Kənd təsərrüfatı naziri Məcnun Məmmədov 7 fevralda keçiriləcək Prezident seçkilərindən sonra hökumətin formalaşan yeni tərkibində yer almayacaq.

Bu barədə “Arqument.az”a adının çəkilməsini istəməyən mənbə məlumat verib.

Məcnun Məmmədovun yeni kabinetdə yer almaması onun fəaliyyətsizliyi ilə əlaqələndirilir:

“Kənd Təsərrüfatı Nazirliyi tarixi boyu belə zəif nazir görməyib. Düzdür, o, nazir vəzifəsindən əvvvəl fəaliyyət göstərdiyi müxtəlif MMC-lərdə təşkilatçı rəhbər kimi fərqlənə bilmişdi. Ancaq nazirliyə rəhbər gətirildikdən sonra əvvəlki Məcnun Məmmədovdan sanki əsər-əlamət qalmadı. Nazir təyin edilməsindən bir il vaxt keçməsinə baxmayaraq, hələ də Məcnun Məmmədovun ortaya çıxarılası proqramı, konsepsiyası yoxdur. Verilən hesabatlar isə sadəcə rəqəm yığınından ibarətdir. Hətta vəziyyət o dərəcədədir ki, nazirliyin tabeliyində fəaliyyət göstərən qurumlarda çalışan şəxslərin əksəriyyətinin Məcnun Məmmədovu adını konsepsiyası olmadığına görə “kitabsız peyğəmbər” qoyublar”.

Bildirilir ki, onun dövründə qeyri-neft sektoru sayılan kənd təsərrüfatı da ciddi nəticə əldə edə biməyib. Halbuki bir neçə il öncə kənd təsərrüfatının inkişafı ilə bağlı strategiya da hazırlanmışdı.

Mənbə bildirir ki, Məcnun Məmmədovun fəaliyyətsiz olmasının bir səbəbi aqrar sektoru yaxşı bilməməsi, təşkilatçılıq bacarığının zəifliyidirsə, digər səbəbi də nazirlikdə olan müxtəlif qruplaşmaların islahata qarşı dirəniş göstərmələridir.

Bir neçə ildir ki, nazirlikdə kök atmış bu qruplaşmaların ən əsasının başında isə Aqrar Sığorta Fondunun sədri Fuad Sadıqov dayanır.

Özü barəsində yüksək instansiyalarda savadlı iqtisadçı, menecer imici formalaşdırmağı bacarmış Fuad Sadıqovun nazir postuna iddialı olduğu bildirilir.

Onun bu niyyətinə çatması üçün yaxşı əlaqələrinin olduğu da iddialar sırasındadır.

Məlumata görə, Prezident seçkilərindən sonra Fuad Sadıqov Kənd Təsərrüfatı naziri vəzifəsinə təyin edilə bilər. Hətta bununla bağlı hər iki şəxsin məlumatlı olduğu bildirilir.

Son vaxtlar müxtəlif tədbirlərdə boy göstərən Qazax Rayon İcra Hakimiyyətinin başçısı Rəcəb Babaşovun geyindiyi brend markalı və bahalı qış geyimləri, qiymətli saatı və ayaqqabısı hər kəsin diqqətini çəkməkdədir.

32gun.az bu dəfə zövqlü və kifayət qədər bahalı geyimləri ilə diqqət çəkən icra başçısı Rəcəb Babaşov haqqında araşdırma aparıb.

Yanvarın 24-də İcra Başçısının sərhəddə yerləşən Quşçu Ayrım və Fərəhli kəndlərində sakinlərlə görüşərkən geyindiyin "dublyonka" İtaliyanın məşhur "ERMENEGILDO ZEGNA" brendinə məxsusdur. Bu geyimin qiyməti 1010 dollardır. Alış-veriş saytında bildirilən məlumata görə, həmin "dublyonka"nın qiymıti bir neçə gündür endirimə düşdüyü üçün 506 dollar olub. 
Rəcəb Babaşovun elə həmin gün ayağında olan ayaqqabı da üst geyimindən geri qalmır. Belə ki, icra başçısının ayağındakı altı ağ olan qəhvəyi rəngli ayaqqabısı da İtaliyanın məşhur brendlərindən birinə "Loro Piana"ya məxsusdur. "Loro Piana" brendimim bu modelinin qiyməti 1350 dollardır.

İcra Başçısnın saat sevdası da diqqətdən yayınmır. Sayxtımıza daxil olan məlumata görə, icra başçısının kolleksiyasına müxtəlif brendlərdən olan saatlar daxildir. Bunlardan biri də "Bvulgari" markasıdır.

Bu saat ilk dəfə 2017-ci ildə həm icra başçısının biləyində İsrail səfirinin Qazax rayonuna səfəri (09.11.2017) zamanı görülüb. Sonralar həmin saat R.Babaşovun əlində daim görünüb.

Bundan öncə Rəcəb Babaşovun bahalı 8500 manatlıq (5000 $) "Vertu" telefonu telefonun olması sosial şəbəkədə gündəm olmuşdu. İddiaya görə, bu foto Qazax icra hakimiyyətinin saytında olub, Sonradan məsələ gündəm olduqda, "Vertu" barədə xəbərlər çıxandan sonra şəkil saytdan çıxarılııb.

Xatırladaq ki, Qazax Rayon İcra başçısı Rəcəb Babaşov Elşən Babaşzadə 275 min dollar (450 manat) dəyərində olan “Mercedes Benz G-63 AMG” markalı avtomobili, həm də özünün 99 FF 099 dövlət nömrə nişanlı 250 min manatlıq “Rang Rover”i ilə medianın gündəminə düşmüşdü.

PS: Qarşı tərfin mövqeyini işıqlandırmağa hazırıq...

Ayxan

Qeydiyyat və notariat baş idarəsinin əməkdaşları 57-ci və 10-cu maddələrinin tələblərinə məhəl qoymurlar- ÖZBAŞINALIQ






Azərbaycan Respublikası Konstitusiyasının 57-ci maddəsinin 1-ci bəndində qeyd olunur ki, Azərbaycan Respublikasının vətəndaşları dövlət orqanlarına şəxsən müraciət etmək, habelə fərdi və kollektiv yazılı müraciətlər göndərmək hüququna malikdirlər.
Hər bir müraciətə qanunla müəyyən edilmiş qaydada və müddətlərdə yazılı cavab da verilməlidir. Konstitusiyasının 10-cu maddəsi isə ünvanlanan müraciətlərə baxılmasının müddətini tənzimləyir. Yəni, 10-cu maddənin 1-ci bəndində qeyd olunur ki, vətəndaşların müraciətlərinə ən geci 15 iş günü, əlavə öyrənilmə və yoxlanılma tələb olunduqda isə, müraciətlərə ən geci 30 iş günü müddətində baxılır.
Qanunpress.com GundemXeber.az-a istinadən bildirir ki, Azərbaycan Respublikası Konstitusiyasının 57-ci və 10-cu maddələri belə bir tələblərin icra olunmasını tələb etsə də, deyəsən Ədliyyə Nazirliyinin Qeydiyyat və notariat baş idarəsinin əməkdaşları həmin maddələrin tələblərinə heç də məhəl qoymurlar. Məsələn, 23 oktyabr 2023-cü il tarixdə, saat təqribən 11:00 radələrində gundemxeber.az xəbər portalının əməkdaşı bir nəfər şəxslə birlikdə Bakı şəhəri, Binəqədi rayonu, Binəqədi qəsəbəsi, Aydınbəyov küç- 106 ünvanında fəaliyyət göstərən 26 saylı dövlət notariat kontorunda olur və həmin kontorda üzüzə qaldıqları olaydan sanki dəhşətə gəlir. Yəni, ilk əvvəl əməkdaşımız həmin şəxslə notariat kontorunda 4-cü pəncərəyə yaxınlaşır və lazımi sənədlərin qeydiyyatını həyata keçirirlər. Elə ki, sənədlərin qeydiyyatı işləri tam hazır olur, o halda kontorun əməkdaşı onlara giriş qapısının sağ hissəsində yerləşən kassaya yaxınlaşmalarını və 36 manat məbləğində rüsum ödəmələrini bildirir. Bəli, hər iki şəxs kassaya yaxınlaşırlar və 36 manat pulu kassada işləyən əməkdaşa verirlər. Notariat kontorunun kassasında çalışan həmin əməkdaş 36 manat pulu əlbəəl götürür və o, aldığı pulun yalnız 20 manatını Mobil notariat tətbiqinə köçürür. Yəni, yerdə qalan 16 manat pul hansısa təyinat üzrə rəsmləşdirmir və təsdiq olunan sənədlər üzrə ümumi rüsum xərci 35, 25 manat təşkil edir.
Qeyd edək ki, 23 oktyabr 2023-cü il tarixdə 26 saylı dövlət notariat kontorunda sənədlərin təsdiqi üçün əməkdaşımızdan və onunla birlikdə olan şəxsdən alınmış 36 manat pulun16 manatının hansı təyinat üzrə rəsmləşdirilməsi məsələsi qaranlıq qalır. Belə bir səbəbdən də, bu məsələyə aydınlıq gətirilməsi üçün gundemxeber.az xəbər portalının redaksiyasından 03 noyabr 2023-cü il tarixdə Azərbaycan Respublikasının Ədliyyə Naziri cənab Fikrət Məmmədova rəsmi qaydada məktubla müraciət etdik. Məqsədimiz yalnız və yalnız cənab Nazirin verəcəyi tapşırıqlar əsasında həmin məsələyə aydınlıq gətirilməsinə nail olmaq idi. Təəssüflər olsun ki, qeyd olunan məsələnin araşdırılmasını həyata keçirən Ədliyyə Nazirliyinin Qeydiyyat və notariat baş idarəsinin əməkdaşları, həmin vaxtdan 3 (üç) aya yaxın müddətin keçməsinə baxmayaraq, hələ də redaksiyamıza yazılı cavab verməyiblər. Bu da onu söyləməyə əsas verir ki, Qeydiyyat və notariat baş idarəsinin əməkdaşları Konstitusiyasının 57-ci və 10-cu maddələrinin tələblərinə məhəl qoymurlar. Yəni, buna başqa ad vermək olmaz.

Məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!
GundemXeber.Az

Hörmətli 24xeber.az-ın rəhbərliyi xahiş edirəm bizim bu çətinliyimizi ictimailəşdirərdiniz. Mingəçevir hamımızın şəhəridir. Problemləridə hamımızın problemidir. Ancaq tək əldən səs çıxmaz.Birlik olsa,hər kəs öz haqqını tələb etsə bəzi dələduz işbazlarda çəkinərlər öz məkirli niyyətlərindən. Mingəçevir səhiyyəsinin təkcə şəkər xəstələrinin başlarına gətirdikləri problemləri çatdırmaq istəyirəm nəzərinizə. Özüm də 1ci qarabağ müharibəsi veteranı şəkər xəstəsiyəm. Əvvəllər şəkər xəstələri üçün dövlət ayrılmış dərmanları vaxtı vaxtında hər kəsin ehtiyacına uyğun olaraq verirdilər. Həm də xəstələr narahat olmasın deyə ayın günlərinə bölüb növbəynən verərdilər. İndi qəsdən bütün xəstələri bir günə salıb bir birinin başına çıxardırlar. Bir xəstəyə ehtiyacı olduğundan qat qat az miqdarda test insulin verilir. Deyirlər yuxarıdan az verirlər. Apteklər isə doludur ağzınacan.Şəkər xəstəliyi ən ağır xəstəliklərdən olduğu üçün dövlətimiz hər cür yardım edir. Ancaq bu ərkəsöyün həkimlər heç kimi veclərinə almır dərmanlarımızı testlərimizi insulinlərimizi mənimsəyirlər. Nə hökumətdən qorxurlar nə allahdan. 2-3 ay bundan öncə camaat qalxıb narazılıqlarını bildirib sosial şəbəkələrdə çəkib göstərdilər. Hər şey qaydasına düşdü. İndi yenə köhnə hamam köhnə tas. Sübut istəyirsinizsə dərman verilən bircə gün gəlin qıraqdan seyr edin görün bu yazıq xəstələrə nə zülm verirlər. Nə üçün dərmanların verilməsini bir günə salırlar?Cavab birdir.Öz fırıldaqlarını ört basdır etmək üçün.

Əlavə olaraq onu da bildiririk ki, Mingəçevir Şəhər Xəstəxanası Publik Hüquqi şəxsinin direktoru Faiq Abdullayev sanki Qarabağ müharisinin qazilərinə “müharibə” elan edib. Belə ki, 44 günlük vətən müharibəsinin qazisi 3-cü qrup müharbə əlili Anar Mehdiyevin də bildirdiyinə görə xəstəxanada qazilərin müalicə aldığı şöbələr pis vəziyyətədədi. Şikayət etsək də baxan yoxdu..

Ölkədə aparılan kadr islahatları, Prezidentin vəzifəyə təyin olunanlar qarşısında qoyduğu sərt tələblər cəmiyyətdə böyük rezonans doğurub. İndi korrupsiyaya, məmur özbaşınalıqlarına qarşı mübarizə günün başlıca tələblərindəndir. İndi artıq demək olar ki, Prezident xalqa müraciət edərək məmurlar üzərində ictimai nəzarətin zəruriliyini vurğulayır, hamını fəal olmağa çağırır. Düşünmək olar ki, vəzifə mənsubları bundan bir nəticə çıxardar, fəaliyyətlərində dönüş yaradarlar. Amma,nəfayda…

Artıq illərdir ki, C.M.Abdullayev adına Elmi-Tədqiqat Kardiologiya İnstitutuna direktor təyin olunan Gülnaz Dadaşova vəzifədə olduğu müddətdə böyük bir kollektivi, tibb ocağını çətin duruma saldı. Naşı idarəçilik, kollektivə qarşı cəbhə açmaq aylardır ki, burada gərgin atmosferin hökm sürməsinə səbəb oldu. Yalnız keçmiş Səhiyyə naziri Oqtay Şirəliyev ilə olan “qudalıq”dan yararlanan G.Dadaşova “burda mənəm nazirlikdə Oqtay müəllim” deyərək istədiyini etmiş-işdən çıxarmış, işə qəbul etmiş… G.Dadaşova ”Sobsan” şirkətinin rəhbəri Cavid bəyin əmisi qızıdır.

Sabiq nazir O.Şirəliyevin oğlunu ikinci dəfə evləndirərkən qohum olduğu yeni qudası da “Sobsan Boya” şirkətinin əsas payçılarından, şəriklərindən biridir. Beləcə, sabiq nazir təzə qohumluğu daha da möhkəmləndirmək üçün (hər halda başqa nəsə səbəb düşünmək istəmirik) Gülnaz xanımın Kardiologiya İnstitutunun rəhbərliyinə gedən yolunu ağ rəngə boyadı. Rənglərin tündləşməsi isə əsas bundan sonra baş verdi. Gülnaz xanım instituta gəldi nə gəldi. İnstituta təmir adı ilə yüngülvari əl gəzdirəndən sonra(bunun üçün əməkdaşların da xərcə düşdüyü haqqında məlumatlar var) başladı otaqları satmağa. Hətta kişilərin tualetini də sataraq gender bərabərliyini tamamilə pozdu.

Təzə direktorun əsas “islahatları” isə kadr sahəsində oldu. Məhz bu “islahatlar” Kardiologiya İnstitutunu altını üstünə çevirdi. Özünü dövlət institutunun direktorundan çox şirkət rəhbəri kimi aparan, qorxu,xof, kollektivdə qarşılıqlı inamsızlıq, şübhə toxumları səpən, hamını hər an işdən qovulma təhlükəsi altında saxlayan G.Dadaşova tədricən öz komandasını formalaşdırdı. Qanunsuz olaraq işdən çıxarılanlar isə məhkəmələrdə öz haqqlarını qorudu, hətta Gülnaz Dadaşovanın qanunsuz işdən çıxartdığı həkim məhkəmə hökmü ilə işə qayıtdı. İnstitutun keçmiş əməkdaşlarının tələbləri nəinki yerinə yetirilmədi,hətta G.Dadaşova bu məsələyə münasibət bildirməyi belə özünə sığışdırmadı və sonda müəyyən adlar altında təcrübəli həkimləri institutdan kənarlaşdırmaq imkanı əldə etdi.

G.Dadaşova instituta işə qəbul etdiyi şəxsləri hansı kriteriyaları əsas götürərək seçdiyini isə ancaq özü bildi. Çünki həmin şəxslərin nazirliyin keçirdiyi imtahanlarda iştirakı və yaxud hansı vakansiyalara qəbul olunması barədə demək olar ki,heç bir məlumat yox idi. Xüsusilə qeyd edilməlidir ki, G.Dadaşovanın qısa müddət ərzində işə qəbul etdiyi şəxslərin sayı son 15 ildə işə götürülənlərin sayından qat-qat çoxdur.. Bu isə məsələdə şəxsi maraqların və qaranlıq məqamların olmasından xəbər verir.

Ümumiyyətlə G.Dadaşova bu və ya digər mənada öz yaxınlarını ətrafına toplamaqda davam etdi. Verilən məlumatlarda bildirilir ki, təxminən bir neçə il əvvəl «yaxın əlaqələri» olan türk iş adamı nəinki institutun təmir olunmasında, hətta idarə olunmasında belə yaxından iştirak edib.

G.Dadaşovanın gəlişindən sonra Kardiologiya İnstitutu “dərman mafiyası”nın oylağına çevrilib.

Direktorun köməkçisini “görəndən sonra” bu firma əməkdaşlarının təqdim etdiyi dərmanlar xəstələrin ömrünə balta çalmağa başlayır. Məlumatlarda o da bildirilir ki, direktorun razılığını «imtiyazlı müqavilələr» bağladıqdan sonra almaq olar. Gerisi isə artıq həkimlərin reseptlərində sıralanan keyfiyyətsiz və baha dərmanlarda özünü göstərir.

G.Dadaşova elm aləmində “inqilab” hesab olunan plagiat əsəri barədə deyilənlərə də reaksiya verməyi özünə sığışdırmadı. Bu barədə mediada gedən müraciətlərə hələ ki, düz-əməlli bir cavab verilməsə də müvafiq qurumlar-konkret olaraq Ali Attestasiya Komissiyası da susqunluğunu qorudu.

Bir daha bildiririk ki, G.Dadaşovanın “Cinsdən asılı olaraq ürək çatışmazlığının müalicəsi” mövzusunda olan elmi işinin 38 səhifəsi tamamilə köçürmə-plagiatdır. “Əsər”in ərsəyə gəlməsində Mədinə Əzimovanın “Metabolik sindrom zamanı hemodinamika, qanın lipid spektri, insulinərezistenlik,ürək ritmi variabelliyinin əsas parametrləri və müalicənin optimallaşdırılması” mövzusunda dissertasiyasından, eləcə də Nailə Məmmədovanın “Osobennosti kliniçeskoqo teçeniya izmeneniya qemodinamiki, qemoreoloqii u jenşin postmenopauze, perenesşix infarkt miokarda” mövzusunda dissertasiyasından eninə-uzununa istifadə edillmiş, daha doğrusu köçürülmüşdür. Məlumata görə, zəif tərzdə yazılmış, plagiat olan elmi iş əvvəllər təsdiq olunmasa da sabiq nazir O.Şirəliyevlə qohumluq və şəriklik yaranandan sonra bu “dahiyanə əsər”in də bəxti açıldı. Çox məhdud dairədə “müzakirə” olunan elmi iş təsdiq olundu və G.Dadaşova öz adını alimlər sırasına yazdıra bildi.

Göründüyü kimi fəaliyyəti “dramatik çalarla” zəngin olan G.Dadaşova bu gün ölkədə aparılan islahatları, yenilənmə proseslərini görməzdən gəlir. Sanki bütün bunların onun rəhbərlik etdiyi instituta heç bir aidiyyatı yoxdur. Ən pisi odur ki, G.Dadaşova instituta rəhbərlik etdiyi dövrdə hərbi çağırışçılarla bağlı obyektiv olmayan, maraqlara söykənən rəylər verilmişdir.

Hətta belə hallar sosial təqaüd alan «ağır» xəstələrə də şamil edilir. Yəqin ki, bu səbəbdən media üzərində gedən məlumatlara heç bir rəsmi cavab verilmir, münasibət açıqlanmır. Biz dəvəsi ölmüş ərəbik, Gülnaz xanımın bu kaprizinə də dözərik. Amma, yəqin ki, ondan hesab soruşulanda G.Dadaşovanın kaprizləri keçməyəcək!

azerbaycanrealligi.com

TEREF yazır ki, İFADETV.COM İnformasiya Agentliyinin baş redaktoru İfadə Cəfərzadə Prezidentə və dövlətin səhaiyyət sahiblərinə baş verə biləcək fəlakət barədə müraciət ünvanltıb. Baş redaktor müraciətində yazır:
« Şəki rayonun Baş Göynük, Selbasan, Aşağı Göynük sakinlərinin sel təhlükəsi ilə bağlkı qeyd etdikləri faktlar üzrə yerində apardığımız araşdırmalar bu günədək həllini tapmadığı məlum olmuşdur. ASC-nin sədr müavini olmuş cənab Zakir Quliyevin yazdığı arayış formalı məktubuda yazılanların heç bir əsası yoxdur. Ona görə də məqalədə qeyd edilən faktların direktiv orqanlar tərəfindən təxirəsalınmaz araşdırlamsı zəruriyyəti yaranmışdır. Redaksiya olaraq bu istiqamətdə apardığımız araşdırmanı saytımız vasitəsilə də təkrar ictimailəşdiririk.

Azərbaycan Respublikası Cinayət Prossesual Məcəlləsinin 206-cı maddəsinin 206.1. bəndində qeyd edilib ki, cinayətin törədilməsi və ya onun törədilməsinə hazırlıq faktına dair müvafiq kütləvi informasiya vasitəsinə məlum olmuş, cinayət işinin başlanması üçün səbəb hesab edilən kütləvi informasiya vasitələrinin məlumatları mətbuatda, radioda, televiziyada əks etdirildikdən sonra cinayət təqibi orqanlarına göndərilməlidir. Məcəllənin 206.2. bəndinə əsasən, törədilmiş və ya hazırlanan cinayətlərlə əlaqədar kütləvi informasiya vasitələrinə ünvanlanmış, dərc edilməmiş yazışmalar kütləvi informasiya vasitələrinin vəzifəli şəxsləri tərəfindən bu Məcəllənin 205-ci maddəsində nəzərdə tutulmuş qaydada cinayət təqibi orqanlarına göndərilə bilər. 206-cı maddənin 206.3. bəndinə görə, törədilmiş və ya hazırlanan cinayətlər haqqında məlumatları dərc etmiş və ya aidiyyəti üzrə göndərmiş kütləvi informasiya vasitələrinin vəzifəli şəxsləri, habelə həmin məlumatların müəllifləri onlarda olan və cinayət haqqında məlumatı təsdiq edən sənədləri təhqiqatçı ya, müstəntiqə, ibtidai araşdırmaya prosessual rəhbərliyi həyata keçirən prokurora və ya məhkəməyə təqdim etməlidirlər.
Qanunvericiliyin xüsusi maddələrini nəzərə almağınız xahiş olunur.
Hörmətlə, baş redaktor İfadə Cəfərzadə

https://ifadetv.com/5080-sel-felaketile-uzlesmis-20000-insan-heyatini-tehlukeden-qurtarmasi-an-meselesidir-prezidente-ve-bas-nazire-muraciet.html

Adı iş adamının qətlində hallanan Rüstəm Şahbazov başqa bir iş adamına 300 min manat “atıb” –Adı iş adamının qətlində adı hallanan rəis müavini ilə bağlı daha bir şikayət var. Belə ki, Bakı sakini Dadaşov Abbas Eldar oğlu Əmlak Məsələləri Dövlət Xidmətinin rəis müavini Rüstəm Şahbazovdan və qardaşı Teymur Şahbazovdan şikayətçidir. Qeyd edək ki, R.Şahbazovun adı son günlər qətllə bağlı məhkəmə işində qətlin sifarişçisi kimi hallanıb. Bu barədə mediada geniş məlumat verilib,

Afn.az-a göndərdiyi şikayət məktubunda isə A.Dadaşov bildirir ki, Teymur Şahbazov qardaşı, 15 ilə yaxındır ki, Əmlak Məsələləri Dövlət Xidmətinin rəis müavini işləyən Rüstəm Şahbazovun onun işini düzəldəcəyinə söz verərək külli miqdarda pulunu mənimsəyib. Şikayətçi bildirir ki, Sumqayıt şəhəri, Koroğlu küçəsi, Əmlak Komitəsinin Sumqayıt şöbəsinin yaxınlığında yerləşən 0.68 ha boş torpaq sahəsini uzun müddətə icarəyə götürmək istəyi haqda əvvəlcədən tanıdığı Şahbazov
Teymur Adıgözəl oğluna danışıb: "O, mənə bildirdi ki, mənim Əmlak Komitəsində tanıdığım şəxs var və bunu çox asanlıqla həll edə bilərəm. Bildirdi ki, bu barədə həmin məsələni həll edəsi şəxslə danışıb səninlə görüşüb, ümumi bir razılığa gələrik. Bir neçə gündən sonra Teymurla görüşdük və o, mənə bildirdi ki, danışmışam 180 min manata torpaq məsələsi həll olunacaq. Mən ondan bu işi kiminlə həll edəcəyini soruşdum. Bildirdi ki, qardaşı Şahbazov Rüstəm uzun müddətdir ki, Əmlak Məsələləri Dövlər Xidmətində müavin vəzifəsində işləyir. Bütün məsələləri Rüstəm həll edir. Dedi ki, arxayın olun, məsələ 100 faiz həll olunacaq. Teymurun söhbətinə mən tam inandım və ona hissə-hissə 236000 manat pul verdim”.

Bir müddət keçdi, Teymur verdiyi vədə əməl etmədiyinə görə A.Dadaşov ondan şübhələnib: "Ona bildirdim ki, sən işi yubadırsan, işin yubanmasının səbəbini mənə izah et. Dedi ki, qardaşım Rüstəm ölkədə yoxdur, ona görə də sənədləşmə bir az gecikir. Rüstəm gələn kimi sənədləşmə yekunlaşacaq və sənədləri tam şəkildə sənə verəcəm. O, dedi ki, bütün ölkə üzrə bu məsələlərə qardaşı rəhbərlik edir. Mən arxayın oldum ki, Teymur yalan danışmaz, qardaşı Rüstəm Şahbazovla məsələni həll edəcək. Teymur mənə onu da dedi ki, pulun hamısını qardaşına verib”.

"Sövdələşmə”nin üzərindən bir müddət keçsə də, lazım olan sənədlər A.Dadaşova verilməyib. Şikayətçinin sözlərinə görə, T.Şahbazov hər dəfə ona qardaşı R.Şahbazovla görüşdüyünü, narahatçılığa əsas olmadığını deyib vaxtı uzadıb: "Lakin mən artıq Teymurun yalan danışdığını və mənə qarrşı dələduzluq etdiyini anladım. Bundan sonra Teymura nə qədər zəng vurdum telefon zənglərimə cavab vermədi. Artıq mən əmin oldum ki, Teymur məni aldadaraq qardaşı Rüstəmlə qabaqcadan əlbir olaraq, 236000 manat pulumu ələ keçirib, mənə qarşı dələduzluq etməklə, Azərbaycan Respublikası CM-nin 178-ci maddəsinin 2.1, 2.2, 3.4-cü hissələrində nəzərdə tutulan cinayət əməlini törədiblər”.

Teymur Şahbazovun əməlləri bununla bitməyib. Belə ki, şikayəçinin sözlərinə görə, o, sənəd saxtakarlığına da gedib: "O, mənimlə özəlləşdirilən dövlət müəssisə və obyektlərinin, habelə hüquqi və fiziki şəxslər tərəfindən inşa edilmiş müəssisə və obyektlərin yerləşdiyi dövlət torpaq sahəsinin icarəyə verilməsi haqqında 27 iyul 2022-ci ildə müqavilə bağladı. Bununla da Teymur Şahbazov məni daha da inandırdı. Sonra mənə məlum oldu ki, tərtib olunan həmin müqavilə də saxtadır. Həmin müqaviləyə görə də Teymur məndən 4-5 ay olmaqla hər ay 7850 manat "icarə haqqı” aldı”.

A.Dadaşov Şahbazov Teymur Adıgözəl oğlunun və qardaşı Şahbazov Rüstəm Adıgözəl oğlunun cinayət məsuliyyətinə cəlb olunması və ona dəymiş 236000 manatın ödənilməsi üçün aidiyyəti üzrə göstəriş verilməsini xahiş edir. O, müvafiq müraciətini aidiyyatı hüquq-mühafizə orqanlarına da göndərib.

Bütün qeyd edilənlərlə bağlı Əmlak Məsələləri Dövlət Xidmətinin rəis müavini Rüstəm Şahbazovdan mövqe almaq cəhdlərimiz boşa çıxdı. Belə ki, Xidmətin mətbuat xidmətinə ünvanladığımız sorğuya cavab olaraq bildirildi ki, məsələyə hüquq-mühafizə orqanları baxır, ona görə mövqe vermək məqsədəuyğun deyil. R.Şahbazova məxsus votsap nömrəsinə göndərdiyimiz müraciət də cavabsız qaldı.

Qarşı tərəfin mövqeyini verməyə hazırıq.

Dövlət vətəndaşın həm sosial vəziyyətinin, həm də sağlamlığının qayğısını çəkməlidir. Vətəndaş inanmalıdır ki, bu ölkədə acından və səhhətinə biganəlikdən həyatını itirməyəcək. Amma Azərbaycanda bu istiqamətlərin heç biri haqda əminliklə danışmaq olmur. Sosial vəziyyət onsuz da aydındır. Əhalinin sağlamlığının qayğısına qalmaq da əhəmiyyətli məsələ hesab olunmur.
Bizimyol.info xəbər verir ki, Tibbi Ərazi Bölmələrini İdarəetmə Birliyi (TƏBİB) etimadı doğrultmadı. Əlbəttə, problemlərin qısa zamanda həll olunacağı gözlənilmirdi. Amma bu sektorda ciddi dəyişikliklərə müəyyən ümid vardı. İndi TƏBİB-dən şikayətlərin sayı-hesabı yoxdur. Xüsusilə. təcili tibbi yardım məsələsi ciddi problemdir. İnsanlar saatlarla yardım gözləyir. Bu günlərdə sosial platformalarda yayılan bir videoda problem aşkar göstərilib. Vətəndaş yaxınına kömək üçün qaynar xəttə dəfələrlə zəng vursa da, yardıma gələn olmayıb. Bundan sonra həmin şəxs Təcili və Təxirəsalınmaz Tibbi Yardım Stansiyalarından birinə üz tutub. Orada məlum olub ki, işçilər yerində deyil. Stansiyanın həyətində isə avtomobillər yan-yana düzülüb.

TƏBİB-in əsas arqumenti odur ki, müraciətlərin sayı həddindən artıq çoxdur. Daha doğrusu, müraciətlərin sayı təcili tibbi yardım üçün mövcud olan briqadaların sayına adekvat deyil. Bakı Şəhəri Təcili və Təxirəsalınmaz Tibbi Yardım Stansiyasının əməliyyat işləri üzrə baş həkimin müavini Nuridə Fərzəliyevanın sözlərinə görə, hazırda Bakıda təcili yardımda 139 briqada xətdə fəaliyyət göstərir.

“Bu, bir neçə il öncə ayrılan briqada sayıdır. Bakıda hazırda təxminən 2,5 milyon əhali rəsmi qeydiyyatdadır. Bir o qədər də qeyri-rəsmi qeydiyyatda yaşayan əhali var. Buna görə sayda uyğunsuzluq var”, - Nuridə Fərzəliyeva belə deyir.

İstənilən halda ağır situasiyalarda təcili tibbi yardım xidmətinin əməkdaşlarının özünü hadisə yerinə çatdıra bilməməsi yolverilməzdir. Bu yaxınlarda Abşeron rayonu, Mazasır qəsəbəsində eyvandan yıxılan uşağa nəinki vaxtında, ümumiyyətlə, kömək edilməmişdi. Dərhal təcili tibbi yardıma zəng olunsa da, uzun müddət ərzində gəlib çıxmamışdı. Bu üzdən ətrafdakıların köməyilə uşaq xəstəxanaya çatdırılmışdı.

Vətəndaş Dilarə Əsgərova da vaxtında tibbi yardım göstərilmədiyinə görə bacısını itirdiyini deyir: “Düz bir il əvvəl bacım 48 yaşında, heç bir xroniki xəstəliyi olmadan TƏBİB-in biabırçı təcili tibbi yardım xidmətinin qurbanı oldu. 75 faiz saturasiya ilə müvəqqəti, yəni xəstəxanalarda yer tapılana qədər “Medical Plaza”nın Babək filialına yerləşdirildi. Oksigen verildikdən sonra vəziyyəti yaxşılaşıb. Sonra Ağciyər Xəstəlikləri İnstitutunda yer ayrılıb deyərək təcili yardımla göndərilib adı çəkilən xəstəxanaya. Həmin xəstəxanaya çatanda orada deyiblər ki, bizə məlumat verilməyib, yerimiz yoxdur. Qardaşlarımla xəstəxana işçiləri arasında mübahisə düşüb. Nəticə olaraq, götürməyiblər xəstəni xəstəxanaya. Bacım elə təcili yardım maşınında, oğlunun gözü qarşısında “səni çox sevirəm” deyib canını tapşırıb”.

Dilarə Əsgərova İranda həbsdə saxlanılan azərbaycanlı tələbə Fərid Səfərlinin anasıdır.

Nə qədər belə ağrılı hadisələr eşidirik. Biz gözümüz yolda qalır. Özümüzə, hər hansı yaxınımıza təcili yardım göstəriləcəyini gözləyirik.

Belə görünür ki, TƏBİB üçün yardım təcili deyil. Əks halda, briqadaların sayının azlığıyla bağlı həyəcan təbili çalınar, dövlətdən bu istiqamətdə lazımi addımların atılması tələb olunar.