“Şeron” qrupunun rəhbəri, müğənni Rüstəm Zeynallı Azərbaycandan köçərək Fransada yaşadığı üzə çıxıb.

Tribunainfo.az yazır ki, hazırda Bakıda olan sənətçi “Elgizlə izlə” verilişinə gəlib.

Rüstəm fransaya köçməsinin səbəbini övladlarının təhsili ilə əlaqələndirib:

“Övladlarım Fransada təhsil alır. Azərbaycanda da fəaliyyətim davam edir. Uşaqlarım əvvəl onlayn təhsil alırdı. Qərara gəldik ki, birdəfəlik oraya köçək”.

Qeyd edək ki, R.Zeynallının ailəsi ilə Fransaya köçmə xəbərini onun həmkarı Elnur Məmmədov qonaq olduğu verilişlərin birində açıqlayıb.

"Pul verib səhifələrdə trend etdirirlər özlərini. Günə 200 demirəm, 100 dollar vurdursam, mən də trenddən düşmərəm. Vəfa da, Şəbnəm də bu gün o trenddə pul hesabına qalırlar".

Pravda.az bildirir ki, lent.az-ın xəbərinə görə, bu fikirləri teleproqramlardan birində müğənni Ülviyyə Namazova səsləndirib.

"Trend odur mahnı tanınsın, sevilsin. Reklam edirlər, dinləməyənin də qabağına çıxır. Hamısı pul verib qabağa gedir. Bir-birinin acığına. Bizim də bu işlərdən anlayışımız var", - o qeyd edib.

Əməkdar artist Xumar Qədimova yeni mahnısına klip çəkdirib. BAKU.WS xəbər vevrir ki, sənətçi "Səni səni" adlı mahnısını ifa edərək ekranlaşdırıb.
İfaçının yeni klipində "Kurtlar vadisi" serialının məşhur aktyoru Erhan Ufak (Güllü Erhan) da yer alıb.
Qədimova bu barədə sosial şəbəkə hesabında bildirib. O klipinin tizerini izləyiciləri ilə bölüşərək ekran işində başqa sürprizlər də olduğunu bildirib.
"Yeni mahnımızın tizeridir. Sürprizlərlə dolu olan rəngli klipimiz... Nə gəlir, nə gəlir! "Səni səni" gəlir!".

Müğənni Sevda Yahyayevanın həkim həyat yoldaşı Zakir Bayramov polisə müraciət edib.

TEREF xəbər verir ki, bu barədə o, instaqramda video paylaşıb.

Onun lentə aldığı sürücü qaydaları pozub və maşını piyada keçidində saxlayıb.

Bundan sonra Z. Bayramov “Axı niyə bəzi sürücülər qaydaları pozmağı sevir? Niyə səhv olduğu halda piyadalarla bu cür davranır?”, – deyə, bildirib.OLAY

“Şəbnəmi çox şişirtdik. Çox böyük səhv addımlar atdı. Bunlar mənə keçməz. Şəbnəmin səhnə stajının iki qatı qədər stajım var. Şəbnəm 10 ildir oxuyur, mən isə 24 ildir bu sahədəyəm. Ölkənin ən qaymaq müğənniləri ilə çalışmışam”.
TEREF axşam.az-a istinadən xəbər verir ki, bu sözləri prodüser-aparıcı Tarix Əliyev (Tolik) verilişində deyib. O, müğənnilər Şəbnəm Tovuzlu və Vəfa Şərifova arasındakı qalmaqaldan danışıb. Tolik bildirib ki, Vəfanın tərəfini tutmasına görə Şəbnəm onu hədələyib:

“Toy bazarı üçün işləməmişəm. Mənə hədə-qorxu gəlmək lazım deyil. Qadın söhbətinə kişi girirsə, demək kişinin sözü keçmir. Şəbnəmdən incimişəm. Mən 300-500 manat verib yanında gəzdirdiklərindən deyiləm, bunlar mənə keçməz. Mənə hansısa yerdən zəng gəlməyi… Verilişimdə Şəbnəmi hamıdan üstün tutdum, amma bundan sonra olmayacaq”.

Qeyd edək ki, Şəbnəm və Vəfa “Cənnətimsən” mahnısı üstündə mübahisə edib.

“Bəli, xəyanətlə üzləşmişəm, keçmiş həyat yoldaşım mənə xəyanət edib”.

Yenicag.az xəbər verir ki. bu sözləri müğənni Afət Fərmanqızı “Rəngarəng səhər” verilişində deyib.

Sənətçi ilk dəfə gizlinləri aşıqlayıb:

“Bəli, xəyanətlə üzləşmişəm, keçmiş həyat yoldaşım mənə xəyanət edib. Deməyəndə haqqımda başqa şeylər düşünürlər. Biz müğənnilər haqda başqa şeylər düşünürlər. Bunu dedim və bu məsələ də burada bağlandı. Heç bir verilişdə, heç bir yerdə bu söhbətə qayıtmayın. “Ərə getdi, ərdə oturmadı” deyəcəklər. Məni qınayacaqlar”.

İnfluenser Aysel Şükür qalmaqallı şəkildə boşandığı birinci həyat yoldaşı Elşən Əsgərli ilə bir araya gəlib.

Paytaxt restoranların birində keçmiş xanımı ilə görüşən Elşən övladına xoş sürpriz edib.

O oğlu Uğura onun arzuladığı telefonu hədiyyə edib.

Həmin anları sosial şəbəkə hesabında paylaşan Aysel izləyicilərin çox sayda yazıb, soruşduğu “Keçmiş həyat yoldaşınızla barışmısınız?” suala belə cavab verib:

“Uşağım kosmosdan gəlməyib ki, atası var da… Sizi arada başa düşməkdə çətinlik çəkirəm. Mən heç kimi bağışlamamışam. Sadəcə qanun çərçivəsində uşağını görür. Uğur da böyük oğlandır. Seçim onundur və azaddır. Hər şeyi dərd edə biləcək yaşdadır, ona görə bu haqqı onun əlindən almaq düzgün deyil. Əksinə, mən çox kinli insanam. Mənə və ailəmə olunan heç nəyi bağışlamıram və unutmuram. Amma bəzən içimiz qan ağlasa belə, övladımıza görə heçnə demirik. Mənim kimi kinli və qəlbiqara ikinci insan tanıya bilmərsiniz. Mən əkizlər bürcüyəm unutmayın. İçimiz qan ağlasa da, daima gülərik. Atasıdır da, telefon almalıdır, aliment verməlidir. Bir zəhmət də yəni… Hər şeyi ana eləsin, daha nə oldu? Mən də uşaqlıqda sevgi görməmişəm. Qırıldığım çox məqamlar olub. Uğur da mənim kimi hisslərini tam göstərə bilmir. Emosionaldır, tam hisslərini biruzə verə bilmir. Hərkəsin həyatda nədənsə yarım qaldığı nöqtələr olur. Məndə isə həmişə sevgi cəhətdən oldu. İnşallah, Uğur üçün bundan sonra hər şeyin ən yaxşısı olar, rahatlıq tapar. Mən həyata başqa prizmadan baxıram. Uşağa harada rahtdırsa, orada da olmalıdır ki, özünü həyatda tapsın, rahat ifadə edə bilsin. Ona görə də istəmirəm, onu sıxım və ya nəsə deyim. Bizdə alınmaya bilər, amma ki atası olaraq üzərinə düşən hər şeyi etməlidir deyə düşünürəm”.

Qeyd edək ki, A.Şükür ilk əri Elşən Əsgərlidən qalmaqallı şəkildə ayrılıb. O, daha sonra Oqtay Əhmədovla ailə qurub. Ayselin ilk nikahdan bir, ikinci evliliyindən isə iki oğul övladı var. Aysel aylar əvvəl üçüncü dəfə Kapadokiyada ailə qurub. A.Şükür keçmiş Bakı Lift Təmir İstehsalat Birliyinin baş direktoru Qüdrət Şükürovun qızıdır. /Olay