“Məcid Məcidli elə yanımda Çingiz Təhməzova havadarlıq edən Seymur Məmmədova (“Sumqayıt Bulvar” MMC-nin baş direktoru – red.) zəng edib “sizə Cavidi razı salmağınızı tapşırmışdım” dedi”...

Bu sözləri Masazır qəsəbəsində müvafiq sənədləşmə əsasında ev almaqla dələduzluq qurbanına çevrildiyini və üz tutduğu hüquq-mühafizə orqanları əməkdaşlarının onun qanuni hüquqlarını bərpa etməkdən yayındığnı deyən vətəndaş Cavid Orucov Yenicag.az-a videomüsahibəsində bildirib.

Şikayətçinin sözlərinə görə, internetdə yerləşdirilmiş elan əsasında gördüyü evi almaq istəyib və bu məqsədlə evin sahibi ilə görüşərək razılaşıb. Onun problemləri də elə bundan sonra başlayıb və getdikcə dərinləşib:

“Evin sahibi Çingiz Təhməzova beh verdim və alqı-satqını notarial qaydada təsdiqləmək üçün notariusa yollandıq.

Lakin Çingiz Təhməzov evin sənədlərində müəyyən çatışmazlıqların olduğunu deyərək, sənədləşməni dostunun adına rəsmiləşdirəcəyini bildirdi.

Elə problemlər də bundan sonra yarandı və hələ də davam etməkdədir”.

Şikayətçi ilə videomüsahibəni tam olaraq buradan izləyə bilərsiniz:

Sərxoşluğun Ekspertizası Mərkəzində saxta arayış verilməsi ilə bağlı iddialar yayılıb.
Bu barədə Baku TV süjet hazırlayıb.
Belə ki, sözügedən mərkəzdə sürücülərə heç bir alkotestdən keçmədən ödəniş müqabilində, sərxoş vəziyyətdə olsalar belə, ayıqlığı təsdiq edən arayış verildiyi deyilir.
Baku TV-nin əməkdaşı gizli çəkiliş vasitəsilə iddiaları araşdırmağa çalışıb.
Məlum olub ki, mərkəzdə bu arayışı saxta şəkildə, heç bir testdən keçmədən əldə etmək üçün 10 manat ödəniş etmək kifayətdir.
Ətraflı videonu təqdim edirik:

Mərkəzi Nəbatat Bağında aparılan təmir və tikinti işlərində sex armaturlarından istifadə olunur.

Qlobal.az xəbər verir ki, hazırda Nəbatat Bağının ərazisində beton döşəmə (styaşka) işləri aparılır. Yeni layihədə əksini tapan səki və yollarda aparılan “styaşka” işlərində yerli sexlərdə istehsal edilən armaturlardan istifadə edilir.

Podratçı təşkilat tərəfindən Nəbatat bağında aparılan bütün işlərdə istifadə edilən armaturların keyfiyyətinin A 300 göstəricisinin altında olduğu, ərazidə bəzi yol səthlərinə verilən beton örtüklərdə mikro çatlar əmələ gəldiyi bildirilir.

Çatların əmələ gəlməsi istifadə olunan armaturların keyfiyyətsiz olması ilə yanaşı, həm də torların hörülməsi zamanı normativ qaydaların pozulması ehtimal edilir.

Qeyd edək ki, Mərkəzi Nəbatat Bağı Bakı Şəhər İcra Hakimiyyətinin balansındadır.

Nəbatat Bağında yenidənqurma işlərini Bakı Şəhər İcra Hakimiyyətinin tabeliyində fəaliyyət göstərən “Bakı Şəhər Əsaslı Tikinti və Təmir” Məhdud Məsuliyyətli Cəmiyyətinin sifarişi ilə “Xezer Construction” Məhdud Məsuliyyətli Cəmiyyəti aparır.

Bu məqsədlə dövlət büdcəsindən Nəbatat Bağının layihə-smeta sənədlərinin işlənib hazırlanmasına 580.300 manat, abadlaşdırılmasına isə 58 milyon manat ayrılıb.

Qlobal.az məsələ ilə bağlı sifarişçi təşkilatdan – Bakı şəhər İcra Hakimiyyətindən mövqe öyrənə bilməyib.

Tikinti işlərini aparan “Xezer Construction” MMC də məsələyə münasibət bildirmədi.