 |
|
|
Belə ki, Ucar rayon Kommunal Müəssisəsləri Kombinatının (komxozun) 400 nəfərdən çox işçisi var.Təxminən 70 nəfər komxozun işçisidir, qalan şəxslər isə “DOST” İş Mərkəzi MMC-nin əmək müqaviləsi əsasında orada işləyir.
Bu qədər işçisi olan idarə balaca ərazisi olan Ucar şəhərini təmizləyə bilmir ki, buna görə rayon zibillik içindədir.
Çünki işçilərin əksəriyyəti aylıq haqq verib işə gəlmədən hər ay maaş alırlar.400 nəfərdən çox işçinin təxminən 350 nəfəri işə gəlmir hər ay 150-200 manat arası aylıq haqq verirlər.Həmin pullar komxozun müdiri tərəfindən icra başçısının müavini Vaqif Mehdiyevə (çünki idarəyə nəzarət ona tapşırılıb) çatdırılır.
Teref.az yazır ki, bu müraciəti Ucar rayonundan bir qrup vətəndaş göndərib.
Həttda idarəyə işçilərin davamiyyətini yoxlamağa gələn Əmək və Əhalinin Sosial Müdafiəsi Nazirliyinin əməkdaşlarınada aylıq haqq verilir.Bu səbəbdəndir ki, bu qanunsuzuq barədə tədbir görülmür deyə Ucarda ara qarışıb məssəb itib.Günlərlə zibillər yığılmır, küçələr təmizlənmir.Antisanitariya baş alıb gedir, insanların sağlamlıqları ciddi təhlükə altındadır.Rayona gələn qonaqlar təcüblənib soruşurlar ki, Ucar hansı respublikanın rayonudur ki, belə nəzarətsiz qalıb.
“DOST” İş Mərkəzi MMC-nin əmək müqaviləsi ilə Ucar rayon Kommunal Müəssisələri Kombinatında 68 yaşlı qoca adamlarda işə qəbul olunub ki, onlar heç vaxt işə gəlmədən hər ay maaş alırlar həmdə qocalığa görə təqaüd də alırlar.Həmin qoca adamların fiziki qüvvəsi buna imkan vermir ki, küçə təmizləsin, zibil yığsın və sairə iş görə bilsinlər.
“DOST” İş Mərkəzinin əmək müqaviləsi ilə Ucarda komxozda işləyənlərin davamiyyətini nazirlikdən yoxlamağa gələn olanda heç vaxt işə gəlməyən işçilər həmin günü əyinlərində fəhlə paltarı işdə peyda olurlar.Bunu isə onlara icra başçısının müavini Vaqif Mehdiyev tez məlumat verir.Çünki Vaqif Mehdiyevi gələn yoxlama əvvəlcədən xəbərdar edirki, onlara işdə olmaları barədə məlumat verilsin.Ucarda yoxlama olan kimi rayonun küçələrində əynində fəhlə forması olan işçilər payda olub kimi yer süpürür kimi zibil atır güclü təmizlik işləri gedir.Ancaq yoxlama gedəndən sonra yenə köhnə hamam köhnə tas Ucar zibilliyə qərq olur.
Ucar rayonda yaranmış bu korrupsiya piramidasının başında bir başa icra başçısının müavini Vaqif Mehdiyev və Ucarda yoxlamaya ezam olunmuş vəzifəli şəxslər dayanırlar.
Mərbuat vasitəsi ilə Prezident cənab İlham Əliyevdən xahiş edirik Ucar rayonunda yaranmış bu korrupsiya piramidasının dağıdılmasına, “DOST” İş Mərkəzinin əmək müqaviləsi ilə Ucar rayon Kommunal Məssisəsləri Kombinatnda adı işdə gedib işə gəlməyib aylıq haqq verənlərin işdən kənarlaşdırlıb yerinə kasıb, işsiz, cavan insanların işə qəbul edilməsinə tapşırıq verəsiniz. Hər dəfə yoxlama adı ilə Ucara ezam olunub icra başçısının müavinindən haqq alıb bu qanunsuzluqlara göz yuman vəzifəli şəxslərində barəsində ciddi tədbirlər görməyinizi axhiş edirik.
İmza; Ucar rayon sakinləri
Kamilov Umud Bəybala oğlu
İbrahimov Abbas Dadaş oğlu
Əliyev İntiqam Sahib oğlu
Səmədov Tahir Məmməd oğlu
Teref.az olaraq qarşı tərəfində mövqeyini dərc etməyə hazırıq!
Teref.az
Bir millətin gələcəyini məhv etməyin ən asan yolu onun təhsilinə zərbə vurmaq və savadsız cəmiyyətin formalaşmasına nail olmaqdır. Bəli,"Təhsil millətin gələcəyidir". Necə deyərlər, "Qüvvət elmdədir başqa cür heç kəs, heç kəsə üstünlük eyləyə bilməz". Azərbaycanın təhsil sahəsində uzun illər dövlət tərəfindən həyata keçirilən islahaltlar nəticəsində ölkədə savadlı kadrların formalaşması geniş vüsət alıb.
Bu işdə yeni-yeni məktəblərin tikilərək istifadəyə verilməsi, yaxud yenidən qurulması, həmçinin maddi-texniki bazanın formalaşdırılması mühüm rol oynayıb. Lakin təəssüflə qeyd etməliyik ki, təhsil sahəsində hələ də çox ciddi nöqsanlar mövcuddur və bu problemlərin həll olunmaması gələcəyimizi ciddi təhlükə altına qoya bilər.
Belə problemlərdən biri də Bakının Nizami rayonunda yerləşən 201 saylı tam orta məktəbdə tüğyan edir. Hərçənd burada baş verən qanunsuzluqların miqyası o qədər böyükdür ki, adıçəkilən məktəbi elm ocağı adlandırmağa da adamın dili gəlmir. 201 saylı orta məktəb sanki "yeraltı qanunlar"la idarə olunur və direktor Afaq Əliyeva da özünü əməlli-başlı "kriminal avtoritet" kimi aparır. Afaq Əliyeva haqqında şikayətlər o qədər çoxdur ki, artıq sayı-hesabı da bilinmir.
Adıçəkilən məktəbin rəhbərliyi haqda növbəti şikayəti təhsil müəssisəsinin tarix müəllimi, tarix üzrə fəlsəfə doktoru Cəmalə Əsgərova edib. Cəmalə Əsgərovanın iddialarına inansaq məktəbin direktoru Afaq Əliyeva müəllimləri iki hissəsyə bölüb. Onun qanunsuz əməllərinə boyun əyənlərə və sözünü deyənlərə əlavə dərs saatları mükafat kimi verilir.
Digərləri isə ya töhmət alır, ya da dərs saatları azaldılır. Ancaq bütün bunlar Afaq Əliyevanın özbaşınalıqlarının yalnız kiçik bir hissəsidir. Belə ki, özünü "avtoritet" hesab edən direktor dərsə gəlməyən uşaqları qanunsuz olaraq qiymətləndirir, şagird çatışmazlığı səbəbilə sinfi ləğv edir, müəllimləri "şərəfsiz" adlandıraraq şəxsiyyətlərinə həqarətlə yanaşır, səlahiyyəti olmadığı təqdirdə müəllimləri işdən çıxarır, yaxud yerdəyişmə həyata keçirir.
Bütün bunlarla yanaşı bir dəfə tutulmalı olan dərs cədvəlini hər gün dəyişdirir, qəbuluna isə ümumiyyətlə öncədən yazılmadan düşmək mümkün olmur. Bax Afaq Əliyeva bu cür diktator direktor kimi 201 saylı orta məktəbin tarixinə adını yazdırmağı bacarıb. Hər halda tarix müəllimi Cəmalə Əsgərovanın iddialarından bu qənaətə gəlmək mümkündür.
Cəmalə Əsgərovanın iddiaları bununla da bitmir. Onun sözlərinə görə, direktor Afaq Əliyeva ixtisasça əmək müəllimi olan direktor müavini Nəriman Vəliyevlə birlikdə Bakı Şəhəri üzrə Təhsil İdarəsinin Keyfiyyətə nəzarət sektorunun müdiri Anar Mustafazadəni məktəbin 6c sinfində yoxlamaya cəlb edib. Hansı ki, həmin vaxt dərsdə məhz Afaq Əliyevanın qanunsuzluqlarını ifşa edən tarix müəllimi Cəmalə Əsgərova olub:
"Anar Mustafazadə özünü təqdim etmədən icazəsiz və etik davranış qaydalarını pozaraq dərsimə girdi. Nə məqsədlə gəldiyini soruşduqda məqsədinin dərsi dinləmək olduğunu bildirdi. Dərsin bitməsinə 15 dəqiqə qaldığını bildirdikdə saymazyana keçib arxada oturub dərsinizi davam edin dedi. Bu adamın kim olduğunu sonradan öyrəndim.
Məlum oldu ki, Anar Mustafazadənin dərdi məktəbdə boş keçən dərs saatlarının yoxlanılması deyilmiş. Əksinə o, direktorun qərəzçilik edərək töhmətə layiq gördüyü müəllimlərin dərsində oturub iradlar bildirmək üçün gəlibmiş. Görünən odur ki, Anar Mustafazadənin məqsədi direktor Afaq Əliyeva tərəfindən verilən tapşırığı yerinə yetirib. Bundan başqa direktorun tapşırığı ilə 15 sentyabrdan bu günə kimi həftədə 1 dəfə dərsimdə idman, riyaziyyat, əmək müəllimləri, psixoloqlar oturub", - deyə Cəmalə Əsgərova vurğulayıb.
Qeyd edək ki, Cəmalə Əsgərova ona verilən töhməti əsassız hesab etdiyi üçün direktoru məhkəməyə verəcəyini bildirib. Alimlik dərəcəsi olan, 2015-ci ildə "ilin ən yaxşı müəllimi" müsabiqəsinin qalibi seçilərək Prezident tərəfindən birdəfəlik pul mükafatına layiq görülən bir müəllimə qarşı bu cür qanunsuzluqların edilməsi təbii ki, heç bir məntiqə sığmır. Bundan başqa məktəbin direktor müavini işləyən Svetlana Hüseynova da bir müddət öncə direktor Afaq Əliyevadan şikayətçi olmuş və onun özbaşınalıqlarını ifşa etmişdi. Ümid edirik ki, aidiyyatı qurumlar bütün səsləndirilən iddialarla bağlı ölçü götürəcəklər və müəllimləri "cana yığan" direktorun əməlləri araşdırılaraq lazımı qiymət veriləcək.
Yazıda adı keçən şəxslərin mövqeyini dərc etməyə hazırıq!
azerbaycanrealliqi
“Uşaqlar bizim gələcəyimizdir, uşaqlar bizim həyatımızdır. Hamımız uşaqları sevirik və istəyirik ki, Azərbaycan vətəndaşları uşaqlıq illərindən sağlam olsunlar”. Bu sözləri Azərbaycan Respublikasının Prezidenti cənab İlham Əliyev hələ 2010-cu ildə paytaxtın Nəsimi rayonunda fəaliyyət göstərən Əbülfəz Qarayev adına 2 saylı uşaq klinik xəstəxanasının əsaslı təmirdən sonra açılışında iştirak edən vaxt çıxışında söyləmişdi.
Görünən odur ki, maddi-texniki bazası yenilənən, dünyanın ən inkişaf etmiş ölkələrində tətbiq edilən və mürəkkəb cərrahi əməliyyatların aparılmasına imkan verən müasir tibbi avadanlıqların quraşdırıldığı, həkimlər, tibb bacıları və digər tibbi heyətin səmərəli fəaliyyəti, eləcə də uşaq otaqlarında uşaqların əylənmələri üçün hər cür şərait yaradılan bu xəstəxananın rəhbərliyi müəssisəyə və kollektivə dövlət səviyyəsində göstərilən bunca diqqət və sayğıya layiq deyildir.
Bu ilin may ayında Fərid Hüseynov adlı vətəndaşın mətbuatda belə bir şikayəti yayılmışdı: “Gecə saatlarında 4 yaşlı oğlu Cəlal Hüseynovu nəfəs çatışmamazlığı diaqnozu ilə, ağır vəziyyətdə təcili yardım avtomobilinin köməkliyi ilə 2 saylı uşaq klinik xəstəxanasına çatdırıblar. Xəstəxananın qəbul otağında övladımın ağır vəziyyətdə olduğunu görən personal övladımı sənədləşdirib qəbul etdi. Lakin baş həkimin səlahiyyət verdiyi pediatr Günay Cavadova övladımın şəxsiyətini təsdiq edən sənədın olmamasını əsas göstərərək, onu qəbul etməkdən imtina etdi. Mən bildirəndə ki, “şəxsiyyət vəsiqəsinin əslinin şəkili mobil telefonumdadır, gedib əslini gətirib dərhal sizə çatdıracam”, Günay Cavadova övladıma ilkin tibbi yardım göstərilməsinə qəti şəkildə etiraz edərək, uşaqa qoşulan inqalyasiya aparatının qoşülmamasına göstəriş verdi”.
Qəribədir ki, professor Azər Xudiyev hətta doğulan kimi xəstəxananın qapısı ağzına atılan körpələrə göstərdikləri diqqətdən dəm vurduğu halda, niyə onun rəhbərlik etdiyi müəssisənin həkimi 4 yaşlı uşağın həyatını xilas etməyi aradan qaldırılması mümkün bürokratik əngələ satır? Həkim üçün xəstənin həyatını qurtarmaq daha vacibdir, yoxsa, kağız parçası?
Ümumiyyətlə, internet resurslarında sözügedən uşaq xəstəxanasında baş alıb gedən qanunsuzluqlar barədə yetərincə informasiyaya rast gəlmək olar. Media müstəvisinə gedib çıxan narazılıqların, şikayətlərin sayı get-gedə artmaqdadır. Bu günlərdə redaksiyamıza Qasımova Ülviyyə Vaqif qızının müraciəti daxil olub. Şikayətçi bildirir ki, onun dializ xəstəsi olan uşağının yatdığı palatanın ayaqyolunun qapısını “işləmir” adı ilə hər gün saat 15-dən sonra skoçla bağlayırlar. Uşağın palata qonşusu olan qadın xəstəxanadan çıxandan sonra belə qərar verilib. Vətəndaş haqlı olaraq belə bir sual verir ki, onun uşağının başqa xəstələrdən nəyi əskikdir, niyə onun övladı təbii ehtiyacını ödəmək üçün başqa palataya getməlidir?
Sonda 2 saylı uşaq klinik xəstəxanasından yazılmış tənqidi məqalələrin sərlövhəsinə çıxarılmış valideyn fəryadlarına nəzər yetirək: “Müalicəsi üçün pul yığılan Aytac dünyasını dəyişdi: Həkimlər qızımı bu hala saldı”; “Qızım həkim səhlənkarlığının qurbanı olub”; “Qarayev xəstəxanasında VİCDANSIZLIQ”; "Həkim sistemi taxıb çay içməyə getdi, nəvəm keçindi...”; "Uşaqlar əlimizdə göyərir, mən şokdayam, hamı pul davasındadı".
İbrahim Hümbətov //azerinfo.info//
"Şirvan şəhər mərkəzində yerləşən bazarın ətrafı elə bil ki, Somalidi" - bu sözləri "Azərbaycan Reallığı"na sözü gedən ərazidən videoşikayət göndərən sakinlər bildirir."
Bazarda işləyən, xüsusən də ət məhsullarını satan şəxslər tullantıları ayrılan zibil qablarına atsalarda ərazidə olan zibil qabları boşaldılmır, zibil qabları aşıb-daşır.
Bu da antisanitariya vəziyyəti yaradır, üfünət iyindən dayanmaq olmur, xəstəlik mənbəyidir. Dəfələrlə adiyyəti qurumlara şikayət olunsa da baxan yoxdur.
Şirvan Şəhər İcra Hakimiyyəti yalnız şəhərin göz görünən yerlərində yerləşən mərkəz küçələrdə təmizlik işi görür amma şəhərin mərkəzidə çox yerlər bu haldadır iy-qoxudan şəhərdə gəzmək belə olmur "deyə bildiriblər.
Haqqında bəhs edəcəyimiz Cəfər Cabbarlı adına “Azərbaycanfilm” kinostudiyası 1920-ci ildə yaradılıb. Kinostudiyanın yeni binasının əsası 1951-ci ildə qoyulub və 15 ildən sonra hazır olub. 1966-cı ildə bu binada artıq kino istehsalına başlanılıb.
Təsəvvür edirsiniz, kinostudiya 15 ilə başa gəlib... 1989-cu ilin əvvəllərində Mədəniyyət Nazirliyinin tərkibində “Azərkinovideo” İstehsalat Birliyi yaradılıb. Azərbaycan SSR Nazirlər Sovetinin 20.05.1989-cu il tarixli əmrinə və Azərbaycan Mədəniyyət Nazirliyinin 31.05.1989-cu il tarixli qərarına əsasən kinostudya Azərkinovideo İB-nin tərkibinə daxil edilib. Qurum indiki dövrdə Azərbaycan Mədəniyyət Nazirliyinin tərkibində fəaliyyət göstərir. Kinostudiyanın hazırkı direktoru Nazim Hüseynovdur.
Bir daha qeyd etmək istəyirik ki, loru dildə desək, bura kino fabrikidir, kino pavilyondur, burada kino çəkilir, kino istehsal edilir...Belə bir industriyanı başa gətirmək üçün 100 milyonlar lazımdır... Təsəvvür edirsiniz, ən məşhur filmimiz olan “Dədə Qorqud” filminin bəzi pərdələri bu ərazidə, bu pavilyonda çəkilib. Eləcə də digər məşhur filmlərimiz. İndi bu kinostudiyanın ərazilərini kimlərsə "Ləvəngi" restoranının sahibinə satıb, kino pavilyonlar müxtəlif sahələr üzrə icarəyə verilib, bəs biz harada film çəkəcəyik..? 30 ildir dövlətimizin ərazisində qanlı müharibələr gedir, minlərlə şəhidimiz, qazimiz var. Bəs nə vaxt bu tarixdən bəhs edəcək bir film ortaya çıxacaq..? Son 30 ildə Azərbaycan kino rejissorları ortaya bir samballı film qoya bilməyiblər. Hansı ki, bu gün dövlətimiz kino çəkilişləri üçün sovet dövründəkindən 10 dəfə artıq maliyyə ayırır. Amma kinostudiyanın rəhbərlərinin marağı deyəsən tükənib Azərbaycan kinosuna. Sovet dövründə bizim məşhur filmlərimiz çəkilib.
Bu gün cənab Prezidentimiz hər dəfə böyük məbləğdə kino istehsalına maliyyə ayırır. Rejissorlarımız, ssenaristlərimiz ancaq ev, mənzil, fəxri ad davası edirlər. Dünyanın heç bir yerində dövlət kinoya pul ayırmır. Amma Prezidentimiz İlham Əliyev büdcədən əvvəl 3 milyon, sonra 6 milyon pul ayırdı. Bu pul Mədəniyyət Nazirliyinə ayrılmışdı ki, kinonun inkişafı ilə bağlı işlər görsünlər. Amma bunu etmədilər. Pullar Mədəniyyət Nazirliyi tərəfindən acgözlüklə yeyildi. O pulun heç bir faizi də belə kinoya sərf olunmadı. Bütün bunlar azmış kimi indi məlum olur ki, ümumiyyətlə, Kinostudiyanın ərazisini satıblar. Bəli, “Azərbaycanfilm” kinostudiyasının həyətini özəlləşdiriblər.
Mediada yayılan məlumatdan bəlli olur ki, kinostudiyanın həyətinin böyük bir hissəsi, daha dəqiq desək 4 hektar ərazi, “Tərəqqi” tikinti şirkətinə verilib. Dövlət Əmlak Komitəsi məsələyə aydınlıq gətirib: Ərazi Mədəniyyət nazirliyinin və kinostudiya rəhbərliyinin icazəsi ilə özəlləşdirilib. Hələ bu harasıdır..? Kinostudiyanın ərazisi hissə-hissə taxta sexlərinə icarəyə verilib. Və üstəlik kinostidiyanın böyük bir ərazisi “Ləvəngi” restoranı tərəfindən zəbt olunub. “Ləvəngi” restoranın sahibi Hacı Səxavət əslən Lənkəranlıdır və müxalifətçi, AXCP sədri Əli Kərimlinin yaxın dostudur. Hacı Səxavət eyni zamanda azərbaycanlı iş adamı, hazırda Türkiyədə yaşayan Mübariz Mənsimovun yaxın dostudur, Şeyx Allahşükür Paşazədə ilə yaxın dost münasibətləri var.
Biz bir media olaraq hesab edirik ki, kinostidiya millət üçün MƏBƏD-dir, buranı zəbt etməyə, satmağa kimsənin haqqı yoxdur. Ona görə də “Ləvəngi” restoranın sahibi Hacı Səxavət kinostudiyanın ərazisini təcili tərk etməli, zəbt etdiyi ərazini təmizləməlidir.
Bu yazını yazmaqda bizim nə hacı Səxavətlə, nə də başqa bir şirkətlə zərrə qədər problemimiz yoxdur. Bizi düşündürən millətimizin gələcəyidir. Kinosu olmayan cəmiyyət orta əsr səviyyəsindədir. Biz bu yoldan dönən deyilik, hətta bizə hədə-qorxu gələnlər bizi yandırıb külümüzü sulara səpsələr də. Və ümid edirik ki, son məqamda cənab Prezidentimiz bizim haqq savaşımıza dəstək olacaq. Ay cavabdeh şəxslər, sizdən xahiş edirik qidamız, təhsilimiz, səhiyyəmiz,
mədəniyyətimiz biz istədiyimiz kimi olsa, heç bir düşmən bizim qarşımızda tab gətirə bilməz.
Gundelik baki.com
Əziz dostlar, həmkarlar!
Dünən Azərbaycan Prezident xalqımıza elə gözəl tarixi anlar yaşatdı ki, hələ də onun təsiri altındayıq.
Prezident İlham Əliyev başda olmaqla bütün Ordumuza təşəkkür edir, şəhidlərimizin ruhu qarşısında baş əyirik. Qazilərimizə şəfalar diləyirik.
Qazanılmış uğurlar, ayrı-ayrı sahələrdə görülən müsbət işlər QHT Agentliyində baş verən neqativ halları bizlərə unutdurmamalıdır.
Başqa sahələrə baxıb oradakı idarəetməyə, həyata keçirilən işlərə baxıb yaxşı mənada paxıllıq hissi keçirirəm. Təəssüf olsun ki, QHT Agentliyi ilə bağlı aylardı ortaya qoyulan dəqiq faktlar əksinə kimlərisə qıcıqlandırır və səhv olduğunu bilə-bilə yola davam edirlər.
Amma bunun sonu yoxdur, gec-tez ölkə başçısı bu özbaşınalıqlardan xəbərdar olacaq.
Müşahidələrimiz onu göstərir ki, QHT Agentliyi bir zamanlar Ziya Məmmədovun rəhbərlik etdiyi dövrdə Nəqliyyat Nazirliyindən sonra ən çox tənqid olunan qurumdur. Qoçu dəstələrinə dur deyən yox idi, amma sonunda durdurdular.
Bu gedişlə QHT Agentliyi Ginnesin rekordlar kitabına bu meyara görə düşəcək.
Bir neçə gün öncə Agentlikdən nəzarətsizliyin nəticəsində yaranmış özbaşınalığın bir nümunəsini göstərdik. Suşi, üz kremləri və s. reklamları.
Həmin əməkdaş yenə öz sahibkarlıq fəaliyyətini davam etdirir.
Bu gün isə digər xanım əməkdaşın kofe satışı və kofe falına baxmaq xidməti ilə tanış edirik.
Diqqətlə izləsəniz fotolardan QHT Agentliyinin Çinar Plazadakı və hazırda yerləşdiyi ofisin balkonunda çəkilmiş fotolara rast gələ bilərsiniz. Skrinləri sizə təqdim edirəm. Çox dərinə gedib bu məsələ ilə bağlı bütün detalları açmaq istəmirik, aidiyyəti qurumlar istənilən vaxt araşdıra bilər.
Kim nə istəyir satsın, reklam eləsin, fala baxdırsın. Bu öz işləridir. Bu onların yeni idarəetmə formasıdır.
Belə qəbul olunur, rəhbərlik bu idarəetmədən razıdır.
Sadəcə istəyimiz budur ki, bu sektoru zəlil gününə qoymayın. İnsanların əməyinə hörmət qoyun. Bəyənmədiyiniz bu sektorda kifayət qədər özünə hörmət edən insan var.
Samir Adigozelli
Teref.az
"Araşdırılmasına ciddi ehtiyac duyulur. Yazılanlar doğrudursa, haqqında yazılan rəis ölkə qanunvericiliyini pozduğu üçün ciddi məsuliyyət daşıyır. Yaxud da bu halda kimsə daha "yekə rəis" olmaq istəyir !? Yox?" DİA.AZ bildirir ki, bunu öz paylaşımında tanınmış hüquq müdafiəçisi, Neftçilərin Hüquqlarının Müdafiəsi Təşkilatının sədri Mirvari Qəhrəmanlı qeyd edib.
Hüquq müdafiəçisi 28 may NQÇİ, 3 saylı NQÇS (yəni DDÖ-3) işçisinə istinadən növbəti acınacaqlı vəziyyət haqda məlumat paylaşıb. Neftçinin müraciətində deyilir:
"Həqiqətən də biz boğaza yığılmışıq . 3 saylı Dərin Dəniz özülündə su problemi bitmək bilmir. Su çənlərində 30-40 ton su var, 5 gündür hamamları bağlayıblar, çimməyə icazə vermirlər. Bəhanə də onu gətirirlər ki, su yoxdu. Axı su var: 30-40 ton su var.
Dənizin ortasında bu ağır iş qrafikində neyləyək, necə eləyək axı biz fəhlələr? Platformanın rəisi Şahin Əliyev "gestapo rejimi" yaradıb burda, nə vaxt işə gəlir dərhal hamamları bağladır. Amma 2 gündən bir özü öz otağındakı hamamda çimir.
Biz yazıq fəhlələr gecə-gündüz demədən işləyirik, iş qurtarandan sonra hamamı açın: çimmək istəyirik, deyəndə "su yoxdur" deyir. Hər ay belədir... Bu 3 saylı platformada su problemi heç vaxt həll olunmur. Allaha and olsun, bədənimiz səpib allergiya vermişik əməlli-başlı.
İyrənirik özümüzdən artıq. Nə paltar yumağa icazə verilmir, nə də çimməyə. Amma özü bu gün qəşəngcənə geyinib-keçinib, üz-başını qırxıb, duxu da vurub getdi evinə.
Xahiş edirəm, bunun bir yolunu tapmağa köməklik edin bizə. Ayın 8-dən su üzü görmürük. Çənlər doludur. Hərəsində 15 ton su var, açmırlar krantları..
Burda HİX-in rəis müavini Məhəmməd İbrahimov var , platformanın rəis müavini Şahin Əliyev var... bütün mühəndislər yuxarıda otaqlarında çimirlər... Biz fəhlələr, QƏYTS-in fəhlələri, TQB-3-ün fəhlələri su üzünə həsrət qalmışıq. Mühəndislər geyinir-keçinir, üz-başları tərtəmiz gəzirlər, fəhlələr itin zülmünü çəkir...
Allaha and olsun biabırçı gündəyik.."
İddia olunanlarla bağlı olaraq qarşı tərəfi də dinləməyə hazırıq...Dia.az
Cəlilabadda illərdir ki, qanunsuz torpaq zəbtlərinin qarşısını almaq hələ də mümkün olmayıb. Problem yerində qaldıqca, narazılıqların da sayı artır. Hektarlarla torpaq sahələri məmur qohumları və yaxınları tərəfindən zəbt edilib. Rayonda torpaq əkmək üçün haqqı olduğunu deyən şəhid və qazi ailələri kənarda qalıb. Onlara ancaq yalan vədlər verilir.
Redaksiyamıza üz tutan Qarabağ veteranı Sarvan Xudaverdiyev və Qarabağ əlili Bəxtiyar Qürbətov da bu qanunsuzluqlardan cana doyduqlarını və yerli məmurların isə onların xahişini eşitmədiyini bildirirlər. Sarvan Xudaverdiyev Cəlilabadın Maşlıq, Bəxtiyar Qürbətov isə Muğan kənd sakinidir. Sağlamlıqlarını torpaq uğrunda qoyduqlarını deyən hər iki döyüşçü, o torpaqdan əkib-becərə bilmədiklərindən gileyləniblər.
Onlar məsələylə bağlı İcra başçısı hörmətli Rafiq Cəlilovun da qəbulunda olduqlarını deyirlər. Bəxtiyar Qürbətov icra başçısıyla görüşünü belə xatırlayır:
“Bələdiyyə sədri icra başçısının göstərişini vecinə almır?”
“İcra başçısı Rafiq Cəlilovun qəbulunda oldum. Mən də torpaq əkib-becərmək istədiyimi bildirdim. İcra başçısı Muğan bələdiyyəsinin sədri Vasif Həsənova göstəriş verdi, amma problem həll edilmədi. Belə məlum olur ki, bələdiyyə sədri icra başçısının tapşırıqlarını vecinə almır. Amma Vasif Həsənovun atası Rasif Həsənov 100 hektardan çox ərazini öz himayəsində saxlayır. Bir sözlə, qanunsuz torpaq zəbtlərinə bələdiyyə sədri Vasif Həsənovla atası Rasif Həsənov himayədarlıq edir. Çünki onlar həmin şəxslərlə şərikdirlər”.
Sarvan Xudaverdiyev isə beş il iki ay birinci Qarabağ savaşında döyüşdüyünü, 44 günlük Vətən müharibəsində isə oğlanlarının döyüşdüyünü deyir:
“Bələdiyyə sədri rayon rəhbərinin tapşırığını eşitmirsə...”
“Beş dəfə icra başçısının birinci müavini Qalib Xudaverdiyevin qəbulunda olmuşuq. Sonuncu dəfə isə icra başçısı Rafiq Cəlilovun qəbulunda olduq. Beş il iki ay Qarabağ uğrunda gedən döyüşlərdə iştirak etmişəm. Zəngilanın Mincivan kəndində ayağımdan ağır yaralanmışam. 44 günlük Vətən müharibəsində isə oğlanlarım-Atakişi və Novruz Xudaverdiyevlər döyüşüblər. Bütün bunları icra başçısının diqqətinə çatdırdım. İcra başçısı da mənə torpaq verilməsi üçün bələdiyyə sədri Vasif Həsənova göstəriş verdi. Amma binadan ayrılan kimi problemimiz həll edilmədi. Bir sözlə, bələdiyyə sədri Vasif Həsənov rayon rəhbərinin tapşırığını eşitmirsə, biz onda məcburuq ölkə başçısından kömək istəyək”-deyə Xudaverdiyev bildirib.
Hər iki Qarabağ veteranı torpaqları zəbt edən şəxslərin siyahısını də redaksiyamıza təqdim ediblər. Onlar təklif edir ki, aidiyyatı qurumlar ərazidə araşdırma aparsın və görsünlər ki, bu şəxslər nə qədər yerləri zəbt ediblər. Həmin şəxslərin adlarını və zəbt etdikləri torpaq sahələrinin hektarlarını təqdim edirik:
Maşlıq kənd sakini Şahbazov Əşrəf üç il öncə dünyasını dəyişib, amma 25 hektar torpaq zəbt edib. Ə.Şahbazovun Rusiya vətəndaşları olan oğlanları-Fərail və İntizam Şahbazovlar hər biri ayrı-ayrılıqda 25 hektar yer zəbt ediblər. Onlar Azərbaycanda yaşamadıqları üçün ümumilikdə 75 hektar torpaq sahəsini Uzuntəpə kənd sakini Fariz Nəsirova icarəyə veriblər.
Bundan əlavə Muğan, Maşlıq və Söyüdlü sovetliyinin icra nümayəndəsi Rövşən Həsənovun atası Allahverdi Həsənov 25 hektar yer zəbt edib.
Nəsirov Tural 15, Hüseynov Tahir 5, Hacı Xudu adlı şəxs 5, Zeynal adlı şəxs (Uzuntəpə) 10, Kamran adlı şəxs (Uzuntəpə) 10, Maşlıq sakini Vahid Əliyev 15, Maşlıq kənd sakini Məhərrəmov Həmzəxan 25, Alxas adlı şəxs 40, Eldəniz Novruzov 110 hektar torpaq sahəsini zəbt edib. Qeyd edək ki, haqqında danışdığımız torpaq sahələri Maşlıq kəndinin örüş sahələridir.
Ən sensasion xəbər isə ondan ibarətdir ki, bələdiyyə sədri Vasif Həsənovun atası Rasif Həsənov 110 hektar örüş sahəsini zəbt edib və öz nəzarətində saxlayır.
Cəlilaba icra başçısı təyin edilən Rafiq Cəlilov rayonda işlər görür, problemlərin həllinə çalışır. Şəhid ailələrini ziyarət edir, onların problemləriylə maraqlanır. Bəs görən haqlarında danışdığımız bu iki veteranın niyə probleminin həllinə çalışmır?! Axı bu cür şikayət yazıları rayon adına müsbət göstərici deyil. Ümid edirik ki, hər iki veteranın şikayətinin həll xəbərini də eşidib buna görə icra başçısına təşəkkür edəcəyik.
Mövzu diqqətimizdədir. Yazıda adları hallanan şəxslərin də mövqeyini işıqlandırmağa hazırıq. //teref.az//
"İlk Korrupsiya əməliyatı Azərbaycan Avtomobil Yolları Dövlət AgentliyininYardımlı Yol idarəsində başlandı. İnanırıq ki Yardımlı rayon İcra Hakimiyytindədə əməliyat keçiriləcək bu qədər saxta tender yeyitisinin qarşısı alınacaq.
Qeyd edek ki Yardımlı rayon İcra Hakimiyyətinin Başçısı Əsgərov Ayaz Nərman oğlu keşmiş Nəqliyyat Nazirliyinin müavini Arif Nərman oğlu Əsgərovun qardaşıdır."
Teref.az yazır ki, redaksiyamıza göndərilən şikayət məktubu belə başlayır. Şikayətçi daha sonra məktubunda yazır:
" Yardımlı rayonunda Azərbaycan Respublikasının İqtisadiyat Nazirliyinin Antiihisar və İstehlak Bazarına Nəzarət Xidmətinin Lənkaran Regional idarəsinin əməkdaları ilə Yardımlı rayon İcra Hakimiyyətinin Başçısı,Yardımlı rayon İcra Hakimiyyti Başçısının sabiq müavini Mahir Mirzəyev, Yardımlı rayon İcra Hakimiyyti Başçısının Sosial-iqtisadi inkişafın təhlili və proqnozlaşdırılması şöbəsinin Baş məsləhətçisi Əhəd İsrafil oğlu Bağırov, Yardımlı rayon İcra Hakimiyyti Başçısının Memarlıq və tikinti Şöbə müdiri – baş memar Sərvər Alıhüseyn oğlu Mirzəyev, Aparıcı məsləhətçi (mühəndis) Qabil Təzəxan oğlu Hadiyevlə birləşərək Yardımlı rayonunda elan olunmuş 2023-cü il üzrə tenderi menimsəyiblər saxda yolarla isdediyləri müəsissələri qalib seçiblər və pular müəsissə tərəfindən nağdlaşdırılıb menimsenilib.Yardımlı Rayon İcra Hakimiyyəti “Yardımlı rayonunda abadlıq işlərinin” satınalınması "PRO TƏMİR TİKİNTİ" Məhdud Məsuliyyətli Cəmiyyəti 59.619,85 AZN, Yardımlı Rayon İcra Hakimiyyəti Yardımlı şəhərinin qərq hissəsində yerləşən bir sıra küçələrdə yolların əsaslı təmiri işlərinin satınalınması "PRO TƏMİR TİKİNTİ" Məhdud Məsuliyyətli Cəmiyyəti 754.448,00 AZN, YARDIMLI RAYON İCRA HAKİMİYYƏTİ BAŞÇISININ YARDIMLI ŞƏHƏR ƏRAZİ NÜMAYƏNDƏLİYİ “Müxtəlif abadlıq-bərpa işlərinin satın alınması “Kaspian Standart” Məhdud Məsuliyyətli Cəmiyyəti “ 222.114,21 AZN YARDIMLI RAYON İCRA HAKİMİYYƏTİ BAŞÇISININ YARDIMLI ŞƏHƏR ƏRAZİ NÜMAYƏNDƏLİYİ “Müxtəlif ünvanlar üzrə bir sıra yaşayış binalarında aparılacaq işlərin satın alınması “Kaspian Standart” Məhdud Məsuliyyətli Cəmiyyəti 63.843,9 AZN. 754.448,00 AZN tenderi yeniden elana çıxardlıb və burdada özdərinə yaxın olan müəsissəni qalib seçmek üçün yəni % də razılaşıan müəsissəni seçeceklər ki vəsaiti menimsenilmesi asan olsun.Bu qanunzuluqlar azmış kimi Yardımlı rayon İcra Hakimiyyti Başçısı və Yardımlı rayon İcra Hakimiyyti Başçısının Sənədlərlə və vətəndaşların müraciətləri ilə iş şöbəsinin müdiri Namiq Vəli oğlu Səfərov yol süpürmək üçün işə düzəlmək isdəyən fəhlədən 5000 min manat vəsait alıb bu nece olur fəhlə onsuzda fəhlədirdə ayı 200 manat əmək haqqı üçün 5000 verməlidir.Məşğuluq agentidiy bir acıqlama versin fəhlə düzəlmək üçün 5000 min manat niyə Yardımlı rayon İcra Hakimiyyətinə pul verilməldir? İqtisadiyat Nazirliyinin Antiihisar və İstehlak Bazarına Nəzarət Xidmətinin Lənkaran Regional idarəsinin əməkdaları cənub bölgəsi üzrə keçirilən tenderlərin saxtalaşdırlması barədə bir tədbir görməsni xahiş edirik.İnanırıq ki Yardımlı raynuda bu sadalanan qanunsuzluğların korrupsiya əmələrinin qarşısı tez bir zamanda alınacaqdır.Əvəlcədən təşəkkur edirik."
Teref.az olaraq məktubda iddia olunanlarla əlaqədar qarşı tərəfin mövqeyini dərc etməyə hazırıq!
Teref.az
