 |
|
|
Bu gündən Azərbaycanda çimərlik mövsümünə start verildi.
Artıq əksər restoran və iaşə obyekləri tam hazır vəziyyətə gətirilib. Stol-stul dəstləri düzülüb, abadlıq işləri isə yekunlaşıb.
“Cebhe.info" dənizkənarı obyektlərdə qiymətləri araşdırıb.
Bilgəh, Novxanı, Buzovna və Şixov ərazisində olan akvaparklara giriş ara günləri 25 manat, həftəsonu isə 30 manatdır.
Məşhur "Dalga Beach" akvaparkına girişin qiyməti isə həftəiçi 30 manat, həftəsonu isə 40 manat təşkil edir.
Akvaparklara bəzi əlavə qidaları gətirməyə icazə verilsə də, böyük əksəriyyəti isə ümumiyyətlə qida ilə girişə qadağa tətbiq edir.
Təbrikdə deyilir:
"Əziz və hörmətli həmvətənlər!
Xalqımızı və dünyada yaşayan bütün soydaşlarımızı dünya müsəlmanlarının mənəvi birlik rəmzi olan müqəddəs Qurban bayramı münasibətilə təbrik edirəm.
Qurban bayramı bütün dünya müsəlmanlarının mənəvi birliyinin və insanların Yaradana olan münasibətinin təcəssümüdür. Xalqımız əsrlər boyu, Qurban bayramını özünün əziz günlərindən biri kimi qoruyub saxlamışdır.
Xalqımız bu müqəddəs bayramı, işğaldan azad edilmiş, Xankəndi, Şuşa, Xocalı və diğər ərazilər də daxil olmaqla milli dövlət bayrağımızın dalğalandığı bütöv ölkə ərazisində qeyd edir.
Bu bayram, xalqımızı güclü demokratik dəyərlər və dövlətimiz adına davamlı tərəqqi uğrunda fədakarlığa, sülhə, birliyə, ədalətə, əminamanlığa səsləyir.
Hər il Mübarək Qurban Bayramı günlərində sağlam mənəvi dəyərlərə yönəlmiş minlərlə vətəndaşımızın duaları, Allah dərgahında qəbul olunur. Bu yolla xalqımız öz müqəddəs borclarını yerinə yetirirlər.
Əziz həmvətənlər!
Qurban Byramı münasibətilə sizi bir daha ürəkdən təbrik edirəm.Hər günü, hər saatı, hər anı ilahi töhfə olan bu gözəl bayramda kəsdiyiniz qurbanlıqların, həmçinin, dua və niyyətlərinizin Allah dərgahında qəbul olunmasını arzu edirəm. Sizlərə, ailələrinizə sağlamlıq, xoşbəxtlik,süfrələrinizə xeyir-bərəkət , Azərbaycanımıza əmin-amanlıq, arzulayıram.
Qurban bayramınız mübarək olsun!"
Mirfazil HƏMİD: Demokratik Birlik Partiyasının sədri.
Mingəçevir şəhərində gəzinti qayığının yanması nəticəsində 10 nəfərin xəsarət alması faktı üzrə Mingəçevir Şəhər Prokurorluğunda araşdırma aparılır.
Musavat.com xəbər verir ki, bu barədə Baş Prokurorluğun Mətbuat xidməti məlumat yayıb.
Qeyd edək ki, hadisə qayıq sahildə olan zaman qeydə alınıb. Şahidlərinin bildirdiyinə görə, qayıqda anidən yanğınla nəticələnən partlayış baş verib.
***
15.06.2024, 23:35
Mingəçevirdə qayıqda yanğın baş verməsi səbəbindən xəsarət alanların sayı artıb, onların kimliyi məlum olub.
Hadisə nəticəsində 1987-ci il təvəllüdlü Kamilə Əhmədova, 1982-ci il təvəllüdlü Emil Şirinov, 1990-cı il təvəllüdlü, Nəzakət Orucova, 2011-ci il təvəllüdlü Həsən Şirinov, 2018-ci il təvəllüdlü Afət Orucova, 2014-ci il təvəllüdlü Ə.Orucov, 2006-ci il təvəllüdlü Sahil Məhərrəmov, 1990-cı il təvəllüdlü Nəzakət Orucova, 1984-cü il təvəllüdlü İntiqam Kəmalov və 1982-ci il təvəllüdlü Ehtiram Kamalov xəsarət alıblar.
Zərərçəkənlərin bir neçəsi yanq, bir qismi isə travma və kəsik xəsarətləri alıblar.
Qeyd edək ki, hadisə qayıq sahildə olan zaman qeydə alınıb. Şahidlərinin bildirdiyinə görə, qayıqda anidən yanğınla nəticələnən partlayış baş verib.//Report
***
Mingəçevirdə Kür çayında qayıqda yanğın olub.
Məlumata görə, qayıqda hələ dəqiq məlum olmayan səbəblərdən yanğın olub.
Hadisə nəticəsində 8 nəfər xəsarət alıb. Onlardan ikisinin vəziyyəti orta-ağır, digərlərinin vəziyyəti kafi və qənaətbəxş hesab edilir.
Zərərçəkənlər xəstəxanaya çatdırılıb.
Faktla bağlı araşdırma aparılır.
Konyanın Kadınhanı rayonunda qəssabdan qaçan qurbanlıq dana əvvəlcə tövlənin, daha sonra isə tövləyə bitişik evin damına çıxıb.
Musavat.com “TRT Haber”ə istinadən xəbər verir ki, tövlənin damından düşüb qaçmağa davam edən dana sahiblərinin təqibi nəticəsində çətinliklə tutulub.
Həmin anlar mobil telefonla lentə alınıb.
Musavat.com
Samuxda yabanı halda bitən 3 ton 100 kq çətənə bitkisi məhv edilib.
Musavat.com xəbər verir ki, bu barədə Daxili İşlər Nazirliyinin Mətbuat Xidmətinin Gəncə regional qrupundan bildirilib.
Məlumata görə, Samux Rayon Polis Şöbəsinin əməkdaşlarının "Xaş-xaş 2024" planına uyğun olaraq keçirdikləri tədbirlərlə rayonun Ziyadlı kəndi ərazisində yabanı halda bitən 3 ton 100 kq 4 950 ədəd çətənə bitkisi toplanılaraq məhv edilib.
Bir neçə gün əvvəl “Azparking” parklama yerlərində birində kiçik avtomobil öz parklama yerini tərk edərkən qarşısındakı maşını, sözün əsl mənasında vuraraq çıxdı və heç nə olmamış kimi hadisə yerini tərk etdi. Bu kimi hadisələr baş verdiyi zaman məsuliyyət kim daşıyır, “Azparking”in əməkdaşlarına avtomobillərə nəzarət etməlidirmi?
Nəqliyyat məsələləri üzrə ekspert Elməddin Muradlı Bizimyol.info xəbər portalına açıqlamasında bildirib ki, parklanma yerlərində sığorta məsələsi yoxdur.
“Təhlükəsizliklə bağlı elə bir mövzu yoxdur. Açıq ərazidir və burada hansısa maşını “Azparking” əməkdaşları dövrəyə alıb mühafizə edəsi deyil. Hər bir avtomobilin icbari sığortası var. Kasko sığorta deyilən bir anlayış var. Bunlar da bu formada icra olunur. Kimsə avtomobili yerindən tərpədəndə başqasına sürtürsə, bu da həmin avtomobilin sürücüsünün məsuliyyətinin fonunda sığortalana bilər. Bu xətanı törədən sürücü öz sığortası vasitəsilə dəymiş ziyanı ödəyəcək. Yəni bu məsələlər belə tənzimlənməlidir. Belə bəsit formada "burada saxladığım maşın üçün “parkinq” pulu ödəmişəm, maşınıma nə xidmət göstərirsən?" fikrini irəli sürmək düzgün deyil. Yəni parkovkaya pul verdin deyə, sənin maşınına yağdəyişmə etməli deyillər. Orada pulsuz avtoyuma edəsi deyillər. Maşının qabağına gül taxası deyillər. Yəni küçə parklanması bütün dünyada bu formadadır. Heç bir ölkədə parklanmaya görə sürücüyə xüsusi medal verən yoxdur”-deyə Elməddin Muradlı bildirib.
Ekspertin sözlərinə görə, yeraltı parkinqlərdə bu məsuliyyət məsələsi ola bilər. Çünki bir neçə mərtəbədən ibarət olur. Orada təhlükəsizlik qaydaları qorunmalıdır. Avtomobilə dəymiş zərərə görə, məsələn, boru qopub avtomobilin üstünə düşübsə, qapalı parklanma xidməti göstərilən qurum buna görə məsuliyyət daşıyır. Amma küçə parklanmasında belə məsuliyyət yoxdur.
Məlum olduğu kimi, ötən gün Xətai rayonu, Xudu Məmmədov küçəsində yerləşən “Şərur MTK” yaşayış kompleksində lift qırılıb.
Hadisə nəticəsində 8 nəfər (5-i qadın, 3-ü kişi olmaqla) xəsarət alıb. Onlardan 7 nəfəri Sabunçu Tibb Mərkəzinə, 1 nəfəri Kliniki Tibbi Mərkəzə hospitalizasiya olunub. “Şərur MTK”nın sahibi, tikinti maqnatı kimi tanınan İsfəndiyar Axundov hadisənin baş verməsinin səbəbini açıqlayıb:
“Liftin qarşısında yazılıb ki, 4 nəfərlikdir. Onlar isə 8 nəfər miniblər. Özü də liftə minən qadınlardan birinin 150 kiloqram çəkisi var. Zorla sığışıblar. Liftin də yükgötürmə qabiliyyəti var. İkiqat, bəlkə də üçqat yüklənib.
Kiməsə qonaqlıq veriblər, kefli olublar. Nəticədə belə hadisə baş verib”.
“Şərurlu İsfəndiyar” məlum hadisədən sonra sosial şəbəkələrdə “Şərur MTK”nın tikdiyi binalarda liftlərin keyfiyyətsiz olması barədə yayılan iddialara belə cavab verib: “Kim nə yazır özü bilər. Sağ olsunlar”.
Qeyd edək ki, indiyədək də “Şərur MTK”nın tikdiyi binalarla bağlı yaranmış müxtəlif problemlər sakinlər tərəfindən narazılıqla qarşılanıb. Həmin problemlər yarandığı dövrdə də MTK rəhbərliyi tərəfindən etinasız yanaşılıb. Baş verən hadisə ilə bağlı da MTK rəhbərinin fikirləri ictimaiyyət tərəfindən birmənalı qarşılanmayıb.
Yaranmış vəziyyətlə bağlı sakinlərə ən azından MTK rəhbərinin mənəvi dəstəyi mühüm şərt hesab edildiyi halda, xəsarət alan sakinlər barədə işlətdiyi ifadələrin qeyri-etikliyi diqqəti cəlb edib.
Ümumiyyətlə, bu, Bakıdakı binalarda liftlərlə bağlı yaranan ilk problem deyil.
İndiki halda liftdə problemin yaranmasına cavabdeh qurum hansıdır?
Məsələ ilə bağlı Bakı İcra Hakimiyyətindən “Cebhe.info”-ya verilən məlumata görə həmin lift “Şərur MTK”-ya aiddir:
“Ümumilikdə Bakıdakı binalara qoyulan liftlərlə bağlı 3 variant var. Belə ki, 5500-ə yaxın lift Bakı Lİft Təmir İstehsalat Birliyi İdarəsinin xidmətindədir. Kommunal Departamentin balansında olan liftlərə Bakı Lift Təmir İstehsalat Birliyi xidmət göstərir. Bundan başqa, minə yaxın yeni tikilən binada liftə MTK-lar özləri nəzarət edir. Eləcə də sovet dövründən qalmış 9-10 mərtəbəli kooperativ binalar var ki, onlar öz liftlərinə özləri xidmət göstərirlər.
İdarə, təşkilat, müəssisələrə aid binalardakı liftlərə ayrı qurumlar tərəfindən xidmət göstərilir. Biz ancaq departamentin balansında olan binaların liftlərinə xidmət göstəririk”.
Hüquqşünas Əsabəli Mustafayev isə hadisədəki digər məqamlara toxunub:
“Onun ("Şərurlu isfəndiyar"-red.) rəhbəri olduğu tikintilərlə bağlı əvvəllər də müəyyən şikayətlər eşitmişdik. Ancaq burada məsələ bir qədər fərqlidir. Hər bir avadanlığın özünün yükgötürmə qabiliyyəti var. Məsələn, bu avtomobil, yaxud digər avadanlıq olsun. MTK rəhbərinin şəxsiyyətini kənara qoyuram, danışıq tərzinə görə yaxşı deməyib. Çünki hadisə baş verib, insanlıq onu tələb edirdi ki, o insanların düşdüyü vəziyyəti nəzərə almaq, canıyananlıqla yanaşsın. Bizim bəzi sahibkarlarda mərhəmət hissi çatışmır. Vətəndaşların özündə də məsuliyyət olmalıdır. Əgər məsuliyyət yoxdursa, bizi hər an təhlükə gözləyə bilər. Yəqin ki, araşdırma gedəcək. Əgər məlum olsa ki, liftin çölündə yükgötürmə qabiliyyətinin 4 nəfər və neçə kiloqram olmasına dair elan var, bunun hüququ çəkisi həmin vətəndaşların öz üzərinə düşür.
Bu halda başqa təqsirkar axtarmağa dəyməz. Məsələn, hardasa elektrik transformatoru var və üzərinə yazılıb ki, “əl vurma, öldürər!”, kimsə gedib əl vuranda onu öldürürsə, burada kimisə günahlandırmaq olmaz. Yaxud vətəndaş piyada keçidindən deyil, avtomobil yolundan keçirsə, yaşıl işığı gözləməyib qırmızı işıqda keçərək xəsarət alırsa, əlbəttə, bu, vətəndaşın öz günahıdır. Hər bir vətəndaş məsuliyyətli olmalıdır. Xüsusilə də xəbərdarlıq olan bölgələrdə belə davranmaq tələb olunur.
Əgər həmin liftdə məlumatlandırma lövhəsi yoxdursa, o zaman istismarına cavabdeh olan MTK, ya da istimarı həyata keçirən servis xidməti günahkardır. Həmin xəsarət alanlara dəstək olmaq, müalicəsini həyata keçirmək artıq xeyriyyəçilikdir. Əgər MTK rəhbəri xeyriyyəçilik etmək istəsə, bunu reallaşdıra bilər. Ancaq məcbur etmək hüquqdankənar bir məsələ olacaq”.
Bakıda çoxmərtəbəli yaşayış binasında baş verən bədbəxt hadisə nəticəsində xəstəxanaya yerləşdirilən yeddi nəfərdən altısı ilkin tibbi yardımdan sonra evə buraxılıb.
APA xəbər verir ki, hadisə Xətai rayonu Xudu Məmmədov küçəsində baş verib.
Liftin qırılması nəticəsində yeddi nəfər müxtəlif dərəcəli bədən xəsarətləri alıb. Xəsarət alanlardan ikisi uşaqdır.
Fövqəladə Hallar Nazirliyindən (FHN) verilən məlumata görə, hadisə yerinə xilasedicilər cəlb olunublar:
"Nazirliyinin xilasediciləri hadisə yerinə çatanadək məlumatla xilasedicilərə ehtiyac olmadığı bildirilib".
Qeyd edək ki, hadisə metronun "Həsi Aslanov" stansiyasının yaxınlığında, Xudu Məmmədov küçəsində yerləşən "Şərur" MTK yaşayış kompleksində baş verib.
Azərbaycanın ümumi təhsil müəssisələrində "Son zəng" tədbiri keçirilir.
Oxu.Az xəbər verir ki, 2023-2024-cü tədris ilində ümumi təhsil müəssisələrində təhsilalanların sayı 1 706 935 nəfər təşkil edib.
Cari tədris ilində ümumi təhsil müəssisələrində 102 120 nəfər XI sinfi, 150 445 nəfər IX sinfi, 137 862 şagird isə birinci sinfi bitirir.
Ümumi təhsil müəssisələrinin məktəbəhazırlıq qruplarında 87 569 uşaq təhsil alıb.
Qeyd edək ki, elm və təhsil nazirinin müvafiq əmrinə əsasən, 2023/2024-cü tədris ili ölkənin bütün tipdən olan ümumi təhsil müəssisələrində 15 sentyabr 2023-cü il tarixində başlayır, 14 iyun 2024-cü il tarixində başa çatır.
Azərbaycan nazirlərinin içərisində həm Azərbaycan univeritetlərində, həm də dünya universitetlərində təhsil alanlar var. Onlar müxtəlif peşələrə yiyələniblər. İçərilərində, həkim, hüquqşünas, iqtisadçı və s. ixtisaslar üzrə təhsil alanlar var.
Valyuta.az azərbaycanlı nazirlərin bitirdiyi universitetlərin siyahısını təqdim edir:
Baş nazir - Əli Əsədov
1964-1974-cü ildə Bakı şəhərindəki 134 saylı orta məktəbi, 1978-ci ildə isə Moskva Xalq Təsərrüfatı İnstitutunu bitirib.
Daxili işlər naziri - Vilayət Eyvazov
İlkin təhsilini Culfada alan Vilayət Eyvazov 2000-ci ildə Daxili İşlər Nazirliyinin Polis Akademiyasını fərqlənmə diplomu ilə bitirib.
Ekologiya və təbii sərvətlər naziri - Muxtar Babayev
1984-cü ildə Bakı şəhərində orta məktəbi bitirib. 1991-ci ildə Moskva Dövlət Universitetinin fəlsəfə fakültəsinin politologiya ixtisasını, 1994-cü ildə Azərbaycan Dövlət İqtisad Universitetinin Xarici iqtisadi əlaqələr ixtisasını, 2000-ci ildə Ümumrusiya Xarici Ticarət Akademiyasının "Dünya iqtisadiyyatı" ixtisasını bitirib.
Elm və təhsil naziri - Emin Əmrullayev
2003-cü ildə Azərbaycan Respublikası Prezidenti yanında Dövlət İdarəçilik Akademiyasının İnzibati İdarəetmə fakültəsini fərqlənmə diplomu ilə bitirib. 2003-2004-cü illərdə Mərkəzi Avropa Universitetində Siyasi Elmlər üzrə magistr pilləsində təhsil alıb. 2010–2012-ci illərdə "2007–2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" və "Fulbright" proqramının birgə dəstəyi ilə Kolumbiya Universitetində İctimai (İnzibati) İdarəetmə ixtisası üzrə magistr pilləsində təhsil alıb.
Energetika naziri - Pərviz Şahbazov
1986-1992-ci illərdə Neft və Kimya İnstitutunda (indiki Neft və Sənaye Universiteti) təhsil alıb.
Əmək və əhalinin sosial müdafiəsi naziri - Sahil Babayev
Bakı Dövlət Universitetində "Beynəlxalq hüquq və beynəlxalq münasibətlər" sahəsi üzrə 2000-ci ildə bakalavr, 2002-ci ildə isə magistr dərəcəsini fərqlənmə ilə bitirib, 2010-cu ildə hüquq üzrə fəlsəfə doktoru dərəcəsini alıb.
Fövqəladə hallar naziri - Kəmaləddin Heydərov
1984-cü ildə Azərbaycan Dövlət Universitetinin geoloji-kəşfiyyat fakültəsini bitirib. Azərbaycan Universitetində ikinci ali təhsil alıb.
Gənclər və idman naziri - Fərid Qayıbov
1995-ci ildə Azərbaycan Respublikası Nazirlər Kabineti nəzdində Azərbaycan Xalq Təsərrüfatını İdarəetmə İnstitutunun Biznesin təşkili və idarə edilməsi fakültəsinə qəbul olub. 1999-cu ildə Biznesin idarə edilməsi üzrə bakalavr, 2001-ci ildə isə magistr dərəcəsini əldə edib.
2014-cü ildə P.F.Lesqaft adına Milli Dövlət Bədən Tərbiyəsi, İdman və Sağlamlıq Universitetində (Sankt-Peterburq, Rusiya) pedaqoji elmlər namizədi dərəcəsini əldə edib.
Xarici işlər naziri - Ceyhun Bayramov
1990-cı ildə orta məktəbi gümüş medalla bitirib. Azərbaycan Dövlət İqtisad İnstitutunda iqtisadçı ixtisası üzrə, Azərbaycan Universitetində isə hüquqşünaslıq ixtisası üzrə təhsil alıb.
İqtisadiyyat naziri - Mikayıl Cabbarov
1992-1997-ci illərdə Bakı Dövlət Universitetində təhsil alıb, beynəlxalq hüquq fakültəsini fərqlənmə diplomu ilə bitirib.
1997–1998-ci illərdə ABŞ-ın Kaliforniya ştatının Sakramento şəhərindəki Pasifik Universitetinin Makcorc Hüquq məktəbində hüquq üzrə magistr dərəcəsi alıb.
2004-cü ildə Azərbaycan Dövlət İqtisad Universitetində iqtisadiyyat üzrə magistr dərəcəsi alıb.
Kənd təsərrüfatı naziri - Məcnun Məmmədov
2000–2004-cü illərdə Azərbaycan Dövlət İqtisad Universitetində "Maliyyə və kredit" ixtisası üzrə bakalavr təhsili, daha sonra isə Pakistanın Lahor İdarəetmə Elmləri Universitetində biznesin idarə edilməsi üzrə magistr təhsili alıb.
2017-ci ildə ABŞ-də aqrobiznes üzrə SABIT (Special American Business Internship Training) proqramının iştirakçısı olub.
Maliyyə naziri - Samir Şərifov
1983-cü ildə Ukraynada, Kiyev Dövlət Universitetinin Beynəlxalq əlaqələr və beynəlxalq hüquq fakültəsinin Beynəlxalq iqtisadi əlaqələr bölməsini bitirib, magistr dərəcəsi alıb.
Mədəniyyət naziri - Adil Kərimli
1999-cu ildə Bakı Dövlət Universitetnin hüquq fakültəsinin bakalavr, 2001-ci ildə isə magistr pillələrini fərqlənmə diplomları ilə bitirib. 2002-ci ildə Bakı Dövlət Universitetinin Cinayət hüququ və kriminologiya kafedrasına dissertant qəbul edilib və 2007-ci ildə həmin ixtisaslaşma üzrə namizədlik dissertasiyasını müdafiə edərək Azərbaycan Respublikasının Prezidenti yanında Ali Attestasiya Komissiyasınin 5 may 2009-cu il tarixli qərarı ilə hüquq elmləri namizədi (hüquq elmləri üzrə fəlsəfə doktoru) elmi dərəcəsini alıb.
Müdafiə naziri - Zakir Həsənov
1976-cı ildə Cəmşid Naxçıvanski adına hərbi liseyi, 1980-ci ildə Bakı Ali Ümumqoşun Komandirlər Məktəbini, 1986-1987-ci illərdə SSRİ Silahlı Qüvvələrinin Baş Qərargahının Akademik idarəetmə kurslarını bitirib.
Müdafiə sənayesi naziri - Vüqar Mustafayev
2008-ci ildə bakalavr dərəcəsi üzrə Azərbaycan Respublikasının Prezidenti Yanında Dövlət İdarəçilik Akademiyasının Mühəndis iqtisadiyyatı və idarəetmə - Menecment ixtisasını fərqlənmə ilə bitirib.
2010-2013-cü illərdə Xəzər Universitetinin Maliyyə və kredit ixtisası üzrə "Biznesin idarə edilməsi (MBA)" magistr proqramı üzrə təhsil alıb.
2016-cı ildən etibarən beynəlxalq assosasiya olan Daxili Auditorlar İnstitutunun üzvü olmaqla yanaşı, "Certified İnternal Auditor (CİA)" – Beynəlxalq Daxili Auditor kvalifikasiyası əldə edib və 2020-ci ildən beynəlxalq "İBM Data Science Specialization" - Data Elmi üzrə ixtisastlaşmış kvalifikasiyaya sahibdir.
Rəqəmsal inkişaf və nəqliyyat naziri - Rəşad Nəbiyev
1994-2000-ci illərdə Azərbaycan Respublikası Prezidenti Yanında Dövlət İdarəçilik Akademiyasında təhsil alaraq Dövlət və bələdiyyə idarəetməsi ixtisası üzrə bakalavr və magistr dərəcəsi alıb, 2000-2002-ci illərdə isə ABŞ-nın Şərqi Karolina Universitetində iqtisadiyyat üzrə magistr dərəcəsinə yiyələnib.
Səhiyyə naziri - Teymur Musayev
1987-ci ildə Azərbaycan Tibb İnstitutunun 1-ci müalicə-profilaktika fakültəsinin 1-ci kursuna qəbul olub. 1993-cü ildə həmin fakültəni fərqlənmə diplomu ilə bitirib. 25 dekabr 2000-ci il tarixində namizədlik dissertasiyasını müdafiə edib və 2001-ci il 4 aprel tarixli Ali Attestasiya komissiyasının qərarı ilə "tibb elmləri namizədi" elmi dərəcəsini alıb. 2003–2004-cü illərdə Fransanın "Universite Strasburg 1" Universitetində "laparoskopik cərrahiyyə" ixtisası üzrə diplom kursunun tələbəsi olub. 2013–2015-ci illərdə "Riga İnternational School of Business and Economics" və "Riga Stadins University" birgə magistratura təhsili alıb. 2015-ci ilin may ayında "Master fo Health Management (business executive)" magistr dərəcəsini alıb.