 |
|
|
Vətəndaşı aldadan Şahin Quliyev həbs olunsada, onunla əlbir olan Emin Məmmədov nədənsə məsuliyyətə cəlb edilmir
Bakı şəhər Sabunçu rayon Balaxanı qəsəbəsində vətəndaş Məmmədova Nüşabə İltifat qızına qarşı dələduzluq edilib.
Şikayətçi xanım AzFakt.com-a müraciət edərək bildirir ki, ona saxta sənədlə ev sataraq qırx min (4.0000) manatını ələ keçirən Şahin Quliyev həbs ediləsədə, onunla əlbir olan makler Emin Məmmədov heç bir məsuliyyətə cəlb edilmir və verdiyi pulu da geri ala bilmir.
Bildirək ki, Məmmədova Nüşabə İltifat qızı 2024-cü ilin yanvar ayında ev alqı satqısı ilə məşğul olan (makler) Emin Məmmədovun vasitəsilə Quliyev Şahin Qüdrət oğlunun satdığı evi alıb. Emin Məmmədovun vasitəçiliyi ilə Şahin Quliyevin Balaxanı qəsəbəsi Odlar Yurdu küçəsində yerləşən 1 mərtəbəli, 3 otaqlı evin satış qiymətində razılığa gələn Nüşabə Məmmədova ona 10 yanvar 2024-cü ildə 40 (qırx min) manat pul ödəyib.
Şahin Quliyevə Nüşabə Məmmədova tərəfindən 40 min manat pulu verilməsində şahidlərdən biri də makler Məmmədov Emin Nazim oğlu və Əsgərov Valid Vahid oğlu olublar. Hər iki şəxsdə pulun Şahin Quliyevə verildiyini təsdiq edən sənədə imza atıblar.
Şahin Quliyev və onunla əlbir olan şəxslər Nüşabə Məmmədovanın yaşlı qadın olmasından və savadsızlığından istifadə edərək ona 4 saylı xüsusi notariat kontorundan bir günlük etibarənamə verməklə barəbər, həmçinin qırx min (4.000) manat pulu almasını adi bir kağızla cızma-qara ilə yazıb təsdiqləyiblər.
Bundan başqa dələdzular Nüşabə Məmmədovanı inandırmaq üçün ona saxta Bələdiyyə sənədi, işıq, qaz və gdigər saxta sənədlər təqdim ediblər.
Nüşabə Məmmədova qeyd edir ki, Şahin Quliyevə pulu verdikdən sonra aldığı evə yığışmaq istəyəndə, həmin evin həyətində yerləşən başqa bir ev sahibi olan Rasim Hacıyev adlı şəxs onu evə buraxmayıb. Rasim Hacıyev bildirib ki, onun aldığı evi o, Şahin Quliyevlə şərikli tikib və hazırda ev ona məxsusdur.
Aldadıldığını bilən və əlacsız qalan Nüşabə Məmmədova Sabunçu polis idarəsinə şikayət edib və dələduz Şahin Quliyev həbs edilib. Nüşabə Məmmədova bildirir ki, onu aldadan Şahin Quliiyevlə bağlı Sabunçu Polis İdarəsində aparılan istintaq başa çatıb və Məhkəməyə göndərilib. İş məhkəməyə getsədə Nüşabə Məmmədovanın 40 (qırx min) manat pulunu qaytaran yoxdur. Nüşabə Məmmədova iddia edir ki, aldadılmasında makler Emin Məmmədov və onu evə qoymayan Rasim Hacıyev Şahin Quliyevlə əlbirdirlər. Ancaq aparılan istintaqda nə Emin Məmmədovun nədə Rasim Hacıyevin adı çəkilmir.
Mövzu ilə bağlı araşdırmamız davam edir.
Yazıda adı çəkilən şəxslərin mövqeyini dərc etməyə hazırıq.