Pərəstişkarları uzun müddətdir ki, "Sen Çal Kapımı" serialındakı partnyoru Kerem Bürsinlə ayrıldıqdan sonra Handenin uzun müddət tək başına kədərlənəcəyini düşünürdülər. Amma məlum oldu ki, türk qadını ayrılıqdan sonra müvəqqəti də olsa şəxsi həyatına son qoyanlardan deyil. İndi Hande ErçelTürkiyənin ən zəngin ailələrindən birinin varisinin sevgilisidir.
Bu barədə Referans.az Türkiyə mediasına istinadla xəbər verir.
Qəribədir ki, Hande Erçel ən məşhur serialdakı qəhrəmanının taleyini sözün əsl mənasında təkrarlayır. Hekayədə "Ed" adlı sadə qız uğurlu və varlı bir memarla tanış olur, ona aşiq olur və onunla münasibət qurmağa çalışır. Lakin ailəsi qız sadə ailədən olduğu üçün ona qarşıdır. İndi Erçel də eyni vəziyyətdədir.
Onun sevgilisi Hakan Sabancının valideynləri Türkiyənin ən nüfuzlu ailələrindəndir. Buna görə də, Erçel indi potensial kürəkəninin qohumlarını sevindirmək üçün əlindən gələni edir. Cütlüyə yaxın olan insayderlərin sözlərinə görə, Hakan artıq aktrisaya evlilik təklifi etməyə hazırdır. Ona mane olan yeganə şey aktrisa ilə evlənmək üçün valideyn razılığının olmamasıdır. Görünür, onlar Erçelin açıq-saçıq geyimləri və çox isti fotosessiyaları sevdiyi üçün ailəyə uyğun olmadığını düşünürlər.
Xatırladaq ki, bu yaxınlarda aktrisa Paris Moda Həftəsində hər kəsi heyran edib.O, "Balmain" verilişinə dekolteli və qarnı yarıqlı mini uzun libasda gəlib. Bu dəfə Erçel stilistlərin qaydasına əməl etməyəcəyinə qərar verib: ya üstü açıq, ya da aşağı.

Müğənni Nadir Qafarzadə sosial şəbəkə hesabında canlı yayımda giley-güzar edib.

Lent.az-ın xəbərinə görə, müğənni ad çəkmədən hədəf aldığı məşhurlar barədə ağır ifadələr işlədib.

“Hansı sosial şəbəkəni açırsan, 3 tərbiyəsizi görürsən. Hamı onlara baxır, hamı onları varlandırır. İnsanlar ən vacib məsələlərini qoyublar kənara, ancaq bu üç nəfər əxlaqsızla məşğuldur. İş ondadır ki, nifrət də etmirlər, onlara pullar qazandırırlar.

Bir gecədə 25 min dollar pul qazanan var. Soysuz, köksüz 3 səviyyəsiz cəmiyyətin başını qatır. Problemi olan qaziyə, ehtiyac sahibinə heç kim dönüb baxmır, hamı pulunu tökür bu 3 səviyyəsizə.
Bunlar alimdir, professordur, hərbiçidir, incəsənət xadimidir, kimdir bunlar? Ölkə əhalisinin gör nə qədəri onların səviyyəsindədir, səviyyəniz budur”, - o bildirib.

Nadir Qafarzadə ad çəkməsə də, gələn rəylərdə onun Nia, Sabir və Furkan adlı üç “TikTok”eri nəzərdə tutduğu yazılıb.

“Bakı Metropoliteni” QSC müğənni Cəlal Abbasov ilə satınalma müqaviləsi imzalayıb.

Yeniavaz.com xəbər verir ki, “Bakı Metropoliteni” QSC tender müsabiqəsi keçirmədən, bir mənbədən satınalma metodu əsasında Cəlal Abbasov ilə 8 min manat dəyərində müqavilə imzalayıb.

Açqlanana rəsmi məlumatda qeyd olunur ki, “Bakı Metropoliteni” QSC fəaliyyətinin 10 illik yubileyi münasibətilə musiqili-bədii tədbirin təşkil olunması xidmətinin “Bir mənbədən” üsulu ilə satınalınmasına dair ƏDV-siz 8000.00 manat (səkkiz min manat, 00 qəpik) dəyərində fiziki şəxs Abbasov Cəlal Ənvər oğlu ilə müvafiq satınalma müqaviləsi imzalayıb.

Eyni zamanda qeyd olunur ki, bu müqavilə üzrə satınalma proseduru dövlət satınalmalarının vahid internet portalında keçirilməyib.

Cəlal Abbasov

Məlumat üçün bildirək ki, “Dövlət satınalmaları haqqında” Qanunun 15.1 maddəsində göstərilir ki, məxfi məlumatlar istisana olmaqla bütün dövlət satınalmaları yalnız portal vasitəsilə həyata keçirilir.

Eyni zamanda Qanunun 49-cu maddəsində qeyd olunur ki, bir mənbədən satınalma metodu aşağıdakı hallarda tətbiq olunur:
– Satınalma predmeti yalnız hər hansı konkret təchizatçıda olduqda;

– Satınalma predmetinin əvəzedicisi və alternativi olmadıqda;

– Satınalma predmetinə təcili tələbat yarandıqda;

– Təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə;

– Satınalma predmeti kəşfiyyat və əks-kəşfiyyat fəaliyyətini təmin edən tələbata aid olduqda.

Qeyd edək ki, Qanunun tələblərindən də göründüyü kimi musiqili-bədii tədbirin təşkil olunması məxfi məlumat hesab oluna bilməz. Bu səbəbdən də, “Bakı Metropoliteni” QSC tender müsabiqəsini bu şəkildə keçirməsi başa düşülən deyil. Üstəlik müqavilənin hansı səbəbdən bir mənbədən satınalma metodu ilə imzalandığı da aydın deyil.

Xalq artisti Natiq Şirinov rəhbərlik etdiyi "Natiq" ritm qrupunun toy qiymətlərini açıqlayıb.

TEREF bizim.media-ya istinadən bildirir ki, bu haqda sənətçi sosial şəbəkə hesabında paylaşım edib.

Nağara ustası quda olduğu Xalq artisti Alim Qasımovla bərabər el şənliklərinə getdiyini bildirib.

Şirinovun çıxışı üçün fantastik qonorar tələb etməsi diqqətdən qaçmayıb.
Belə ki, qonorar 1500 manatla 45 min manat arasında dəyişir. N.Şirinov toyda açılış və aş gətirmə mərasimi üçün 15 nəfərlik musiqiçinin iştirakı ilə 10 min manat tələb edir. Gəlin götürdü, açılış, aşgətirdi və yallı üçün musiqiçiyə 25 min manat, qavaldaşı üçün isə 17 min manat qonorar ödəməlisiniz.

Toyda Alim Qasımovun yer aldığə təqdirdə bu qiymət 30 min manata qədər yüksəlir. Qrupun "Premium paket" adlandırdığı xidmət nə az, nə çox, düz 45 min manat təşkil edir. Sözügedən xidmətə isə gəlingötürdü, N.Şirinov və A.Qasımovun iştirakı ilə açılış mərasimi, aşgətirdi və yallı daxildir.

Məqaləyə dair fotomateriallar:

Aparıcı Elgiz Əkbər eyni studiyanı bölüşdüyü həmkarı barədə danışıb.

Demokrat.az xəbər verir ki, o, aparıcı Pərvanə Tahirqızına təriflə yağdırıb.

Həmkarını tərifləyən Elgiz onun əxlaqını yüksək qiymətləndirib.

"O qədər aparıcı qızlar var ki, nə oyunlardan çıxırlar. Heç kim deyə bilməz ki, yanındakı qızı kiminsə maşınında gördüm. Pərvanə çox namuslu qızdır. Onun başının tacı namusudur. Ona görə hər möhnətinə dözürəm".

Müğənni Aybəniz Bəhramqızının xanəndə Tacir Şahmlıoğlu ilə sevgili olduğunu açıqlaması müzakirələrə səbəb olub.

Belə ki, 65 yaşlı ifaçı Amil Xəlilin aparıcısı olduğu verilişdə Tacir Şahmalıoğlu ilə yaranan tanışlığından danışıb, illər öncə bir yerdə çəkilmiş fotosunu nümayiş etdirib.

Onun iddialarına görə, boşandıqdan sonra T.Şahmalıoğlunun ailəsi onlara elçi gedib, lakin Şahmalıoğlunun atası sonradan onların evlənməyinə razı olmayıb.

Mövzu ilə bağlı Yenisabah.az-a danışan müğənninin oğlu Şahmalı Taciroğlu sözügedən süjetə baxanda əsəbləşdiyini bildirib.

O, anasının güclü qadın olduğunu, bu cür açıqlamalara əhəmiyyət vermədiyini qeyd edib:

“Süjeti mən də gördüm. Açığı, əsəbiləşdim. Verilişin aparıcısı Amil Xəlilə də öz etirazımızı bildirdik. Təəssüflər olsun ki, indiki zəmanə belədir, kimin qarşısına çörək qoyursan, kimi evinin içinə salırsansa, onun çörəyi dizinin üstündə olur, kəsdiyi çörəyə hörmət qoymur. Yaxşılardan iraq, amma əksəriyyət bu cürdür. Belə etmək olmazdı, Amil bizim evimizə gəlib-gedən insan idi, anam onun qarşısına çörək qoymuşdu, biz birlikdə çörək kəsmişdik, o, bu hərəkəti etməməli idi.

Mənim anam çox güclü qadındır. o, belə şeyləri ürəyinə salmır. Hər kəs yaxşı bilir ki, insanlar yaşlandıqca bir qədər fərqli olurlar, hətta bəzilərində yaddaş pozğunluğu da ola bilir. Həmin süjetə baxanlar da yəqin ki, bunu hiss edib”.

Ş.Taciroğlu bu məsələdə 65 yaşlı qadını efirdə bu cür danışdıran aparıcının günahkar olduğunu deyib:

“Yenə deyirəm, bunun günahkarı efirə çıxıb danışanda deyil, onu efirə çıxarıb danışdıranlardadır. Belə etmək olmaz! Əgər bir aparıcı qarşı tərəfi bu cür danışdırıb, süjeti efirə verirsə, deməli, o, birbaşa bizi istəməyən insandır. Bu, reytinq xatirinə olunub, aparıcı da yaxşı bilir ki, bundan reytinq qazanacaq, ona görə də efirə verib”.

Azərbaycanda müğənnilərin toy qiymətləri hər zaman müzakirə mövzusu olub. Son günlər də sosial şəbəkələrdə bu müzakirələr artıb.

Bizdə müğənnilər bütöv toy oxumaqdansa yarım saatlıq gedib fonoqramla çıxış etməyə daha çox üstünlük verirlər. Həm asan, həm sərfəli.

Lent.az azərbaycanlı müğənnilərin yarım saatlıq toy qiymətlərini təqdim edir:

Aygün Kazımova 8 min manat

Röya 8 min manat

Faiq Ağayev 4 min manat

Nəfəs 4 min manat

Səidə Sultan 4 min manat

Üzeyir Mehdizadə 3 min 500 manat

Zamiq Hüseynov 4 min manat

Elnarə Abdullayeva 3 min 500 manat

Miriyusif 8 min manat

Tünzalə Ağayeva 4 min manat

Günay İbrahimli 3 min manat

Brilliant Dadaşova 6 min manat

Xatirə İslam 3 min 500 manat

Manana 4 min 500 manat

Sevda Yəhyayeva 4 min manat

Rəqsanə 3 min manat

Aysun İsmayılova 3 min manat

Nadir Qafarzadə 4 min manat

Namiq Qaraçuxurlu 3 min manat

Zülfiyyə Xanbabayeva 5 min manat

Elton Hüseynəliyev 4 min manat

Xatun 5 min manat

Damla 3 min manat

Xumar Qədimova 4 min manat

Nigar Camal 4 min manat

Türkan Vəlizadə 2 min 500 manat

Gülay Zeynallı 2 min 500 manat

Sevil Sevinc bacıları 4 min manat

Manaf Ağayev 3 min manat

Vəfa Şərifova 2 min 500 manat

Şəbnəm Tovuzlu 3 min manat

Ədalət Şükürov 3 min manat

Rüfət Axundov 2 min manat

Könül Kərimova 3 min manat

Azərbaycanda gənclərin 20 faizi nə işləyir, nə də hansısa təhsil alıb. Bu kateqoriyaya daxil olanlar daha çox kriminal aləm, radikal dini qruplaşmalar üçün asan hədəf hesab edilirlər.

Azərbaycanda NEET (Not in Education, Employment, or Training) göstəricisi açıqlanıb. Bu göstərici 15-24 yaş arasında olan, heç bir yerdə təhsil almayan və işləməyən insanların sayını ifadə edir. Rəsmi rəqəmlərə görə, Azərbaycanda bu göstərici 20%-ə bərabərdir. Yəni ölkədəki 15-24 yaş arası insanların hər beş nəfərindən biri nə oxuyur, nə də işləyir. Onların toplam sayı 270.640 nəfərdir. Uşaqlar niyə təhsildən yayınır, iş həyatından, məsuliyyətdən nə üçün qaçır? Qısa yolla pul qazanmaq arzusu onların psixoloji durumuna necə təsir edir? Bu psixologiyadan necə qurtulmaq olar və özünüinkişafa yönəlmək üçün hansı tədbirlər görülməlidir?

“Kaspi” qəzeti mövzu ilə bağlı məqalə dərc edib.

“Tiktok”er, bloqer olmaq eşqi gəncləri məhv edir”

Psixoloq Təranə Kazımlı deyir ki, ölkə qanunlarına görə 18 yaşa qədər hər kəs yeniyetmə sayılır: “Təhsildən yayınan, işsiz gənclərə sosial şəbəkələrin təsiri daha çoxdur. “TikTok” və digər bu kimi platformalara meyillənib, asan yolla pul qazanmaq həvəsinə düşən gənclərin sayı artıb. Bu gün 50 yaşında olan şəxs 15-24 yaşında olarkən bu tip platformalar yox idi. Ona görə də ailələrdə uşaqlar təhsilə yönləndirilirdi. Postsovet məkanında çox az ailə tapılar ki, orada ali təhsilli şəxs olmasın. Hər kəs təhsil alıb, iş-güc sahibi olurdu. Düşünürəm ki, o dövr ilə bugünkü dövrü müqayisə etsək, vəziyyət dəyişib. Artıq insanlar təhsil alıb müvafiq sahələrdə və ya qeyri-ixtisas sahələrində çalışmaq istəmirlər. Gənclərdən tez-tez eşitdiyim bir fikir var: “TikTok”er, bloqer olacağam”. Bu gün hər kəsin evində televizor var. Uşaqlar televizorda belə “TikTok”a daxil ola bilirlər. Uşaq rol olaraq nəyi görürsə, onu da özünə örnək alır”.


“İnsanlar ancaq pula köklənib”

Psixoloqun sözlərinə görə, platformalar üzərindən “fenomen” olanlar heç düşünmürlər ki, onların ödəniş qarşılığında etdiyi bir sıra reklamlar gələcək nəslin xəstə yetişməsinə səbəb ola bilər:

“Onlar düşünürlər ki, reklamımı edim, pulumu qazanım. Saatlarla canlı yayım açıb monitor qarşısında otururlar. Başları qarışır, günün çox hissəsini hərəkətsiz formada telefon qarşısında keçirdiklərinin fərqinə varmırlar. Mən bu davranışların və bu cür təbliğatın əleyhinəyəm. Hamı qısa yoldan varlanmaq, “az işləyim, çox qazanım” düşüncəsi ilə yaşayır. Heç kim qazandığı pula qane olmur. Əvvəl bir telefon alınırdı və biz onu illərlə işlədirdik, qiymətini bilirdik. Amma bu gün bir telefon alınır, növbəti il onun yeni versiyası satışa çıxan kimi işlətdiyi gözdən düşür, dəyərsizləşir. İnsanlar ancaq pula köklənib”.
Valideynlər bu tövsiyələrə əməl etməlidir

Psixoloqun valideynlərə tövsiyələri də var: “Uşaqların yanında davranışlarınıza diqqət edin. Valideynlər ən azından işdən fürsət olduqda bir kitab oxusunlar, qəzet vərəqləsinlər. Bizim vaxtımızda böyüklər mütaliə edərdi, uşaqlar da maraqla onlara baxardı, soruşardı. Sabah onlar da hansısa kitabı oxumağa başlayardı. Bu gün isə evə gələn televizor, kompüter, telefon qarşısına qaçır. Gənclərin özünütəsdiq etmək üçün müəyyən sektorlarda uzaqdan idarəedilməsi mümkün olan işlər, layihələr hazırlansın. Bu məsələnin Milli Məclisdə müzakirə edilməsini də istəyərəm. Çünki əvvəl insanlar peşələrə yönəlirdilərsə, artıq buna riayət edən yoxdur. Hər kəs sosial şəbəkə platformalarında pul qazanmağın mümkün olduğunu görür və özünə əziyyət vermir”.

İnsanlar problemin fərqində deyillər

Sosioloq Əhməd Qəşəmoğlu isə bildirir ki, insanlar altı yaşa qədər xüsusi təlim-tərbiyə ilə böyüdülməlidirlər: “Ömrün uğurlu bünövrəsi” başlıqlı kitab hazırlamışdım. Düşünürdüm ki bu kitab nəşr edildikdə çox böyük diqqət çəkəcək, lakin gözlədiyim kimi olmadı. Çünki insanlar bu ciddi problemin hələ də fərqində deyillər. Baxın, altı yaşa qədər uşaqlar valideyn himayəsində təlim-tərbiyə görür, bir baza formalaşır. Daha sonra məktəbə gedirlər və orada bu baza daha da təkmilləşdirilir. Lakin bu, hər ailədə belə olmur. Məktəbdə əvvəllər 11 il uşaqlar həm danlanırdı, həm döyülürdü. Son dövrlərdə döyülmək məsələləri yığışdırılır. Lakin düşünün, 11 il üzü danlanan şagirddə nə xanımlıq, nə kişilik qalır? Bu, onların psixologiyasına necə mənfi təsir edir, bir nəfər bunu düşünürmü?”


Xüsusi fəaliyyət proqramı hazırlanmalıdır

Ekspert bildirir ki, doqquzuncu sinifdə şagirdlərin bir qismi, 11-ci sinifdə isə digər qismi məktəblərdən ayrılır. Bu uşaqlar təhsilə yönləndirilmədiyi üçün bəziləri dini qruplaşmalara, kriminal aləmə meyillənirlər: “Azərbaycanda hər rayonda “Gənclər evi” tikilib, niyə bu uşaqlarla maraqlanmırlar? “Gənclər evi”nin potensialından nə üçün maksimum istifadə edilmir? Gənclər üçün xüsusi fəaliyyət proqramı hazırlanmalıdır ki, onların gələcəyi xilas edilsin. Azərbaycan gəncinin 24 yaşa qədər yox, 30 yaşa qədər hissəsi müşahidə edilməlidir. Aidiyyəti qurumlar birgə layihələr həyata keçirməklə bu problem üçün əsaslı çıxış yolu tapılmalıdır”.