Tarif (qiymət) 29 iyun 2024-cü il tarixindən etibarən yeni iclasda Aİ-92 markalı avtomobil benzininin və dizel yanacağının qiyməti bahalaşıb.

Bizimxeber.az bildirir ki, qiymət artımı il\ə bağlıqərar qüvvəyə minmədən yanacaqdoldurma məntəqələri benzin satışını dayandırıb.

Hələlik heç bir aidiyyatı qurumdan baş verənlərə münasibət açıqlanmayıb.

Rusiya prezidenti Vladimir Putinin köməkçisi Dmitri Kalimulinin oğlu, Moskva Dövlət Universitetinin tələbəsi Aleksandar Kalimulin vəfat edib.

Bu barədə Moskva Dövlət Universitetinin Hüquq fakültəsi öz saytında məlumat yayıb.

Qeyd olunub ki, gənc iyunun 29-da dünyasını dəyişib. Universitetdən onun asudə vaxtlarını müasir musiqiyə həsr etdiyini, nağara çaldığını, idmana həvəs göstərdiyini bildiriblər. Aleksandar ilə vida mərasimi çərşənbə günü baş tutacaq.

Ölümün səbəbi açıqlanmayıb. Kremlin saytında Dmitri Kalimulinin evli və bir oğlu olduğu bildirilib.
Mənbə: RİA Novosti

Bu gündən etibarən taksi fəaliyyəti ilə bağlı yeni qaydalar qüvvəyə minir.

Oxu.Az xəbər verir ki, 1 iyul 2024-cü il tarixindən sonra taksi fəaliyyətinə icazə almaq üçün avtomobillərin istehsal tarixi 8 ildən az olmalıdır.

1 iyul 2024-cü il tarixindən sonra buraxılış tarixindən 8 ildən artıq müddət keçmiş avtonəqliyyat vasitələrinə buraxılış kartı verilməyəcək. Həmçinin qeyd edilən tarixdən sonra buraxılış kartı almaq üçün təqdim olunan avtomobillər 2024-cü ilin iyul ayının 1-dən sonra ölkəmizə idxal edilmişdirsə və ya ölkəmizdə istehsal olunmuşdursa, onların rəngi ağ və ya qırmızı olmalıdır.

Sözügedən icazəsi olmayan hüquqi şəxslər və ya fərdi sahibkarlar, eyni zamanda icazəsi olmayan şəxslərə sifariş ötürən taksi sifariş operatorları barəsində Azərbaycan Respublikasının İnzibati Xətalar Məcəlləsinə uyğun olaraq müvafiq qaydada inzibati tənbeh tədbirləri görüləcək.

Qeyd edək ki, Azərbaycan Yerüstü Nəqliyyat Agentliyinə (AYNA) istinadən yayılan informasiyaya əsasən vətəndaşın avtomobili 2012-ci il istehsalıdırsa, 1 iyul 2024-cü il tarixinə kimi icazə üçün müraciət edibsə, üç illik icazə ala biləcək.

Bu halda rəng tələbi tətbiq edilmir.

Mərkəzi Seçki Komissiyası (MSK) səsvermə gününə ən azı 20 gün qalanadək “exit-poll” keçirmək niyyətində olan təşkilatların akkreditasiya üçün təqdim etdikləri sənədləri qəbul edəcək.

Mərkəzi Seçki Komissiyasınınn Milli Məclisə növbədənkənar seçkilərin keçirilməsi üzrə əsas hərəkət və tədbirlərin Təqvim Planında öz əksini tapıb.

Növbədənkənar parlament seçkiləri ilə əlaqədar müraciət müddət avqustun 12-dək davam edəcək. Səsvermə gününə ən azı 10 gün qalanadək “exit-poll” keçirmək üçün müraciət etmiş təşkilatların akkreditasiyası barədə qərar qəbul ediləcək.

Ermənistan hökuməti Naxçıvan Muxtar Respublikasının Sədərək rayonunun inzibati ərazisinə daxil olan və ötən əsrin 90-cı illərinin əvvəllərində işğal olunmuş Kərki eksklavını Azərbaycana qaytarmağa hazırlaşır.

Erməni mənbələrinin məlumatına görə, bu kənd Qarabağdan köçən ermənilərin məskunlaşdırılması nəzərdə tutulan yaşayış məntəqələrinin siyahısına daxil edilməyib.

Ermənistan baş nazirinin müavini Tiqran Xaçatryan bildirib ki, Qarabağdan ermənilərin köçürülməsi üçün Azərbaycanla həmsərhəd kəndlər də daxil olmaqla 390 yaşayış məntəqəsi müəyyən edilib. Orada məskunlaşmaq istəyənlərə hər ailə üzvü üçün 10-12 min dollar məbləğində mənzil sertifikatı veriləcək. Əmək və əhalinin sosial müdafiəsi nazirinin müşaviri Qayane Karaqezyan ermənilərin özlərinin “Tiqranaşen” adlandırdıqları Kərkinin siyahıdan çıxarılmasını şərh edərkən bəyan edib ki, “ola bilsin, Qarabağ ermənilərinin bu qəsəbəyə köçürülməsi prioritet məsələ deyil”.//Oxu.az

"Dövlət başçısı və ya nazirin təyin etdiyi şəxsin müxtəlif mükafat tədbirlərində diplom, setrifikat və s. kimi sənədlərlə təltif olunması doğru deyil, hətta mən deyərdim ki, etik qaydalara olduqca ziddir".

Bu sözləri Manset.az -a açıqlamasında Azərbaycan,Türkiyə və Rusiya iqtisad elmləri doktoru, professor Zahid Məmmədov bildirib. Professor əlavə edib ki, yalnız sizi təyin edən şəxs sizin fəaliyyətinizə qiymət verə bilər, digər saxta qurumlar deyil.

" Müşahidə edirik ki, hazırda bəzi vəzifəli şəxslər, hətta göz önündə olan hər hansısa bir fəaliyyəti olmasa belə, ayrı-ayrı qurumlardan özlərini fərqli adlarla təltif edəcək mükafatlar alırar. Məsələn: "İlin ən böyük alimi", "İlin ən güclü təşkilatçısı", "İlin ən yaxşı professoru"və s. axı belə etmək olmaz. Ali Attestasiya Komissiyasında qeydiyyata düşmüsünüzmü? Əks halda sizə verilən sertifikat, diplom, təltifnamə saxtadır. Özünüzü saxta və yalan adlarla qiymətləndirirsiniz. Bu prosses heç də məntiqəuyğun irəliləmir. Səbəbi odur ki, sən həkimsənsə Səhiyyə Nazirliyi tərəfindən təltif olunmalısan. Əgər səni nazir təyin edibsə, sənin daxildəki fəaliyyətinlə tanış olmayan digər qurum sənə necə qiymət verə bilər? O sənin özfəaliyyətini və onun dərəcəsini müəyyən edə bilməz. Həmin qurumlar qərar verə bilməz ki, sən ilin ən böyük alimisən yoxsa yox. Çünki onlar sistemin içində olmayıb".

Professor Zahid Məmmədov həmin şəxsləri təltif edən xarici qurumlarla bağlı diqqətli olmağı tövsiyə edib:

" Xüsusilə qeyd etmək istəyirəm ki, xaricdən gətirilən bir qrup şəxslər və ya xarici qurumlar dövlətin təyin etdiyi şəxsləri saxtakarlıqla hansısa "beynəlxaq akademiya" "beynəlxaq qurum" adından təltif edə bilməzlər. Belə məqamda çox diqqətli olmaq və bu şəxslərin və ya qurumların kimliyini araşdırmaq lazımdır. Görək onlar Azərbaycan dövlətinin maraqlarını müdafiə edibmi? Azərbaycanın haqlı mövqeyini beynəlxaq miqyasda tanıtmaq üçün hər hansısa bir addım atıblarmı? Bəlkə həmin mükafatlardan Ermənistan üçün də hazırlanıb. Təəssüflə qeyd etmək istəyirəm ki, biz bu hallarla da rastlaşmışıq. Bu səbəbdən də artıq bu saxta diplom və mükafatların alınmasına son qoymağın vaxtıdır. Bəzi insanlar isə bu istiqamətdə olan məsələləri gündəmə gətirməklə, sosial şəbəkələrdə paylaşmaqla, saxta mükafatları otaqlarının ən yaxşı hissələrinə yerləşdirməklə yanlış addımları təbliğ edirlər. Azərbaycan qayda, qanun və hüquqlarla idarə olunan ölkədir. Vəzifəsindən və kimliyindən asılı olmayaraq hər bir vətəndaş da bu qanunları icra etməyə borcludur. Mən düşünürəm ki, bu istiqamətdə, mükafatın alınması və ya verilməsi ilə bağlı müvafiq qurumlar yeni əsasnamələr tərtib etməlidirlər. Biz mesajımızı ötürürük və tələb edirik ki, bu saxtakarlığa son verilsin".