 |
|
|
Müğənni Nəfəsin “7 Canlı” verilişində etdiyi son açıqlaması sosial şəbəkələrdə müzakirələrə səbəb olub.
İfaçı efirdə avtomobil idarə edərkən təhlükəsizlik kəmərindən az istifadə etməsindən və bu qayda pozuntusuna görə tez-tez cərimələndiyindən ağız dolusu danışıb.
Təbii ki, onun bu fikirləri birmənalı olaraq ictimai qınağa tuş gəlib.
Gundem.az xəbər verir ki, Bizim.Media-ya açıqlamasında məsələyə münasibət bildirən Xalq artisti Əbdül Mahmudov bildirib ki, Nəfəsin belə danışmasının günahı birinci xalqda, ikincisi isə televiziyalardadır: “Adamlar balasının boğazından, gündəlik yemək-içməyindən kəsib illərlə pul yığıb toy edirlər. Toyda da yığılan pulun yarısını şadlıq evinə, yarısını da “manıs”lara verirlər. Hətta toydan borcla çıxanlar da olur. Amma belə “manıs”lara həvəslə pul xərcləyirlər. Xalqın min-bir zəhməti ilə qazandığı 5-10 mini bir günə qatlayıb cibinə qoyan “manıs” da elə bu cür danışacaq.
Günahın hamısı xalqdadır. Xalq pulunu kimə və nəyə görə verdiyini bilmirsə, Nəfəsdə nə günah var?! Nəfəs hələ az eləyir, belə məsuliyyətsiz danışır. Gərək bundan artığını deyə bu xalqa. Bu işdə televiziyaların da günahı az deyil. Efirdə sənətdən, sözdən yox, hansısa “manıs”ın avtomobil sürməsini, nə geydiyini, harda yatdığını müzakirə edirlərsə, bunda Nəfəsin nə günahı var?! Günah həmin televiziyaların rəhbərlərindədir”.
Bəs, Nəfəsin bu etirafları hansı hüquqi və mənəvi məsuliyyət yaradır?
Bu suala isə hüquqşünas Əsabəli Mustafayev aydınlıq gətirdi:
“Bu çıxış yalnız mənəvi məsuliyyət yaradır. Yəni, açıqlama hadisədən bir müddət sonra verilib. Bizim həm İnzibati Xətalar, həm də Cinayət Məcəllələrində şəxsin hansısa etirafı sübut sayılmır. Bunun üçün digər sübutlar tələb olunur. Yalnız bundan sonra etirafçı məsuliyyətə cəlb edilə bilər.
Belə vəziyyətdə bu cür fikirlər səsləndirən şəxs ancaq ictimai qınaqla üzləşir. İctimaiyyət qarşısına çıxan adam özünə və sözünə hörmət etməli, fikir verməlidir.
Əksinə tanınmış simalar efirdən nümunəvi hərəkətlərindən danışmalı və tamaşaçıları da qanuna hörmət etməyə çağırmalıdırlar. Mənim şəxsi qənaətim budur ki, bu cür danışıq sahiblərini televiziyaya buraxmaq olmaz. İctimaiyyət qarşısına qanuna hörmət edən insanlar çıxarılmalıdır”.
Gundem.az
XalqXeber.Az
“Bu aralar bir az müalicə qəbul etdim. Müalicə aldığıma görə bir az da çəkim artdı. İllərlə istirahətsiz çalışmışam, işləmişəm. Əsəblə, streslə bağlı kiçik problemlərim var idi. Bilirsiniz ki, bizim işimiz stresli işdir. 3 aylıq müalicəmdə bir az kilo da aldım. Mənim üçün əsas canımın sağlamlığıdır. Kilolarımı atandan sonra efirlərə çıxacam. Həm də yeni mahnılarım var, onları da studiyada oxuyub, tamaşaçılara təqdim edəcəyəm. Eyni mahnılarla tamaşaçıları yormaq istəmirəm”.
DİA.AZ bildirir ki, bunu Moderator.az-a açıqlamasında tanınmış müğənni Sevda Sanaliyeva deyib.
“Tamaşaçılar hər şeyin ən yaxşısını, düzgününü bilirlər. Yeni çıxan müğənnilərə nəsə demək, onlardan danışmaq mənə qalmayıb. Mən yalnız öz adımdan danışa bilərəm ki, efirə çıxmazdan öncə hər şeyə önəm verirəm. Qanı qara halda efirlərə çıxıb, insanları qəmləndirə bilmərəm. Çünki biz müğənnilər onları əyləndirmək üçün efirə çıxırıq. Mənim haqqım yoxdur ki, insanların kefini korlayım. Kefim pis olsa da, xəstə olsam da çalışıram ki, insanların üzünü güldürməyi bacarım. Çünki onların sevgisi bizim üçün hər şeydir. Çəki almışamsa istəmərəm ki, efirə çıxıb insanların göz və baxış zövqünü korlayım” deyə müğənni bildirib.
Sevda Sanaliyeva dostluqdan da danışıb.
“Dostluq anlayışı mənim üçün müqəddəs bir şeydir. Ona görə də mən asanlıqla deyə bilmirəm ki, filankəs mənim dostumdur. Təmənnasız dostluq etmək çox böyük məsuliyyətdir. Kin güdmədən, “o qazandı, mən niyə qazana bilmirəm” demədən. Dost qazanmaq 1-2 ilin işi deyil də. Sənət adamlarından hamı ilə əlaqəm yaxşıdır. Amma sərhəd yaxşı şeydir. Onda hamı hörmətli olur. Sərhəd təkcə doğmalarınla olmur. Mənim dostum Allahım və balalarımdır. Çox çətin zamanda yaşayırıq. İnsanların həyata baxışı da dəyişib. Bu dəqiqə tanınmaq üçün müğənni, aktrisa, model, aparıcı olmağa ehtiyac yoxdur. İki kəlmə tərbiyəsiz sözlər deyib, tanına bilirlər” deyə müğənni bildirib.
Müğənni sosial şəbəkələrlə bağlı narahatlığını da dilə gətirib.
“Sosial şəbəkələrdə çox açıq-saçıq, pis danışıqlar, söyüşlər, insanların bir-birini təhqir edib, bir-birini alçaltmağı məni narahat edir. Nə qədər uşaqlarımızdan telefonları, sosial şəbəkələri uzaq etsək də xeyri yoxdur. Telefonu alırıq, televizorda da yutub var. Məni narahat edən budur. Çünki pis təbliğatdır. Yeniyetmələr, keçid dövründə olan uşaqlar özlərinə nümunə kimi kimisə seçirlər. Uşaqlarım oturub verilişlərə, çizgi filmlərə baxırlar. Bütün günümü balalarımla keçirirəm, işdən-işə yanlarından uzaqlaşıram. Onların necə böyüdüklərini, uğur qazandıqlarını görmək istəyirəm. Hətta onların büdrəməklərini də görmək istəyirəm ki, görüm necə ayağa qalxırlar?!” deyə sənətçi bildirib.
“Övladlarınızın bu sənətdə olmağını istərdiniz?” sualına isə müğənni belə cavab verib.
“Xeyr, nə oğlumun, nə də ki, qızımın bu sənətdə olmağını istəmirəm. Əlimdən gələni edəcəyəm ki, onlar bu sənətdə olmasınlar. Ona görə yox ki, bu sənət pisdir. Bu sənətdən evimə halal çörək gətirirəm. Amma bu sənətin çox çətinlikləri var. Çox yüksəklərə qalxmaq üçün, zirvədə olmaq üçün məqsədli olmalısan. Bu da insana çox ziyan verə bilər, insan çox şey itirə bilər. Nələrdənsə keçməyə məcbur qala bilərsən. Həm ailə, həm də sənətlə məşğul ola bilirəm. Çox gözəl və incə sənətdir, amma istəmərəm” deyə müğənni bildirib.
NATO öz əməkdaşlarına Çin sosial şəbəkə tətbiqi “TikTok”u xidməti cihazlara yükləməyi qadağan edib.
APA-nın xəbərinə görə, bu barədə CNN məlumat yayıb.
Televiziyanın məlumatına görə, NATO rəhbərliyi öz əməkdaşlarına bildiriş göndərib.
Bununla da qadağa rəsmiləşib. Əslində daxili texniki məhdudiyyətlər səbəbindən əvvəllər də “TikTok” tətbiqi alyansın cihazlarında istifadə oluna bilməyib.
Bu gün Xəzər Televiziyasında yayımlanan "Xəzər Axşamı" proqramının canlı efirində studiyaya ağ pələng gətirilib.
Teref.Az Xezerxeber.az-a istinadən xəbər verir ki, pələngin studiyaya çıxarılması aparıcılara və qonaqlara efirdə həyəcanlı anlar yaşadıb.
Həmin videogörüntünü təqdim edirik:
Türkiyəli məşhur model Ebru Şallının iş adamı Uğur Akkuşla evliliyinə son verəcəyi məlum olub.
Şallının ötən aylarda əri tərəfindən zorakılığa məruz qadığı iddia edilmişdi.
Onlar bundan əvvəl evliliklərində böhran yaşasalar da, yenidən münasibətlərinə şans vermişdilər.
Bu dəfə cütlüyün fikir ayrılıqları səbəbindən münasibətlərinin boşanma həddinə çatdıqları deyilir.
Əməkdar artist Babək Niftəliyevin "Range Rover” markalı avtomobilindən həyat yoldaşına məxsus əl çantası oğurlayan şəxs həbs edilib.
Qaynarinfo-nun məlumatına görə, müğənni həyat yoldaşı Sənubər Niftəliyeva ilə 23 may 2022-ci il tarixdə, saat 13:40-da Yasamal rayonu Ş. Qurbanov küçəsi 19 ünvanında yerləşən "Nizami Mall” ticarət mərkəzinə alış-verişə gedib. O, avtomobilini "Trend 34" mağazasının qarşısında saxlayıb.
Maşını düymə ilə işə salınıb-söndürüldüyü üçün o, avtomobildən enərkən mühərriki söndürdüyünü və qapıların avtomatik şəkildə bağlandığını düşünüb, bundan sonra mağazaya giriblər. Bu zaman muğam ifaçısının xanımı Sənubər Niftəliyeva özünə məxsus qara rəngli əl çantasını avtomobilin ön sərnişin oturacağının üzərində qoyub. 50 manat dəyərin olan çantada 920 manat pul olub.
Alış-verişdə pulu çatmayan müğənni təxminən yarım saat sonra avtomobilin yanına qayıdaraq, həyat yoldaşının çantasından pul götürmək istəyib. Lakin çantanın yerində olmadığını görüb. Bundan sonra DİN-in 102 məlumat xidmətinə məlumat verib.
Polisin apardığı araşdırma zamanı hadisəni 1991-ci ildə Bakı şəhərində anadan olmuş, əvvəllər məhkum edilmiş və 2022-ci ildə Milli Məclisin qəbul etdiyi Amnistiya aktına əsasən azadlığa buraxılan Səbuhi Səfərovun (soyad şərti) törətdiyi müəyyənləşib.
Məhkəmənin qərarı ilə Səbuhi Səfərov Cinayət Məcəlləsinin 177.1-ci maddəsində nəzərdə tutulmuş cinayət əməlini törətməkdə təqsirli bilinib, ona 6 ay müddətinə azadlıqdan məhrum etmə cəzası təyin edilib.
Babək Niftəliyev Qaynarinfo-ya açıqlamasında bildirib ki, hələlik dəymiş ziyan ödənilməyib. Hadisəni törədən şəxs isə cəzasını çəkəcək.
Ötən gün millət vəkili Fazil Mustafanın evinin önündə güllələnməsi ölkədə böyük rezonansa səbəb olub.
Məşhurlar da bu hadisəyə səssiz qalmayıb və buna münasibət bildiriblər.
Teref.az xəbər verir ki, mövzu ilə bağlı Yenisabah.az-a “Pişik” ləqəbi ilə tanınan müğənni Günel Ələkbərova açıqlama verib. O, F.Mustafa olayından xəbərdar olduğunu və artıq vətəndaş olaraq qorxduğunu bildirib:
“Fazil Mustafaya sui-qəsd olunması xəbərini sosial şəbəkələrdə gördüm. Hadisədən xəbərim var. İlk başda Fazil Mustafaya şəfa diləyirəm, Allah ona şəfa versin. Əslində bu sui-qəsd çox qorxulu bir şeydir. Biz ölkə olaraq belə şeylərə öyrəşməmişik. Bizdə terror, silahlı hücum, küçələrdə silahlı atışmalar, sui-qəsdlər olmayıb. Biz Rusiyada, Amerika ştatında yaşamırıq. Biz belə şeyləri xarici mətbuatın yaydığı xəbərlərdə və yalnız filmlərdə görmüşük. Amma son zamanlar bir-birinin ardınca ölkəmizdə bu cür hadisələrlə rastlaşırıq. Bu yaxınlarda İrandakı səfirliyimizə hücum oldu, silahlı şəxslər Bakıda marketlərin birinə daxil oldular, insident baş verdi, ölən, yaralananlar oldu. Bu kimi hallar bir vətəndaş kimi təbii ki, məni də qorxudur”.
Onun sözlərinə görə, millət vəkilinə qarşı bu sui-qəsd siyasi məqsəd daşıyır:
“Son vaxtlar insanlar aqressiv olublar, düzdür, amma düşünmürəm ki, Fazil Mustafa olayı sıravi bir vətəndaş tərəfindən törədilsin. Sıravi vətəndaşda silah haradandır? Yazıq sıravi vətəndaş heç yeməyə çörək ala bilmir. Hər halda, Fazil Mustafaya qarşı törədilən hadisə siyasətlə bağlıdır. Böyük ehtimalla bu terror siyasidir, ona görə bu haqda heç bir şey söyləyə bilmirəm, çünki məlumatım yoxdur”.
Xatırladaq ki, ötən gün evinin qarşısında silahlı hücuma məruz qalan millət vəkili Fazil Mustafa bu gün ikinci dəfə əməliyyat olunub.
Qeyd edək ki, deputat Fazil Mustafa ötən gün saat 21:51 radələrində paytaxtın Sabunçu rayonu, Zabrat qəsəbəsindəki evinin qarşısında güllələnib. “Kalaşnikov” avtomatı ilə açılan atəş nəticəsində deputat bədənin sağ çiyin qurşağını və sağ budun aşağı üçdə birini dəlib keçən güllə yarası alıb.
“Yeşilçam” serialında baş rolları paylaşan türkiyəli məşhurlar Afra Saraçoğlu ilə Çağatay Ulusoyun eşq yaşaması barədə söz-söhbətlər şou-biznes gündəminə düşüb.
Çağatay Ulusoy Duyğu Sarışınla 6 illik münasibətini yanvarda bitirib. Afra Saraçoğlu ilə eşq yaşadığı iddia edilən məşhur cütlüyə sosial şəbəkədə şərhlər bitib-tükənmir.
Afra Saraçoğlunun müsahibəsində Çağatayla aralarında müsbət enerji olduğunu deməsi bu barədə iddiaları daha da gücləndirib.
Məsələyə hələlik heç bir tərəfdən şərh bildirilməyib.
Mənbə: Haber Global
Xəbər verdiyimiz kimi, Rusiyada və MDB ölkələrində məşhurlaşan azərbaycanlı video bloqer Hüseyn Həsənov bir neçə həftə əvvəl "Instagram" hesabında keçirdiyi yarışda qalib gələn tacikistanlı 11-ci sinif şagirdi Ümidcan qiyməti 30 milyon rubl (təxminən 675 min manat) olan qırmızı rəngli lüks “Lamborghini Urus” avtomobilindən imtina edib.
Bizim.Media xəbər verir ki, bu haqda bloqer sosial şəbəkə hesabında məlumat verib.
Həsənov bildirib ki, 17 yaşlı qalib ondan “Lamborghini Urus” avtomobilin yerinə nəqliyyat vasitəsinin dəyəri olan 30 milyon rublu istəyib.
“Ümidcan məndən “Lamborghini Urus” avtomobilin yerinə pul istədi. Çünki, sözügedən nəqliyyat vasitəsi ona lazım deyil. Onun 17 yaşı var. Mən səni çox gözəl başa düşürəm. Mən Tacikistana gəldiyimdə mütləq şəkildə bu pulları hara xərclədiyini və nə aldığını izləyicilərə göstərəcəyəm”, - deyə Həsənov vurğulayıb.
Azərbaycan Respublikasının Xalq artisti Eyyubov Yaqubovun İsraildə böyük coşqu ilə keçən sonuncu konserti sosial şəbəkələrdə də maraqla qarşılanıb.
Populyar müğənninin Azərbaycanın 44 günlük savaşda qazandığı qələbə, Bütöv Azərbaycan, Turan Birliyi, İsraillə müttəfiqliklə bağlı fikirləri xüsusilə rəğbətlə qarşılanıb.
Eyyub bəy bildirib: “Vaxtilə Mikayıl Müşfiq, Hüseyn Cavid, Cəfər Cabbarlı kimi şəxsiyyətlər həqiqət uğrunda, Vətən uğrunda şəhid oldular. Və Turan uğrunda şəhid oldular. Və görürsünüz ki, qələbələr, torpaqlarımız işğaldan azad olundu. Bu hələ başlanğıcdır. İnşallah, hələ Azərbaycan daha da bütövləşəcək və bütöv bir Turan dövləti qurulacaq. Onların yanında bir dost kimi İsrail, yəhudilər də olacaq. Yaşasın Turan, Azərbaycan və İsrail dostluğu, qardaşlığı”.