Bakı Baş Gömrük İdarəsinin rəis müavini Elmir Ramazanov sahibkara əngəllər yaradır
Azərbaycan Respublikasının Prezidenti cənab İlham Əliyevə
Azərbaycan Respublikasının Birinci Vitse Prezidenti, xanım Mehriban Əliyevaya
Surəti:Azərbaycan Respublikasının Baş Naziri cənab Əli Əsədova
Surəti: Azərbaycan Respublikası Milli Məclisinin Sədri xanım Sahibə Əli qızı Qafarovaya
Surəti: Prezident Administrasiyasnın İqtisadi Məsələlər və İnnovativ İnkişaf Siyasəti şöbəsinin müdiri cənab Şahmar Mövsümova
Surəti: Azərbaycan Respublikasının Prezident Administrasiyasının Rəhbəri (Korrupsiyaya ilə Mübarizə komissiyasının sədri) cənab Samir Rafiq Oğlu Nuriyevə
Surəti: Azərbaycan Respublikası Dövlət Gömrük Komitəsinin sədri cənab Şahin Bağırova
Surəti:Dövlət Gömrük Komitəsinin Apellyasiya şurasının rəhbərliyinə
Surəti:Dövlət Gömrük Komitəsinin Əməliyyat və İstintaq Baş İdarəsinin rəisi Cənab Orxan Nuriyevə
Surəti: Bakı Baş Gömrük idarəsinin rəisi vəzifəsini müvəqqəti icra edən Gömrük Generalı cənab İsmayıl Hüseynova

Hörmətli cənab Prezident,

Bundan öncə 06.04.2023-cü il, 17.04.2023-cü il və 20.04.2023-cü il tarixində Sizə və Azərbaycan Respublikasının Birinci Vitse Prezidenti, Mehriban xanım Əliyevaya həmçinin sürətlərini müxtəlif Dövlət qurumlarına ünvanladığım məktublarda qeyd etdiyim kimi hələ də bizim “GÜVƏN 2012”MMC-yə qarşı Bakı Baş Gömrük İdarəsində məmur özbaşnalığı, bürokratik əngəllər və süründürməçiliklər davam edir.

Məlumat üçün bildirirəm ki, vaxtı ilə nümayəndəsi olduğum, hazırda isə direktoru olduğum “GÜVƏN 2012”MMC-nin adına Çin Xalq Respublikasından 01231000091678 saylı bəyannamə üzrə göndərilmiş mallarla bağlı gömrük rəsmiləşdirilməsi süni şəkildə yubadılır.

Bir daha nəzərinizə çatdırıram ki, 14.03.2023-cü il tarixində “GÜVƏN 2012”MMC-nin adına 01231000091678 saylı bəyannamə üzrə mal daxil olmuşdur. Mallara müvafiq qaydada baxış keçirilmiş və gömrük rəsmiləri tərəfindən malların qiymətinin aşağı göstərilməsi qeyd edilmişdir.

22.03.2023-cü il tarixində bir daha mallara baxış keçirilmiş və mallar Çindən gələn konteynerdən, buraxılışa verilmə məqsədi ilə Azərbaycanda “OTEKO” maşınlara yüklənmişdir. Qeyd etməliyəm ki, həmin maşınlara yüklənən zaman gömrük əməkdaşları tərəfindən heç bir qanun pozuntusuna yol verilməsi faktı göstərilməmişdir.

Sonradan 29.03.2023-cü il tarixində malları gömrükdən çıxartmaq məqsədi ilə Komitəyə müraciət etdikdə, məndən bəyannaməni götürərək bildirdilər ki, araşdırılma aparıldığdan sonra malların buraxılması üçün göstəriş veriləcək. Eyni zamanda mənə bildirildi ki, ikinci mal mövqeyi üzrə əlavə 15%-li mal qurupuna daxildir. Əlavə ödəniş təxminən 7000 manat ödənildikdən sonra malları gömrükdən götürə bilərsiniz. Mən həmin bəyannamə üzrə mənə deyilən məbləği dərhal ödədim və internet vasitəsilə ümumi sistemə vuraraq mallarımı çıxartmaq üçün Bakı Gömrüyünə getdim.

Orada Bakı Gömrüyünün Aqil və Nurlan adlı əməkdaşları mallarımın buraxılmasını təmin etmədilər və mənə bildirdilər ki, mənim mallarım çəki ilə yox ədədlə sayılmalıdı. Elə bu səbəbdən də mallarımı buraxmadılar. Mənə bildirdilər ki, bəyannamənin 41-ci qrafasındakı XİFMN ölçü vahidi 166 kodu malın faiz dərəcəsini bildirir.

Tərəfimdən onların yanlış söylədiklərini qanunvericiliklə onlara sübut etdim. Lakin onlar öz dediklərinin üzərində dayandılar. Sonra Nurlan və Aqil tərəfindən təklikdə mənə təklif olundu ki, elə həmin ərazidə qaranlıq qutu kimi bir yerdə oturan gömrüyün əməkdaşlarının yanına girərək mənim yalnış, Aqil və Nurlanın isə doğru olduğunu söyləyim və mallarımı götürüm gedim. Mən işimin xatirinə onların dedikləri təkliflə razılaşdım və hamıya bildirdim ki, mən səhfəm Aqil və Nurlan düzdü. Buna baxmayaraq mallarım gömrükdən buraxılmadı.

Belə ki, Bakı Baş Gömrüyünün rəis Müavini Elmir Ramazanov mallarımın buraxılmasına söz versə də malları buraxmadı. Ertəsi gün Respublikanın Dövlət Gömrük Komitəsi sədrinin müavini İsmayıl Hüseynovun yanında mənim mallarımın gömrük rəsmiləşdirilməsi ilə bağlı Bakı Gömrük Komtəsinin işçiləri Aqil, Nurlan və Elmirin iştirakı ilə araşdırılma keçirildi.

Orada İsmayıl müəllim mənim iddialarımın əsaslı olduğunu bildirdi. Bu zaman Elmir Ramazanov mənə bildirdi ki, mallarıma görə 33000 manat ödəmişəm aramızda 37000 manatın söhbəti gedir. Gəl belə edək, yarısı sənin yarısı mənim. Məndə ona bildirdim ki, bura onun şəxsi obyekti deyil, Dövlət İdarəsidir və hər şey qanunla tənzimlənməlidir. Beləliklə mənimlə sövdələşmə baş tutmadı.

Bundan sonra İsmayıl müəllim təklif etdi ki, mallarımla bağlı hesablama yenidən aparılsın və bir nəticəyə gəlinsin. Araşdırılma aparılan otaqdan çölə çıxdığda Aqil mənə bildirdi ki, heç bir hesablanma aparıla bilməz və biz nə dediksə odur. Eyni zamanda təklif etdi ki, gəl sənin mallarını yönləndirək başqa şöbəyə orada məsələni həll edərsən. Beləliklə bu günədək gömrükdə qanunsuz olaraq uydurma əsaslarla mallarım gömrükdən buraxılmadı. 03.04.2023-cü il tarixində, gömrük sistemindən mənə rəsmi olaraq bildiriş göndərilmişdir.

Həmin bildirişdə mal bəyannaməsinə görə iki mövqe bildirilmişdir, 3-cü mövqedən isə əsər-əlamət belə yox idi. Həmin bildirişdə 1-ci mal mövqeyində 27960, 2-ci mal mövqeyi üzrə isə 94000 ABŞ dolları qeyd edilmişdir. Beləliklə ümumi mal üzrə məndən 78000 manat gömrük rüsumu tələb olundu. Mən həmin məbləğin çox olduğunu görərək, maldan imtina edərək geri göndərilməsi ilə əlaqədar 06.04.2023-cü il tarixli ərizə ilə Gömrük Komitəsinə müraciət etdim.

Eyni zamanda həmin ərizənin sürətini Bakı Baş Gömrük İdarəsinə və müxtəlif Dövlət orqanlarınada göndərdim. Ərizəmin üzərinə mallarımın geri göndərilməsinə icazə verilməsi barədə Gömrük Komitəsi tərəfindən dərkanar qoyulmasına baxmayaraq bu günədək malların qanunsuz olaraq gömrükdə saxlanılır. Qeyd etməliyəm ki, bu gün mənim mallarım bəlkə də korroziyaya uğrayaraq sıradan çıxır. Ayın 14-də səhər tezdən mən Gömrük Komitəsinin binasında Gömrük Komitəsinin sədri ilə rastlaşdım. O, Komitənin rəhbər işçilərini mənim mallarımın buraxılması ilə əlaqədar müvafiq işlərin yerinə yetirilməsi ilə bağlı təlimatlandırdı və bildirdi ki, malları geri qaytara bilərsən.

Elə həmin gün Gömrük Komitəsinin rəhbər işçiləri ilə Gömrük Komitəsinə getdik, mallarıma baxış keçirildi və aktlaşdırıldı. Həmin vaxt Komitə Sədrinin müavini General İsmayıl Hüseynov olmaqla gömrük orqanının rəhbər işçiləri və mən də “GÜVƏN 2012”MMC-nin səlahİyyətli nümayəndəsi kimi imzaladıq. Həmin aktda qeyd edilmişdir ki, mənim qaldırdığım məsələlər yerində araşdırıldı, araşdırma zamanı idxal edilən malların içərisində aşkat edilmiş 3200 ədəd “qaz kranına” oxşar predmentin olduğu, həmin malın adı, təyinatı XİFMN kodu və malların gömrük dəyəri barədə araşdırılma aparıldı. Araşdırmanın nəticəsinə uyğun olaraq yekun qərarın qəbul ediləcəyi mənim nəzərimə çatdırıldı. Həmin aktda yalnız 3200 ədəd qaz kranına oxşar malın maya dəyərindən söhbət gedirdi.

Ümumi bəyənnamə üzrə göstərilən malların gömrük dəyərindən bəhs edilmirdi. 17.04.2023-cü il tarixində mən media nümayəndələrinin qarşısında gömrükdə mənimlə əlaqədar baş verən qanunsuz əməllərdən danışdığım zaman gömrük orqanının əməkdaşları mənə bildirdi ki, həmin mallarla bağlı iş Dövlət Gömrük Komitəsinin İstintaq və Təhqiqat İdarəsinə göndərilib.

Beləliklə məni istintaqla təhdid etməyə başladılar və lazım gələrsə məhsuliyyətə cəlb ediləcəyim barədə hədə-qorxu gəlməyə başladılar.Təbii ki, mən qanuni mövqeyimdən çəkinmədim və sona qədər Gömrük Orqanlarında qanunçuluğun bərpa edilməsi üçün mübarizə aparacağımı bildirdim və qeyd etdim ki, yalnız bu yolla ölkə Prezidentinə bir sahibkar kimi dəstək ola bilərəm və bu məqsədlə özbaşnalıq edən, qanunları pozan, ölkəmizin qanuni müstəvidə inkişaf etməsinə maneə törədən məmurları ifşa etmək işində Dövlət Başçısına yardımçı ola bilərəm.

Qeyd etmək istəyirəm ki, Gömrük Komitəsinin Sədri və rəhbər işçiləri həmçinin əməkdaşlarla söhbət zamanı mən onlara bildirdim ki, bizim malların bəyan edildiyin gündən bu günkü günədək 01231000095206, 01231000108720, 012310001266006, 01231000098473, 01231000120758, 01231000109736, 01231000126759, 01231000134501, 01231000142591 saylı bəyannamələrlə 848180 kodu altında su kranları, mətbəxt kranları 2.5 dollar statistik dəyər çəki ilə hesablama qaydasını nəzərə alaraq hesablanıb mallar buraxılışa gedibdir.

Nə səbəbdən mənim mallarımla bağlı fərqli bir hesablama qaydasının tətbiq ediməsi barədə sualıma cavab tapa bilmədim. Necə olur ki, eyni mal üzrə birinə az birinə isə çox məbləğlə hesablama qaydası aparılır? Buradan açıq aydın görünür ki, gömrüyün Elmir, Aqil, Nurlan və Nazim Məmmədli adlı əməkdaşları tərəfindən qərəzli mövqe nümayiş etdirilir və qanuni hüquqlarım tapdalanır.

Hal-hazıradək mallarımı qanunsuz olaraq Bakı Baş Gömrük İpəkyolu Terminalında saxlanılması səbəbindən xeyli maddi zərərə uğramışam, həmçinin xarici həmkərlarım arasında işgüzar nüfuzuma xələl gəlmişdir. Mənim nüfuzum heç, gömrük əməkdaşlarının qanunsuz əməlləri nəticəsində ölkəmizin beynəlxalq aləmdə imicinə də zərbə vurulur. Gömrük əməkdaşlarının qanunsuz əməlləri biz sahibkarların vasitəsi ilə ölkəmizə investisiya yatırmaq istəyən sahibkarları da bu işdən çəkindirir.

Yuxarıda deyilənlərə əsasən mənim direktor olduğum “GÜVƏN 2012”MMC-yə aid hazırda Bakı Baş Gömrük İdarəsində qanunsuz olaraq saxlanılan mallarımın buraxılması ilə bağlı müvafiq İcra Hakimiyyəti Orqanlarının Rəhbərlərinə göstəriş verməyinizi eyni zamanda Dövlət Gömrük Komitəsində baş verən qanunsuzluqlar barədə məlumatların tərəfimdən Sizə çatdırılması məqsədi ilə Prezident Administrasiyasının vəzifəli şəxsləri tərəfindən məni qəbul etmələri barədə göstəriş vernməyinizi Sizdən xahiş edirəm.


Hörmətlə: “GÜVƏN2012”MMC-nin Direktoru Ramil Aslanov

Son illərki fəaliyyətinə, həmçinin sosial medialarda yayılan məktəblərdə gizli çəkilmiş videolara baxanda görünür ki, dolayısıyla Azərbaycan təhsilində də "elm" çalışmaq ilə gəlir.

Məsələn, rüşvət qalmaqalı ilə gündəmə gələn Göyçay Dövlət İdarəetmə və Texnologiya Kollecində gizli lentə alınan görüntülərdə Pərvin adlı müəllimənin verdiyi şərhdən aydın anlaşılır ki, tələbə dərsə getməyib. O, müəllimin dili ilə desək "pırnıx sezonunda" başı işə qarışıb, ona görə dərsi buraxıb. İndi də "pırnıx sezonunda" qazandığı pulla qaibini sildirir. Demək ki, o da "elmi çalışmaqla almış olur".

Bundan əlavə, Bakıda 211, 161 nömrəli orta məktəblərdə baş verən korrupsiya halları barəsində "DogruXeber.az" informasiya portalımızda, "Kanal14" YouTube kanalımızda dəfələrlə məlumatlarb yayımlasaq da 161 barəsində ümumiyyətlə tədbir görülmədi, 211 nömrəlidə isə direktorun yerini dəyişdirdilər, vəssalam...

194 nömrəli tam orta məktəbin direktorunun elektrik naqillərinin yenilənməsi üçün müəllimlərdən, pərdə, marker, A4 almaq üçün isə şagirdlərdən pul yığmasından danışdıq, Təhsil Nazirliyinin "tükü tərpənmədi".

İndi də televiziya kanallarından birində bir müddətdir İsmayıllı rayon 1 saylı orta məktəbin müəllimi Jalə xanıma qarşı həmin məktəbin direktor və müəllim heyətinin, eyni zamanda Regional təhsil idarəsinin birləşərək, qərəzli mövqe tutduğu müzakirə mövzusu olub.

Jalə xanımın bildirdiyinə görə 23 ildir həmin məktəbdə müəllim işləyir. Bu il yeni il şənliyində yolkanın üzərinin şəhidlərin şəkilləri ilə bəzədilməsinə - "rusun bayram atributuna mənim səhidim niyə bəzək olmalıdır?!", deyə etiraz etməsi qalmaqala səbəb olub. Həmin "bəzək"lər sonra yığışdırılsa da xanıma qarşı "qərəzli birləşmə" yaranıb və hərəkətə keçib. Hər halda xanımın özü belə iddia edir.

Maraqlıdır ki, xanım deyir, ona mütəmadi yaradılan məqsədli və süni problemlərə görə regional təhsil idarəsinin müdiri Elşən Əliyevə şikayət edib. Lakin, Rövşən Əliyev məsələyə müdaxilə etmək əvəzinə, xanımdan şikayət ərizəsindən bəzi iddiaları çıxarmasını istəyib. Təhsil Nazirliyinə etdiyi şikayətlərə isə bugünə qədər nazirlik tərəfindən heç bir reaksiya olmadığını deyir. Sonda əli dövlətin külli miqdarda maliyyə ayırdığı bu qurumun bütün səlahiyyətli nümayəndələrindən üzülən xanım, əksər çarəsiz vətəndaşlar kimi mediaya üz tutub.

Heç nə qədər "o ayrı qurumdur, icra hakimiyyətinə aidiyyatı yoxdur" desələr də icra başçısının "qoruduğu" müəllimləri, məktəb direktorlarını da az görmədik. Məsələn, həm Qazax rayon Ağköynək - Qarapapaq kənd bələdiyyəsinin sədri olub, həm də Ağköynək kənd tam orta məktəbində ingilis dili müəllimi işləyən Nəzakət Mansurovanı Rəcəb Babaşovun "qoruduğunu" bütün kənd sakinləri redaksiyamıza bildirmişdi. Elə səs yazılarında da Nəzakət Mansurovanın hər məsələdə başçıdan məsləhət aldığını öz dilindən biz də, izləyicilərimiz də eşitmişdik.

Sabirabad rayonunun Şəhriyar kənd orta məktəbi barəsində valideynlərin müraciətlərini də bir neçə dəfə yayımlamışdıq. Orada da köhnə hamam, köhnə tas...

Sabirabad demişkən, "Kanal14" YouTube kanalımızda Sabirabad rayonunun su, yol və digər problemləri barəsində dəfələrlə videomateriallar yayımlamışıq ki, bunlar da redaksiyamıza kənd sakinləri tərəfindən göndərilirdi. Həmin videomüraciətlərdən bəzilərini redaksiyamız göndərən Cavid Əliyev adlı Sabirabad sakini redaksiyamıza bildirdi ki, gəcə vaxtı ona özünü Ricay müəllim kimi təqdim edən bir şəxs zəng edib, su problemləri barəsində redaksiyamıza müraciət etdiyi üçün onu təhdid edib.

Cavid Əliyevin bu söylədiklərindən sonra elə "Kanal14"ün canlı efirində özünü Ricay müəllim kimi təqdim edən şəxsə zəng etdik. Özümüzü təqdim edib, məsələyə nə kimi aidiyyatı olduğunu soruşduq. Ağzı güclə söz tutan o adam - "Mənim televizorumun 820 manat qiyməti var, cəmi 12 kanal tutur, orda belə kanal yoxdur", dedi və söndürdü.

Elə canlı yayımı izləyən sakinlərdən bir neçəsi dərhal votsap vasitəsilə bizə yazdılar ki, Ricay adlı şəxs "Çöldəllək kənd orta məktəbində sənəd üzərində xarici dil müəllimi olsa da, gündə 5-6 manata müxtəlif şəxslərə məxsus təsərrüfat sahələrində çalışır və oradan aldığı pulla alkoqollu içkilər alıb içir. Bir sözlə, içki düşkünüdür. Onu məktəbdə görən yoxdur ".
Deyilənə görə, məktəbin direktoru da, Regional Təhsil İdarəsinin müdiri də bundan xəbərdardır.

Qeyd edək ki, sakinlərin redaksiyamıza bildirdiyinə görə, onun atası başqa bir kənd orta məktəbində direktor köməkçisi, yaxın qohumları da onun adı gedən məktəbdə müəllim işləyirlər. Ricay adlı şəxs içki düşkünü olduğu üçün atası da onunla danışmır.

Belə olan halda sual yaranır, Təhsil Nazirliyi belə birini nə deyə işə qəbul edib?.
Hansı məsuliyyətinə görə ona 10-larla şagird etibar edib?

Redaksiyamız hər kəsin söz haqqını tanıyır.

DogruXeber.az

Biz bir media olaraq insan azadlıqlarına, insan hüquqlarına hörmət və ehtiramla yanaşırıq. Amma azadlığın da bir MƏSULİYYƏT deyilən sərhəddi var. Çox üzr istəyirik, hansısa məmur dövlət qurumunun binasını, dövlətin verdiyi xidməti kabineti az qala şəxsi kabinet kimi istifadə edir, istədiyi oyundan, əməldən çıxır... Bunun adı azadlıq və insan haqqı ola bilməz. Yəqin ki, diqqətli oxucular söhbətin bir müddət əvvəl FHN-nin binasında baş verən intim oyunlardan getdiyini bildi.
Yeri gəlmişkən, hazırda bu məsələ ilə bağlı məhkəmə prosesi gedir. Və rüsvay olan qadınlar FHN-nin vəzifəli şəxsindən dəymiş mənəvi ziyana görə təzminat tələb edirlər. Bütün bunlar azmış kimi, son günlər FHN-lə bağlı daha bir olay mediada yayılıb.
Birincisi, Fövqaladə Hallar Nazirliyinin Kadr siyasəti Baş İdarəsinin rəisi, general-mayor Sevda Şirinovanın xidməti kabinetindən yayılan şəkildən görünür ki, xanım general başınınn üstündən Çar Rusiyasının imperatoru Nikolayın şəkilini asıb. İlk öncə, xanım general-mayordan soruşmaq istəyirik ki, sənə general rütbəsini Nikolay verib..?

İkincisi, sən hansı dövlətin generalısan, xanım Şirinova.. Üçüncüsü, Nikolayın şəkilini evində, bağında başının üstündən assan, bizim sənə zərrə qədər iradımız olmaz. Sən Azərbaycan dövlətinin rəsmi qurumu olan FHN-də, xidməti kabinetində Nikolayın şəkilini asmısan. Bu dövlətin qurucusu Ulu Öndər, hazırda prezidenti isə cənab İlham Əliyevdir. Bütün dünyada rəsmi qurumlarda dövlətin başçısının şəkili asılır. Sənin Nikolay sevdalısı olmağını anlamaq olmur.
Bir daha deyirik ki, istəyirsən evində, yataq otağında Nikolayın şəkilini as, amma dövlət qurumunda olmaz. Qısa məlumat üçün qeyd edək ki, bu general xanım uzun illər Dövlət Gömrük Komitəsində kadr məsələlərinə baxıb və 17 ildir FHN-də kadr məsələlərini həll edir.
Təsəvvür edirsiniz az qala 30 ildir ki, bu xanım mühüm dövlət qurumlarında kadr məsələsinə rəhbərlik edir. Görəsən bu xanımın hansı igidliyinə, qəhrəmanlığına, şücaətinə görə, ona general-mayor rütbəsi verilib..?
Buyurun və əmin olun ki, Fövqəladə Hallar Nazirliyində Kadr siyasəti Baş İdarəsinin rəisi, general-mayor olan Şirinova Sevda Azər qızının tərcümeyi-halı barəsində ölkə mediasında bir cümlə, bir söz tapa bilmədik. Bu hələ harasıdır..?
Sevda Şirinova FHN-də kadr məsələsini öz bildiyi kimi həll edirmiş. Bəli, son günlər yayılan məlumata görə, FNN-nin 20 əməkdaşını toya getmək səbəbi ilə Sevda Şirinova işdən qovub. Onların arasında yüksək rütbəli zabit və idarənin vəzifəli şəxsləri də var.
Doğrudan da maraqlıdır ki, məgər toya getməyə görə, 20 əməkdaşı birdən vəzifədən çıxartmaq, işdən qovmaq hansı qanuna uyğundur. Yəni töhmətlə, yaxud başqa bir cəza ilə də məsələni həll etmək olardı. Mediada yayılan məlumatdan bəlli olur ki, əslində toy neçə ay əvvəl olub, yəni toy məsələsi Sevda Şirinova üçün bir bəhanə imiş.
Belə ki, FHN-də 20 nəfərin vəzifəyə düzəlməsi 1 milyona yaxın edir. İndi bildinizmi, general xanım FHN-də kadr məsələlərini necə həll edir..? Hələ sosial şəbəkədə yazırlar ki, (biz yazmırıq haa, sosial şəbəkədə yazırlar), yaxın zamanda bir maraqlı video da yayılacaq. Bizi izləyin. //gundelik-baku.com//