Əziz Əzizovun Suraxanıda "sol əli" kəsildi, bəs "sağ əli"? -
Azərbaycanda ən bisavad adam da bilir ki, bələdiyyə sədri qanunsuz torpaq satışını özbaşına edə bilməz. Onu da bilir ki, bələdiyyə sədrləri torpaq alverini yerli icra hakimləri ilə müştərək həyata keçirirlər. Hətta o da məlumdur ki, ümumiyyətlə, bələdiyyə sədrləri icra başçılarının "mafioz qrupu"na daxildir və İH rəhbərinin çirkli, qara işlərini icra edirlər. Ona görə də Bakının Yeni Suraxanı bələdiyyə sədri Fikrət Quliyevin həmin vəzifədə işləyərkən xidməti vəzifələrinin icrası ilə əlaqədar torpaq sahələrinin ayrılması, tikinti işlərinin aparılması və digər məqsədlərlə çoxsaylı şəxslərdən külli miqdarda pul vəsaitini rüşvət qismində almasına və digər qanunazidd əməllər törətməsinə əsaslı şübhələr müəyyən edilməsi bir sıra müzakirələrə yol açdı. Bələdiyyə sədrinin həbsi ictimaiyyətdə suallar doğurdu ki, bəs, Suraxanı rayon icra başçısı Əziz Əzizov bu qanunsuz əməllərdən xəbərsiz olub? Sosial şəbəkələrdə gedən diskussiya zamanı qeyd olundu ki, F.Quliyev bu qədər müddət ərzində qanunsuz torpaq satışı və tikintiyə icazə ilə təkbaşına məşğul ola bilməzdi. Çünki bələdiyyələr az qala İH-lərin əsirinə çevriliblər. Xüsusən də Suraxanı kimi rayonda, xüsusən də hər zaman torpaq, obyekt, səki, dayanacaq satışında, qanunsuz tikintiyə sərəncam verməkdə adı hallanmış icra başçısı Əziz Əzizovun rəhbəri olduğu rayonda...
Anaxeber.info bildirir ki, dəfələrlə faktlar tirajlanıb, Suraxanı icra başçısının Yeni Suraxanı, Qaraçuxura, Hövsan, Yeni Günəşlidə torpaqları qarış-qarış satdığı xəbər verilib, sakinlərin şikayət və müraciətləri yayılıb, qanunsuz tikintilərə rəvac verildiyi açıqlanıb, o baxımdan Yeni Suraxanı bələdiyyəsinin sədri həbs ediləndə nəzərlər icra hakiminə yönəldi. Doğurdanmı Əziz Əzizovdan bixəbər, yaxud icazəsiz rüşvət alaraq torpaq sata bilərdi?! Buna az adam inanar. Ə.Əzizov və ətrafındakı adamlar rayonun hansı ərazisində neçə qarış torpaq satıldığını belə bilirlər, bu məsələyə nəzarət edirlər. Bələdiyyə sədri də onlarla razılaşdırmamış bu işlərə qol qoymazdı. Hətta iddialar var ki, həbs edilən bələdiyyə sədri icra başçısına yaxın adam olub. Amma hüquq-mühafizə orqanlarına çoxsaylı şikayətlər və faktlar təqdim edildiyi üçün rüşvətxor məmur saxlanıb. Görünür ki, vətəndaş torpaq almaq istəyəndə ondan pul, rüsumdan əlavə ödəniş tələb olunub. Bu hallar kütləvi xarakter alıb və Əziz Əzizov öz adamını qorumaq istəməyib.
Mətbuatda gedən məlumatlara görə, 2019-cu ilin dekabrından Suraxanı rayonu rayonuna icra başçısı təyin edilən Əziz Əzizov bu rayonda son 30 ildə görünməyən ilklərə imza atmaqdadır. Rayon sakinlərinin bəxti bu dəfə də gətirmədi ki, o rayona icra başçısı təyin olunan gündən əsas diqqəti problemlərin həllinə, abadlıq işlərinə yox, rayon ərazisinə daxil olan Yeni Suraxanı, Yeni Günəşli, Qaraçuxur, Zığ və Hövsan qəsəbələrində ticarət və kommersiya üçün nəzərdə tutulan yeni obyektlərin inşa edilməsinə yönəldib.
Əziz Əzizovun hələ Cəlilabad və Yasamal rayonlarında törətdikləri bir çox özbaşınalıqlar barədə dövrü mətbutda yazılanların üstündən hardasa sükutla keçmək olar. Amma Suraxanıya təyin olunduqdan sonra rayon ərazisində, boş torpaq sahələrində, istismar müddəti bitmiş neft quyularının üstündə tikinti aparılmasına verilən icazələrin artmasının üstündən sükutla keçmək olmur. Bu sükutun biri Yeni Suraxanıda pozuldu, sonrası...
Azər Talıbov
Anaxeber.info

Bölmənin digər xəbərləri

25 Noyabr 2024 Xalqa qarşı açılan AYNA-lı: indi də bu qurumun əməkdaşları ağac dalında gizlənib...
25 Noyabr 2024 Dillər Universitetində NƏ OYUNLAR ÇEVRİLİR... - İLGİNC FAKTLAR...
25 Noyabr 2024 Burda müştərini rəsmən QARƏT EDİRLƏR - BU NƏ HESABDIR?
25 Noyabr 2024 Mürsəl İbrahimovun menyusunə Xidmətin Nərimanov idarəsində “X5” rüzgarı əsir...
25 Noyabr 2024 Mərkəzi Aran Təhsil İdarəsinin Yevlax hissəsində aləm dəyib bir-birinə.
25 Noyabr 2024 Aptek müdürü işçisini vəhşicəsinə döydü - anbaan VİDEOLAR
25 Noyabr 2024 Ucar rayonunun qaziləri Ucar RMX-ndan Prezidentə şikayət etdilər - ŞİKAYƏT -VİDEO
25 Noyabr 2024 Məmur biznesinin iflic etdiyi sahələrdə orta və kiçik sahibkarlıq can verir... - İnhisar, cərimələr, pul qıtlığı...
24 Noyabr 2024 Qazaxın icra başçısının dəlixanaya saldığı məmur danışdı
24 Noyabr 2024 Ağsu RİH “tender kralı“ kimi tanınan ATF şirkətinə 707 manat ödəyəcək - Yenə yol təmir edirlər
23 Noyabr 2024 Samux İcra Hakimiyyətinin tərkibində 600 min manatlıq qəribə “alış-veriş” – Kəlbətin, təkər, izolent, maşın yağı və s…
23 Noyabr 2024 “İnnovasiya və Təchizat Mərkəzi”ndə əməlli-başlı özbaşınalıqdı – Cənab Qurbanov nə fikirləşir…
22 Noyabr 2024 Şüşün kənd sakini Köhünlü bələdiyyə sədrinin "fitri istedadı"ndan yazır...
22 Noyabr 2024  İcra başçısının ünvanına AĞIR İFADƏLƏR... - "Bu intriqada uduzacağını yaxşı bilir..."
22 Noyabr 2024 Hacıqabulda və Beyləqanda COP29 nədir - bilmirlər - Tərəflər Konfransına hazır olmayan təzə icra başçıları CƏZALANACAQLARMI?
22 Noyabr 2024 Naxçıvandakı həbsə İLGİNC REAKSİYA - Vasif Talıbovun kadrı imiş...
22 Noyabr 2024 Dövləti sayan kimdir: QARDAŞLAR BELƏ YEYİR... - DƏLİXANADIR, VALLAH...
22 Noyabr 2024 Baba Rzayevin şəxsi maraqları “Lubristar LLC” MMC ilə harada toqquşdu
22 Noyabr 2024 “ADAU-da nələrin baş verdiyi göz önündədir, di gəl ki,..” MÜRACİƏT /VİDEO
21 Noyabr 2024 Şəmkir sakini sosial yardımından 90 manat tutulmasına etiraz edir – ŞİKAYƏT

Dünyapress TV

Xəbər lenti