 |
|
|
“Bir aile hikayesi”, “Sen çal kapımı” seriallarında yaddaqalan obrazlar yaradan məşhur türkiyəli aktrisa Elçin Afacan bir ildə 28 kiloqram arıqlayıb.
O, daha sağlam yaşamaq üçün arıqlamağa qərar verdiyini deyib.
“Artıq çəkili görünüşümdən də narazı deyildim, o görünüşümü də, indikini də çox sevirəm”, - deyə o qeyd edib.
Hazırda “Çöp adam” serialında çəkilən Elçin Afacan yeni görünüşü ilə izləyicilərini təəccübləndirib. 2019-cu ildə yayımlanan “Bir aile hikayesi” serialında Beste roluna görə 20 kiloqram kökələn aktrisa dietoloqun köməyi ilə artıq çəkisindən xilas olub. O, rasionundan karbohidrat, şəkər və qlüteni tamamilə çıxardığını bildirib. Bu yolla da bir ilə yaxın müddətdə 28 kiloqram çəki itirib.
Elçin Afacan əsasən ət və tərəvəzə üstünlük verdiyini və gündə ən az 10 min addım atdığını da qeyd edib.
Mənbə: Hürriyet
“Müğənnilər böyük arzularla gəlib mahnılarımı oxuyurlar ki, Aygün Səmədzadənin mahnısını oxuduq. Sonra arxayınlaşırlar, mahnını bir kənara qoyurlar. Mahnılara uzun həyat vermirlər. Mahnılar mənim övladlarımdır. Onları övladlarım kimi qoruyuram. Həddindən artıq çox fikirləşirəm ki, bu mahnımı kim oxusa daha yaxşı olar?! Başqa müğənnilər inciməsin, konkret ifaçılar var ki, əksər hallarda onlarla çalışıram”.
DİA.AZ bildirir ki, bunu Moderator.az-a açıqlamasında xalq artisti Aygün Səmədzadə deyib.
“Hər bir mahnımın öz yazılma anı var. O an mənim içimdə nə baş veribsə mən onu ortaya çıxarmışam. Ona görə də mən əsərlərim arasında ayrı seçkilik qoya bilmərəm. Bəstələdiyim əsərlərin əksəriyyətinin sözləri şairlərə məxsusdur. Mən ilk növbədə onların fikrini musiqiyə köçürürəm. Mahnının hüquqlarını heç bir bəstəkar satmır. Mən mahnılarımı kiməsə qonorar qarşılığında verirəmsə o zaman mahnımın hüquqlarını vermirəm. Mahnının hüquqları məndədir. Mən sadəcə həmin mahnının o müğənni tərəfindən oxunmasına icazə vermişəm” deyə sənətkar bildirib.
Xalq artisti musiqimizin bu günki səviyyəsindən də danışıb.
“Çalışıram ki, yaxşı musiqiləri eşidə bilim. Çünki mənim bir musiqiçi kimi yaxşı səslər eşitməyə, musiqimizin gələcəyini yaxşı görməyə ehtiyacım var. 2-3 televiziya kanalından başqa digər telekanallar zövqsüz ifaları təbliğ edirlər. Biz bəzən deyirik ki, “hər şey ələnəcək, zaman hər şeyi yerinə qoyacaq”. Bu artıq olmayacaq. Böyük bir yaş həddinə gəlmiş insanların da zövqü korlanıb. Bəzən efirlərdə görürəm ki, vaxtilə çox hörmətli hesab olunan aparıcılar, bu gün o zövqsüz müğənnilərlə yanaşı veriliş aparırlar, onları tərifləyirlər. Bizdə heç kim mahnı yazmasa belə Azərbaycan musiqisinə heç bir xələl gəlməz. Çünki ehtiyatlarımız çoxdur. Müğənni heç olmasa not bilməlidir" deyə sənətkar bildirib.
Müğənni Rita Ora Londonun “Heaven” gecə klubunda həyat yoldaşına həsr olunmuş yeni müsuqi parçası çıxış edib.
O, paytaxt barında əri Tayka Vaytitiyə ithaf etdiyi “You Only Love Me” mahnısını ifa edib.
32 yaşlı ulduz şəffaf geyimlə diqqət çəkib.
Qeyd edək ki, ötən il Rita Ora bir ilə yaxın görüşdüyü Vaytiti ilə evlənib. Müğənni və kinorejissor Londonda gizli şəkildə nigaha daxil olublar. Cütlüyün yaxın vaxtlarda möhtəşəm toyu olacağı gözlənilir.
Mənbə: gazeta.ru
Pikenin anası Şakiranın ağzını belə qapadı, “sus” dedi - VİDEO29 Yanvar 2023 13:00
İnternetdə “Barselona”nın sabiq futbolşusu Jerard Pikenin anasının Şakiranın ağzını qapamasını əks etdirən video yayılıb.
Publika.az xəbər verir ki, 2016-cı ilə aid kadrlarda Pikenin anası Montserrat Bernabeu müğənniyə nə isə izah edir, sonra isə onun yanağından tutub barmağını dodaqlarına yaxınlaşdıraraq “sus” işarəsi verir.
Şakiranın arxası kameraya tərəf dayandığı üçün reaksiyası görünmür. Həmin vaxt onların yaxınlıqda dayanan Pike heç bir şəkildə söhbətə qarışmır.
Pike və Şakira 12 illik münasibətdən sonra 2022-ci ilin yayında ayrılıblar. Futbolçunun müğənnini aldatdığı bildirilir.
"Gələndən deyirlər soyunur, narahat olmayın altdan nə lazımdı geyinmişəm. Özüm-özümə toy edən adamam”.
DİA.AZ Axşam.az-a istinadla xəbər verir ki, bu sözləri Xalq artisti Röya Ayxan hazırda Bakı Konqres Mərkəzində keçirilən konsertində deyib. Tamaşaçılarla salamlaşan ifaçı səhnədə geyimində dəyişiklik edərkən xatirələrini də bölüşüb:
"6 xalam, 1 dayım var. Dayım da çox utancaq adamdır. Bilmirəm, mən kimə oxşamışam. Toydan sonra baxıram ki, şəkillərdə yoxdur. Deyirəm, hanı dayım? Anam deyir ki, çağırmamısan. Deyirəm, özümə kişi tapdım, toy etdim. Heç olmasa qonaqları siz çağırmalı idiniz. Camaatın qızı var, orası var, burası yoxdur, şeyxə ərə gedir. Bir biznesmen tapıb ərə getdim, onun da evini yıxdılar. Qızıl qalmadı ki, satım verim və özümü qurtarım.
Yeganə qadınam ki, döyülmədən boşanmışam. Özüm kağız yazıb qoydum ki, salamat qal. Ona güvənirdim, özümə güvənmirdim".
Qeyd edək ki, Röya iş adamı Anar Cəlilovla evli olub. Onun bu nikahdan Hüseyn adlı oğul övladı var.
Naxçıvan Muxtar Respublikası Ali Məclisinin keçmiş sədri Vasif Talıbovun oğlu Seymur Talıbovun 15 yaşında Bakı Dövlət Universitetinə (BDU) qəbul olunması ilə bağlı məlumat müğənni Röya Ayxanı da gündəmə gətirib. Onun da BDU-nun hüquq fakulətsinə qanuni yolla qəbul olunmasına şübhələr yaranıb.
Maraqlıdır ki, Dövlət İmtahan Mərkəzi (DİM) Seymur Talıbovla bağlı məsələyə aydınlıq gətirsə də, Röyanın BDU-ya necə qəbul olunmasını universitetlə dəqiqləşdirməyi tövsiyə edib. "Talıbov Seymur Vasif oğlu müvafiq qaydalara uyğun olaraq, 2003-cü ildə Tələbə Qəbulu üzrə Dövlət Komissiyasının keçirdiyi test imtahanında iştirak edərək ödənişli əsaslarla Bakı Dövlət Universitetinin beynəlxalq hüquq ixtisasına qəbul olub. Həmin il keçid balı 419 bal olub. Röya ilə bağlı məsələni ali məktəbin özündən dəqiqləşdirə bilərsiniz. Çünki kimsə universitetə köçürmə yolu ilə də qəbul ola bilər…”, deyə DİM-in mətbuat xidmətinin rəhbəri Xanlar Xanlarzadə Pravda.az-a bildirib.
DİM rəsmisi Röya Ayxanla bağlə konkret açıqlama verməyib: "İddia doğru deyil. Röya ilə bağlı məsələni ali məktəbin özündən dəqiqləşdirə bilərsiniz. Çünki kimsə universitetə köçürmə yolu ilə də qəbul ola bilər...”
BDU-dan verilən açıqlamada isə bildirilib ki, universitetin məzunları arasında Röyalə Nəcəfova (Röya Ayxan) adlı məzun yoxdur. Universitetdən qeyd edilib ki, Röya BDU-ya əlavə təhsil üzrə qəbul olunub, lakin sonradan təhsil müəssisəsindən xaric edilib.
Qaynarinfo Röya Ayxanın BDU-ya necə qəbul olunması ilə bağlı araşdırma aparıb. İddiaya görə, o, 2004-cü ildə BDU-ya köçürmə yolu ilə qəbul edilib. Müğənni Dağıstanda fəaliyyət göstərən hansısa universitetdə təhsil alırmış.
Həmin vaxt BDU-nun rektoru Abel Məhərrəmov olub. İddia edilir ki, Röyanın BDU-ya qəbul olunmasında keçmiş rektor xüsusi rol oynayıb. Bu iddia Röya Ayxanın 2005-ci ilin parlament seçkilərində Abel Məhərrəmovun seçki kampaniyasında fəal iştirakı ilə əsaslandırılır.
İddialarla bağlı müğənninin və keçmiş rektorun mövqeyini öyrənmək mümkün olmayıb.
Qeyd edək ki, Abel Məhərrəmov 1999-2018-ci illərdə BDU-nun rektoru vəzifəsində çalışıb. O, eyni zamanda Milli Məclisin III və IV çağırış deputatı olub. 15 noyabr 2018-ci ildə rektor vəzifəsindən azad olunan Abel Məhərrəmov hazırda BDU-da kafedra müdiridir.
Türkiyəli məşhur ifaçı və aktyor Özcan Dənizin səssiz-sədasız ailə qurduğu Samar Dadqarın hamilə olduğu deyilir.
Yayılan xəbərlərə görə, 26 yaşlı iranlı qadın iki aylıq hamilədir.
50 yaşlı sənətçi özündən 23 yaş kiçik həyat yoldaşı Feyza Aktanla evli olduğu zamanda Dadqarla eşq yaşayırdı.
Özcan Deniz Feyza Aktanla evləndiyi zaman Aktan da onun oğluna hamilə idi.
Mənbə: Takvim
Bir neçə gündür sosial şəbəkələrdə tanınmış mügənni Röya Ayxanın BDU-da qeyri-qanuni təhsil alması və hətta onun universitetdən qovulması ilə bağlı xəbərlər gündəmi zəbt edib.
Müğənninin mətbuat katibi Elvin Elxan Kult.az-a açıqlamasında sözügedən məsələ ilə bağlı açıqlama vermək istəmədiklərini bildirib.
“Hazırda konsert işləri ilə məşğuluq. Bu mövzuda açıqlama olmayacaq. Anlayışla qarşılayacağınıza əminəm. Təşəkkürlər”, - deyə o əlavə edib.
Xatırladaq ki, ötən gün Bakı Dövlət Universiteti öz məzunları arasında Röyalə Nəcəfova (Röya Ayxan) adlı şəxsin olmadığını bildirib.
Qeyd edilib ki, R.Nəcəfova BDU-ya əlavə təhsil üzrə qəbul olunub, lakin sonradan təhsil müəssisəsindən xaric edilib.
Cənubi Azərbaycandan olan bəstəkar, müğənni Arif Mehmandost Mədəniyyət TV-də yayımlanan “O” verilişinin qonağı olub.
Gununsesi.info xəbər verir ki, proqramda sənətkar oradakı azərbaycanlıların məruz qaldıqları mənəvi təzyiqlərdən, alçaldılmalarından, ana dillərində təhsil hüququndan məhrum olmalarından, farsların soydaşlarımızın ləhcəsini lağa qoymalarından söz açıb. A.Mehmandost bildirib ki, uşaq vaxtı aldığı bu travmalar səbəbindən övladı Azərbaycanda təhsil almasına qərar verib.
Verilişdə yaradıcılığından da söz açan Arif Mehmandost bəstələdiyi, oxuduğu nəğmələrin əsas məzmununun ayrılıq, həsrət, iztirab olduğunu vurğulayıb.
Qeyd edək ki, “O” aparıcı Bəhruz Niftəliyevin təqdimatında yayımlanır.