Xəbər verdiyimiz kimi, Lənkəranda piyada səkilərinin üstündə dükan tikilməsi tendensiyası davam edir.Camaat arasında MTS adlanan məhəllənin girişində,Füzuli küçəsi ilə Şəhid Əli Mehdizadə küçəsinin kəsişməsində səkinin üstündə, böyük problemlərə əsas olacaq, 8-9 kvadrat metrlik xırda bir dükan tikilir.

”Yeni Gundem”in məlumatına görə, bu dükan 2 saylı poçt şöbəsinin divarına dirənməklə yanaşı,həm də məhəlləyə gedən qaz və elektrik xətlərinin altında inşa edilir.Dükanın tikilməsi məhəllə sakinlərinin piyada gediş-gəlişi üçün əməlli-başlı əngələ çevrilmişdir.

Həmin ərazidə ki, tikinti ilə bağlı sakinlər Prezident İlham Əliyevə və dövlət qurumlarına müraciət ünvanlayıb.Həmin müraciəti olduğu kimi təqdim edirik.

Lənkəranda camaat arasında MTS adlanan məhəllənin girişində, Füzuli küçəsi ilə Şəhid Əli Mehdizadə küçəsinin kəsişməsində – səkinun üstündə, məhəlləyə gedən qaz və elektrik xətlərinin altında xırda bir dükan tikilir.Bu obyekt məhəllə sakinlərinin piyada gediş-gəlişini çətinləşdirir.Piyadalar məcburiyyət qarşısında avtomobil yoluna çıxmalı olurlar ki, bu da onların həyatlarını təhlükəyə atır.

Qeyd etmək lazımdır ki, 9il qabaq obyekt daha böyük tikilməsi üçün söküldükdə, məhəllə camaatının haqlı narazılıqları və şikayətlərinə baxılmış, Lənkəran ŞİH başçısı hörmətli Taleh Qaraşovun göstərişi ilə tikintisinə icazə verilməmişdi.

Müvafiq qurumların bu qanundankənar tikiliyə münasibət bildirməsini və qanunauyğun tədbir görülməsini xaiş edirik:

Qeyd edək ki, sakinlərinin verdiyi məlumata görə, dükanı tikən Lənkəran Şəhər icra hakimiyyətinin başçı Taleh Qaraşovun müavini – Sosial-iqtisadi inkişafın təhlili və proqnozlaşdırılması şöbəsinin müdiri Mikayıl Cəfərzadənin əmisidir.

Qeyd: Məktuba mövcud vəziyyəti əks etdirən şəkilləri əlavə edirik.

Qarşı tərəfin növqeyini dərc etməyə hazırıq.

Yenigundem.az

Bakının Binəqədi rayonu, 6-cı mikrorayon ərazisində, IV Masazır və Svetlana Məmmədova küçələrində yaşayan sakinlər məişət tullantılarını birbaşa yol kənarına atırlar.

Bu barədə Oxu.Az-ın redaksiyasına şikayət daxil olub.

Şikayətdə qeyd olunur ki, adıçəkilən küçələrdə zibil konteynerlərinin olmaması yol kənarının zibilliyə çevrilməsinə səbəb olub. IV Masazır küçəsi həm də ərazidəki 30 nömrəli məktəbin yoludur və bəzən şagirdlər küçəyə atılan zibil torbalarının üstündən keçib getməli olurlar. Əraziyə ən yaxın zibil konteyneri isə Mirzə Məmmədxan küçəsində yerləşir.

Mingəçevir şəhər sakini olan Əliyev Səkinə şəhərin sağ sahilində Yaşar Muradov küçəsi 64a ünvanında yerləşən obyektinin yaxınlığında olan obyekti şəhərdə fəaliyyət göstərən “Osmanbəyli” MMC-nin sahibi Əzizov Osman adlı şəxs tərəfindən alınaraq tikinti işləri aparılmışdı. Aparılan tikintinin qanunsuz aparılması və tikinti aparılan zaman ətrafda olan yaşıllıqa ziyan vurulmuşdu. Bu barədə FHN-nə və Ekologiya və təbii sərvatlər nazirliyinin qaynar xəttinə müraciət etmişəm. Bundan sonra tikintinti dayandırıldı. Amma xeyir biz elə sanmışıq. Obyektin tikintisi davam etdirilmişdi. Sizə təqdim etdiyimiz fotolarda yay aylarında ətrafda ağacların olduğu açıq şəkildə görsənir. icra hakimiyyətinin rəsmi fesybuk hesabı ilə verilmiş cavabda obyektin fəaliyyətinin dayandırıldığı bildirlsədə indi sizə təqdim etdiyimiz fotolarda ərazidə tikibtinin aparıldığı açıq aşkar görsənir. Bizə maraqlı olan məsələ isə budur ki, şəhərdə hansısa bir şəxs ailəsinə bir tikə çörək aparmaq üçün nəisə bir şey satmaq istəyən zaman anında vətəndaşın başının üstünü kəsən Mingəçevir şəhər icra hakimiyyəti başçısının 2 sahə inzibati ərazi dairə üzrə nümayəndəliyi nə üçün təxmini 600 kv-lik bir obyektin tikintisinin aparıldığını görməmişdi? Bəlkədə görməməsi üçün nələrsə mane olmuşdu?
Məsələ ilə bağlı Mingəçevir şəhər İcra Hakimiyyəti açıqlama verərək bildirmişdi ki, şəhər icra hakimiyyətinin Memarlıq və Tikinti şöbəsindən verilən məlumata əsasən Mingəçevir şəhər İcra Hakimiyyəti başçısının 2 nömrəli Səhə İnzibati Ərazi Dairəsi üzrə Nümayəndəliyi tərəfindən 01.08.2023-cü il tarixdə Yaşar Muradov küçəsi 64A ünvanında aparılan qanunsuz tikinti-quraşdırma işləri aşkarlanaraq sahibkar Əzizov Osman Əziz oğluna tikintinin dayandırılması ilə bağlı rəsmi xəbərdarlıq verilmişdir. Amma bundan sonra “Osmanbəyli” MMC-nin sahibi Osman Əzizov tərəfindən verilən açıqlamada obyektin sənədlərinin qaydasında olduğunu bildirilmişdi. Cənab İcra başçısı ikili iş gördüyünüzü özünüz və ya sizə yaxınlığı ilə bilinən Osman Əzizov tərəfindən verilən açıqlamada aydın görünür. Sizin rəhbərlik etdiyiniz qurum bildirir ki, aparılan qanusuz tikili dayandırılmışdı. “Osmanbəyli” MMC-nin sahibi Osman Əzizov isə verdiyi açıqlamada Yaşar Muradov 64a ünvanında ona məxsus olan ərazidə aparılan tikinti ərazsinin sənədlarinin qaydasında olduğunu bildirmişdi. Necə olur ki, sənədləri qaydasında olan bir tikintini dayandırsınız? Yox əgər tikintinin sənədləri qaydasında deyilsə necə olur ki, Osman Əzizov sənədlərinin qaydasında olduğunu bildirir?

Əlavə olaraq onu da bildirək ki, Mingəçevir şəhər icra hakimyyətinin rəsmi feysbuk hesabından bildirilir ki, 01.08.2023-cü il tarixdə Yaşar Muradov küçəsi 64A ünvanında aparılan qanunsuz tikinti-quraşdırma işləri aşkarlanaraq sahibkar Əzizov Osman Əziz oğluna tikintinin dayandırılması ilə bağlı rəsmi xəbərdarlıq verilmişdir.
Çox hörmətli İlham İsmayılov aşağıda qeyd etdiyimiz fotolar sizin dırnaqarası tikintinin dayandırdığınız tarixə aiddi..

Bunlar isə 24.01.204-cü il tarixinə aiddi. İndi görək nə kimi bir absurd bir açıqlama verəcəksiniz? Açıqlamanızda bildirmisiniz ki, Səkinə Əliyev yalan deyir. Bəs bu fotolarla sizin yalan dediyinizi sübut etmir?

Qazax rayon Müalicə Diaqnostika Mərkəzində xəstəxananın istilik sistemi işləmir.

32gun.az-a daxil olan məlumata görə, xəstəxanada çalışan Afiq adlı şəxs xəstəxanada işləyən həkimlərin otağına daxil olub və otaqda olan elektrik enerjisi ilə işləyən "qızdırıcı sobaları" yığışdıraraq başqa bir otağa qoyaraq otağın qapısını bağlayıb.

Verilən məlumata görə, həmin xəstəxanada istilik sistemi olan "kondisioner" işləmir. Elə ona görə də orada çalışan işçilər (həkimlər) qızdırıcı sobadan istifadə etmək məcburiyyətində qalıb.

Əlavə onu da qeyd edək ki, Milyonlarla pul xərclənən Qazax Müalicə Diaqnostika Mərkəzinin binası çox keçmədən yarasız hala düşüb. Şəkildən də gördündüyü kimi yaxın bir nəçə il bundan əvvəl tikilib istifadəyə verilmiş olan və dəyəri milyonlarla ölçülən Diaqnostika Mərkəzi çox keçmədən bərbad vəziyyətə düşüb.

Bu gün sağlamlığımızı etibar etdiyimiz həkimlərin görünür ki, özlərinin sağlam yaşaması üçün,yaxşı şəraitdə işləməsinə böyük ehtiyac var.

Qışın bu şaxtalı çağında xəstəxananın istilik sisteminin işləməməsi sözün əsl mənasında biabırçılıqdır!

Qazax rayon Mərkəzi Xəstəxanasının Direktoru Sevda Məmmədova bu barədə nə düşünür görəsən?

Öz otağının isti olması və kreslosu rahat olan Sevda xanım, deyəsən ətrafına nəzər yetirmək, onların problemləri ilə maraqlanmaq ağlının belə ucundan keçmir?! Əsas odur "müdür"ün yeri rahat olsun,digərləri soyuqdan donsa da olar.

Digər biabırçı vəziyyət isə Diaqnostika Mərkəzinin sanuzel və sanitar qovşağından bağlıdır. Görüntülərdən də aydın olur ki, Sistem Dağılıb su öz-özünə yerə dağılıb.

Hörmətli TƏBİB! Qazax Müalicə Diaqnostika Mərkəzində istilik sistemi işləmir, bəs siz bu barədə nə düşünürsüz??

Əsabil Qasımov NƏ İSTƏDİYİNİ EDİR... - FOTO, VİDEO
Tarix: Bu gün, 16:26 | Çap et | Redaktə et
Əsabil Qasımov NƏ İSTƏDİYİNİ EDİR...
Bu günlərdə “Dəryaz” qəzeti redaksiyasına daxil olmuş məlumata görə, “un kralı” kimi tanınan biznesmen — eks deputat Əsabil Qasımova məxsus “İnvest M. Construction” MMC tikinti şirkəti Nəsimi rayonunun köhnə İcra Hakimiyyəti binasının arxa tərəfindəki 100-dən artıq çoxillik ağacı kökündən çıxararaq məhv edib. Bildirilir ki, bununla bağlı Ekologiya və Təbii Sərvətlər Nazirliyinin 11 saylı Ərazi Ekologiya İdarəsi və Bakı şəhər İcra Hakimiyyətinin Yaşıllaşdırma Təsərrüfatı Birliyi müvafiq icazə olmadan məhv edilmiş 37 ağac üçün 234000 (iki yüz otuz dörd min) manat məbləğdə cərimə protokolu tətbiq etmiş, cərimə məhkəmə qaydasında tikinti şirkətinə ödətdirilmişdir. Qalan 500-dən çox ağac isə hər gün su və başqa maye töküılməklə qurudularaq məhv edilib, kökündən çıxarılıb atılıb.
Məsələ ilə bağlı Dövlət Ekoloji Ekspertiza Agentliyinin İdarə Heyətinin sədri Mirsalam Qənbərovla telefon əlaqəsi saxlayıb hansı işlər görüldüyünü soruşduq. Agentliyin rəhbəri bildirdi ki, «Bu layihə qiymətləndirilməyib, nərəy veriməyib, çoxlu ağac olduğuna görə.
Nazirliyin ETX-i sənədləşdirmə aparıb və Baş prokurorluğa göndərib.
Daha dürüst məlumatı onlardan əldə edin».
Ağacların məhv edildiyi ünvana gedib çəkiliş aparmaq istəyəndə icra olunan tikinti işlərinə nəzarət edən Şahin adlı şəxs özünün qoçu dəstəsi ilə qarşımızı kəsdi və əda ilə yaxınlıqdakı polis işçilərinə qışqıraraq əmr verdi: “Davay, bunları çıxarın burdan!”

Çox güman ki, peşə fəaliyyətimizə mane olan həmin şəxs “İnvest M. Construction” MMC tikinti şirkətinin icraçı direktoru, Əsabil Qasımovun qardaşı oğlu Şahin Qasımov idi. Yeri gəlmişkən, bir ay əvvəl şirkətin Nəsimi rayonu, Mirqasımov 4 ünvanda yaşayan yüzlərlə sakinin mülkiyyət hüququnu pozması, hətta məhkəmə qərarını belə saya almadığı barədə mediada tənqidi məqalələr dərc olunub

Görün, oliqarx eks deputatın qoçuların qudurğanlığı hansı həddə çatıb ki, onlar sanki polisi özlərinin dəyənəyi hesab edirlər.

Müşahidələr, bu mövzuda qələmə alınan tənqidi məqalələrdən çıxarılan ümumiləşdirilmiş qənaət göstərir ki, Əsabil Qasımova məxsus tikinti şirkətləri tərəfındən yaşıllıqların qanunsuz götürüldüyü aşkarlananda inzibati orqanlar hər vəchlə çalışırlar ki, şirkətlərin yalnız Azərbaycan Respublikası Nazirlər Kabinetinin 30.08.2016-cı il tarixli 321 saylı qərarının tələblərini pozduqları qeydə alınsın ki, bu da onların barəsində yalnız inzibati cəza tətbiqini nəzərdə tutur. Adətən “ağaclarm kök qalıqlarının və gövdələrinin ərazidə müəyyən edilmədiyi, həmin ağaclarm diametrlərinin ölçülüb qiymətləndirilməsinin mümkün olmaması» əsas götürülərək, ağaclarm götürülməsində Cinayət Məcəlləsinin 259-cu maddəsində nəzərdə tutulan cinayətin əlamətlərinin mövcud olub-olmaması müəyyən edilməsi mümkünsüz hesab olunur. Bu səbəbdən şirkətlər barəsində Azərbaycan Respublikası İnzibati Xətalar Məcəlləsinin 253.3.1-ci maddəsi ilə inzibati xəta haqqında protokol tərtib olunaraq baxılması üçün rayon məhkəməsinə göndərilir. Halbuki, Cinayət Məcəlləsinin 259-cu maddəsində meşələrdə və ya xüsusi mühafizə olunan təbiət ərazilərində ağacların, kollarm və ya digər yaşıllıqlarm, eləcə də meşə fonduna daxil olmayan ağacların, kolların və ya digər yaşıllıqlarm qanunsuz kəsilməsi (götürülməsi) xeyli miqdarda ziyan vurduqda cinayət məsuliyyətinə səbəb olur. Yuxarıda qeyd etdiyimiz kimi, kəsilən ağacların sayının, kəsilmə tarixinin, diametrlərinin (kök boğazının ölçüləri) qeyri-müəyyən olması dövlətə hansı məbləğdə ziyan vurulmasını müəyyən etməyə mane olur, o üzdən toplanmış araşdırma materialı üzrə cinayət işinin başlanması rədd edilir. Bir sözlə, hər vəchlə çalışırlar ki, qanunsuz götürülən ağacların, yaşıllıqların həcmini cinayət tərkibi yaradacaq qədər, yəni yaşıllığa vurulan ziyanı külli miqdarda göstərməsinlər, Cinayət Məcəlləsinin 259-cu maddəsində nəzərdə tutulan cinayətin əlamətləri müəyyən edilməsin. Əks təqdirdə həmin faktla bağlı Cinayət Məcəlləsinin 259.2.3 (qanunsuz ağac kəsmə, şəxs tərəfindən öz qulluq mövqeyindən istifadə edilməklə törədildikdə), 259.2.4 (qanunsuz ağac kəsmə, külli miqdarda ziyan vurmaqla törədildikdə) və 308.1-ci (vəzifə səlahiyyətlərindən sui-istifadə) maddələri ilə cinayət işi başlanılmalıydı. Razılaşın ki, hüquq-mühafizə və cinayət təqibi orqanları heç kəsə belə iltifatı quru “sağ ola” göstərmirlər. Bakı şəhəri, Nəsimi rayonu Akademik Mirəsədulla Mirqasımov, Xan Şuşinski, İmran Qasımov və Mustafa bəy Topçubaşov küçələrinin kəsişməsində yaşayan sakinlər bir tikinti şirkətinin onların gününü «göy əsgiyə bükməsindən” şikayətçidir.

Sakinlər bildirirlər ki, hələ sovetlər vaxtından paytaxtın «Yaşıl vadi” adlanan məhəlləsində 5-6 ay öncəyədək firavan yaşasalar da, onların dincliyini «İnvest M. Construction” adlı tikinti şirkəti pozmaqda davam edir.
Mirqasımov 4 ünvanda yaşayan narazı sakinlərin dediyinə görə, “İnvest M. Construction” MMC-nin icraçı direktorlarə Mahir Mirzoyev və Şahin Qasımovdur. Və sakinlərlə danışığşı şirkət adından bu iki şəxs aparır.

Yəqin ki, Şahin Qasımovun kimliyi bəlli oldu. O, məşhur biznesmen, sabiq deputat Əsabil Qasımovun qardaşı oğludur.

Yeri gəlmişkən, Bakının tikintti sarıdan ən problemli rayonları olan olan Nəsimi, Nərimanov, Yasamal rayonlarında tikintiyə Əsabil Qasımovun qardaşı oğlanları nəzarət edir.

Nəsimidə Şahin Qasımov, Yasamalda Elvin Qasımov ( “Bizim Ev” MTK), Nərimanovda başqa bir qardaşı oğlu….

Fikir verdinizmi, Qasımovlar az qala Bakını zəbt edib.

Qarşı tərəfin də mövqeyini dərc etməyə hazırıq.

Mövzunu davam etdirəcəyik





Deryaz.az

"DogruXeber.az" xəbər verir ki, hər gün olduğu kimi, bu gün də dövlət satınalma portalında 10-larla tender müqaviləsi barəsində məlumat yer alıb və onlardan bir neçəsinin - Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar Üzrə Dövlət Agentliyi ilə "Deepfive" MMC, Bakı Sağlamlıq Mərkəzi ilə"Kommunal Xidmətlər Müəssisəsi" MMC və "Y.A.P.D."MMC arasında, Maliyyə Nazirliyi Yanında Maliyyə Elm-Tədris Mərkəzi ilə "tender fəalı" "Sınam" MMC arasında, "Akademik M.Ə. Mirqasımov adına Respublika Klinik Xəstəxanası" Publik Hüquqi Şəxsi ilə "Azərbaycan Metrologiya İnstitutu " Publik Hüquqi Şəxsi arasında , "Masallı Rayon Mərkəzi Xəstəxanası" Publik Hüquqi Şəxsi, "Cəlilabad rayon Mərkəzi Xəstəxanası" Publik Hüquqi Şəxsi və "Şirvan Şəhər Mərkəzi Xəstəxanası " Publik Hüquqi Şəxsi ilə "Frekans Construction and Energy Company" MMC arasında bağlanan müqavilələr və digər bağlanan bir çox müqavilələr barəsində ətraflı məlumat bölməsi ümumiyyətlə boş saxlanılıb ki, bu da toplumda milyonlarla manat məbləğin taleyinin sual altında olmasının göstəricisidir.

Bağlanan müqavilələr arasında daha çox diqqət cəlb edən bir gündə 3 rayonun mərkəzi xəstəxanası ilə müxtəlif məbləğlərdə - "Masallı rayon Mərkəzi Xəstəxanası" Publik hüquqi şəxsi ilə "əsas fondlara xidmət haqqı" üçün 10.761,6 (on min yeddi yüz altmış bir, altmış) AZN, 3 mərtəbəli "Cəlilabad Rayon Mərkəzi Xəstəxanası" Publik Hüquqi Şəxsi ilə "Liftlərə servis xidmətinin satınalınması" üçün 16.299, 58 (on altı min iki yüz doxsan doqquz, əlli səkkiz) AZN, 4 mərtəbəli "Şirvan Şəhər Mərkəzi Xəstəxanası" Publik Hüquqi Şəxsi ilə isə "liftlərə aylıq servis xidməti" üçün isə 7.788 (yeddi min yeddi yüz səksən səkkiz) manat məbləğin xərclənəcəyi qeyd olunub.

Qeyd edək ki, "servis" sözü Azərbaycan dilinə tərcümədə "xidmət" deməkdir. Maraqlıdır ki, yeni direktorunu təzəcə qarşılamış Şirvan şəhər mərkəzi xəstəxanasının, haqqındakı məlumatlar "sirr saxlanılan" tender müqaviləsində xidmətin adında "servis xidməti" sözü yer alır. Üstəlik də, bir gündə 3 xəstəxananın güya elan etdiyi tenderlərin hamısının "qalibi olan" və bunlardan ikisi barəsindəki məlumatları ictimaiyyətdən "gizlədən" "Frekans Construction and Energy Company" MMC -nin nə fəaliyyəti barəsində, nə şirkətin özü haqqında internet üzərindən heç bir məlumat tapa bilmədik.

Nizamnamə kapitalı cəmi 10 manat olan bu MMC 2009-cu ildə yaranıb. Əvvəlki hüquqi ünvanı Yasamal rayonu Ələsgər Ələkbərov küçəsi ev 93 olub, hüquqi şəxs Ömərov Qüdrət Bayram oğlu rəhbərliyi ilə 2023-cü ilin noyabr ayına qədər "Şəhərgah" MMC adı ilə, 2023-cü ilin noyabr ayından isə dəyişdirilərək, adı "Frekans Construction and Energy Company" MMC olub, hüquqi ünvanı Xətai rayonu Məhəmməd Hadi küçəsi ev 23 m, 137, hüquqi şəxs isə Məsimov Adil Bəhlul oğlu olub.

Hüquqi şəxslərin də hər ikisi barəsində heç bir məlumata rast gəlmədik. Lakin, internet üzərindən haqqında heç bir məlumatın olmadığı bu MMC-nin adı isə yarandığı vaxtdan bu vaxta qədər yalnız yüzlərlə müxtəlif tenderlərin qalibi kimi satınalma portalında tez-tez qeyd olunub.

Yeri gəlmişkən, biz bu barədə məlumat almaq üçün adları çəkilən xəstəxanaların üçünün də xidmət nömrələri ilə əlaqə saxlamağa çalışdıq, dəstəyi qaldıran olmadı.

Xatırladaq ki, "Şirvan şəhər Mərkəzi Xəstəxanası" Publik Hüquqi Şəxsinin direktoru Pərviz Rüstəmbəyov 3 avqust 2023-cü il tarixində bu vəzifəyə təyinat alıb. Təyinata qədər isə TƏBİB -in ixtisaslı tibbi yardım departamentində ixtisaslaşmış tibbi yardım xidmətinin təşkili şöbəsinin baş mütəxəssisi vəzifəsində çalışıb.

"DogruXeber.az"

Bu günlərdə ölkənin ən qocaman və nüfuzlu ali məktəbi olan Bakı Dövlət Universiteti haqda iki xəbər yayıldı: birinci informasiyada deyilirdi ki, 2024-cü il üçün BDU-nun tədris və inzibati binalarının, eləcə də ərazilərin mühafizəsi üçün “Gesco” ASC-yə 717 min 274 manat ayrılıb. İkinci məlumatda isə bildirilirdi ki, universitetdə yeni tikiləcək qazanxana üçün “A.E.S – Trading” MMC -yə 2 milyon, 498 min manat ödəniləcək. Çox qəribədir ki, mühafizə üçün ötən illə müqayisədə eyni şirkətə 200 min manat artıq ödənilib. Habelə, qazanxana tenderinin maliyyə pozuntusuna görə məhkəmə tərəfindən cərimələnən həmin şirkətə yeni vəsait verilməsi kifayət qədər ciddi suallar yaradır. Necə ki, yeni təmirdən çıxmış I korpusda və ötən il istiliyi üçün 78 min manat pul xərclənmiş II korpusda qış aylarında istiliyin olmaması da suallar doğurur: maxinasiyadırmı, korrupsiyadırmı?
Heç şübhəsiz ki, bu faktlar və detallar, sual doğuran məqamlar həm də BDU rektoru Elçin Babayevin fəaliyyətini gözlər önünə sərir. 2019-cu ilin martında nisbətən gənc, müasir düşüncəli və xarizmatik təəssürat yaradan Elçin Babayevin Bakı Dövlət Universitetinə rektor təyin edilməsi çoxlarını sevindirmiş və böyük ümidlər yaratmışdı. Bəs, ötən 5 il ərzində gənc rektor nə ilə yadda qaldı? Bununla bağlı cumhuriyyet.az olaraq bildirək ki, Elçin Babayev universitetin yeməkxanasını Bakının ən bahalı məkanlarından biri olan “Demirchi Tower”dəki “Gate 25” restoranının sahibi Eldar Daşdıyevə icarəyə verib. BDU-da ümumi şöbənin müdiri olan Ləman Hüseynbəyli ilə birgə tez-tez getdikləri həmin restoranın sahibi də universitetdə şəxsi hesabından etdiyi təmir işlərinin pulunu tələbələrdən çıxarmaqdadır.
Daha sonra rektor bacısının həyat yoldaşı, indiyədək Naxçıvan aeroportunda polis nəfəri kimi çalışan, davranışları heç də xoş təəssürat yaratmayan Fikrət Heydərov kimi adamı özünə müşavir gətirib. Ömründə təhsil müəssisəsində heç tələbə kimi də olmayan bu adam elə bilir ki, tələbə qızlar buna görə belə səliqəli geyinirlər. Heydərovdan başqa heç bir rəhbər işçinin kabinetində divan olmaması da müəmmalı məsələdir. Bəlkə bu davranış da iki dəfə həyat yoldaşını boşayan rektordan götürülən nümunədir?! Adamın Allahı var, Fikrət Heydərov tək deyil ki, adam “lənət şeytana” deyib sakitcə gözləsin. Araşdırmalara əısasən cumhuriyyet.az bildirir ki, bu bir il ərzində Elçin Babayevin BDU rəhbərliyinə gətirdiyi kadrların heç birinin elmi dərəcəsi, elmi adı, təhsillə əlaqəsi yoxdur. Bu akademiklərin, professorların “can qoyduğu” elm-təhsil məbədgahının günahı nədir ki, ona “alayarımçıq” ali təhsil diplomu olan, ya olmayan Fikrət Heydərov(polis işçisi), Əliş Ağamirzəyev (özəl nəşriyyat əməkdaşı), Mirzə Mirzəyev(Qaradağ rayon Maliyyə İdarəsinin rəisi) , Elçin Məmmədov (Metropoliten əməkdaşı), Rəşad Cabbarov(Azərseldə telefon meneceri), Ləman Hüseynbəyli (Elm fondunda mütəxəssis) kimi adamlar rəhbərlik etsinlər? Demə, günah Universitet ziyalılarında deyilmiş, hörmətli rekrtorun özü “kandidat nauk” olduğu üçün ətrafına özündən əskikləri toplayır ki, “hündür” görsənsin. 100 il bundan əvvəl Universitet yarananda ona rektorluq etməyə Rusiyadan professor Razumovskini gətirmişdilər ki, belə müəssisənin rəhbəri sanballı adam olmalıdır. Tariximizin ən çətin məqamlarında, alimlərin barmaqla sayıldığı illərdə Yusif Məmmədəliyev, Abdulla Qarayev, Şəfayət Mehdiyev, Cəfər Xəndan kimi akademiklərin, professorların rektorluq etdiyi bir məbədgaha XXI əsrdə elmlər namizədi rəhbərlik etməlidir? Elmlər namizədi akademikləri, professorları qabağına yığıb onlara elmdən, təhsildən dərs deməlidir, onları öyrətməlidir?
30 il Akademiya sistemində işləyən və hələ də doktorluq dissertasiyası müdafiə edə bilməyən, cəmi 7 nəfərlə fəaliyyət göstərən Elm fondunu – o Elm fondu 10 il ərzində Dövlət büdcəsinin 70 milyon manat pulunu “xərcləyib”, ancaq nə həyata keçirilən bir elmi layihə var, nə istehsalatda tətbiq edilən bir təklif – nəzərə almasaq indiyədək heç bir quruma rəhbərlik etməyən bir adamın 100 yaşlı, 25 minlik bir kollektivə rəhbərliyi elə belə də olmalıydı.

Azərbaycan Dövlət Dəniz Akademiyası Publik Hüquqi Şəxsi tərəfindən keçirilən tender müsabiqəsinin qalibi “Qüdrət 055” MMC adlı şirkət olub. Bu barədə məlumat dövlət satınalmalarının vahid internet portalında yerləşdirilib. Məlumatda bildirilir ki, Dövlət Dəniz Akademiyası iaşə xidmətinin satınalınması məqəsdiylə “Qüdrət 055” MMC-yə 557 min 500 manat ödəyəcək.

Tender müsabiqəsinin şərtlərinə görə, qalib şirkət Dövlət Dəniz Akademiyasının sifarişi ilə 25 min nəfər üçün səhər, 100 min nəfər üçün isə nahar yeməyi təqdim edəcək. Müsabiqə ilə bağlı diqqət çəkən məqamlardan biri odur ki, dövlət satınalmalarının vahid internet portalında adı keçən “Qüdrət 055” MMC barəsində Vergilər Xidmətinin reyesterində heç bir məlumat mövcud deyil. Hal-hazırda dövlət qeydiyyatında “Qüdrət 055” MMC adlı şirkət yoxdur.

“Qüdrət 055” MMC adlı şirkət 17 sentyabr 2018-ci il tarixində qeydiyyata alınıb. Nizamnamə kapitalı 10 manat olan şirkətin hüquqi ünvanı Binəqədi rayonu, Biləcəri ŞTQ, Ordubadi ev 9V-də yerləşib. Daha sonra (2021-ci ilin fevral ayından əvvəl) şirkətin adı dəyişdirilərək “Doydum Catering” MMC olub. Maraqlı haldır ki, 3 il əvvəl adı dəyişdirilən şirkət 557,5 min manatlıq tender müsabiqəsində mövcud olmayan ad altında iştirak edib və qalib olub.

Başqa bir maraqlı məqam isə odur ki, “Doydum Catering” MMC-nin rəsmi saytında şirkətin 1994-cü ildə təsis olunduğu qeyd edilib. Onu da bildirək ki, tenderi keçirən Dövlət Dəniz Akademiyasının rektoru sabiq kənd təsərrüfatı naziri və Hesablama Palatasının keçmiş sədri Heydər Əsədovdur.

Onu da qeyd edək ki, ötən ilin dekabr ayına olan məlumata görə Qida Təhlükəsizliyi Agentliyi “Doydum Catering” MMC –nin qida təhlükəsizliyi qeydiyyatından imtina edib. Səbəb kimi sahibkarlıq subyektində müvafiq sanitar norma və qaydaların tələblərinə əməl etmədiyi göstərilib./Yeniavaz.com