 |
|
|
Ermənistan sülh müqaviləsi ilə bağlı Azərbaycanın daha bir təklifini qəbul etməyə hazır olduğunu bildirib.
Söhbət Avropa İttifaqı müşahidə missiyasının Ermənistan-Azərbaycan şərti sərhədindən çıxarılmasından gedir.
“Cebheinfo.az”-ın məlumatına görə, bu barədə Ermənistan Milli Məclisinin sədri Alen Simonyan jurnalistlərə açıqlamasında deyib.
Spikerin sözlərindən aydın olur ki, Ermənistan tərəfi qeyd edilən tələblin yerinə yetirlməsi ilə bağlı Azərbaycana kompromis variant təklif edib. Yəni rəsmi İrəvan avropalı müşahidəçilərin şərti sərhəddən qismən çıxarılmasının tərəfdarıdır.
Qeyd edək ki, Azərbaycan monitorinq missiyasının fəaliyyətini sülh prosesinə maneə hesab edir. Hətta rəsmi Bakı Ermənistan ərazisindən Azərbaycan ordusunun hərbi mövqelərinin kəşfiyyat məqsədilə izləndiyini bəyan edərək Avropa İttifaqına etirazını bildirib. Nikol Paşinyan hakimiyyəti isə müşahidəçilərin fəaliyyət müddəti məsələsinin Ermənistanın Avropa İttifaqı ilə münasibətlərinə aid olduğunu əsas gətirərək Azərbaycanın mövqeyi ilə barışmır. Lakin Alen Simonyanın açıqlaması bu məsələdə Ermənistanın Azərbaycanla konsensusa gələ biləcəyinə işarədir. Xatırladaq ki, hazırda Ermənistan-Azərbaycan şərti sərhədində 209 missiya üzvü fəaliyyət göstərir. Onların operativ qərargahı Keşişkənd rayonunda yerləşir.
Qrupun tərkibinə 8 fransız jandarmı və 15 nəfər alman polisi daxildir. Avropa İttifaqı müşahidəçilərinin fəaliyyət müddəti 2025-ci il fevralın 19-da başa çatacaq. Ermənistan bu müddəti uzatmaqda maraqlı görünür.
Yanvarın 14-də ABŞ ilə strateji tərəfdaşlıq sazişi imzalayan Ermənistan sərhədlərin təhlükəsizliyinin təminatı adı altında missiyanın tərkibini amerikalıların hesabına genişləndirmək istəyir. Bu da şərti sərhədin Qərb və Rusiya arasında geosiyasi qarşıdurma meydanına çevrilməsi deməkdir.
Azərbaycanla Ermənistan arasında sülh sazişinin olmadığını nəzərə alsaq, Nikol Paşinyanın Kollektiv Təhlükəsizlik Müqaviləsi Təşkilatının (KTMT) sərhədlərini Avropa İttifaqı və ABŞ hərbçiləri hesabına gücləndirilmək planı eskalasiyaya gətirib çıxara bilər. Bu baxımdan, Alen Simonyanın Azərbaycanın tələbi ilə müəyyən qədər razılaşması ümidverici görünür.
Parlament sədrinin sözlərinə görə, Ermənistan tərəfi Azərbaycanın tələbini nəzərə alaraq, monitorinq missiyasının şərti sərhəddən çıxarılmasına razıdır.
Lakin rəsmi İrəvan müşahidəçilərin Ermənistan ərazisində qalmasını təklif edir. Simonyan bildirib ki, missiya ofis rejiminə keçməlidir. Alen Simonyan bu barədə müzakirələrin təfərrüatlarını açıqlamaq istəməyib. O qeyd edib ki, məlumatlar sülh danışıqlarına mane ola bilər. “İstisna etmirəm ki, sərhədin demarkasiyası artıq həyata keçirilən ərazilərdə, məsələn, Kirants (Günən) bölgəsində müşahidə missiyasına ehtiyac aradan qalxa bilər. Hazırda dəqiq cavab verə bilmərəm”,-deyə spiker bildirib.
Missiyanın gələcək fəaliyyəti ilə bağlı Azərbaycanla aparılan danışıqların detalları konfidensial saxlanılsa da, Ermənistanın təklifinin mahiyyəti aydındır. Paşinyan hakimiyyəti müşahidəçilərin Ermənistanın içərilərinə çəkilməsini və vaxtaşırı şərti sərhəddə gedərək monitorinq aparımasını təklif edir. Bu missiyanın şərti sərhədin delimitasiya və demarkasiya edilmiş hissəsinə deyil, yalnız razılaşdırılmamış yerlərinə baxış keçirməsi vacib hesab edilir.
Qeyd edək ki, Avropa İttifaqının müşahidə missiyası məqsədlərinin Ermənistanın sərhədyanı ərazilərində sabitliyin yaradılmasına yardım göstərmək, yerlərdə inamı möhkəmlətmək, Ermənistan və Azərbaycan arasında münasibətlərin normallaşdırılmaq üçün Aİ-nin dəstəklədiyi səylərə töhfə vermək olduğu bildirilir. Halbuki, Avropa İttifaqının müşahidəçiləri sərhədyanı ərazilərdə ekalasiyanın qarşısını almaq üçün hər hansı xüsusi səlahiyyətə malik deyillər. Missiya Ermənistan ərazisində yerləşdiyinə görə yalnız münaqişədən çəkinmək barədə tövsiyələrini İrəvana çatdıra bilər.
Ermənistan ordusu Azərbaycanla şərti sərhədə müasir hücum silahları cəmləşdirməsinə və yeni hərbi istehkam qurğuları inşa etməsinə baxmayaraq, Avropa İttifaqı bununla bağlı indiyə qədər rəsmi İrəvana hər hansı müraciət və ya xəbərdarlıq etməyib. Həmin silahların Ermənistana satılmasına missiyada nümayəndələri təmsil olunan Fransa rəhbərlik edir. Deməli, müşahidəçilər öz funksiyalarını yerinə yetirmirlər.
Ermənistandan olan bəzi siyasi ekspertlər də bu missiyanın ölkənin təhlükəsizliyini nəinki təmin etmədiyini, əksinə Rusiya və İranla münasibətlərə ziyan vurduğunu bildirir. Müşahidəçilərin məqsədinin Azərbaycan və Ermənistan arasındakı münasibətləri normallaşdırmaq olduğu barədə iddiaları gəlincə, bunların hər hansı siyasi və hüquqi əsası yoxdur. Çünki Avropa İttifaqının müşahidə missiyası sülh yaratmaq mandatına malik deyil. Vaxtilə sülh danışıqlarında vasitəçilik etmək mandatı yalnız ATƏT-in Minsk Qrupuna verilmişdi.
Hazırda münaqişə başa çatdığına görə Minsk Qrupuna ehtiyac yoxdur və bu format dağılıb. Ona görə də Azərbaycan və Ermənistan Minsk Qrupunun ləğvi üçün ATƏT-ə müraciət etməyə hazırlaşır. Minsk Qrupunun və ya digər üçüncü tərəfin sülh prosesinə müdaxiləsi müzakirələrə mənfi təsir göstərə bilər. Bu kontekstdə Azərbaycan və Ermənistan birbaşa sülh danışıqlarına üstünlük verir. Avropa İttifaqının missiyanı Ermənistan-Azərbaycanla sərhədində yerləşdirmək qərarı da sülh prosesinə ziddir.
Çünki Azərbaycanla Ermənistan arasında sərhədlərin delimitasiya və demarkasiya prosesi başa çatmayıb. Yəni hansısa bir ərazini əsassız şəkildə “Ermənistanın beynəlxalq hüquqla tanınmış sərhədləri” adlandırmaq düzgün deyil. Ermənistan-Azərbaycan xəttinin coğrafi koordinatları yalnız delimitasiya və demarkasiya prosesi başa çatdıqdan sonra müəyyənləşə bilər.
Bu baxımdan, Alen Simonyanın açıqladığı təklif Ermənistanın avropalı müşahidəçiləri ölkədən çıxarmaq istəmədiyini göstərir. Yəni Ermənistan bu məsələdə özünü kompromisə gedən tərəf kimi təqdim etməklə siyasi manipulyasiya edir. Ermənistanın avropalı müşahidəçiləri şərti sərhəddən çıxarmağa razılıq verməsi görüntü xarakteri daşıyır. Məqsəd isə Sovet dövründə mövcud olmuş inzibati sərhədlərin Qərb tərəfindən Ermənistan-Azərbaycan dövlət sərhədi kimi tanınmasına nail olmaqdır. Eyni zamanda, Paşinyan hökuməti bu yolla fəaliyyət müddəti başa çatan müşahidə qrupunu Ermənistanda saxlamağa çalışır.
ABŞ-nin 46-cı prezidenti Cozef Baydenin vəzifəsinin son saatlarında ailəsinin beş üzvünü öncədən əfv etməsi barədə qərar imzalaması, həm ölkə daxilində, həm də beynəlxalq miqyasda ciddi müzakirələrə səbəb oldu.
Baydenin bu addımı, sadəcə ailə üzvlərini gələcək siyasi hücumlardan qorumaq məqsədilə atdığını bildirməsi ilə əsaslandırılsa da, bunun mütəşəkkil cinayət əlamətləri daşıdığı barədə iddialar səsləndirilməkdədir.
***
Baydenin bu qərarı ABŞ tarixində analoqu olmayan bir "demokratiya müdafiəsi" kimi təqdim edilsə də, siyasi mühitdə ciddi şübhələr doğurdu. Ailəsini əfv etmək üçün dövlətin ən yüksək səlahiyyətlərindən istifadə etməsi məsələnin hüquqi tərəfinin daha dərindən araşdırılmasını zəruri edir. Burada əsas sual ortaya çıxır: əgər ailə üzvlərinin səhv hərəkətləri yoxdursa, niyə onların əfv edilməsinə ehtiyac duyulub? Bu, faktiki olaraq gələcəkdə baş verə biləcək hüquqi proseslərin qabağını almaq üçün atılmış bir addım deyilmi?
Baydenin qərarını siyasi motivlərlə əsaslandırması isə vəziyyəti daha da mürəkkəbləşdirir. Yeni prezident Donald Trampın "siyasi hücumlarından" qorxduğunu bəhanə gətirməsi, əslində, siyasi proseslərin təhrif edilməsinə və şəffaflığın zərər görməsinə gətirib çıxarır. Əfv normal halda cəza çəkmiş və ya günahını qəbul etmiş şəxslər üçün nəzərdə tutulur. Ancaq ailə üzvlərinin cinayət törətmədiyini iddia edərək əfv qərarı vermək, qanunun gücünün şəxsi maraqlara xidmət etməsinə işarədir.
Antoni Blinken və dövlətin ədalət sisteminə təzyiq
Bayden administrasiyasının xarici siyasətdə əsas fiqurlarından biri olan dövlət katibi Antoni Blinken də mütəşəkkil şəkildə dövlət sisteminin şəxsi maraqlara xidmət etdiyini göstərən fəaliyyətlərlə diqqət çəkir. Blinkenin beynəlxalq arenada həyata keçirdiyi siyasətlər, ABŞ-ın öz maraqlarını qorumaq üçün qlobal miqyasda təzyiq və manipulyasiya siyasəti aparmasını nümayiş etdirir. Blinken və Bayden ikilisi, bəzi analitiklər tərəfindən mütəşəkkil cinayətkar qrup kimi təqdim edilir. Çünki onlar həm daxili, həm də xarici siyasətdə dövlətin resurslarından şəxsi maraqlar üçün istifadə etməkdə ittiham olunurlar.
Blinkenin Bayden administrasiyasında strateji mövqedə olması, ailə üzvlərinin əfvi məsələsində də diqqətdən yayınmır. Əfvlərin arxasında potensial siyasi və hüquqi motivlərin olması ehtimalı, Bayden-Blinken tandeminə qarşı olan tənqidləri gücləndirir. Bu tandem, əslində, ABŞ siyasətində korrupsiyanın ən yüksək səviyyəyə çatdığını göstərən bir nümunə kimi təqdim olunur.
Cinayətkarlığın ört-basdır edilməsi
Baydenin ailə üzvlərinin əfv edilməsi, dövlət səlahiyyətlərinin şəxsi məqsədlər üçün istifadəsinin açıq nümunəsidir. Əgər ailə üzvləri günahsızdırsa, gələcəkdə cinayət təqiblərindən qorxmağa nə əsas var? Bu addım, əslində, hüquqi proseslərin qarşısını almaq üçün atılan bir qabaqlayıcı tədbirdir. ABŞ Konstitusiyasının verdiyi əfv hüququnun belə istifadəsi, hüquq sisteminə və ədalətə olan inamı ciddi şəkildə zədələyir.
Mütəşəkkil cinayətkar qrup kimi fəaliyyət göstərmək ittihamları yalnız siyasi rəqiblərin irəli sürdüyü iddialar deyil, həm də hüquq və politologiya mütəxəssislərinin müzakirə etdiyi bir mövzudur. Bu ittihamlar Bayden administrasiyasının fəaliyyətini daha ciddi araşdırma və hüquqi nəzarət altına almanın vacibliyini ortaya qoyur.
Ekspertlər hesab edirlər ki, Baydenin prezidentlik dövrünün son saatlarında atdığı bu addım ABŞ-ın demokratiya və şəffaflıq dəyərləri ilə ziddiyyət təşkil edir. Ailə üzvlərinin siyasi hücumlardan qorunması bəhanəsi ilə verilmiş əfv qərarı, əslində, dövlətin şəxsi maraqlar üçün istifadəsinin ən bariz nümunəsidir. Bu hal, təkcə ABŞ üçün deyil, bütün dünya üçün təhlükəli bir presedent yaradır: güc sahiblərinin qanunun üzərində duraraq özlərini və ətraflarını qorumaq hüququ əldə etməsi.
Beləliklə, Bayden və Blinkenin mütəşəkkil şəkildə dövlət mexanizmlərini şəxsi maraqlarına xidmət etdirmək üçün istifadə etməsi, ABŞ-ın demokratik prinsiplərinin gələcəyini ciddi şəkildə sual altına qoyur. ABŞ xalqı və dünya ictimaiyyəti bu məsələyə nə qədər biganə yanaşsa, demokratiya prinsipləri bir o qədər zədələnəcəkdir.
Musavat.com
Suriyanın yeni hakimiyyət orqanları 2019-cu ildə Rusiya şirkəti ilə Tartus dəniz limanının idarə edilməsi üzrə imzalanmış investisiya müqaviləsini ləğv edib.
Musavat.com xəbər verir ki, bu barədə məlumatı Suriyanın “Əl Vətən” qəzetinə Tartus əyalətinin gömrük departamentinin direktoru Riad Cudi açıqlayıb.
Onun sözlərinə görə, Suriya keçid hökuməti limanın restrukturizasiyası üzərində işləyir, onun tam fəaliyyətini bərpa etməyə çalışır. Xüsusilə Suriyanın yeni hakimiyyət orqanları bəzi kateqoriyalı mallar üçün gömrük rüsumlarını 60 faiz azaldıb. Qurum rəsmisi qeyd edib ki, yüksək ödənişlər və logistika xidmətlərinin baha olması səbəbindən dəniz limanı praktiki olaraq fəaliyyət göstərmir: "Rusiya şirkəti ilə imzalanmış Tartus limanına investisiyalar haqqında müqavilə ləğv edilib. Limanın fəaliyyətindən əldə edilən bütün gəlirlər Suriya dövlətinin xeyrinə istifadə olunacaq”.
Suriya hökuməti 2019-cu ildə Rusiyanın “Stroytransgaz” şirkəti ilə investisiya müqaviləsi imzalayıb. Müqavilə 49 il müddətinə nəzərdə tutulub. Suriyanın keçmiş nəqliyyat naziri Əli Hamudun sözlərinə görə, sənəddə Rusiya tərəfinin limanı idarə etməsi və onun modernləşdirilməsinə 500 milyon dollardan çox sərmayə qoyması nəzərdə tutulurdu.
Tartus Suriyanın ikinci ən böyük dəniz limanıdır. Orada 1971-ci ildə ikitərəfli razılaşmaya əsasən təşkil edilmiş Rusiya Hərbi Dəniz Qüvvələri üçün logistika mərkəzi yerləşir. Hazırda Rusiya Suriyanın yeni administrasiyası ilə ölkədəki hərbi bazalarını saxlamaqla bağlı danışıqlar aparır.
Musavat.com
Ukrayna Rada deputatı Dubinski Zelenskiyə ömürlük həbs cəzası istəyib.
Bu çağırışı deputat özünün "Telegram" kanalından edib.
Deputat çağırışı Zelenskinin əvvəlcə itirilmiş əraziləri qaytarmağın mümkün olmadığını bildiyini iddia etdikdən sonra edib.
O bildirib ki, bu, açıq şəkildə Ukrayna Cinayət Məcəlləsinin dövlətə xəyanətlə bağlı 111-ci maddəsinə aiddir. O, sülh sazişlərini rədd edərək, vətəndaşların və dövlətin maraqlarına zərər vurmaqla hərəkət edib və bu, çoxlu insan tələfatına səbəb olub.
Onun fikrincə, hərbi vəziyyət şəraitində Zelenski ömürlük həbsə layiqdir.
Tramp ABŞ-da ölüm hökmünün bərpası haqqında sərəncam imzalayıb.
Demokrat.az xəbər verir ki, bu barədə AP News xəbər verir.
ABŞ prezidenti Donald Tramp rəsmi olaraq vəzifəyə gəldikdən bir neçə saat sonra federal səviyyədə ölüm cəzasının bərpası haqqında fərman imzalayıb. Bununla da 2021-ci ildə tətbiq edilən bu cəza növünə moratorium ləğv edilib. Materialda qeyd olunur ki, sənəd ölkənin Ədliyyə Nazirliyinin əməkdaşlarını bütün lazımi tədbirləri görməyə məcbur edir.
Cəza polis əməkdaşlarının qətli ilə bağlı cinayət işlərində iştirak edənlərə tətbiq ediləcək. Eyni cəza ölümlə cəzalandırılan cinayətlər törətmiş qeyri-qanuni miqrantlara da aid olacaq.
Sərəncamda vurğulanır ki, amerikalıları iyrənc əməllərdən qorumaq ABŞ hökumətinin ən mühüm vəzifəsidir.
Dünya liderləri ABŞ Prezidenti Donald Tramp vəzifəsinə başlaması münasibətilə təbrik ediblər.
“Report” xəbər verir ki, onlar bu barədə “X” hesablarında yazıblar.
Finlandiya Prezidenti Aleksandr Stubb bildirib ki, ABŞ ölkəsinin əsas strateji tərəfdaşı və müttəfiqidir. O, Trampın hakimiyyəti dövründə əməkdaşlığı səbrsizliklə gözlədiyini diqqətə çatdırıb.
Moldova Prezidenti Maya Sandu ikitərəfli münasibətləri yüksək qiymətləndirdiyini vurğulayıb: “Hər iki xalq üçün təhlükəsizlik, enerji əməkdaşlığı və rifahı gücləndirmək üçün birgə işləməyi səbirsizliklə gözləyirik”.
İtaliyanın Baş naziri Corciya Meloni yeni prezidentə ən xoş arzularını çatdırıb: “Əminəm ki, xalqlarımız arasındakı dostluq, habelə bizi birləşdirən dəyərlər İtaliya ilə ABŞ arasında əməkdaşlığı gücləndirməyə, qlobal çağırışlarla birlikdə üzləşməyə və xalqlarımız üçün firavanlıq, təhlükəsizlik gələcəyini qurmağa davam edəcək”.
Baş nazirin sözlərinə görə, İtaliya ABŞ və Avropa arasında dialoqun möhkəmləndirilməsinə sadiq qalacaq.
Gürcüstan Baş naziri İrakli Kobaxidze Trampa uğurlar arzulayıb: “Onun rəhbərliyi altında ABŞ qlobal sülhü təşviq etməli və Gürcüstanla ikitərəfli münasibətləri gücləndirməlidir”.
Çexiya Baş naziri Petr Fiala qeyd edib ki, ABŞ həm təhlükəsizlik, həm də ticarət sahəsində ölkəsinin əsas müttəfiqidir: “Əminəm ki, Prezident Tramp və onun yeni administrasiyası ilə birlikdə bu əlaqələri uğurla inkişaf etdirməyə davam edəcəyik”.
Misir Prezidenti Əbülfəttah Əl-Sisi də Tramp vəzifəyə başlaması münasibətilə ilk təbrik edənlərdən olub: “Mən ölkələrimiz arasında strateji münasibətlərin genişləndirilməsi və hər iki xalqın mənafeyinə, regionumuzda və dünyada təhlükəsizlik və sabitliyin möhkəmləndirilməsinə xidmət edən ümumi maraqlarımıza nail olmaq üçün Zati-aliləri ilə işləməyə, həmçinin əməkdaşlığı davam etdirməyə sadiqliyimizi təsdiqləyirəm”.
Belçika Baş naziri Aleksandr De Kro ölkəsinin ABŞ ilə çoxdankı müttəfiq və etibarlı tərəfdaş olmasına diqqət çəkib: “Belçika qlobal çağırışların öhdəsindən gəlmək, vətəndaşlarımızın rifahını və təhlükəsizliyini artırmaq üçün ABŞ administrasiyası ilə işləməyi səbirsizliklə gözləyir”.
İordaniya Kralı II Abdullah ibn Al Hüseyn də Trampı təbrik edib: “Biz ABŞ ilə tərəfdaşlığımızı yüksək qiymətləndiririk. Daha firavan və dinc dünya yolunda sizinlə işləməyə sadiqik”.
Macarıstanın Baş naziri Viktor Orban da Trampı təbrik edib və ona prezidentlik fəaliyyətində uğurlar arzulayıb.
Kuba hökuməti yanvarın 20-ni Olqin əyalətində sursat anbarında baş vermiş partlayış nəticəsində hərbçilərin ölməsi ilə əlaqədar matəm günü elan edib.
Bu barədə ölkə Prezidenti Migel Dias-Kanel Bermudes sosial şəbəkədə məlumat verib.
“Olqin hərbi dairəsinin hərbi materiallarının saxlandığı tikinti sahəsində həlak olan igid hərbçilərin xatirəsinə yanvarın 20-si səhər saat 6-dan gecə yarısına kimi rəsmi matəm günü elan etmişik”, – o bildirib.
Xatırladaq ki, yanvarın 7-də sursat anbarında baş verən partlayışlar nəticəsində 13 hərbçi ölüb.
Xəbər verdiyimiz kimi Kapitol binasında ABŞ-nin yeni seçilmiş prezidenti Donald Trampın andiçmə mərasimi keçirilir.
Gununsesi.info xəbər verir ki, andiçmə mərasimində “Facebook” sosial şəbəkəsinin yaradıcısı Mark Zukerberq və həyat yoldaşı Priscilla Çan da iştirak edirlər.
Ötən il dekabrın 25-də Aktau yaxınlığında qəzaya uğrayan AZAL-ın Bakıdan Qroznıya uçan sərnişin təyyarəsi birmənalı olaraq Rusiyanın hava hücumundan müdafiə (HHM) sistemi tərəfindən vurulub. Bu gün birgə araşdırmanın əsas suallarından biri budur ki, mülki təyyarəyə atəş açmaq qərarını kim verib və təyyarəni pilotsuz uçuş aparatı ilə necə səhv salmaq olardı?
Bunu “Report”a müsahibəsində Tətbiqi Etnosiyasi Araşdırmalar İnstitutunun direktoru Talqat Kaliyev deyib.
Kaliyev qeyd edib ki, hadisənin özü ilə bağlı araşdırma çox vaxt aparacaq, amma çox yaxında ilkin nəticələr açıqlanacaq. “Azərbaycan və Rusiya tərəfi prosesdə fəal iştirak edirlər. Qazaxıstanın vəzifəsi təhqiqatı koordinasiya etmək və qəzaya uğramış təyyarənin gövdəsinin bütün elementlərinin təhlükəsizliyini təmin etməkdir”, - o bildirib.
O xatırladıb ki, Rusiya təyyarənin HHM sistemi ilə vurulmasını inkar etmir. “Təyyarə vurulub, istənmədən olsa belə. Aydındır ki, heç bir bədxah niyyət olmayıb. Sual budur ki, kim mülki təyyarəni PUA-dan ayıra bilməyib və kim sərnişin təyyarəsinə atəş açmaq əmrini verib”, - agentliyin mənbəsi bildirib.
“Qazaxıstan Aktau yaxınlığında baş vermiş aviaqəzanın təhqiqatını aparan beynəlxalq dövlət komissiyasının rəhbəri kimi özünü ən peşəkar şəkildə və düzgün formada aparır. Bu, onun qərəzsizliyində və həyata keçirilən bütün fəaliyyətlərin şəffaflığında özünü göstərir”, - Kaliyev bildirib.
Politoloq xatırladıb ki, bunun əsas sübutu Qazaxıstanın “qara qutular”ı oxumaq üçün onları qəzaya uğramış “Embraer” təyyarəsini istehsal edən Braziliyaya vermək qərarıdır. Səsyazılarının oxunmasında həm Azərbaycandan, həm də Rusiyadan nümayəndələr iştirak edir.
ABŞ-nin yeni seçilən Prezidenti Donald Trampın andiçmə mərasimi başlayıb.
Kapitolidə keçirilən tədbir həm televiziya kanalları, həm də sosial şəbəkə vasitəsilə canlı olaraq yayımlanır.
Mərasimin görüntülərini təqdim edirik: