Rusiya ordusunun tərkibində Ukraynada döyüşən rejissor və baletmeyster Aleksander Saprunov hərbi əməliyyatlar zamanı ölüb.
Axar.az xəbər verir ki, bu barədə onun çalışdığı teatrın kollektivi məlumat yayıb.
"Ryazan Musiqili Teatrı böyük kədər içindədir. Rejissor və xoreoqraf Aleksandr Saprunovun həyatı yarıda bitdi. O, xüsusi hərbi əməliyyat zamanı (Rusiyanın Ukraynaya müdaxiləsi – red.) qəhrəmancasına həlak olub", - deyə bildirilib

Məşhur rusiyalı sənətçi Alla Puqaçovanın Rusiyaya qayıtmağının səbəbi məlum olub.

Onun vəsiyyətnamə tərtib etmək və əri Maksim Qalkinin xarici agent statusunu ləğv etmək üçün ölkəsinə qayıtdığı bildirilir.

Primadonna çoxdan bütün əmlakını kiçik övladlarına vəsiyyət edib. Lakin Moskva yaxınlığındakı Qryaz kəndində yerləşən qəsr hələ də onun əri Maksim Qalkinə məxsusdur. Buna görə də Puqaçova bu məsələni notariusla həll etmək qərarına gəlib.

Müğənninin ətrafı hesab edir ki, o, həmçinin Qalkinin üzərindən xarici agent statusunun götürülməsi məsələsində də ərinə kömək etməyə çalışacaq.

Qeyd edək ki, Alla Puqaçova ölkəsinə qayıtdıqdan dərhal sonra müğənninin saxlanılması və Ukrayna Silahlı Qüvvələrinin maliyyələşdirilməsində iştirakı ilə bağlı dindirilməsi tələb olunub.

Quru sərhədlərin qapalıqalma müddətinin hər dəfə uzadılması ictimaiyyətdə haqlı narazılıqlara səbəb olur. Məsələ burasındadır ki, quru sərhədlərin bağlı saxlanmasıyla bağlı açıqlanan səbəblər də əsassız görünür artıq. Azərbaycan ərazi bütövlüyünü tamailə bərpa edib, erməni separatçı qruplaşması tam zərərsizləşdirilib, ölkəmiz regionda təkcə söz yox, həm əməl sahibidir. Güclü, qüdrətli dövlətdir.

Qonşu ölkələrlə də balanslaşdırılmış siyasət aparılır. Siyasi, iqtisadi, mədəni əlaqələrimiz kifayət qədər möhkəmdir. Pandemiya da çoxdan bitib. Dünya ölkələrinin demək olar əksəriyyətində karantin rejimi də ləğv edilib, gediş-gəliş sərbəstliyi təmin edlilib, həm də təkcə hava yoluyla deyil, eyni zamanda quru yollarla – sərhəd-keçid məntəqələrindən keçilməklə. Bəs səbəb nədir, bizim quru sərhədlər açılmır? Millət vəkili Ceyhun Məmmədov Globalinfo.az-a açıqlamasında quru sərhədlərin bağlı qalmasının müxtəlif səbəblərinin olduğunu bildirib:

“Yeniden pandemiya dövrünə qədəm qoyula biləcəyi, virusun təkrar yayılacağı mümkündür. Ona görə də, bu gün pandemiyanın bitdiyini, təhlükənin yenidən olmayacağını söyləmək mümkün deyil. Qeyd etdiyim kimi, bu problem hələ də dünyanı narahat etməkdədir və bununla bağlı müxtəlif müzakirələr aparılır. Biz yenidən o günlərə qayıtmayacağımızı ümid edirik, amma bu, yalnız bizdən asılı olan məsələ deyil”.Deputat qeyd edib ki, quru sərhədlərin bağlı qalmasına həm də təhlükəsizlik aspektindən baxmağı bacarmalıyıq:“Söhbət ondan gedir ki, bu gün həm regionumuzda, həm qonşu dövlətlərdə hələ də müəyyən problemlər yaşanır. Bu baxımdan da quru sərhədlərin tam açılması ölkəmizə müəyyən problemlər və çətinliklər yarada bilər. Hesab edirəm ki, biz hələ gözləməliyik. Hər şey nə vaxt öz qaydasına düşərsə, virusun yayılması haqda verilən proqnozlar aradan qalxarsa, problemlərin arxada qaldığı bildirilərsə, təhlükəsizliklə bağlı məsələlər öz həllini taparsa, o zaman biz addım ata bilərik. Hələ ki, səbir edib gözləməliyik. İnanıram ki, bir müddət sonra hər şey qaydasına düşəcək”.

Teref.az bildirir ki, həkim-infeksionist Mərdan Əliyev “Sherg.az”a açıqlamasında virusun yayılmasının pandemiya həddinə çatacağının real olmadığını dedi:

- Yoluxma sayında artım ola bilər, amma bu, pandemiya həddinə çata bilməz. Çünki əhalidə immunitet formalaşıb artıq. Peyvəndləmə də aparıldı. Peyvəndlər də öz müsbət təsirini göstərir. Vurulan peyvədlər yeni ştamlara qarşı da qoruyucu xüsusiyyətə malikdir. Virus xəstəliklərində əsas göstərici insanlarda immunitetin yaranmasıdır. Bu da yoluxma sayından bəlli olur. Ölkəmizdə demək olar hamı koronavirusa yoluxub. Çox az sayda bəlkə də insan olar ki, bu virusa yoluxmadı. Hətta bu da ola bilər ki, xəstələniblər, amma analiz vermdikləri üçün, test olunmadıqları üçün koronavirusa yoluxub-yoluxmadıqları bilinmir. Məlumdur ki, koronavirusun əlamətləri mövsümi qrip əlamətləri ilə oxşardır. Bir çox insan koronavirusa yoluxurdu, amma bunu “qrip” hesab edirdi, bir neçə gündən sonra sağalırdı, əhəmiyyət vermirdi, virusa yoluxub, yoxsa xəstəliyi adi qripdir. Yəni, pandemiyanın yenidən alovlanacağı təhlükəsi yoxdur. Yoluxma sayı arta bilər, yeni ştamlar ortaya çıxa bilər. Lakin bu, COVİD-19-un ilkin variantı kimi olmaycaq.

M.Əliyev qeyd etdi ki, karantin rejimi o zaman tətbiq edilir ki, xəstəlik pandemiya şəklini alır:

- Pandemiya o deməkdir ki, yoluxma sayı artır, bu zamn səhiyyə sistemi yüklənir, ağırlaşma halları, ölüm halları baş verir. Hazırda belə bir təhlükə yoxdur, olacağıl ehtimalı da sıfırdır. Zatən, xüsusi reyslərlə uçuşlar həyata keçirilir, ölkəyə gəliş-gediş hava yoluyla davam edir. Sərnişinlərdən COVİD pasportu hətta istənilmir. Bu halda quru sərhədlərinb bağlıl saxlanması üçün tibbi baxımdan real əsaslar görünmür.

Xalq şairi Vahid Əziz deyib ki, xarici ölkələrdə hansısa milli ada rast gələndə, görürük ki, onun sahibi azərbaycanlıdır. Amma hanısa yapon, fransız, italyan və ya türk öz ölkələrində obyekt açıb, Azərbaycan adı verməz.
Bölgələrdə, eləcə də paytaxt Bakıda əksər iri mağazalar, restoranlar, istirahət məkanlarının adları əcnəbi dillərdədir. Mağaza və restoran adlarının kütləvi şəkildə əcnəbiləşməsi məsələsi illərdir ki, müzakirəyə çıxarılır, tənqid edilir. Amma görünən odur ki, tənqidlər heç nəyi dəyişmir.
Xalq şairi Vahid Əziz iaşə obyektlərinin adlarının əcnəbi dillərdə olmasını Azərbaycan dilinə hörmətsizlik kimi qiymətləndirir: "Heç siz xarici ölkədə olanda hansısa iaşə obyektinə Azərbaycan mənşəli adın verildiyinə rast gəlmisiniz? Şəxsən mən rast gəlməmişəm. Nəinki digər xarici ölkələr, heç Türkiyədə də rast gəlməmişəm. Xarici ölkələrdə hansısa milli ada rast gələndə, görürük ki, onun sahibi azərbaycanlıdır. Amma hanısa yapon, fransız, italyan və ya türk öz ölkələrində obyekt açıb, Azərbaycan adı verməz. Bizdə isə iaşə obyektlərinin 90 faizinin adı xarici dillərdədir. Nadir hallarda milli mənşəli adlara rast gəlinir. Biz öz dilimizə hörmət qoymasaq, sevməsək, itib-batacaq".
Azərbaycan Reklamçılar İttifaqının İcraçı direktoru, Ümumdünya Reklamçılar Assosiasiyasının üzvü, Beynəlxalq Reklam Festivalları mükafatçısı Cahid Həsənov bildirir ki, bölgələrdə və paytaxt Bakıda olan iaşə obyektlərinin əksəriyyəti xarici dildə olduğundan, insan özünü doğma ölkədə, doğma şəhərdəki kimi hiss eləmir. Onun sözlərinə görə, obyekt sahibləri dilçilik institutunda hansısa dilçi alimlə iş birliyi yaratmır: "Onlar dilçilik institutu ilə, alimlərimizlə, filoloqlarımızla birlikdə işləsələr, həm milli adlar olar, həm də Azərbaycan dilinin zənginliyini dərk edərlər. Eyni zamanda, alimlərimizin maddi rifahı düzələr".
Həsənov xatırladıb ki, "Reklam haqqında" Qanuna görə də reklamda əsasən dövlət dilindən istifadə edilməlidir. Zəruri hallarda reklamda dövlət dili ilə yanaşı, digər dillər də istifadə oluna bilər. Lakin onların tutduğu sahə, sözlərin Azərbaycan dilindəki qarşılığının tutduğu sahədən böyük olmamalı və Azərbaycan dilindəki yazıdan sonra gəlməlidir.
Qeyd edək ki, "Azərbaycan Respublikasında dövlət dili haqqında" Qanununun 17-ci maddəsinə əsasən, hüquqi şəxslərin, onların nümayəndəliklərinin, filiallarının və idarələrinin adları Azərbaycan dilinin normalarına uyğun yazılmalıdır.

Avqustun 5-də ağır xəstəlikdən sonra dünyasını dəyişən 57 yaşlı sevgilisi Brayan Rendalı itirən 59 yaşlı “Oskar” mükafatlı aktrisa Sandra Bullok bir neçə ay sonra ilk dəfə Los-Ancelesdə görüntülənib. O, 11 yaşlı qızı Leyla ilə küçədə gəzintiyə çıxıb.

Videoda görünür ki, ulduz qızının əlindən tutub, hətta onun başından öpüb.

Onları gəzinti zamanı mühafizəçi müşayiət edib.

Mənbə: focus.ua

Böyük Britaniyanın keçmiş Baş naziri Boris Conson Britaniyanın xəbər kanalı “GB News”da aparıcı olacaq.

Gununsesi.info xarici KİV-ə istinadən xəbər verir ki, Conson kanalla müqavilə imzalayıb.

Televiziya kanalından bildirib ki, Conson gələn il aparıcı və şərhçi kimi onlara qoşulacaq.

Keçmiş Baş nazirin kanalla imzaladığı müqaviləsinin dəyəri açıqlanmayıb.