 |
|
|
Müxbirimiz Ulduz Quliyevaya bu sualla müraciət edib.
Axundov küçəsi 3A ünvanında ağacların kəsilməsi ilə bağlı Dövlət Ekolojı Təhlükəsizlik Xidmətinin rəsmisi Qafar Ağayev bildirib ki, həmin ağacları siz kəsmisiniz? Bu məsələyə öz münasibətinizi bildirin.
Ulduz Quliyevanın oğlu və qanuni nümayəndəsi müxbirimizin ünvanladığı suala belə cavab verib.
Əlimizdə 2018-ci ildən olan məhkəmə qətnaməsi var. Həmin ərazi bizim mülkiyyətimizdədir. Bəzi adamlar tərəfindən bizim ərazimizdə ağaclar əkilir, bizə problemlər yaradılır. Bu məsələ ilə bağlı biz 2018-ci ildə məhkəməyə müraciət etmişik.
Nəzərinizə çatdıraq ki, bizim əlimizdə məhkəmə qətnaməsi var. Qətnaməyə görə, həmin əkilmiş yaşıllıqlar cavabdehlərin hesabına çıxardılmalı, ərazi əvvəlki vəziyyətinə qaytarılmalıdır. Eyni zamanda bizə yaradılmış maneələr aradan qaldırılmalıdır.
Təsəvvür edirsiniz, 2018-ci ildən bu günə qədər cavabdehlər onu könüllü icra etməyiblər və könüllü şəkildə icra etmədiklərinə görə Məhkəmə Qərarlarının İcrası və Probasiya Şöbəsi tərəfindən məcburi tədbirlər görülüb və yaşıllıqlar oradan uzaqlaşdırılıb.
Biz burada heç bir ağac əkməmişik və ağacların kəsilməsində də iştirak etməmişik. Hamı kimi biz də kənardan durub baxmışıq.
Yeniekinci.az
Axundov küçəsi 3A ünvanında ağacların kəsilməsi ilə bağlı Dövlət Ekolojı Təhlükəsizlik Xidmətinin rəsmisi Qafar Ağayev bildirib ki, həmin ağacları siz kəsmisiniz? Bu məsələyə öz münasibətinizi bildirin.
Ulduz Quliyevanın oğlu və qanuni nümayəndəsi müxbirimizin ünvanladığı suala belə cavab verib.
Əlimizdə 2018-ci ildən olan məhkəmə qətnaməsi var. Həmin ərazi bizim mülkiyyətimizdədir. Bəzi adamlar tərəfindən bizim ərazimizdə ağaclar əkilir, bizə problemlər yaradılır. Bu məsələ ilə bağlı biz 2018-ci ildə məhkəməyə müraciət etmişik.
Nəzərinizə çatdıraq ki, bizim əlimizdə məhkəmə qətnaməsi var. Qətnaməyə görə, həmin əkilmiş yaşıllıqlar cavabdehlərin hesabına çıxardılmalı, ərazi əvvəlki vəziyyətinə qaytarılmalıdır. Eyni zamanda bizə yaradılmış maneələr aradan qaldırılmalıdır.
Təsəvvür edirsiniz, 2018-ci ildən bu günə qədər cavabdehlər onu könüllü icra etməyiblər və könüllü şəkildə icra etmədiklərinə görə Məhkəmə Qərarlarının İcrası və Probasiya Şöbəsi tərəfindən məcburi tədbirlər görülüb və yaşıllıqlar oradan uzaqlaşdırılıb.
Biz burada heç bir ağac əkməmişik və ağacların kəsilməsində də iştirak etməmişik. Hamı kimi biz də kənardan durub baxmışıq.
Yeniekinci.az
O qədər qəzəbliyəm bu "sosial verilişlər" adlanan iyrənc efir tamaşalarına ki, nə yazım, necə yazım hirsimi soyudum, inanın bilmirəm. Elə başlıq axtarırdım bu yazıya ki, bütün azərbaycanlı dəyərlərini bilə-bilə məhv edən, dəyərlər sistemimizi yerlə yeksan edən bu iyrənc efir tamaşalarına qəzəbimi ifadə edim. Telejurnalistika "yaradıcılığı" və efir siyasəti döşəmə səviyyəsində olan bu cür "proqramlar" elə həddə çatıb ki, inanın qarşısı alınmazsa, bir neçə ildən sonra bu ölkədə abır-həya, ar-namus anlayışları birdəfəlik ayaq altında olacaq. Bütün Ermənistanın əsrlərdir bizə qarşı apardığı terror və düşmənçilik siyasəti bizə güc gəlmədi, bu xalqı tükəndirmədi, amma efirləri zəbt edən rəzil "sosial proqramlar" mənəviyyatımızın, mənəvi dəyərlərimizin sonuna çıxacaq. Daha doğrusu, artıq sonumuza çıxıblar, bir şey də qalmayıb.
Əvvəllər səviyyəli, intellektual verilişlər hazırlanırdı. Ən populyar, ən səviyyəli, centlmen və kübar APARICILAR var idi efirlərimizdə. Davud Əhmədov, Sabir Ələsgərov, Gülşən Əkbərova, Nərgiz Cəlilova, Dilarə Səlim, Rafiq Hüseynov, Şərqiyyə Hüseynova, Roza Tağıyeva, Nailə İslamzadə, Tamilla Ələkbərova, Rafiq Haşımov...
İndi savadı və mədəniyyəti döşəmənin altında gizlənən, tərbiyə və əxlaqını yeniyetməliyində itirən bir qrup “aparıcı” at oynadır efirlərdə. Arvadı fermada müdirlə "yatan" kişicığazı efirə çıxarıb "veriliş" şousu qurmaq telejurnalistika deyil, əsl rəzalətdir, başqa heç nə!
Bir "proqram" ki, çəkinib etmədən bu xalqın yaşlılarını efirə çıxarıb rəzil edir, bilə-bilə, qəsdli şəkildə min illik ailə dəyərlərimizi gözdən salmaq üçün yüz yola baş vurur, demək, bunlar ən ağır, ən məhrəm qırmızı cizgiləri belə göz qırpmadan tapdalayıb keçə bilərlər. Elə keçirlər də! Kənddə arvadını tövlədə başqası ilə “tutanlar”, gəlininə göz qoyan binamus “qayınatalar”, 70 yaşında ər üçün alışıb yanan kaftarlar, nə bilim yüz cür bişərəf əməl sahibləri geninə-boluna reklam olunur bu efirlərdə. Sual edirəm: NƏDƏN????
60-70 yaşlı ixtiyarları evləndirmək adı ilə "efir ulduzuna" çevirir, ələ salır, onları bir-birinə söydürür, "proqramları" bu cür təlxək şoularla doldurub bəzi qəssab, əsl dana baytar "həkimləri" reklam edirlər. Çünki əqli kəmləri ora çıxarıb şou qurmasalar, bu axmaq "verilişlərə" kimdir baxan? Diqqət edin: bu cür "proqramlarda" nə qədər oyunlar yatır. Özü də "aparıcıların" mədəniyyət və intellekt yoxsulu olması sanki bilərəkdən seçilib. Heç bir dəyərə məhəl qoymayan, bu cür oyunların dozasını daha da qaldırmaq üçün düşünülmüş "aparıcı" sürüsü...
Cəmiyyəti bilə-bilə aşağı səviyyəli düşüncəyə sürükləmək, intellektual, düşündürücü efir əvəzinə, insanları manqurtlaşdıran şoular keçirmək, təhsil əvəzinə yaşlı insanların özlərini gülünc vəziyyətə saldıqları, kənd-kəsəkdə uşaqlarını evdə qoyub subay oğlanlara qoşulub qaçan gəlinləri, belələrinin dalınca studiyaya gəlib diz çökən biqeyrət "kişiləri" reklam etmək. Məqsəd? - məqsəd KİŞİLİK qürurunun, qadın ar-namusunun, müqəddəs ailə dəyərlərinin yeniyetmə və gənc nəslin gözündən salınması siyasəti, başqa heç nə. Açıq şəkildə cəmiyyəti MANQURTLAŞDIRMAQ, vəssalam!
Bu "aparıcı" sürüsü böyük-kiçik bilmədən 60-70 yaşlı ixtiyarları adları ilə, ayamalarla çağırır, onlara çımxırır, əməllicə təlxək yerinə qoyur. Əslində, ən böyük günah elə özünü o rəzilliyə təslim edən ixtiyarların özlərindədir. Bu yaşda efirlərdə biabır olmaq yaraşırmı sizə? Ayaq üstündə güclə dayanırsan, 1937-ci ildəki repressiya qurbanları kimi döşünə nömrə vurub elçi daşına oturan vaxtındır?
Efirə zəng edib 60-70 yaşlı qoca kişilərə elçi düşən 35-40 yaşlı qadınlar, efirdə yenidən “bal ayı” yaşamaq üçün min hoqqadan çıxan, əl-ayağı güclə tutan 70 yaşlı “baba və nənələr”. Ağsaqqal-ağbirçək yox ha, sadəcə, İXTİYAR “BABA VƏ NƏNƏLƏR”. Belələri heç vaxt ağsaqqal, ağbirçək adlana bilməzlər. Bir də onlara "ekspertlik" edən 25 - 40 yaşlarında cavanlar. Bu gənc “ekspertlərin” də şəxsi həyatı sirr dağarcığıdır. Əksəriyyəti də boşanmışlar ordusudur. Bir xalqın düşdüyü acınacaqlı fəlakətin həddinə bax!
Əvvəllər cavanlara ağsaqqallar, ağbirçəklər öyüd-nəsihət verər, doğru yol göstərərdilər. Ailə dəyərlərini qorumaq üçün böyüklər irəli çıxar, gənclərin başına ağıl qoyardılar. Taleyin ironiyasına bax: indi 25-30 yaşlı gənclər 60-70 yaşlı ixtiyarlara "xeyir-dua" verirlər. Bu, gülməli deyil, bir xalq üçün istənilən soyqırımından daha dəhşətli mənzərədir. Və SONDA: Bu rəzilliklərin acı sonluğu daha betər olacaq. Allah bizi bu betərdən qorusun!
Mətləb Salahov
DİA.AZ
Xəbər verdiyimiz kimi, müğənni Mina Hüseyn yeni eşqə yelkən açıb.
Teref.Az bizim media-ya istinadən xəbər verir ki, bu haqda sənətçi qonaq olduğu "Səhər mərkəzi" verilişində danışıb.
Mina bildirib ki, o yeni sevgilisi isə ilə bir neçə həftə əvvəl getdiyi Ümrə ziyarətində tanış olub:
"Sevgilimi gizlətmirəm. Bu mövzuda qarşı tərəfdən heç bir problem yoxdur. Bir aydır ki, tanış olmuşuq. Hələki bir-birimizi yeni tanıyırıq. Hər şeyi zamana buraxmışıq. Mən üzdə olan insanam. Hamı mənim şəxsi həyatımla maraqlanır və həyatımda birisi olduğunu göstərmək üçün İstanbulda yeni sevgilimlə çəkdirdiyim şəkili sosial şəbəkə hesabında paylaşdım. Yenə danışıldı, müzakirə olundu.
Çox xahiş edirəm, bizə dəyməyin. Ümrə ziyarətinə getmişdim. Orada onunla tanış oldum. Məncə bu, Allahın qismətidir. Sənətimdə mənə çox dəstək olur. Deyir ki, istəyirəm ki, sənətini və müğənnilik fəaliyyətini davam edəsən. Mənə hörmətlə yanaşır, dəyər verir, qayğıkeşdir. Onunla çox xoşbəxtəm. 8 mart "Qadınlar Günü"ndə isə mənə bahalı parfüm hədiyyə etdi".
Qeyd edək ki, M.Hüseyn S.Həsənovla ötən il mart ayında gizli şəkildə ailə qurub. Aylar sonra sənətçi ərindən ayrıldığını və boşanmaq üçün məhkəməyə müraciət etdiyini açıqlayıb.
Onun sözlərinə görə, buna səbəb həyat yoldaşının onu aldadaraq, özünü varlı şəxs kimi təqdim etməsi, eyni zamanda müğənniyə qoyduğu qadağalar olub.
"Şikayətim Elmi-Tədqiqat Travmatologiya və Ortopediya İnstitutunda qeyri-rəsmi çalışan rezident Ağa Mirməhəmməd Mirhaşım oğlundandır. 16.12.2022-ci il, 21:30 radələrində yoldaşım Ceyhun Heydərov avtomobil qəzası keçirmiş elə həmin gün Travmatologiya İnstitutuna müraciət etmişdir. İlkin baxış və rentgen müayinələrindən sonra özünü həkim kimi təqdim edən Ağa Mirməhəmməd rentgen nəticələrini düzgün oxuya bilməmiş və yoldaşımı arxayın edərək heç bir sınıq olmadığını, əzilmə və sıyrıq olduğunu demiş, xəstəni evə yola salmışdır". DİA.AZ bildirir ki, bu sözlər şikayətçi Gülyaz Əbilova-Heydərovanın müraciətində yer alıb.
Narazı vətəndaş daha sonra bildirir: "Bir neçə gün sonra ayağın göyərdiyini və şişdiyini gördüyümüz üçün yenidən Travmatologiya İnstitutuna müraciət etmişik. Bu dəfə bir digər həkim travmatoloq 16.12.2022-ci ildə çəkilmiş elə həmin rentgen nəticələrinə baxaraq ayağın topuq nahiyəsində sınıq olduğunu aşkar etmiş. Təkrar KT müayinəsi etdirmiş və sınıq olduğunu tam dəqiqliklə təsdiqləmişdir. (Eyni zamanda tam əmin olmaq üçün özəl klinikalardan birinə də müraciət etmişik)
Sınıq ilk gün Ağa Mirməhəmməd tərəfindən aşkarlanmadığı və dəqiq diaqnoz qoyulmadığı üçün sınıq yerdəyişmiş və nəticədə yoldaşım Ceyhun Heydərov 30.12.2022-ci ildə əməliyyat keçirmişdir.
Əməliyyatdan bir neçə gün sonra Ceyhun Heydərov çox sakit və təmkinli bir şəkildə həmin şəxslə əlaqə saxlayıb, etdiyi səhvin nəticələrini özünə bildirmək istəyərkən şəxs-Ağa Mirməhəmməd Mirhaşım oğlu həkim peşəsinə və insanlığa sığmayan ifadələr işlədərək xəstəni təhqir edir, hədələyir, videodan da gördüyünüz kimi kriminal avtoritet kimi danışır, xəstəni və yaxınlarını "görüş"ə dəvət edir. Zərərçəkmişə "Sənin əməliyyat olunmuş ayağını sındıraram (gerisini ifadə etməyə tərbiyəm yol vermir)" deyir. Ailə böyüklərimiz onunla əlaqə saxlamaq istəyərkən yenə eyni tərzdə hədə-qorxu gəlir, asıb-kəsməklə hədələyir.
Qeyd edim ki, yoldaşım Tip 2 Diabet olduğunu üçün əməliyyat və sonrakı proses çox çətin və həyəcanlı keçdi. Əgər həmin gün doğru diaqnoz qoyulsa zərərçəkmiş əməliyyat olunmayacaqdı. Hələ də xəstə sağalmayıb.
Bu insan isə etdiyi səhvi etiraf edib üzrxahlıq etməksəndə, küçə ifadələri işlədir.
Bu şəxs hal-hazırda International Medical Center klinikasında travmatoloq-ortoped kimi çalışır. Diqqətli olun və tanıyın.
Yazdığı tövsiyə vərəqəsində isə nə adını doğru qeyd edib nə də nömrəsi var.
Qeyd edim ki, bu haqda Elmi-Tədqiqat Travmatologiya və Ortopediya İnstitutunun rəhbərliyinə və
Azərbaycan Respublikası Səhiyyə Nazirliyinə yazılı şəkildə rəsmi müraciət etsək də hələ heç bir nəticə əldə edə bilməmişik".
İddia olunanlarla bağlı teref.az olaraq qarşı tərəfi də dinləməyə hazırıq...
Müğənni Əlikram Bayramov "Həmin Zaur" verlişində evini dəyişdiyini bildirib.
Müğənni əvvəlki evinin nisbətən balaca olması nəvələrinin rahat hərəkəti üçün uyğun olmadığından belə bir addım atdığını deyib.
Əlikram yeni mənzilinin 5 otaqlı olduğunu açıqlayıb./Milli.az
Klarnet ifaçısı Hüseyn Məhəmmədoğlu ilə Əməkdar mədəniyyət işçisi Samirə Əliyeva arasındakı qalmaqal səngimək bilmir.
Olay xəbər verir ki, Hüseyn açıq şəkildə olmasa da, sosial şəbəkədə onun xanımı Aysel İbrahimovanı yarışdan çıxaran aşığa söz atır.
Bu dəfə isə Elmira Rəhimovanın “Sən bir nəğmə, mən bir nəğmə” ifasını paylaşaraq “Sən belə ifaları bəyənməzsən, “çuşka”” sözlərini yazıb. Bu sözlərin də hədəfinin Samirə olduğu düşünülüb.
Qeyd edək ki, S. Əliyeva ötən həftələrdə münsif olduğu “Səs Azərbaycan: doğma nəğmələr” müsabiqəsində qarşıdurma mərhələsində Aysellə vidalaşıb.
Olay xəbər verir ki, Hüseyn açıq şəkildə olmasa da, sosial şəbəkədə onun xanımı Aysel İbrahimovanı yarışdan çıxaran aşığa söz atır.
Bu dəfə isə Elmira Rəhimovanın “Sən bir nəğmə, mən bir nəğmə” ifasını paylaşaraq “Sən belə ifaları bəyənməzsən, “çuşka”” sözlərini yazıb. Bu sözlərin də hədəfinin Samirə olduğu düşünülüb.
Qeyd edək ki, S. Əliyeva ötən həftələrdə münsif olduğu “Səs Azərbaycan: doğma nəğmələr” müsabiqəsində qarşıdurma mərhələsində Aysellə vidalaşıb.
“Sevgi şeirləri deyirəm deyə, bu o demək deyil ki, kiməsə sevgim olmalıdır. Ataya, anaya, vətənə sevgi ola bilər. Mütləq şəkildə bu sevginin ünvanı əks cins olmalı deyil ki! Sevgisiz insan yaşaya bilər?! Şeiri demək üçün onu içimdən keçirməliyəm, yaşamalıyam. Onu boğazdan yuxarı deyə bilmərəm. Şeiri yazanlara deyirəm ki, sən bu hissləri yaşamısan, amma mən də bu şeiri deməklə o hissləri artıq yaşayıram. Şairə Sədaət Buta mənə həyatını danışandan sonra o qədər ağlamışam ki.. O bu hissləri, bu həyatı yaşayıb. Səsləndirdiyim şeirlərin çoxunun müəllifi odur”.
DİA.AZ bildirir ki, bunu Moderator.az-a açıqlamasında tanınmış aşıq Telli Borçalı deyib.
“O vaxt toylarımız bir başqa cür keçirdi. Bizim Borçalı məclisləri bir başqa cür idi. Aşıq Kamandar kimi gözəl dastan danışan aşığımız var idi. Dastanı dastan kimi danışmaq lazımdır. Dastanı ən maraqlı yerində yarımçıq saxlayıb, deyirdi ki, sabah danışacam. Toylar 3 gün 3 gecə keçirilirdi. Sabah eyni saatda hamı mağara yığılırdı. İndi nə dastan danışan var, nə də ki, o toylardan qalıb. Bəlkə də informasiya qıtlığı var idi deyə biz oturub onlara qulaq asırdıq, özümüzü o dastanların içində hiss edirdik. Bu gün hər kəs toya öz repertuarı ilə gedir. “Baş sarıtel” gözəl aşıq havasıdır. Bəzən toylarda oxuyuruq. Biri gəlib deyir ki, “xahiş edirəm bir az oynaq hava ifa edin”. Toylarda lirikanı sevmirlər” deyə aşıq bildirib.
Aşıq Telli konsert verməməsinin səbəblərindən də danışıb.
“Mənə çox təklif ediblər. Gərək 2-3 ay sənətinlə məşğul olasan, yeni mahnılar, şeirlər yazdırasan. Buna da bir az vaxt olmur. Çünki toylarımız, efirlərimiz çox olur. Bütün günü qaça-qaçda oluram” deyə aşıq bildirib.
“Necə bir bəylə ailə həyatı qurmaq istərdiniz?” sualına isə Telli Borçalı belə cavab verib.
“Sənətimi də, sazımı da qəbul edən bir şəxslə ailə həyatı quraram. İnsan var ki, deyir ki, evlənəndən sonra saz ifa etmə. İnsan da var ki, imkanlıdır, varı-dövləti var. Amma mən saz ifa etmədən dayana bilmərəm” deyə o bildirib.
Məşhur türkiyəli müğənni Zeynep Bastık ötən ilin sentyabrında “YouTube” kanalına yüklədiyi videoya görə problemlə üzləşib.
Müğənniyə həmin videoya görə yüksək məbləğdə pul cəriməsi təyin olunub.
Klipdə spirtli içkini reklam edən Zeynep Baştık 155 min 712 lirə məbləğində cərimə olunub. Müğənninin 10 milyon baxış sayına çatan klipi isə yayımdan silinib. Zeynep Bastık mövzu ilə bağlı heç bir açıqlama verməyib.
Mənbə: Haber Global
“İnstaqramda Allah Puqaçovanı izləyirəm. Bəzən bir-birimizdən xəbərsiz geyimlərimiz eyni olur. Bu məndə təəccüb doğurur. Hətta saç düzümlərimiz də eyni olur. Mənə çox qəribə gəlir ki, bu ona necə gedib çatır?! Özü izləməsə də, fanatı məni izləyir. Bəzən insanların fikirləri, düşüncələri bir-birinə oxşayır. Düşünürəm ki, bundan qaynaqlanır”.
DİA.AZ bildirir ki, bunu Moderator.az-a açıqlamasında əməkdar artist Ruhəngiz Allahverdiyeva deyib.
“Mahnıları yazıdırıb, ortalığa çıxarmıram. Mənim bədbəxtçiliyim burdadır. Efirlərə də gedirsən, deyirlər ki, şən mahnı oxu. Bəs lirik mahnıları harada oxuyaq? Röya Ayxan “Dərdimdən kim öləcək” mahnımı istəmişdi, dedim ki, qurbandır. Nəinki ona, mahnılarım hamıya qurbandır. “Vurulmuşam” mahnımı hamı istəyir, hamı da oxuyur. Mən paxıl müğənni deyiləm ki, mahnılarımı oxumağa kiməsə icazə verməyim. Əzizləyib saxlayırlar, heç kimi də qoymurlar ki, ifa etsin. Hətta mahnılarına qısqanclıqla yanaşan İlhamə Quliyeva belə mənə mahnılarını oxumağa icazə vermişdi. Nüşabə Ələsgərlinin ad günündə İlhamə xanımın “Neylərsən?”, və “Kaman” mahnısını ard-arda oxudum. Ayağa qalxıb alqışladı və dedi ki, “mən belə ifa eşitməmişəm”.
Əməkdar artist gəlinindən də danışıb.
“Gəlinimlə aramızda dostluq var. Gəlin-qaynana münasibətində deyilik. Nə o məndən, nə də mən ondan pis münasibət görməmişəm. O da bir evin qızıdır, xoşbəxt olmağa gəlib. Vaxt gələcək mənim də övladım gəlin olacaq. Onlar gəncdirlər, səhvləri də olsa başa düşmək olar. Başqa evdən bir başqa evə gəlirlər. O evə öyrəşənə qədər, evin abu-havasını götürənə qədər ona zaman lazım olur. Onlara şərait yaratmaq lazımdır” deyə müğənni bildirib.
Müğənni həmkarlarına çağırış da edib.
“Biz sənət adamları mehriban, dost olmalıyıq. Əvvəl də qalmaqallar, səs-küylü açıqlamalar olub, amma bunların hamısını gizlində ediblər, mətbuata çıxarmayıblar. İndiki kimi efir vasitəsilə bir-birlərinə söz atmayıblar. Bir-birini yıxıb-sürüyürlər, xətrinə dəyirlər, alçaldırlar. Onsuz da səhvsiz insan yoxdur. Bəlkə də gündə səhv edirik. Bunu Allah bilir” deyə müğənni bildirib.
Türkiyəli tanınmış aparıcı Mehmet Ali Erbil 4 ay 15 gün həbs cəzasına məhkum edilib.
Bakupost.az xəbər verir ki, buna səbəb onun klipində rol alan Ece Ronay Bilirə təcavüz etməsi iddiasıdır.
Hazırda Ərbilin məhkəməsi davam edir. Onun 8 il 10 aya qədər həbs cəzası alması gözlənilir.
