https://m.youtube.com/watch?v=RSeHSSFsMdY&pp=ygUJxZ9pa2F5yZl0
 |
|
|
"Oğullarımın hər ikisi İkinci Qarabağ müharibəsi iştirakçısı olub. Müharibə vaxtı həyat yoldaşım qorxudan, həyəcandan xəstəliyə tutuldu. 2020-ci ilin oktyabrından xəstəxanalarda qalmışıq. Heç nəyim qalmayıb, hamısını satıb, həkimlərə, xəstəxanalara xərcləmişəm”.
Bunu Meydan TV-yə Ağdaşın Xosrov kənd sakini Qədir Şaban oğlu Əbilov deyir.
Bildirir ki, xroniki böyrək çatışmazlığından əziyyət çəkən həyat yoldaşı Fəriqə Əbilova Ağdaş Rayon Mərkəzi Xəstəxanasında həftədə üç dəfə dializ prosedurundan keçir.
Vətəndaş deyir ki, dializ pulsuz olsa da, dərmanlar onlara xəstəxananın aptekindən pulla satılır: "Xəstəxananın baş həkimi Nuru Nuriyevin əlində rüşvət tutdular. Şəki Apelyasiya Məhkəməsində 2500 manat cərimə ilə buraxıldı. İndi yerinə baş həkimi İntiqam İbrahimovu qoysalar da, hər şeyə yenə də Nuru Nuriyev özü nəzarət edir. Yenə də xəstəxanada baş həkimdir. Bu insan mafiya başçısıdır. Biz pulsuz dərman ala bilmirik”.
"Resepti yazıdırıb, gətirmişəm, xəstəxanada dərmanı vermirlər. Həyat yoldaşım, iki il dörd aydır ki, bu xəstəxanada müalicə olunur. Bu müddət ərzində onlardan bir dəfə pulsuz dərman ala bilmişəm. 2-3 manatlıq "Riboksin”i pulsuz verirlər. 40-50 manat olan dərmanı isə deyirlər ki, yoxdur. Onları apteklərə verib, satdırırlar”, – şikayətçi deyir.
Tibbi Ərazi Bölmələrini İdarəetmə Birliyi (TƏBİB) şikayətlə əlaqədar göndərdiymiz sorğunu cavablandırmayıb.
Ağdaş Rayon Mərkəzi Xəstəxanasından Meydan TV-yə bildirilib ki, şikayət əsassızdır.
"Dializ, şəkər xəstələrinə verilən dərmanlar ödənişsizdir. Növbəli şəkildə hər ay hər bir vətəndaş gəlib, dərmanını pulsuz alır”, – xəstəxanadan deyilib.
2021-ci ildə "Ağdaş Rayon Mərkəzi Xəstəxanası” Publik Hüquqi Şəxsin direktoru Nuru Nuriyev və Kadrlar şöbəsinin vəzifəli şəxsi Sücaət Hacıyeva rüşvət almaqda təqsirləndirilib.
Nuriyev Nuru İbad oğlu və Hacıyeva Sücaət Əvəz qızına Cinayət Məcəlləsinin 311.3.1-ci (qabaqcadan əlbir olan bir qrup şəxs və ya mütəşəkkil dəstə tərəfindən rüşvətalma) maddəsi ilə ititham verilib.
Nuru Nuriyev 20 ildən artıq Ağdaş Rayon Mərkəzi Xəstəxanasının baş həkimi, xəstəxana publik hüquqi şəxsə çevrildikdən sonra isə direktor işləyib.
Hazırda tibb müəssisəsinin rəhbəri İntiqam İbrahimovdur. //Meydan TV//
Haqqında bəhs edəcəyimiz İradə Gülməmmədova barəsində onu qeyd edək ki, o, 30 sentyabr 1962-ci ildə Şuşa şəhərində anadan olub. 1969–1979-cu illərdə orta təhsil almış, 1979-cu ildən 1985-ci ilə qədər Nəriman Nərimanov adına Azərbaycan Dövlət Tibb İnstitutunun pediatriya ixtisası üzrə ali təhsilini davam etdirmişdir. İradə Gülməmmədova Yolçu Gülməmmədov ilə ailəlidir, Məhəmməd adında bir oğul və Vüsalə adında bir qız övladı var.
Məlumat üçün onu da qeyd edək ki, 1990-cı ildən indiyədək Azərbaycanda 4 xanım icta icra hakimiyyəti başçısı olub. 1993-2000-ci ildə Lənkəran şəhər İcra Hakimiyyəti başçısı Dilruba Camalova, 1999-2000-ci illərdə Sabirabad rayon İcra Hakimiyyətinə Səmayə Piriyeva, 1995-2005-ci illərdə Əli Bayramlı (indiki Şirvan) Şəhər İcra hakimiyyətinin başçısı Sədaqət Qəhrəmanova, 2003-cü ildən 2005-ci ilədək Binəqədi Rayon İcra Hakimiyyətinin başçısı vəzifəsində çalışmış Fidumə Hüseynova və 2015-2022-ci ildə İradə Gülməmmədova Abşeron rayonunun icra başçısı vəzifəsində çalışmışdır.
Sözümüzün canı odur ki, İradə Gülməmmədovaya dövlət tərəfindən böyük etimad göstərilib. Amma bu insan dövlətin ona göstərdiyi etimadı doğrultmayıb. Bu adam 8 ildə Abşeronda 8 iş yeri açmadı, 8 insanı işlə təmin etmədi. Amma... Əmması odur ki, yüzlərlə iş yeri açmaq istəyən insanı, sahibkarı, biznesmeni müflis elədi, şirkətləri çökdürdü.
Təsəvvür edirsiniz, İradə Gülməmmədova və yaxın ətrafı iş adamlarının layihələrini təzyiqlə tutub əllərindən alıblar hətta... Bəli, öz qohum-əqrəbasını həmin şirkətlərin payına şərik ediblər, özü də 50 faiz... Bu bilirsiniz nə deməkdir...?
Məmurun əlində inzibati resurslar var deyə, şirkət sahibinə deyir ki, təsisçi payının 50 faizini mənim qardaşıma, yaxud oğluma verməlisən... Bax, İradə Gülməmmədova Abşeronda fəaliyyət göstərmək istəyən iş adamlarına deyirdi ki, ən azı 50 faiz ortaq, şərik olmalıyıq. İcra başçısı olduğu dönəmdə bir sıra qalmaqallarla yadda qalan İradə Gülməmmədova rayonda “biznesledi” kimi də tanınırdı. Onun ailə üzvlərinin adına böyük şirkətlərinin olduğu da dəfələrlə mediada qeyd edilib.
Təsəvvür edirsiniz İradə Gülməmmədovanın ən yaxın adamı - Abşeron Rayon İcra Hakimiyyətinin Memarlıq və Tikinti şöbəsinin müdiri (baş memar) Akif Əliyev, bələdiyyə sədrləri, hətta bacısı oğlu Babək Alıyev həbs olunur. Amma İradə Gülməmmədovaya söz deyən olmur. Bir soruşan yoxdur ki, icra başçısının icazəsi olmadan baş memar, bələdiyyə sədri torpaq sata bilməz.
Sözün qısası, İradə Gülməmmədova son vaxtlar Abşerondakı obyektlərini satışa çıxarıb. Obyektlərindən birini 15 milyona hərraca qoyub. Soruşanlara deyir ki, yaxın zamanda böyük vəzifəyə gedəcəm, obyektləri satıram ki.....
Bəli, İradə Gülməmmədova yaxın rəfiqəsi olan bir xanımla falçılara, dua yazanlara xeyli pul buraxıb özü üçün karyera duası yazdırır... Deyirəm, bütün işlər dua yazdırmaqla əmələ gəlsəydi, onda şamanlar dünyaya rəhbərlik edərdi. Bu başqa yazının mövzusudur.
P.S. Biz İradə Gülməmmədovaya bir məşhur məsələni yada salmaq istəyirik. İradə xanım, mollanın inəyə dua yazmasını yəqin eşitmisən... Səkinə arvad süd verməyən inəyinə dua yazdırmaq üçün mollaya xahiş edəndə... Molla onun inəyinə bir dua yazır, yazır ki, İradə, pardon, Səkinə, sənin inəyin süd vermir mən nə edim. Amma Molla ona bir kağız parçası yazaraq verir ki, apar as inəyin buynuzundan. Vədə yetişir, inək dünyasını dəyişir. Həmin kağızı oxuyan evin kişisi arvadını balta ilə doğrayaraq, öldürür. Bu rəvayət uzun zamanlar bundan öncə baş vermişdir.
Gəncə Şəhər İcra Hakimiyyətinin başçısı Niyazi Bayramovun oğlu Bəhrəm Bayramov son model maşın kolleksiyası yaradıbdır. Qeyd edək ki, ötən ilin sonlarında sosial şəbəkələrdə bu barədə yazı dərc olunmuşdu.
Belə ki, başı oğlunun maşınlarına qarışan icra başçısı Niyazi Bayramov Gəncə şəhərini "Nəsibə" demişkən köhnə qəbiristanlığa döndərib.
Bu günə kimi icra başçısı Niyazi Bayramovdan soruşan yoxdur ki, sənin övladın Bəhrəm Bayramov son nömrələri 904 olan, dövlət qeydiyyatı nişanını və müxtəlif markalı maşınları hansı maliyyə gəliri ilə əldə edib.
Hurriyyet.az
Şəmkirin hektarlarla yanıb kül olan taxil sahələri hec kimin vecinə deyil. Rayonun Çinarlı qəsəbəsinin ərazisində olan 500 hektardan artıq ərazi ötən ilin sentyabr ayından taxıl səpini həyata kecirilsə də, hələ də suvarılmayıb.
Nə rayon Suvarma Sistemləri İdarəsi, nə də rayon İcra Hakimiyyəti fermerlərin məhv olan təsərüfatının marağında deyil, nəticədə ölkəmiz yenə də taxıla olan təlabatını qonşu dövlətlərdən valyuta verərək idaxal hesabına odəyəcək. Ölkə başçısı strateji məhsil sayılan taxılcılığa geniş yer verməyin vacibliyi barədə tövsiyələr verir, sahənin inkişafına, xaricdən asılılığın azaldılmasına yönəlik fərmanlar imzalayır. Bununla belə, sahibkarlar taxıl sahələrini suvara bilmirlər. Suvarma təsərrüfatına cavabdeh olan idarə rəislərini iş başında tapmaq olmur nə vaxt gedirsən, “icra hakimiyyətindədir, iclasdadır” deyib, yola verirlər. Beləcə, bu minvalla yazı yaya, yayı da payıza dəyişib, ili başa vururlar. Belə olan halda fermer gələn ili torpaqlarını quru şum saxlayacaq.
Su çatışmazlığına görə şəmkirli fermerlər etiraza qalxıblar. Etirazçılardan Zeynalzadə Məhəmməd Əliəşrəf oğlu deyir ki, hələ ötən ilin sentyabr ayının 22-də 152 ha sahədə yüksək səviyyədə torpaq analizləri verilərək taxıl əkiblər. Yerlər sığortalanıb, bütün sənədləri var. Bizi arxayın etdilər ki, əkin, sizə su veriləcək. Artıq aprelin 11-dir, bir dəfə də olsun su verilməyib. Susuzluqdan məhsul yanıb zay olub. Hara müraciət edirik, səsimizə səs verən yoxdur.
Həmçinin bildirilir ki, Şəmkir SSİ rəhbərliyi soğan əkənlərin hərəsindən 500 manat alıb taxılçıların suyunu onlara verir. Yeri gəlmişkən xatırladaq ki, əvvəllər bu müstəvidə yaranan etirazları, mübahisələri, qanunsuzluqların səbəbini yerli sudan istifadə edənlər birliklərinin üzərinə atmaq cəhdləri olub. Məsələn, 70 min manat maxinasiyalarda adı hallanan keçmiş baş mühəndis Bakir Allahyarov işdən azad olunaraq, iz azdırılmağa çalışılıb. Lakin Bakir müəllim öz yerinə oğlunu təyin etdirməıklə, yenə də işləri özü görməkdə davam edir.
Son məlumata görə, Şəmkir Suvarma Sistemləri İdarəsinin rəisi indi də tutduğu vəzifədən azad olunaraq Kürdəmir Suvarma Sistemləri İdarəsinə rəis göndərilir. Demək, indi də Kürdəmir sahələrini viran qoyacaq.
Mövzuya qayıdacağıq.
Deryaz.az
Elmi Tədqiqat Kardiologiya İnstitutu ilə bağlı cumhuriyyet.az-a bu müəssisənin bir qrup əməkdaşı adından ilginc daktların yer aldığı məktub daxil olub. Məktubda bildirilir ki, dəfələrlə Elmi Tədqiqat Kardiologiya İnstitutunda baş verən qanunsuzluqlardan və özbaşınalıqdan, insan və həkim hüquqlqrının pozulmasından, elmi işcilərə və professor heyətinə hörmətsizlik və onlara qərəzlilik taktikasını tutan, öz əməkdaşlarını qəbul etməyən direktorun davranış pozuntuları haqqında şikayət ərizələri yazılmış və sosial şəbəkələrdə məqalələr çıxmışdır. Lakin aidiyyatı orqanlar bu işlərə barmaqarası yanaşmışdılar. Məktub müəllifləri yazır:
“Direktor vəzifəsini icra etmək üçün heç bir səriştəsi olmayan, 1 il ərziində plagiat elmlər doktorluğu müdafiəsini edən kimi özünü vəzifəyə qoyduran Gülnaz Dadaşova sanki dövlət müəssəsinə deyil, şəxsi mülkə direktor təyin olunub. Bu səbəbdən də institutda baş verən proseslər və əmək qaydaları dövlət tərəfindən akreditə olunmuş rəsmi təşkilata uyğun deyil, Gülnaz xanımın və onun yaxın əhatəsinin maraqlarına uyğun qurulub.
Maraqlı odur ki, Gülnaz Dadaşova yaxın ətraflarının əməllərinə nəinki göz yumur, hətta özü də bu tipli cinayətlərdə iştirak edir. Belə ki, institutun ” hərbi çağırışçılarla” məşğul olan həkim komissiyasının üzvülərindən istifadə edərək saxta sənədlərə qol çəkib küllü miqdarda gəlir əldə edir. Dadaşova hakimiyyəti zamanı xəstələrdən fond pulu yığılması, açıq-açığına palatanın satılması, 400ml-ik sistemlərin tərkib hissələri nəzərə alınmadan, higiyenik və antisanitar normalara uyğun olmadan iki-üç xəstə arasında bölünməsi , köhnə vaxtı keçmiş dərmanların xəstələrə istifadə olunması və təzə dərmanların aptek şəbəkəsi vasitəsi ilə satılması, funksional həkimlərdən 300-500 man civarında pul yığılması və əks təqdirdə onların işdən uzaqlaşdırılması faktdır.
ETKİ böyük elm ocağıdır. Oranın , böyük kliniki və elmi məktəbi var. Bu xanım vəzifəyə gələndən elə birinci zərbəni elmi dərəcəsi olan elmi işçilərə vurdu. Belə ki, institutun elmi katibini, Tibb elmləri doktoru Sona Qəhrəmanovanı qeyri qanuni olaraq işdən azad etdi. Gedən məhkəmələr və Ali məhkəmənin qərarı ilə elmi katib öz vəzifəsinə qayıtsa da təzyiqetmə və təhdidetməyə məruz qaldı. Gülnaz Dadaşova ona öz vəzifəsini icra etməyə imkan vermədi. Təzyiqə və təhdidlərə məruz qalan Sona Qəhrəmanova öz xoşu ilə işdən çıxmaq məcburiyyəyində qaldı. Cəzasız qaldıqca G.Dadaşova öz çirkin əməlini davam etdirir və təkmilləşdirir. Belə ki, təzyiqlərinə qanun donu geyindirərək hər addımını kağız üzərində şantajla, izahat və töhmətlə qanunlaşdıraraq 40 il elmi və kliniki fəaliyyətini ETKİ-na həsr edən, tanınmış alim və peşəkar həkim, Tibb Elmləri Doktoru Elman Ələkbərovu öz əli ilə ərizə yazıb işdən azad olunması məcburiyyətində qoydu. Elmi işçilərə elmi fəaliyyətlərində heç bir şərait yaratmır, elmi texniki bazanı təkmilləşdirmək əvəzinə elmi işçiləri plageat məqalələr yazmağa və özünün də adını başlıqda qeyd etməyə məcbur edir və bununla ETKİ-nun elmi fəaliyyətini təsdiqləmək istəyir. Bu 4 il ərzində elmi dərəcəyə layiq bilinən heç bir elmi iş icra olunmamışdır. Hər bir əməlini TƏBİB və İcbari sığottanın adı ilə bağlayan direktor elmi işçiləri otaqlarından sıxışdırmağın hesbına palataların sayını artırır, elmi işçiləri isə sanitar və higiyenik normalara uyğun olmayan otaqlarda ( 9 kvadrat metrəlik otaqda 6 nəfər) yerləşdirərək, institutu şəxsi gəlir mənbəyinə çevirmişdir”.
Rəhbərlikdən narazı olan əməkdaşlar cumhuriyyet.az-a ünvanladıqları məktubda daha sonra yazır: “Hal hazırda institutdakı struktur quruluşu nəinki dünya standartlarına, hətta geridə qalmış 3-cu dövlətlərdəki kliniki xəstəxanaların strukturuna uyğun deyil. 40 ildə yaradılan 4 ıl ərzində dağıdılıb: rentgen apparatını təmir etmək əvəzinə rentgen kabinet dağıdılıb. Buna görə də stasionar və ağır ambulator xəstələr rentgen müayinəsi üçün 5 saylı xəstəxanaya göndərilirlər.
Bununla əlaqəli olan narazılıqları guya ki, nəzərə alaraq “Modul” xəstəxanasında istifadə olunan portativ rentgen apparatı qətirilib 2-ci mərtəbədə sanitar- higiyenik normalara uygun gəlməyən və rentgen şüalarından izolyasiyası olmayan adi Exokardioqrafiya otağında yerləşdirilmişdir.Bu səbəbdən kollektiv öz narazılığını bildirmiş və yazılı surətdə direktora müraciət etmişdir. Kollektivin narazılığından ehtiyat edən direktor Rentgen apparatını otaqdan çıxartdırsa da, kiçik tibb personalın və həkimlərin bəzilərinəhədə qorxu gələrək təzyiq göstərmişdilər.
İcbari sığortanın fəaliyyətinin icra olunmağa başlanması dövründə də dövlət qanun qaydasına riayət edilməsi əvəzinə, qanun pozuntularına yol verilməsi Gülnaz Dadaşovanın dəsti xəttinə daha da çox uyğundur. Bu baxımdan bonusların paylanmasında çox problemlər yaşanır: bonusların vaxtı vaxtında və olacağından çox aşağı miqdarda verilməsi və yaxud bəzi əlavələrin bir çox əməkdaşlara ümumiyyətlə verilməməsi faktdır. Bununla əlaqədar olaraq TƏBİBƏ və İcbari sığortanın icraçı nümayəndələrinə şifahi və yazılı surətdə müraciətlər olmuş və yoxlamalar gəlmişdir. Lakin necə olubsa Dadaşova yenə də aydan arı- sudan duru çıxmışdır. Səbirsizlik qabının sonuncu damlası, qəbul şöbəsinin növbətçi hıkimlərinə dövlət tətəfindən müəyyən olunmuş qanuni məvacibin kəsilməsi oldu. Onların şikayətlərinin araşdırılması əsnasında məlum oldu ki, həkimlərin qanuni maaşı kəsilib və şöbələrə yeni təyin olunmuş növbətçi həkimlərin maaşlarının üzərinə növbə sayına görə bonus şəklində əlavə olunub. Hal hazırda hər kəs növbədən kənar, bir və yaxud iki həftəlik qanuni məzunyyət götürməyə ehtiyat edir. Çünki hamı bilir ki, məzuniyyət pulu verilməyəcək və bu azmış kimi gələn ay maaşdan da kəsiləcək. Dəfələrlə mühsibata müraciət olunsa da əməkdaşın xeyrinə bir sübut olmamışdır. Bunlardan başqa son 3 ay ərzində, pressinqlər daha da artıb. ETKİ-də əməkdaşlara töhmət vermək adi hala çevirilib. Son 3ay ərzində 10 nəfərdən çox əməkdaşa töhmət verilib və başqa cəza tədbirləri (gördüyü işdən uzaqlaşdırmaq və s.)görülür. Əməkdaşı onun tutduğu vəzifədən, kliniki statusundan,elmi dərəcəsindən asılı olmayaraq , hər hansı cüzi əmək pozuntusu olan kimi izahat yazmağa və izahatın sonunda isə “mən bir daha belə etməyəcəm” cümləsini yazdırıb körpə uşaq kimi alçaldır və təzyiq altında saxlayırlar.ETKİ elmi tədqiqat müəsisəsindən, elm ocağından, elmi təkmilləşmə klinikasından “islah koloniyasına) çevirilib.Bu təzyiqlərə və təhdidlərə, hədə qorxuya, həkim və alim hüququnun tapdalanmasına məruz qalan əməkdaşların institutdan başqa klinikalara axını başlayıb.. Adını sadaladığımız alimlərdən başqa Tibb üzrə Fəlsəfə Doktoru Rufanə Abdullayeva, elmi işçi Quliyeva Afət öz xoşları ilə institutdan uzaqlaşmaq məcburiyyətində qalmışdılar. Burada hələ orta tibb işçilərin siyhısı sadalanmır. Bu siyahı get gedə artmaqdadır, çünki narazılıq get gedə daha da artır. Belə getsə kardioloqiya elminin inkişafı və tərəqqisi üçün institutda dəyərli alim qalmayacaq.
Stasionarda yatan xəstələrə lazım olan laborator müayinələr (əlavə hormonal müayinələr və s) xəstəxananın yox həkimin bonusundan çıxılır.
Yay aylarında ağır ürək çatmazlığı və tənəffüs problemləri olan xəstələr isti otaqlarda boğulur, şöbənin koridorunda olan kondisionerlər həkimlər tərəfindən pul yiğılaraq alınıb
Bütün inzibati kabinetlərdə, direktorun otağında isə müasir komdisionerlər quraşdırılıb. Şöbələrdə yatan 40-50 xəstəyə yalnız 2 tualet fəaliyyət göstərir, yuyunmaq üçün nə isti su nə də xüsusi otaq ayrılmayıb. Direktorun qoyduğu qanun ilə pullu xəstələrə luks və yarımlyuks palatalar günü müvafiq olaraq 50 və 40 manata təklif olunur. Yığılan pullar katibəsi Aygül vasitəsi ilə direktora ötürülür”
Aprel ayında ölkənin ictimai-siyasi həyatında baş verən diqqətəlayiq hadisələrdən biri 10 ildən artıq Səfərbərlik və Hərbi Xidmətə Çağırış üzrə Dövlət Xidmətinin rəisi olmuş general-polkovnik Arzu Rəhimovun vəzifəsindən azad edilməsi oldu. Prezidentin digər sərəncamı ilə Mürsəl Qorxmaz oğlu İbrahimov Səfərbərlik və Hərbi Xidmətə Çağırış üzrə Dövlət Xidmətinə rəis təyin edildi.
10 ildən artıq keçmiş Milli Təhlükəsizlik Nazirliyində çalışması, adının “MTN işi”ndə hallanmaması onun göstərir ki, M.İbrahimov korrupsiyaya qurşanmayıb.
Ümid etməyə dəyər ki, SHXÇDX-nin yeni rəisi rəhbərlik etdiyi qurumda və onun yerli strukturlarında mövcud olan qanunsuzluqların aradan qaldırılması üçün əlindən gələni əsirgəməyəcək, neqativ hallara rəvac verən şəxsləri vəzifədən kənarlıaşdıracaq. Bu halda M.İbrahimov islahatına SHXÇDX-nin Cəlilabad rayon şöbəsinin rəisi Vüsal Həsənovdan və həmin şöbənin çağırış bölməsinin rəisi Mahir Əkbərovdan başlamalıdır.
Cəlilabad rayonu həm Birinci, həm də İkinci Qarabağ savaşında, həmçinin 2016-cı ilin Aprel döyüşlərində ən çox şəhid verən rayonlarımızdan biridir.
Bu rayon həmişə igid, vətənpərvər oğul və qızlarının qəhrəmanlığı ilə öyünüb. Ancaq V.Həsənov – M.Əkbərov cütlüyü öz korporativ əməlləri ilə Cəlilabad gənclərini hərbi xidmətdən yayınmağa stimullaşdırır. Müşahidələr göstərir ki, son dövrlər çağırış yaşlı cəlilabadlı gənclərin M.Əkbərovla “dil taparaq” sağlamlıq qüsurulu adı ilə hərbi xidmətə “tam yararsız”, daha çox halda isə “məhdud yararlı” statusu alması az qala kütləvi xarakter alıb.
M.Əkbərovun tapdığı müştərilərə “düzüb-qoşduğu” sənədləri isə V.Həsənov məmnuniyyətlə möhürləyir.
Bildirilir ki, Mahirin bazarından “Hərbi xidmətə məhdud yararlı” statusunu satın almış cəlilabadlıların müəyyən müddətdən sonra yenidən şəhadətləndirilməsindən (hələ də məhdud yararlı olmasının təsdiqlənməsindən) ötrü tələb olunan rüşvət 500 manatdır.
“Komissarların” özbaşınalığı, cəzasız qalacaqlarına arxayınçılığı hətta o həddə çatıb ki, “özü qürbətdə olub, ürəyi Vətən eşqi ilə döyünən” şəxsləri də “neqodnı” çıxarmaqdan çəkinmirlər.
Nyus.Az saytına verilən məlumata görə, az öncə faktiki olaraq Rusiyada yaşayan, ancaq Cəlilabad rayonunun Hamarqışlaq kəndində qeydiyyatda olan bir şəxs özünün iştirakı olmadan təkrar müayinədən “keçirilərək”, hərbi xidmətə “məhdud yararlı” olduğu təsdiqlənib.
Təbii ki, redaksiya olaraq araşdırmamızın növbəti mərhələsində aidiyyəti qurumlara – Dövlət Sərhəd Xidmətinə və Dövlət Gömrük Xidmətinə sorğu göndərib həmin şəxsin axır vaxtlar Azərbaycan – Rusiya sərhədini nə vaxt keçdiyini öyrənməyə çalışacağıq.
Digər tərəfdən adları bizə məlum olan,tam sağlamlıq arayışı ilə müəyyən qurumlarda çalışan gənclərlin adlarını aidiyyatı qurumlara təqdim edəcəyik.
Məlumatda həmçinin xatırladılır ki, Arzu Rəhimovun SHXÇDX-nə rəhbərliyi dövründə Vüsal Həsənov bir dəfə vəzifədən qovulub, xeyli müddət sərəncamda qalıb.
Ancaq sonradan necə olubsa, yenə vəzifəyə qaytarılıb. İnanırıq ki, cənab M.İbrahimovun V.Həsənovla bağlı qərarı birmənalı olacaq.
Turantv.Az
DİA.AZ: - "16.04.2023 cü il tarixdə yayılan xəbərdə bildirilirdi ki, Naxçıvan təhsil nazirliyi aparatının rəhbəri Rəşad Əlizadənin oğlu Yusuf Əlizadə, Naxçıvan Dövlət Gömrük komitəsinin keçmiş sədri Səhhət Həbibbəylinin oğlu İsa Həbibbəyli, Culfa rayon Təhsil Şöbəsinin müdiri Mehdixan Əliyevin oğlu Bayram Əliyev və digərləri Təhsil nazirliyi vasitəçiliyi ilə Respublika fənn olimpiadaları və beynəlxalq olimpiada qalibi olaraq, qeyri qanuni şəkildə Ali məktəblərə imtahansız qəbul olunublar. Lakin bunlardan başqa da imtahansız qəbul olanlar tapılıb". Bu barədə DİA.AZ-a göndərilən məqalədə deyilir.
MƏQALƏNİN ƏVVƏLİ BURADA: Naxçıvanda təhsilin evini NECƏ YIXIBLAR... - ŞOK FAKTLAR AÇIQLANIR...
Məqalənin davamında deyilir: "Naxçıvan Muxtar Respublikası Təhsilini ciddi araşdırsalar, vəzifədə olan nazirlik işçiləri və şöbə müdirlərinin əksəriyyəti ya diplomları saxtadır ya da 50 ballıq fiziki tərbiyə, təsviri incəsənət ya da ki musiqi müəllimliyi ixtisaslarıdır..
Ən acınacaqlı vəziyyət Şərur rayonundadır..
Təhsil, təhsilli gənclər bizim gələcəyimizdir, bu dövlətin onurğa sütunudur..
Aldığımız məlumatlara görə Şərur rayonunda ümumiyyətlə təhsildən söz gedə bilməz..
Məktəblərdə alverçi və katoloqçu müəllimlər, işçilər əlindən, yaxşı müəllimlərdə cana gəlib.
Şərur RTŞ nin müdiri Malik İsmayılov 2021- ci ilin oktyabr ayında Sədərək rayon təhsil şöbəsinin müdiri vəzifəsindən azad edilərək,
Şərur rayon təhsil şöbəsinin müdiri vəzifəsinə gətirilib.
Sədərkdə işlədiyi müddətdə etmədiyi cinayət qalmayıb
( qanunsuz təyinatlar, xaricdə olan uşaqların məktəblərdə adının getməsi və təhsil intriqaları, başlıca rüşvət )
Bunu Sədərək təhsil işçiləri yaxşı bilir.
Malik İsmayılov Azərbaycan təhsil qanunlarını pozaraq imtahansız müəllim direktor və s vəzifələrə də təyinatlar edə bilir. 16.04.2023-cü il tarixli paylaşımınızda onun Şərur 1 nömrəli məktəbə imtahansız UBTR və biologiya müəllimi təyin etməsi haqqında məlumat verilmişdi.
Şərurda imtahansız təyinat artıq normal hala çevrilib.
Məsələn:
Alışar kənd sakini Seyidov Kazim keçmiş Alışar kənd tam orta məktəbinin direktoru sertifikasiyadan kəsilərək, vəzifədən və müəllimlikdən könüllü azad edilib Bakı şəhərinə köçmüşdür.
Bu əvəz edilməz kadr nəyin qarşılığında Bakı şəhərindən çağırılaraq Şərur təhsilində yüksək vəzifə ilə ( direktor )təmin olunub ?.
Şərur rayon Təzəkənd kənd məktəbinin dərs müdiri hansı imtahandan keçib, o insana müəllimlik hüququ necə verilib ?
Malik İsmayılov həqiqətəndə kadr ovçusudur Şərurda o qabliyyətdə bir müəllim tapılmadı Culfa rayon sakinini Bakı şəhərindən gətirilib Şərur məktəbində vəzifə ilə təmin edilib.
Bu biyabırçılıqdır bu Şərur rayon Təhsil Şöbəsinə tabe olan müəllimlərə təhqirdir.
Şərurda belə təyinatlar tez tez olur.
Bunların qarşılığında isə Malik İsmayılov aşağısı 3-5 min AZN rüşvət alır.
Malik İsmayılov Şərura gəldiyi gündən təyin etdiyi direktor və ya direktor müavinlərini ancaq pul qarşılığında işə götürüb..
Maraqlı bir faktı diqqətimizə çatdırıblar..
Araşdırdıq çox maraqlı faktlar ortaya çıxdı.
Şərurda yalnız ailə problemi olan boşanmış İTPM, fiziki tərbiyə, təsviri incəsənət, ÜTF və musiqi ixtisası üzrə olan qadın müəllimlər ardı arası kəsilmədən məktəblərdə vəzifə ilə təmin olunurlar..əlbəttə hər müəllimin haqqıdır, amma görəsən ailəsi olmayanlar təhsilə daha çox vaxt ayırdıqları üçünmü təyinatlar bu yönlüdür ?
Əminəm ki elədir.
Araşdırdıq və bizə məlum oldu ki, Şərur rayon Təhsil şöbəsində lazımı qədər iş bilən və təcrübəli işçilər var.
O işçilərində qələmi Malik İsmayılov tərəfindən qırılıb.
Malik İsmayılov özüdə ÜTF ixtisasıdır..
Qısacası bizim araşdırmalarımızın nəticəsindən belə çıxır ki, bu adam
harada bir gənc xanım müəllime görsə (Əvvəlki təhsil nazirinin müavini Əli Vəliyev kimi ) deyir ki gəl səni verim direktor işlə.
İclaslarda kişi direktorlar ilə çox kobud rəftar edir.
Onlara ancaq adları ilə ya da başqa adla müraciət edir.
Məsələn:
Həsən müəllimə sadəcə Həsən deyir ya Aftandil deyir.
Həmçinin Malik İsmayılov bəzi məktəblərdə tapşırıqları ya xanım təşkilatçiya ya da xanım lobaranta verir.
Məktəb adı çəkmək istəmirəm onsuzda bunları şərur təhsilində hamı bilir.
PS. Bizim fikrimizcə bütün bu oyunbazlıqdan Təhsil Naziri Rəhman Məmmədovun xəbəri olmamış olmaz..
Hörmətli Rəhman Məmmədov, neçə ki, o vəzifəni daşıyırsınız Naxçıvan məktəblərində təhsil alan şagirdlərin ahı sizin boynunuzdadır. Bu gün sadəcə bir rayonda olan özbaşınalıqdan və Naxçıvanda təhsilin nə gündə olmasında söhbət açdıq...
Növbəti paylaşım, Naxçıvan Şəhər Təhsil Şöbəsi və Culfa rayon Təhsil Şöbəsində olan qanunsuzluqlardan olacaq..
Araşdırmamız davam edir".
DAVAMI OLACAQ...
İddia olunanlarla bağlı dia.az olaraq bütün maraqlı tərəfləri dinləməyə hazırıq...
Lənkəran şəhəri Füzuli küçəsi 7 ünvanında (Lənkəran Nəqliyyat Müəsisəsi “MTS” ərazisi) tikilən 8 mərtəbəli yaşayış binası sözün həqiqi mənasında dövlətə və qanunlara meydan oxuyan qalaya çevrilib. İlk qanunsuzluq bu binanın tikilməsi zamanı böyük bir yaşıllıq zolağının məhv edilməsindən başlayıb. Ekoloji cinayətinə göz yumulan tikinti sahibləri bundan sonra qanunları təməl qazıntısına atıb üstünü betonlayıblar.
Sözügedən tikinti qonşuluqda yaşayan vətəndaşları ciddi narahat edir və müvafiq dövlət qurumlarına, surəti cumhuriyyet.az-a göndərilən məktublarda deyilir: “Bir az yaxın məsafədə Səmədbəy Mehmandarovun və Həzi Aslanovun doguldugu ev və həyət görünür. Qədim tariximizin şahidi olanlar indi sag deyillər. Ancaq biz onların varisləri kimi bu həyətdə ömür sürürük. Biz burada bir neçə nəsil yaşamışdıq, qeyri-adi hadisələrin şahisi olmamışdıq, ancaq keşən il olduq. Keçın il yaşadıgımız evin yarım metrliyində hasardan o tərəfdə, bizi aldadaraq , ag vərəqə imza atdırmış və üç mərtəbəli “Medicana Çentr” adı altında 8 mərtəbəli bina tikiblər. Biz öz həyətimizdə duranda binanın balkonları başımız üstündə çətir kimi durur!”
Maraqlıldır ki, vətəndaşların müraciətinə əlaqədar dövlət təşkilatlarının cavabında da tikintinin qanunsuz olduğu etiraf olunur. Bununla bağlı cumhuriyyet.az olaraq apardığımız araşdırmalar zamanı öyrəndik ki, Lənkəran Şəhər İcra Hakimiyyəıi başçısının aparatı adından Memarlıq və tikinti şöbəsinin müdiri-baş memar Elgün Abdullayev isə bildirib ki, şəhərin Füzuli küçəsi 7 ünvanında Hadızadə Hünər Fəttah oğlunun mülkiyyətində olan 0.06751 ha torpaq sahəsində 3 mərtəbəli, mansardlı fərdi yaşayış evinin tikintisindən ötrü tikinti layihəsinin memarlıq-planlaşdırma bölməsi şəhər Icra hakimiyyəti ilə razılaşdırılmışdır: “Lakin H.Hadızadə tərəfindən mansardın yerinə əlavə mərtəbədə tikinti-quraşdırma işləri aparıldığından şəhər lcra hakimiyyətinin müraciəti əsasında Fövqəladə Hallar Nazirliyinin Tikintidə Təhlükəsizliyə Nəzarət Agentliyi tərəfindən 2021-ci ilin 20 avqust tarixində 0521 nömrəli Qərarla tikinti işləri dayandırılmışdır. Buna baxmayaraq tikinti işləri yenidən davam etdirildiyi aşkar olunmuş və Agentlik tərəfindan vətəndaşa 2021-ci ilin
20 avqust tarixində 0521 nömrəli Qərarla tikinti işləri dayandırılmışdır. Buna baxmayaraq tikinti işləri yenidən davam etdirildiyi aşkar olunmuş və Agentlik tərəfindan vətəndaşa 2021-ci ilin 23 sentyabr tarixində inzibati qaydada protokol tərtib edilmişdir”. Vəssalam. İcra Hakimiyyəti bununla işini bitmiş hesab edib. Fövqəladə Hallar NazirliyiDövlət Yanğın Nəzarəti Xidməti Cənub regional Dövlət Yanğın Nəzarəti İdarəsi bildirib ki, “”ərazidə heç bir tikinti quraşdırma işlərininin aparılmadığı aşkar olundu”. Yeri gəlmişkən, cumhuriyyet.az olaraq icra hakimiyyətinin cavabında tikintinin sahibi kimi adı çəkilən H.Hadızadə ilə bağlı da araşdırma apardıq.
Məlum oldu ki, tikinti prosesinə Hünər Hadıcadə və Hikmət Əsədov rəhbərlik edib. Amma Taleh Qaraşov kimi beş rayonda icra başçısı olmuş şəxsi, FHN kimi qazdan ayıq bir qurumu razı salmaq bu iki şəxsın işinə bənzəmir. İCRA HAKİMİYYƏTİ və FHN 2021 ci ilin sentyabr və oktyabr aylarında dəfələrlə bunlara tikintinin dayandırılması haqqında qərar verib, amma bunlar ötən 10 ay ərzində 8 mərtəbəli binanı tikiblər və bir gün olsun belə tikintini dayandirmayıblar və hal hazırda orda iş gedir!Tikinti məcəlləsində, bina tikintisi üçün təstiq edilmiş bütün maddələr konud şəkildə pozulmuşdur! Beləki, tikinti üçün ayrilmış Lənkəran şəhər Füzuli küçəsi 7 ünvanında Hünər Hacızadənin mülküyyətində olan 0.06751 ha torpaq sahəsinin, hamısında tikinti aparılmışdır, hətta 1 kv² metr belə istirahət üçün yer saxlanılmamışdır! Binanın çırkab suları axıtmaqa və kanalizaçiya sistemi ümumiyyətlə yoxdur və harasa axıdılası yerdə yoxdu. Bina tikintisində içməli su və yangın üçün su anbarları və nasos sistemi ayrica tikilməlidir, lakin bu arqumentlər nəzərə alınmamışdır. Ətraf qonşu tikililərdə, pozulmuşdur, çunki bina qanuna uygun tikilmədiyinən ara məsafələr nəzərə alınmayıbdır və hətta bəzi evlər binaya bitişikdir!
Bu adamlar hansı statusa malikdirlər ki, Azərbaycan Respublikasının Ali Qanunlarını heçə sayırlar, dövlət qurumlarının qərarlarını görməzdən gəlib, istədikləri kimk tikinti aparırlar?! Tikilən binaya Ekspertiza rəyi Vacibdir. Cunki Eksprtiza rəyində binanın tikiıməyi və infrastrukturunun hansı formada olması üçün müdəalar vardir. Amma bu Bınaya eksprtiza rəyi verilməyib! Eksprtiza rəy vermədiyi binanın, Yerli İcra Orqanında çalışan arxitektur hansı səbəbə tikilməsinə göz yuması anlaşılan deyil. Bu insanlar Dövlətdən məgər üstündürlər?
Lənkəranda danışırlar ki, “balıq başdan iylənər”, baş memarı rəhbərlikdən icazəsiz bu işləri necə görə bilib? Ən azı istintaq bu suallara cavab tapmalıdır. Oxşar hadisə Abşeron İH-də də olmuşdu. Baş memarın həbsindən bir neçə ay sonra İradə Gülməmmədova başçı vəzifəsini itirdi. Belə iddialar səslənir ki, Lənkəranda da eyni qərar təkrarlana bilər. Onsuz da ölkədə idarəetmə modeli dəyişir, islahatlar aparılır, iqtisadi rayonlar yaradılır və prezidentin səlahiyyətli nümayənədləri təyin olunur, belə olan təqdirdə İH-lərə zərurət qalmır. Odur ki, gedişat icra hakimlərinin vəzifələri ilə vidalaşacağını, bu strukturun sıradan çıxarılacağını deməyə əsas verir. Xatırladaq ki, bir mütddət öncə Baş prokuror yanında Korrupsiyaya qarşı Mübarizə Baş İdarəsi Lənkəran Rayon İcra Hakimiyyəti başçısı Aparatının Memarlıq və Tikinti şöbəsinin müdiri – baş memar Elgün Abdullayev və Lənkəran Şəhər Rayonlararası Psixiatriya xəstəxanasının şöbə müdiri Nəsrəddin Nuriyev vətəndaşlardan rüşvət alarkən cinayət başında yaxalanıb. Elgün Abdullayevə Cinayət Məcəllənin 311.3.2 (rüşvət alma- təkrar törədildikdə) maddəsi ilə ittiham elan edilməklə barəsində məhkəmənin qərarı ilə həbs qətimkan tədbiri, Nəsrəddin Nuriyevə isə 311.1 (rüşvət alma) və 313-cü maddələri (vəzifə saxtakarlığı) maddələri ilə ittiham elan edilməklə yaşının çox olmasını nəzərə almaqla barəsində məhkəmənin qərarı ilə ev dustaqlığı qismində əsas, vəzifədən kənarlaşdırma qismində əlavə qətimkan tədbiri seçilib. Son xəbərlərdə iddia edilir ki, başçının müavini – Şəhər təsərrüfatı şöbəsinin müdiri Vüqar Məmmədov da müəyyən neqativ olayların iştirakçısı olub.
Məsələ ilə bağlı cumhuriyyet.az-a daxil olan məlumata görə, Lənkəran şəhəri, Füzuli küçəsi, 7 ünvanında qanunsuz olaraq çoxmənzilli yaşayış binasının inşa edilməsi barədə məlumat əsasında Lənkəran Rayon Prokurorluğunda araşdırma aparılıb. İlkin araşdırma zamanı qanunsuz çoxmənzilli yaşayış binasının tikintisində fərdi sahibkarlıq fəaliyyəti ilə Hünər Hadızadənin məşğul olduğu məlum olub. Onun vəzifə səlahiyyətlərindən sui-istifadə edərək Lənkəran şəhəri ərazisində layihədən kənar aparılan tikinti-quraşdırma işlərinin dayandırılması barədə qərarı qərəzli olaraq icra etməməsi, həmçinin tikintiyə dair normaları pozaraq aidiyyəti dövlət qurumlarının rəyi olmadan qanunsuz olaraq çoxmənzilli yaşayış binası inşa etdirilməsinə əsaslı şübhələr müəyyən edilib. Faktla bağlı Cinayət Məcəlləsinin 222-3 (qanunvericiliklə müəyyən olunmuş qaydaları pozmaqla aparılan tikinti işlərinin dayandırılması barədə dövlət orqanlarının qərarlarını qərəzli olaraq icra etməmə) və 308.1-ci (vəzifə səlahiyyətlərindən sui-istifadə) maddələri ilə cinayət işi başlanıb.