Şirkətin Sumqayıtdakı yanacaqdoldurma məntəqəsində zavod buraxılış bakının tutumu 70 litr olan avtomobilə 84 litr benzin necə vurulub?

Dəfələrlədir bu məzmunda şikayətlərə rast gəlirik. Lakin nə Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti (adı o qədər uzundur, amma fəaliyyəti sıfır) monitorinq aparıb tədbir görür, nə də "Socar Petroleum" QSC-nın rəhbəri Abdulla Tağıyev bu hallara qarşı barışmaz mübarizə aparır. Bəs nə vaxta kimi bu belə davam edəcək?

***

Bu cür cavabsız suallardan, daha doğrusu, hadisələrdən biri Sumqayıt şəhər sakini, məcburi köçkün Nazim Orucovun başına gəlib. Şikayətçinin «Təzadlar» qəzeti redaksiyasına göndərdiyi şikayətini aşağıda təqdim edirik. Lakin bu şikayəti dərc etməmişdən əvvəl "Socar Petroleum" QSC-nın rəhbəri Abdulla Tağıyevin münasibətini öyrənmək üçün QSC-nin rəsmi elektron poçtuna göndərdik. Cavab verilmədiyindən və münasibət bildirilmədiyindən ictimailəşdirməli olduq.

Şikayətçi N.Orucovla da əlaqə saxladıq. O, qəzetimizə geniş açıqlama verərək şikayət ərizəsində yazdıqlarını təsdiqlədi.

zapravka

Beləliklə, şikayətçi yazır: ««Hörmətli «Təzadlar» qəzetinin rəhbərliyi. Bildirirəm ki, 28.02.2024-cü il tarixdə, saat 21:55-də AZ5000, Sumqayıt şəhəri, Bakı-Quba yolu, ev-28-ci km, sağ tərəf ünvanında yerləşən "Socar Petroleum" QSC-nın yancaqdoldurma stansiyasındakı 1 saylı pompanın 4 №-li tapaçasından idarə etdiyim 90 ZM 625 dövlət nömrə nişanlı «Mersedes 270 ML CDİ» avtomobilinin yanacaq çənini tam doldurmaq üçün sifariş verdim. Qeyd edim ki, 2001-2005-ci illərdə istehsal olunmuş bu avtomaşınların yancaq çənin tutumu zavod sənədlərində 70 litr təşkil edir. Yəni, zavod buraxılışında belədir, çən dəyişdirilməyib (Benzin vurularkən avtomobilin spidometrində 594 km yol qət etdiyim qeyd olunmuşdur). Təxmini hesablamalarıma görə, çəndə ən azı 8-10 litr yanacaq qalmalı idi, avtomobilin yancaq çəninə isə 60-62 litr yancaq vurula bilərdi. Ancaq pompanın sayğacında bu rəqəmin 83.75 litr olduğu qeyd edildi. Mən təəccüm qaldım və bu hadisə ilə bağlı «Socar- Petroleum" QSC-nın qaynar xəttinə zəng etdim, şikayətimi bildirdim. Aradan 1 saat keçməmiş həmin yancaq doldurma stansiyasının rəisi kimi özünü təqdim edən şəxs (adını unutmuşam) zəng edərək yancaqdoldurma stansiyasında yerləşən bütün pompalar və pistoletlərin Azərbaycan Respublikası Standartlaşdırma İnstitutunun mütəxəsissləri tərəfindən yoxlanıldığını, pompaların dövlət tərəfindən verilmiş menzurkalarla yoxlanıldığını, plomblandığını dedi. Sonda isə «Ona görə də bizim heç bir günahımız yoxdur…», -deyə bildirdi.

Hörmətli redaksiya! Mən ona sual verəndə ki, bəs necə olur 70 litr həcmə malik yancaq çəninə, özü də hələ bir içərisində ən azı, orta hesabla 8-10 litr yancaq olduğu halda, çənə 83,75 litr yancaq vurulur??? Sualım cavabsız qaldı. Odur ki, yuxarıda qeyd edilən məsələnin tərəfinizdən araşdırılmasını və bu məlumatların ictimailəşdirilməsini Sizdən xahiş edirəm. Sizə inanır və güvənirəm, obyektivliyinizdən, prinsipiallığınızdan məlumatlıyam.

Onu da deyim ki, mən artıq məhkəməyə sənədlər hazırlayıram və vəkillə müqavilə də bağlamışam, "Socar Petroleum" QSC-nın rəhbəri Abdulla Tağıyevi məhkəməyə verməyə hazırlaşıram. Qoy məhkəmə avtomobilimin çəninin ekspertizadan keçirilməsini təmin edərək yanacaqdoldurma məntəqəsində mənə verilən qəbzlə onun tutumunu müqayisə edərək vurulmuş maddi və mənəvi ziyanı ödətdirsin…».

Məsələ ilə bağlı "Socar Petroleum" QSC-nın saytında olan həm elektron poçtuna sorğu göndərdik, həm də 0125700901 telefon nömrəsinə zəng vurduq. Hələki nə telefona, nə də elektron sorğuya savab verilib.

Mövzuya qayıdılacaq.

«Təzadlar»ın Araşdırma Qrupu

TEREF yazır ki, sosial şəbəkə fəalı Hüseyn Həsənli Əhmədli qəəbəsi, Gəncə prospekti 105- də yerləşən və sakinlərin vəsaiti hesabına səliqə sagmana salınıb uşaqlar və böyüklər üçün istrahət yerinə çevrilən idman meydançası və istirahət parkının dağıdılaraq hasara alındığını yyazır.
Nə baş verdiyini Hüseyn bəy belə təsvir edir:
"Huseyn Həsənli
3 мин. ·
Bakı şəhəri, Əhmədli, Gəncə prospekti 105.
Dünənə qədər bu gördüyünüz ərazidə - binalarla əhatələnmiş ərazidə uşaqların futbol oynadığı balaca meydança, söhbətləşmək üçün üstü bağlı oturacaqlar, yelləncəklər, güllər və ağaclar var idi. Hamısı da ətraf binaların sakinlərinin şəxsi vəsaiti və təşəbbüsü hesablna qurulmuşdu.
Dünən 1 günün içində polis müşaiətində hamısını dağıdıb hasarladılar. Alparslan səgər tezdən pəncərədən baxıb dedi: "ata bit buranın 2 gün əvvəlki halına bax, bir də bu günkü halına bax".
Hələ nəyəsə irad bildirməyə tələsmirəm. Gözləyək görək köhnə parkın yerində nə yaradırlar. Bilmək olmaz, bir də gördün qəşəng və səliqəli park zad saldılar. Görək."
TEREF aidiyyatlı oranların buna aydınlıq gətirəcəyini gözləyir!
TEREF

Ramin Abdullayevdən bezən gəncəlilər ədalət axtarışında: “Ərazi Tikinti Planlaşdırma Mərkəzinin sədri Ramin Abdullayevin adı gələndə, Axundovun “Hekayəti-xırs quldurbasan” komediyası yada düşür. Amma əsərdə Tarverdi sevgiyə görə oğurluğa göndərilir. Ramin Abdullayev isə dövlət büdcəsini çırpışdırmaqdadır”, – mərkəz sədrindən şikayət edən gəncəlilər belə deyirlər.

Onlar deyirlər ki, 200 il üstündən keçsə də, görünür, Axundovun obrazları indi ayrı-ayrı kabinetlərdə, kreslolarda peyda olmaqdadır.

“Adı ictimaiyyətə o qədər də tanış olmayan Ərazi Tikinti Planlaşdırma Mərkəzini kimdən soruşsan, bilməyəcək. Sədri Ramin Abdullayevi də çətin ki tanısınlar. Lakin bu qurum və onun padşah kimi özünü aparan sədri dövlətin pulunu dədə malı kimi xımır-xımır mənimsəməkdədir”, – deyə məlumatda qeyd olunur.

Qurum rəhbərindən şikayət edən vətəndaşların video-müraciətindəki faktlar bunu aydın göstərir:

“Deyə bilərsiniz ki, bəs bunu necə bacarır? Faktlar bizdən, dinləmək sizdən. Əvvəla, Ramin Abdullayev gözəgörünməz bir qüvvə kimi ortalıqda dolaşmaqdadır. Onların sözlərinə görə, mərkəz sədri işini elə qurub ki, çox da diqqət cəlb etməsin. Əslində isə vətən müharibəsində zərər çəkmiş ev və obyektlərin bərpasını dövlət üzərinə götürmüş və bu işlərə xərclənməsinə görə milyonlarla maliyyə vəsaiti ayrılıb. Bu işlər də Arxitektura və Şəhərsalma Komitəsinin nəzdində mövcud olan Ərazi Tikinti Planlaşdırma Mərkəzinə tapşırıb.

Amma 4 il keçməsinə baxmayaraq ayrılan milyonların hara getdiyi məlum deyil. Əsas da Gəncə şəhərindəki 700-dən çox zərər görmüş, ya da məhv olmuş tikili hələ də öz aqibətini gözləyir.

Ramin Abdullayev bu işlərə heç bir reaksiya vermir. Bu işlər Ramin Abdullayevin keçirdiyi şifahi tenderlər yolu ilə özünə yaxın olan “Konqo” və “Parlaq” şirkətlərinə həvalə olunub.

Hər iki şirkət üç il ərzində dövlət büdcəsini talan emtəkdən başqa iş görməyib. Bu korrupsiyanın başında Ərazi Tikinti Planlaşdırma Mərkəzinin sədri Ramin Abdullayevin dayandığı bildirilir.

Eyni zamanda, Qarabağda gedən tikinti işlərinin böyük hissəsi Şəhərsalma Arxitektura Komitəsinin nəzdindəki Ərazi Tikinti Planlaşdırma Mərkəzinə həvalə olunub.

Qanuni tender keçirməyən Ramin Abdullayev aparılan bərpa və tikinti işlərini öz havadarlıq etdikləri, ya da qeyri-rəsmi ortağı olduqları şirkətlərə həvalə etməkdən çəkinməyib.

Bütün bunlar göstərir ki, Axundovun qəhrəmanı Ramin Abdullayevdən daha səmimi olub. Əksinə, Mərkəz sədri daha çox Səlim Müslümova, Vilyam Hacıyevə oxşayır. Yəni Mərkəz sədri bu personajların yanına da gedə bilər. Sadəcə, bir araşdırma, bir yoxlama yetər…”(Arqument.az)

Məlum olduğu kimi, dövlət qurumlarının müxtəlif xidmətlərin və malların satınalmalarını tender və kotirovka sorğuları yolu ilə həyata keçirməsi qanunla mütləqdir. Bunun üçün qəbul olunmuş xüsusi qanunlar da mövcuddur. Lakin son illər dövrü mətbuatda satınalma prosedurları ətrafında dolaşan məlumatlar dövlət satınalmaları zamanı çoxsaylı qanun pozuntularına yol verildiyini deməyə əsas verir. Burada daha çox keçirilmiş tender və kotirovka sorğuları üzrə bağlanmış müqavilələrdə saxtakarlıq hallarına yol verilir, podratçıların maddi-texniki bazası və ixtisas göstəriciləri bir çox hallarda nəzərə alınmır, bağlanmış müqavilələrdə qiymətlər süni şəkildə şişirdilir, bir-iki aydan sonra isə şirkətlər ləğv edilir.
Səhiyyə Nazirliyinin tabeliyində olan Professor Gindes adına Uşaq və Gənclər üçün Vərəm Sanatoriyası tərəfindən 2023-cü ildə tibb ocağının gündəlik tələbatının ödənilməsi məqsədi ilə 13 satınalma müqaviləsi bağlanılıb. Onların hamısına toxunmayacıq. Amma Vərəm Sanatoriyası tərəfindən bağlanılmış bir neçə satınalma müqaviləsi var ki, burada saxtakarlıqlara yol verildiyi açıq aydın görsənir.
Sanatoriyanın digər malların satınalınması üzrə “AZNEX-CO” Məhdud Məsuliyyətli Cəmiyyəti ilə 21.042,5 manat məbləğində satınalma müqaviləsinin bağladığı 23.01.2024-cü il tarixdə açıqlamışdır. Amma şərtlərə görə kotirovka sorğusu müsabiqəsi 19.10.2023-cü ildə başlamalı 31.12.2023-cü il tarixdə bitməli olub. Maraqlıdır, Vərəm Sanatoriyası artıq başa çatmış kotirovka sorğusunun nəticələrini nə üçün bir ay sonra açıqlayıb? Qeyd edək ki, Vərəm Sanatoriyası “AZNEX-CO” MMC ilə daha bir satınalma müqaviləsi də mətbəə mallarının satınalınması üzrə bağlayıb. Bu kotirovka üzrə isə 17.479,5 manat məbləğində müqavilənin bağlanıldığı 13.10.2023-cü ildə açıqlanıb.
Göründüyü kimi Vərəm Sanatoriyası MMC ilə ümumi olaraq 38 522 manat müqavilə bağlayıb. Amma Dövlət Vergi Xidmətinin vergi uçotuna alınmış vergi ödəyicisi barədə məlumatlarda “AZNEX-CO” MMC-nin artıq ləğv edildiyi göstərilir. 05.11.2022-ci ildə dövlət qeydiyyatına alınmış MMC-nin qısa zaman içində nədən ləğv olunduğu bir çox şübhələrə yol açmırmı?
O cümlədən Vərəm Sanatoriyasının mətbəə mallarının satınalınması üzrə “FASTON QRUP” MMC-nin də Dövlət Vergi Xidmətinin vergi uçotuna alınmış vergi ödəyicisi barədə məlumatlarda artıq ləğv edildiyi göstərilir. Sanatoriya bu MMC ilə santexnika, elektrik və digər texniki vasitələrin və xidmətlərin satınalınması üzrə 34.022,6 manat məbləğində satınalma müqaviləsinin bağladığını 13.09.2023-cü il tarixdə açıqlayıb. 14.12.2022-ci ildə dövlət qeydiyyatına alınmış bu MMC-nin də qısa zaman içində nədən ləğv olunduğu suallar doğurmurmu?
Uşaq və Gənclər üçün Vərəm Sanatoriyası dekorativ bitkilərin, uşaqlar üçün idman və əyləncə inventarlarının alınması və quraşdırılması işlərinin satınalınması üzrə müqavilə bağladığı “TRİTON-22” MMC də ləğv edilib. Sanatoriya bu MMC ilə dekorativ bitkilərin, uşaqlar üçün idman və əyləncə inventarlarının alınması və quraşdırılması işlərinin satınalınması üzrə 39.239,4 manat məbləğində satınalma müqaviləsi bağladığını 30.08.2023-cü il tarixdə açıqlayıb. Dövlət Vergi Xidmətinin məlumatlarda 13.05.2022-ci ildə dövlət qeydiyyatına alınmış bu MMC-nin də vergi ödəyicisi kimi ləğv edildiyi göstərilir.
Vərəm Sanatoriyasının şüşələrin yuyulmasının satınalınması üzrə müqavilə bağladığı “EVSEN-CO” MMC də ləğv edilib. Bu kotirovka sorğusu üzrə isə 18.767 manat məbləğində satınalma müqaviləsinin bağlanıldığı 30.08.2023-cü il tarixdə açıqlanıb. 14.12.2022-ci ildə dövlət qeydiyyatına alınmış bu MMC-nin də vergi ödəyicisi kimi ləğv edildiyi göstərilir.
Sanatoriya müalicə və tədris alan həssas təbəqəyə aid uşaqlar, həmçinin inzibati işçiləri üçün bioloji təmiz və keyfiyyətli standartlara uyğun yuyucu, təmizlik və idarədə istifadə olunan digər vasitələrin (malların) satınalınması üzrə 46.284,64 manat məbləğində satınalma müqaviləsinin “EVOLUTION CONSTRUCTION AND SUPPLY” MMC ilə bağladığını 06.05.2023-cü il tarixdə açıqlayıb. Dövlət Vergi Xidmətinin məlumatlarında 30.08.2022-ci ildə dövlət qeydiyyatına alınmış bu MMC-nin də vergi ödəyicisi kimi ləğv edildiyi göstərilir.
Vərəm Sanatoriyası texniki suyun daşınması üzrə kotirovka müsabiqəsinə 20.02.2023-cü ildə başlayıb. “OPPONENT-2019” MMC ilə 39.601 manat məbləğində satınalma müqaviləsi bağladığını 15.04.2023-cü il tarixdə açıqlayıb. Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi isə MMC-ni 18.05.2023-cü ildə riskli vergi ödəyicisi olması barədə qərar qəbul edib.
Göründüyü kimi Professor Gindes adına Uşaq və Gənclər üçün Vərəm Sanatoriyası tərəfindən 2023-cü ildə keçirilmiş satınalmaların bir çoxunun qalibi olan MMC-lər qısa bir müddətdən sonra ləğv edilib. Bu da bu MMC-lərin dövlət vəsaitlərini silmək, mənimsəmək üçün yaradıldığını deməyə əsas verir. Bir şübhəl məqam da bu MMC-lərin qanuni təmsilçiləri ilə bağlıdır. Onlar vətəndaşlıq almış xaricilərdir. “AZNEX-CO” MMC -nin qanuni təmsilçisi SULAIMANOV ARPIDIN AKHMATOVICH, “FASTON QRUP” MMC – NURLAN AKBAROV NURGAZIEVICH, “TRİTON-22” MMC – REJABALI OROLOV, “EVSEN-CO” MMC – ISMOIL ORTIQOV
Qeyd edək ki, Professor Gindes adına Uşaq və Gənclər üçün Vərəm Sanatoriyasının əsaslı təmiri və quraşdırılması bir neçə il öncə baş tutub. Bunun üçün hələ 2019-cu ildə Prezidentin sərəncamı ilə Səhiyyə Nazirliyinə 11 468 300 manat ayrılmışdır. Buna baxmayaraq hərtərəfli təmirdən yeni çıxmış Vərəm Sanatoriyası müxtəlif xidmətlərin satınalmasına hər il külli miqdarda dövlət vəsaiti ayırır. Rəsmi dövlət qurumlarının məlumatlarından da göründüyü kimi birdəfəlik, saxta MMC-lər vasitəsi ilə. Və bütün bu qanunsuzluqların başında isə Sanatoriyanın baş həkimi Rəşid Bədəlov durur.
Elektron medianın yaydığı məlumatlara görə baş həkim Rəşid Bədəlov əvvəllər Səhiyyə Nazirliyində çalışıb. Burada sabiq nazir Oqtay Şirəliyevin ən yaxın adamlarından biri kimi tanınıb. Professor Gindes adına Uşaq və Gənclər üçün Vərəm Sanatoriyasına isə 2019-cu ildə təmirə başlamazdan bir neçə ay əvvəl baş həkim təyin edilib. Bu isə o deməkdir ki, sabiq nazir təmirə ayrılmış 11 milyon manatı yaxın adamı, Rəşid Bədəlovun vasitəsi ilə xərclədiyi iddia edilir.

Əyalətmedia.az

Şöbə müdiri haram əməllərini necə “halallaşdırır”?

Ölkə başçısının Əmlak Məsələləri Dövlət Xidmətində həyata keçridiyi islahatlar bu qurumun fəaliyyətində çoxlu sayda müsbət yeniliklərə səbəb olub. Bu yeniliklərdən biri Əmlak Məsələləri Dövlət Xidmətində korrupsiya və digər neqativ hallara qarşı mübarizənin gücləndirilməsi, şəffaflığın, həmçinin, vətəndaş məmnunluğunun artırılmasıdır.

Bu baxımdan, Əmlak Məsələləri Dövlət Xidmətinin rəisi Mətin Eynullayevin, habelə rəis müavini Elçin Yusubov və digər vəzifəli şəxslərin ölkə başçısının etimadını doğrultduğu göz önündədir. Əmlak Məsələləri Dövlət Xidmətinin rəhbərliyində təmsil olunan bu şəxslər prezidentin dövlət qurumları qarşısında qoyduğu vəzifə və tövsiyələri öz fəaliyyətlərində rəhbər tutmaqda, onlara həvalə edilən vəzifənin öhdəsindən uğurla gəlməkdədir.

Lakin təəssüflər olsun ki, bu gün Əmlak Məsələləri Dövlət Xidmətinin şöbə müdiri Taleh Bəşirovun şəxsi maraqları konteksində yürütdüyü siyasət adıçəkilən qurumun nüfuzuna xələl gətirən yeganə hal kimi ortaya çıxmaqdadır.

Ölkə mətbuatında ismi hər zaman müxtəlif qalmaqallarda və mənimsəmələrdə hallanan Taleh Bəşirov, bu gün də medianın ən çox diqqət mərkəzində saxladığı simalardan biridir. Buna səbəb şöbə müdirinin respublikanın bir çox bölgələrində hektarlarla torpaq sahəsini yüksək vəzifəli şəxslərin adına rəsmiləşdirməsi, bunun qarşılığında bahalı “hədiyyələr” alması, onlarla bu yolla “halallaşaması” haqda deyilənlərdır.

Taleh Bəşirov bu məsələdə olduqca maraqlı və qeyri-adi taktika sərgiləyir. Belə ki, o, Əmlak Məsələləri Dövlət Xidmətinin balansında olan nəhəng torpaq sahələrini “rəsmi makler” statusunda müxtəlif iş adamlarına, məmur və oliqarxlara təqdim edir. Rəsmi alqı-satqı həyata keçirilir və bu alqı-satqı üçün tələb oluna rüsum dövlət büdcəsinə keçirilir. İddia olunur ki, Taleh Bəşirov bununla işin rəsmi, qanuni hissəsini başa çatdırır. Daha sonra torpağı alan iş adamın ilə əvvəlcədən əldə etdiyi razılığa əsasən, ondan göstərdiyi xidmətin müqabilində pul və ya bahalı avtomobillər şəklində “zəhmət haqqı” alır, qarşı tərəfə “halallıq verir”. Taleh Bəşirov bununla hesab edir ki, o, qanunu pozmadan “halal pul” qazanır.

Taleh Bəşirovun ismi çoxsaylı qalmaqallarda hallansa da, onun adı Bakının Novxanı çimərliyi yaxınlığındakı “Metallurq” düşərgəsi ilə bağlı qanunsuz alqı-satqıda daha çox çəkilməkdədir. Buna səbəb əmlak məmurunun bu məsələdə dövlət siyasətinə açıq-aşkar meydan oxuması, məcburi köçkünləri öz şəxsi marağına görə 30 ildir məskunlaşdığı sığınacaqdan didərgin salmaq istəyidir.

Medianın bu məsələdə Taleh Bəşirova ciddi dirəniş göstərməsi şöbə müdirini çətinə salıb. Taleh Bəşirov zəbtetmə prosesini davam etdirə bilmir. Eyni zamanda, satılan ərazidəki hasarları sökərək bu “işğala” son qoymaq istəmir. Başqa sözlə desək, şöbə müdiri bu məsələdə sözün həqiqi mənasında “pat” vəziyyətinə düşüb. Bu vəziyyətin şöbə müdirinə bundan sonrakı addımlarına necə təsir göstərəcəyini isə zaman göstərəcək.

“Hürriyyət”

Redaskiyadan: Qarşı tərəfin mövqeyini dərc etməyə hazırıq.

Kimə nə dəxli ki, mən şey satıram?!
Ay alan! Məmləkəti-Rey satıram!

Allah rəhmət eləsin, sənə böyük şair.

Mirzə Ələkbər Sabir üçün hər dövrün şairidir, bu danılmazdır. Amma, deyəsən məmur kürsüsündə əyləşənlərin də iş prinsipləri hər dövr üçün eyni olub.

Şeirdə deyildiyi kimi səlahiyyət sahiblərinin hərəsi bir tərəfdə başını salıb aşağı satışları məşğuldurlar.

Məsələn, elə dəfələrlə aidiyyatı qurumlara rəsmi şəkildə, ictimaiyyətə isə "DogruXeber.az" informasiya portalı və "Kanal14" YouTube kanalında barəsində məlumatlarını verdiyimiz, görüntülərini təqdim etdiyimiz qanunsuz tikintilər kimi. Hansı ki, Suraxanı rayonu, Xətai rayonu, Binəqədi rayonu, Nizami və digər rayonlarda bu cür tikintilər bu gün də davam etdirilir.

Biz görüntüləri ilə məlumatları yayımlayırıq Suraxanı rayonu İcra Hakimiyyəti məlumatları sosial şəbəkələrdə, məlumatların şərh bölməsində təkzib edib, bizi qərəzli yazmaqda ittiham ediblər.

Xətai rayonuna gəldikdə isə, bu rayon yəqin Suraxanı və digərlərindən daha böyük "satış etdiyi" üçün, öz "sanbalını saxlayır", Heç kimə, heç nəyə məhəl qoymadan aparılan bütün tikintilərə gözünü, qulağını bağlayıb oturub.

Xətai rayonu Həzi Aslanov qəsəbəsində isə "şıdırğı" villa tikintiləri, rayonun digər ərazilərində (Qaçaq Nəbi küçəsində) isə hündürmərtəbəli düz yola bitişik hündürmərtəbəli yaşayış binası, onun da dibində obyekt tikintisi aparılır. Özü də bunun üçün yaşıllıq ağacları qurban verilməkdədir.











Qeyd edək ki, təqdim etdiyimiz fotoları və həmin tikintilərin ünvanlarını Şəhərsalma və Arxitektura Komitəsinə, həmçinin Xətai rayonu İcra Hakimiyyətinə rəsmi sorğularımızla bərabər göndərmişik. Lakin, təəssüflər olsun ki, iki həftə keçməsinə baxmayaraq, hər iki qurum susmaqda davam edir. Bəlli ki, bizim verdiyimiz məlumatlar heç də onlar üçün təzə xəbər deyil...

Amma, hər şeyə rəğmən redaksiyamız hər kəsin söz haqqını tanıyır.

Mövzunu davam etdirəcəyik...

DogruXeber.az

Əmlak Məsələləri Dövlət Xidmətinin rəis müavini Elçin Yusubovun və sözügedən qurumun şöbə müdiri Taleh Bəşirovun Novxanı çimərliyi yaxınlığındakı “Metallurq” qaçqın düşərgəsini zəbt etməsi məcburi köçkünlər arasında ciddi narazılığa səbəb olub.

Hadisəylə bağlı əldə etdiyimiz məlumata görə, artıq zəbt olunmuş ərazidə məcburi köçkünlərə məxsus 4 yardımçı təsərrüfat sökülüb. Həmin təsərrüfatın içindəki əşya və avadanlıqlar isə ortalıqda qalıb və məcburi köçkünlər onları qoymağa yer tapa bilmir. Ərazidəki bir evin taleyi isə sual altındadır. Belə ki, evin sahibindən evi təcili şəkildə tərk etmək tələb olunub. Bildirilib ki, “ev plana düşüb” və buna görə də ən qısa zamanda söküləcək. Evdə məskunlaşan məcbur köçkünə isə məsləhət görüblər ki, özünə kirayə axtarsın və əşyalarını ən qısa zamanda buradan çxıarılsın. Hazırda zəbt edilən ərazinin hasaralanması prosesi gedir. Artıq hər tərəfdən ərazinin iki metrə yaxın hündürlükdə daş hasarla əhatələndiyi bildirilir. Tikinti işi gecə saatlarında projektor işığında belə davam dir ki, bu da əraziyə əl qoyan iş adamının hasarlama prosesini mümkün qədər tez bir zamanda başa çatdırmaq istəyindən xəbər verir. Ərazidə baş verənlərlə bağlı daxil olan məlumata görə, Əmlak məmurları “Sarıqaya” yaşayış massivindəki “Metallurq” düşərgəsinin bir hissəsini ələ keçirən zaman, düşərgəyə bitişik on sotluq xüsusi mülkiyyətə məxsus torpaq sahəsini də zəbt ediblər. Həmin torpaq sahəsi yaxın ərazidəki bağ evlərindən birinin sahibinə məxsus olub. Əlində torpağın ona məxsus olduğunu təsdiqləyən mülkiyyət şəhadətnaməsinin olmasına baxmayaraq, əmlak məmurları onun da torpağına əl qoyub. Torpaq sahibi öncə Elçin Yusubov-Taleh Bəşirov cütlüyünə müqavimət göstərməyə çalışsa da, daha sonra əmlak məmurlarının təzyiqi qarşısında geri çəkilməli olub.

Taleh Bəşirovun əlaltıları mülkiyyət sahibinə bildirib ki, onun sahib olduğu torpaq köçkün düşərgəsinə məxsusdur. Vətəndaş xüsusi mülkiyyətin toxunulmaz olduğunu xatırladaraq qanunun çətiri altına sığınmağa çalışanda, əmlak məmurları onun dediklərini təsdiqləyiblər. Eyni zamanda bildiriblər ki, özəl mülkiyyət toxunulmaz olsa da, bu toxunulmazlıq da bir yerə qədərdir və vəziyyətə görə dəyişir. Əlindəki sənədlərin etibarsız olduğunu, lazım gələrsə bu sənədləri asanlıqla ləğv edə biləcəklərini bildirən əmlak məmurları torpaq sahibinə cüzi vəsait ödəməklə vətəndaşa məxsus bütün torpaq sahəsini zəbt ediblər. Daha sonra həmin torpaq sahəsi də məcburi köçkün düşərgəsinin bir hissəsi ilə birlikdə hasarlanıb. Məcburi köçkün düşərgəsində isə vəziyyət hələ də gərgin olaraq qalır.

Köçkünlər hesab edir ki, ədalətin bərqərar olması üçün zəbt edilən əraziyə çəkilən daş hasar sökülməli, avtomobil və piyada yolu açılmalı, sökülən evlər və yardımçı təsэrrüfatlar bərpa edilməlidir. Onlar bu baş verməyənə qədər etirazlarını davam etdirəcəklərini bildiriblər.

Baş verənlərlə bağlı məlumat verən etibarlı mənbənin sözlərinə görə, məcburi köçkünlər Əmlak Məsələləri Dövlət Xidmətinin harınlamış məmurlarından ölkə başçısına şikayət etməyə hazırlaşır. Məcburi köçkünlər əmindilər ki, “dərə xəlvət tülkü bəy” prinsipi ilə hərəkət edən məmurların bu özbaşınalığı haqqında məlumat Prezident İlham Əliyevə çatacağı təqdirdə dövlət başçısı dərhal onları cəzalandıracaq, məcburi köçkünlərin ikinci dəfə qaçqın həyatı yaşadanlara lazımı dərs verəcək. Mənbənin məlumatına görə, ölkə başçısına ediləcək müraciətlə bağlı imzatoplama kampaniyasının həftə sonuna kimi başa çatdırılması nəzərdə tutulub. Bazar ertəsinə kimi Elçin Yusubov və Taleh Bəşirovun əməllərindən narazı olan məcburi köçkünlər imzatoplama kampaniyasını başa çatdıraraq dövlət başçısına müraciət edəcək.

Xatırladaq ki, bir müdət bundan öncə Bakının Novxanı çimərliyindəki “Sarıqaya” yaşayış massivinin “Metallurq” qaçqın düşərgəsinin bir hissəsi ƏMDX-nin yetkililəri – Elçin Yusubov və Taleh Bəşirov tərəfindən məşhur iş addamlarından birinə satılıb. Ərazini satın alan iş adamı ƏMDX məmurlarının köməyi ilə məcburi köçkünlərə məxsus bəzi ev və yardımçı təsərrüfatları dağıdıb, avtomobil və piyada yolunu bağlayıb. Məcburi köçkünlərin etirazına məhəl qoymayan məmurların məcburi köçlünlərin yaşadığı digər evlərə də əl qoyacağı ehtimal edilir. Məlumat üçün qeyd edək ki, məlum prosesdə xüsusi aktivliyi ilə diqqət çəkən isimlərdən biri olan Taleh Bəşirovun adı ölkə mətbuatında ilk dəfə iş adamlarının birindən “Rance Rover” markalı avtomobil hədiyyə alması ilə gündəmə gəlib. Həmin vaxt yayılan məlumata görə Taleh Bəşirov dövlət əmlakını dəyər-dəyməzinə iş adamlarından birinə peşkəş etdiyi üçün bu cür bahalı hədiyyəyə layiq görülüb. Onun Türkiyədə də geniş biznes şəbəkəsinə malik olduğu iddia edilir.

Köçkün düşərgəsi ilə bağlı məlumatların mütəmadi şəkildə mediaya sızdırılması şöbə müdiri Taleh Bəşirovun bərk qəzəbinə səbəb olub. Baş verənlərdən ciddi narahatlıq keçirən şöbə müdiri xidmət daxilində casus axtarışına çıxıb. “Satqın kimdir” sualına cavab axtaran Taleh Bəşirov bu məsələdə ən yaxın çevrəsindən belə şübhələnməkdə, onları mümkün qədər nəzarət altında saxlamaqdadır…/aztoday.az