Qanunla deputatların bizneslə məşğul olmasının qadağan edilməsinə baxmayaraq, hələ də bəziləri iş fəaliyyətini davam etdirir. Hətta onların bir qismi ölkədə qurduqları biznes imperiyasını xaricdə də genişləndirməklə məşğuldurlar.
Hurriyyet.az xəbər verir ki, “Yeni Gundem”in araşdırmasına görə, belə deputatlardan birinin də Anar Məmmədov olduğu iddia edilir.
96 saylı Goranboy-Naftalan seçki dairəsi üzrə Azərbaycan Milli Məclisinin deputatı Anar Məmmədovun Parlamentdə təmsil olunması müəmmalar doğurur.Əvvəla, ölkənin ictimai -siyasi həyatında heç bir rola malik olmayan Məmmədovun qanunverici hakimiyyətin üzvü olması əsaslı şübhələrə gətirib çıxarır.
İlk öncə şübhələr ondan ibarətdir ki, ixtisasca nəqliyyatçı olan deputat niyə Milli Məclisi seçib?. Normalda o, aidiyyəti üzrə vəzifələrə də yiyələnə bilərdi.
İkinci müəmmalı məqam isə ondan ibarətdir ki, Anar Məmmədov deputat olmamışdan əvvəl seçildiyi dairənin seçiciləri ilə bağlı heç bir ictimai fəaliyyəti olmayıb. Çünki Anar Məmmədovun sosial şəbəkə hesablarında fəaliyyəti, ictimai əhəmiyyət kəsb edən paylaşımları məhz deputatlığ mandatı əldə etdikdən sonra edilib.
Azərbaycan Respublikasının Sabiq nəqliyyat naziri Ziya Məmmədovun biznes ortağı kimi tanınan Anar Məmmədov adı müxtəlif cinayətlərdə hallanan kriminal oliqarx Qulam Ələkbərovun kürəkəni olduğu üzə çıxıb. Bu barədə Axar.az bir müddət əvvəl məlumat yayıb.
Qeyd edək ki, Anar Məmmədov 1984-cü ildə Bakı şəhərində anadan olub. Orta təhsili haqqında məlumatları qeyri-müəyyən olan Məmmədovun Azərbaycan Texniki Universitetinin Nəqliyyat fakültəsində ali təhsil aldığı müəyyən olunub. O, Z.Məmmədovun nəqliyyat naziri olduğu illərdə (2006-2009) Bakı şəhər Nəqliyyat Departamentində bölmə rəisi işləyib.
Anar Məmmədovun qayınatası Qulam Ələkbərov hamının bəlkə də az-çox eşitdiyi AQ İnşaatçı Servis MMC-nin sahibidir. Bu MMC-nin adı mənzil qalmaqallarına görə dəfələrlə mətbuatda çəkilib. O, vaxtilə paytaxtın “Gənclik” metrostansiyasının yaxınlığında “Milyonçular məhəlləsi” deyilən ərazidə ev tikintisi ilə məşğul olub. Onun Z.Məmmədovla tanışlığı da buradan başlayıb. Qulam Ələkbərov nazirin Teymur Əliyev küçəsindəki villasının inşasını həyata keçirib. Daha sonra eks-nazir tikinti biznesinin idarəçiliyini Qulam Ələkbərova verib və bununla da onlar arasındakı dostluq əlaqələri güclənib.
Eyni zamanda Qulam Ələkbərovun bir neçə icra hakimiyyəti başçıları ilə dostluq münasibətlərində olması barədə yerli mediada məlumatlara rast gəldik. Həmin icra başçılarından biri də bu yaxınlarda yüksək məbləğdə pul mənimsəyən və məhz bu səbəbdən vəzifəsindən azad edilərək həbs edilən Ağstafa rayon İcra Hakimiyyətinin başçısı Nizaməddin Quliyevdir. Qeyd edək ki, bu barədə məlumatı AzToday.az saytı yayıb.
Gənc deputat Anar Məmmədovun Ukrayna Respublikasında geniş biznes şəbəkəsi olduğu da üzə çıxıb. Bir müddət əvvəl jurnalist Cavanşir Həsənli bu barədə məlumat yaymışdı.
Onun sözlərinə görə, deputat qayınatası Qulam Ələkbərovla açdığı şərikli biznes tikinti sektorunda fəaliyyət göstərir:
“Ukraynanın Dnepr şəhərinin mərkəzində, Şmidt küçəsi 15-də “Bakı” adında möhtəşəm görünüşlü bina tikilib. Yaşayış kompleksi 21 mərtəbədən, 301 mənzildən ibarətdir.
Kompleksin tikintisi K.A.S. LTD tərəfindən həyata keçirilib. K.A.S. LTD Azərbaycan, Ukrayna, Türkiyə, Gürcüstan və Monakoda inşaat sektorunda fəaliyyət göstərir.
Ukraynanın şirkət və müəssisələrin vahid reyestr xidmətinin məlumatına görə şirkətin nizamnaməyə kapitalının 30 faizi Milli Məclisin gənc deputatlarından olan MƏMMƏDOV ANAR İLYAZ oğluna məxsusdur.
2005-ci ildə qeydiyyatdan keçmiş şirkətdə Anar Məmmədovun benefisiar olaraq yatırım payı 6 milyon qrivnadır, qalan 70 faiz deputatın qayınatası Qulam Ələkbərovun yaxın adamına məxsusdur. Ukraynada Anar Məmmədovun ailə üzvlərinin adına daha bir neçə şirkət fəaliyyət göstərir.
Jurnalist Səbuhi Abbasov deputat Anar Məmmədov haqqında bir müddət əvvəl maraqlı paylaşım edib.
“Bu deputatı, yəqin ki, tanıyırsınız, 96 saylı Goranboy-Naftalan Seçki Dairəsindən 2020-ci ildə seçilib. Necə seçilib, onu goranboylular, naftalanlılar çox gözəl bilirlər. Sözüm o deyil, Parlamentin “P”sından xəbəri olmayan bu şəxs surətlə tikinti maqnatına çevrilməkdədir. Və bunları dövlət büdcəsinə qənim kəsilməklə edir. Adamın şəxsən rəhbərlik etdiyi “Amazon” şikəti Qarabağdakı tenderlərə özünü soxuşdura bilib. Ayrı-ayrı şəxslərin texnikalarını işlədir, dövlətdən pulunu alır, sonra texnika sahiblərinə qırıq-salxaq texnikaları təhvil verir, qara qəpik vermədən. Çox yaxın insandan kran sifariş verib, rəsmi müqavilə bağlanıb, aylıq icarə müəyyəb edilib, 4 ay sonra kranı gətirib tullayıblar həyətlərinə, özünə də bir qəpik verməyiblər. Anar Məmmədov özü də qaynatası Qulam kişi ilə “Amazon” şirkətinin ofisində oturur. Bu özbaşınalıqlar birbaşa YAP-dakı islahatları puç edir, yeni kadrlara olan inamı sıfıra endirir. Ən əsası, Ali Baş Komandanın xalq arasındakı nüfuzunu xərcləyir, həm də Qarabağ adı ilə… Dünyadaka baş verən geosiyasi proseslərə baxın, bizim yeni kadrlarımıza baxın. Bunlarnan sizcə hara qədər getmək olar? Qarabağ adı ilə millətin qanını soran kim olursa olsun, xəyanətkardır. Deputatın biznes fəaliyyəti tam başqa mövzudur. Əl-qərəz, məsələ məhkəmədədir. Anar Məmmədovun qanunsuz fəaliyyəti, mülkləri, avtomobilləri, eyni zamanda, qeyd etdiyim özbaşınalığın məhkəmə müstəvisinə daşınması, məhkəmə prosesi: bir sözlə, geniş yazı gəlir…”,- deyə jurnalist qeyd etmişdi.
Haqqında müxtəlif vaxtlarda yerli mediada yayılan məlumatlara Azərbaycan Respublikasının Milli Məclisinin deputatı Anar Məmmədov bir neçə ay əvvəl bunları cəfəngiyat adlandırmışdır. Və bu məlumatların səhv olduğunu qeyd etmişdi.
“Yeni Gündem” saytı olaraq Milli Məclisin deputatı Anar Məmmədovun yuxarıda fakltarla sadalanan fəaliyyəti ilə bağlı açıqlamasını dərc etməyə hazırıq.
İlk yayım tarixi: 2024-02-09
https://hurriyyet.az/az/post/ziya-memmedovun-biznes-ortagi-kimi-taninan-qulam-elekberovun-biznesmen-kurekeni-anar-memmedov-milli-meclisde-nece-yer-alib-415771

Xəbər verdiyimiz kimi, Nabranda, Xəzər dənizinin sahillərində tikilmiş “Atlant” İstirahət Mərkəzinin sahibi Tahir Qədəşovun da adı qarışan cinayət dosyesi üzrə məhkəmə araşdırmaları aparılır.

"DogruXeber.az" xəbər verir ki, 171 nəfər Azərbaycan vətəndaşına qarşı külli miqdarda – 14 milyon manat dələduzluq cinayəti baş verib.

Buna görə ibtidai istintaq dövründə “Atlant” İstirahət Mərkəzinin üzərinə həbs qoyulub.

Ən son məlumata görə, iş üzrə zərərçəkənlər Bakı Ağır Cinayətlər Məhkəməsinin hakimi Şəlalə Həsənovaya ərizə ilə müraciət ediblər.

Bu azmış kimi “Atlant” İstirahət Mərkəzi öz müştərilərini də aldatmaqdadır.

Bu barədə şikayətçi düşən Xəyalə Tağızadənin gileyini Dia-az.İnfo olaraq olduğu kimi təqdim edirik:

“Menim shikayetim Nabran Atlant istirahet merkezindendir. Dunen zeng elemishik 10defe belke deqiqleshdirmishik deyiblerki kotec 6neferlik kondisionerli , kotec pulundan elave 31azn adama gunde 3defe qidalanma. Defelerle sorushduq dedilerki 31azn, bu gun gelmishik deyirlerki adam bashi 37azndir 3 defe qidalanma. ishchimiz tezedir sehv deyib. Ishchi tezedi oyrensin , sehv melumat vermesin mushteriye. Men elimdeki pula dedikleri qiymet uygun geldiyi uchun razilashmisham. Gelmishem qapida 4nefere elave 48azn isteyirler) Neyse geldik kotece, demishdiler kondisionerli , girmishik icheri beledchi deyirki kondisioner bir otaqdadi) 3 otaq kotecde kondisioner bir dene otaqdadi) Hamamda ne dish shotkasi ne pasta ne sabun hechne yoxdur. Biz 2 aile ile gelmishik , yanimizda korpe ushag. Biabrchiliqdi uzun sozun qisasi. Peshman olduq gelmeyimize…”

Məsələ ilə bağlı bütün maraqlı tərəflər rəy açıqlaya bilər.//turantv.az

Açıq diskusiyada sahibkar qürurla hüquqların tələb edir. Elmir Ramazanov yenidən rəhbərliyinin verdiyi tövsiyə və əmrləri icra etməkdən imtina edib. Məsələ ilə bağlı etibarlı mənbələrdən bizə məlumat verilmişdir. Artıq Elmir Ramazanovun istədiyi vaxt fikir dəyişdirməsi onun Gömrük orqanında nüfuzdan salıb.

Qeyd edək ki, sahibkar Ramil Aslanovun Prezident İlham Əliyevə müraciət etməsinin ardından Dövlət Gömrük Komitəsində yüksək vəzifə sahiblərindən məsələyə çox güman ki tələb yaranıb. Odur ki, Prezident aparatından və digər dövlət qurumlarından sahibkarların incidilməsi, onların qəsdən müflisləşdirilməsinə dair alınan siqnalara biganə yanaşılmayır. Prezident İlham Əliyevin sahibkarlara daim dəstəyini nəzərə alsaq görərik ki, Onların incidilməsi heçdə bir mənalı qarşılanmamaqdadır. Ramil Aslanovun media qarşısında dəfələrlə Prezidentə baş vermiş və verməkdə olan qanun pozuntuları, korrupsiya hallarının mövcudluğu ilə bağlı məlumat vermişdir. Mediada axtarış zamanı R.Aslanovun gömrükdə baş verən qanunsuzluqlarla bağlı yüzlərlə video müraciətlərinə rast gəlmək mümkündür. Elə bu edilən müraciətlər zəminində araşdırmalara start verilib. Səbəb Dövlət Gömrük Komitəsinin sədri Şahin Bağırovun müavini Natiq Şirinov DGK-da iclas keçirib. Keçirilən iclasda sahibkar Ramil Aslanov dəvət edilib. Bir çox məsələlərə aydınlıq gətirilib. Elə Natiq Şirinovun gözü qarşısında Elmir Ramazanov yaxşıca rola girməyi bacarıb. Amma iclasda deyilənlər elə sös olaraqda o konfrans zalındada qalıb. N.Şirinov Elmir Ramazanova lazımı göstəriş və tapşırıqları verməklə yenidən Ramil Aslanovun vergi ödəyicisi olduğunu və dövlət büdcəsinə verdiyi xeyirləri ona xatırladıb.
Elmir Ramazanov hegemonluğu ilə DGK və yuxarı dairələri aldatmağa cəhd etdi
Amma nə fayda “burda mənəm Bağdatda kor xəlifə” misalı E.Ramazanov əməlindən geri çəkilmək istəmir. “Ağa nəzərəm belə gəzərəm” deyən Elmir Ramazanovun qurduğu bütün qanun zidd əməllərin ifşa edilməsi sahibkara qarşı qərəzli yanaşma, vəzifəsindən sui-istifadə etdiyi açıq aydın görünməkdədir... Bu isə sahibkarın illərdir topladığı vəsaitinin tamamilə əlindən çıxarılmasına onun tamam müflis edilməsinə hesablanan oyun olduğunu elə sahibkarın öz ifadələrində yer alır. E.Ramazanov və sahibkar arasında qərəzçiliyin bitirilməsi yönündə DGK rəhbərliyi tərəfindən atılan addıma R.Aslanov müsbət reaksiya verib. Lakin E.Ramazanov bu barışıq içərisində fəaliyyətləri tənzimlənməsi yönündə atılan addımları bir daha puç etməkdən çəkinməyib. Hazırda Sahibkarın mallını gömrükdə uzun müddətdir saxlayan və Natiq Şirinovun səyləri, sahibkarların məmnunluğu təsüflə qeyd edək ki, nəticəsiz qaldı. Elmir Ramazanovun Broker sistemini yenidən öz tərzində qurması sahibkarların gözündən yayınmayıb. Emil adlı “Karqo” əməkdaşının rahat şəkildə növbəsiz sənədləşdirmə aparmasıda digər iddialrın təsdiqi sahibkar tərəfindən efir vasitəsi ilə qeyd edilib. Lakin bu Emilin Elmir Ramazanovun yanına adına heç bir sənəd olmadan girib şıxmasını maraq edən yoxdur. Elmirin əldə edilən sazişə sahibkarın qanuni prosedurlara əməl edilməsi istəyi yenidən rədd edilib. Odur ki aldadılaraq əlindən alınan vəsaitin ona geri qaytarılması tələbi ilə yenidən Dövlət qurumlarına məktublar ünvanlanıb. Həmin məktubun bir nüsxəsidə məhs bizim redaksiyaya göndərilib.

Sahibkarı aldadaraq yenidən gömrük hesabına ödəniş etməsi üçün borc toplamasını daha sonra bankda qalan pulunun çıxarılmasına arayış verəcəyi vədin verən E.Ramazanov içində R.Aslanov nifrəti sahibkara açıq şəkildə otağında nümayiş etdirərək “səndən qorxan yoxdur, hara gedirsən ged, əlindən gələni nə bacarırsan ged et.” ifadələri ilə iki gündür gedən sülh danışıqları yenidən tarmar edilib.

Beləki, Natiq Şirinovun ciddi tapşırıqları Şahin Bağırovun tapşırıqları olduğun unutmamaq lazımdır. Burdan da belə çıxır ki, Elmir Ramazanovun arxalandığı şəxslər DGK rəhbərliyini sülh yaratmasını göstərişi verməklə yanaşı arxada isə E.Ramazanova “bildiyini beş qaba çəkməsi buyruq edilir?”. Şəxs artıq kreslosunun əbədi onun olması ilə bağlı çox böyük xülyalarda üzdüyü üçün Prezidentin himayəsində olan sahibkarlara istədiyi kimi hücm edir. Lakin unudur ki, Elmirin arxalandığı şəxsidə məhs elə sahibkarın güvəndiyi Prezident o posta təyin edib.

Bu gün yenidən artıq məbləğ təyin edilib. Lakin sahibkar yalnız məsələnin məhkəmə yolu ilə həl edilə biləcəyini qeyd edir. Mövzu diqqətimizdədir. Bizi izləməyi unutmayın.

BakuNews.az

Mingəçevir Dövlət Dram Teatrı – 1968-ci ildə yaradılmışdı edilmişdir. (Teatr 1974-cü ildən Mərziyyə Davudova adınadır). Teatrın açılışı 1969-cu ildə Cəfər Cabbarlının “Almas” tamaşası ilə olmuşdur. Teatrın repertuarında klassik və müasir dramaturqların əsərləriəri geniş yer tutur.

Aran.Media bildirir ki, Mingəçevir Dövlət Dram Teatrı mədəniyyət ocağı kimi yarandığı vaxtdan etibarən repertuarında Azərbaycan və eləcə də dünya dramaturgiyasının diqqətəlayiq nümunələrinə geniş yer vermişdi. Öz səhnəsində nümayiş etdirilən və tamaşaçılar tərəfindən rəğbətlə qarşılanan əsərlər ilə, teatr ənənələrinin daha da zənginləşdirilməsi işində yaxından iştirak etmiş, milli mədəniyyətin ümumi tərəqqisi naminə xidmətlər göstərmişdir. Lakin bu gün teatrın ətrafı çirkab içərisində batır. Sənət ocağının həyətində maşın yuma,,çayxana və atılmış zir-zibil xoş olmayan görüntü yaradır.
Şəhər sakinlər deyir ki,bu ərazidən keçəndə gördüyümüz vəziyyətə ürəymiz ağrıyır. Məyər bu sənət ocagının bir sahibi,yoxdurmu?Ölkənin 4-cü böyük şəhərinin mərkəzində belə bir rəzalət olarmı?. Mədəniyyət nazirliyi hara baxır ? Teatrda sənət ,tamaşa lazımdırsa onun ətrafında təmizlik ,səliqə -səhman da lazımdır.
Sakinlər onu da bildiri ki,teatrda tez tez rəhbərlik dəyişir,və xahiş edirlər ki,bu sənət ocağına can yandıran bir rəhbər təyin edilsin…

Bu yazımızıda qanunlardan və ya qanunların maddələrindən yazmayacam. Bu yazımız da torpaq, vətən, xalq üçün canından keçmiş və bayrağımızı bayraq edən igidlərimizdən yazacam. O, igidlər ki, onların cansız bədənləri 1:2 olan üç rəngli bayrağımıza bükülüb gözü yaşlı analarına təhvil verildi. Dəfndən sonra həmin bayraq ailənin geridən qalan digər kişi fərdlərinə verildi. Azərbaycan Bayrağı ölkənin dörd atributundan biridi.

Bayrağa hörmətsizlik xalqa hörmətsizlikdi. Aran.Media bildirir ki, 09.08.2024-il tarixində Ağdaş rayon Qəsil kənd İnzibati ərazi dairəsi üzrə nümayəndəliyinin və bir neçə inzibati binaların yerləşdiyi yerdən video çəkilərək sosial şəbəkədə paylaşılıb. Videoda Azərbaycan bayrağının zibillərin arasına atıldığı görünür.

Sözü gedən videonu təqdim edirik:

Abdin Fərzəliyevin milyon yarımlıq sifariş şübhəli şirkət – Yol təmir edən “Proqress İnşaat En” həm bayram tədbiri keçirir

Abşeron Rayon İcra Hakimiyyətinin keçirdiyi satınalma müsabiqələrində tez-tez qalib seçilən şirkətlərdən biri də “Proqress İnşaat En” MMC-dir.
Reportyor.info xəbər verir ki, bir il ərzində şirkət icra hakimiyyətinin 7 satınalma müsabiqəsinin qalibi seçilib.
Müsabiqələr əsasən təmir işlərinin satın alınması ilə bağlı keçirlib. Lakin “Proqress İnşaat En” şirkətinin qalib seçildiyi iki müsabiqə inşaat sahəsinə aid deyil. Bunlardan biri Qurtuluş Günü, digəri isə Zəfər Günü ilə bağlı tədbirlərin keçirilməsi ilə əlaqədardır.
Beləliklə, məlum olur ki, təmir-tikinti işləri ilə məşğul olan “Proqress İnşaat En” MMC həm də bayram tədbirləri təşkil etməklə məşğul olur.
“Proqress İnşaat En” MMC-nin qalib gəldiyi satınalma müsabiqələri üzrə satınalma müqavilələrin ümumi maliyyə dəyəri 1 143 241,99 manatdır.
“Proqress İnşaat En” şirkətinin adına Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında rast gəlinmir. Böyük ehtimalla bu, Dövlət Vergi Xidmətinin saytının yenilənməsi ilə ilə əlaqədardır. Çünki bəzi hallarda axtarış zamanı başqa şirkətlərin də adı çıxmır.
Lakin internet resurslarında apardığımız araşdırmalar zamanı məlum olur ki, “Proqress İnşaat En” MMC Bakı şəhəri Lokal Gəlirlər Baş İdarəsində 29 noyabr 2021-ci il tarixdə dövlət qeydiyyatına alınıb. Nizamnamə kapitalı 1000 manat olan şirkətin hüquqi ünvanı Bakı şəhəri Xətai rayonu, Pivə Zavodu, ev 24/6-da yerləşir. MMC-nin qanuni təmsilçisi İslamov Nazim Əli oğludur.
Məlumatlara görə, Nazim İslamov şirkətin sahibi deyil. “Proqress İnşaat En” MMC Şirinov Eldar Bəhlul oğlu tərəfindən təsis edilib.
Yerli mətbuat yazır ki, Eldar Şirinov Bakı şəhər İcra Hakimiyyətinin Mənzil-Kommunal Təsərrüfatı Departamentinin sədri Rəfail Mehralıyevin yeznəsidir.
Görünür, şirkətin Abşeron Rayon İcra Hakimiyyətinin tenderlərində qalib gəlməsinin sirri budur.
Açıq mənbələrdə barəsində heç bir məlumata rast gəlinməyən, maddi-texniki bazasının hansı vəziyyətdə olduğu bəlli olmayan bir şirkətin dövlət satınalmalarında qalib gəlməsini başqa cür izah etmək mümkün deyil.
Bir məqamı qeyd etmək yerinə düşər. “Proqress İnşaat En” MMC Abşeron Rayon İcra Hakimiyyətinin Saray qəsəbəsi Səttar Bəhlulzadə və Çingiz Qurbanov küçələrində yolun əsaslı təmiri işlərinin satın alınması ilə bağlı keçirdiyi kotirovka sorğusunun qalibi olub. Bu sorğu üzrə satınalma müqaviləsinin maliyyə dəyəri 33 775,55 manatdır.
Bu məbləğə hansısa yolun əsaslı təmir ediləcəyi şübhəli görünür. Biz hələ onu demirik ki, hazırda Sarayda yollar bərbad vəziyyətdədir. Saray yollarına diqqət etdikdə burada hansısa əsaslı təmirdən söhbət getmədiyini aydın şəkildə görmək mümkündür.
Abşeron Rayon İcra Hakimiyyətinin başçısı Abdin Fərzəliyevdir. O, 2022-ci ildən rayona rəhbərlik edir.
Ümumiyyətlə isə Abdin Fərzəliyevin icra başçısı kimi karyerası 2003-cü ildən başlayır. O, Abşerondan əvvəl Nərimanov və Nizami rayonların icra başçısı vəzifəsində işləyib.

Azərbaycan Həmkarlar İttifaqları Konfederasiyasının sədri Səttar Möhbalıyevin AHİK-in bu ayın sonunda keçiriləcək növbədənkənar qurultayda istefa verəcəyi deyilir.
Çünki fəaliyyətinə göz qoyulub, ciddi araşdırılır. Bu da üzüsulu aradan çıxmaq istəyir. İllərlə milyonları həzm et, indi də heç nə olmamış kimi aradan çıx.
Yaxşıdı vallah. Hələ iş Səttar müəllimlə yekunlaşsa idi dərd yarı idi. Yerlərdəki "meskom"ları da "at oynadırlar". Nə hikmətdirsə, onlara da "gözünün üstə qaşın var" deyən tapılmır.
Bəlkə cənab Möhbalıyevin mövqeyi laxlayandan sonra kimsə cürət edə biləcək. Hələki kefləri istədikləri kimi gəzib dolanırlar. Məsələn, Sabirabad rayonunu misal çəkim. Bir neçə dəfə də yazmışam.
Yenə təkrar edirəm. Sabirabad Rayon Mərkəzi Xəstəxanasında hansı ölkənin qayda-qanununun işlədiyi məlum deyil. RMX həmkarlar təşkilatının rəhbəri Elnur Əzizov xəstəxanada Səttar Möhbalıyevin balaca bir obrazını yaradıb.
Elnur Əzizov "dərə xəlvət, tülkü bəy" deyərək özünə əməllicə güzəran yaradıb. Qiyməti üçrəqəmli məbləğdə olan avtomobil, Sabirabadda daşınmaz əmlakları, rayonda və Bakıda evlər, mənzillər, villalar, obyektlər, balıq gölləri və s.
Əgər Səttar müəllim milyonlar yeyirdisə, bu da minlər, yüz minlər yeyir. Hələ milyonlara əli çatmayıb. Möhbalıyev kimi oliqarxların yanında balacadı axı. Hələ böyüməlidi. Böyümək üçün də deyilənlərə görə 50 min manatını ayırıb ki, Sabirabad RMX-nin baş həkimi kreslosunu alsın.
Baş həkim vəzifəsi sanki hərraca çıxarılıb. Saxta əlillik təyinatı ilə məşğul olan onkoloq Elnur Əzizov Sabirabad RMX-nin direktoru Həsən Hüseynovun vasitəsilə razılıqları alıb.
Keçmiş baş həkim İkram Allahverdiyevin işdən azad edilmək haqqında ərizə verməsə də TƏBİB-in icraçı direktoru Vüqar Qurbanovun əmri ilə Birinci Qarabağ müharibəsi iştirakçısı olmuş İkram doktorun işinə xitam verilib.
Bir daha qeyd edirəm. Məsələ ilə əlaqədar TƏBİB-in ictimaiyyətlə əlaqələr və kommunikasiya departamentinin rəhbəri Zamirə Adilova mənimlə əlaqə saxlayıb bildirdi ki, Sabirabad RMX baş həkimi işdən çıxarılmayıb.
Amma İkram müəllimin rəsmi şəkildə işdən azad edildiyi və bununla bağlı müvafiq əmrin verildiyi məlum oldu. Bundan sonra Zamirə xanım məzuniyyətə çıxdığına görə açıqlama ala bilməmişəm.
Məsələnin həmkarlar tərəfini bir tərəfə qoyaq. İndi orada nələr baş verdiyini heç özləri də bilmirlər. Qurultaydan sonra bəlkə nəsə dəyişər.
Amma TƏBİB də öhdəsinə düşəni etmir. Ay TƏBİBİ-in hörmətli böyüyü Vüqar müəllim, xahiş edirəm, hərdən mediada rəhbərlik etdiyiniz təşkilat haqqında yazılanları oxuyun, deyilənlərə qulaq asın.
Dövlət başçımız hər zaman deyir ki, media cəmiyyətin güzgüsüdür, neqativ hadisələr barədə siqnal vermələri çox vacibdir.
Cənab Prezident belə dediyi halda məmurların öz əməllərində faktiki olaraq onun tövsiyələrinin, tapşırıqlarının əksinə getməsini necə başa düşək?
Sima Babayeva
TEREF

Göyçay rayonu Cəyirli kənd sakini Abışov Aqil Camal oğlu tərəfindən

ŞİKAYƏT

Göyçay rayonu Cəyirli Bələdiyyəsinin sabiq sədri Fuad Nəbiyev vəzifədə olduğu müddətdə kənd ərazisində bir çox alqı- satqı işləri ilə məşğul olub. Hektarlarla torpaq sahəsini mənimsəyərək yaxın qohumlarının adına rəsmiləşdirib və sonradan digər şəxslərə satmış, o, cümlədən hazırda bir neçə meyvə bağları və fermaları mövcuddur. Fuad Nəbiyevin vəzifə səlahiyyətlərindən sui-istifadə etmə halları və özbaşınalığı ondan qaynaqlanır ki, onun yaxın qohumu Milli Məclisin deputatı Sabir Hacıyevin olmasıdır. Buda ona arxalanaraq kənd ərazisində özbaşınalıqlar edib, bir neçə ağacları qanunsuz şəkildə kəsərək məhv edib. Cəyirli kəndində torpaqğın 1 sotu 3000 manat təşkil edir. Təkcə Fuad Nəbiyevin öz adına notariusda 35 alqı-satqı müqaviləsi var. Bir o qədəri də qohumların adı ilə etmişdir.Hətda öz yerinə qohumu Şəfa Nəsirovanı bələdiyyə sədri vəzifəsinə gətirib kənardan kəndi idarə edir.
Sabir Hacıyevə arxalanan Fuad Nəbiyevin barəsində heç bir tədbir görülmür.
Prezident cənab İlham Əliyevdən, Baş Prokuror cənab Kamran Əliyevdən, Baş Prokurorluq yanında Korrupsiyaya qarşı Mübarizə Baş İdarəsinin rəisi cənab Nazim Rəcəbovdan xahiş edirəm ki, Fuad Nəbiyevin bu qanunsuz əməlləri operativ şəkildə araşdırılsın və qanuna müvafiq tədbirlər görülsün.
Redaksiyadan: Qarşı tərəfində möqeyini dərc etməyə hazırıq!
TEREF