 |
|
|
Bir vaxtlar məşhur türk serialı “Kurtlar Vadisi”ndə Doğu Eşrefoğlu obrazı ilə tanınan Altan Akışık illər sonra ortaya çıxıb.
Ustad aktyor zooparkda görüntülənib.
Yaşlı sənətçini Burak Memişoğlu qonaq edib. O, həmin anları “Instagram” səhifəsində paylaşıb.
“Doğu bəy”in yeni fotoları çox sayda bəyənmə toplayıb və serialın pərəstişkarlarını təəccübləndirib.
Novruz bayramı mərasimləri İranda, xüsusilə də Güney Azərbaycanda və Quzey Azərbaycanda demək olar ki, eyni cür qeyd olunur. Amma ölkənin inkişafı ilə əlaqədar bəzi fərqlər var. Bu fərqləri Güneydən Bakıya gələndə gördüm.
Bu sözləri Axar.az-a güneyli fəal və yazıçı İbrahim Şizli deyib.
O, Bakıdakı bəzi Novruz adət-ənənələrinə təəccübləndiyini bildirib:
“Bakıya yeni gələndə mənə bir neçə ənənə çox maraqlı gəldi. Məsələn, papaqatdı. Bu, şalsallamanın yeni forması idi. Bir də görürdün qapı döyüldü və qarşında papaq var. Elə bilirdik ki, kimsə papağını unudub və onu götürürdük. Belə gülməli bir vəziyyət yaranırdı. Bu tayda dörd dəfə çərşənbə qeyd olunur. Dörd dəfə od yandırılır. Güneydə iki dəfə - Su və Od çərşənbəsində tonqal qalanır. Bizim məhəlləmizdə cavan uşaqlar tonqalın ətrafına yığışıb, oxuyub-oynayırdılar, heyrətlənirdik. Həmçinin, bayram axşamları da bu cür tonqal mərasimləri keçirirdilər. Musiqi alətləri gətirib, ifa edirdilər. O tayla müqayisədə çox fərqli keçirilirdi. Gördüklərimə əsasən, deyə bilərəm ki, buranın Novruz bayramı çox əzəmətli, şanlı idi. Hətta dövlət səviyyəsində yüksək səviyyədə qeyd olunur. Mən buradakı mərasimlərdən videolar hazırlayıb, dostlarıma göndərirəm ki, baxsınlar, burada necə əzəmətli qeyd olunur. Çoxu elə bilir ki, bu tərəfdə qeyd olunmur”.
O, getdikcə bayramların əvvəlki təmtəraqda qeyd olunmamasından şikayətlənib:
“Bunları qoruyub-saxlamaq lazımdır. Bu il yaşadığımız ərazidə, düzü, daha sönük keçdi. Əvvəl tonqal ətrafına çoxlu gənc toplaşırdı. Bu dəfə isə məhəlləmizdə nə çərşənbələrdə od yandırıldı, nə də bayramda. Bu da ola bilsin, camaatın yaşayış tərzi ilə əlaqəlidir. Bir telefonla, şəkilli mesaj göndərməklə bayramlaşırlar. Buna çox təəssüf edirəm. Dəyərlərimiz tariximizdir. Bu tarixi ənənələrimiz yavaş-yavaş yaddaşlardan silinir. Bunu belə görmək istəmirəm”.
İranın xarici işlər naziri Hüseyn Əmir Abdullahiyan Novruz bayramı ilə bağlı qalmaqallı paylaşım edib.
“Twitter” səhifəsində paylaşım edən nazir, təbrik mesajında dahi şairimiz Nizami Gəncəvini İran şair kimi təqdim edib.
Vurğulayaq ki, bu İran rəsmilərinin səsləndirdikləri ilk sərsəm fikir deyil.
Baku TV-nin mövzu ilə bağlı hazırladığı süjeti təqdim edirik:
Heydər Əliyev adına Müasir Təhsil Kompleksində Bakı Şəhər İcra Hakimiyyəti və MTK-nın birgə təşkilatçılığı ilə "Vətən müharibəsi tarixi: Şəxsiyyət faktoru" kitabının ingilis dilində nəşrinin təqdimatı keçirilib. Tədbirdə BŞİH-nin məsul əməkdaşları, kompleksin müəllim və şagirdləri iştirak ediblər.
Tədbirin əvvəlində iştirakçıların ifasında Dövlət Himnimiz oxunub, sonra vətənimizin azadlığı, müstəqilliyi və ərazi bütövlüyü uğrunda şəhid olmuş soydaşlarımızın əziz xatirəsi bir dəqiqəlik sükutla yad edilib. Vətən müharibəsində qazanılan Şanlı Qələbəyə həsr edilən video-çarx nümayiş etdirilib.
Tədbiri açan Müasir Təhsil Kompleksinin direktoru Aygün Mikayılova qonaqları və tədbir iştirakçılarını salamladı, Qarabağ həqiqətləri və 44 günlük Vətən müharibəsində qazandığımız Şanlı Qələbənin dünya ictimaiyyətinə çatdırılmasında mühüm rol oynayacaq kitabın əhəmiyyətindən söz açdı.
Bakı Şəhər İcra Hakimiyyəti başçısı Aparatının şöbə müdiri Elmin İmanov bildirib ki, kitab Bakı Şəhər İcra Hakimiyyəti və Tarix İnstitunun birgə layihəsidir. Bildirildi ki, kitab Azərbaycan, rus və türk dillərində çap edilib, ərəb və fars dillərində nəşrlərə hazırlıq görülür və bu gün artıq kitabın ingilis dilində nəşrinin təqdimatı keçirilir. O, qeyd edib ki, Vətən müharibəsində qazanılan Şanlı Qələbə ölkə başçısı İlham Əliyevin dahi intellekti və müdrik sərkərdəlik qabiliyyəti sayəsində əldə olunub. Bu da tarixdə şəxsiiyyət faktoru amilini bir daha sübut edir. Kitabın ingilis dilində çap edilməsi dünyanın bir çox ölkələrində yaşayanların bu müharibə ilə bağlı düzgün məlumat almasına kömək edəcəkdir.
Daha sonra çıxış edən MTK-nin şagirdləri Janel Tağıyeva, Leyla Qasımova və Aydan Abbaslı kitabdakı məqalələr və onların məzmunu barədə məlumat verdilər, Banu Dəvəli, Banu Həbibbəyli, Həşim Sadıqov, Kamran İbrahim, Leyla Qasımova və Əli Əliyev kitabdakı bir sira məqalələri təhlil etdilər. Zeynəb Rzayeva və Səma Cəfərova isə kompleksin müəllimləri, Vətən Müharibəsinin iştirakçıları olan Fuad Məmmədov və Asim Rəsulovla video konfrans formatında müsahibələrini təqdim etdilər.
Qeyd edilməlidir ki, bu kitab müharibə tarixinin ilk ümumiləşdirilməsi cəhdlərindən biri olaraq Vətən müharibəsinin əvvəlindən hazırki dövrə kimi olan bütün mərhələləri əhatə edir və qazanılan Şanlı Qələbə müəlliflər tərəfindən ətraflı araşdırılıb. Kitaba tarixçi alimlərin, hərbiçilərin, Milli Məclisin deputatlarının, tanınmış jurnalistlərin Vətən müharibəsi ilə bağlı yazıları daxil edilib.
Xəbər verdiyimiz kimi, Baş prokuror yanında Korrupsiyaya qarşı Mübarizə Baş İdarəsi tərəfindən həyata keçirilmiş əməliyyat-axtarış tədbirləri ilə Səfərbərlik və Hərbi Xidmətə Çağırış üzrə Dövlət Xidmətinin Sabunçu Rayon İdarəsinin vəzifəli şəxsləri vətəndaşlardan rüşvət alarkən cinayət başında yaxalanıb.
Həmin vəzifəli şəxslərin üzərində və xidməti otaqlarında axtarış aparılan zaman iş üzrə əhəmiyyət kəsb edən sübutlar aşkar edilərək götürülüb.
Hazırda istintaq-əməliyyat tədbirləri davam etdirilir.
DİA.AZ bildirir ki, məsələ ilə bağlı Yenisabah.az-a danışan Xalq artisti, şəhid Rövşən Nurzadənin atası Əli Nur vətənpərvərliyin içdən gələn duyğu olduğunu və hər kəsdə olmadığını bildirib:
“Biri var, vətənpərvərlik, biri də var vətən oğruları. Vətənpərvər insanlar ailədə bu cür yetişir, belə tərbiyə olunur və vətəni, dövləti, xalqı, milləti sevirlər. Onlar bu vətən uğrunda canlarından keçən insanlardır.
Mən şəhid olan oğlum Rövşəndən misal gətirəcəyəm, o, “İstanbul” restoranını işlədirdi, iki övladı, cavan xanımı var idi, amma müharibə vaxtı bir kəlmə dedi ki, vətən məni çağırır, getməliyəm. O komissara dedi ki, cavan, 18-19 yaşlı uşaqlar düşmənlə bacara bilməz, ora təcrübəli, mənim kimi zabitlər lazımdır. Özü və onunla bərabər 5 zabit dostu döyüşə getdi. Füzulidə, Cəbrayılda, Qubadlıda vuruşdu, Şuşa uğrunda döyüşdə yaralandı, yaralananda ona morfin vuruldu və hayqırdı ki, qələbəni birimiz canımız, birimiz qanımızla almalıyıq! Amma həmin dövrdə Azərbaycanın bütün məmur, nazir və millət vəkilinin balaları hamısı qaçıb Dubaya, Londona, Avropaya, Amrikaya getdilər. Mən bu haqda prezidentə də müraciət etmişdim. Onlar müharibədən sonra, qələbə qazanandan sonra Bakıya qayıtdılar, atalarının aldığı bahalı maşınlara minib bayraqları çıxarıb şou yaratdılar.
Amma əslində həmin adamlar hamısı fərari idilər. Onlar vətənin, dövlətçiliyin düşməni idilər, lakin görün necə şou yaratdılar. Onların hamısını, ataları ilə bir yerdə içəri basmaq lazım idi”.
Sənətçi İkinci Qarabağ Müharibəsi dövründə ölkədən qaçan məmur övladlarını sərt şəkildə tənqid edib:
“İkinci Qarabağ müharibəsində 3 min şəhid verdik. O şəhidlərin hamısı kasıb balaları idi.
O qaçanlara isə Azərbaycanın pulu lazımdır. Onlara məhz pul lazımdır ki, gedib xaricdə villa alsınlar, otel tikdirsinlər, şirkət qursunlar, kef çəksinlər. Bunlarda milli hiss yoxdur. Milli hiss genlə gəlir, nəsildə olur, evdə aldığı tərbiyədən gəlir. Bir yəhudi misalı var: deyir ki, bir insan 3 nəfər siyasətçi ilə oturub-dursa, 4-cü siyasətçi olacaq, vətənpərvərlə oturub-dursa özü də elə olacaq və narkomanla oturub-dursa, 4-cü narkoman elə özü olacaq. Bunlarda vətənpərvərlik, dövlətə xidmət hissi yoxdur! Onlar gözüyumulu yaşayırlar, çünki hamısının genində qarışıqlıq var, onlarda ya erməni, ya da rus qanı var. Müharibə vaxtı ölkədən qaçan bu adamlar indi milyonlar qazanırlar”.
Vətən müharibəsinə həsr olunmuş filmin çəkilişi baş tutmayıb.
DİA.AZ “Qafqazinfo”ya istinadla xəbər verir ki, bu iddia ilə aktyor Corc Qafarov çıxış edib.
Onun sözlərinə görə, Vətən müharibəsində qazanılan zəfərlə bağlı böyük bir film çəkilməli olsa da, ayrılan vəsait mənimsənildiyi üçün bu, baş tutmayıb.
Ətraflı
Aktyor bu barədə instaqrdam hesabında yazıb:
“Keçən il ikinci Qarabağ müharibəsinə həsr olunmuş, ən əsası zəfərimizlə bağlı böyük bir film çəkilməli idi. Çəkilmədi, çünki böyük miqdarda pullar yeyildi. Kim yedi, necə yedi orasını yalan deyərəm. Hələ bizə ayrılan biabırçı qonorardan danışmıram. Mən öz şəxsimə danışıram ki, o çəkilişə pula görə yox, borc bilib razılıq verdim. Təlimlərə yola düşdük, 1 aya yaxın orada sözün əsl mənasında yaşadıq. Təlimlərdə ayağımız, əllərimiz yara olmuşdu. Bundan şikayətci deyiləm, əksinə bundan həzz alıram. Amma yanımızda olmalıydız, və bütün aktyorlara qulluq etməliydiniz, etmədiniz. Bu əziyyətə görə, biz bu az miqdarda olan qonorara razılıq vermişdiksə, maddi tərəfdən yaramırsınızsa, heç olmasa, mənəvi tərəfdən yarıyardınız. Mən vicdanlı olanlar tərəfindənəm, pul yeyənlər tərəfindən deyil. Mən dünyaya işıq saçan insanlar tərəfindənəm. Mən nə edirəmsə, təmiz iş görürəm. Mənim kimdənsə nə qorxacağım, nə də çəkinəcəyim var. Bu mətni yazdım ki, gec deyil ayılın və vicdanlı olun, işinizlə düzgün məşğul olun. Ümid edirəm, Azərbaycan incəsəntinə ləkə salanlar bir-bir təmizlənərsiniz. Buna əminəm, geci-tezi var!”.
Qeyd edək ki, gənc aktyor təlimlərdən görüntüləri də paylaşıb.
VİDEO BURADA: https://ok.ru/video/4830018734698
Kremlin ən qızğın təbliğatçılarından olan Vladimir Solovyovla bağlı maraqlı məlumatlar dərc olunub.
“AzPolitika.info” xəbər verir ki, Rusiyanın tanınmış “The İnsider” nəşri Solovyovun 1990-cı illərdə qətl sifariş etmək üçün “killer” axtardığını yazıb. Bununla bağlı nəşrə sabiq FTX zabiti Sergey Astaşin məlumat verib.
O, deyib ki, Solovyov şəxsən Astaşindən 10 min dollar müqabilində “killer” tapmasını xahiş edib. Solovyovun öldürtmək istədiyi adam isə “Otari” ləqəbli kriminal avtoritet Otari Kvantrişvili olub.
Jurnalistlə kriminal avtoritet arasında ədavətin nəylə bağlı olduğuna dair məlumat verilmir. Lakin Astaşin deyib ki, Solovyovun təklifini dərhal FTX rəhbərliyinə çatdırıb və bundan sonra indiki Kreml təbliğatçısı, o zamansa nisbətən müstəqil mövqe tutan Solovyov sorğu-suala çəkilib. Astaşin hesab edir ki, məhz həmin vaxt FTX Solovyovu “verbovka” edib və onun indiyə qədər “səhnədə qalması” da məhz FTX ilə əməkdaşlığından qaynaqlanır.
“Otari”-yə gəlincə, xatırladaq ki, bir zamanlar böyük nüfuza malik olan bu kriminal avtoritet elə muzdlu qatil tərəfindən 1994-cü ildə qətlə yetirilib. Lakin bu, Solovyovun sifarişi olmayıb. Yalnız 12 ildən sonra məlum olub ki, qətlin sifarişçisi Kvantrişvilinin şəriki, digər kriminal avtoritet “Silvester” olub.
Avropada yürüş keçirmək üçün Vatsap qrupu yaratdıq. 200-dən çox insan toplandıqdan sonra qərara gəlindi ki, “Zum” toplantısı olsun. Toplantıda bir Koordinasiya Mərkəzi yarandı.
TEREF.AZ bildirir ki, bu sözləri Axar.az-a martın 25-də Brüsseldə keçiriləcək “Azadlıq və Ədalət” Yürüşünün Koordinasiya Mərkəzinin sözçüsü, tanınmış güneyli şairə Şərifə Cəfəri deyib.
O, Mərkəzin fəalliyət istiqamətlərini və hazırda gördüyü işləri sadalayıb, yürüşlə bağlı son hazırlıq işlərinin getdiyini deyib:
“Media, maliyyə və logistika qrupumuz yaradılıb. Saleh Kamrani və mən sözçü seçilmişik. Hər qrup öz təyinatına uyğun işlərini görür. Avropanın digər şəhərlərində də fərqli qruplar açılıb. Məqsəd yürüşlə bağlı xəbərləşmək, təşkilati işlər haqqında bilgiləri bölüşməkdir. Media qrupu mətbuat üçün təbliğat işlərini görüb. Kiçik kliplər, reklamlar düzəltdik. Sosial şəbəkə üzərindən, müxtəlif internet televiziyaları ilə bu xəbərləri yaymağa başlamışıq. Maliyyə qrupu hesab nömrəsi yaratdı. Almaniyada olan bir dərnəyin hesab nömrəsi verildi. Beləliklə, bu aksiyada hər kəsdən bizə yardım olunması istənildi. Logistika qrupu isə Türkiyədə 800 bayraq hazırlatdı. “Azadlıq, Ədalət, Milli Hökumət” şüarları ilə köynəklər, bannerlər düzəldildi. Bütün bunlar sözçülərin imzaları və bilgiləri ilə paylaşıldı. Bu şəkildə davam edir. Müxtəlif dərnəklərə, media sahiblərinə bizi dəstəkləmək üçün müraciətlər etdik. Sözçüləri müsahibə üçün bir çox media kanallarına dəvət etdilər. Biz də aksiya ilə bağlı məlumatları onlarla bölüşürük”.
Mərəkəzin sözçüsü işin çətinlikləri ilə bağlı danışarkən, bəzi insanların bilərəkdən əngəllər yaratdığını bildirib.
“Bəhanə edirlər ki, niyə "Azadlıq, Ədalət” yürüşündə “Milli Hökumət” sözü yoxdur? Bilirik ki, rejim tərəfindən işimizin qarşısını almaq üçün işlər gedir. Təəssüf ki, içimizdən, belə insanlar da çıxır. Onlar kimisi illərdir ki, hərəkatı irəli getməyə qoymurlar. Sadəcə, özləri olmaq istəyir. Belələri azdır, özləri üzdə göstərmirlər, amma arxada fəaldırlar. Əslində, biz şüarı dəyişdirməmişik. Yürüşün adına “Azadlıq və Ədalət” deyilir. Biz bunu Avropada keçirəcəyik. İran coğrafiyasında başqa millətlər vardır ki, sitəm və zülm altındadır. Elə şüar seçmişik ki, hər kəsi əhatə etsin. Milli şüarımıza isə əl dəyilməyib. Olduğu kimi, daha da çox, hər yerdə səsləndiriləcəkdir. Bu, sadəcə, millətin beynini qarışdırmaq istəyənlər üçün bəhanə idi. Bəzilərində, həqiqətən, belə bir sual yarandığında izah olundu, onlar cavabımızdan qane oldular və əlavə sorunlar yaranmadı. Amma bəziləri də var ki, sadəcə, problem çıxarmaq istəyirlər”.
Məsuliyyətli və önəmli bir işin yükünü götürdüklərini deyən Şərifə Cəfəri Şimali Azərbaycandan da lazımı dəstək olacağına ümidli olduğunu bildirib:
“Azərbaycan xalqı illərdir nə əziyyətlər çəkir. Bizlər hamımız illərdir sürgündəyik. Yolumuzu biz bilirik. Sonuna kimi çalışacağıq işimiz alınsın. Necə ki, Azərbaycan televiziyaları gedib farsların aksiyalarında, ya parlamentində Pəhləvinin olduğunu xəbər edirlər. Bizim də gözləntilərimiz var ki, öz xalqının da sözünü danışsınlar. Amma bu günə kimi bu anlamda heç nə görməmişik – olduqca ürəkağrıdıcı bir məsələdir. Bilmirik, bəlkə, onların əlləri bu medialara qədər də gedib çıxır. Bu işə müdaxiləsi var, ya yox? Amma bizim işimizdə hansı problem var? Bu millət üçün bir işdir. Bütün ixtilafları bitirib, birlik yaradacaq bir işdir. Bu günə kimi aksiyaya görə dəstək olunmayıb. Bəlkə, olunacaq, bilmirik. Amma hər gün zamanımız daha da daralır. Nə qədər gec olsa, o qədər zərər görəcəyik. Bizim bir şikayətimiz yoxdur. Heç nəyə baxmayaraq, bizim dövlətimizdir. Sevinirik ki, Arazın o tayında müstəqil bir dövlətimiz var. İstəsələr də, istəməsələr də onu özümüzə bir dövlət görürük. Odur ki, həqiqətləri bilərək, bu işə dəstək verməyi lazımdır”, - o qeyd edib.
“Telekanal rəhbəri var idi, seiral çəkirdi. 10 ilin söhbətidir. Gözəl aktrisamız var idi, indi də sağdır. Onların adlarını çəkmirəm. Bir məkan yaratmışdıq, serialı çəkirdik. O vaxt qonorarlar çox az idi. İçi mən qarışıq bütün heyətə günə 50 manat qonorar verirdilər”.
Tribunainfo.az xəbər verir ki, bu sözləri “Səhərin səsi” verilişində aktyor-aparıcı Azər Aydəmir deyib.
Onun sözlərinə görə, adını çəkmək istəmədiyi aktrisa kanal rəhbərinə qonorara görə etiraz edib:
“Həmin aktrisa kanal rəhbərinə dedi ki, bizi adam yerinə qoymursuz, 50 manata seriala çəkilərlər? Heç olmasa qonorarı artırın, yaxşı iş görək. Bu kanal rəhbəri utanmadan-qızarmadan hər kəsin içində aktrisaya dedi ki, mən sizə 500 manat da versəm, belə oynayacaqsız, 50 manat da. Qonorarla yaradıcılığın heç bir əlaqəsi yoxdur.
Qonorar texniki hissəyə aiddir. Mən bədii təxəyyülümü ortaya qoymuşam, rejissor da həmçinin. Mənə operator lazımdır. Məsələn, Əhməd 3 min istəyir, Məmməd 500. Burada pul lazımdır ki, o filmi Əhməd çəksin, çünki Hollivud görüntüsü yarada bilər. Məmməd isə maksimum Türkiyə görüntüsü verəcək.
Yaradıcılıq, içdən gələn işlərdə qonorar vacib deyil. Əlbəttə insanın beyin məhsuluna pul vermək lazımdır. Bu da imic məsələsidir, mən bu işi 5 manata görürəm, ya 105 manata. Əgər özünü 105 manata sata bilmirsənsə, bu, sənin problemindir”.
Mərhum Əməkdar artist Baloğlan Əşrəfovun oğlu Elşən Əşrəfov "Günün sədası" verilişinə qonaq olub.
Hurriyyet.Az xəbər verir ki, o, proqramda atasının vəsiyyətindən danışıb.
"Atam vəsiyyətini ölümündən bir gün əvvəl mənə mesajla göndərib. Talış dilində yazıb: "Mənim balam, yaman qorxuram. Allah məni çox istəyir, istəyir aparsın yanına. Allah balalarını saxlasın. Evin böyüyü sənsən, hər şey qanunla belə olmalıdır. Narahat olma, ev sənin üstünədir". Hiss edirdi öləcəyini. Çox gözəl əhvalda idi. Bir saat sonra ölüm xəbəri gəldi".
Xatırladaq ki, koronavirusa yoluxan Baloğlan Əşrəfov 2021-ci ilin aprelində vəfat edib.