Xatılayırsınızsa, bir neçə gün əvvəl Naxçıvan MR Təhsil Nazirliyi müəllim uniformasına keçidlə bağlı təlimat vermiş, müəllimlərin ciddi etirazını görüb geri addım atmışdılar. Biz təbii ki, nazirliyin öz səhvindən geri çəkilməsini müsbət qarşılayır və bunu alqışlayırıq. Amma öz səhvindən geri çəkilərkən də gərək günahı başqasının boynuna atmayasan. Əks halda üzrün qəbahətindən böyük olar.

Təəssüf ki, Naxçıvan MR Təhsil Nazirliyinin bu səhvdən geri dönüşü də qaş düzəldərkən göz çıxarmağa bənzədi. Nazirlik məsələ ilə bağlı yaydığı rəsmi açıqlamada “xan” həzrətlərindən qalma uniformaya keçidlə bağlı heç bir təlimatlarının olmadığını, bunu media orqanlarının uydurduğunu və dezinformasiya kimi yayaraq müəllimlər arasında qəsdən ajiotaj yaratdıqlarını bildirdi. Dolayısıyla bizim bostanımıza da daş atdı. Bəs, əsl həqiqətdə belə bir göstəriş olmuşdumu?

Naxçıvan müəllimlərindən biri Ovqat.com-a ünvanladığı qısa məktubunda bu iddialara cavab verərək yazır:

"Bizim məktəbin direktoru da səhər 5 dəqiqəliyində forma haqda verilmiş qərardan danışdı və biz formada işə gəldik. Bunu inkar etməkmi olar?".

“Canişin” rejiminin də “xan” rejiminin bir başqa tərzdə davamı olduğunu düşündüyümüzdən, təhslükəsizliyini nəzərə alıb adını açıqlamaq istəmədiyimiz bir başqa müəllim Naxçıvan Təhsil Nazirliyinin məktəbliləri pul qarşılığında sınaq imtahanlarına zorla cəlb etdiyindən şikayətlənir. Maraqlıdır ki, Nazirlikdə bu sahəyə baxan adam vaxtilə "Hədəf" kurslarının rəhbəri vəzifəsini icra edib. Məsələyə bu aspektdən yanaşanda nazirlyin məktəblərdə repetitorluğu qadağan etməsinin bir başqa səbəbi ortaya çıxır. Görünən budur; məktəblərdə repetitorluğa ona görə icazə verilmir ki, şagirdlər daha baha qiymətə müxtəlif hazırlıq kurslarına getsinlər.

Redaksiyamıza ünvanlanan şikayət məktubu

"Naxçıvan MR Təhsil nazirliyinin orta məktəblərdə sınaq imtahanı monopoliyası

Bildiyiniz kimi, Naxçıvanda baş verən islahatlardan sonra Naxçıvan MR Təhsil Nazirliyində kadr dəyişiklikləri olub. Bunlardan ən əsası Elxan Nəcəfovdur. Təyinatından əvvəl Elxan Nəcəfov uzun müddət hədəf kurslarında fəaliyyət göstərmişdir. Bununla əlaqədar olaraq, ilk təyinatından sonra Hədəf Kurslarının sınaq imtahanlarını zorla direktorlara tapşıraraq 12 azn-dən sınağa cəlb etməsini tapşırmışdır. Bir çox valideynlərin narazılıqlarına baxmayaraq , yenidən sınaqlara uşaqları cəlb edilmişdir. Özəl kursların sınaq imtahanlarını dövlət məktəblərdə zorla təşkil etmək həqiqətən absurddur. Nazirlik olaraq monitoriq imtahanları təşkil olunmalıdır ki, bu onların bilavəsitə vəzifələridir. Hər özəl kurs sınağını öz kurs binasında keçirməli, hər bir könüllü şagird orada iştirak etməlidir. Bundan əlavə olaraq, Şərur rayon Fizika Riyaziyyat Təmayüllü liseyi , Güvən nəşriyyatın sınağını təşkil edərək, 18 azn dən uşaqları məcbur edib, pulu verməyən şagirdləri dərsdən qovaraq gedib pulu gətirməklərini tələb etmişlər. Sınağın adını isə, həm şagirdlərə həm də valideynlərə zəng edərək “məcburdur” deyərək uşaqları sınağa məcbur cəlb etmişlər. Bununla bağlı bir çox valideynlərin Nazirliyə şikayəti daxil olsa da, buna məhəl qoyulmamışdır. Bu məmurlar kütləvi pul qazanacaq deyə hansısa valdeyin boğazından kəsib bunların cibini doldurmamalıdır. Dövlətə , millətə xidmət etməkdənsə ancaq ciblərini düşünürlər. Belə əməllərin hamısı cənab Prezidentin apardığı siyasətə xələl gətiriləcək əməllərdir. Xahiş edirik bu məsələri ışıqlandlrın ki, belə acgöz məmurlara heç olmasa bir dərs olsun!"
ovqat.com

Bakı şəhər, Əmircan qəsəbə sakini Esmira Kərimova Ə. Qarayev adına 2 saylı Kliniki Uşaq Xəstəxanasından şikayətçidir.
Meydan TV xəbər verir ki, onun sözlərinə görə, yanvarın 8-dən etibarən 4 uşağından 3-ü sarılıq diaqnozu ilə həmin xəstəxananın infeksion xəstəliklər şöbəsinə yerləşdirilib.
Valideyn xəstəxanada xəstələrin analiz nümunə yoxlanışının gecikdirilməsindən, otaqlar və ayaqyolunda natəmiz şəraitdən, normal qidalanma və içməli su yoxluğundan şikayətçidir.
Deyir ki, Suraxanı rayonunda yerləşən 154 və 87 nömrəli tam orta məktəbin bir çox şagirdi eyni diaqnozla adıçəkilən xəstəxanaya yerləşdirilib.
Onun da övladları 154 nömrəli tam orta məktəbin şagirdləridir.
Xəstəxanadan çəkilən şəkildən də görünür ki, bir çarpayıda iki xəstə uşağa sistem köçürülür, birgə saxlanılır.

“Bura ayın 8-də 6-cı sinifdə oxuyan kiçik oğlum Maliklə gəldim. Heç digər uşaqlarımı yoxlamadılar. Özümüz uşaqları yoxladan kimi 11-ci sinifdə oxuyan qızım Fatimə və 9-cu sinifdə oxuyan Əlidə də sarılıq aşkarlandı. Ora gedəndən sonra Əlinin və onların təhsil aldığı məktəb yoldaşlarını gördük, sanki bütün Suraxanı burdadır”, – deyə valideyn qeyd edib.

“Təmizlik yox, qayğı yox, məsuliyyətsizlik hökm sürür”
Onun sözlərinə görə, xəstəxanada vəziyyət acınacaqlıdır:
“Xəstəxana sarılıq, qızılca infeksiyasına yoluxan uşaqlarla doludur. Bu xəstəlik hələ bir rayonda belə artıb. Niyə bunun qarşısı alınmır? Dünən xəstəxanadan çıxdım, çünki evdə 5 yaşlı körpəm qızdırma içindədir. Analizini vermişik, bilmirik onda da sarılıqdır, yoxsa qızılcadır. İnfeksiyanı xəstəxanadan evə mən gətirmişəm, çox güman. Orada uşaqlara özüm baxmışam. Uşaqlar qızdırma içində, halsız vəziyyətdədirlər, baxan yoxdur. Bütün otaqlarda vəziyyət eynidir, şəraitsizlik, uşaqlara baxım yox, təmizlik yox, qayğı yox, məsuliyyətsizlik hökm sürür”.
“3-4 mərtəbəli xəstəxananın ayaqyolusu bərbad vəziyyətdədir. Sabun yoxdur, bir tək spirt var, o da yaramır. O gün bir valideyn səriştəsizliyə görə uşağını buradan məcburi çıxardı. Uşaqlardan qan analizi götürürlər, laboratoriyaya gec çatdırırlar deyə qan laxtalanır. Analizin cavabları gecikir, üstəlik, hər valideyndən də beş manat taksi pulu alırlar ki, qanı analizə göndəririk. Taksi də olsun lap 10 manat. Hara, Gəncəyə yola salırlar? Xəstəxananın özündə və ətrafdakı iri xəstəxanalarda niyə laboratoriya yoxdur? Qızımın əlinin üstünü deşik-deşik edib qan götürüblər, səhərisi deyirlər ki, o qan yararsızdır. Gör, qanı nə qədər saxlayırlar ki, laboratoriyaya çatanda laxtalanır”, – şikayətçi belə deyir.

Şikayətçi xəstəxanda üzləşdiyi vəziyyətdən sarsıntı keçirdiyini deyir:
“Pensilin qabında 14 yaşlı oğlumdan analiz götürüblər. Saat birin yarısı gəlmişəm, hələ analiz stolun üstündədir. Şokdayam. Tibb bacısını çağırıram ki, analiz stolun üstündə nə gəzir, niyə gecikib? Tezdən alınan bu analizi günorta hara göndərəcəksiniz, effekti nə olacaq? Mən bunların yoxlanış və analizinə də inanmıram. Uşağımdan başqa şöbədə qan götürüblər. Deyirəm ki, bunu təkrar niyə etmisiniz? Deyirlər ki, bilmirik. Kim bilsin bəs? Bu qədər özbaşnalıq olar?”.

“Elə bir qabda yemək qoyublar ki, itimin qabı ondan təmizdir”
Esmira Kərimova onu da əlavə edir ki, xüsusi pəhriz şəraitində saxlanılan uşaqlara natəmiz qablarda xəstəxana yeməyi verilir.
O həmçinin deyir ki, nəzarət və xidmət bərbaddır, amma hər kəsdən rüşvət istənilir.
“Dünən bir fakta çox pis olmuşam. Uşaqlar sarılıq xəstəliyindən əziyyət çəkir, yatırlar. Onlar pəhriz xəstələridir. Həkimlər, tibb bacıları yaxşı masa qurub yeyib-içirlər. Tort, yemək-içmək qalığı da masada qalıb. Mənim uşaqlarım yenə böyükdür, deyirəm yatın, baxmayın. Bəs orada körpələr var axı. Onlar görür, nəfsi keçir, istəyir. Boşqablar elə ortalıqda qalıb. Bu gün yenə xəstəxanaya getdim. Uşaqlara guya qarabaşaq veriblər. Elə bir qabda yemək qoyublar ki, itimin qabı ondan təmizdir. Özüm orada olmalıyam ki, nəzarət edim. Deyirəm baxmırsınız, qoyun körpə övladımı da bura gətirim, özüm baxım uşaqlara. Deyirlər, sizə burda qalmaq olmaz, çünki 3 yaşdan sonra uşaqlar tək qalmalıdır. Kimə güvənib körpə uşağımı qoyum orada? Uşaqlardan soruşuram ki, mən gedəndən sonra yoxlanış, baxış oldu sizə? Deyirlər ki, yox”.

“Qoşulan sistemə nəzarət yox idi deyə özüm söndürdüm”
Vətəndaş deyir ki, 2010-cu ildə əsaslı təmir olunan, müasir avadanlıqlarla təchiz olunan və prezidentin də baş çəkdiyi bu xəstəxanada 200 çarpayılıq yataq olsa da, iki uşaq eyni yataqda yatır. Üstəlik, içməli su olmadığından xəstə yaxınları suyu özləri almaq məcburiyyətindədir.
Bir aparatda müxtəlif xəstəliyi olan uşaqlar yoxlanılır, adlarına isə bülleten açılmır.

Edilən çoxsaylı şikayətlərə isə şöbə müdiri vəzifədə olan əri ilə hədə-qorxu gəlir:
“Uşaq gözünün ağına, bəbəyinə kimi sarıdır. Həkim deyir ki, görmürəm. Bu boyda xəstəxanada bir UZİ aparatı var. Hamını ora salırlar. Bu, xəstəlik artımı deməkdir. Təcili tibbi yardım baxan kimi dedi ki, sarılıqdır. Bunlar deyir ki, hələ bilmirik, görmürük . Dava etdiyim, şikayətçi olduğum əsas şöbə müdiridir. Əri ilə hədələyir bizi. Deyir ki, bilirsiniz mənim ərim harda çalışır, Prezident Adminstrasiyasında. Deyirəm ki, uşaqlar sapsarı kimi saralmalıdır ki, inanasınız? Dörd uşaq anasıyam, işləyirəm, uşaqlarım xəstədir, istəyirəm ki, bülleten açdırıb burda qalım, uşaqlarıma özüm baxım. Deyir ki, mümkün deyil, üç yaşa qədər uşaqların anasına bülleten düşür. Mən dörd uşağı bunlara necə etibar edim? Bir gün çıxmışam oradan, dəli olmuşam. Mən necə rahat çıxım işə? Xəstəxanada normal yemək yox, su yox. İçməli su ciddi problemdir. 10 litr suyu atam alıb gətirib. Həyat yoldaşım su, meyvə, yemək alıb aparıb. Elə yemək verirlər, adam heç üzünə baxmaq istəmir. Eyni qabda müxtəlif uşaqlara yemək verilir. Ayaqyollarında infeksiya, antisanitariya hökm sürür”.
“Xəstəxanada ştativ yoxdur, təhlükəsizliyi yoxdur. Uşaqlara tibb bacısı baxmalı olduğu halda, özüm yedizdirdim, su verdim, hətta qoşulan sistemə nəzarət yox idi deyə özüm söndürdüm. Gördüm ki, bitir, hava gedir uşağın bədəninə tez söndürdüm. Axşam baxmayıb səhəri gəlib ki, uşağına baxmışam 5 manat ver. Deyirəm ki, hansı uşağa baxmısan? Mən tibb bacısı görmədim axı. Anası baxıb onlara. Çox haqsızlıq var. Belə bərbad xəstəxana görməmişdim”, – o qeyd edib
Səhiyyə Nazirliyi adıçəkilən xəstəxanın TƏBİB-in tabeliyində olduğunu deyir.
TƏBİB-dən isə bildirilib ki, sorğu araşdırılandan sonra cavab veriləcək.

Son 4 ildə, yəni 2020-ci ilin əvvəlindən 2023-cü ilin sonunadək Füzuli rayonunda müxtəlif dövlət qurumları tərəfindən ümumi həcmi 5 407 606 manat olan tenderlər keçirilib.

Keçirilən tenderləri sayca ən çox udan şirkət "Art-Proje" MMC şirkətidir. Sözügedən şirkət Füzuli rayonunun 4 dövlət qurumunun keçirdiyi tenderin qalibi seçilib. Qalib olduğu tenderlərin ümumi həcmi isə 465 232 manat təşkil edir.

Qeyd edək ki, "Art-Proje" MMC 2001-ci ildə yaradılıb, nizamnamə kapitalı 1 370 010 AZN təşkil edir. Şirkətin qanuni təmsilçisi Əkram Əliyev Musa oğludur. Hüquqi ünvanı AZ5000, Sumqayıt Şəhəri, Novxanı Bağ Massivi, Ev 4829A ünvanında yerləşir.

Füzulidə məbləğ baxımından ən byöük sifarişləri isə Sözügedən şirkətlərdən "Uğurlu İnşaat" MMC alıb - 734 904 manat.

"Uğurlu İnşaat" MMC , "Sqs Group" MMC , Ağdam Melioservis İdarəsi və "Tiim" MMC şirkətləri isə Füzulidə keçirilən tenderlərdən hər biri ayrı ayrılıqda 3 tenderin qalibi olub.

Sözügedən şirkətlərdən "Uğurlu İnşaat" MMC 734 904 manat, "Sqs Group" MMC 528 382 manat, Ağdam Melioservis İdarəsi 525 281 manat və "Tiim" MMC 207 538 manat həcmində olan tenderləri udublar.

Başqa şirkətlər isə rayonda dövlət qurumları tərəfindən keçirilmiş 2 və daha az tenderi uda biliblər.

Daha detallı satın alan təşkilatlar, tarixlər, məbləğləi, qalib olan şirkətlər və ən əsası satın alma predmeti cədvəldə öz əksini tapmışdır:

dia-az.info

1995-ci ildə qəbul olunmuş Azərbaycan Respublikası Konstitusiyasının 7-ci maddəsinin I hissəsində qeyd olunub ki, Azərbaycan dövləti demokratik, hüquqi, dünyəvi və unitar bir dövlətdir. Bu hüquqi dövlət hüquqla, qanunla idarəetmədə qaydaların hökmranlığı ilə sıx bağlı olan, fəaliyyəti və quruluşu xalqın iradəsinə uyğun gələn, insan hüquq və azadlığının müdafiə olunduğu bir dövlət tipidir. Hüquqi dövlətin sosial əsası özünütənzimləyən vətəndaş cəmiyyətidir və bu dövlət vətəndaş cəmiyyətinin forması kimi çıxış edir. Bu tip dövlətlərin mərkəzində insan və onun maraqlarının müdafiə olunması daim öndə tutulur. Faktdır ki, Azərbaycan dövləti daxili məsələlərin həllində hüquqa, qanuna əsaslanır və hüquqi-demokratik dövlətlərdə konstitusiya qanunları hüquqi baza kimi ictimai həyatın bütün sahələrini əhatə edir. Bu belə olduğu halda, görəsən bu gün ölkəmizin hər sahəsində hüquq və onun aliliyini uca tutulur, yoxsa tapdaqlar altına atılır?. Belə bir məsələlərlə bağlı az-çox məlumat əldə etmək üçün, heç də uzağa getmək lazım deyil. Yəni, Bakı şəhəri, Binəqədi rayonu, Biləcəri qəsəbəsi, Ordubadi küçəsi, döngə-3, mən-140 ünvanında ailəlikcə yaşayan Paşayev Koroğlu Abdulla oğlunun və bu şəxsin ailə üzvlərinin 2017-ci ildən üzüzə qaldıqları məşəqqətlər haqda məlumatları əldə etmək, məhz hər kəsin ümumi durum haqqında lazımi məlumatları əldə etməsinə imkan verəcək. Məsələn, bu günlərdə gundemxeber.az xəbər portalının redaksiyasına Koroğlu Paşayev tərəfindən müraciət daxil olub. Bu şəxs müraciətində qeyd edir ki, “Biz 2011-ci ildən Binəqədi rayonu, Biləcəri qəsəbəsi, Ordubadi küçəsi, döngə-3, mən-140 ünvanında ailəlikcə yaşayırıq. Buna baxmayaraq, 2017-ci ildə Hacı Ramazan adlı şəxsin rəhbərlik etdiyi “Məmmədoğulları” MMC-nin əməkdaşları 35 000 klv -luq elektrik trosfarmatorunu yaşadığımız evin pəncərəsindən iki metr aralı məsafədə quraşdırdılar. Onlar atdıqları belə bir addımları ilə, birbaşa bizim ailəni olmazın dərdə saldılar. Çünki, həmin trosfarmatorun ətrafa buraxdığı elektrik şüalarının təsirindən, ailə üzvlərimizin hər birinin səhhətində ciddi problemlər əmələ gəlməyə başladı. Bununla bağlı aidiyyəti üzrə dövlət qurumlarına müraciətlər etsək də, bir kimsə bizim müraciətimizə əhəmiyyət vermədi. Bu gün bizim aidiyyəti dövlət qurumlarından xahişimiz və əsas tələbimiz ondan ibarətdir ki, trosfarmatorun yerini 50 m aralı məsafəyə dəyişdirsinlər. Faktdır ki, elektrik trosfarmatorunun ətrafa buraxdığı elektrik şüaları, ailə üzvlərimizin hər birində, ələlxüsus həyat yoldaşımda ürək xəstəlikləri yaradıb. Belə bir səbəbdən də, xeyli vaxtdır ki, yaşadığımız mənzili satıb köçmək istəyirik. Evimizi almaq istəyən şəxslər isə, yaşadığımız mənzilin pəncərəsindən iki mert aralı məsafədə yerləşən elektrik trosfarmatorunu görən kimi, məhz onlar bu yöndə fikirlərindən “vaz keçirlər”.

Qeyd edim ki, yaşadığımız evi 2011-ci ildə Hacı Ramazanın qardaşı Hacı İbrahimdən almışıq. “Məmmədoğulları” MMC-nin quraşdırdığı 35 min klv-luq elektrik trosfarmatorunda ötən illər ərzində bir neçə dəfə şiddətli partlayışlar baş verib. Partlayışlar daha çox yağmurlu günlərdə baş verir ki, bu da olduqca qorxulu anların yaşanmasına səbəb olur. Faktdır ki, Hacı Ramazanın bacısı qızıgil bizimlə qonşu idilər və onlar baş verən partlayışlardan ehtiyat edərək yaşadıqları evi satıb bu ünvandan köçdülər. Onu da bildirim ki, “Məmmədoğulları” MMC əməkdaşları elektrik trosfarmatorunu yaşadığımız evin pəncərəsindən iki metr aralı məsafədə quraşdırarkən, biz onların belə bir hərəkətinə qəti etirazımızı bildirdik. Həmin vaxtlarda MMC-nin əməkdaşları bizə “Hacı Ramazan tapşırıq verib, trosfarmatoru 20 gündən sonra o tərəfdə quraşdıracağıq” deyə vəd verdilər. Təəssüflər olsun ki, onlar belə bir fırıldaq əməlləri ilə bizi aldatmağı bacardılar. Belə bir problemlə bağlı “Azərişıq” ASC-nə müraciət etsəm də, bu yöndə də etdiyim müraciətin heç bir nəticəsi olmadı. Yəni, “Azərişıq” ASC-nin rəsmi şəxsləri mənə MMC-nin rəhbəri Hacı Ramazanla danışıb-barışmağı, bir sözlə problemin aradan qaldırılması üçün yalnız bu şəxslə danışıqlar aparmağı məsləhət gördülər. Artıq vəziyyət elə bir həddə gəlib çatıb ki, bu gün ölkə rəhbəri İlham Əliyev cənablarına müraciət etmək məcburiyyətində qalmışam. Çünki, himayəmdə dörd azyaşlı övladım var və pəncərəmizdən iki metr aralı məsafədə quraşdırılmış 35 min klv-luq elektrik trosfarmatorunun ətrafa buraxdığı elektrik şüaları, bu gün övladlarımın da səhhətinə ciddi təsir edir. Faktdır ki, onlar böyüdükcə olmazın problemlərlə üzüzə qalacaqlar”.

Bəli, gundemxeber.az xəbər portalı olaraq redaksiyamıza daxil olan belə bir müraciət əsasında qeyd olunan ərazidə olduq və müraciət müəllifi Koroğlu Paşayevin qeyd etdiyi faktın doğruluğunu gözlərimizlə gördük. Ümidvarıq ki, müraciət müəllifinin İlham Əliyev cənablarına ünvanladığı müraciəti, ölkə rəhbərinə etdiyi xahiş “Azərişıq” ASC-nin sədri cənab Vüqar Əhmədov və “Məmmədoğulları” MMC-nin rəhbəri Hacı Ramazan tərəfindən diqqətdə saxlanacaq və altı nəfərdən ibarət bir ailənin üzüzə qaldığı problem qısa zaman kəsiyində aradan qaldırılacaq. Əgər problemin aradan qaldırılmasına cavabdehlik daşıyanlar bundan sonra da sayğısızlıq göstərməkdə davam edərlərsə, o halda bunu təkcə Koroğlu Paşayevin özünə və ailə üzvlərinə qarşı sayğısızlıq kimi deyil, eyni zamanda vətəndaşın ölkə rəhbərinə ünvanladığı müraciətə də sayğısızlıq kimi dəyərləndirilməlidir. Qeyd olunanlarla bağlı qarşı tərəfin də mövqeyini dinləməyə hazırıq.
Mövzuya qayıdacağıq.

gundemxeber.az

Lerik rayonundan şikayətlər səngimir.

Rayonda ciddi yeyiniti faktlarının olduğu ilə bağlı iddialar var. Bu barədə mediada da dəfələrlə yazılıb.

Qlobal.az xəbər verir ki, bir neçə gün öncə isə rayonun Cəngəmiran kənd sakini Üzeyir Məmmədov sosial şəbəkə hesabında yazıb ki, Lerikdə yeni tikilmış zibilxana üçün ayrılmış 186 min manat yoxa çıxıb, cəmi 2-3 min manat vəsait xərclənib.

O, bunun rayon rəhbərliyi tərəfindən mənimsənildiyini iddia edib.

Digər bir şikayətçi isə şərhdə yazıb ki, görəsən, uzun illər rayon büdcəsinə qənim kəsilmiş, 30 ilə yaxın maliyyə idarəsində müxtəlif vəzifələrdə çalışan, hazırda isə maliyyə idarəsinin müdiri olan Hafiz İmanov bu pulların hara getdiyi barədə nə vaxtsa, ictimaiyyətə ətraflı məlumat verəcəkmi?

Şikayətçi deyir ki, bu mənimsəmələrdə məhz Hafiz İmanov, onun kürəkəni, Lerik şəhər icra nümayəndəsi Ramal Məstiyev, Memarlıq və tikinti şöbəsinin müdiri Əflatun İbrahimov və başçının özü ilə gətirdiyi əslən Lənkərandan olan Rauf “müəllim” iştirak ediblər.

Onların dövlət büdcəsini taladığını deyən Lerik sakini ölkə başçısının bu məsələyə əncam çəkməsini istəyir.

Başqa bir sakin isə bildirib ki, 41-ci km-də tikiləcək istrahət mərkəzi, 50-ci km-dən Lerik şəhərinə çəkiləcək küçə işıq xətti yarımçəlıq qalıb. İstirahət mərkəzi üçün yarımçıq tikilmiş tikililər isə sökülərək yerlə-yeksan edilib.

Vətəndaşlar deyirlər ki, yeni icra başçısı Əkbər Abbasovun nəzarətində olan rayonda əsl hərc-mərclik davam edir.

Qlobal.az məsələ ilə bağlı Lerik rayon İcra Hakimiyyəytindən mövqe öyrənib. Açıqlamada deyilir:

“Bildiririk ki, Lerik şəhər inzibati ərazi dairəsi üzrə nümayəndəliyinin 17 oktyabr 2022-ci il tarixli 327 nömrəli məktubuna əsasən Lerik şəhərində yeni tullantı poliqonuna ehtiyac olduğunu nəzərə alaraq tullantı poliqonunun tikintisi üçün Lerik Rayon Kommunal Müəssisələri İstehsalat Birliyinin 2022-ci il üzrə təsdiq edilmiş gəlir və xərclər smetasına əlavə vəsait ayrılmışdır. Lerik Rayon Kommunal Müəssisələri İstehsalat Birliyi tərəfindən “Dövlət satınalmaları haqqında” Azərbaycan Respublikası qanuna müvafiq olaraq işlərin (malların və xidmətlərin) satın alınması təmin edilmiş və poliqonun tikintisi üçün ayrılmış vəsait təyinatı üzrə xərclənərək 2022-ci ildə başa çatdırılmışdır.

Lənkəran-Lerik yolunun 41-ci kilometrliyində tikiləcək istirahət mərkəzinin sökülməsi ilə bağlı bildiririk ki, qeyd olunan ərazidə 2023-cü ilin aprel-may aylarında sahibkar tərəfindən rayon icra hakimiyyətinin rəsmi xəbərdarlıqlarına baxmayaraq qanunsuz tikinti işləri aparmağa cəhd göstərilmişdir. Bununla bağlı rayon icra hakimiyyəti tərəfindən Fövqəlada Hallar Nazirliyinə müraciət olunaraq tikinti işləri dayandırılmış və yarımçıq tiklilərdə istifadə olunan tikinti matrealları sahibkarın özü tərəfindən sökülərək, daşınmışdır”.

İcra Hakimiyyəti yazıda qeyd olunan digər məsələlərin əsassız olduğunu bildirir.

Son günlər parklama ilə bağlı narazılıqların ardı-arası kəsilmir. Problemlərdən biri isə parklama yerlərində ödənişlə bağlıdır.

Elə jurnalist həmkarımız Taleh Şahsuvarlı da özünün feysbuk hesabında bu problemə toxunub. Onun postunu olduğu kimi təqdim edirik:

"Vətəndaş Məmmədov Məmməd Məmməd oğlu (ad şərtidir) Pirşağıda yaşayır. O təcili bir iş üçün öz maşını ilə Bakı şəhərinin mərkəzinə gəldi. İşi təxminən 3 saat çəkəcək. Parkinqə daxil oldu və bu zaman fərqinə vardı ki, mobil telefonunu evdə unudub. Ancaq onun parkinq xidmətinin haqqını ödəməmək kimi bir niyyəti yoxdur. Başqa çıxış yolu da yoxdur, maşını saxlayıb işinin dalınca getdi və axşam ona mesaj gəldi ki, parkinq qeydiyyatından keçmədiyi üçün 10 manat cərimə edilib. Suallar:

1) Konstitusiyaya görə, Azərbaycan vətəndaşının mobil cihazdan istifadə etmək kimi bir vəzifəsi yoxdursa, AYNA hansı ixtiyarla vətəndaşın konstitutsion hüquq və azadlıqlarına müdaxilə edərək onu daim mobil cihazdan istifadə etməyə, mobil cihazı yanında daşımağa və kontur yükləməyə məcbur edir?

2) Azərbaycan Respublikasında əsas ödəniş vasitəsi nə zamandan manat deyil, sms olub? Azərbaycanın milli valyutasını ödəniş vasitəsi kimi sıradan çıxarmaq ixtiyarını AYNA haradan alır?

3) Mobil telefonunu unutmuş vətəndaş dayanacaqdan son zərurət halında istifadə edib. Çünki sərbəst hərəkət etmək konstitusiyaya görə hüquq, parkinq xidmətindən istifadə etmək isə qaydadır. O, qaydanı qəsdən pozmayıb, öz konstitutsion hüququnu qoruyaraq maşını saxlayıb. Bu isə, İnzibati Xətalar Məcəlləsinin 19 maddəsinə əsasən halın inzibati xəta olmasını aradan qaldırır. AYNA digər ödəniş üsulu təqdim etmədən halın son zərurət, yoxsa inzibati xəta olmasını necə müəyyən edir?

4) Mövcud qanunvericiliyə görə, parkinqlərdə ödəniş parkomatlar vasitəsi ilə edilməlidir. Buna əlavə olaraq digər üsullar da təklif oluna bilər. Qanuna görə, parkomat yoxdursa və ya işləmirsə, vətəndaş digər üsulların olub olmamasından asılı olmayaraq ödəniş etməli deyil. Çünki ölkədə əsas ödəniş vasitəsi manatdır. AYNA hazırda topladığı bütün ödəniş və cərimələrin qanunsuz olduğunun fərqindədirmi? Çünki Nazirlər Kabinetinin qərarları hüquqi normativ akt kimi qanuna zidd ola bilməz və olarsa qanun əsas götürülməlidir".

Məsələ ilə bağlı Redaktor.az Azərbaycan Yerüstü Nəqliyyat Agentliyinin (AYNA) mətbuat katibi Tural Orucovla əlaqə saxladı.

Qurum rəsmisi dedi ki, Nazirlər Kabineti tərəfindən parklanma yerinin idarə edilməsi ilə bağlı qəbul edilən qaydalar həm tariflərin özünü, həm şəhərin tarif zonalarını müəyyən edir:

"Parklanma yerlərinin yeni qaydalar əsasında idarə edilməsi bu sahədə nizam-intizamın yaradılmasına, qanunsuz pul yığımının qarşısını almaqla maliyyə şəffaflığının təmin olunmasına xidmət edir.

Parklanma üçün qanunsuz pul yığımının qarşısının alınması məqsədilə ödənişlər yalnız nağdsız qaydada həyata keçirilir. Parklanmaya görə ödənişin edilməsi üçün vətəndaşlara iki müxtəlif üsul – mobil tətbiq və sms xidməti təqdim olunub. “Yol hərəkəti haqqında” qanuna əsasən, parklanmaya görə ödənişin həyata keçirilməsi üçün parkomatların olması mütləq deyil.

Qeyd edək ki, küçə parklanma yerlərindən istifadəyə görə sürücülərdən nağd şəkildə hər hansı bir ödəniş tələb oluna bilməz. Sürücülərə qanunsuz ödənişlər etməməyi tövsiyə edirik".

Şəmkir Rayon İcra Hakimiyyəti yol təmiri adı altında tender elan edib. Lakin hələlik işlər tam icra olunmayıb. Ötən il 3 ay ərzində 2 milyondan çox tender elan edərək, yolların təmirinə maliyyə ayırıblar. Amma sözügedən yollarda hələlik tam iş görülməyib.

Ən sonuncu tender müqaviləsi isə "AGAH GROUP" Məhdud Məsuliyyətli Cəmiyyətidir. Şəmkir şəhəri, Həsən Əliyev küçəsində abadlıq işlərinin satın alınmasına görədir. Bu səbəbdən "AGAH GROUP” MMC ilə 82.701,59 AZN-lik müqavilə imzalanıb. Bildirək ki, "AGAH GROUP" MMC-nin nizamnamə kapitalı 100 manatdır və qanuni təmsilçisi Cavid Nəzərovdur.

Ötən il nəqliyyat vasitələrinin cari təmiri işlərinin və bununla bağlı tələb olunan malların satın alınması ilə bağlı "EKO AVTO" MMC ilə 10.671,92 AZN-lik müqavilə bağlanıb. Maraqlı budur ki, icra hakimiyyətinin ən çox tenderi "AGAH GROUP" MMC ilədir. Şirkətlə icra orqanı arasında sentyabr ayında “Şəmkir şəhəri üzrə küçələrin cari təmiri” ilə bağlı 482 min 478 manat 8 qəpiklik müqavilə imzalanıb.





“KRB PROJECTS" Məhdud Məsuliyyətli Cəmiyyəti ilə isə Şəmkir rayonunda avtomobil yollarının əsaslı təmirinə görə 1 milyon 267 min 325 manat 64 qəpik dəyərində müqaviləyə imza atılıb.

Son 2 ildə isə Şəmkir Rayon İcra Hakimiyyətinin keçirdiyi tenderlərin pulları göylərdədir. Belə ki, 2022-2023-cü illərdə icra orqanı şirkətlərə 3 miyon 420 min manat dəyərində pul köçürüb. "AGAH GROUP” MMC ilə 3 müqavilə imzalanıb. Bu anlaşmalara görə köçürülən pulun dəyəri 1 milyon manatdır. Sözügedən şirkətə icra hakimiyyəti tərəfindən “İstilik sisteminin əsaslı təmiri”nə görə 219.244 AZN, Şəmkir şəhəri üzrə küçələrin cari təmirinə görə 876.784,73 AZN köçürülüb. 2022-ci ilin dekabrında isə Şəmkir şəhəri üzrə yaşayış evlərinin cari təmirinə görə “İNŞAAT TƏMİR-TİKİNTİ İSTEHSALAT BİRLİYİ (TTİB)" MMC ilə 329.689,07 AZN-lik müqavilə imzalanıb.

Yazıda ünvan göstərilən yerlərin və alınan avadanlıqların yoxlanılması aidiyyəti orqanın üzərinə düşür. Verilən məlumatlara görə, işlərin bir qismi görülüb, digər işlər isə sual altındadır. Hətta görülməyən işlər də var ki, ona da tender elan edib maliyyə götürülüb.

Bu icra başçısının nəzarətində olan müəssisənin borcu da üzə çıxdı. Şəmkir Rayon İcra hakimiyyətinin tabeliyində olan Şəmkir rayon Kür Qəsəbə Mənzil Kommunal Təsərrüfat Təmir İstismar İstehsalat sahəsinin dövlətə külli miqdarda vergi borcu olduğu məlum olub. Bildirilir ki, müəssisənin hazırda dövlətə 160 min manatdan çox (163387.26 AZN) vergi borcu mövcuddur. "Şəmkir şəhər Heydər Əliyev prospekti, ev 5 ünvanında qeydiyyatda olan sözügedən istehsalat sahəsi 14 saylı Ərazi Vergilər İdarəsində Vergi uçotuna alınıb. Qeyd edək ki, Şəmkir rayon Kür Qəsəbə Mənzil Kommunal Təsərrüfat Təmir İstismar İstehsalat sahəsi rayonun icra başçısı Rəşad Tağıyevin birbaşa nəzarətindədir" - məlumatda qeyd olunub.

Rəşad Tağıyev Şəmkir İcra Hakimiyyətinə təyin olunandan sonra, sabiq icra başçısı, həbsdə olan Alimpaşa Məmmədovun öz maraqlarına uyğun idarəçiliyi hələlik qüvvədədir.

"Hürriyyət"