"Biz harasa təyyarə ilə gedəndə Cabbarla bir dənə əlavə - üçnəfərlik bilet alırıq".

Milli.Az xəbər verir ki, bunu "Zaurla Günaydın"da Əməkdar artist Könül Kərimova deyib.

Xanım sənətçi bunun səbəbini belə izah edib:

"Yanımızda bir boş yer olur həmişə. Çox vaxt deyirik ki, ortadakı yer bağlı qalsın, heç kim orada oturmasın. Ortanı bağlıyırıq".

Əməkdar artistin sözlərini Cabbar Musayev də təsdiqləyib.

Balaəli Məştağalı son zamanların ən çox danışılan meyxanaçılarından biridir.

Sfera.az xəbər verir ki, bu dəfə meyxanaçının çoxlarının ilk dəfə görəcəyi görüntüsü yayılıb.
Belə ki, Balaəlinin illər əvvəl Namiq Qaraçuxurlu ilə birgə çəkilən fotosu paylaşılıb. Şəkildən də göründüyü kimi meyxanaçı burada tamamilə fərqli obrazı, fərqli görünüşü ilə seçilir:/Milli.az

Gənc müğənni Jalə Əliqi vəfat edib.

Axşam.az xəbər verir ki, bu barədə aparıcı Hacı Nuran sosial media hesabında yazıb. Bildirilib ki, ifaçı bu gün dünyasını dəyişib.

H.Nuran Axşam.az-a açıqlamasında 28 yaşlı müğənninin qəflətən vəfat etdiyini bildirib:

“Bir müddət əvvəl səhhətində problem yaranmışdı. Türkiyəyə müalicəyə aparıblar. Qayıdıb gəlmişdi. Qəfildən dünyasını dəyişib”.

Qeyd edək ki, Jalə 1994-cü ildə Naxçıvanda dünyaya gəlib.

“Ötən gün həmkarlarım mənə bir anons videosunu göndərərək bildirdilər ki, sabah Röya xanım konsertdə iştirak edəcək, ondan müsahibə almaq istəyirik. Anonsu görəndə çox təəccübləndik. Röya xanım Azərbaycanda olmadığı halda, ondan xəbərsiz afişada qeyd olunub ki, guya bu gün, yəni 4 aprel tarixində səhnədə yer alacaq. Həmçinin afişada Röya Ayxandan başqa, digər sənətçilərin, Aynur Dadaşova və Tərlan Novxanının da adları yer alıb”.

Bunu Oxu.Az-a açıqlamasında Röya Ayxanın mətbuat katibi Elvin Elxan bildirib. Onun sözlərinə görə, Xalq artisti Vətənə döndükdən sonra bu məsələ ilə bağlı ciddi tədbirlər görəcək:

“Çünki nəinki afişaya şəkil qoymaq, adın salınması belə, dələduzluq sayılır. Görünür ki, burada məqsəd Röya xanımın adından istifadə edib, restorana müştəri toplamaq olub”.

E.Elxan müğənninin ilk dəfədir ki, bu cür dələduzluqla üzləşdiyini də vurğulayıb.

Oxu.Az-ın əməkdaşı Röya Ayxanın konsert verəcəyi barədə afişa hazırlayıb anons edən restoran rəhbərliyindən də mövqe öyrənməyə çalışıb. Özünü restoranın əməkdaşı kimi qeyd edən şəxs artıq problemin həll olunduğunu deyib:

“Burada nə var ki? Röya xanımın adı afişada qeyd olunub, amma özü ölkədə olmadığı üçün səhnədə çıxış etməyəcək. Bu məsələ restorana deyil, təşkilatçılara aiddir”.

Qeyd olunub ki, artıq müğənninin mətbuat katibləri ilə də danışılıb və məsələ həll edilib.


12:01

Xalq artisti Röya Ayxanın paylaşımı izləyiciləri arasında marağa səbəb olub.

Oxu.Az xəbər verir ki, Xalq artisti Röya Ayxan “Instagram” sosial şəbəkəsində dələduzluq halı ilə rastlaşdığı barədə məlumat verib.

Sənətçi anonsu görəndə təəccübləndiyini qeyd edib:

“Bakıda olmadığım halda aprelin 4-ü restoranların birində səhnə alacağım barədə afişaya rast gəldim. Bu, nə məsələdir? Mən Bakıda deyiləm. Necə ola bilər ki, tədbirim olsun. Anonsu görəndə şok oldum. Kimin tədbiri varsa, uğurlar arzu edirəm. Lakin bizim yoxdur. Bu şəkildə afişanın paylaşılması da məsuliyyətdir. Çox inanıram ki, məsələ ilə məşğul olacaqlar”.

Müğənni sonda əlavə edib ki, dostları ilə birlikdə Azərbaycandan kənarda tətildədir.