"Azərbaycan Reallığı"na video müraciət edən və hal-hazırda Beylaqan rayon Mərkəzi Xəstəxanasının təhlükəsizlik bölməsində muhafizəçi kimi işləyən Şükürlü Aydın bildirir ki, burada iş saatlarından artıq işlədilirik.

saatların əmək haqqları ödənmir. Mənim haqqımda mənim xəbərim olmadan qanunsuz olaraq sənədləri saxtalaşdıraraq aktlar tərtib ediblər.

Xəstəxananın direktoru Bayram Muradov da bu qanunsuzluqlara göz yumur, bir neçə nəfərlə əlbir olaraq qanunsuz sənəd saxtalaşdırırlar, işçiləri işdən çıxarırlar, qanunlarımızı da kobud şəkildə pozurlar. Bunun da başında xəstəxanın direktoru Bayram Muradov dayanır. Burada qanunlar kobud şəkildə pozulur.

İşçilərin haqqları ayaq altına atılır, sizdən xaiş edirəm aidiyyəti qurumlar bizim rayonun mərkəzi xəstəxanası ilə maraqlansın. Mərkəzi xəstəxananın təcili yardım otağında xəstələrə iynə vurulan otağa kameralar qoyublar bundan əlavə xəstələr yatan palatalarda kameralar qoyulub.

Kameralarında manitoru təhlükəsizlik bölməsinin rəisinin otağındadır, şəxsən özü baxır ki, bu da qanunla qadağandır- deyə şikayətçi bildirir

Qarşı tərəfində mövqeyini dərc etməyə hazırıq.
TEREF

Cəlilabad sakini Orxan Aslanov redaksiyamıza şikayəti zamanı Daşınmaz Əmlakın Dövlət Reyestri və Kadastrı publik hüquqi şəxsin 8 saylı Ərazi İdarəsinin rəisi Adil Həbiyevin saxtakarlığa yol verdiyini bildirib:

"Masallı şəhərində sahibkarlara, yəni imkanlı təbəqəyə Daşınmaz Əmlakın Dövlət Reyestri və Kadastrı publik hüquqi şəxsin 8 saylı Ərazi İdarəsinin rəisi Adil Həbiyev tərəfindən reyestrdən elektron çıxarışlar paylanılmışdır. Sual budur, necə olur ki, imkanı olan şəxslərə sənədlər vətəndaş idarəyə gəlmədən aparıb şəxsən Adil Həbiyev tərəfindən ünvanına çatdırılır, lakin kasıb təbəqələrə, şəhid ailələrinə, Qarabağ müharibəsində canını qoymuş qazi qardaşlarımıza heç bir diqqət və qayğı göstərmir. Əksinə kasıb təbəqəyə qan uddurur. Bununla bağlı bir çox sübutlar var.

Növbəti süjetimizdə bütün bunları sübuta yetirərək saxta sənədləri dərc edəcəyik. Növbəti sual bu adama odur ki, nə vaxtdan elektron çıxarış çap olunub vətəndaşa əlbəəl aparılıb ünvanda təqdim olunur?!

Bu savadsız məmur hələ də bilmir ki, Elektron çıxarış icra olunduqdan sonra vətəndaşın şəxsi kabinetinə elektron qaydada yerləşdirilir və məlumat sms vasitəsi ilə vətəndaşın mobil telefon nömrəsinə mesaj şəkilində göndərilir.

Əlavə olaraq bildirmək istəyirik ki, Adil Həbiyevin ali təhsili yoxdur, əldə etdiyimiz məlumata görə o ixtisasca zootexnikdir. Necə olur zootexnik ixtisasina yiyələnən bu adam dövlətin önəmli bir qurumunda hüquqi işlərlə məşğul olur və vətəndaşlara məxsus pay torpaqları ilə bağlı yerquruluşu sənədləri barədə qərarlar alır".

Qeyd edək ki, Həbiyev Adil İgid oğlu Əmlak Məsələləri Dövlət Xidmətində yüksək vəzifədə çalışan İlqar Həbiyevin qardaşıdır.

Daha ətraflı təqdim etdiyimiz süjetdə:
Adları çəkilən hər bir şəxsin mövqeyini dərc etməyə hazırıq!
TEREF

“Biz uzun illərdir Gəncədə yaşayırıq amma bu cür güclü külək, qasırğa müşahidə etməmişdik. Külək o qədər güclü idi ki, qocaman ağacları belə kötüyündən çıxarıb. Əksər yerlərdə müvəqqəti də olsa hərəkət çətinləşib. Biz düşünürük ki, ağaclar vaxtında budansaydı bu cür hallarla üzləşməzdik. Bir də görürsünüz ki, ağacın budağı az qalır qırılıb düşsün başımıza. Küləkli havada bu təhlükə ikiqat artır” -deyə şikayətçi bildirib.

Moderator.az olaraq mövzunu araşdırmaq qərarına gəldik. Həqiqətənmi qasırğa zamanı daha çox budanmayan ağaclar qırılır? Gəncə şəhər Yaşıllaşdırma şöbəsinin rəisi Elmar Əzizov sakinlərin dediyi sözləri qəbu etmədi:
“Bu qeyri-peşəkarların sözləridir. Ağaclar vaxtlı-vaxtında budanır. Gəncə şəhərində baş verən fırtına çox güclü idi. Onun qarşısında davam gətirmək çətin məsələdir. Dam örtükərinə də, əhaliyə də, çinar ağaclarına da ziyan dəyib. Bu çinar ağaclarının elə gövdələri var ki, daxildən onlara qurt da düşür, göbələk xəstəliyi də, onların bəzi hissələri kövrək olur. Güclü külək olanda onlar müqavimətini saxlaya bilmir” deyə o bildirib.

Redaksiyamıza faxil olan məlumata əsasən iyun ayının 21 -də Abşeron rayon Masazır kəndində yerləşən özəl uşaq baxçalarından birində azyaşlı, autizm sindromlu körpəyə qarşı şiddət göstərilib.

Gundeminfo.az-a daxil olan şikayətdə bildirilir ki, Abdullayev Murada qarşı şiddət göstərilib. Körpənin anası uşağının üz nahiyəsində hər iki tərəfdə qızartı, göyərmə müşahidə edib. Bundan sonra baxça rəhbərliyinə müraciət edərək müəssisədə yerləşən uşaq baxçasındakı müşahidə kameralarına baxış keçirilməsini tələb edib. Lakin baxçanın rəhbəri Ləman xanım bildirib ki, həftənin cümə günləri kameraların yaddaşı yenilənir.

Bundan sonra isə körpənin valideyni Abşeron Rayon Polis İdarəsinə müraciət etmək məcburiyyətiində qalıb.

Bu gün isə xəarət alan körə ekspertizadan keçmək təqyin olunub.

Baş verən olayla bağlı baxçanın rəhbəri Ləman xanımla qarşı tərəf olaraq əlaqə saxladıq. O bizimlə söhbətində bildirdi ki, əslində özü də həmin valideyndən şikayətçidir.

"Mənn özüm də həmin xanımdan şikayətçiyəm. Valideyn mənim obyektimə basqın etdi. Tədbir keçirirdik. Yanımda da iki uşağım var idi. Onlar da həyacan keçirdilər. Əslində mən onlardan şikayətçi olmalı idim. Amma iş böyüməsin deyə şikayətçi olmadım. Mən özüm də onlara dedim ki, gedin şikayət edin. Çünki o uşağa qarşı heç kim heç bir təzyiq etməyib" deyə həmsöhbətimiz bildirdi.

Mövu ilə bağlı ətraflı videonu sizə təqdim edirik.


Baş verən hadisə ilə bağlı araşdırmalarımız davam edir.

Son dövrlər adları tez-tez mətbuatda korrupsiya məsələlərində gündəmə gələn Azərbaycan Respublikası Dövlət Şəhərsalma və Arxitektura Komitəsi sədrinin birinci müavini Namiq Hümmətov və adıçəkilən komitənin nəzdindəki Ərazi Tikinti-Planlaşdırma Mərkəzinin İdarə Heyətinin sədri Ramin Abdullayev bu gün də qaz vurub qazan doldurmaqdadır. Bu şəxslərin istər ölkə daxilində tikintilərə icazə verərkən aldıqları rüşvət və ya MTK-lardan alınan mənzillər, istər müharibədə zərər çəkmiş bölgələrimizdə təmir-bərpa işlərində, istərsə də işğaldan azad olunmuş torpaqlarımızda gedən tikinti işlərində keçirilən dırnaqarası, öz yaxınlarına və ya elə öz şirkətlərinə verilən şifahi tenderlərdə əldə etdikləri milyonların aqibəti bilinməməkdədir.
Son 6 ayda adlarıının hallandırıldığını görən məhşur "patriot” cütlük şəhid və qazi ailələrinə növbəylə mənzillərin verildiyi bir dövrdə MTK- lardan rüşvət olaraq mənimsədikləri mənzilləri dəyər-dəyməzinə satmağa başlayıblar.
Rüşvət olaraq əldə olunan milyonlar qeyri-rəsmi yollarla Dubaya və İstanbula aparılıb. on dövrlər demək olar hər bayram, hər həftə sonu Dubaya gedib-gələn ikili, Dubayın ən bahalı küçələri olan JBR və Şeyx Zaid - də yeni tikilən binalarda yaxınlarının adına çoxlu sayda mənzil alıb. Bir neçə ay əvvəldə ikilinin İstanbulun "Florya” adlanan ən bahalı yerində 16 mln dollara estetik klinika aldığı məlumatı mətbuatda öz əksini tapıb.
Maraqlısı odur ki, komitə sədri Anar Quliyev gedən bu prosesləri susqunluqla izləyir. Belə anlaşılır ki, Anaq Quliyev ya bu ikiliyə müqavimət göstərmək iqtidarında deyil, ya da baş verənlər hansısa şəkildə onun da maarqlaırna cavab verir.
Ramin Abdullayevlə Anar Quliyevin yaxınlığı Komitədəki hər kəs tərəfindən bilinir. Hətta belə bir fikir var ki, Ramini vəzifəyə Namiq Hümmətov gətirsə də, Ramin bir müddətdən sonra Anar Quliyevin yanında namiq Hümmətovla müqayisədə daha çox söz sahibi olub. Elə bunun nəticəsidir ki, Ramin Abdullayev dövlət pullarını qorxu-hürkü bilmədən talamaqda, Azərbaycanın pullarını Dubay və İstanbula daşımaqdadır.
Ümid edirik ki, əlaqədar qurumlar, xüsusilə də hüquq-mühafizə orqanları Ramin Abdullayevlə Namiq Hümmətovun qanunsuz əməllərini araşdıracaq, bu şəxsləri törətdikləri çoxsaylıq anunsuz əməllərə görə məsuliyyətə cəlb edəcəklər.

yenisoz.az

Redaksiyamıza müraciət edən bir qrup Şuşalı cənab Prezidentə məktub ünvanlayıb. Onların bizə verdiyi məlumata görə “ÇANAQQALA” restoranı dövlət qoruğu olan “ŞƏHRİYAR” parkını zəbt edib və 30 ildən çoxdur ki, qanunsuz fəaliyyət göstərir.

Məlumatda bildirilir ki, restoranda 30-dan çox yeniyetmə gənc səhər saat 8-dən gecə saat 12-yə qədər 16 saat ciddi rejimdə ac-susuz çalışır, müqabilində isə 7 manat zəhmət haqqı alır. Onların heç bir haqqı çatmır ki, oradan bir tikə quru çörək yesinlər.

Bəs “kürən” ləqəbi ilə tanınan Tahir Əbdülqasımov hansı icazə ilə dövlər qoruğu olan “Şəhriyar” parkını zəbt edib və heç bir hüquqi əsası olmayan “Çanaqqala” restoranın yaratmışdır.

Şikayətçilər cənab Prezident İlham Əliyevə ünvanladığı məktubda belə bir müraciət edir:

Danılmaz həqiqətdir ki, prezidentliyiniz illərində Azərbaycan adlı məmləkət tamamilə abadlaşmış, müasirləşmiş, öz simasını Avropa standartlarına uyğun dəyişmişdir. Hakimiyyətiniz dövründə görün nə qədər məktəblər, məktəbəqədər tərbiyə müəssisələri, səhiyyə ocaqları və sosial təyinatlı müəssisələr tikilib istifadəyə verilmişdir. Ən ucqar rayonlar, kəndlər, qəsəbələr belə yenidən qurulmuşdur.

Ötən illər ərzində yarım əsrə bərabər abadlıq, quruculuq işləri görülmüşdür. Bu gün Azərbaycan tərəqqi yollarında qətiyyətlə irəliləyir, beynəlxalq sammitlərdə, müşavirələrdə ali tribunalardan inamla öz sözünü deyir, görülən işlərin hesabatını verir. Bütün deyilənlər və deyilməsinə zaman lazım olan digər uğurlar da təbii ki, Sizin gərgin zəhmətiniz və düşünülmüş mütərəqqi layihələriniz sayəsində mümkün olmuşdur.

Bir daha qeyd etmək lazım gəlir ki, 44 günlük savaşla və az itkilərlə işğal olunmuş torpaqlarımızı erməni faşistlərindən azad etməyiniz Sizin şah əsəriniz, azad edilmiş bölgələrdə sürətli abadlıq quruculuq işləri isə Sizin vətənə, xalqa bağlılığınızın bariz göstəricisidir.

Bu gün vətənini, xalqını qanı, canı qədər sevən, maddi imkanları olan hər bir qeyrətli Azərbaycan vətəndaşı, iş adamı işğaldan azad olunmuş bölgələrimizin yenidən qurulmasında, abadlaşmasında öz imkanlarını əsirgəməməlidir. Yuxarıda adını çəkdiyimiz Əbdülqasımov Tahir Nadir oğlu əslən Şuşalıdır. Şuşada doğulmuşdur və boya-başa çatmışdır.

Bu gün onun qədər maddi imkanlı ikinci bir iş adamı yoxdur. 10-dan çox restoranı və gəlir gətirən digər obyektləri var. Onlarda bəzilərinin adını çəkə bilərəm .

Nərimanov rayonunda ÇANAQQALA restoranı, ŞUŞA restoranı, QREEN kafesi, Nizami rayonunda Xanqızı və Xan bağı restoranları, Xətai rayonu Asiman restoranı, Şamaxı və İsmayıllı rayonlarında bir sıra restoranlar.

1992-ci ilin may ayının 8-də Azərbaycanın dilbər guşəsi Şuşa ermənilər tərəfindən işğal olunanda Tahir Əbdülqasımov indiki “Çanaqqala” restoranının ərazisində çadır qurub kabab çatırmış.

Ötən illər ərzində Tahir Əbdülqasımov əldə etdiyi sərvət-sərmayə hesabına 10-dan çox, hətta Şamaxı, İsmayıllı rayonlarında belə restoranlar aça bilmişdir. Amma bu qədər maddi imkanları olan iş adamı bu günə qədər bir nəfər yetimə, imkansıza, xüsusən də qazilərimizə əl tutmayıb.

Hörmətli cənab Prezident,

Şuşalıların rahat, əmin arxayın yaşaması naminə çoxsaylı Şuşalılar adından yazılan bu müraciəti xüsusi nəzarətə götürməyinizi və Tahir Əbdülqasımovu bu nəcib təşəbbüsü icra etməsinə göstəriş verməyinizi səmimi qəlbdən xahiş edirik.

SEHER.MEDİA xəbər portalı olaraq qarşı tərəfin mövqeyini işıqlandırmağa hazırıq.

Goranboy rayonunda Heydər Əliyev Mərkəzinin binası rəsmən çökür. AzToday.az alfa.tv-yə istinadən xəbər verir ki, Heydər Əliyev Mərkəzinin binası qəzalı vəziyyətdə olsa da fəaliyyətini davam etdirir və bura həm də muzey kimi fəaliyyət göstərdiyindən əsasən məktəblilər ziyarətə gətirilir. Bu isə açıq aşkar ziyarətçilərin həyatının risqə atılması deməkdir.

Görüntülərdən də aydın olur ki, binanın inşası zamanı əməlli-başlı yeyintiyə yol verilib. Hər halda, bina qədim tikli deyil və binanın inşası yaxın keçmişə aiddir. Bu işdə birbaşa məsuliyyət daşıyan Goranboy rayon icra başçısı Məhərrəm Quliyevin adı mətbuatın gündəmindən düşmək bilmir. Dəfələrlə tənqid hədəfinə çevrilən məmurun keçmişi ilə bağlı olduqca ilginc iddialar zaman-zaman gündəmə gəlir.

Yeri gəlmişkən 44 günlük Vətən müharibəsində Məhərrəm Quliyevin oğlu Nazim Quluzadənin Bakı şəhərindəki “elit hərbi hissədə” xidmət keçməsi haqda da iddialara rəsmi münasibət bildirilməyib.

“Kristal-Abşeron ” bəlkə də yeganə tikinti şirkətidir ki, müştəri məmnuniyyəti barədə düşünmür, düşünmək də istəmir”. Reportyor.info xəbər verir ki, bu barədə jurnalist Arifə Əliyeva bildirib. 2019-cu ildən şirkətin inşa etdiyi “Kristal Abşeron-1” şəhərciyində yaşadığını deyən jurnalistin sözlərinə görə, şirkət sakinlərdən pul qoparmaq üçün hər dəfə bir üsul fikirləşir: “Bizə konkret olaraq qazanc mənbəyi kimi baxırlar. Sakinlərin cibinə girmək üçün hər dəfə bir üsul fikirləşib tapırlar. Mənzil alandan qısa müddət sonra kommunal ödənişləri qaldırdırlar. Özü də nə az, nə çox 70 faiz. Bura zibil pulundan tutmuş lift puluna qədər bütün ödənişlər daxildir. Daha sonra liftə kart sistemi tətbiq etdilər. Elə bilirsiniz bu müasir standarlarla ayaqlaşmaq üçün edilib? Xeyr, yenə məqsəd pul qazanmaqdır.

Bundan başqa, kartı itirdinsə, ikinci dəfə pulla almalısan. Qiyməti də 10 manat. Mən hələ yaşayış binasında liftə kart sisteminin tətbiq edilməsinin nə dərəcədə doğru olub-olmadığına toxunmuram. Hərçənd, bu məsələdə də xeyli narazılıq var. Çünki kart sistemi sakinlər üçün müəyyən problemlər yaradır. Tutaq ki, qonağın gəlib – ya o, piyada 11-ci mərtəbəyə qalxmağa məcburdur, ya da ev yiyəsi olaraq özün aşağı düşməlisən. Çünki qonaqda kart yoxdur. Yaxud kart yaddan çıxıb qalıb evdə, vəssalam, gəl indi bu istidə piyada yuxarı qalx”.

Jurnalist Arifə Əliyeva bildirib ki, şirkət bu günlərdə qaraj üçün aylıq ödənişi də artırıb: “Qarajların qiymətini 30 manatdan 50 manata qaldırıblar. Qiymət artımının səbəbini də izah etmirlər. Hələ onu demirəm ki, bu xidmətləri də lazımi səviyyədə deyil. Təsəvvür edin, mən qaraja yaşadığım binadan deyil, yanaşı binadan daxil olmalıyam.
Həyətdə maşın saxlamağa isə ümumiyyətlə yer qoymayıblar. O qədər sıxlıq var ki, maşınını saxlasan sonra onu oradan çıxarmaq müşkülə çevriləcək. Nəzərə almayıblar ki, binada xəstəsi olan, təcili işi çıxan sakinlər ola bilər. Həmin vaxt onlar maşınlarını həyətdən çıxarmaq üçün azı 2-3 saat əlləşməli olacaqlar.

Şəhərciyin ortasında kiçik bir park var idi. İndi oranı da zəbt ediblər. Deyilənə görə, bina tikəcəklər. Allah uzaq eləsin, yanğın olsa, bura yanğınsöndürən maşınlar girə bilməyəcək. Belə başa düşürəm ki, “Kristal Abşeron” tikəndə yalnız hər nə yolla olursa-olsun pul qazanmağı düşünür. Sakinlər necə yaşayacaq, hansı problemlərlə üzləşəcək, onların vecinə deyil. Mətbuatda dəfələrlə yazılıb ki, “Kristal Abşeron” şirkəti deputat Ağalar Vəliyevə məxsusdur. Bu iddia indiyə qədər təkzib olunmayıb. Ona görə də buradan deputat Ağalar Vəliyevə müraciət edərək deyirəm ki, ay Ağalar müəllim, indi bir qələt edib sizin şirkətdən ev almışıq, niyə bizə yaşamağı haram edirsiniz?!”
reportyor.info

Hörmətli elm və təhsil naziri Emin Əmrullayeva bir sual ünvanlamışdım. Hələ də cavab verə bilmir. Sual ondan ibarət idi ki, hörmətli nazirimiz həyat yoldaşı Nigar Əmrullayeva - Hənifəyevanın Cambridge Judge Business School-da iki illik təhsil haqqını hansı mənbədən ödəyir. Şəxsi büdcəsindən, yoxsa nazirlik hesabına?
Cənab nazirin xanımının illik təhsil haqqının miqdarı ilə bağlı bir az yanlışlığa yol vermişəm. Bu səbəbdən düzəliş etmək istərdim. Əvvəl qeyd etdiyim illik 63 min funt sterlinq məbləğ sadəcə bakalavr təhsilinə aiddir və əslində Əmrullayev ailəsinin ödədiyi məbləğ bundan xeyli çoxdur.
Üstəlik xanım Əmrullayeva məhz həyat yoldaşının karyerasının yüksəldiyi dövrdə Londondakı Kral Kollecinin (King College) diplomunu alıb. Burada xarici tələbələr üçün illik təhsil haqqı 37 min funt sterlinq, Londonda bir tələbənin yaşayış xərcləri təxminən 1800 funt sterlinq təşkil edir. Təəssüf ki, cənab Əmrullayevin həyat yoldaşının Kral Kollecində təhsilinin də hansı mənbədən ödəndiyi bəlli deyil. Bir daha qeyd edirəm ki, Emin Əmrullayev nazir olana qədər onun həyat yoldaşı məktəbəqədər təhsil müəssisəsində təlimçi işləyib.
TEREF yazır ki, bunu müstəqil araşdırmaçı jurnalist Cavanşir Həsənli öz sosial şəbəkə səhifəsində yazıb. Cavanşir Həsənli daam edərək daha sonra yazır:
Nigar Əmrullayeva - Hənifəyeva King College ilə kifayətlənməyərək 2023-cü tədris ilində İngiltərədə sözügedən ali təhsil müəssisəsində MBA təhsili (Biznesin İdarə Olunması) almağa başlayıb və ikiillik proqramı gələn il başa vuracaq. Siyahı üçün link:
(https://www.jbs.cam.ac.uk/.../the-cambridge-emba-class.../)
Qlobal Executive MBA üçün təhsil haqqı 102,235 funt sterlinq təşkil edir. Yəni cənab nazirin həyat yoldaşının ikiillk beynəlxalq MBA təhsili (sadəcə təhsil haqqı) 205 min funt sterlinq təşkil edir. Söhbət nə az - nə çox 450 min manatdan gedir. Diğər xərclər - səfər və yaşamaq, qida, zəruri vəsaitlər xərcləri bura daxil deyil.
Qeyd: Beynəlxalq səviyyəli MBA diplomuna sahib olan şəxs xüsusilə karyerasında yüksələ və daha yüksək maaşlı vəzifədə çalışa bilər.
Yeri gəlmişkən Azərbaycan Beynəlxalq Bankın Maliyyə menecmenti departamentinin direktoru Əli Dadaşzadə də həmin ali təhsil müəssisəsində MBA təhsili alır. Ümumiyyətlə həmin sinif üzrə təhsil proqramına qatılanların əksəriyyəti bankirlər və işadamlarıdır.
Bəs Əmrullayev? Qoy özü aydınlıq gətirsin.
Cavanşir Həsənli
TEREF qarşı tərəfin fikirlərinidə dərc etməyə hazırdır!
TEREF