www.dunyapress.info - MƏDƏNİYYƏT

Merve Kayaalpın intihar səbəbi bilindi

Yaradılıb 22.09.2023 08:42 | Baxış sayı: 437

Aktrisa Merve Kayaalpın intihar səbəbi açıqlanıb.

Kulis.az Türkiyə KİV-ə istinadən xəbər verir ki, atası Əli Rıza Kayaal qızının bir çox layihəyə müraciət etdiyini və müsbət cavab almadığı üçün bir müddət depressiyaya düşdüyünü bildirib.

Onun sözlərinə görə, qızı bu səbəbdən özünə qəsd edib.

Faiq Ağayev Snop Doqu ələ saldı: `Yevlaxa gəl` - FOTO

Yaradılıb 21.09.2023 12:45 | Baxış sayı: 417

Bir neçə gün öncə tanınmış reper Snop Doqun Azərbaycana qarşı hörmətsizlik etməsi barədə xəbər yayılmışdı. Belə ki, o, öz sosial şəbəkə hesabında “Mənim sevimli erməni xalqım. Mən sizi düşünürəm və Ermənistandakı, Artsaxdakı eləcə də dünyanın hər yerindəki bütün erməni xalqına sevgilər göndərirəm. Mən sevgi və sülh gətirirəm, hər kəsə güc diləyirəm. 23 sentyabrda gəlirəm”, yazmışdı.
O, qondarma respublikada “check in” edərək, “Artsax”ı ayrı bir respublika kimi qeyd etmişdi. Ermənistanda vəziyyətin qarışıq olması səbəbi ilə reperin konsertinin ləğv olunması məsələsi gündəmə gəlib.

Xəbərə görə, Azərbaycanın Xalq artisti Faiq Ağayev Snop Doqla bağlı paylaşım edərək, onu zarafatla Yevlaxa dəvət edib.

“Yevlaxa gəl Yevlaxa
Tüstü sal seyrangaha”

İzləyiciləri zarafatla Faiq Ağayevin mahnı qoşmaq məsələsində Rövşən Binəqədiliylə yarışdığını yazıblar. Xalq artisti Binəqədilinin daha operativ olduğunu söyləyib.

//Lent.az//

Alagöz Salahova ilə vida mərasimi Təzə Pir məscidində keçiriləcək

Yaradılıb 21.09.2023 09:02 | Baxış sayı: 377

Rəssam, aktrisa Alagöz Salahova ilə vida mərasimi bu gün Təzə Pir məscidində olacaq.

Bu barədə APA-ya mərhumun oğlu məlumat verib.

Onun sözlərinə görə, vida mərasiminin saat 11:00-da başlanılması nəzərdə tutulub.

Xatırladaq ki, Xalq rəssamı Tahir Salahovun qızı rəssam, aktrisa Alagöz Salayeva dünən gecə saatlarında 70 yaşında vəfat edib.

Tahir Salahovun qızı rəssam Alagöz Salahova vəfat edib

Yaradılıb 20.09.2023 09:57 | Baxış sayı: 259

Xalq rəssamı Tahir Salahovun qızı rəssam Alagöz Salahova vəfat edib.

DİA.AZ xəbər verir ki, bu barədə APA-ya ailəsindən bildirilib.

Adel ikinci dəfə evlənib? - FOTOLAR

Yaradılıb 19.09.2023 09:00 | Baxış sayı: 159

Dünyaca məşhur müğənni Adelin sevgilisi Rich Paulla gizlincə evləndiyi iddia olunub.

“Qafqazinfo” xarici KİV-ə istinadən xəbər verir ki, həmin iddiaların güclənməsinə səbəb müğənninin sevgilisinə "ərim" deyə müraciət etməsi olub.

TikTok canlı yayımında pərəstişkarlarından biri Adelə evlənmə təklifi edib və cavab olaraq “Sən mənimlə evlənə bilməzsən və ərim bu gecə buradadır", - deyə Adel bildirib.

Qeyd edək ki, Adel 1 dəfə evli olub. Onun bu evlilikdən bir övladı var.

Facebook-da paylaş

Azərbaycan adının mənasını izah edən 12 fərziyyə silsilasindən.

Yaradılıb 18.09.2023 08:42 | Baxış sayı: 230

Ehtimal ki, Azərbaycan adı atropat sözündən törəmişdir. Lakin bu... etnonimdi?
Bu yazıda daxil etdiyimiz on birinci fərziyyənin müəllifi tanınmış Azərbaycan tarixçisi, professor Firudin Ağası oğlu Cəlilovdur:
1. “Azərbaycan adı Xəzər dənizinin adından, türkcədəki boy (tayfa, soy) sözündən və məkanı bildirən qan sözündən əmələ gəlmişdir”.
Bu fikir də kifayət qədər əsaslıdır. Həqiqətən də azər və xəzər etnonimləri arasında, faktiki olaraq, eynilik vardır. Həmçinin nəzərə almalıyıq ki, türk xalqlarının əksəriyyətinin adı eyni yolla yaranmışdır. Məsələn, düger, eymir, əfşar, qacar, tatar, bulqar, subar, sabir, uyğur, yuqur, yüregir, yazır, salar, xəzər, qabar və s.
Nəhayət, heç kimin bilmədiyi (bugünədək səsləndirilməmiş) sonuncu fərziyyəyə keçək. Amma əvvəlcə oxucunun diqqətini belə bir məlumata yönəldək:
Qədim Roma tarixçisi Publius Kornelius Tasitus (50–120) “Annallar” adlı əsərində yazırdı: “Parfiya imperiyasının rəhbəri, Midiya hökmdarı II Ərtabanın (?–38) anası Ərsaki soyundan olmuş, onun özü isə dahalar arasında böyümüşdür”.
Məlumat üçün qeyd edək ki, daha (və ya day) qədim dünyanın ən məşhur saka tayfası idi. Yeri gəlmişkən, saka xalqının day (daha) tayfasının vaxtilə yaşadığı torpaqlarda bugün qazax xalqının qədim aday tayfası, türkmən xalqının isə təkə tayfası yaşayır. Güman edirik ki, sak – qazax, day – aday, daha – təkə etnonimləri arasında bənzərlik heç də təsadüfi deyildir.
Müasir tarixçilərin əksəriyyəti bu fikirdədir ki, II Ərtabanın atası saka tayfasından olmuşdur. Mövcud məlumatların təhlili göstərir ki, II Ərtaban Ərsak Kiçik Midiya (Azərbaycan) hökmdarı Atropatın soyundan idi. Bu kontekstdə kifayət qədər maraqlıdır ki, eramızın I əsrində yaşamış qədim Roma tarixçisi Quintus Kurtius Rufus “Historiae Alexandri Magni Macedonis” adlı əsərində Azərbaycan şahı Atropatı məhz Ərsak adlandırmışdır.
Beləliklə, on ikinci fərziyyəni birinci, ikinci və dördüncü fərziyyələrin sintezi hesab edə bilərik:
2. “Azərbaycan adı həqiqətən də atropat (atorpat, aturpat, aterpat, atrepat) sözündən törəmişdir. Amma o şəxs adı və ya ləqəb deyil, etnonim idi”.
Zənnimizcə, Roma diktatoru Gaius İulius Kaesarın (e.ə. 100–44) bu məlumatı sayəsində Azərbaycan adının sirrini aça bilərik: “E.ə. 57-ci ildə Roma ordusu (indiki Fransa və Belçika ərazisindən axan) Sabis çayından 10 mil (16 km) aralıda düşərgə qurdu. Çayın o biri sahilinə isə nervi və atrebat tayfalarının döyüşçüləri yaxınlaşdılar”.
Atrebat tayfasının adı müxtəlif mənbələrdə bir qədər fərqli şəkillərdə təsbit olunmuşdur:
- Roma diktatoru Kaesarın (e.ə. 100–44) əsərində – atrebates;
- Yunan tarixçisi və coğrafiyaçısı Strabonun (e.ə. 64 – e. 24) əsərində – atrebatioi;
- Roma tarixçisi Gaius Plinius Sekundusun (22–79) əsərində – atrebates;
- Yunan coğrafiyaçısı Klaudius Ptolemaiosun (100–170) əsərində – atribatioi;
- Roma tarixçisi Lucius Klaudius Kassius Dio Kokkeianusun (165–235) əsərində – atrebas;
- “Notitia Dignitatum” adlı Roma sənədində (V əsr) – atrabatis.
Ardı var...
Müəllif: Milli Kimlik Araşdırmaları Qrupunun üzvü Araz Şəhrili
Teref.az

Tanınmış aktyor vəfat etdi

Yaradılıb 17.09.2023 08:54 | Baxış sayı: 501

Rusiyalı aktyor Vyaçeslav Qrişeçkin vəfat edib.

61 yaşlı aktyor bir həftə əvvəl ürəyində yaranan problemlə əlaqədar xəstəxanaya yerləşdirilsə də, ötən gün səhhəti pisləşib. Səhhəti ilə bağlı qastrol səfəri də təxirə salınan Vyaçeslav ötən gün dünyasını dəyişib.

Qeyd edək ki, aktyor “Əsgərlər”, “Briqada” kimi ekran işlərində canlandırdığı rollarla tanınıb.

“Öz ərizəmlə getmişdim, bilirəm ki, gəlişimə sevinənlər var” -6 il sonra teatra qayıdan sənətkar

Yaradılıb 16.09.2023 12:16 | Baxış sayı: 677

Xalq artisti, tanınmış xanəndə Nəzakət Teymurova 6 il sonra yenidən Akademik Opera və Balet teatrına qayıdıb.

DİA.AZ moderator.az-a istinadla xəbər verir ki, xanəndə yeni mövsümlə bağlı teatrda keçirilən iclasda yer alıb. Moderator.az-a özəl açıqlama verən xanəndə sevincli olduğunu bildirib.

“Bu ildən teatra qayıtdım. Opera və Balet teatrının rəhbəri, xalq artisti Yusif Eyvazova öz təşəkkürümü bildirirəm ki, mənə etimad göstərdi. Bilirəm ki, həm opera sənətini, həm də mənim sənətimi sevənlər üçün bu çox gözəl bir xəbər oldu. Onları opera sahəsində necə sevindirmişəmsə, bu gündən sonra da elə olacaq. Onu da qeyd edim ki, teatrın rəhbəri özü də sənətkar olduğuna görə sənət adamlarına yüksək qiymət verir. İnşallah ki, hər şey çox yaxşı olar. Hələ ki, repertuar üzərində işləmirəm, yəqin ki, rayonlara, işğaldan azad olunmuş bölgələrimizə səfərlərimiz çox olacaq. Repertuarımız hələ müəyyənləşdirilməyib. Opera sahəsi elədir ki, 2-3 aydan öncə onların planları qurulur. Teatra yeni gəlmişəm. Yəqin ki, yaxın günlərdə hansısa obrazımla tamaşaçılarımı sevindirərəm” deyə sənətkar bildirib.

Sənətkar daha sonra opera səhnəsinə gəlişini xatırlayıb.

“Bu teatr mənə çox doğmadır. Orada doğma insanlar çalışır. Mən ilk addımlarımı bu teatrda 1995-ci ildə atmışam. İlk rolum Leyli olub. Uğurlarımın, tamaşaçılarımın hamısını oradan qazanmışam. Mənim üçün bu səhnə çox doğa və müqəddəsdir. O səhnə ilə dünyanı gəzmişəm. Hər zaman çalışmışam ki, böyük sənətkarların davamçısı olum” deyə sənətkar bildirib.

Sənətkar teatrdan uzaqlaşmasının səbəbini də açıqlayıb.

“Teatrdan öz ərizəmlə getmişdim. Bu iş mənim xanəndəliyimin profili idi. Teatrda bu illər ərzində baş rolları ifa edib, xarici ölkələrdə sənətimi təmsil etmişəm. Bu səhnə məni yenə də öz cilovuna aldı. Yad bir yerə qayıtmamışam. Direktorumuz Yusif müəllim iclasda da qeyd etdi ki, çox gözəl tamaşalar olacaq. Tamaşalarımız həm də dünya ölkələrində təbliğ olunacaq” deyə xalq artisti bildirib.

“CBC Sport”un dörd əməkdaşı işdən ayrıldı - Telekanalda nə baş verir?

Yaradılıb 16.09.2023 09:03 | Baxış sayı: 178

“CBC Sport” telekanalında daha dörd nəfər jurnalist işindən ayrılıb. Prosport.az-ın xəbərinə görə, bunlar İsmayıl Abdullayev, Fərid Axundov, Emin Ağa və Əli Cəfərovdur.

Onların ayrılmasının müxtəlif səbəbləri var. Lakin hər birinin ayrılmasının kökündə müəyyən mənada maliyyə məsələsi də durur. Belə ki, “CBC Sport” maliyyə vəsaitinin azlığı ucbatından bəzi verilişləri bağlamalı olub.

“Neftçi TV”də də işləyən şərhçi İsmayıl Abdullayev bundan sonra TV.Net provayderinin verdiyi oyunları şərh edəcək. Fərid Axundov Türkiyədə doktorantura təhsili alacaq. Emin Ağa yeni yaradılmış idman saytında, Əli Cəfərov isə “Xəzər TV”də işə başlayıb.

Telekanal yaxın günlərdə yeni müxbir və şərhçilərin tapılması üçün kastinq elan edib. Bəlli məsələdir ki, TV təcrübəsi olmayan yeni əməkdaşlar daha az maaşa çalışmağa razılıq verəcəklər. Emin Ağanın aparıcısı olduğu “Bizim idman” verilişini isə bundan sonra tanınmış jurnalist Pərviz Musayev aparacaq.

Qeyd edək ki, daha əvvəl Elnur Məmmədli AFFA-da Mətbuat Xidmətinin rəhbəri təyin olunduğundan “CBC Sport”dan ayrılmalı olmuşdu.

Facebook-da paylaş

Hollivud ulduzu “Oskar” mükafatını əritdirib güllə hazırlatmaq istəyir

Yaradılıb 16.09.2023 08:48 | Baxış sayı: 349

Amerikalı aktyor və rejissor Şon Penn verdiyi müsahibədə maraqlı fikir səsləndirib.

Teref.Az lent.az-a istinadən bildirir ki, o, aldığı "Oskar" mükafatını əritdirib, güllə hazırlatmaq istədiyini deyib.

"Düşündüm ki, bu heykəlcik mənim nəyimə lazımdır. Ondansa əridim, güllə hazırladıb Ukrayna ordusuna göndərim. Rusiya-Ukrayna savaşında Ukraynanı dəstəkləyirəm. Bu güllələri hədiyyə olaraq, Zelenskiyə göndərmək istəyirdim",- deyə 63 yaşlı aktyor qeyd edib.

Qeyd edək ki, Şon Penn Ukrayna müharibəsi haqqında sənədli film hazırlayır. O, konflikt başlayandan 3 dəfə Kiyevə səfərə gəlib.

92 -dən səhifə 149