“ABŞ-ın yeni seçilmiş prezidenti Donald Tramp özünü gələcək administrasiyanın siyasətlərinə və kadr qərarlarına təsir edə biləcək sıx bağlı texnoloji maqnat qrupu ilə əhatə edib”.
Bizimyol.info xəbər verir ki, bu barədə “NBC News” məlumat yayıb.

Söhbət Trampın üç əsas müttəfiqindən gedir. Telekanal qeyd edir ki, bu, “kölgə prezident” adlandırılan İlon Maskdır. Tramp administrasiyasında o, biznesmen Vivek Ramasvami ilə birlikdə hökumətin səmərəliliyini artırmaq və bürokratiya ilə mübarizə aparmaq üçün yeni nazirliyə rəhbərlik edəcək. Kanal Trampın yaxın ətrafı arasında Trampın administrasiyanın süni intellekt və kriptovalyuta sahəsində siyasətinə cavabdeh olan yeni vəzifəyə namizədliyini irəli sürdüyü sahibkar və investor David Saks və investor Peter Thielin də adını çəkib. Sonuncu, NBC-yə görə, uzun müddətdir Trump tərəfdarıdır və gələn ABŞ administrasiyasına investorun ən azı 10 keçmiş həmkarı, işçisi və ya biznes tərəfdaşı olan istedadlar fondu təqdim edib.

“NBC News” qeyd edir ki, bir qayda olaraq, Tramp təyinatlar üçün Konqres üzvləri, Respublikaçı qubernatorlar və onun kampaniyasının tərəfdarları da daxil olmaqla, siyasi keçmişi olan insanları seçir. Eyni zamanda, bəzi əsas vəzifələr texnologiya sənayesinin aparıcı şəxsləri tərəfindən əvəzlənə bilər. Xüsusilə, "Uber"in biznesin inkişafı üzrə keçmiş direktoru Emil Maykl Pentaqonda mühüm vəzifə ala bilər. Vitse-prezident seçilən Ceyms Devid Vensin baş köməkçisi Geyl Slater ABŞ Ədliyyə Nazirliyinin antiinhisar departamentinə rəhbərlik edə bilər.

Gürcüstanın yeni seçilmiş Prezidenti Mixeil Kavelaşvilinin andiçmə mərasiminə xarici ölkələrin nümayəndələri dəvət edilməyiblər.
Bu barədə parlamentin sədri Şalva Papuaşvili bildirib.
O, mərasimin keçiriləcəyi parlamentin iclas zalında müəyyən məhdudiyyətlərin olduğunu, seçicilər kollegiyasının üzvlərinin iştirakının, həmçinin konstitusiya orqanlarının tam təmsil olunmasının vacib olduğunu qeyd edib.
Papauaşvili mərasimin dekabrın 29-u saat 11-də baş tutacağını qeyd edib.

Politoloq Turab Rzayev "Sherg.az"a bildirib ki, andiçmə mərasiminə xarici ölkələrin nümayəndələrinin dəvət edilməməsinin bir neçə səbəbi var:

"Gürcüstanda hazırda hakimiyyət böhranı var. Həmçinin Salome Zurabişvili özünü hələ də Prezident sayır və vəzifəsini təhvil vermək istəmir. Ona görə də fikirləşirlər ki, yeni Prezidentin inaqurasiyası qalmaqallı ola bilər. Hətta etiraz aksiyaları da mövcuddur. Zurabişvili öz tərəfdarlarını küçələrə çıxmağa, parlamentin və prezident iqamətgahının önünü kəsməyə çağırır. Belə bir şəraitdə də andiçmə mərasimində xarici ölkələrin ölkədəki hakimiyyət böhranına, etirazçılara şahid olmasını istəmirlər. Digər tərəfdən prezidenti faktiki olaraq hakim partiya seçir. Əslində prezident nümayiş etdirmək istəyir ki, burada əsas güc hökumət, Baş Nazir və onları idarə edən "Gürcü arzusu" partiyasının sədri Kavelaşvilidir. Əks halda hakim partiya Zurabişvilini də namizəd göstərməsinə baxmayaraq özünü müstəqil və sərbəst göstərdi. Ölkədə tək güc sahibinin özü olduğunu iddia etdi. Həmçinin hakim partiyanı, onun seçdiyi hökuməti və seçkiləri tanımadı".

Politoloqun fikrincə, Gürcüstan hakimiyyəti bununla yeni Prezidentə də mesaj verilə bilər ki, səni seçən bizik, parlamentdir və inaqurasiyada iştirak edirik:
"Onlar düşünürlər ki, Prezidentin andiçməsində xarici ölkə başçıları olsa, bu, istər-istəməz onun gələcəkdə müəyyən ambisiyalara sahib olmasına gətirib çıxarar. Bunun qarşısını almaq üçün də artıq növbəti Prezidentdə də indidən Salome Zurabişvili hadisəsini yenidən yaşamamaq üçün inaqurasiyanı daha yığcam və təmtəraqlı keçirməyə çalışırlar".

Rusiyadan NATO sərhədinə göndərilən hava şarları Estoniyada çaxnaşma yaradıb. Estoniya KİV-ləri bu hava şarlarının kəşfiyyat apardığını iddia edirlər. Üstəlik, sözügedən şarların üzərində Rusiyanın Ukraynadakı işğalının simvoluna çevrilən - “Z” hərfinin olması daha çox narahatlıq yaradıb.

Britaniya mətbuatının yazdığına görə, Kreml mütəmadi olaraq bu bölgəyə casus şarları göndərir. Qeyd edək ki, sözügedən hava gəmilərinin müşahidə olunduğu Estoniyanın Narva şəhərinin əhalisinin 96 faizini etnik ruslar təşkil edir.

Rəsmi Berlinin xəbərdarlığı reallığa çevrilir?

Xatırladaq ki, hələ dekabrın əvvəlində Almaniya Federal Kəşfiyyat Xidmətinin (BND) rəhbəri Bruno Kahl bəyan etmişdi ki, Rusiya Ukraynadan sonra Baltik ölkələrinə-Latviya, Litva və Estoniyaya hücum edəcək. Kolun fikrincə, Rusiyanın Baltik ölkələrinə müdaxiləsi üçün bəhanə yerli rusdilli azlıqları qorumaq istiqamətində olacaq.

Bundan bir qədər əvvəl, noyabrın 27-də isə Rusiya Təhlükəsizlik Şurasının sədr müavini Dmitri Medvedev də Şimali Atlantika Alyansının hərbi bazalarına zərbə endirməsi ssenarisini istisna etməyib.

Rusiya tərəfi Almaniyanın bir müddət əvvəl rəsmən elan etdiyi hücum ssenarisinə hazırlaşır?

Mövzu ilə bağlı Bizim.Media-ya açıqlamasında politoloq Abutalıb Səmədov bildirir ki, Rusiyanın Ukraynadan sonra Avropaya, əlalxüsus da Baltikyanı ölkələrə hücum edəcəyi barədə yayılan iddiaların heç bir əsası yoxdur:

“Rusiya kifayət qədər yara alıb. Bu gün onun əsas məqsədi Ukraynada nəzərdə tutduğu 4 vilayətin ərazisini tamamilə işğal etməkdir. Bundan artığına onun gücü və vaxtının çatacağını güman etmirəm”.

Həmsöhbətimizə görə, bu xüsusda ABŞ Prezidenti Trampın xarakteri də nəzərə alınmalıdır:

“O, Bayden kimi qətiyyətsiz deyil. Moskva sülh danışıqlarından imtina etsə, Tramp adminstrasiyası daha kəskin addımlar atacaq və öz arsenalındakı ən müasir silahları Ukraynaya verəcək. Belə vəziyyətdə Qərbin Kiyevə yardımları xeyli artacaq. Bu isə Rusiyanın 2022-ci ilin payızına qaytara bilər. Həmin dövrdə 2 ay yarım vaxt ərzində Ukrayna Rusiyanın nəzarətində olan ərazinin 78 min kvadrat kilometrini azad edib. Həmin zaman Rusiya ciddi qorxuya düşərək, ABŞ-ı atom silahından istifadə etməklə hədələdi. Bundan sonra Vaşinqtonun tələbilə Ukrayna hücumları dayandırıldı.

Bu onu göstərir ki, ABŞ ciddi yardım edəcəyi təqdirdə, Rusiyanın vəziyyəti kifayət qədər ağırlaşa bilər. O səbəbdən Moskva istəsə də, onun Baltik ölkələri və digər NATO üzvlərinə hücum ehtimalını mümkünsüz hesab edirəm. Çünki bu halda NATO nizamnaməsinin 5-ci maddəsi işə düşəcək”.

Zurabişvili vətəndaşlar üçün təfərrüatlı şəkildə videomüraciət yayacaq

Gürcüstan prezidenti Salome Zurabişvili Gürcüstan hakimiyyətinə yeni parlament seçkilərinin təyin edilməsi üçün bir həftə vaxt verib.

AYNA xəbər verir ki, bu haqda “Sputnik Georgia” məlumat yayıb.

Məlumata görə sabah o, vətəndaşlar üçün təfərrüatlı şəkildə videomüraciət yaymağa söz verib.