 |
|
|
Yenə yağış yağdı. Amma indinin yağışından nə olacaq? Axı yay fəsli hələ rəsmən davam edir. Yağan yağış da az qala yerə çatmadan quruyur. Bir sözlə, suvarma suyu sarıdan əziyyət çəkən Masallı fermerlərinin probleminin həlli əlaqədar qurumlardan asılıdır.
Rayonun Təklə kəndinin sakinləri deyirlər ki, uzun müraciətlərdən sonra bir ayın suyunu birdən açıb 3-4 gün ərzində buraxırlar, bu da “qaş düzəltmək əvəzinə vurub göz çıxarmaq” deməkdir. Həm də bildirirlər ki, problem tək bu ilin deyil, əvvəlki illərdə də eyni çətinliklə qarşılaşırlar. Lazımi qədər su tapmadıqları üçün təsərrüfatları məhv olur, məhsulları batır. Hara müraciət etsələr də, nəticə əldə edə bilməyiblər. Yayın istisində 650-yə yaxın təsərrüfatları susuz qoyublar, qışda su bol olanda isə sel ağzına veriblər. Təsərrüfatlara dəyən ziyanı hökumət ödəmir.
Fermerlər bildirirlər ki, sözügedən əraziyə su Cəlilabad rayonunun Göytəpəçay çayı üzərindəki Ağdaş Su Anbarından gəlir. Ona görə də xahiş edirlər ki, ərazinin suvarma suyuna olan tələbatının ödənilməsi üçün Viləşçay Su Anbarının ehtiyatlarından da istifadə olunsun: “Ağdaş Su Anbarının vəzifəli şəxslərinə müraciət etmişik. Deyiblər ki, sizin kənd Masallının inzibati ərazisinə aiddir. Bizim anbarın suyu heç Cəlilabad sakinlərinə çatmır. Gedin öz anbarınızdan alın, onun suyu bizimkindən də çoxdur”.
Təklə kənd üzrə ərazi inzibati dairə nümayəndəsi də problemin çoxdan mövcudluğunu təsdiqləyib və səbəbini Ağdaş bəndinin normal idarə olunmaması ilə əlaqələndirib.
Məsələ ilə əlaqədar jurnalistlərin suallarını cavablandıran Viləşçay Su Anbarının müdiri Rusif Kərimov bildirib ki, Təklə İƏD-nə aid olan Təklə, Sığıncaq və yaxın ətraf kəndlərin suvarma suyuna olan tələbatının Viləş çayı ilə heç bir əlaqəsi yoxdur. Viləşçay Su Anbarından bura su verilməsi imkanı Anbarın I növbəsinin tikintisində nəzərdə tutulmayıb. Yalnız layihəsi hazır olan II növbənin yaxın illərdə tikintisindən sonra hazırki 10 min hektar əvəzinə 18 min hektar əkin sahəsini suvarma suyu ilə təmin etmək mümkün olacaq, eyni zamanda içməli su problemi aradan qaldırılacaq. Masallı rayonunun 50-dən yuxarı kəndində əhali içməli suyu pulla alır, sisternli maşınlarla daşıtdırır. 4 milyon kub/metrlik həcmdə su tutumuna malik Ağdaş Su Anbarında isə yaya aylarınıən quraqlıq keçməsi ilə əlaqədar indi cəmi 300-400 kub/metr həcmdə su var.
Rusif Kərimov həmçinin Viləşçay Su Anbarından balıq vətəgələrinə su buraxılması barədə dolaşan iddiaları da təkzib edib: “Anbarda balıq olar da. Ola bilsin, Anbarın öz işçiləri xırda çay balıqlarını tutsunlar.
Xatırldaq ki, Viləşçay Su Anbarının həcmi 46,0 milyon kub/metrdir və məcra tipli olmaqla bol suludur. Hazırda Anbarda 26,0 milyon kub/metr həcmdə su vardır.
Nyus.Az
Xatırladaq ki, bu ilin fevral ayında saytımızda “Elşad Həsənov Yasamalı səhraya çevirir” başlıqlı məqalə dərc etmişdik. Məqalədə Elşad Həsənovun “xeyir-duası” ilə A.M.Şərifzadə 144 ünvanında “Qəbələ Residence” yaşayış massivinin sol tərəfində ağacların kəsilərək yerində tikinti aparılmasından, Yasamalın icra başçısının yaşıllıqların məhv edilməsinə şərait yaratmasından bəhs edilirdi. DİA.AZ bildirir ki, ümumiyyətlə, son zamanlar Yasamal rayonu ərazısındə obyektlərdən qanunsuz olaraq pul tələb edilməsi halları çoxaldığından vətəndaşların şikayətləri də artmaqdadır.
Redaksiyamıza müraciət edən Bakı şəhəri Nəsimi rayonu, Azadlıq prospekti ev 70 mənzil 12-də yaşayan Hümmətov İlham Heybət oğlu da Yasamal rayon İcra Hakimiyyətindən şikayətçidir. Vətəndaş iddia edir ki, 18.09.2023-cü il tarixdə saat 15:00 radələrində İH-nin Rayon təsərrüfatı şöbəsinin Baş məsləhətçisi Əsgərov Ümid Elxan oğlu özü ilə gətirdiyi işçilərlə birlikdə onun ailəsinə məxsus və bütün sənədləri qaydasında olan A.M.Şərifzadə 140a ünvanında yerləşən “Kanon” Aptekin pilləkənlərini zorla sökmüşdür. Vətəndaşın dediyinə görə Ümid icra başçısı Elşad Həsənovun tapşırığını yerinə yetirdiyini və ona çatacaq məbləği verməsələr göstərişi icra edəcəyini israr edibdi. Ona mane olmağa çalışan qadınları təhqir etməkdən belə çəkinməyən Ü.Əsgərov apteki işlədən Səidə Ağamirzadəyə xəsarət belə yetirilməsinə bais olubdu. Dövlət başçısının sahibkarlara dəstək verdiyi, şərait yaratdığı indiki zamanda Elşad Həsənov kimi məmurların belə süni maneçilik törətmələri yəqin ki, cəzasız qalmayacaqdır.
Mövzuya qayıdacağıq və yazıda adları keçən şəxsləri də dinləməyə hazırıq.
Dünən Azərbaycanın görkəmli şərqşünas alimi, ədəbiyyatşünas, tənqidçi, tərcüməçi, filologiya elmləri doktoru Aida Nəsir qızı İmanquliyevanın anım günü idi. 1992-ci il sentyabrın 19-da vaxtsız vəfat etmiş professor Aida İmanquliyevanın işıqlı xatirəsi hər il olduğu kimi bu il də ailə üzvləri, elmi ictimaiyyət tərəfindən yad edildi. Yəqin ki, görkəmli alimin vaxtilə qızıl medalla bitirmiş olduğu Bakı şəhər 132 saylı orta məktəbin kollektivində də bu günü unutmadılar…
Xatırladaq ki, paytaxtın Səbail rayonundakı 132 və 134 saylı məktəblər 2010-cu ildə sökülərək yenidən inşa olunublar. Məhz bundan sonra Təhsil Nazirliyi bu iki orta təhsil müəssisəsini birləşdirərək 132-134 saylı Təhsil Kompleksinin yaradılması barədə qərar qəbul etdi. Əslində böyük əksəriyyət yeni yaradılmış kompleksə məhz 132 saylı məktəbin direktoru Aliyə xanım Təhmasibin rəhbərlik edəcəyini gözləyirdilər. Hətta 132 saylı məktəbin açılışında şəxsən iştirak etmiş ölkə prezidenti cənab İlham Əliyev də həmin tədbirdə Aliyə Təhmasibin əməyini xüsusi vurğulamış və ona fəxri ad verilməsi haqqında fərman imzalamışdı. Lakin bu önəmli hadisədən bir gün sonra Aliyə xanım işdən çıxarılaraq, yerinə əvvəllər Səbail rayon Təhsil Şöbəsinin müdiri vəzifəsində və Təhsil Nazirliyinin Monitorinq və Qiymətləndirmə İdarəsində çalışmış Sara Xanlarova təyin olundu. Məhz bundan narazı qalan bir çox valideynlər Aliyə Təhmasibin öz vəzifəsinə bərpasını tələb edirdilər. Lakin o vaxt da TN-nin yarıtmaz kadr siyasəti həm şagirdlərin, həm valideynlərin, həm də ümumilikdə təhsil sisteminin mənafeylərini üstələdi. Sara Xanlarova yeni təhsil kompleksinin direktoru vəzifəsində qaldı. Bu gün isə, 132-134 saylı təhsil kompleksində baş alıb gedən korrupsiya halları valideynlərin əsl baş ağrısına çevrilib.
Budur, 2023/2024-cü tədris ili başladı. Artıq elə ilk gündən, ilk saatlardan məktəblərdən həyəcanlı siqnallar gəlməyə başlayıb. Bildirilir ki, Bakıdakı 132-134 saylı Təhsil Kompleksində elə ilk dərs günündən Valideyn Komitəsi hərəkətə keçərək, yaxın vaxtdan etibarən şagirdbaşına yığılacaq pullardan söz salıb və həmçinin, 5 Oktyabr – “Müəllim Günü”nə hazırlıq görülməsi tapşırılıb.
…İndi isə qayıdaq məqalənin giriş hissəsində qeyd etdiyimiz mövzuya. Rəhmətlik Aida xanım İmanquliyeva 134 saylı deyil, 132 saylı orta məktəbin məzunu olub. 134 saylı məktəbin direktoru olmuş Sara Xanlarova 132 saylı məktəbi necə deyərlər, “yoğurub-yapmadan, hazırca kökə kimi” tapıb. Bununla belə, 132 saylı məktəbdə formalaşmış gözəl ənənələri də öz adına çıxır. Bu ənənələrdən biri də Aida İmanquliyevanın xatirəsi ilə bağlı olanlardır. 2016-cı ildə təhsil kompleksində “Unudulmaz məzun Aida İmanquliyeva” adlı kitabın təqdimatı keçiriləndə müəlliflər “Respublika” qəzetinin müxbiri Gülşən Hüseynova və Azərbaycan Dövlət İnformasiya Agentliyinin (AZƏRTAC) müxbiri İbrahim Əsədov olsalar da, Sara Xanlarova elan etdi ki, kitabın ideyası ona məxsusdur. Həmçinin qeyd etdi ki, məktəb rəhbərliyi “Məşhur məzunlar” layihəsi üzrə hər il bir tanınmış məzunu barədə kitab hazırlamağı qərara alıb və ən məşhur məzun Aida İmanquliyeva olduğu üçün ilk kitab məhz ona həsr olunub.
Motiv aydındır – Aida İmanquliyevanın övladları Birinci vitse-prezident Mehriban xanım Əliyevanın, akademik Nərgiz xanım Paşayevanın xoşuna gəlmək! Maraqlıdır ki, həmin təqdimata qədər Sara Xanlarova heç vaxt belə bir layihəsinin olduğunun anonsunu verməyib. Yaxşı halda bu layihə onun ağlına kitabla birgə gəlmiş ola bilərdi. Amma dəfələrlə Azərbaycan və SSRİ Ali Sovetinin deputatı seçilmiş rəhmətlik Aliyə xanım Təhmasibin belə ideyası ola bilərdi. Çünki onun özü də motivasiyalı idi – 132 saylı məktəbin məzunu olmuşdu və silsilə kitabların biri də ona həsr olunacaqdı. Bəlkə də ideyasını tabeçiliyində olduğu rayon Təhsil Şöbəsinin müdiri Sara Xanlarova ilə bölüşmüşdü də…
Qarşı tərəfi də dinləməyə hazırıq.
DİA.AZ
“GÜVƏN” su adını dəyişsə də, saxtakarlığını dəyişməyib
Artıq bir neçə illərdir ki, ölkə ərazisində əhalinin ərzaq təhlükəsizliyinin təmin olunması və bu sahədə əmələ gələn hər cür problemlərin aradan qaldırılması, aidiyyatı dövlət qurumlarının qarşısında duran ən vacib vəzifələrdən biri hesab olunur. Bütün bunlara baxmayaraq, bu gün də ölkəmizin iqtisadi həyatında “çapolçuluq”la məşğul olub pul qazanan elə işbazlar var ki, onları xalqın sağlamlıq durumu, yaşadığımız dövlətin gələcək taleyi və s. kimi aktual məsələlər heç bir halda düşündürmür. Onları yalnız bir amal və istək düşündürür, o da hansı yolla olursa-olsun mümkün qədər daha çox var-dövlət əldə etməkdir. Qeyd edək ki, bu cür əməl və amal sahibi olan işbazlar, hər il mövsümə uyğun addımlarını atırlar və belə bir yolla külli miqdarda gəlirlər də əldə edirlər.
Qeyd edək ki, ölkəmizin içməli su sektorunda fəaliyyət göstərən və hal-hazırda bu sahəni bir növ inhisarında saxlayanlardan biri də, «AQUA LUXE» adı altında fəaliyyət göstərən su şirkətidir. Bir müddət bundan əvvəl adının çəkilməsini istəmədiyimiz şəxs tərəfindən deryaz.az saytının redaksiyasına, ölkə əhalisinin müəyyən hissəsinin «AQUA LUXE» suyu ilə təmin olunmasında canfəşanlıq göstərən şəxslərin qol qoyduqları əməllərlə bağlı xeyli məlumatlar çatdırılmışdı. Məlumatlarda qeyd olunurdu ki, belə bir ad altında su satışı ilə məşğul olan müəssisənin hansı hüquqi ünvanda fəaliyyət göstərməsi haqda tam əksəriyyət məlumatsızdır. Məlumatı olanlar yalnız onu bilirlər ki, «AQUA LUXE» suyunun qablaşdırılması işləri Abşeron rayonu, Xırdalan şəhəri ərazisində həyata keçirilir. Əldə etdiyimiz son məlumatlara görə isə, bu şirkət fəaliyyətini müvəqqəti dayandırmış və hal-hazırda «AQUA LUXE» su şirkəti “GÜVƏN” adı altında fəaliyyət göstərməyə başlayıb. Məsələnin maraqlı və düşündürücü tərəfi odur ki, 19 litrlik bidon qablarda satışı həyata keçirilən “GÜVƏN” suyuna aid rekzivitdə, bu şirkətə aid ünvan da Abşeron rayonu, Xırdalan şəhəri ərazisi göstərilir. O halda sual oluna bilər ki, bu nə deməkdir və belə də ünvanmı olar? Digər tərəfdən, «AQUA LUXE» su şirkətinə aid mobil telefon nömrələri “GÜVƏN” adı altında satışa çıxarılan 19 litrlik su qablarının üzərində də qeyd olunur. Bu da onu ehtimal etməyə əsas verir ki, vaxtilə «AQUA LUXE» su şirkətinə rəhbərlik edən şəxslər, bu gün növbəti qanunsuzluq və fırıldaq əməllərini “GÜVƏN” adı altında həyata keçirməkdədirlər.
Onu da bildirək ki, redaksiyamıza «AQUA LUXE» su şirkətinin qanunsuzluğa söykənən fəaliyyəti ilə bağlı silsilə məlumatlar daxil olduqdan sonra, bu ilin iyul ayında həmin məlumatların araşdırılması məqsədilə Qida Təhlükəsizliyi Agentliyinə və İqtisadiyyat Nazirliyi yanında Dövlət Vergi Xidmətinə rəsmi qaydada məktubla müraciətlər etdik. Təəccüb doğuran hal odur ki, ünvanladığımız məktubda «AQUA LUXE» su şirkətinin fəaliyyətinin yoxlanması və aparılmış yoxlamaların nəticəsi ilə bağlı redaksiyamıza rəsmi cavab məktubunun verilməsini xahiş etsək də, Dövlət Vergi Xidmətinin 2 saylı Ərazi Vergilər Baş İdarəsinin əməkdaşları yoxlama işlərini Abşeron rayonu, Xırdalan şəhəri, Quşçuluq yaşayış massivi ünvanında yerləşən “Su satışı” adlı təsərrüfat subyektində həyata keçirirlər. 16 avqust 2023-cü il tarixdə isə, redaksiyamıza 2 saylı Ərazi Vergilər Baş idarənin rəis müavini, vergi xidməti mşaviri cənab Anar Qurbanovun imzası ilə təsdiq olunmuş cavab məktubu verilib. Məktubda yazılıb ki, “Qeyd etdiyiniz faktlar vergi orqanı tərəfindən nəzarətə götürülmüş və vergi nəzarəti tədbirləri zamanı hər hansı qanun pozuntusu faktı aşkar edildiyi təqdirdə, qanunvericilikdə nəzərdə tutulmuş qaydada tədbirlər görüləcəkdir”. Bu cür yanaşmanın varlığı, əslində gülünc hissi doğurur. Bütün bunlar azmış kimi cavab məktubunda o da qeyd olunub ki, “Araşdırmada iştirakınızın təmin edilməsi məqsədilə sizə dəvət məktubu göndərilmiş, lakin gəlmədiyinizə görə araşdırma iştirakınız olmadan aparılmışdır”. Bir sözlə, bu cür cavablar tamamilə ağyalan olmaqla bərabər, heç də həqiqəti əks etdirmir.
Digər tərəfdən, əgər «AQUA LUXE» su şirkətində istehsalçı Həsənov Rüfət Nazim oğlunun, sifarişçi Quliyev Məhəmməd Ələkbər oğlunun adları yazılırdısa, Vergilər İdarəsi yoxlamanı «Sultan» şirkətində aparmış və ikinci saxta şirkət olan “GÜVƏN” suyunda isə istehsalçı Kərimov Sultan Elxan oğlunun, sifarişçi Quliyeva Fatma Mahir qızının adları yazılıb. Bu da “GÜVƏN” suyuna aid müəssisədə sənədləşmə işlərinin qanunamüvafiq qaydada olması və qol qoyulan digər qanunsuzluq haqda baş qaldıran şübhələri daha da artırır.
Sual onuna bilər ki, nəyə görə “GÜVƏN” suyunun satışı ilə məşğul olan müəssisənin hüquqi ünvanı ictimaiyyətdən gizlədilir, yaxud da bu müəssisəyə aid insağram səhifəsində yayımlanan reklamda dəqiq ünvan göstərilmir? Kim, yaxud da hansısa dövlət qurumunun səlahiyyətli şəxs(lər)i təminat verə bilərlər ki, bu müəssisədə sular lazımi şəraitdə, tələb olunan dərman preparatlarından istifadə olunmaqla, həmçinin gigiyenik qaydalara tam şəkildə əməl olunmaqla qablaşdırılır? Bundan əlavə, “GÜVƏN” suyunun satışı ilə məşğul olan müəssisədə suyun tərkibi azonlaşdırılırmı, müəssisəyə aid dolum aparatı varmı, qablaşdırma prosesi zamanı suyun dezinfeksiyası həyata keçirilirmi? Bu müəssisədə istifadə olunan qablar hansı sexdən alınır və “GÜVƏN” su ilə həmin sex arasında hansısa müqavilə sənədi varmı? Yaxud da, alınan su qablarına dair sertifikat varmı? Ən əsası, istifadə olunan suyun mənbəyi məlum deyil. Söz yox ki, bütün bunların hər biri ortaya düşündürücü sualların çıxmasına səbəb olur.
Ümumiyyətlə, baş verənləri təhlil edib belə qənaətə gəlmək olar ki, “GÜVƏN” suyunun satışı ilə məşğul olan həmin müəssisə, bu gün də istehlakçılara “badalaq” gəlməklə məşğul olur. Çünki, yuxarıda qeyd etdiyimiz faktların hər biri ciddi qanun pozuntularının varlığından xəbər verir. Ona görə də ümidvarıq ki, Dövlət Vergi Xidməti, Qida Təhlükəsizliyi Agentliyi və digər dövlət qurumları, bu gün də istehlakçıları aldadan və “GÜVƏN” suyunun satışı ilə məşğul olan həmin müəssisədə lazımi araşdırmalar aparacaq, həmçinin qol qoyulan hər cür qanunsuzluqların qarşısının alınması yöndə əməli addımlarını da atacaqlar. Yəqin ki, o halda istehlakçıları “GÜVƏN” suyu adı altında aldadan həmin müəssisənin “çirkli biznes”inə birdəfəlik son qoyulacaq. Qarşı tərəfin də mövqeyini dinləyə bilərik.
P.S.Biz də redaksiya olaraq «AQUA LUXE» su şirkətinə məxsus olan su qablarının üzərində qeyd olunan nömrəyə zəng edib istehsalçı Məhəmməd bəyə zəng edib fəaliyyətləri ilə maraqlandıq. O, bildirdi ki, biz artıq fəaliyyət göstərmirik, su satışı ilə də məşğul deyilik. Sabahı gün eyni nömrəyə müştəri qismində zəng edib su lazım olduğunu dedik. Məmnuyyətlə deyib suyu hansı ünvana çatdırılmasını soruşdular. Görünür, Məhəmməd bəyin dediyi yalandır. Dəyişən ancaq etiket olub
Mövzu diqqətimizdədir.
Deryaz.az
DogruXeber.az: - 201 №-li orta məktəbin direktoru Əliyeva Afaq Asif qızı barəsində Hurriyyet.az saytının redaksiyasına şikayət məktubu daxil olub. Övladı həmin təhsil ocağında oxuyan şikayətçi Məmmədova Miranə Gəray qızı iddia edir ki, bu məktəbdə özbaşınalıq hökm sürür.
“Mən, Məmmədova Miranə Gəray qızı, sizdən xahiş edirəm ki, 210 nömrəli məktəbdə olan problemləri işıqlandırasınız.
Belə ki, məktəbdə direktor tərəfindən tapşırılmış uşaqlara qiymət yazılır. Yəni, bir dəfə də olsun məktəbə gəlməyən şagirdlərə müəllimlər tərəfindən məcburi qiymət yazdırır. Bir valideyn kimi mənə çox maraqlıdır, hansı maraqlara görə direktor bu qədər əziyyət çəkir?
Əlimizdə olan məlumata görə, direktor bu cür qanunsuz əməllərinə etiraz edən müavinini işdən çıxarmaq üçün ona töhmət verib. Direktor əlindən gələni edir ki, öz oyunları açılmasın.
Mən bilirəm ki, belə direktorlar çox təəssüf, az deyil. Bəs, Təhsil Nazirliyi hara baxır?! Şikayət edirik, “önəmsizdir” deyib dəstəyi üstünə qoyurlar. Belə iş olar, nəyə görə uşaqlar arasında ayrı-seçkilik yaradırlar?!
Afaq Əliyeva
Hörmətli redaksiya, xahiş edirəm, mənim səsimi yuxarılara çatdırın. Direktorun gəlməyən uşaqlara qiymət yazdırdığı haqda videonu da yazıya əlavə etməyinizi xahiş edirəm”.
DİA.AZ: - "Azəriqaz"ın işçilərinin belə bir həssas dönəmdə Qarabağda savaşan döyüşçülərimizdən birinin evinin qazının kəsdiyi iddia olunur. DİA.AZ bildirir ki, bu barədə Aytən Nur adlı istifadəçi iddia ilə çıxış edib.
A.Nur yazır:
"Hal-hazırda döyüşdə olan hərbçinin evinə gəlib "borcun var" deyib qaza blom qoyub gedən "Azəriqaz"ın nümayəndəsinə demək istəyirəm ki, şərəfli olmaq üçün insan olmaq lazımdır. Tək az yaşlı körpəsi olan gənc anaya bu edilməz..
Sənə deyir bu gün borcum nədir ödəyəcəm yoldaşım döyüşdədir.
Adamın düşməni də gərək şərəfli ola..."
İddia olunanlarla bağlı dia.az olaraq əlaqədar qurum və şəxsləri də dinləməyə hazırıq...
Kəlbəcər rayonunun Bağlıpəyə kəndinin keçmiş icra nümayəndəsi Qədir İsmayılov Kəlbəcər Rayon İcra Hakimiyyətini məhkəməyə verib.
Teref.az Qaynarinfo-ya istinadla xəbər verir ki, onun iddiası Gəncə İnzibati Məhkəməsinin hakimi Firkət Hüseynovun icraatındadır. Qədir İsmayılov işə bərpa olunmasını tələb edir.
Qaynarinfo məsələnin təfərrüatlarını öyrənmək üçün keçmiş icra nümayəndəsi ilə əlaqə saxlayıb. Qədir İsmayılov bizimlə söhbətində bildirib ki, avqustun 23-də işdən çıxarılıb.
"Məni gecə növbətçi yazmışdılar. Vaxtında çata bilməmişdim. İcra başçısı bunu əsas gətirib işdən çıxarıblar”, deyə keçmiş icra nümayəndəsi əlavə edib.
Ətraflı
O, icra başçısının bu qərarını ədalətsiz hesab edir: "Mən həmin olaya qədər işimdə nöqsana yol verməmiş. Bu birinci hal idi. Xəbərdarlıq edilə, töhmət verilə bilərdi. Amma dərhal işdən çıxarıblar”.
Qədir İsmayılov icra başçısının ona qarşı bu sayaq münasibətinin səbəbini anlamadığını deyib. "Bilmirəm nə üçün belə edib. Ona görə də məhkəməyə müraciət etmişəm”, deyə keçmiş icra nümayəndəsi bildirib.
Kəlbəcər Rayon İcra Hakimiyyətinin başçısı Azər Qocayevdir. O, 2020-ci ildən bu vəzifədədir.
Əslində Azərbaycanda fəaliyyət göstərən icra başçıları bir dərddir, bir "alov"dur ki, bu "loo"a giriftar olmayan qalmış olmaz.
Məsələn, Sabirabadın Qalağayın kəndinin sakini, 8 medallı qazi Elvin Cəfərov özünü Sabirabad Rayonu İcra Hakimiyyətinin, başçı Siraqəddin Cabbarovun iqamətgahının qarşısında od vurub yandırdı, başçı neynədi-nağayırdı, bilmirəm, heç kim onun "gül" üzünə "püff" demədi. Elvin də unudulub getdi.
Qarabağ qazisi, 36 yaşlı Maşallah Manafov da məhz o binanı tərk etdikdən sonra gəlib özünü yaşadığı evin həyətində asaraq intihar etdi.
Yəni, siz mənə elə bir rayon göstərin ki, o rayonda bu tip hadisələr olmamış olsun. Səbəbkarlar da məlum, səbəblər də aşikar... Özbaşnalıq, qanunları çeynəmək, təəbəlikdəki insanları adam yerinə qoymamaq...
Gədəbəy Rayon İcra Hakimiyyətinin başçısı Orxan Mürsəlov Söyüdlü kəndi ərazisində yeni süni gölün tikintisinə etiraz edən sakinlərlə görüşməsini də yəqin ki, unutmamısınız, təfərrüatı yazmıram, yadınızdadır. Əhalini ələ salmaqdan çəkinməyən Mürsəlov anlamaqda çətinlik çəkdi ki, onun sayəsində Söyüdlü camaatının üst-üstə qalaqlanmış, həll edilməmiş problemləri dövlətlə xalqın arasında bir uçurum yaratdı.
2 gün əvvəl Gəndob-Xaçmaz-Yalama-Rusiya Federasiyası ilə dövlət sərhədi avtomobil yolunun 27-ci km-də, Qudyalçay üzərində yerləşən respublika əhəmiyyətli körpü uçanda da Xaçmazın 43 yaşlı icra başçısı Elnur Rzayevdən əhaliyə qarşı eyni aşağılayıcı münasibəti gördük. Təsəvvür edin, 97 min sakinin körpüsü uçub, icra başçısı bundan təsirlənmək, kədərlənmək əvəzinə "hər şey öz yerindədir” deyə, gülə-gülə doladığı adamlara bir "italyanski" “çao” deyib oradan uzaqlaşır. Görəsən avqustun əvvəlində özünə aldığı 450 min manatlıq bahalı avtomobil də o körpüdən dərəyə aşsaydı, Rzayevin qol-qabırğası sınsaydı yenəmi belə gülüb, "çau" deyərdi?
Nə bilim Vallah, deyəsən hökümətimiz kimi, Allahımız da xalqı ələ salanlara artıqlaması ilə humanizm göstərir....
Əntiqə Rəşid Aslan
Teref.az
Biz bir media olaraq dövlət, millət marağı kəsb etməyən, yəni prinsipial olmayan məsələdə güzəştə gedə bilərik.
Ancaq dəfələrlə bəyan etdiyimiz kimi millətin talehi, gələcəyi ilə qumar oynayanlara, alver edənlərə qarşı heç vaxt mövqeyimizdən geri çəkilən deyilik. Ona görə də əxlaqsızlıq yuvalarına, narkotacirlərə və digər anti-milli fəaliyyət sahələrinə qarşı həmişə barışmaz mövqedəyik. Bu bizim neçə ildir dəyişməyən fəaliyyət proqramımızdır. Kimlərsə bizi qınaya da, ittiham da edə bilər, bizə təhdid-hədə-qorxu gələnlər də ola bilər və var...amma biz onlara qarşı mübarizəmizi dayandıran deyilik. Buna əmin ola bilərsiniz. Açığını deyək ki, Elgiz kimilər bizim üçün bir mübarizə predmeti deyil, əsas məsələ onların millətin gələcəyini məhv etməsidir...
Axı, bu gün müstəqil, milli dövlətimiz var, onun dövlət qurumları var, hüquq-mühafizə orqanları var, Səhiyyə Nazirliyi var, TƏBİB-i var, Korrupsiyaya qarşı Mübarizə İdarəsi var və s. Bütün bunların olduğu halda Elgiz kimdir ki, dövlətə buynuz göstərir, dövlətə meydan oxuyur, başına minlərlə narkomanı yığaraq, az qala dövlətin içində dövlət yaradıb... Yəqin ki, diqqətli oxucularımız söhbətin “Həyat üçün Şans” Reabilitasiya Mərkəzinın təsisçisi və sahibi Elgiz Şirinovdan getdiyini bildilər.
Qısa xatırlatma üçün qeyd edək ki, Elgiz Şirinov və arvadı narkotik asılılığı olanları müalicə etmək adı altında ağır cinayət əməlləri ilə məşğul olurlar. Elgiz Şirinov kişiləri, arvadı isə xanımları guya müalicə edirlər. Əslində isə vəziyət tam başqadır. Elgiz Şirinov başına 2500 narkomanı toplayıb, özünü muzdlu dəstənin başçısı kimi aparır. Elgiz Şirinov ölkədə tanınan, nüfuzlu və imkanlı şəxslərin uşaqlarının siyahısını tutub, onları tora salmağın, mala otuzdurmağın, valideynlərindən külli miqdarda pul almağın planlarını cızıb və tapıb... Elgiz Şirinovun arvadı isə Abşeronda Reabilitasiya Mərkəzi yaradıb və imkanlı, vəzifəli şəxslərin qız-gəlinlərini orada, guya, müalicə edir...
Təsəvvür edirsiniz vaxtilə dost-tanışdan 5 manat pul dilənən bu dilənçi ər-arvad indi milyonlara sahibdirlər, narkotiklərin hesabına Yasamal rayonu, Nazim Hikmət küçəsindəki evini 100 min manata təmir etdirib, 200 min manata maşın alıb, 1 milyona bağ evi axtarır və s. Yəni Elgiz və arvadı 5-10 qram narkotik satan xırda alverçi deyillər, bunlar gündə bəlkə neçə kiloqram narkotik vasitələri, narkomanlara verməklə öz işlərini bitmiş hesab edirlər. Ona görə də tam məsuliyyətlə deyirik ki, Elgiz Şirinov və onun dəstəsi həbs olunarsa, ölkədəki iri narkoticarət, narkotacirlər müflis olacaq.
Bütün bunlar azmış kimi Elgiz Şirinov Reablitasiya Mərkəzində özü üçün şəxsi həbsxana, kars, cəza dəstəsi, əməliyyat qrupu yaradıb. İstədiyi pasiyenti döymək, cəza vermək, asmaq, suda boğmaq burada adi hal alıb. Kimsə sifariş verirsə, Elgiz Şirinovun əməliyyat qrupu gedib həmin şəxsi zorla özünün düzəltdiyi “polis maşınına” soxub Reabilitasiya Mərkəzinə gətirir. Bəli, Elgiz Şirinovun özünə məxsus “polis maşını” da var. Yəni bu adam açıq-aşkar dövlətə meydan oxuyur. Hazırda bu cinayətkar dəstə ilə bağlı Abşeron Polis İdarəsində təhqiqar, istintaq getdiyi üçün biz bəzi məsələlərə toxunmaq istəmirik. Amma bir neçə vacib məsələni xüsusi olaraq vurğulamaq istəyirik. Elgiz hər yerdə deyirdi ki, polislərə aylıq haqq verirəm.
Bu məsələ ciddi araşdırılmalıdır. Digər vacib məqam odur ki, heç bir tibbi təhsili olmayan bu ər-arvada lisenziyanı kim verib..? Əgər varsa, görəsən TƏBİB-in rəhbərliyi bu boyda cinayət əməllərini görmür..?
Bu istiqamətdə araşdırmamız davam edir. Bizi izləyin. Və Elgizin əməllərindən zərərçəkənlərə deyrik ki, gecikmədən Abşeron polisinə müraciət edin.
P.S. Həə Elgiz Şirinov, məsələnin üstü açılır. Deyəsən az müddət öncə, ört-basdır etdiyin cinayət işi Apellyasiya Məhkəməsində daha dərindən araşdırılacaq. Çox güman ki, dəmir barmaqlıqlar arasına vaxtından əvvəl düşəcəksən.
gundelik baki.com
İddia olunanlarla bağlı qarşı tərəfin mövqeyini dərc edə bilərik!
Biz bir media olaraq dəfələrlə yazmışıq ki, idarəetmədə paralellik cəmiyyətdə ciddi problemlər yaradır. Lap loru dildə desək, vətəndaşlar düşünür ki, Səhiyyə Nazirliyi varsa, Tibbi Ərazi Bölmələrini İdarəetmə Birliyi ( TƏBİB ) nədir, yaxud əksinə...? Və beləcə vətəndaşlar bu iki qurum arasında qalırlar. Yüzlərlə şikayətçi tanıyırıq ki, deyir TƏBİB-ə gedirəm, deyir bizlik deyil, Səhiyyə Nazirliyinə müraciət edin, yaxud əksinə, Səhiyyə Nazirliyinə gedirəm, deyir TƏBİB-ə müraciət edin... Bax, beləcə ölkə vətəndaşları obrazlı desək, ŞAP-la ŞUP-un arasında qalır... Bir neçə ildir yaradılmasına baxmayaraq TƏBİB və onun rəhbərliyi Azərbaycan səhiyyəsini bir neçə ildə az qala 100 il geri atıblar.
Təsəvvür edirsiniz, bu gün hansı xəstəxananın hansı quruma, Səhiyyə Nazirliyinə, yoxsa TƏBİB-ə tabe olmasını müəyyən etmək üçün 1 saat axtarış etməlisən. Bu hələ azmış kimi TƏBİB ona aid olan xəstəxanaları birləşdirib Allah qoymasa hüquqi şəxs - Tibbi Mərkəzlər yaradıb.
Sözün qısası, İcbari Tibbi Sığorta üzrə Dövlət Agentliyi ( sədr Zaur Əliyev ) və onun tabeçiliyindəki TƏBİB ( icraçı direktor Vüqar Qurbanov ) ölkə səhiyyəsini öz şəxsi bizneslərinə çeviriblər.
Deməli, təcrübəli, savadlı kadrlar vəzifəsindən uzaqlaşdırılır, ancaq dost-tanış, qohum-əqrəba vəzifələrə gətirilir. Ən başlıcası isə Vüqar Qurbanovların istədikləri bir əldə cəmləşir. İndi konkret olaraq TƏBİB-in bəzi rüşvət və korrupsiya “proje”lərindən bəhs edəcəyik. Konkretlik üçün qeyd edək ki, dünyada 1000 doğulmuş uşaqdan 19-24-ü lal, kar olur. Azərbaycanda isə yaxın qohumların nigahı daha çox olduğuna görə, fiziki qüsurlu uşaqların doğulması faizi daha yüksəkdir. Bu uşaqlar adətən eşitmə cihazı taxır ki, onlar əlil qalmasın. Bu proses Azərbaycanda 2010-cu ildən tətbiq olunmağa başlayıb. Əvvəllər ildə 200 nəfər əməliyyat olunsa da, artıq belə bir limit yoxdur. Dövlətimiz vətəndaşlar üçün hər şey edir. Amma bəzi məmurlar öz şəxsi maraqları üçün bundan da milyonlarla qazanc götürürlər. Araşdırmalar nəticəsində məlum olub ki, bu cihazları ölkəyə gətirən TƏBİB-in direktoru Vüqar Qurbanova məxsus olan “Kochlear” şirkətidir. Bizdə olan məlumata görə, bu cür əməliyyatlar ən çox “Lor hospital”da həyata keçirilir ki, buranın sahibi də bəllidir. İcraçı direktoru Vüqar Qurbanovun yaxın dostu Hansiyar Babayevdir.
Qeyd edək ki, bu cihazlar Azərbaycanda dünyadakından tam 3 dəfə baha satılır. Vüqar Qurbanov bu limitin ləğvini TƏBİB-in direktoru olduqdan sonra etdi. Və bu yolla milyonlar qazanırlar. Guya bu boyda əməllərdən İcbari Tibbi Sıgorta üzrə Dövlət Agentliyinin sədri cənab Zaur Əliyevin xəbəri yoxdur..? Xəbəri var, özü də əla. İnsanların səhhəti üzərində şərikli biznes qurublar.
Təsəvvür edirsiniz, fiziki qüsurlu, lal-kar uşaqların üzərində biznes qurub milyonlar qazanmaq…Üstəlik bu cihazlar dünyadakı qiymətlərdən 3 dəfə baha… Bunlar başa düşmür ki, başqasının bədbəxtliyi üzərində qurulan nə varsa bir gün sahibinin başına uçacaq… Cənab Prezidentimiz əbəs yerə demir ki, xalqdan qorxmursunuz, barı Allahdan qorxun… Vüqar Qurbanovun tenderləri öz yaxınlarına satması və s barədə mediada çox yazıldığı üçün təkrar yazmırıq.
Bəli, TƏBİB rəhbəri Vüqar Qurbanov tender məsələlərində istəyinə nail olması üçün bütün var gücü ilə Yeni Klinikaya öz adamlarını yerləşdirməyə calışırdı və buna da nail oldu. Hazırda İTS-in tenderlərinin ən böyük qaliblərindən biri “Vitta” şirkətidir. Belə ki, bu şirkət ümumi məbləği 2 milyon manat dəyərindən artıq olan Endoskopik dəst tenderinin qalibi olub. Bəs bu şirkət kimindir və Yeni Klinika ilə bu tenderin hansı əlaqəsi var? Kiçik araşdlrmadan sonra məlum olur ki, tenderin qalibi elan edilmiş “Vitta” şirkəti Yeni Klinikanın direktor müavini İlqar Mustafayevin atası Valeh Mustafayevə məxsusdur. Bəs Yeni Klinika direktorunun İnzibati məsələlər üzrə müavini İlqar Mustafayev kimdir, harada təhsil alıb, hansı peşənin sahibidir? Nə qədər araşdırma aparsaq da, İlqar Mustafayevin rəsmi təhsili barədə heç bir məlumat əldə edə bilmədik. Bircə onu öyrənə bildik ki, İlqar Mustafayev bir müddət Ramiz Mehdiyevin kürəkəni İlham Əliyevə məxsus “Astoria” klinikasında çalışıb. İlqar Mustafayev “Astoria” klinikasında işləyərkən Ramiz Mehdiyevin kürəkəni İlham Əliyevə külli miqdarda “pul atdığından” yanından uzaqlaşdırıb. Amma vəzifə pillələrində sürətlə irəlliləyən Mustafayevlərə bu dəfə İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev yaxından köməklik göstərib.
Onu da bildirək ki, Zaur Əliyevlə İlqar Mustafayevin qardaşı, Müdafiə Sənayesi nazirinin müavini Vüqar Mustafayev yaxın dostdurlar. Odur ki, aradan qısa bir müddət keçmir ki, İlqar Mustafayev Zaur Əliyevin dəstəyi ilə Milli Hematologiya Mərkəzinin İnzibati İşlər üzrə direktor müavini təyin edilib. Hematologiya Mərkəzi Səhiyyə Nazirliyinin tabeçiliyinə verildiyinə görə, İlqar Mustafayev 2022-ci ilin dekabr ayının 28-i tələsik şəkildə “Yeni Klinika” Publik Şəxsin direktor müavini təyin edilir. Belə təcili qərar üçün səbəb nə idi? Yeganə səbəb o idi ki, həmin zaman Yeni Klinikanın böyük tenderləri var idi. Beləliklə İlqar Mustafayevin orada olması şərt idi ki, atasına məxsus “Vitta” şirkəti oradan pay götürsün. Bütün bu məsələlərin hamısını koordinasiya edən isə TƏBİB rəhbəri Vüqar Qurbanov şəxsən özü idi. Mövzuya qayıdacağıq və yazıda adları keçən şəxsləri də dinləməyə hazırıq. REDAKSİYADAN: Daxil olan son məlumata görə, TƏBİB-də kadr dəyişikliyi olub. İnsan Resursları (HR) üzrə tanınmış mütəxəssis Günəş Qədimovanın əmək müqaviləsinə xitam verilib. TƏBİB-in İdarə Heyətinin sədri Vüqar Qurbanovun əmri ilə Emin Xasiyev TƏBİB-in İnsan Resurslarının İdarəedilməsi Departamentinə direktor təyin olunub. Qeyd edək ki, Emin Xasiyev bundan əvvəl Respublika Kliniki Xəstəxanasında rüşvətə görə xaric edilmişdir. //gundelik-baku.com//