https://m.youtube.com/watch?v=cqzNEcVqzO0
 |
|
|
Füzuli rayonu, Qayıdış qəsəbəsi, ev 132 ünvanında yaşayan Hüseynov Elmir Rəşid oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, qəsəbədə iş yerləri pulnan satılır, pulu olmayan işlə təmin olunmur:
“Mən, Hüseynov Elmir Rəşid oğlu, yazaraq sizə bildirirəm ki, 2018-ci ildən bu günə kimi dəfələrlə Fizuli Rayon İcra Hakimiyyətinə müraciət etmişəm. Qəbulda şikayətimi bildirərək, iş tapa bilmədiyimi demişəm. İş yerlərinə girmək üçün fərqli məbləğlərdə pul istənilir.
Məşğulluq İdarəsində də qeydiyyata düşmüşəm. Mənə məşğulluq heyvan vermir. İcra Hakimiyyətinə bu şikayətlərimi dedikdən sonra Fizuli rayonunun prokuroru Elnur müəllim məni həmin gündən hədələməyə başladı.
Cənab prezidentə və Mehriban xanıma ünvanladığım məktublardan sonra məni İcra Hakimiyyətinə çağırıb bildirdilər ki, Məşğulluq Mərkəzi heyvan verənə kimi sənə hər ay 250 manat pul veriləcək və ərzaqla təmin ediləcəksən. Amma onu da vermədilər. Heç düşünmədilər ki, himayəmdə 2 azyaşlı körpə uşağım ac qalacaq.
Su idarəsində işləmək üçün 4 min, baxçada bağban işləmək üçün 3 min, Məşğulluq Mərkəzinin heyvan verməsi üçün isə 500 manat verməliyəm. İmkanım olmadığından pul verə bilmirəm, onlar da məni işlə təmin etmirlər”.
Məsələ ilə bağlı Dövlət Sosial Müdafiə Fondunun Füzuli Şəhər Şöbəsi ilə əlaqə saxladıq. Aydınlaşdırıb, şikayətçi ilə əlaqə saxlanılacağı deyildi.
Redaksiyadan: Yazıda adları qeyd olunan qurumların mövqeyini dərc etməyə hazırıq.
11 saylı Ərazi Vergilər Baş İdarəsinin rəisi Vüsal Məmmədovla bağlı şok faktlar
Azərbaycan Respublikası İqtisadiyyat Nazirliyi yanında 11 saylı Ərazi Vergilər Baş İdarəsinin rəisi Vüsal Məmmədovla bağlı Hurriyyet.az saytının redaksiyasına şok faktlar daxil olub.
Belə ki, Gəncədə İqtisadiyyat naziri Mikayıl Cabbarovun “tələbə yoldaşı” kimi tanınan V.Məmmədovun diplomunun saxta olduğu iddia edilir.
Öncə onu bildirək ki, Vüsal Məmmədov əvvəllər Gəncədə və ətraf rayonlarda “Nuts”, “Snickers”, “Baunti” və s. növ şokoladların topdan satışı ilə məşğul olub. Yəni bu məhsulların istehsalı ilə məşğul olan şirkətlərin rəsmi distributoru və ekspeditoru olub. Sonradan isə Gəncədə “Hyundau” maşınlarının satışı ilə məşğul olub.
Məlumata görə, Mikayıl Cabbarov təhsil naziri olan zaman V.Məmmədov Gəncədə peşə liseyinə direktor təyin edilib. Bununla belə, onun Azərbaycanın heç bir ali məktəbində təhsil almadığı, saxta yollarla Dağıstan universitetinin diplomunu əldə etdiyi bilidirilir. Yəni guya orada təhsil alıb.
Mənbə deyir ki, Gəncədə hamıya Mikayıl Cabbarovun “sinif yoldaşı”, “tələbə yoldaşı” kimi təqdim olunan Vüsal Məmmədovun "krışası", əslində, İqtisadiyyat Nazirliyi yanında Əmlak Məsələləri Dövlət Xidmətinin rəisi Mətin Eynullayevdir.
“Əgər Vüsal Məmmədov Mikayıl Cabbarovla sinif yoldaşıdırsa, o zaman necə olub ki, biri Bakıda, digəri Gəncədə oxuyub? Onlar həqiqətən də tələbə yoldaşıdırsa, demək, Mikayıl Cabbarov da Dağıstan universitetlərindən birinin diplomunu alıb”, - deyə mənbə haqlı olara sual edir.
O da qeyd olunur ki, V.Məmmədov Gəncədə peşə liseyinin direktoru vəzifəsindən sonra Təhsil İdarəsinin 8 saylı Regional Hesablaşma Mərkəzinin rəhbərliyində çalışıb. Halbuki, onun mühasibatlıqdan anlayışı olmayıb. Bu baxımdan, hələ də çoxları bu suala cavab tapa bilmir ki, Mikayıl Cabbarov təhsil naziri olduğu zaman Dağıstan diplomlarının tanınmaması ilə bağlı göstəriş verdiyi halda, öz əmrini necə pozaraq Vüsal Məmmədovu vəzifəyə təyin edib?!
Mənbə qeyd edir ki, V.Məmmədov sonradan guya Gəncə Dövlət Univetsitetində “ikinci təhsil” alıb və hansısa yollarla bu təhsil ocağının diplomunu əldə etdikdən sonra Vergilər İdarəsinə rəhbər vəzifəyə keçib. Bu sahədə heç bir savadı olmasa da, o, hazırda da 11 saylı Ərazi Vergilər Baş İdarəsinin rəisi işləyir./Hurriyyet.az/
Teref.az olaraq məqalədə qaldırılan iddialarla bağlı qarşı tərəfin mövqeyini dərc etməyə hazırıq.
Əlil qadın Əmək və Əhalinin Müdafiəsi Nazirliyinin nəzdindədiki Dövlət Tibbi-Sosial Ekspertiza və Reabilitasiya Agentliyindən şikayətçidir.
Söhbət Suraxanı rayonu, Hövsan qəsəbəsi, O.Şabanov küçəsi, döngə 3 ev 18-də yaşayan I qrup əlil Aynur Heydərovadan gedir.
TEREF.AZ-ın məlumatına görə, Bizim.Media-ya gileylənən əlil qadın illərdir ki, yüksək texnalogiyalı aşağı ətraf protezi ilə təmin olunması üçün Dövlət Tibbi-Sosial Ekspertiza və Reabilitasiya Agentliyinə müraciət etdiyini bildirib.
Onun sözlərinə görə nazirlikdən ona cavab verilib ki, yüksək texnologiyalı protez yalnız qazilərə verilir:
“Sol ayağım dizdən yuxarı hissəyə qədər kəsilib. Sağ ayaq barmaqlarımda da problem var. Evdə taxtalarla hərəkət edirəm. Ayaq üstə qala bilmirəm, yıxılıram. Mənim üçün çox çətindir. Övladım yox, yoldaşım isə həbsdədir. Elektron protezə ehtiyacım var.
Dəfələrlə nazirliyin müvafiq şöbəsinə yazılı müraciətlər etmişəm. Hətta nazir Sahil Babayevə də rəsmi ərizə ilə müraciətim olub. Amma ərizəmə cavab olaraq bildirilib ki, ikinci ayaqda da gərək problem ola ki, yüksək texnologiyalı protezlə təmin olunum.
Həmçinin bildirilir ki, həmin protez yalnız qazilərə verilir. Dövlətdən ehtiyaclarımı qarşılamaq üçün xanım verilib. Saat yarımlıq səyyar köməkçi xanım isə heç bir işi düzgün və tam olaraq yerinə yetirmir. Yemək bişirmək üçün əlavə köməyə ehtiyacım var.
Mənə lazımdır ki, həftədə iki dəfə ev yığışdırmaq, bazarlıq və bir dəfə yemək bişirilməsi üçün əlavə xanım verilsin. Amma bu, şikayətlərimə də baxılmır. Nazirliyə isə bu durumda gedə bilmirəm”, - deyə şikayətçi əlavə edib.
Məsələ ilə bağlı Dövlət Tibbi-Sosial Ekspertiza və Reabilitasiya Agentliyinin mətbuat katibi Tural Qurbanov Bizim.Media-ya bildirib ki, orqanizmin funksiyalarının 81-100 faiz pozulmasına görə (I dərəcə) əlilliyi olan Heydərova Aynur Saleh qızı 2021-2022-ci illərdə sadə kreslo araba və mühərrikli təkərli oturacaqla, aşağı ətraf protezi, bu ilin fevral ayında sanitar təchizatlı araba ilə təmin edilib:
“Aynur Heydərova hazırda yüksək texnologiyalı aşağı ətraf protezi ilə təmin olunması üçün Dövlət Tibbi-Sosial Ekspertiza və Reabilitasiya Agentliyinə müraciət edib. Bununla bağlı bildiririk ki, hazırda müharibə ilə əlaqədar əlilliyi olan şəxslərin yüksək texnologiyalı protezlərlə təminatı həyata keçirilir”.
Daha bir təhsil müəssisəsi rüşvət qalmaqalı ilə gündəmə gəlib. Göyçay Dövlət İdarəetmə və Texnologiya Kollecində müəllimin tələbədən rüşvət istəməsi ilə bağlı səs yazısı yayılıb.
TEREF.AZ bildirir ki, Yenisabah.az-a daxil olan audiofaylda imtahan zamanı müəllimlərin tələbədən rüşvət istəməyindən bəhs olunur.
Audiofaylı redaksiyamıza təqdim edən şəxsin sözlərinə görə, hadisə Pərvin adlı müəllimin imtahan götürdüyü auditoriyada baş verib. Söhbətdə Göyçay Dövlət İdarəetmə və Texnologiya Kollecinin qiyabi şöbəsinin müdiri Güllübəyim adlı müəllim də iştirak edib.
Səs yazısından aydın olur ki, tələbələrdən biri 2 ay dərs buraxıb. Qaiblərının silinməsinin və qiymətlərin yazılması müqabilində ondan 700 manat rüşvət tələb olunub. Tələbə isə atasının xəstə olduğunu, bu vəsaiti ödəməyə gücünün çatmadığını deyərək, 300-400 manatla problemi həll etməyə çalışıb.
Bu vaxt söhbətə kollecin qiyabi şöbəsinin müdiri Güllübəyim müəllim qarışıb. O, Şahinin (Göyçay Dövlət İdarəetmə və Texnologiya Kollecinin direktor əvəzi – red.) bu məbləğlə razılaşıb-razılaşmayacağına əmin olmadığını deyir. Nəhayət, müəllimlər tələbəyə atası ilə danışıb gücü çatan məbləği gətirməyi məsləhət görürlər.
Sözügedən səs yazısını təqdim edirik:
Yenə Xətai rayonu, yenə gizli aparılan tikintilər, yenə "gözüyumulu" Şəhərsalma və Arxitektura komitəsi...
Bu üçlüyün bir üzvü (tikinti aparan sahibkar) tez-tez dəyişir, digər ikili isə "karam, koram, lalam" prinsipini nələrinsə, hansısa maraqlarınsa xatirinə səbrlə davam etdirir.
Xətai rayonunun istər yaşıllıq sarıdan, istərsə təmizlik sarıdan elə də "bəxtəvər" bir rayon olmadığı barəsində dəfələrlə "DogruXeber.az"da məlumatlar yayımlamışıq.
Lakin, davam edən eyni proseslər bizi bu mövzuya təkrar-təkrar qayıtmağa məcbur edir.
Xatırlayırsınızsa biz əvvəllər də "8 noyabr" prospekti boyunca bir neçə kanalizasiya quyularının qapaqsız olduğundan, Həzi Aslanov qəsəbəsində, həmçinin "Kənd Əhmədli" qəsəbəsində küçələrin natəmizliyindən, yüksək gərginlikli elektrik xətlərinin evlərin üzərindən, heyətlərin içindən keçdiyindən və gecədən-gecəyə aparılan ev, obyekt tikintilərindən bəhs etmişdik.
Özü də qeyd edək ki, o zamanlar həmin tikintilər barəsində sorğular, müraciətlər göndərdiyimiz istər Şəhərsalma və Arxitektura Komitəsi olsun, istərsə də Xətai rayon İcra Hakimiyyətinin bəzi məsul şəxsləri sözügedən qanunsuzluqları aradan qaldırmaq yerinə, bizim yazıları silməmiz üçün hərəkətə keçdilər. Amma, təsirimiz o oldu ki, tələm-tələsik barəsində yazdığımız hər iki tikintinin üstləri gecəylə örtüldü və bununla da məsələni qapatmış olduqlarını sandılar.
İndi də bir neçə ay əvvəl barəsində məlumat verdiyimiz - həmin, o gecələr tikilən, üstü tələm-tələsik örtülən ikimərtəbəli obyektin düz qarşısında (Xətai rayon Həzi Aslanov qəsəbəs, Kazımağa Kərimov küçəsində) daha böyük bir tikinti aparılır. Nə hikmətsə, bu tikinti də yalnız gecələr aparılır.
Humanist xalqımızın bir saf kəlməsi var, deyirlər, "başçının bundan xəbəri yoxdur".
Tamam, bəlkə başlayanda xəbəri olmur, amma başladıqdan sonra aidiyyatı olan-olmayan hər kəsin xəbəri olduğunu hamımız bilirik. Bundan əlavə, ötən yazımızda "DogruXeber.az" olaraq biz özümüz rəsmi şəkildə bildirdiksə də dəyişən bir şey olmadı. Hətta, yuxarıda da qeyd etdiyimiz kimi Kazımağa Kərimov küçəsində eyni ünvanda ikinci tikinti başlayıb və artıq ikinci mərtəbədə iş gedir.
Yalnız gecələr!!!
Məsələ diqqətimizdədir və mövzuya yenidən qayıdacağıq. Hələliksə, gözləyək görək Xətai rayon İcra Hakimiyyəti ilə Şəhərsalma və Arxitektura Komitəsi buna nə münasibət bildirəcək.
P.S: Yeri gəlmişkən, əslində biz münasibət öyrənmək üçün Şəhərsalma və Arxitektura Komitəsinə zəng etdik, avtomatik operatorun dediyi qaydada - "0"a toxunub operatorun cavabını gözlədik. Lakin, bizi biraz gözlətdikdən sonra dəstəyi qaldırıb, dərhal asdılar. Burdan da belə görünür ki, komitənin bunun üçün əmək haqqı alan işçiləri də komitəyə zəng edənləri belə yola verir.
Redaksiyamız hər kəsin söz haqqını tanıyır.
DogruXeber.az
Bir neçə gün əvvəl sosial şəbəkələrdə Pirallahı icra başçısı Vasif İmanovun mülklərinin siyahısı qarşıma çıxdı. Siyahıya baxdıqca adamın gözləri qamaşdırdı. yayılıb. Həmin siyahıya daxildir:
2. Vasif İmanov öz adına uyğun yaratdığı VAST MMC. Hansı ki, bu şirkət vasitəsilə milyonlarla manat dövlət vəsaitini mənimsəyir.
3. İcra başçısının digər qudası isə “Azərsüvinir” MMC – nin sədri Tariyeldir.
4. İcra başçısının ikinci oğlu Zöhrab isə rayonda sahibkarlarla məşğul olur. Onun hərəkətləri artıq rayonda ciddi narazılıq yaradıb.
5. Böyük övladının Çexiyada, Polşada və digər ölkələrdə əmlakları vardır.
Belə ki, Vasif İmanovun oğlu Turan Həsənzadə Qorxmaz Hüseynovun qızının həyat yoldaşıdır.
Yeri gəlmişkən, Turan Həsənzadə Ədliyyə Nazirliyinin Məhkəmə Tibb Ekspertiza Mərkəzində yüksək vəzifə tutur.
Pirallahı rayon İcra Hakimiyyətinin başçısı Vasif İmanov bu qədər var-dövlətə hansı pullarla sahib olub? Bəlkə bu suala hörmətli Vasif İmanovun özü cavab versin? Bildiyimiz qədərilə onun aylıq əmək haqqı 1000 manatdan çox deyil.
Sonda onu da qeyd edək ki, Vasif İmanovun tanınmış qadın müğənniyə dəniz kənarında qiyməti 2 milyondan çox olan bağ evi hədiyyə edib. Bundan əvvəl isə ona şəhərin mərkəzində 250 kvadrat metr mənzil alıb. Maraqlıdır ki, Vasif İmanovun bu qədər geniş şərait yaratdığı qadın müğənni kimdir? Onların hansı münasibətləri var?
İcra başçısı Vasif İmanovla bağlı çox ilginc məlumatlar var. Bu mövzuya qayıdacağıq.
Qarşı tərəfin mövqe haqqını tanıyırıq. //7gun.org//
Cəbrayıl rayon Mahmudlu kənd uşaq Musiqi Məktəbi Bakı şəhərində Binəqədi rayonu ərazisində fəaliyyət göstərir. Məktəbə uzun illər rəhbərlik etmiş Elman müəllim dünyasını dəyişdikdən sonra onun yerinə qızı Gülnar xanım Rəşidova təyin edilib, artıq neçə illərdir ki sözügedən Uşaq Musiqi Məktəbinə Bakı Humanitar Texnikumunun /Kollec/ məzunu olan Gülnar xanım rəhbərlik edir.
Maraqlıdır ki, heç bir ali təhsili olmayan xanım direktoru bu vəzifəyə kim və hansı yolla təyin edib və onun arxasında kimlər dayanır?!
Onu da qeyd edək ki Musiqi Məktəbi fəaliyyət göstərmək üçün üçmərtəbəli,,villanı,, kirayələyib.
Musiqi təhsili müəssisələrində digər xoşagəlməz hallar da olmaqdadır ki, bununla bağlı da lazımi məlimatlar əldə edildikcə ictimaiyyətin diqqətinə çatdırılacaq.
Odur ki, bizimlə qalın və Musiqi Məktəbi ilə bağlı hansısa məlumatlarınız olarsa yorumlarda yazmağı unutmayın. Nəzərinizə çatdırırıq ki, yazacağınız şərhlər xalqımızın, millətimizin, eyni zamanda dövlətimizin Musiqi təhsilinə verdiyi böyük dəyərə lazımi dəstək verəcəkdir.
xeberfakt.az
Gəncə şəhər sakini Zeynalova Elvira Oruc qızı tərəfindən “Hürriyyət” qəzetinin redaksiyasına şikayət məktubu daxil olub. İsmət Qayıbov adına 1 saylı tam orta məktəbdə İngilis dili müəllimi kimi fəaliyyət göstərən E.Zeynalovanın məktubunu olduğu kimi oxuculara təqdim edirik:
(Əvvəli bu linkdə: Aqronom ingilis dili dərsi keçir, xadimə sinif rəhbəri olub... - Gəncə təhsilinin REAL ÜZÜ...)
“21.10.2022-ci il tarixdə Mətanət Qarayeva vəzifəsində etdiyi nöqsanlara görə işdən azad edildi və hazırda bununla bağlı Gəncə şəhər Prokrorluğunda araşdırma gedir. M.Qarayevanın yerinə müvəqqəti müdir təyin edilsə də, İ.Qayıbov adına 1 nömrəli tam orta məktəbin bəxti gətirmədi. Növbəti əvəzedici müdir kim oldu: Anar Qədiməliyevin əmisi nəvəsinin qaynanası. Hansı ki, o, yəni təlim-tərbiyə üzrə direktor müavini Məmmədova Nüşabə Zakir qızı müvəqqəti müdir kimi təyin olunmazdan bir necə gün öncə Elim və Təhsil nazirinin Daxili Nəzarət Şöbəsi tərəfindən siddətli töhmət almışdı.
Yeri gəlmişkən, Nüşabə Məmmədova həm də İ.Qayıbov adına orta məktəbin sabiq direktoru Məmmədov Müsəddinin gəlinidir. Beləliklə, Anar Qədimalıyev Nüşabə Məmmədovanın çoxdankı arzusunu həyata keçirmiş oldu.
Dəyişən nəsə yoxdu, yenə də aqronom ingilis dili, baytar, texnoloq isə musiqi dərsi deyir, MİQ-dən keçən müəllimlərsə iş axtarır. Hələ, üstəlik, Anar Qədiməliyev “Təhsilin keyfiyyəti” sektoru yaradıb, sektor müdiri Sevinc Quliyevaya özünə məxsus olan Göygöldə yerləşən tədris mərkəzinin sınaq imtahanları üçün Gəncə məktəblərində biletlər satdırır. Bu da oldu, tədrisin keyfiyyəti.
Mətanət Qarayevanı maliyyə maxinasiyalarına görə işdən azad edən Anar Qədiməliyev bu günə qədər davam edən maxinasiyalara bəs niyə göz yumur? Səbəbi yəqin ondadır ki, bu gün onun qohumu olan Azər İbrahimovun qaynanası çoxdankı arzusuna qovuşaraq, bir az da o pullansın.
Azər İbrahimova gəlincə isə, müəllimə bir saat artıq dərs yazılarsa bu maxinasiya sayılır, amma Təhsil İdarəsində günbəgün artan şöbələr, ora təyinat alan önəmli məmurların yaxınlarının ştatları deyil. Məsələn, indi də İ.Qayıbov adına 1 nömrəli məktəbin rus bölməsinin müdir müavini Səbinə İmamverdiyevanın qanun pozuntularına göz yumulur. Səbinə İmamverdiyeva hər gün məktəbdə olsaydı, yəni tez-tez icazəsiz olaraq ölkə xaricinə çıxşlar etməsəydi, yəqin ki, rəhbərlik etdiyi rus bölməsinin sinif jurnallarında baş verən maliyə pozuntularını görərdi. Bu haqda mən dəfələrlə şifahi müraciət etsəm də, hələlik bir nəticəsi yoxdur. Belə çıxır ki, Anar Qədiməliyev, onun təyin etdiyi direktor əvəzi Nüşabə Məmmədova və Səbinə İmamverdiyeva hazırda Mətanət Qarayevanın yolu ilə gedirlər. Rəhbərlik dəyişsə də, idarəetmə üsulu dəyişmədi. Bəs, dəyişən nə oldu?
Bu məktəbdə tək rus bölməsi deyil, ibtidai siniflər üzrə müdir müavini Gülnar Məmmədova da eynilə Səbinə İmamverdiyevanın yolu ilə gedir. Xüsusi qayğıya ehtiyacı olan şagirdlərin ev dərsləri üçün nəzərdə tutulan sinif jurnallarına diqqət yetirəndə dərhal gözə çarpan odur ki, maliyə pozuntularına yol verilmələr davam edir. Hətta bu pozuntulara vəzifə bölgüsü təhkim olunanın özü şərait yaradır, yəni dünən Səbinə İmamverdiyeva, bu gün Gülnar Məmmədova… Şagirdlərə isə evlərdə təyin olunan dərslər keçirilmir. Gəncə Prokurorluğuna təqdim olunan ibtidai sinifə məxsus 1 “D” sinifinin jurnalı buna subutdur.
Məktəb direktorunun vəzifə bölgüsündə əmrlə həvalə etdiyi fərdi ev dərslərinə nəzarət edən Gülnar Məmmədova fərdi ev dərslərinin saxtalaşaraq tərtib olunmasında fəal iştirak edir. Sinif jurnallarında böyük maliyə pozuntuları edən Gülnar Məmmədovaya bu haqda dəfələrlə müraciət etsəm də, pozuntular hal-hazırda da davam edir. Mən bununla bağlı sübutlarımı redaksiyaya, eləcə də hüquq-mühafizə orqanlarına təqdim edə bilərəm. Bu sübutları 15.04.2023-cü il tarixində Gəncə şəhər Prokurorluğuna şəxsən yazılı təqdim etsəm də, hələ nəticəsi yoxdur.
Tarix yenidən təkrar olunur. Prezident İlham Əliyev 2023-cü ili Heydər Əliyevin 100 illik yubileyi münasibəti ilə “Heydər Əliyev ili” elan etmişdir. Mən 08.05.2023-cü il tarixdə “Mən fəxr edirəm ki, azərbaycanlıyam” adlı 100 illik yubileyi münasibəti ilə xatirə gecəsi təşkil etmək istədim. Bu haqda çalışdığım rus bölməsinin müdir müavini Səbinə İmamverdiyevaya, ibtidai siniflər üzrə müdir müavini Gülnar Məmmədovaya, eləcə də müdir əvəzi Nüşabə Məmmədovaya bildirmişdim. Bu tədbirin keçirilməsi üçün mənə dəstək əvəzinə, təpkilər göstərməyə başladılar. Məktəbdə baş verən qanun pozuntuları ilə əlaqədar Prezident İlham Əliyevə, Elm və Təhsil naziri Emin Əmrullayevə, DTX sədri Əli Nağıyevə, Heydər Əliyev Fondunun Prezidenti, Birinci vitse-rezident Mehriban xanım Əliyevaya, Gəncə şəhər Baş Prokrorluğuna məktub, həmçinin teleqram vasitəsilə müraciət etsəm də, nəticəsi yoxdur. Bu həqiqəti xəbər verdiyim üçün şəxsi işimə tikilməklə, töhmət belə almışam. Yəni Anar Qədiməliyev və Nüşabə Məmmədova bundan hiddətlənərək, mənə qarşı qanunsuz təqib və təzyiqləri daha da artırdılar.
15.03.2023 və 29.03.2023-cü il tarixlərində sinifdə dərs keçərkən Nüşabə Məmmədova əsas iş yeri Göygöl və Naftalan şəhərində olan, DTX-nın Gəncə şöbəsində rəis müavini olan Tural Quliyevin yoldaşı, hazırda Gəncə-Daşkəsən Regional Təhsil İdarəsində Təhsilin keyfiyyəti sektoruna Anar Qədiməliyev tərəfindən təyin olunan Sevinc Quliyevanın təpkilərinə məruz qaldım.
Yeri gəlmişkən, Sevinc Quliyeva kimi, Anar Qədiməliyevin dövlət qulluğuna daimi təyin etdiyi kadrları bu il dövlət qulluğu ilə bağlı 18.03.2023-cü ildə tarixində keçirilən imtahandan keçə bilməsələr də, hələ iş başındadırlar. Dövlət qulluğu imtahanından keçə bilməyən Gəncə-Daşkəsən Regional Təhsil İdarəsinin məktəblərdə, o cümlədən Nüşabə Məmmədovanın dəstəkçisi olaraq çalışdığımız məktəbdə “at oynadan” Sevinc Quliyeva heç bir müvafiq sənəd təqdim etmədən istədiyi zaman kobud formada siniflərə daxil ola bilir. Şəxsən mənim dərs dediyim birinci siniflərə daxil olaraq, şagirdlərin və valideyinlərin qarşısında nüfuzdan salıcı hərəkətlər etsə də, ona irad tutan yoxdur. Səbəb isə, onun həyat yoldaşının DTX əməkdaşı olması ola bilər. Bu hadisə ilə bağlı mən sübutlarımı təqdim etməyə hazıram.
Bir halda kı, Elm və Təhsil naziri Emin Əmrullayev çıxışında “Xalq dövlətdən narazıdırsa, buna mən nə edim?” deyirsə, ondan aşağıda olan kadrlarına nə deyəsən?! Bir müəllim olaraq nazir Əmrullayevə göstəriş vermək mənə düşməz, amma vətəndaş olaraq demək istəyirəm: o unudur ki, özü də dövləti təmsil edən Təhsil Nazirliyinin rəhbəridir. Müəllimi hazırda dövlətdən narazı salansa onun səriştəsiz idarəetməsidir. Belə olmasaydı, bu gün ölkənin ikinci böyük şəhərində təhsil sistemindən anlayışı olmayan Anar Qədiməliyevlər, Sevinc Quliyevalar və daha kimlər iş başında olub, təhsili məhv etməzdilər.
Yeri gəlmişkən, mənim Hürrüyyət TV vasitəsilə çalışdığım məktəbdə baş verən qanun pozuntuları, özbaşınalıqlarla bağlı açıqlamalarıma Gəncə-Daşkəsən Regional Təhsil İdarəsindən absurd bir cavab aldım. Sən demə, bu məktəbdə bütün baş verənlərin əsas səbəbkarı mənəm. Burada Mirzə Ələkbər Sabirin sözlərin yadıma düşdü:
“Hökm еyləyəcəkmiş bütün aləmdə cəhalət, –
Dildadеyi-irfanları nеylərdin, ilahi?!”
Redaksiyadan: Yazıda adları qeyd olunan qurumların və şəxslərin mövqeyini dərc etməyə hazırıq.
DİA.AZ: - "Aqrar təhsil ocağına bir çox rektor və rektor əvəzi gəlib ki bəzisi aqrar təhsilin inkişafına önəm verib bəzisi isə yenidən qurma edərək universitetin inkişafında mühüm əhəmiyyət kəsb edib". Bu barədə DİA.AZ-a göndərilən və Azərbaycan Dövlət Aqrar Universiteti ilə bağlı bir sıra iddia və ittihamların yer aldığı məqalədə deyilir.
Məqalədə dahas orna bildirilir:
"Zəfər Qurbanov təyinatından bu günə kimi nə təhsilə, nə də ki universitetin təmirinə pul ayırır. Aqrar təhsilin qəniminə çevrilmiş, təhsil sistemindən bixəbər olduğu şübhə doğurmayan Zəfər Qurbanov nə apardığı kadr islahatında üz ağartdı, nə də bir problemi olmayan binaları təhvil aldığı kimi saxlaya bildi.
Universitetin sanitar qovşaqlarında su krantlarının sıradan çıxmasına görə bütün etajlar üfunət iyinə qəqr olub və pis qoxu səsəbindən autoriyada dərs keçmək mümkünsüz hala gəlib.
Cənab Prezident İlham Əliyevin şəxsən gəlib açılışın etdiyi yeni korpusda liftlərin sıradan çıxmasını belə nəzərə almayan Zəfər Qurbanov universitetin həm təhsilini, həm də korpusların məhv etməklə məşğuldur.
Dekanlar və kafedra müdirlərinin mövcud problemləri - məsələn, liftin işləmədiyini dedikdə "işləməsə, yaxşıdır, işıq puluna qənaətdir" deyərək rəhbərlik tərəfindən absurd cavab verilir.
"Korpuslarda sıradan çıxan sanitar qovşağın iyindən müəllimlər dərs keçə bilmir" deyə şikayət olunduqda isə "elə keçməsələr yaxşıdır" cavabını verirlər. Bir soruşan yoxdur ki, ay Zəfər Qurbanov, sənə nə deyək ki sən ona bax, "bu pisdir... bu məsələni aradan götürmək lazımdır..." deyəsən...."
MÜRACİƏTİN DAVAMI VAR...
İddia olunanlarla bağlı dia.az olaraq qarşı tərəfi də dinləməyə hazırıq...