 |
|
|
Mağaradan tapılan qocanın yaşı eşidənləri şoka saldı Hindistanda boş bir mağaradan 188 yaşlı insan tapılıb.
Sonxeber.az xarici mediaya istinadən xəbər verir ki, yaşlı adam səlahiyyətli şəxslər tərəfindən böyük çətinliklə mağaradan çıxarılıb. Şəxsiyyəti müəyyən edilən kişinin 188 yaşında olduğu bəlli olub.
Uzun saç və saqqallı, hədsiz arıq qoca mağaradan çıxarılaraq polislərin qucağında xəstəxanaya aparılıb.
Onun mağarada olma səbəbi hələ ki öyrənilməyib.
“Məktəblərdə bu cür halların baş verməsi bizi düşündürməlidir”.
Bunu “AzPolitika”-ya açıqlamasında keçmiş deputat, tanınmış elm və təhsil bilicisi Etibar Əliyev son günlər orta məktəblərdə şagirdlərin iştirakı ilə baş verən kriminal hadisələrin səbəblərini şərh edərkən deyib.
Xatırladaq ki, iki gün əvvəl Şəmkir və Xaçmaz rayonlarında 10-cu sinif şagirdlərinin arasında yaranan mübahisələr bıçaqlanma ilə nəticələnib. Bir nəfər ölüb. Bu gün səhər saatlarında isə Bakının Ramana qəsəbəsində 2008-cü il təvəllüdlü yeniyetmə özündən 4 yaş böyük şəxsə bıçaqla xəsarət yetirib.
E.Əliyev qeyd edir ki, məktəblərdə kriminal hadisələrin artmasının çox dərin səbəbləri var: “Son illərdə Azərbaycan məktəbi demək olar ki, deqradasiyaya uğrayıb. Məktəblərdə dərs keçirilmir, 9,10,11-ci sinif şagirdləri məktəbə gəlmirlər. Məktəblərimizdəki tərbiyə komponenti artıq yoxa çıxıb. Müəllimlər bu işlə məşğul olmurlar. Ona görə ki, uşaqlar məktəbdə olmurlar. Mən vaxtilə Milli Məclisdə bu məsələləri dəfələrlə qaldırmışam, ancaq təəssüf ki, heç bir tədbir görülmür. Bu, belə davam edə bilməz”.
Keçmiş deputat təəssüflə vurğulayır ki, Təhsil Nazirliyinin rəhbərliyi məktəblərə həddindən artıq ögey münasibət bəsləyir. “Onlar yalnız qrant layihələri düşünürlər. Buna görə də məktəblilərin belə hadisələr törətməsi adi hala çevrilib. Məktəbi bilməyən adamlar məktəbə rəhbərlik edir. Regional təhsil idarələrinə rəhbərlik edən şəxslərin demək olar ki, əksəriyyəti təhsilə bağlı adamlar deyillər. Onlar təsadüfən - şəxsi münasibətlərə və ya digər amillərə görə həmin vəzifəyə təyin olunublar”, - o əlavə edib.
Etibar Əliyev bildirir ki, artıq bu cür hadisələrin qarşısının alınmasının vaxtı çatıb: “Düşünürəm ki, bu istiqamətdə geniş işlər görülməlidir. Maarifçilik işləri aparılmalıdır və bu hadisələr sonlandırılmalıdır. Məktəbi itirən cəmiyyətin gələcəyi görsənmir. Fikir vermisinizsə, elm və təhsil naziri heç vaxt məktəblərdəki davamiyyətdən danışmayıb. Səbəb ondan ibarətdir ki, uşaqlar məktəbdən yayınıb, fərdi hazırlığa yönəlsinlər ki, valideyn də böyük vəsaitlər xərcləsin. Yəni məqsəd maddiyyatın artmasıdır”.
Təhsil eksperti Azərbaycanın böyük zəfər qazandığını xatırladır və hesab edir ki, cəmiyyət bu zəfərin bəhrəsini görməlidir: “İstedadlı, düşünə bilən milli kadrların yetişməsi üçün əlimizdən gələni əsirgəməməliyik. Elə bir gənc nəsil yetişdirməliyik ki, onlar insan kapitalına töhfə versin, ölkənin gələcəyini düşünsünlər. Bütün bu rüsvayçı hallar bizi düşündürür. Böyük təhsil fədaisi, maarif naziri olmuş, Azərbaycanda məktəbləşmənin təşəkkül tapmasında böyük rolu olan akademik Mehdi Mehdizadə deyirdi ki, "Nazir öz kabinetində otura-otura Kəlbəcərin, Laçının, Tovuzun, Xaçmazın və digər rayonların ən ucqar kəndində olan təhsili, məktəbi hiss etməlidir". İndiki nazir nazirlik binasından heç 100 metr məsafədə olan məktəblə də maraqlanmır, orda nə baş verdiyini başa düşmür. Bilir, amma ona belə reaksiya vermir...”
Bir aydan artıqdır ki, “SOCAR Petroleum” şirkətinin bazasından rayonlara yanacaq verilmir. Bunu “Hürriyyət”ə müraciət edən sahibkarlar iddia edirlər. Onlar bildirirlər ki, bir aydır heç bir rayonun bazasında yanacaq yoxdur. Bunun səbəbini öyrənmək istəsələr də, SOCAR-dan heç bir cavab ala bilməyiblər.
Yanacaq doldurma məntəqələrinin (YDM) sahibləri deyir ki, “SOCAR Petroleum”un yaratdığı süni problem səbəbindən, son bir ay ərzində yanacağı Bakıdan daşımağa məcbur olublar. “Bu da əlavə xərclə yanaşı, çox böyük zülmdür. Ona görə ki, Bakıya gecə saat 12-dən tez yük maşını ilə girmək olmaz, səhər saat 5-ə kimi isə tərk etməlisən”, - deyən sahibkarların sözlərinə görə, hazırda Bakıdan Gəncəyə bir maşın yanacağın daşınma xərci 800 manat, Qazaxa isə 1000 manatdır. Hər maşın təxminən 30 ton yanacaq daşıyırsa, bu, hər litrə görə əlavə 3,3 qəpik məsrəf artımı deməkdir.
YDM rəhbərləri deyir ki, Bakıdan rayonlara yanacaq daşımaq əlavə xərc olmaqla yanaşı, həm də ciddi təhlükədir: “Gün ərzində 1200-1500 maşın Bakıdan - SOCAR-ın neft bazasından yanacaq doldurub, regionlara gəlməlidir. Bilirsiniz ki, bir neçə gün əvvəl Ucarda maşının biri partladı. Bu maşın Bakının mərkəzində partlasa nə olardı? Şübhəsiz, bu zaman yüzlərlə adam ölə bilərdi. Belə olan halda, bütün regionları Bakıya getməyə məcbur etmək kimə lazımdır?”.
Üstəlik, sahibkarlar haqlı olaraq sual edirlər ki, əgər yanacağı Bakıdan daşımalı olacaqlarsa, o zaman regiondakı bazalar kimə lazımdır: “Bu işçiləri niyə saxlayırlar? Bu, çox gülünc bir haldır. SOCAR-ın yeni prezidenti bunu niyə edir, biz başa düşə bilmirik. Axı, biz uzun illərdir rayonlardakı bazalardan yanacaq götürərək satıb, dövlətin vergisini də vermişik. İndi bu “yenilik” anlaşılan deyil”.
Şikayətçilər onu da da deyir ki, “SOCAR Petroleum” şirkətinin bu qərarı Bakıda əlavə sıxlıq yaradır: “Deyirlər ki, Bakıda sıxlığı azaldaq. Ağır tonajlı, təhlükə mənbəyi olan, 30-50 ton yük daşıyan maşınların Bakıya girib-çıxması nə deməkdir? Bu təhlükə deyilmi? “SOCAR Petroleum” şirkətinin rəhbərliyi nə fikirləşir, biz bilmirik. Sizdən xahiş edirik ki, bu problemi işaqlandırın, yanacaq regionlara gəlsin, sahibkarlar da bazalardan götürüb satsın”.
Sahibkarlar hesab edir ki, SOCAR rəhbərliyinin bu qərarının iki məqsədi ola bilər: “Ya SOCAR çox qazanmaq, ya da bizim kimi xırda sahibkarları aradan çıxarmaq istəyir ki, özünə əlavə yanacaq doldurma məntəqələri açsın. Təsadüfi deyil ki, son bir ay ərzində gündə 2-3 ton yanacaq satan YDM-lər artıq bağlanır, sahiblkarlar, işçilər işsiz qalır. Şübhəsiz, bu insanlar da dövlətdən, ölkə rəhbərliyindən narazı qalır. Yəni bir məmurun şıltaqlığı nəticəsində yüzlərlə, minlərlə adam işsız, ailəsi çörəksiz qalır”.
“Hürriyyət”
Ən yeni tarix. Maraqlı faktlar.
- Mən axşam sizi restorana dəvət edirəm, buna görə sizə istədiyiniz qədər pul verəcəm.
- Dəvətinizə görə çox sağ olun, amma mən onu qəbul edə bilməyəcəm və mən pula satılmıram.
İmtina cavabını eşidən kişi qızın qolundan tutur, o biri əli ilə pencəyinin cibindən bir topa pul çıxarıb qızın üzünə çırpır:
- Sən bu qədər qudurmuş fahişəsən ki, mənim sözümdən çıxırsan?
1952-ci ilin iyun ayında Moskvanın məşhur restoranlarının birində baş verən dava günün səsli-küylü mövzusuna çevrilərək mərbuata da sızır. Müştərinin xidmətçi qıza intim təklifi müştəri ilə restoran işçilərinin arasında davaya səbəb olur.
Münaqişə müştərinin restoran işçilərinə odlu silahdan atəş açması ilə yekunlaşır. Üç nəfər yaralanır, silahlı müştəri Tengiz Alabidze isə milislər tərəfindən saxlanılır. Bu insident böyük bir cinayətin üstünün açılmasına səbəb olur...
Tengiz Alabidze 1949-cu ildən Kuybışevdə şərab zavodunun direktoru işləyib. Buna qədər o, Tbilisidə hamam-camaşırxana kompleksinin müdiri olub.
Bu hamam Tbilisidə gizli fahişəxana kimi tanınıb. Müharibədən yayınan Tengiz Alabidzeni bu hamam kifayət qədər zənginləşdirib. Amma buna baxmayaraq, o, daha çox varlanmaq üçün yollar axtarıb. Tbilisidəki erməni dostlarından biri ona “kömək” etmək qərarına gəlib, Alabidzeyə onu Moskvada böyük bir adamla tanış etməyi söz verib.
Beləliklə, dostlar Moskvaya yollanıblar.
Dostunun vasitəçiliyi ilə Alabidze SSRİ Yeyinti Sənayesi Nazirliyinin şərabçılıq baş idarəsinin rəis müavini, milliyətcə erməni olan Nikolay Mirzəyanla tanış olub.
İki günlük danışıqlardan sonra Mirzəyan Alabidzeyə Kuybışevdəki (indiki Samara) şərab zovuduna direktor vəzifəsini təklif edib.
Qeyd edək ki, Mirzəyan vəzifə ranqına görə böyük səlahiyyətlərə sahib olmasa da, o, bu nazirlikdə ən ötkəm və sözü keçən şəxslərdən biri olub.
Anastas Mikoyanın kadrı və ona ən yaxın adamlarından biri sayıldığından Mirzəyan bu nazirlikdə istədiyi kimi hərəkət edə bilib. Ölkənin bütün şərabçılıq müəssisələri birbaşa onun nəzarəti altında olub. Sonralar o da məlum olub ki, Mirzəyan Alabidzeni zavod direktoru təyin etdiyinə görə 170 min rubl rüşvət alıb.
Erməni “dayı”sına arxayın olan Alabidze zavod direktoru kimi fəaliyyətə başlayanda böyük məbləğlərdə pul qazanmaq üçün xüsusi mexanizm yaradıb.
Onu da qeyd edək ki, həmin dövrdə ölkədə alkoqollu içkilərin qıtlığı olub. Alkoqollu içkilərin istehsalını, satışını şəxsən Stalin öz nəzarətində saxlayıb. Əsas məqsəd o olub ki, “işbaz”lar bu sahədə bazara müdaxilə edə bilməsinlər. Amma bu “təhlükə” Alabidzeni qorxutmayıb.
Əvvəlcə Alabidze gizli sövdələşmələr nəticəsində zavoda daxil olan şərab xammallarının spirt faizinin daha çox olmasına nail olub. Belə olduğu halda daha çox hazır məhsul əldə etmək mümkün olub ki, onların satışından gələn pullar Alabidzenin şəxsi büdcəsinə axıb. Sözsüz ki, hazır məhsulu satışa çıxarmaq üçün şüşə qablara və onların etiketlərinə tələbat yaranıb.
Alabidze zavoddan kənarda şüşə qabların qəbul məntəqəsini açıb və boş şüşələr digər qəbul məntəqələrindən daha baha qiymətə qəbul olunub. Bununla yanaşı, o, mətbəələrin birindən çap dəzgahı alıb və həmin dəzgahda istənilən qədər etiketlər çap olunub.
Hazır məhsulların satışı Alabidze üçün problem olmayıb.
Zavodda qalan qayimə-faktura ilə hazır məhsulları daşıyan maşınlara verilən qayimə fakturalar fərqli olub.
Mal restoran, kafe, mağazalara çatdırıldıqdan sonra saxta qayimə-fakturalar ləğv edilib.
Digər tərəfdən, Alabidze onun işinə müdaxilə etmək səlahiyyətində olanlarla da dil tapıb. Ən əsası isə o, ayda bir dəfə Moskvaya gedib “dayı”sı Mirzəyanın haqqını verməyi də unutmayıb.
Beləliklə, 3 il ərzində Mirzəyan və Alabidzenin qarşılıqlı fəaliyyəti nəticəsində 20 milyon pul qazanılıb. Mövcud dövr üçün bu ağılasığmaz bir məbləğ sayılıb.
Restorandakı davadan sonra hüquq-mühafizə orqanları Tengiz Alabidzenin fəaliyyətini ciddi araşdırmağa başlayıblar.
SSRİ Daxili İşlər Nazirliyinin sosialist əmlakının dağıdılmasıyla mübarizə idarəsinin (SƏDMİ – rusca OBXSS) əməkdaşları Kuybışevə ezam olunublar.
İki həftəlik araşdırmalardan sonra Alabidzenin bütün maxinasiya həlqələri tam aşkar olunub. Həlqənin digər tərəfindəki Mirzəyan da kənarda qalmayıb.
Axtarış zamanı Mirzəyanın evindən nağd şəkildə 2 milyon 800 min, ailəsindən kənar yaşadığı məşuqəsinin evindən isə 1 milyon rubl tapılıb. Tengiz Alabidzenin təkcə Tbilisidəki mənzilindən 3 milyon rubl, 600 min rubl dəyərində qızıl aşkar olunub.
Mikoyan bu məsələyə tam müdaxilə edə bilməsə də, həmyerlilərini ən ağır cəzadan xilas edə bilib. Məhkəmənin hökmü ilə Mirzəyan və Alabidze 10 il azadlıqdan məhrumetmə cəzasına məhkum ediliblər.
musavat.com
Təhlükəsizlik eksperti: “Düşünmürəm ki, İsrail nə vaxtsa RLS-in imkanlarından istifadə edib”
İsrailin Beyrutu bombalaması nəticəsində “Hizbullah” lideri Həsən Nəsrullahla birlikdə ölən Əli Karaki haqda faktlar yenidən gündəmə gəlib. Əli Karaki “Hizbullah”ın ən təcrübəli komandirlərindən biri kimi tanınıb. O, qruplaşmanın bir çox əməliyyatlarına şəxsən rəhbərlik edib.
Bunun fonunda Əli Karakinin adı Azərbaycanın tarixinə Bakıda terror aktı törətmək istəməsi ilə düşüb. Belə ki, 2008-ci ildə Livan vətəndaşları Əli Karaki, Nəcməddin Əli Hüseyn “Hizbullah” və “Əl-Qaidə” təşkilatlarının rəhbərləri tərəfindən təlimatlandırılaraq Azərbaycana göndəriliblər.(Globalinfo.az) Xüsusilə Əli Karaki Qəbələ RLS-i partlatmağı və bununla da xarici ölkələrin Azərbaycanla əlaqəsini kəsməyi planlaşdırıb. Dəstə üzvləri bir neçə dəfə Qəbələ RLS-in ətrafına getsələr də, planı həyata keçirməyə nail olmayıblar. İttiham aktından məlum olur ki, Əli Karaki və digərləri 2008-ci il mayın 8-də İsrail dövlətinin yaranmasının 60 illik yubileyi günü bu dövlətin Bakıdakı səfirliyində də terror aktı törətməli imiş. Belə ki, 2008-ci ilin aprelində Əli Nəcməddin Ə.Şükürovla İzmir küçəsində kirayələnən mənzilə 1 kiloqram 400 qram plastid adlı partlayıcı maddə, trotil şaşkası, 2 ədəd “EDP-8" tipli elektrodetonatoru və izləmə üçün əlavə durbin, "Soni" markalı videokamera aparıblar. Aprelin 30-da Əli Karaki Ə.Şükürova və Əli Nəcməddinə izləndiyini bildirib. Buna görə də özlərini şübhəli göstərməmək üçün sakitcə yaşadıqları ünvanlara gedib, sonrakı günlər ərzində gizli yollarla İrana qayıtmağı razılaşdırıblar.
Növbəti gün Əli Nəcməddin Əli Karaki ilə 28 May küçəsindəki aviakassaya gəliblər. Orada İrana təyyarə bileti almaqla qonşu dövlətə təyyarə ilə gedəcəyi təəssüratı yaratmaq istəyiblər. Daha sonra isə “20 Yanvar” metrosunun yanına gələrək Astaraya, oradan İrana getməyi planlaşdırıblar. Lakin “20 Yanvar” metrosunun yanında Yasamal Rayon Polis İdarəsinin əməkdaşları Əl Nəcməddindən şübhələnib onu saxlayıblar. Sonradan dəstənin digər üzvləri də ölkəni tərk etmək istəyərkən həbs olunublar. Dəstə üzvlərinin evlərində və kirayə yaşadıqları ünvanlarda aparılmış axtarış zamanı İsrail səfirliyinin, Qəbələ Radiolokasiya Stansiyasının yüksəkdən çəkildiyi fotoşəkillər, Yəhudi Mədəniyyət Mərkəzinin video və fotogörüntüləri olan kaset və disklər, silah-sursat, partlayıcılar götürülüb. Araşdırmaçı-tarixçi Tural Həmid yazır ki, o vaxt 15 il həbs cəzası alan Ə.Karaki sonradan İran və Azərbaycan arasında danışıqlardan sonra dəyişdirildi. Karaki bu müddət ərzində "Hizbullah"ın üçüncü adamına qədər yüksəldi. 2024-cü il sentyabrın 27-də isə İsrailin Beyruta hücumu zamanı “Hizbullah” lideri Həsən Nəsrullahla birgə ölüb.
Arzu Nağıyev
Deputat, Müdafiə, təhlükəsizlik və korrupsiyaya qarşı mübarizə komitəsinin üzvü Arzu Nağıyev “Yeni Müsavat”a deyib ki, terrorçunun dini, məzhəbi olmur: “Qəbələ RLS texniki parametrlərini və münasib yerləşməsini nəzərə alsaq, zamanında dünyada heç bir tayı-bərabəri yox idi. Adətən stansiyanı SSRİ-nin "gözü və qulağı" adlandırırdılar. Stansiya Hind okeanı hövzəsi daxil olmaqla, dünyanın böyük bir hissəni nəzarətdə saxlaya bilirdi. Stansiya üzərindən əldə olunan məlumatlar dövlətlərarası informasiya mübadilə razılaşmalarına əsasən, bir-birinə ötürülürdü. Məsələn, 1991-ci ildə İraqda gerçəkləşdirilən “Səhrada Fırtına” əməliyyatı zamanı Qəbələ RLS ABŞ bombardmançılarından, gəmilərindən və sualtı qayıqlarından 302 qanadlı raketin baraxılması, 15 raketin trayektoriyaya çıxa bilməməsi və 30 raketin də İraq hava hücumundan müdafiə qüvvələri tərəfindən məhv edilməsi hallarının hamısını istisnasız olaraq qeyd etdi. Amma bu stansiyadan əldə olunan məlumatların İsrailə ötürülməsi barədə hər hansı bir sübut yoxdur. İranla bağlı məlumatların İsrailə ötürülməsinin nə dərəcədə real olmasının sübutu yoxdur. Düşünmürəm ki, İsrail Qəbələ RLS-in imkanlarından istifadə edib. Zamanında belə bir stansiyanın partladılması regionda böyük ajiotaj yarada bilərdi. Ümumiyyətlə isə Qəbələ RLS çox ciddi şəkildə qorunurdu. Orada terror törədilməsi də sıradan bir məsələ deyildi. Bu baxımdan, Azərbaycana göndərilən terrorçu dəstənin həbsi də təəccüblü deyildi".
Arzu Nağıyev deyib ki, əməliyyat şəraiti hər zaman olduğu kimi, bu gün də tam nəzarət altındadır: “Cənab Prezident də qeyd etdi ki, sərhədlərimizdən Azərbaycana gələcək hər hansı bir təhlükə, təhdidin qarşısı mütləq şəkildə alınmalıdır. Vətəndaşlamız da ayıq-sayıq olmalı, uzun illərdən sonra bərpa edilmiş ərazi bütövlüyümüzün qorunması üçün atılan addımlara dəstək verməlidirlər”.
E.MƏMMƏDƏLİYEV,
“Yeni Müsavat”
Şəmsəddin Əliyev: “Əgər qohumlardan onu kiminsə görməsi ehtimalları varsa, iş təzələnə bilər”
Kürdəmir rayonu, Bağman kənd sakini Cəbrayılov İlqar İsrayıl oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi bildirir ki, qardaşı 2016-cı ildə naməlim şəxslər tərəfindən oğurlanıb, hələ də tapılmır:
“Mən, Cəbrayılov İlqar İsrayıl oğlu, yazaraq qardaşım Cəbrayılov Vüqar İsrayıl oğlu 1973-cü ildə Kürdəmir rayonun Bağman kəndində anadan olub. Ailəlidir, 3 uşağı var.
2016-cı ildə qardaşım maşınını satıb, təxminən 30-35 baş quzu aldı. O, bu quzuları kökəldib, Bakıda Elməddin adlı qəssaba satdı. Qəssab pulunu ödəməmişdi. Demişdi ki, gələrsən haqq-hesab edərik. Onun dediyinə görə, qardaşım qəssabdan pulunun böyük hissəsini alıb, müəyyən qədər borc qalıb.
2016-cı il, oktyabrın 13-də qardaşım Vüqar Cəbrayılov səhər tezdən Bakı şəhəri, Sabunçu rayonu, Ramana qəsəbəsindən - bacımgilin evindən çıxaraq, qalıq pulunu almaq üçün qəssabın yanına gedib. Qəssab da deyib ki, hələ səhərdir, ət satmamışam, biraz gözlə, nə satsam pulunu sənə verərəm. Bu zaman qardaşım bildirib ki, mən rayona gedirəm, qalan pulu əmim oğlu Cəbrayılov Yaşar Eldar oğluna verərsən. Həmin vaxt əmim oğlu da qəssabxananın yanına gəlib. Vüqardan soruşub ki, hara gedirsən? Qardaşım da Kürdəmirə gedəcəyini bildirib. Deyib ki, getmə, sabah maşınla mən də rayona gedəcəm, birgə gedərik. Qardaşım isə deyib ki, işləri ilə əlaqədar rayona gözləyə bilməyəcək. Əlavə edib ki, Elməddində (qəssabda – müəl.) pulum var, gələndə o pulu da alarsan.
Nə qədər pul olub, onu bilmirəm. Qəssabın dediyinə görə, həmin vaxt qardaşıma zəng gəlib, o, çölə çıxıb. Sonra içəri keçərək, “mən gedirəm” deyib. Ondan sonra qardaşımdan xəbər yoxdur”.
Bu da həmin insanların silahlarını gətirib polis bölmələrinə verilməsində öz təsdiqini tapır” - Şəmsəddin Əliyev
Qeyd edək ki, məsələ ilə bağlı keçmiş polis rəisi, "Polisə Dəstək” İctimai Birliyinin sədri Şəmsəddin Əliyevlə söhbətləşərək, hadisənin mahiyyətini araşdırmağa çalışdıq:
“Bu şəxs 2016-cı ildən itkin düşüb. Əgər yaxınları, doğmaları xəbərsiz itkin düşməsi ilə bağlı şəkilli və yazılı şəkildə ərazi üzrə polis orqanlarına məlumat veriblərsə, təbii ki, həmin polis şöbəsində itkin düşmə ilə bağlı müvafiq iş açılır. Müəyyən müddətdən sonra onun axtarışı ilə bağlı işlər həyata keçirilir. Amma müəyyən müddət ərzində tapılmazsa, şəxsiyyəti ilə, harda olması ilə bağlı bir məlumat daxil olmazsa, bu halda onun itkin düşmüş hesab edilməsi və yaxud da onun ölmüş elan olunması ilə bağlı məhkəməyə edilən müraciətlərə baxa bilər. Əgər məhkəmənin vətəndaşın itkin düşməsi və yaxud ölmüş elan olunması ilə bağlı qərarı varsa, o, ölmüş və yaxud itkin düşmüş hesab olunur.
Keçmiş zamanlarda, yəni sovet dönəmində itkin düşmüş şəxs 6 ay müddətində doğmalarına hər hansı bir məlumat ötürə bilməzsə və onunla bağlı hər hansı məlumat yoxdursa, bu halda o, qətlə yetirilmiş kimi dəyərləndirilərdi. Onun haqqında qəsdən adam öldürmə kimi cinayət işi açılardı. Müəyyən istintaq aparılırdı. İstintaqın nəticəsi olmazsa, müəyyən müddətdən sonra işin istintaqı dayandırılar və hansı bir hərəkət edilməzdi. Amma yalnız və yalnız yeni açılmış hallara görə cinayət işi təzələnə bilərdi”.
Ş.Əliyev vurğulayır ki, Əgər həmin itkin düşmüş şəxsin yaxın adamları istinataqı aparan orqana - polis və ya prokurorluq orqanlarına məlumat verərlərsə ki, bu insanı filan yerdə görüblər - avtobusda, nəqliyyat vasitələrində və s. o halda həmin şəxslərin müraciəti əsasında işin istintaqı təzələnə bilər:
“2016-cı ildə bu günə işin üzərindən 8 il keçib. Böyük ehtimalla, belə qənaətə gəlmək olar ki, vətəndaş qətlə yetirilib. Qəsdən, yoxsa ehtiyatsızlıqdan, bunu ehtimal etmək çətindir. Burada çox fərziyələr işlətmək mümkündür. Amma bütün hallarda versiya söyləmək istəmirəm. Şübhəsiz, yəqin ki, ərazi üzrə cinayət istintaqı gedib. Fakt olaraq hazırda dayandırılıb. Biz istinatqın gedişinə müəyyən mənada maneə ola bilərik. Yəni o faktlar - ehtimallar ki var, onları məcrasından yayındıra bilərik. Düşünürəm ki, əgər doğurdan da qohumlardan onu kiminsə görməsi ehtimalları varsa, bununla bağlı müvafiq orqanlara şikayət etsələr, iş təzələnə bilər. Amma mənim ehtimalım belədir ki, əgər xəstəliyi, anlaqlı vəziyyətdə olmasına dair hər hansı şübhələr yoxdursa, deməli, bu adamı qətlə yetiriblər. Amma bütün hallarda bununla bağlı hər hansı məlumat varsa, işin istintaqı yenilənə bilər”.
Aynurə İSMAYIL
Redaksiyadan: Aidiyyəti qurumların mövqeyini dərc etməyə hazırıq.
Xocalı rayonu, Cəmilli kənd sakini Cavadov Habil Əsgər oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, “Baku Steel Company” QSC -nin rəhbər şəxsləri ona qarşı haqsızlıq edir:
“Mən, Cavadov Habil Əsgər oğlu, 1974-cü il noyabrın 6-da Xocalı rayonunun Cəmili kəndində anadan olmuşam. Orta təhsilliyəm , öhdəmdə iki azyaşlı övladım var. Qızım bu il ADA Universitetinə qəbul olub, 14 yaşlı oğlumun isə psixoloji problemi var, özünü normal idarə edə bilmir. Özüm isə yüksək şəkər, yüksək təzyiq, ürəyin işemiyası, ürəkdə damar tıxanıqlığı, sol qolumda sümük yeyilməsi və s. xəstəliklərdən əziyyət çəkirəm.
2003-cü ilin aprel ayının 15-dən “Baku Steel Company” şirkətində əmək fəaliyyətinə başlamışam. İşlədiyim 20 ildən artıq müddətdə həmişə məsuliyyətli olmuşam, üzərimə düşən işi layiqincə, qüsursuz şəkildə yerinə yetirmişəm. Bir sözlə, işlədiyim müəssisəni “ata ocağım” kimi bilmişəm.
Təxminən 2016-cı ildə bizə sex rəisi təyin olunan Əliyev Anar adlı şəxsin mənə qarşı etdiyi təzyiq və təhdidləri nəticəsində uzunmüddətli stress yaşamışam. Nəticədə, özüm də bilmədən şəkər xəstəliyinə tutuldum.
2018-ci il, avqust ayının 4-də işdə olduğum zaman qəflətən halım pisləşərək, komaya düşmüşəm. Respublika Xəstəxanasının reanimasiya şöbəsində həkimlərin ciddi-cəhdi nəticəsində 3 gündən sonra komadan ayıla bildim. Hazırda “İnsulin”dən asılı şəkərli diabet xəstəsi olmaqla, yüksək təzyiq, ürəyin işemiyası, ürəkdə 40 faiz damar tıxanıqlığı, sol qolumda sümük yeyilməsi və s. bu kimi xəstəliklərdən əziyyət çəkirəm.
4 ildir səhhətimlə əlaqədar yüngül işə keçirilməm üçün zavod rəhbərliyinə saysız-hesabsız ərizələrlə müraciət etsəm də, bu günə kimi müsbət cavab ala bilməmişəm. Üç ilə yaxındır müraciətlərim susqunluqla qarşılanır, sanki kar və kor olublar. Nəhayət, 2023-cü ilin dekabr ayında məhkəməyə müraciət edəcəyimi bildirdikdə, həkimdən sənədlər tələb etməyə başladılar. Bütün həkim sənədlərini, epikrizlərimi təqdim etdim. Lakin yenə də mənim məsələm öz həllini tapmadı.
Son çarə kimi, aidiyyəti üzrə Nərimanov Rayon Məhkəməsinə müraciət etdim. Qarşı tərəfin vəkili həkim məsləhət komissiyasının rəyini gətirməyimi istədi. Onu da gətirib sentyabrın 18-də, son məhkəmə iclasında məhkəməyə təqdim etdim. Qarşı tərəfin vəkili bildirdi ki, mən bu sənədi yox, ekspert komissiyasının rəyini təqdim etməliyəmmiş. Halbuki, söhbət mənim xəstəliyimdən gedirsə, bütün sənədlər, epikrizlər, həkim məsləhət komissiyasının rəyi mənim xəstəliyimi tam olaraq təsdiq edir.
Artıq üçüncü məhkəmə prosesi başa çatıb, hələ də yekun məhkəmə qərarı verilməyib. Növbəti məhkəmə, oktyabrın 9-na təxirə salınıb. İş hakim Səbinə Nuriyevanın icraatındadır.
Qeyd edim ki, 14 yaşlı oğlumun xəstəlik probleminin olması yoldaşımın da işləməsinə imkan vermir. Uşaq Abşeron Rayon Xəstəxanasında, nevraloji şöbədə problemli uşaq kimi qeydiyyatdadır.
Onu da bildirim ki, haqqında bəhs etdiyim sex rəisi Əliyev Anarın mənimlə ədavət aparmasının səbəbi, onun məni öz ərizəm əsasında işdən çıxarılmağıma etiraz etməyim olmuşdur. Yəni onun bu təklifini qəbul etmədikdə, mənə qarşı sərt təhdidlər etmişdir. Bu təhdidlərdən sonra yaşadığım stress nəticəsində yuxarıda qeyd etdiyim xəstəliklərə tutulmuşam.
Bilirəmki, möhtərəm Prezdentimiz İlham Əliyev və Birinci vitse-prezident Mehriban xanım Əliyeva bu kimi neqativ hallardan xəbər tutsa, dərhal tədbir görər, qarşısını alardı.
Bu məktubu yazmaqda məqsədim səlahiyyətli şəxslərdən işimlə bağlı kömək istəməkdir”.
Məsələ ilə bağlı “Baku Steel Company” QSC ilə əlaqə saxlamağa çalışsaq da, zənglərimiz cavabsız qaldı.
Haqqında danışacağımız hekayə cavabdan daha çox sual ehtiva edir. Hər şey 1954-cü ildə baş verib. Adi bir gündə heç bir fərqi olmayan bir təyyarə Tokio hava limanına eniş edib. Sərnişinlər həmişəki kimi gömrük yoxlamasına gediblər. Amma camaatın arasından bir nəfər fərqlənib - orta yaşlı, saqqallı, həddindən artıq səliqəli geyinib ətrafa baxan kişi.
O, növbəsi çatanda iş üçün Yaponiyaya uçub və bunun onun bir ildə üçüncü işgüzar səfəri olduğunu deyib.
Aeroport əməkdaşlarının diqqətini çəkən sənədlərdəki qəribəliklər olmasaydı, o, daha da irəli gedə bilərdi. Məsələn, "Yaşayış ölkəsi" sütununda Taured adlı bir yer göstərilib. Gömrük işçilərinin təəccüblü ifadəsinə cavab olaraq həmin şəxs həqiqətən də Taureddə yaşadığını bildirib və ölkənin xəritədə - hazırda kiçik Andorra dövlətinin yerləşdiyi Fransa ilə İspaniya arasında yerini göstərib. Tauredin dünya xəritəsində olmadığını görən qəribə adam xəritənin təhrif olunduğunu bildirib. Onun sözlərinə görə, bu dövlət 1000 ilə yaxındır ki, mövcuddur.
Və ən qəribəsi odur ki, onun sözlərini təsdiq edən sənədlər var idi: başqa ölkələrin viza möhürləri olan mövcud olmayan ölkənin pasportu, Taured vətəndaşının sürücülük vəsiqəsi və Avropa əskinasları. Adam bir neçə dildə, o cümlədən fransız və yapon dillərində danışırdı. Amma onun başqa sübutu yox idi.
O, hava limanının işçilərini əmin edib ki, Yaponiya şirkətlərindən biri ilə görüşə gecikib. Və belə bir şirkət həqiqətən tapılıb. Yalnız onun işçiləri o, şəxsin varlığından xəbərsiz idilər. İddiaya görə, otaq sifariş etdiyi yerli oteldə onun şəxsiyyətinə dair heç bir qeyd yox idi. Şəxsi identifikasiya üçün son ümid - çek kitabçası da uğursuz olub: bank mövcud deyil.
Onlar naməlum ölkə vətəndaşını saxlamağa qərar veriblər və onu hava limanının yaxınlığında yerləşən otelə aparıblar. Həmin şəxs otaqda immiqrasiya rəsmilərinin nəzarəti altında olub. Səhər onu yoxlamaq qərarına gəlib otağa girəndə otaqda nə sərnişini, nə də əşyalarını tapıblar. O, göründüyü kimi gözlənilmədən yoxa çıxıb.
Ondan yalnız internetdə gəzən, heç kimin həqiqiliyini təsdiq etmədiyi pasport fotoşəkili qalıb./Lent.az
Sentyabrın 21-də Gəncə şəhərində "VMR Estetik" klinikasında mədəkiçiltmə əməliyyatı keçirən və həmin klinikada müalicə alan, Gəncə şəhər sakini 1993-cü il təvəllüdlü G.Bayramovanın sentyabrın 28-də öldüyü bildirilir.
Məsələ ilə bağlı “VMR” estetik klinikasının rəhbəri Vüsal Həsənov “Cebheinfo.az”-a açıqlamasında bildirib ki, Gəncə filialında mədəkiçiltmə əməliyyatı olmayıb:
“Mediada yayılan məlumata görə, bizim klinikamızda Gəncə şəhər sakini 1993-cü il təvəllüdlü G.Bayramova adlı xəstə əməliyyatdan 1 həftə sonra vəfat edib.
Lakin bizim klinikamızda mədəkiçilitmə əməliyyatı olmayıb. Ümumiyyətlə, mədəkiçiltmə əməliyyatı etmək üçün 180 kvm sahə, lazımı avadanlıqlar və şərait olmalıdır. Bizim klinikamızda bunları etmək üçün lazımi imkanlar yoxdur. Bu səbəbdən də mədəkiçiltmə əməliyyatının olması mümkün deyil”.
O qeyd edib ki, məsələ ilə bağlı əlaqədar qurumlara da müraciət edib:
“Klinikamınızla bağlı həqiqəti əks etdirməyən məlumatlara görə bu gün səhər saatlarında (dünən) prokurorluğa getməli oldum. Məsələ barəsində hüquqi tədbir görülməsini tələb edəcəyəm”.
Qeyd edək ki, sözügedən xəbəri İlk olaraq "unikal.org" saytı yayıb.
"İranda Azərbaycan səfirliyinə hücum edən şəxsin cəzasını alması istiqamətində danışıqlar davam edir".
"Report" xəbər verir ki, bunu baş prokuror Kamran Əliyev jurnalistlərə açıqlamasında söyləyib.
Onun sözlərinə görə, bu, prosessual məsələdir: "İndi qarşı tərəfin qərarı təsdiqləməsi gözlənilir".
Qeyd edək ki, 2023-cü il yanvarın 27-də Azərbaycanın Tehrandakı səfirliyinə terror hücumu olub. Terroru törədən İran vətəndaşı Yasin Hüseynzadə "Kalaşnikov" markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı da hücumun qarşısını alarkən yaralanıblar.