənədləri dövlət ekspertizasından keçirilmədən
inşa edilməsi və hazırda obyektin istismara müvafiq qaydada qəbul olunmadan
istismar edilməsi barədə müraciət etmişəm. İllər öncə həmin şadlıq sarayında
çökmə və çatlar da baş vermişdi və sonra düzəldildi.
Mən, Azərbaycan Respublikasının Dövlət Şəhərsalma və Arixtektira Komitəsinə
müraciət edərək “Səma” şadlıq sarayının tikintisinə və istismarına icazə verilib
verilməməsi ilə bağlı mənə, məlumat verilməsini xahiş etdim. Dövlət Şəhərsalma
və Arixtektira Komitəsinin sədrinin birinci müavini cənab Namiq Hümmətovun
imzası ilə mənə 10.01.2023-cü il tarixində cavab məktubu göndərildi. Həmin cavab
məktubunda “Səma” şadlıq sarayının tikintisinə və istismarına icazə verilib
verilməməsi barədə Komitəyə hər hansısa məlumat təqdim edilmədiyi
bildirilmişdir.
Dövlət Şəhərsalma və Arixtektira Komitəsində qeydiyyatdan keçməmiş, dövlət
ekspertizasından keçirilmədən inşa edilmiş və istismara qəbul olunmamış bir şadlıq
sarayı necə ola bilər ki, illərdir istifadə (istismar) olunur? Bu qanunsuz hala nəyə
görə və kimlər göz yumub? Şadlıq sarayında toy zamanı zəlzələ nəticəsində və ya
hər hansısa digər səbəbdən bina uçub dağılsa və yüzlərlə insan həlak olsa buna
görə kimlər məsuliyyət daşıyacaq?
Media nümayəndəsi olaraq sizdən xahiş edirəm ki, Saatlı rayonu H.Əliyev pr 240
ünvanında yerləşən “Səma” şadlıq sarayının fəaliyyəti yuxarıda qeyd etdiyim
səbəblərə görə dayandırılması barədə olan bu marciətimi öz xəbər saytınızda dərc
edəsiniz ki, bəlkə aidiyyatı qurumlar buna münasibət bildirdi.