 |
|
|
Xalq artisti Fatma Mahmudova ilə "Elgizlə izlə" proqramında ekspert qismində oturan Esmira Qafarova arasında mübahisə düşüb.
TEREF axşam.az-a istinadən xəbər verir ki, buna səbəb eskpertin aktrisanın qızı Nigar Tofiqqızının mahnısına irad bildirməsi olub. Etirazını deyən F.Mahmudova sərt sözlər deyib:
"Bilirsiniz ki, kanala və aparıcıya hörmətim var. Nigar Azər Zeynalov, Yaqut Abdullayevadan dərs alıb, muğam dərsinə gedib. Bura gəlməmişik ki, münsif fikir bildirsin: Nigar bu nə mahnıdır oxuyur. Klipin ilk nümayişi idi, lazım deyildi belə sözlər. Mənə sizin yox, tamaşaçının fikri önəmlidir. Övladıma irad bildirə bilməzsiniz. Ona xeyir-dua verməkdən, deyirsən ki, bu, nə mahnıdır. Səhnə arxasında deyərdiniz. Siz oxumağı bacara bilməzsiniz. Hərə öz işi ilə məşğul olsun. Gərək səni Azərbaycanda musiqişünas qoysunlar".
E.Qafarovanın "Tamaşaçı kimi fikir bildirdim. İradı qəbul etmirsiniz. Müğənni deyiləm ki..." sözlərinə aktrisa "Yaxşı ki, müğənni deyilsiniz. Müğənniliyə də fitri istedad lazımdır" cavabını verib.
"Avroviziya" təmsilçilərimizdən olan Safurə Əliyeva bahalı avtomobilini nümayiş etdirib.
Musavat.com axşam.az-a istinadən xəbər verir ki, ifaçı ağ rəngli "Range Rover" maşını ilə çəkdirdiyi şəkilləri instaqram hesabında yayımlayıb.
Qeyd edək ki, Safurə mərhum energetika naziri Natiq Əliyevin oğlu Fərhad Əliyevlə ailəlidir. Fərhad və Safurə İstanbulda yaşayır. Cütlüyün İsgəndər və Natiq adlı oğlu, Aişə adlı qız övladı var.
Kazım Sübhan aparıcısı olduğu "Özəl" verilişində müğənni Xatirəyə söz atıb.
Buna səbəb illər əvvəl Kazımın Xatirəyə pulsuz verdiyi mahnı olub.
K. Sübhan X. İslama pulsuz mahnı verdiyi üçün özünü ağılsız adlandırıb:
"Baxmayaraq ki, Xatirə son günlər bütün günü efirlərdədir. Amma onun adını çəkməyi unutdum. Bu isə hər gün efirdə olmaqla deyil əzizim, Xatirə. Nə qədər ağılsız olmuşam ki, Xatirə mahnını pulsuz vermişəm. Şəxsən mən öz adıma danışıram. Nə qədər saf olmuşuq. İndiki ağlım olsaydı, Xatirə pulsuz mahnı verməzdim. Həqiqətən, verməzdim. Çünki hər şeyin bir qarşılığı olmalıdır. İstər maddi istərsə də mənəvi"./olay
Məşhur ukraynalı müğənni Kamaliya Pakistan əsilli milyarder Məhəmməd Zahurdan boşandıqdan sonra yeni münasibətə başlayıb.
Bu barədə ifaçı özü açıqlama yayıb:
"Elə bir an gəlir ki, parlayırsan. O insanı hər zaman görmək, onunla vaxt keçirmək, onun üçün nəsə etmək istəyirsən. Əvvəlcə hər kəs aşiq olur, amma sevgi yalnız iki və ya üç illik münasibətdən sonra öyrənilir".
Kamaliya sevgilisinin kimliyini açıqlamayıb. O, bu münasibətin uzun olub-olmayacağını hələlik bilmədiyini əlavə edib.
Qeyd edək ki, müğənni 20 il Zahurla ailəli olub. Onların iki qızı var. Tərəflər 2023-cü ildə səbəb göstərmədən boşandıqlarını açıqlayıblar.//Axşam.az
Supermodel İrina Şeyk itini təxminən bir milyon rubl (17.500 azn) dəyərində çanta ilə gəzdirib.
Bu barədə “Daily Mail” məlumat yayıb.
Nəşr qeyd edib ki, 38 yaşlı İrina Şeyk gəzinti üçün qara pencək, tayt və hündür çəkmə geyinib.
Zahiri görünüşünü günəş eynəyi və dəyəri 800 min rubl (14 min manat) olan “Chanel” çantası ilə tamamlayıb.
Model saçlarını açıq buraxaraq, axşam makiyajı edib.
"Mənə şərh yazıblar ki, ailə dağıdan. Kimin ailəsini dağıtmışam?"
Bu sözləri rəqqasə Fatimə Fətəliyeva "Xəbərin var?" proqramında deyib.
Sənətçi ona yazılan şərhlərdən danışaraq "Heç kimin ailəsini dağıtmamışam. Bilmirəm niyə bu fikirdədirlər. İnsan ikinci dəfə ailə quranda belə olur? Adi həyatda nələr baş verir... Biz bunları görəndə pis oluruq. Övlad anasıyam, əsgər böyüdürəm. Niyə övladlarımı travma ilə böyüdürsünüz?" sözlərini əlavə edib. \\Ölkə.az
ARB TV-nin efirində yayımlanan "Səni Axtarıram" verilişində ifaçı Cavad Rəcəbov qonaq qismində iştirak edib.
Milli.Az bildirir ki, sənətçi nəvəsini uzun müddət görməməsindən danışıb: "Adımı ona vermişəm, 17 yaşı var. Yeddi ildir ki, onu görmürəm. Ona quzu kəsərəm, nə istəsə onun üçün etməyə hazıram. Zamana buraxmışam, yaxşı olar" - deyə o, bildirib.
Daha ətraflı video məlumatı təqdim edirik:
"Sosial şəbəkələrdən hər birimiz fərqli məqsədlə istifadə edirik. Kimisi malını satır, kimisi sənətini nümayiş etdirir. Aydın məsələdir ki, hər kəs məni sevə bilməz. Amma təhqir etmək olmaz!"
TEREF azxeber.com-a istinadla xəbər verir ki, bu sözləri klarnet ifaçısı Hüseyn Məhəmmədoğlu sosial media hesabında paylaşdığı videoda deyib.
Musiqiçi ailəsi haqqında rəy yazanlara müraciət edib:
"Haqqımızda yalan, söyüş yazanlar var, ailəmizə dil uzadanlar var. Çox sağ olun, Allah hamınızdan razı olsun. Mən bu qədər insanı necə susdura bilərəm?! Bu, mümkün deyil. Kişi kiməsə söyüş söyməz. Sözü olarsa, çağırar kənara, sözünü deyər. Hər insan da o gücdə deyil".
Daha sonra Hüseyn ikinci dəfə ailə qurduğu üçün ona ünvanlanan təhqirlərə cavab verib:
"Həyatımda çox şeylər baş verdi. Bu haqda heç danışmaq istəmirəm. Elə şeylər var ki, onu demək olmaz. Allah ailələrimizi və balalarımızı qorusun. Kimsə öz ailəsini heç nədən, səbəbsiz yerə dağıdırsa, Allah da onun həyatını darmadağın eləsin. Kimsə övladlarını atırsa, Allah onun bəlasını versin. Kimsə başqa gözəl bir qadına görə ailə dağıdırsa, onun heç bir zaman ailəsi olmasın. Heç kəs xoş gününə haram qatmaz. Doğrusunu Allah bilir".
Xatırladaq ki, Hüseyn Məhəmmədoğlu İnci adlı xanımla olan ilk evliliyini 2020-ci ildə sonlandırıb. O, 2021-ci ildə aktrisa Aysel İbrahimova ilə yenidən ailə qurub. Onun ilk evliliyindən 2 qızı, ikinci evliliyindən isə 1 oğlu var.
ATV kanalında yayımlanan "Həkimsən" verilişinin aparıcısı sosial şəbəkədə avtomobilində olan fotosunu paylaşıb.
TEREF sfera.az-a istinadən xəbər verir ki, məşhurun fotosuna "Görəsən avtomobili bunu kim alıb" sualı aparıcı xanımı yaman qəzəbləndirib. İzləyicisini birbaşa təhqir edən İ. Bədəlova bildirib ki, bu cür insanlar bədbəxtdir:
"Nə oldu ? Küsdün? Niyə sildin mesajı, blok etməmişəm axı. Elə bilirsiniz hamı sizin kimi əxlaqsızdır? Danışın görək, kimdir mənə maşın alan. Getsin əyninə tuman alsın, pulunu da arvadına, qızına xərcləsin. Lazımdırsa mən alım elələrinə maşın. Ay bədbəxt insanlar, görün nə gündəsiniz, Allah arzusunda olduğunuz pulu, tüklü, eybəcər meymuna oxşayan amma vəzifəsi olan bir kişi nəsib etsin. Mənə maşın alanın anasını Bakıda mələr qoyaram. Mənə söz deyənin də dilin boğazından üzərəm. Hədinizi aşmayın ha !!! ".
Zaur Kamalın verilişində maraqlı anlar yaşanıb.
Zaurun verilişinə gətirdiyi oğlu Bartu atasını çətin vəziyyətdə qoyub.
"O vaxtı Xumar xanım, Mətanət Əsədova, indi də Günel?..." sualı qarşısında Zaur çətin vəziyyətə düşüb. O, oğlunun sualına "sən hər yerə başını soxma" deyərək cavabdan yayınıb.
Ətraflı videoda:
Milli.Az