Eyvazallar bələdiyyə sədri yegeri döyərək ölümcül hala salıb

Beyləqan rayon Eyvazallar kənd bələdiyyəsinin sədri Abduləli Məmmədov ETSN-nin əməkdaşı, “Ağ Göl” Milli Parkında yeger vəzifəsində işləyən Fuad Məmmədquliyev Beyləqan rayonunda “Görüş” adlanan əraziyə çağıraraq döy(üb)dürüb.

Hadisə bir və daha çox şəxslər tərəfindən törədilib.
Öncə bələdiyyə sədri özü Ağ Göl qoruğunun yegeri Fuad Məmmədquliyevi vurub, daha sonra başının qoçu dəstələrinə onu döymələrini əmr edib: “Öldürün, 100 min manatda olsa verib sizi qutaracam” deyən bələdiyyə sədri bu sözü ETSN-nin əməkdaşına qarşı davamlı şiddəti stimullaşdırıb.
Onun bu sözümdən sonra bələdiyyəyə sədrinin “yarağlı qoçu dəstələri” yegeri acımasızcasına döyərək ölümcül hala salıblar. Fuad Məmmədquliyev aldığı zərbələrdən kəllə-beyin travması və müxtəlif bədən xəsarətləri alıb.
RealMedia.az-a etibarlı mənbədən verilən məlumatlara görə, bələdiyyə sədrinin təşkilatçılığı ilə, həm də iştirakçısı olduğu hadisədə “yarağlı dəstələri” tərəfindən ETSN-nin əməkdaşının döydürməsinə səbəb bələdiyyə sədrinin dayısının “Ağ Göl” qoruğunda qanunsuz girərək ov etməsi və nəticədə Qoruğun əməkdaşları tərəfindən protokol yazılması bildirilir.
Dayısına qarxmar çıxan bələdiyyə sədri də yegeri “Görüş”ə çağıraraq dayısının barəsində yazılmış protokolun qisasını belə alıb.
Məlumata görə, faktla bağlı Beyləqan rayon prokurorluğunda araşdırmalara başlanılıb.
RealMedia.az

“Əvvəlcə atamı sel apardı, sonra hamilə bir qadını və yanındakı övladını...”

Tovuz rayonunun Qəribli kəndində yerləşən və kəndin iki hissəsini bir-biri ilə birləşdirən körpü qəzalı vəziyyətdədir. Düz 40 il əvvəl Zəyəm çayının üzərində inşa edilən körpünün dayaqlarını sel suları yuduğundan bir tərəfi əyilib.

Körpünün istifadə üçün yararsız olması bədbəxt hadisələrə şərait yaradır. Sakinlərin AYNA-ya dediklərinə görə, zəif külək əsəndə, yaxud yağış, qar yağanda həm piyadaların, də həm avtomobillərin hərəkəti təhlükəyə düşür.

Kənd sakini Afiq Musayev bir neçə dəfə sel sularının körpüyə ziyan vurduğunu, lakin heç vaxt əsslı təmir olunmadığını söyləyir: “Sel bir neçə dəfə yuyub. Hər dəfəsində əhali özü yığılıb əl gəzdirir ki, yaxşı-pis, istifadə edmək mümkün olsun. İndi dayaqlarının biri əyilib. Özümüz qaldırıcı qurğu ilə qoyub qaldırmışıq. Amma beton dayaqların altını su yuduğudan tam düzəltmək mümkün olmayıb”.

“Körpünün üzü dəmir listlərdən ibarətdir. Bir çox yerləri deformasiya olub. Qışda donur. Maşın da keçəndə az qalır yanı üstə əyilib aşa. Hazırda min nəfər kənd sakini bu körpüdən istifadə edir. Hamının istəyi odur ki, etibarlı bir körpümüz olsun”, - deyə həmsöhbətimiz bildirir.

Digər sakin Etibar Ələkbərovun sözlərinə görə, 1983-cü ildə - körpü olmayan vaxt atasını sel aparıb: “Ondan sonra bir hamilə gəlin, yanında da bir uşağı sel apardı. Cəsədləri bir həftə sonra tapıldı. Bir neçə belə bədbəxt hadisədən sonra - 1984-cü ildə körpü salındı”.

“İndi körpü qəzalı vəziyyətdədir. Keçən il səyyar görüşə gələndə icra başçısına vəziyyəti dedik. Dedilər ki, körpü nəzarətdədir, ya əsaslı təmir ediləcək, ya da yeni körpü salınacaq. Üstündən bir il yarım keçib, amma hələ də bir xəbər yoxdur”, - deyə sakin danışır.

Məsələ ilə bağlı Tovuz Rayon İcra Hakimiyyətinin Memarlıq və tikinti şöbəsinin böyük məsləhətçisi Mübariz Məmmədov AYNA-ya açıqlamasında qeyd etdi ki, məsələdən xəbərdardırlar: “Körpünün vəziyəti barədə xəbərimiz var. Bu səbəbdən onun bərpasını iki ildir Regionların Sosial-İqtisadi İnkişafı Proqramına salınması üçün təqdim etmişik. Bu il də tədbirlər planında göstərmişik. Yəqin ki, dövlət tədbirləri icra edildikcə bu körpünün də inşası, yaxud təmiri həyata keçiriləcək.

Belə. Hələlik sakinlərə qeyri-müəyyən vaxtadək qəzalı körpünün üzərində hərəkət edərkən canlarını qorumaq qalır…







Müəllif: İlham Mustafa
ayna.az

Kənd Təsərrüfatı Nazirliyinin Üzümçülük və Şərabçılıq Elmi-Təqdiqat İnstitutu 2023-cü ilin dekabr ayının 15-də "Maşın və avadanlıqların satınalınması" lotu üzrə sifarişçi olduğu satınalmaya yekun vurub.

Qlobal.az xəbər verir ki, bu satınalmanın məbləği 43.060 manat, qalibi isə "AKASİYA RR CORP" Məhdud Məsuliyyətli Cəmiyyəti (VÖEN: 1506535021) olub.

"AKASİYA RR CORP" MMC İnstitutun sözügedən satınalmasından iki ay əvvəl - 2023-cü ilin oktyabr ayının 2-də dövlət qeydiyyatına alınıb. Şirkətin hüquqi ünvanı Nərimanov rayonu, Əhməd Rəcəbli ev 57 ünvanı, qanuni təmsilçisi isə Həsənov Murad Əkbər oğludur.

"AKASİYA RR CORP" MMC-nin fəaliyyət profili, maddi-texniki bazası, müvafiq lisenziyaları, faktiki ünvanı barədə açıq internet resurslarında məlumat yoxdur.

Həsənov Murad Əkbər oğlunun təsisçisi olduğu daha bir təşkilatla - "KASKAD-DEN GROUP" Məhdud Məsuliyyətli Cəmiyyəti (VÖEN: 1806467141) ilə Üzümçülük və Şərabçılıq Elmi-Təqdiqat İnstitutu arasında 2023-cü ildə daha bir satınalma müqaviləsi imzalanıb.

Belə ki, İnstitut 2023-cü ilin noyabr ayının 17-də "Bioloji aktivlər" lotu üzrə sifarişçi olduğu satınalmaya yekun vurub. Bu satınalmanın məbləği 22.760 manat təşkil edib. Satınalmada yuxarıda qeyd edilən kimi "KASKAD-DEN GROUP" MMC qalib elan edilib.

"KASKAD-DEN GROUP" MMC Üzümçülük və Şərabçılıq Elmi-Təqdiqat İnstitutunun 2023-cü ilin dekabr ayının 15-də "Maşın və avadanlıqların satınalınması" lotu üzrə keçirdiyi satınalmada qalib elan etdiyi "AKASİYA RR CORP" MMC ilə eyni tarixdə - 2023-cü ilin oktyabr ayının 2-də qeydiyyata alınıb.

Şirkətin hüquqi ünvanı başqa (Sabunçu rayonu, Eldar Xəlilov ev 3) olsa da, qanuni təmsilçisi eyni şəxsdir - Həsənov Murad Əkbər oğlu.

Bu şirkətin də fəaliyyət profili barədə heç bir məlumat verilmir.

Eyni tarixdə yaradılan, qanuni təmsilçisi eyni şəxs olan MMC-lərin Üzümçülük və Şərabçılıq Elmi-Təqdiqat İnstitutunun sifarişçi olduğu satınalmalarda qalib gəlməsi bir sıra suallar yaradır.

Qlobal.az məsələ ilə bağlı Üzümçülük və Şərabçılıq Elmi-Təqdiqat İnstitutundan mövqe öyrənmək istəsə də, qarşı tərəf bu barədə danışmaq istəmədi.

Üzümçülük və Şərabçılıq Elmi-Təqdiqat İnstitutunda auditin nə zaman aparılması ilə bağlı Qlobal.az Hesablama Palatasından mövqe öyrənib.

Hesablama Palatasının açıqlamasında deyilir:

"Hesablama Palatası tərəfindən 2022-2023-cü illərdə Üzümçülük və Şərabçılıq Elmi-Təqdiqat İnstitutunda audit aparılmamışdır".

Qeyd edək ki, Üzümçülük və Şərabçılıq Elmi-Təqdiqat İnstitutu 1977-ci ildən fəaliyyət göstərir.

İnstitutunun 8 şöbəsi, 4 laboratoriyası var.

Xatırladaq ki, Üzümçülük və Şərabçılıq Elmi-Təqdiqat İnstitutunun direktoru Vüqar Səlimovdur.

Müharibədə 2 övladı şəhid olan Şəki sakini icra başçısından şikayətçidir -
Şəki şəhər sakini, şəhid atası Babayev Bəhruz Yolçu oğlu tərəfindən Hurriyyet.az saytının redaksiyasına şikayət məktubu daxil olub. Şəhid atası icra başçısı Elxan Usubovdan narazılıq edir:
“Mən, Babayev Bəhruz Yolçu oğlu, yazaraq bildirirəm ki, 2 şəhid atasıyam. Amma bu günə kimi bir dəfə də olsun, İcra Hakimiyyətindən şəhidlərimə və özümə qarşı hörmət görməmişəm.
İcra başcımız Elxan Usubov şəhidlərin Şəki yolunun qırağına vurulan şəkillərinin hər birinə onların ailələrindən 150 manat pul yığaraq, düzəldib. Bu nə qədər düzgündür? Buna da göz yumduq.
Daha sonra, Qozbulaq kəndinə asfalt örtüyü çəkilib, amma şəhidin evinə gedən yol bərbad gündədir. Küçəyə asfalt örtüyü çəkilməmiş, gətirib şəhidin plakatını bu yararsız vəziyyətdə olan küçəyə qoymaq istəyirlər.
Bizim icra başçımız özünə villalar, xaricdən torpaq almaqla vaxtını keçirdir. Əhaliyə, xüsusən də şəhid ailəsinə gün ağlamır. İndiyə kimi bu icra başçısı nə bizi evlə təmin etməyib, nə də küçəyə asfalt örtüyü çəkdirib. Artıq söz danışanda da bizi polislə hədələyir.
Torpaqları şəhidlər, qazilər aldı, bunu gərək unutmayalar.
Məktəbin yanındakı plakatı mən özüm cibimdən 800 manat ödəyərək, düzəltdirmişəm. Övladlarım şəhid olanda birinin 19, digərinin isə 22 yaşı olub”.
Jalə FAMİLQIZI
Redaksiyadan: Qarşı tərəfin mövqeyini dərc etməyə hazırıq.


hurriyyet.az

Dövlət Su Ehtiyatları Agentliyində islahatlara start verilsə, işdən çıxarılacaq idarə rəislərin içərisində ilk sıranı Şafiq Heydərov tutmalıdır…

Poliqon xəbər verir ki, bu barədə Sabirabaddan ünvanlanan məktubda bildirilir. Məktubda qeyd edilir ki, Azərbaycanda torpaq sahələrinin suvarılmasında ən böyük problem Sabirabad rayonundadır. Bildirilir ki, Sabirabadın bir çox kəndləri illərdir su üzünə həstərdirlər.

Şikayətçilərin fikrincə məhz rayon Suvarma Sistemləri idarəsinin rəisi Şafiq Heydərovun yarıtmaz işi sakinləri illərdir suya həsrət qoyub. Bildirilir ki, Şafiq Heydərov Sabirabad Suvarma Sistemləri İdarəsinə şəxsi, qazanc obyekti kimi baxır. Qeyd edilir ki, Şafiq Heydərov idarə rəisi keçəndən sonra Sabirabdda daxili kanlların 50-faizindən çoxu ümumiyyətcə təmizlənmir. Ancaq rəsmi sənədlərdə rayondaxili kanalların təmizləndiyi və görülən işlərə büdcədən hər il külli miqdarda vəsaitlər silinir.

Sabirabad sakinlərinin verdiyi məlumatda bildirilir ki, Şafiq Heydərov mənimsədiyi dövlət vəsaitləti hesabına “kiçik oliqarxa” çevrilib. Şafiq Heydərovun həftənin çox günlərini idarənin Yanacaq Doldurma Məntəqəsi (QSM) müdiri ilə içki məclislərində keçirdiyi deyilir…

Bildirilir ki, tutduğu vəzifəsinə görə xalqa və dövlətə xidmət etməli olan Şafiq Heydərov Suvarma Sistemləri İdarəsinin rəisi keçdikdən sonra övladları üçün yaxşı var-dövlət yığıb. Məktubda qeyd olunur ki, Sabirabad Suvarma Sistemləri İdarəsinin müdirinin Bakıda və Sabirabadda bir neçə evinin və obyektləri var.

Məktubda həmçinin o da qeyd olunur ki, Şafiq Heydərov Dövlət Su Ehtiyatları Agentliyinin sədrinin müavini Zakir Quliyevin kadrıdır vı Zakir Quliyevin hamiliyi nəticəsində də Sabirabad rayonunda suvarma sistemlərinə ayrılan vəsaitləri təyinatı üzrə yöəltmir. Su təsərrüfatı sistemindəki qurğu və kanallar sadəcə olaraq kağız üzərində təmir edilir və ayrılan vəsaitlər isə mənimsənilir. Bu üzdən də Sabirbadda suvarma sahəsində böyük problemlər yaşanır. olduğunu isə bilməyən yoxdur.

Şikayət məktubunda həmçinin o da qeyd olunur ki, məhz Zakir Quliyevin himayəsində olduğu üçün Şafiq Heydərovla bağlı Dövlət Su Ehtiyatları Agentliyinə edilən şikayətlərə əhəmiyyət verən yoxdur.

Qeyd edək ki. şikayətlə bağlı Sabirabad Suvarma Sistemləri İdarəsi ilə əlaqə yaratmağa cəhd etsək də, cəhdimiz uğursuz alındı. Qarşı tərəfin mövqeyini verməyə hazırıq.
PİA.AZ

"Azərişıq” Qarabağa işıq çəkən sahibkarın çırağını söndürüb

Vətən Müharibəsindən dərhal sonra, cəmi 37 günə Şuşaya işıq çəkməyi bacarmış, Zəngilanın Ağalı kəndinə və işğaldan azad edilmiş digər ərazilərimizin elektirikləşməsində müstəsna xidmətlər göstərmiş "Enerji Constraction” şirkətinin haqqı ödənməyib! Pulu verməyən isə "Azərişıq” prezidenti Vüqar Əhmədovun ən yaxın dostu Kamil Hüseynovdur. "Enerji Constraction”MMC-nin təsisçisi, Laçında doğulmuş Yusif Eldar oğlu Yusifli "Yeni Müsavat”a deyib ki, sevinc içində, var qüvvəsi ilə gördüyü işlərə görə ona və 250 işçisinə, mal-material, maşın-texnika sahiblərinə külli miqdarda – 5 milyon manatdan yuxarı pulu ödəməyiblər!!!

Sahibkarın sözlərinə görə 2020-ci ildə "Dost Group” MMC-ni təsis edib və işə başlayıb. Sonradan MMC-nin adını "Enerji Constraction”a dəyişib:

"Təsisçi olmaqla bərabər MMC-nin direktoru da olmuşam. Şahin Mollayev vasitəsi ilə Kamil Hüseynovla tanış oldum. Kamil Hüseynov özünü mənə "Azərişıq” sədrinin ən yaxın dostu olaraq tanıtdı. Mənimlə tanış olandan sonra Kamil Hüseynov dedi ki, "Azərişığ”ın rayonlarda, işğaldan azad edilmiş Qarabağda görəcəyi işlər var, həmin işləri görə bilərsən? Mən də tapşırılan işləri görə biləcəyimi dedim. İlk olaraq Şəmkirin Qapanlı, Bayramlı, Gədəbəyin Qasımlı, Əyrivəng kəndləri təqdim olundu. Kəndlərdə görüləcək işlərin smetasını çıxarıb Şahin Mollayevə, o da Kamil Hüseynova təqdim etdi. Bundan az sonra Kamil Hüseynovla görüşdük, iş həcmləri, smetaları bir daha təqdim etdim, görüləcək işlərin qiymətləri ilə razılaşdıq və işə başladıq. Mənə dedi ki, işə başlayandan sonra görülmüş işlərin smetasını təqdim edəcəksən, həmin görülən işlərin dəyərinin üzərinə 10 faiz qoyulmaqla sənə veriləcək.

Məsələn, işin maya dəyəri 100 min manat olacaqsa, onun üzərində 10 faiz qazanc veriləcək. Mən də işləri görməyə başladım. Zavoddan borca transformatorlar, dayaqlar götürdüm. Bu işləri görmək üçün böyük vəsait lazım idi. Ona görə də dost-tanışlardan borc aldım, mağazalara, bazardakı iş adamlarına gördüyümüz işləri göstərib lazım olan mal-materialları borca götürdüm.

İşləri görüb qurtarandan sonra "Azərişıq” nümayəndələri, yerli, regional "Azərişıq” idarələrinin rəisləri gəldilər. "Enerji Constraction”la "Azərişıq” arasında rəsmi müqavilə bağlandı, gördüyüm işlərin Forma 2-ni "Azərişıq”a təqdim etdim. Yerli şəbəkənin, regional şəbəkənin və "Azərişıq”ın rəhbər şəxsləri Forma 2-ləri və sənədləri qəbul etdilər. Bütün gördüyümüz işlərə baxış keçirib təhvil aldılar.

Sahibkar deyir ki, Ali Baş Komandan İlham Əliyevin rəhbərliyi altında Qarabağ azad edildikdən sonra "Azərişıq” rəhbərliyindən ona Şuşaya işıq çəkmək təklifi gəlib: "Qarabağın, Şuşamızın alınması hər kəs kimi bizi də sevindirir. Bu iş təklifi gələndə can-başla razılaşdıq. Bilirdik ki, ərazi minalanıb, ərazidə işləyəcək işçi briqadalarımıza, maşın-texnikalarımıza təhlükə var, bununla belə 1 gün fasilə vermədən işə başladıq. 2020-ci ilin dekabrında artıq işə sahədə start vermişdik.

Çox qısa müddətə Füzulidən Şuşaya yüksək gərginlikli elekrtik xəttləri çəkdik. Mən Qarabağda tapşırılan işləri gördüyüm müddətdə maliyyə məsələlərini Kamil Hüseynov öz üzərinə götürdü. O, özünü "Azərişıq” rəhbərinin ən yaxın dostu kimi təqdim etdiyindən, ona inamım vardı. Ödənişlər, müqavilələr Kamil Hüsyenovun rəhbərliyi altında həyata keçirildi”.

Sahibkar deyir ki, "Azərişıq” rəhbəri Vüqar Əhmədov onun gördüyü işlərə şəxsən diqqət göstərib, əraziyə gələrək görülən işlərin gedişatı ilə maraqlanıb: "Qarabağda işlədiyimiz müddətdə özü şəxsən gördüyümüz işlərlə maraqlanırdı, zəng edirdi, hər bir işçinin sıxıntısı, çətinlikləri ilə maraqlanırdı. Ödənişlərin vaxtında verilməsi tapşırıqları verirdi. Vüqar Əhmədovun tapşırığı əsasında işləri görüb "Azərişıq”a təhvil vermişik. Ödənişlər "Enerji Constraction”a gəlib, lakin Kamil Hüseynov görülən işlərin pulunu mənə ödəməyib. Halbuki, əlimdə görülən işlərin həcmləri, sənədlər var. Yalandan deyir ki, guya o, işləri görməmişik. Dəfələrlə yoxlanılıb, təsdiq olunub ki, işlər görülüb, yerli şəbəkələr müvafq yoxlamalar aparıb və görülən işləri təhvil alıblar.

Basdırdığımız dayaqlar sayılıb, çəkdiyimiz kabellərin hər bir metrəsi ölçülərək təhvil alınıb. Bütün görülən işlər sənədlərdə əksini tapıb. Bəzi işlər var ki, ödənişi ümumiyyətlə edilməyib. Kamil Hüseynova demişəm ki, vəsait, ödəniş lazımdır, çünki borc aldığım adamlar məni sıxır, evimə gəlir, məni narahat edirlər. Kamil Hüseynov da deyib ki, görülən işlərə görə hələ müqavilə bağlanmayıb, müqavilə bağlanandan sonra ödəniş olacaq. Sonradan öyrəndim ki, gördüyüm işlərə görə müqavilələr başqa firmalarla bağlanıb. Pul başqa firmalara köçürülüb və oradan da mənimsənilib”.


Sahibkar hesab edir ki, bu məsələlərdən Vüqar Əhmədovun məlumatı yoxdur, baş verənlər onun yaxın dostu Kamil Hüseyovun öz oyunudur: "Vüqar Əhmədov tapşırıq verib, iş mənə verilib, surətlə müqavilələr bağlanıb, işlərin tez bir zamanda görülməsi üçün əlindən gələni edib, ödənişlər də olunub. Lakin Kamil Hüseynov tərəfindən həmin ödənişlər mənə çatdırılmayıb, mənimsənilib”.

Sahibkar deyir ki, bəzi işlərin vaxtında görülməməsi Kamil Hüseynovun vaxtında ödəmələri etməməsi ilə bağlı olub: "2 aya görəcəyimiz iş 5 aya qədər uzanırdı. Çünki ödənişlər edilmirdi. İcarəyə götürdüyümüz maşın-texnikalar da boş dayanırdı. Amma məcbur qalıb ödənişləri özümüz edirdik. Hər dəfə də deyirdi ki, işlə, işləri gör, pulun verləcək. Mən də işləmişəm. 5 milyon manatdan yuxarı borc yaranıb. Bü gün mən "Enerji Constraction” təsisçisi olsam da, şikətin direktoru Kamil Hüseynovun öz adamıdır. Şirkətə yaxınlaşan işçilərə də deyirlər ki, pulu Yusifə – guya mənə ödəyiblər. Amma pulu harda, necə ödədiklərini deyən yoxdur. Mən də deyirəm ki, sənəd verin. Mənim ödənişlərimi ödəyin”.
Sahibkar deyir ki, Kamil Hüseynov 1 ildən artıqdır ki, onunla görüşməkdən yayınır: "Telefon zənglərimə də cavab vermir. Qəbuluna gedirəm, qəbul etmir. Mən üzərimə düşən işləri artıqlaması ilə görmüşəm. Ali Baş Komandanın rəhbərliyi altında, Qarabağda işlərin tez bir zamanda görülməsi üçün üzərimə düşən işləri vaxtında və vicdanla yerinə yetirmişəm. Hərbi hissələr, həyati vacib obyektlərin işıqlanması üçün əlindən gələni etmişəm.

37 günə Füzulidən Şuşa şəhərinə, Kəlbəcərin Alagöllər kəndinə elektrik çəkmişik, qarın hündürlüyü 2 metrə çatdığı bir vaxtda fasilə vermədən işə davam etmişik. Doğulduğum Laçına ilk işıq xəttini çəkmişəm. Zəngilanın Ağalı kəndinə işığı mən "Enerji Constraction” olaraq çəkmişəm. Bunu yerli şəbəkələr də, Qarabağ Regional Eneji İdarəsi də təsdiqləyir. İşləri görən mən olmuşam, amma ödənişlər başqa firmalara olub və pulu da oradan nağdlaşdırıb götürüblər. Ona görə də çox acınacaqlı duruma düşmüşəm. Vəd verirlər, ödənişlərimi vermirlər”.

Sahibkar deyir ki, 2023-cü ildə komissiya yaradılıb və guya komissiya gedib yenidən yerində araşdırma aparıb borcunu ödəyəcəklərini vəd ediblər: "Komissiya getdi, araşdırdı, qayıtdı gəldi. Mən bu işi mənasız sayırdım. Çünki mən bütün işləri bir-bir təhvil vermişəm. Yoxlayıb təhvil götürüblər. Təhvil götürdükləri işləri bir də saydılar, yoxladılar. Təklif etdim ki, gəlin, akt bağlayaq, imzalayaq. Dedilər ki, akt bağlaya bilməzlər, bunun üçün Kamil Hüseynov icazə verməlidir.

Heç bir üzləşmə aktı vermirlər, mənimlə hesablaşmırlar. Mənim vəziyyətim olduqca pisdir, borc, mal-material sahibləri qapıma gəlir, məndən şikayətlər edirlər. Ona görə də ölkə rəhbərliyinə, Ali Baş Komandana, "Azərişıq” rəhbəri Vüqar Əhmədova müraciət edirəm: Sizlərin xoş niyyətinizdən, güvəncinizdən istifadə edib ətrafınızdakı insanlar yalan danışır, bizim kimi iş adamlarının, Qarabağda əziyyət çəkənlərin haqqına girirlər. Mənim Qarabağda 250 nəfərə yaxın işçim işləyib. Onlardan 30 nəfərə yaxını Vətən Müharibəsinin iştirakçıları olub. Hamımızın haqqını girdilər, pulumuzu vermədilər”.

Sahibkar deyir ki, Şuşaya işıq çəkilməsi ilə bağlı dövlət televiziyası qısametrajlı sənədli film çəkib və efirə verib. Vüqar Əhmədovdan xahiş edir ki, ən yaxın dostu Kamil Hüseynovun onu aldatmasının qarşısını alsın: "Kamil Hüseynov pulları mənimsəyib. Yalandan deyir ki, bizim Yusifə borcumuz yoxdur. Mən ortaya sənəd qoyuram. Onlar isə boş sözlərdən başqa heç nə qoya bilmirlər. Çünki mənə çatacaq pullar Kamil Hüseynov tərəfindən mənimsənilib. Xahiş edirəm ki, Vüqar Əhmədov bu məsələyə son qoysun, mənə çatacaq pulların ödənməsini təmin etsin”.

P.S Yazıda adı hallanan hər kəsi dinləməyə, mövqeyini dərc etməyə hazırıq.

Mənbə: musavat.com

Dayanıqlı və Operativ Sosial Təminat (DOST) Agentliyi tərəfindən dövlət satınalmalarının vahid internet portalına yerləşdirilmiş bir açıq tenderin nəticəsi diqqətimizi çəkdi. Agentlik DOST mərkəzləri və Agentliyin təsis etdiyi təsərrüfat cəmiyyətləri üçün mühafizə xidmətinin satın alınması üzrə 28.12.2023-cü il tarixdə başladığı müsabiqəyə yekun vurub. Açıq tender prosedurunda Agentliyin tender komissiyasının qərarına əsasən “QARTAL SS” MMC qalib elan edilmişdir. Qalib təşkilatla 09.02.2024-cü il tarixdə 448.687,92 manat məbləöində müvafiq satınalma müqaviləsi imzalanmışdır.

Tenderin şərtlər toplusuna görə “QARTAL SS” Məhdud Məsuliyyətli Cəmiyyəti 12 ay DOST mərkəzləri və Agentliyin təsis etdiyi təsərrüfat cəmiyyətlərinin 11 ünvanda mühafizə xidmətini təşkil edəcək. Onlardan 10-u Bakı şəhərində, 1-i isə Bərdə şəhərində olacaq. “QARTAL SS” MMC şərtlər toplusunda göstərilən ünvanlarda 1 nəfərlik 1 postda 24 saat/ 09:00-09:00/ mühafizə xidməti təşkil edəcək. Bunlardan yalnız Bakı şəhəri, Nəsimi rayonu, Cavadxan küçəsi 13-də yerləşən “DOST İnklüziv İnkişaf və Yaradıcılıq Mərkəzi” MMC-nin 2 postu var.

Bəs 11 ünvanda 1 nəfərlik 1 postda mühafizə xidmətini təşkilinə yarım milyona yaxın dövlət vəsaitinin ayrılması inandırıcı gəlirirmi?

Qeyd edək ki, Dayanıqlı və Operativ Sosial Təminat (DOST) Agentliyi “QARTAL SS” MMC ilə mühafizə xidmətinin satın alınması üzrə bir müqavilə də 2022-ci ildə bağlayıb. Bu müqavilənin şərtlərinə görə MMC Agentliyin 9 ünvanda yerləşən Mərkəzlərinin 15 ay mühafizəsinə 29.09.2022-ci il tarixdə 396.780,9 manat məbləğində dövlət vəsaiti ayırılıb. Müqavilənin icrasının başlanma tarixi 28.09.2022-ci il, bitmə tarixi isə 31.12.2023-cü il tarixlərinə müəyyən edilib.

Agentlik tərəfindən 09.02.2024-cü il tarixdə bağlanmış müqavilədə isə icrasının başlanma tarixi 08.02.2024-cü il, bitmə tarixi isə 08.02.2025-ci il tarixlərinə müəyyən edilib. Göründüyü kimi birinci müqavilənin vaxtı 31 dekabr 2023-cü ildə birib. İkinci müqavilənin icrasına isə başlanma tarixi isə 08.02.2024-cü il tarixdən başlanılıb. Maraqlıdır Agentliyin təsis etdiyi təsərrüfat cəmiyyətləri üçün mühafizə xidmətinə 2024-cü ilin yanvar ayında ayrılan vəsait necə olub, yoxsa mərkəzlər mühafizə olunmayıb?

Bunlardan əlavə tenderin şərtlər toplusunda qaranlıq məsələlər çoxdu.Bağlanılmış bu müqavilədə DOST mərkəzlərinin neçə nəfər tərəfindən mühafizə olunacağı bəlli olmur ki, bu da ayrılmış vəsaitin şişirdildiyini deməyə əsas verir. Bir nəfər 24 saat bir obyekti mühafizə edə bilərmi. Onun bir əvəz edəni olmalıdırmı? Şərtlər toplusunda göstərilənlərə görə mühafizə 12 postda təşkil ediləcək ki, bu da 12 nəfər deməkdir. Xidmətin günaşırı aparıla biləcəyini nəzərə alıb alıb 12 nəfər də biz əlavə edirik. Bəs 24-25 nəfərin xidmət göstərməsinə 450 min manata yaxın vəsaitin ayrılması realdırmı?

Qiymətlərin süni şəkildə şişirdildiyi buradan bəlli olur? Bizim özəl mühafizə sahəsində çalışanlardan əldə etdiyimiz məlumatlara görə özəl mühafizəçilər ayda ən yaxşı halda 500-600 manat məbləğində maaş alırlar. “QARTAL SS” MMC isə hər mühafizəçiyə ayda 400-450 manat civarında maaş verir. Bu isə bir mühafizəçinin il ərzində 5-6 min min manat civarında əmək haqqı alması deməkdir. Dayanıqlı və Operativ Sosial Təminat (DOST) Agentliyi tərəfindən Mərkəzlərin mühafizəsi üçün “QARTAL SS” MMC ilə bağladığı yarım milyon manat civarında olan müqavilədən belə çıxır ki, MMC mühafizəçiyə ayda 1000-1500 manat əmək haqqı verir.

DOST Agentliyinin təsis etdiyi Mərkəzlərin mühafizəçilərin sayı dəqiq olmadığından hesablamarı dəqiq aparmaq olmur. Amma bu Mərkəzlərin 2, hətta 3 nəfər tərəfindən də mühafizə olunmasına ayrılmış vəsait çoxdur. Burada təbii ki, MMC-nin bir sıra xərclərini də nəzərə almaq lazımdır. Amma özəl mühafizə sahəsində çalışmış şəxslərdən əldə etdiyimiz məlumata görə “QARTAL SS” MMC mühafizəçi işinə qəbul etdiyi hər kəsdən geyim pulu alır. Əgər geyim pulunu mühafizəçi özü verirsə daha hansı xərc qalır? Bütün bu kimi məlumatlar isə DOST Agentliyi ilə “QARTAL SS” MMC arasında bağlanmış 448 min manat dəyəri olan satınalma müqaviləsinin süni şəkildə şişirdildiyini deməyə əsas verir.

Aktualinfo.org