«Media haqqında» yeni Qanuna uyğun olaraq oktyabrın 14-də Media Reyestri fəaliyyətə başladı.

Qeydiyyat üçün müraciət edən saytlardan bir çoxusu artıq pozitiv cavab alsalar da bir neçə sayta Medianın İnkişafı Agentliyi (MEDİA) imtina cavabı verib.

Bir müddət əvvəl Agentlikdən bildirilib ki, fəaliyyət göstərən KİV-lər «Media haqqında» Qanunun 78.3-cü bəndə əsasən reyestr işə başladığı gündən altı ay ərzində Agentliyə müraciət etməlidirlər.

Qanunun 62.2-ci maddəsinə uyğun olaraq MEDİA Agentliyinə rəsmi müraciət edilmədikdə və ya həmin müraciətdə göstərilən məlumatların doğru olmadığı aşkarlandıqda çap mediası və onlayn media subyektlərinin fəaliyyətinin qanuna uyğunsuzluğu məsələsi məhkəmə qaydasında mübahisələndirilir.

Artıq Media Reyestrində qeydiyyat üçün müraciət edən, amma imtina almış bəzi saytların rəhbərləri hesab edir ki, həmin imtina cavabları obyektiv deyil.

24saat.org saytının rəhbəri Vüqar Qurdqanlı hesab edir ki, imtinanın səbəbi saytın fəaliyyəti ilə bağlı deyil, sadəcə bəzi media resurslarını sıradan çıxarmaq məqsədini daşıyır.

Onun sözlərinə görə, MEDİA 24 saat.org Məhdud Məsuliyyətli Cəmiyyətinə qeydiyyatla bağlı imtina qərarını verib. «Bizim saytımız bütün kriteriyalara uyğundur. Saytın iki domeni var – 24saat.org və az.24saat.org. Çünki bizim 24saat.org domenimiz heç bir məhkəmə qərarı olmasada Azərbaycanda bloklanıb. Ona görə də oxucular saytımızı oxuya bilsin deyə az.24saat.org domeni işə qoşmuşuq».

Sayt rəhbəri qeyd edib ki, ilk dəfə qeydiyyat üçün müraciət edəndə müraciət baxılmamış saxlanılıb və baxılma müddəti ötürülüb. «İkinci dəfə hər iki domen üçün müraciət edəndə isə bildirilib ki, saytın davamlılığı yoxdur və bu səbəbdən qeydiyyatdan imtina verilib».

Lakin onun sözlərinə görə, müraciət etdiyi dövrdə sayta qoyulan xəbərlər çox idi. «Sayt 5 dildə fəaliyyət göstərir – Azərbaycan, Türk, Rus, İngilis və Alman dillərində. Misal üçün, yalnız 1-5 sentyabr dövründə 865 yazı dərc olunub, Google Analytics-in göstəricilərinə görə isə həmin tarixlərdə gündəlik sayta giriş 10-15 mindir».

Saytın rəhbəri hesab edir ki, rəhbərlik etdiyi KİV-ə qeydiyyatda imtina verilməsinin səbəbi başqadır. «Bu o deməkdir ki, hansı saytları ki özləri məsləhət bilirlər, onları qeydiyyata alırlar, hansıları məsləhət bilmirlərsə onları qeydiyyata almayıb sıradan çıxarmaq niyyətləri var. Biz bu qərarı məhkəmədə nübahisələndirəcəyik».

Media hüququ üzrə ekspert Xalid Agaliyev isə AzadlıqRadiosuna bildirib ki, məsələyə bir neçə aspektdən yanaşılmasını doğru sayır. «Birincisi, qanunla müəyyən edilmiş tənzimləmələr, həmin qanun qəbul edildikdən sonra təsis edilmiş medialara şamil edilməlidir, qanun qəbul edilənə qədər mövcud olan medialar əgər istəyirlərsə, avtomatik reyestrə daxil olunmalıdır. Çünki, bu, Konstitusiyanın tələbidir. Bu aspektdən yanaşanda hazırda tətbiq edilən tənzimləmələr Konstitusiyaya uyğun deyil».

X.Ağaliyevə görə, məsələyə dar, hərfi çərçivədə, «Media haqqında» qanunun işığında yanaşdıqda, reyestrə daxil edilməkdən imtina olunması qanunidir. «Qanun reyestrə daxil olmaq üçün şərtlər müəyyən edib. Həmin şərtlərdən biri «fəaliyyətin davamlı olması»dır. Medianın fəaliyyətinin davamlı olması o deməkdir ki, reyestrə daxil olmaq istəyən media hər həftə azı 100 material yaymalıdır. Başqa medialardan istinadla yayılanlar, agentliklərin məlumatları, rəsmi press-relizlər bu 100 material sırasına daxil edilmir. Yəni, media özü hər həftə azı 100 material yaradıb, yaymalıdır. Bunu edə bilmirsə, onun reyestrdə qeydiyyatından imtina edilir. Bu, qanuni müdaxilədir, ancaq pis, keyfiyyətsiz qanuna uyğun olan, redaksiya siyasətinə, azadlığına müdaxilədir».

Ekspert Media İnkişaf Agentliyinin reyestrdə qeydiyyat proseduru ilə bağlı qanunu yanlış tətbiq etdiyini, medialara qarşı ayrı-seçkiliyə yol verdiyini qeyd edib. «Mən imtina cavabı alan bir neçə mediaya hüquq dəstəyi verirəm, araşdırma zamanı məlum olur ki, reyestrdə qeydiyyat zamanı qəbul edilən qərarlar əsaslandırılmış deyil. Məsələn, agentlik 24saat.org saytının, «Mingəçevir işıqları» qəzetinin reyestrdə qeydiyyatından imtina olunmasına qərar verib. Əsas kimi fəaliyyətin davamlı olmaması göstərilib. Amma biz detallı yoxlama zamanı görürük ki, hər iki media bu şərtə əməl edib. Ancaq bir sayt var ki, həftədə resursa ümumilikdə 320 material daxil edib, həmin materialların cəmi 50-si saytın özünün yaratdığıdır. Ancaq Agentlik həmin saytını qeydiyyata alıb, fəaliyyətin davamlılığı şərtinə əməl edən digər 2 mediaya isə imtina cavabı verib».

X.Ağaliyev hesab edir ki, yerli məhkəmələr bu mübahisələrə ədalətli baxsalar, Agentliyin imtina qərarları ləğv edilməlidir. «Yerli məhkəmələr bu qərarları ləğv etməsə, Avropa Məhkəməsi bunu ifadə azadlığının ciddi pozuntusu kimi qəbul edəcək».

Medianın İnkişafı Agentliyindən isə Turana bildirilib ki, «Media haqqında» Azərbaycan Respublikası Qanununun 74.1.2-ci maddəsinə əsasən Media Reyestrinə media subyekti kimi daxil edilmək üçün müraciət edən şəxslərin fəaliyyəti davamlı olmalıdır. «Həmin Qanunun 60.5-ci maddəsində fəaliyyətin hansı halda davamlı olduğu müəyyənləşdirilmiş və qeyd edilmişdir ki, onlayn media subyekti (redaksiyaları) hər ay 20 (iyirmi) gün ərzində bu Qanunun 13.1-ci və 13.2-ci maddələrinin tələblərinə əməl etməklə və bu Qanunun 13.3-cü maddəsində göstərilən informasiya istisna olmaqla, gündəlik azı 20 (iyirmi) kütləvi informasiya dərc etdikdə onun fəaliyyəti davamlı hesab olunur».

Agentlikdən qeyd olunub ki, media subyektlərinin Media Reyestrinə daxil edilmək üçün müraciətlərində «Media haqqında» Azərbaycan Respublikası Qanununun 74.1-ci və Azərbaycan Respublikası Prezidentinin 2022-ci il 26 sentyabr tarixli 1846 nömrəli Fərmanı ilə təsdiq edilmiş «Media Reyestrinin aparılması Qaydaları»nın 6.5-ci bəndində göstərilən əsasların mövcud olub-olmadığı yoxlanılır və nəticəyə uyğun olaraq müvafiq qərar qəbul edilir. «Hal-hazıradək 160-dan çox müraciət daxil olub, 100-ə yaxın subyekt Reyestrə daxil edilib, 15 müraciət barəsində imtina qərarı qəbul olunub, 40-a yaxın müraciətə baxılmaqdadır».

Meksikada helikopterin qəzaya uğraması nəticəsində vəzifəli şəxs həlak olub.

Teref.Az "Reuters" agentliyinə istinadən xəbər verir ki, qəza nəticəsində 5 nəfər ölüb. Onlardan biri də Meksikanın ictimai təhlükəsizlik naziri Porfirio Xavyer Sançes Mendozadır.

Qəza anının görüntülərini təqdim edirik:

İranın rəsmi İRNA agentliyinin xəbərinə görə, episentri Hörmüzqan əyalətinin Bender Lenge şəhərinin Bender Konq bölgəsində olan zəlzələ yerli vaxtla saat 17:29-da qeydə alınıb.

Bildirilib ki, 5 bal gücündə zəlzələ 16 kilometr dərinlikdə baş verib.

Hörmüzgan Qubernatorluğunun Böhran İdarəetmə baş direktoru Mehrdad Həsənzadə vəziyyətin qiymətləndirilməsi üçün qrupların Bender Konqa göndərildiyini və lazımi yardımın göstərilməsi üçün işlərə başlanıldığını açıqlayıb.

Zəlzələdə can və ya mal itkisi olub-olmadığı barədə məlumat yoxdur. (AA)

Tərcümə: "24 SAAAT"

Qirkin, Xarçenko və Dubinski mülki təyyarənin qəzaya uğraması və 298 nəfərin qətlində təqsirli bilinib.

Bu barədə Reuters məlumat yayıb. Bildirilir ki, Haaqa məhkəməsi Donbasda Malayziyaya məxsus MH17 reysinin Rusiya raketi ilə vurulduğunu təsdiqləyib.

Malayziya Hava Yollarına məxsus MH17 reysi 2014-cü ildə Ukraynanın şərqində, o vaxtlar “DXR” yaraqlılarının nəzarəti altında olan Pervomaysk yaxınlığındakı sahədən atılan Rusiya istehsalı olan raketlə vurulub.

Nəşr yazır ki, bu qənaətə noyabrın 17-də təyyarə qəzasında şübhəli bilinən dörd nəfərin işinə baxan Hollandiya məhkəməsi gəlib.

“Məhkəmə hesab edir ki, MH17 “Buk” raketi ilə Pervomaysk yaxınlığındakı kənd təsərrüfatı sahəsindən vurulub, nəticədə 283 sərnişin və 15 ekipaj üzvü həlak olub”, – sədrlik edən hakim Hendrik Stenhuis deyib.

Sergey Dubinski, Oleq Pulatov, Leonid Xarçenko və artıq tanınmış FTX zabiti İqor Strelkov-Qirkin mülki təyyarəni vurmaqda ittiham olunurlar.

Haaqa məhkəməsi Strelkov-Qirkinin təqsirini sübuta yetirmiş hesab edir, Xarçenko və Dubinski raketin buraxılışında şəriklər hesab edilir. Pulatovun təqsirli olmadığı məlum olub.

Məhkəmə həmçinin etiraf edib ki, təyyarə vurulan zaman qondarma “DXR”in ərazisi Rusiya tərəfindən idarə olunub.

Bundan əlavə, Haaqa məhkəməsinin qənaətinə görə, MH17-nin vurulduğu “Buk” hava hücumundan müdafiə sistemi Rusiyadan Ukraynaya gətirilib, sonra isə geri alınıb.

Son məlumata görə, Haaqa məhkəməsi Qirkin, Dubinski və Xarçenkonu qiyabi olaraq ömürlük həbs cəzasına məhkum edib.

Qirkin, Dubinski və Xarçenko həlak olanların yaxınlarına ən azı 16 milyon avro təzminat ödəməlidirlər. \\KONKRET.az

Abşeron rayonu, Xırdalan şəhəri, AAAF Park Yaşayış Kompleksində çoxmərtəbəli yaşayış binasında mənzildə baş verən partlayışla əlaqədar TƏBİB-in tabeliyindəki Abşeron Rayon Mərkəzi Xəstəxanasının Təcili və Təxirəsalınmaz Tibbi Yardım briqadaları hadisə yerinə cəlb olunub.

TƏBİB-dən APA-ya verilən xəbərə görə 3-ü uşaq olmaqla 4 nəfər xəsarət alıb. Xəsarət alanlar Nərimanov Tibb Mərkəzinin Yanıq şöbəsinə yerləşdirilib. Onların hər birinə zəruri tibbi xidmətlər göstərilib.

Tibb müəssisəsində müalicəsi aparılan cinsi qadın olan - 22 yaşlı B.N.-nın (III dərəcəli termiki yanıq diaqnozu) vəziyyəti ağır, cinsləri qadın olan - 7 yaşlı Ş.M, 4 yaşlı Ş.D. və cinsi kişi olan - 1 yaşlı Ş.Ö.-nün (hər biri II-III dərəcəli termiki yanıq diaqnozu ilə) vəziyyətləri isə orta ağır qiymətləndirilir.

Türkiyə Milli Kəşfiyyat İdarəsi (MİT) 67 gün sonra Bakıda keçirilən xüsusi əməliyyatla bağlı məlumat yayıb. Məlumata görə, silahlı terror təşkilatı yaratmaq və idarə etmək ittihamı ilə beynəlxalq axtarışa verilmiş FETÖ üzvü Uğur Dəmirok Milli Kəşfiyyat İdarəsi tərəfindən Bakıda saxlanılaraq Türkiyəyə aparılıb.

Xatırladaq ki, Uğur Dəmirok bu il sentyabrın 6-da səhər saatlarında Bakıda, “Xalqlar dostluğu” metrostansiyasının yaxınlığında “yoxa çıxıb”. İş adamı sentyabrın 6-da səhər saatlarında evindən çıxaraq “Xalqlar dostluğu” metrosunun yaxınlığında yerləşən ofisinə gedib. Günorta saatlarında həyat yoldaşına Demirokun işə gəlmədiyi bildirilib. Əri ilə dərman satışı ilə məşğul olan Nurdan həyat yoldaşının axtarışına çıxıb. Ofisin yaxınlığında iş adamına məxsus “BMW” markalı avtomobili tapılıb. Ən yaxın avtoyuma məntəqəsinin əməkdaşı bildirib ki, Demirok qara maskalı şəxslər tərəfindən maşından çıxarılıb. Onlardan biri iş adamının başını aşağı əyib, digər ikisi isə qollarından tutub şüşələrinə qara plyonka vurulmuş mikroavtobusa mindirərək naməlum istiqamətə aparıblar.

Nurdan Dəmirok əvvəlcə ərinin cinayətkar dəstə üzvləri tərəfindən qaçırıldığını güman edib, lakin üçüncü dəfə yerli polis idarəsi ilə əlaqə saxladıqda qadına ərinin “Türkiyəyə getdiyi” deyilsə də, əlavə məlumat verilməyib. Nurdan ərinin pasportunu özü ilə götürmədiyini, zorla Türkiyəyə aparıla biləcəyini bildirib. Buna baxmayaraq, qadın polisdən əlavə məlumat ala bilməyib.

Nurdan hadisəni ərinin Türkiyədə yaşayan ailə üzvlərinə bildirib. İş adamının atası Dursun Dəmirok kiçik oğlu ilə birlikdə Ankaraya gedərək Uğur Dəmirokun Bakıda yoxa çıxması ilə bağlı prokurorluğa ərizə yazıb. Bu ifadə əsasında onlar itkin düşmüş şəxslərlə bağlı polis şöbəsinə göndəriliblər, orada polis əməkdaşlarından biri məlumat bazasında axtarış aparıb. İş adamının qardaşına “Qohumunuz yaxşıdır, narahat olmağa əsas yoxdur” deyilib. Məlum olub ki, Uğur Dəmirok Türkiyə həbsxanasındadır. Dəmirokun Bakıdakı taleyi ilə bağlı məsələ Türkiyə parlamentində kürd deputat tərəfindən qaldırılıb.

İndi isə Türkiyə mətbuatı hüquq-mühafizə orqanlarına istinadən Uğur Dəmirokun FETÖ terror təşkilatının üzvü olduğunu, 2016-cı il iyulun 15-də ölkədə baş vermiş hərbi çevrilişə cəhddən sonra xaricə qaçdığını bəyan edib. O da bildirilir ki, Dəmirok Türkiyə Silahlı Qüvvələrində gizli FETÖ strukturunda fəal çalışıb, eyni zamanda təşkilat üzvlərinin gizli yazışmalar üçün quraşdırdığı ByLock proqramının istifadəçisidir. Türkiyə xüsusi xidmət orqanları əvvəllər də oxşar məxfi əməliyyatlar çərçivəsində bir çox xarici ölkələrdə, o cümlədən Azərbaycanda “Gülənçi”ləri saxlayıb Türkiyəyə aparıblar. 2016-cı il hərbi çevriliş cəhdindən sonra Fətullah Gülən təriqəti Türkiyədə silahlı terror təşkilatı elan edilib.

FETÖ-çülərin aktiv şəkildə ByLock proqramından istifadə etdikləri yeni məlumat deyil. Rusiyanın Türkiyədəki səfiri Andrey Karlovu qətlə yetirən Mövlud Mərd Altıntaşa məxsus mobil cihazda da bu proqramdan istifadə olunduğu təsbit edilmişdi.O zaman bu barədə Türkiyə mətbuatı, Rusiya kəşfiyyatına məxsus mənbələrə istinadən xəbər verib. Bildirilirdi ki, 4 mərhələli şifrəni açmağa müvəffəq olan mütəxəssislər, mobil cihazda bir sıra dəlillər əldə ediblər. O zaman əldə edilən dəlillər qatilin FETÖ terror təşkilatı, ABŞ-ın Mərkəzi Kəşfiyyat İdarəsi ilə əlaqəli olduğunu üzə çıxarıb. Bildirilirdi ki, Mövlud Mərd Altıntaş, sui-qəsddən əvvəl ByLock proqramı vasitəsilə 6-sı qırmızı, 2-si narıncı kateqoriyada yer alan fətullahçılarla əlaqə qurub.

Qəzet yazdıqlarından sitat: “Terrorçunun telefonundan alınan siqnallara görə, səfirin qatili bir müddət əvvəl ABŞ Mərkəzi Kəşfiyyat İdarəsinin İraqdakı bir ofisində qeydə alınıb. Yəni bu idarənin Ərbil şəhər ofisi yaxınlarında bir xeyli vaxt keçirib. Həmin vaxt ərzində terrorçunun mobil cihazındakı siqnal 7 saat ərzində kəsilib. Qatilin bu vaxt ərzində kimlərlə ünsiyyət qurduğunu müəyyən etmək mümkün olmayıb”.

Cinayəti araşdıran rus-türk birgə əməliyyat dəstəsi üzvləri bütün bunları incələyərkən ByLock-un serverlərinin Litvada yerləşdiyini müəyyən etmişdilər. Məlum olmuşdu ki, FETÖ-nün şifrəli xəbərləşmə proqramının (ByLock) ən böyük özəlliyi, danışıqların 5 saniyə sonra yaddaşlardan silinməyi, ortada bir iz buraxmaması faktıdır. İstifadəçilərin barmaq izləri, ByLock-da şifrələməni öz üzərinə götürür.

Bülent Orakoğlu kimdir?

“Yeni Şafaq” qəzetinin köşə yazarı Bülənd Orakoğlu bu mövzunu türk mətbuatında daşıyan ilk yazarlardan biri idi. Sabiq MİT zabiti olan yazar ByLock haqda yazırdı: “FETÖ tərəfindən gizli ünsiyyət üçün istifadə edilən ByLock serverlərinin, Litva paytaxtı Vilnüsdə olduğu üzə çıxmışdı. Türk MİT-i əvvəlcə bu serverlərə qarşı xüsusi kiberhücumlar təşkil edərək təxminən 215 min 92 istifadəçidən 53 minini deşifrə etməyi bacarır. Lakin İnterpol xətti ilə Litvaya göndərilən növbəti sorğulara kobudcasına "Yox!" cavabı gəlib. Bundan sonra Vilnüsdə ByLock serverlərin bulunduğu binada gizlicə əməliyyat keçirilib, son texnologiya avadanlıqları sayəsində səkkiz pilləli şifrə qırılmaqla ByLock qeydlərinə aid bütün məlumatları qısa müddətdə götürülüb. Əməliyyat gecəsi xüsusi təyyarə ilə vətənə dönən türk kiborqları, 215 min ByLock istifadəçisinin bütün köhnə, guya yaddaşdan silinmiş qeydlərini də ölkəyə gətiriblər".

"O zaman Bülənd Orakoğlu belə bir ehtimal irəli sürmüşdü ki, əməliyyat nəticəsində bir sıra köhnə cinayətlərin üstü açılacaq. Bakıda 2022-ci ilin sentyabrında keçirilən əməliyyat da bu ehtamal təsdiqləmiş oldu. Bülənd Orakoğlu “ByLock istifadəçilərinin şifrələri tam halda, 90 faiz üzə çıxıb” - deyə müəllif yazısında qeyd etmişdi.

Türkiyənin Elm, sənaye, texnologiyalar naziri 2017-ci ildə bu mövzu ilə əlaqədar bunları deyib: “Hamımız ByLock mobil xəbərləşmə proqramına yaxşı bələdik. Sistem, məxfi şifrələnmə əsasında, kriptoqrafik yolla yaradılıb. Müəlliflər, bizim sabiq milli "TÜBİTAK" (Türkiyə Elmi və Texnoloji Tədqiqat Şurası - “Türkiye Bilimsel ve Teknolojik Araştırma Kurumu”) üzvləridir. Heyf, bu təsisat indi bütövlüklə FETÖ-nün nəzarəti altındadır. Proqram müəllifləri Gülənin paralel dövlətində mühüm vəzifə sahibləridir. ByLock istifadəçilərinin sayı eynən FETÖ-çular qədərdi. Bu sistem vasitəsilə öz aralarında təmasları 2013-cü ilin sonundan start götürüb".

ByLock mobil xəbərləşmə sistemini informasiya təhlükəsizliyi sahəsində ad çıxarmış bir çox xarici müəlliflər çox da etibarlı hesab etmirdilər. Tim Strazzere, Amerika-İsrail mənşəli “SontinelOne” şirkətinin aparıcı mütəxəssisi ByLock sistemini belə xarakterizə edir: “Bir neçə dəqiqə ərzində proqramı söküb yenidən qurmaq mümkündür. Mən, hizmətçilərdən fərqli olaraq, ona qəti şəkildə etibar etməzdim

Bir başqa mütəxəssis, Metyu Qrin də sistem haqda öz kinayəsini gizlətmir: "İstifadəçi bu sistemdə anonim olaraq qalır. Amma məxfi kod açarlar mərkəzi serverdə şifrəsiz, açıq halda qalır ki, bu da təhlükəsizlik baxımından çox risklidir. Yüksək texnologiya sahibləri bu cür serverlərə rahat daxil olub xəbərləşmə trafikinin yaddaşını tam bərpa edə bilər deyə mən ondan istifadə etməzdim".

ByLock mobil xəbərləşmə sistemi yarandığı ilk günlərdə “Apple”, “Google Play” maqazinləri çərçivəsində, 2014-cü ildə dünya bazarına girsə də, tezliklə bu ünvanlar onu öz səhifələrindən silir. Sonradan bu mobil xəbərləşmə sistemi, lazımı təhlükəsizlik tələblərinə cavab verməyən “Android” “Windows Phone”, “Blakberry” serverlərində görünməyə başlayıb. (musavat.com)

Türkiyənin İstanbul şəhərində altı nəfərin ölümünə, onlarla insanın yaralanmasına səbəb olan bombanı atan suriyalı Ahlam Albaşirin istintaq prosesi davam edir.

Hadisə ilə əlaqədar daha iki nəfər nəzarətə alınıb. Bununla da saxlanılanların sayı 50-yə çatıb.

Polis A.Albaşirə bomba yüklü çantanı verən B.ni Ədirnəyə aparanların izinə düşüb. Məlum olub ki, həmin şəxs Ammar Jarkasdır. Şübhəlilərin sorğu-sualı davam etdirilir.

Qeyd edilir ki, Ahlam Albaşir və B.ni hadisə yerinə Yasir adlı şəxs aparıb. Abaşir Beyoğlu rayonunda çantanı B.-dən alıb və İstiqlal prospektinə gedib. B. adlı terrorçu isə eyni avtomobillə geri qayıdıb.

Ahlam Albaşir hadisəni törədən sonra B.-yə zəng eləyib, amma ikinci ona deyib ki, başının çarəsinə baxsın. Bundan sonra Albaşir taksi ilə Esenlerdəki ünvana qayıdıb. B. isə Ammar Jarkasın köməyi ilə Ədirnəyə qaçıb. Sonra Jarkas İstanbula qayıdıb və orada tutulub.

Türkiyənin İstanbul şəhərinin Fatih rayonunda bir avtomobildə başlayan yanğın digər nəqliyyat vasitələrinə sıçrayıb.

Cebhe.info xəbər verir ki, bu barədə “Haber Türk” məlumat yayıb.

Bildirilib ki, mobil telefon kamerası ilə çəkilən görüntülərdə yanğında alov arasından partlayış səsləri əks olunub.

Məlumata görə, duracaqda başlayan yanğın söndürülüb.

Bakı Şəhər Binəqədi Rayon Məhkəməsi tanınmış vəkil Elçin Sadıqovun daha bir şikayətini rədd edib.

Bu barədə Gununsesi.info-ya vəkilin özü bildirib.

Onun sözlərinə görə, hakim Mahirə Muradovanın sədrliyi ilə keçirilən prosesdə onun Baş Prokurorluğunun istintaq idarəsinə qarşı telefonlarımın və kompüterinin yaddaş kartının götürülməsi, açılması, məlumatların ələ keçirilməsi, telefonların və yaddaş kartının geri qaytarılmamasının qanunsuz hesab edilməsi barədə şikayəti təmin edilməyib:

“Prokurorluq bildirdi ki, Elçin Sadıqovun vəkillik fəaliyyəti ilə bağlı məlumatlara baxamayacağıq. Hakim də, dərhal buna “inandı”.

Qərar verdi ki, “vəkil sirri” boş şeydir, əsas olan odur ki, prokurorluq narazı qalmasın.Qərardan apelyasiya şikayəti verdim”.