2024-cü ilin yanvar-oktyabr aylarında ölkə iqtisadiyyatında muzdla çalışan işçilərin orta aylıq nominal əmək haqqı 2023-cü ilin müvafiq dövrünə nisbətən 7,8 faiz artaraq 993,2 manat təşkil edib.
Yeniavaz.com xəbər verir ki, bu barədə Dövlət Statistika Komitəsi (DSK) məlumat yayıb.
Bildirilib ki, əmək haqqı neft-qaz sektorunda 3706,2 manat, qeyri neft-qaz sektorunda 943,3 manat təşkil edib.
“Dövlət müəssisələrində çalışan işçilərin əməkhaqları 953,3 manat, özəl müəssisələrdə isə 1034,5 manat olub”, - məlumatda deyilir.
2024-cü ilin yanvar-oktyabr aylarında iqtisadi fəaliyyət və mülkiyyət növləri üzrə orta aylıq nominal əmək haqqı aşağıdakı kimi olub:

Xəbər verdiyimiz kimi, “kartdan-karta” ödəniş qəbul edən sahibkarlar Dövlət Vergi Xidməti (DVX) tərəfindən 1000-3000 manat dəyərində cərimə olunacaq. Belə ki, nağdsız vəsaitin qəbul edilməsi yalnız POS-terminal vasitəsilə həyata keçirilməli, bu zaman vətəndaşlara POS-terminalın qəbzi ilə yanaşı nəzarət-kassa aparatının çeki də təqdim edilməlidir.

Sahibkarlar bəzi hallarda vegidən yayınmaq üçün müştəriyə “kartdan-karta” əməliyyatı təklif edir. İddialara görə, bu əməliyyatları Vergilər Xidməti təsbit edə bilir. Sahibkarın adi bank hesabı haqda məlumatı DVX necə əldə edir? Banklar vətəndaşların məlumatlarını Vergi Xidmətinə ötürür?

Globalinfo.az-a danışan sabiq maliyyə naziri Fikrət Yusifov deyib ki, Vergi Məcəlləsinin 76.1-ci maddəsinə əsasən, vergi orqanları vergi nəzarəti zamanı və ya Azərbaycan Respublikasının tərəfdar çıxdığı beynəlxalq müqavilələr çərçivəsində digər dövlətin səlahiyyətli orqanları ilə məlumat mübadiləsinin həyata keçirilməsi məqsədilə kredit təşkilatlarına və ya bank əməliyyatları aparan şəxslərə yazılı bildiriş göndərməklə, həmin bankın və ya kredit təşkilatının xidmət etdiyi vergi ödəyicisinin (şəxsin) eyniləşdirmə məlumatını, onun bank hesabları və əməliyyatları barədə məlumat, həmçinin bu məlumatı təsdiq edən sənədləri almaq hüququna malikdir.

Onun sözlərinə görə, məsələ bir qədər fərqlidir:

“Kredit təşkilatı və ya bank əməliyyatları aparan şəxs müvafiq icra hakimiyyəti orqanının təsdiq etdiyi formada Vergi Məcəlləsinin 76.1-ci maddəsi ilə müəyyən edilmiş qaydada göndərilən bildirişi aldıqdan sonra həmin bildirişdə göstərilən məlumatların vergi orqanına veriləcəyi barədə 5 iş günü müddətində hesab sahibinə rəsmi məlumat verməli və 15 gün müddətində tələb olunan məlumatları vergi orqanına təqdim etməlidir. Kartdan-karta ödənişlərin edilməsi barədə məlumatların banklar tərəfindən vergi xidmətinə ötürülməsinə gəlincə isə burada məsələ heç də bəzi şərhçilərin izah etdiyi kimi deyil”.

Sabiq nazir deyib ki, vətəndaşın şəxsi hesabından apardığı hər hansı bir əməliyyat barədə bankların harasa məlumat ötürməsi mümkün deyil:

“Çünki şəxsə aid məlumatlar məxfi saxlanmalıdır. Bəs belə olan halda kartdan ödənişlərin aparılmasına dair məlumatlar vergi orqanlarına necə daxil olur? Bu sualın cavabı çox sadədir. Vergi orqanları apardıqları müşahidələr, keçirtdikləri reydlər zamanı belə faktları aşkara çıxarıb sahibkarları cərimələyirlər. Bu qəbildən olan halları aşkar etmək o qədər çətin iş deyil. Bir çox ticarət obyektlərində kartla ödənişi asanlaşdırmaq üçün kartın nömrəsi kassanın yaxınlığında görünən yerdə yapışdırılır. Biz bunu dəfələrlə görmüşük. Belə faktı aşkarlamaq üçün xüsusi səy göstərməyə ehtiyac yoxdur”.

F.Yusifov vergidən yayılanlarla bağlı sanksiyaların tətbiqindən söz açıb:

“Vergidən yayınmaq olmaz. Vergidən yayınmaq dövləti aldatmaq anlamına gəlir. Bu səbəbdən də istənilən ölkədə vergidən yayınmağa görə ciddi sanksiyalar tətbiq olunur”.

“Alafran”, “Sodeks”, “Oris” kimi təmizlik məhsulları istehsalçısı olan “Vüsal Kimya” MMC ölkədən külli miqdarda pul çıxarmaqda günahlandırılır.

Tribunainfo.az xəbər verir ki, “Vüsal Kimya” İnzibati Xətralar Məcəlləsinin iqtisadi fəaliyyət qaydaları əleyhinə olan 430.4-cü maddəsini pozub. Tələbi pozulan maddəyə əsasən, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.

“Vüsal Kimya” MMC ilə bağlı iş baxılması üçün Sabunçu rayon Məhkəməsinə göndərilib. 26 dekabr tarixində hakim Vüsal Qurbanovun sədrliyi ilə işə baxılacaq.

Xatırladaq ki, hüquqşünas Əkrəm Həsənov İXM-nin 430.4-cü maddəsi barədə danışarkən bildirmişdi ki, istənilən şirkət, sahibkar müəyyən mal almaq üçün ölkədən pul çıxarırsa, iki il ərzində həmin mal ölkəyə gəlmədiyi üçün sifarişi verən şirkət cərimələnir. Hüquqşünasın sözlərinə görə, iki il ərzində mal ölkəyə gəlmirsə, bu sahibkarın ölkədən pul çıxarması anlamına gəlir:

“Bu maddənin qısa mahiyyəti belədir, sahibkarlar xaricə pul köçürür ki, nə isə alacaq. O pulu köçürəndən sonra iki il ərzində həmin malı ölkəyə gətirməlidir. Əgər malı ölkəyə gətirmirsə, sahibkar cərimələnir. Yəni bu halda hesab olunur ki, şirkət, sahibkar ölkədən pul, valyuta çıxarıb. Məlum məsələdir ki, ölkədən heç bir səbəb olmadan pul çıxarmağa məhdudiyyət var.
Əgər mal ölkəyə gəlmirsə, sahibkarı, şirkəti cərimələyirlər. Belə olduğu halda Mərkəzi Bank müraciət edir məhkəməyə və məhkəmə də cərimə tətbiq edir. Tərtib olunan protokola əsasən pul ölkədən çıxarılıb, ancaq verilən 2 il müddətində həmin mal ölkəyə gətirilməyib. Qanunvericilik belə olsa da, praktikada çoxlu problemlər var. Bəzi hallarda həqiqətən də sahibkarların günahı olur. Ancaq bir çox hallarda Mərkəzi Bank bu kimi məsələlərə çox formal yanaşır. Bəzən ola bilir ki, sahibkar banka malın ölkəyə gəldiyini sübut edən gömrük sənədini verməyi unudur və ya malın gəlişi gecikir. İnzibati Xətalar Məcəlləsinə görə, o halda cərimə tətbiq oluna bilər ki, sahibkarın təqsiri olsun. Mərkəzi Bank isə bu məsələləri qətiyyən araşdırmır. Mərkəzi Bank çox vaxt sahibkarı çağırmır, problem barədə onunla danışmır, ondan səbəb soruşmur, ancaq məhkəməyə verir. Mərkəzi Bank bu sahədə öz səlahiyyətini düzgün icra etmir. Burada cərimələr çox yüksəkdir. Məsələn, sahibkar xaricə göndərdiyi pulun 30 faizini cərimə kimi ödəməlidir. Təsvir edin, 300 minə qədər cərimə olunan şirkətlər var”.

Qarşı tərəfi dinləməyə hazırıq.

Azərbaycanda siyasi partiyalara maliyyə yardımı artırılır. Bunu maliyyə naziri Samir Şərifov Milli Məclisdə “Azərbaycan Respublikasının 2025-ci il dövlət büdcəsi haqqında” qanun layihəsinin üçüncü oxunuşda müzakirəsi zamanı bildirib. Nazir bildirib ki, Prezidentin tapşırığı ilə siyasi partiyalara maliyyə yardımının ayrılması üçün ilkin proqnozlaşdırılan vəsait 1,0 milyon manat və ya 20 faiz artırılır.

Siyasi partiyaların maliyyələşməsi ilə bağlı "Sherg.az"a açıqlama verən Ağ Partiyanın sədri Tural Abbaslı bildirib ki, partiyaların gəlirləri, əsasən, iki əsas mənbədən təmin olunur:

"Ya dövlət tərəfindən ayrılan vəsaitlərdən, ya da partiya üzvlərindən toplanan üzvlük haqlarından. Lakin əhalinin vəziyyətini nəzərə aldıqda, partiyaların maliyyələşməsi yalnız dövlətin dəstəyi ilə mümkün görünür. Bu baxımdan, dövlət tərəfindən ayrılan vəsaitin artırılması, şübhəsiz ki, partiyaların fəaliyyəti üçün əhəmiyyətli bir addımdır. Ancaq burada mühüm sual yaranır: bu artım nə qədər təsirli və faydalı olacaq?
Məsələn, hazırda partiyalar üçün nəzərdə tutulan 5 milyon manatlıq büdcənin 20 faiz artırılması ilə bu məbləğin 6 milyon manata çatdırılacağı proqnozlaşdırılır. Lakin burada nəzərə alınmalı müəyyən məqamlar var. Belə ki, bizim partiya parlamentdə təmsil olunmur. Siyasi partiyalar üçün maliyyə yardımının 90 faizi parlamentdə təmsil olunan partiyalara, 5 faizi ehtiyata, qalan 5 faizi isə parlamentdə təmsil olunmayan partiyalara ayrılır. Belə bir vəziyyətdə, 6 milyon manatlıq büdcədən parlamentdə təmsil olunmayan təxminən 15 partiya üçün ayrılan 5 faiz, həmin partiyalar arasında bölüşdürüləcək. Bu isə hər bir partiya üçün kifayət qədər kiçik məbləğ təşkil edir".

Tural Abbaslı əlavə edib ki, bu məbləğ yalnız mərkəzi qərargahın xərclərinin ödənilməsi baxımından müəyyən qədər yetərli sayıla bilər.

"Ancaq regiondakı qərargahların fəaliyyətinin davam etdirilməsi, müxtəlif tədbirlərin təşkili və digər zəruri xərclər nəzərə alındıqda, bu məbləğ yalnız simvolik bir dəstək rolunu oynayır. Buna görə də hesab edirəm ki, qanunvericilikdə siyasi partiyalar haqqında müəyyən düzəlişlərin edilməsi zəruridir. Xüsusilə də, maliyyə bölgüsünün daha ədalətli və tarazlı şəkildə aparılması vacibdir. Ancaq yenə də dövlət yardımlarının artırılması ümumi olaraq müsbət və dəstəklənəsi bir addım kimi qiymətləndirilə bilər".

“Milla” brendi adı altında süd məhsullarının istehsalı ilə məşğul olan “Milla Dairy” MMC valyuta tənsimi qaydalarını pozub. MMC ölkədən külli miqdarda pul çıxarmaqda günahlandırılır.

Tribunainfo.az xəbər verir ki, “Milla Dairy” MMC-nin İnzibati Xətalar Məcəlləsinin iqtisadi fəaliyyət qaydaları əleyhinə olan 430.4-cü maddəsini pozub. Tələbi pozulan maddəyə əsasən, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.

MMC ilə bağlı işə Abşeron rayon Məhkəməsində baxılır. Başladılmış işlə bağlı iki proses keçirilsə də, heç bir nəcitə əldə edilməyib. Növbəti proses 2025-ci ilin 13 yanvar tarixində təyin edilib. Hakim Şəfəq Məmmədovanın sədrliyi ilə işə baxılacaq.

Xatırladaq ki, “Milla Dairy” 2006-ci ildə dövlət qeydiyyatına alınıb. Şirkətin əvvəlki adı “AZ FP CO LTD” MMC olub. Şirkət ötən il rebrendinq edərək adını “Milla Dairy” MMC-yə dəyişdirib. 233 213 155.90 manat nizamnamə kapitalına malik olan “Milla Dairy” MMC-nin qanunin təmsilçisi Vahab Zadə Azər Adil oğludur.

Qarşı tərəfi dinləməyə hazırıq.

Yeni il bayramı ərəfəsində bölgələrdə hotel qiymətlərinin kəllə-çarxa çıxması insanların istirahətin daha ucuz başa gəldiyi xarici ölkələrə axın etməsinə səbəb olur.

Turizm və hotelçilik üzrə ekspert Cabir Dövlətzadə Yenicag.az-a açıqlamasında bunun əsas səbəbini yerli turizm bazarında rəqabətə davamlı mühitin formalaşmaması ilə əlaqələndirib.

Ekspert yerli turistlərin daha çox xarici ölkələrə axın etməsinin qarşısını almaq üçün təkliflər də irəli sürüb.

O, həmçinin bölgələrdə qiymətlərin yüksək olmasının yerli turizmin inkişafına mənfi təsirlərinin də qaçılmaz olacağını proqnozlaşdırıb.

Ətraflı videonu təqdim edirik:

Suriyanın keçmiş lideri Bəşər Əsədin ailəsinin aktivlərinin dəyərinin 12 milyard dollar olduğu bildirilir.

TEREF xəbər verir ki, bu rəqəm “The Wall Street Journal” (WSJ) tərəfindən açıqlanıb.

WSJ-nin məqaləsində qeyd olunur ki, Suriyanın keçmiş lideri mərhum atası Hafiz Əsədlə birlikdə kapitalı xaricdə gizlətmək üçün qohumlarından istifadə edib.

Ağ Evin keçmiş rəsmisi Endryu Tablerin sözlərinə görə, inqilabdan əvvəl onların pullarını yumaq üçün kifayət qədər vaxtları olub. “Onların həmişə “B” planı var idi və indi deportasiyaya yaxşı hazırlaşıblar”, - o, nəşrə bildirib. (Qafqazinfo)

Bu ilin ilk 9 ayı ərzində Azərbaycanda alkoqollu içkilərə və tütün məmulatlarına (siqaret) ayda adambaşına orta hesabla 9 manat 40 qəpik xərclənib.
Yeniavaz.com açıqlanan rəsmi məlumatlara istinadən bildirir ki, ötən ilin eyni dövrü ilə müqayisədə alkoqollu içkilərə və siqaretə xərclənən adambaşına düşən vəsait 9,3% və ya 80 qəpik artıb.
Qeyd edək ki, bu ilin ilk 9 ayı ərzində Azərbaycanda alkoqollu içkilərə ayda adambaşına orta hesabla 2 manat 13 qəpik, siqaretə isə 7 manat 27 qəpik xərclənib.
Məlumat üçün onu da bildirək ki, eyni dövürdə - bu ilin ilk 9 ayı ərzində Azərbaycanda adambaşına düşən orta aylıq təhsil xərcləri 6 manat 27 qəpik olub və bir il əvvəl ilə müqayisədə 4,5% və 27 qəpik artıb.
Azərbaycanda alkoqollu içkilərə və siqaretə, həmçinin təhsilə sərf olunan adambaşına düşən orta aylıq vəsait aşağıdakı kimi olub:

İranda dolların məzənnəsi rekord həddə yüksəlib.

Oxu.Az xəbər verir ki, bu barədə "Azad İran" "Telegram" kanalı məlumat yayıb.

Məlumata görə, hazırda Tehran birjasında 1 ABŞ dolları 75 089 tümənə mübadilə olunur.

Türkiyə lirəsi növbəti dəfə tarixi minimuma düşüb.

Gununsesi.info xəbər verir ki, hazırda 1 dollar 35 lirəyə (34,95) yaxınlaşıb.

1 avro isə 36,71 lirəyədir.