Xəbər verdiyimiz kimi, Ermənistanın Gürcüstanla dövlətlərarası yolunun Tavuş vilayətinin Azərbaycanla sərhəddə yerləşən Kirants kəndindən keçən hissəsində sərhəd divarı inşa edilir.

Bu gün artıq Kirantsdakı körpüdən gediş-gəliş bağlanıb, 2 günə körpünü ölkəmizə təhvil verməyə hazırlaşırlar.

Bundan əlavə, bu gün Azərbaycan ərazisindən keçən beynəlxalq kabellər də dəyişdirilib.

Axar.az Kirantsdakı sərhəd divarının fotosunu təqdim edir:

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti “Araz Supermarket MMC”nin İcraçı direktoru və İdarə Heyətinin rəhbəri Rəşad İbrahimova cərimə yazıb.

İqtisadiyyat.az-ın əldə etdiyi məlumata görə, Dövlət Xidməti marketlər şəbəkəsinin rəhbəri barəsində İnzibati Xətalar Məcəlləsinin 555.1-ci maddəsinə əsasən cərimə protokolu tərtib edib.

Buna səbəb isə R.İbrahimovun baş verən bədbəxt hadisə barədə müvafiq qurumu məlumatlandırmaması olub.

İdarə Heyətinin rəhbərinin barəsində protokol tərtib olunan maddədə deyilir ki, istehsalatda baş verən bədbəxt hadisələrin araşdırılması üçün hadisə baş verən gün işəgötürən tərəfindən əmək qanunvericiliyinə əməl olunmasına dövlət nəzarətini həyata keçirən müvafiq icra hakimiyyəti orqanına bu barədə məlumatın verilməməsinə görə min manatdan min beş yüz manatadək məbləğdə cərimə edilir.

R.İbrahimov isə Dövlət Xidmətinin qərarından narazı olduğu üçün Nəsimi Rayon Məhkəməsinə ərizə ilə müraciət edib. Onun iddiası hakim Anar İbadzadənin sədrliyi ilə araşdırılacaq.

Qeyd edək ki, R.İbrahimov 2020-ci ilin dekabr ayından “Araz Supermarket MMC”nin İcraçı direktoru və İdarə Heyətinin rəhbəri vəzifəsində çalışır. 2014-2020-ci illərdə isə şirkətdə müxtəlif vəzifələrdə işləyib. Əmək fəaliyyətinə isə 2004–cü ildə “Veysəloğlu” şirkətində başlayıb.

Ağdaş Rayon İcra Hakimiyyətinin başçısı Tofiq İbrahimovun səhhətində problem yaranıb.

“Unikal”ın əldə etdiyi məlumata görə, o, iki aydır ki, işə çıxmır.

Hazırda Tofiq İbrahimovu onun birinci müavini İsmayıl Yusifzadə əvəz edir. Onun nə vaxt işinə qayıdacağı bəlli deyil.

55 yaşlı İlhamə Rəhimova Hacıqabul Mərkəzi Xəstəxanasında vəfat edib.

Onun inyeksiyadan şoka düşərək öldüyü bildirilib.

Mərhumun qızı Günel Rəhimova anasının xəstəxana işçilərinin səhlənkarlığı nəticəsində dünyasını dəyişdiyini bildirib:

"Anamın heç bir problemi yox idi, sadəcə sümükləri ağrıyırdı. Həkim antibiotik yazdı. "Prob" qoyulması üçün anamı xəstəxanaya apardıq. "Prob"dan sonra halı pisləşdi. Həkimləri çağırdım ki, heç kim yaxınlaşmadı. Nə həkimi, nə tibb bacısı. Hamısından şikayətçiyəm, anam qolumda qaldı".

Ətraflı Baku TV-nin süjetində:

İnterpol tərəfindən qırmızı bülletenlə axtarışa verilən Belçika vətəndaşı Türkiyənin Yozqat şəhərində yaxalanıb.

AYNA Türkiyə KİV-ə istinadən xəbər verir ki, bu barədə yerli polis idarəsi açıqlama yayıb.

Bildirilib ki, narkotik və digər qeyri-qanuni cinayət fəaliyyətləri ilə bağlı axtarışda olan H.Ç. Yozqat-Çorum avtomobil yolunda saxlanılıb.

Həyata keçirilən əməliyyatlardan sonra o, deportasiya edilmək üçün miqrasiya idarəsinə təhvil verilib.

COP29 tədbiri zamanı ölkədəki ümumi təhsil müəssisələrində tədris dayandırılacaqmı?
Bağçalara ərizələrin onlayn qeydiyyatına iyulun neçəsi start veriləcək?
Baş Prokuror yanında Korrupsiyaya qarşı Mübarizə Baş İdarəsi tərəfindən Müslüm Maqomayev adına Azərbaycan Dövlət Akademik Filarmoniyasında əməliyyat keçirilib. Həbs olunan var.
Metro və avtobus qiymətlərinin bahalaşmasından sonra ölkədə kommunal xidmətlərin də qiymətində artım olacaq.
Təbrizdə Məhərrəm ayı münasibətiylə keçirilən mərasim iştirakçılarına hücum edildi. İki nəfər öldürülüb.
Bu və digər xəbərlər barədə BTV-nin axşam buraxılışından xəbər tutun.

“Bayaq işə gələndə 206-nın qapısını camaatla köməkləşib açdıq. O əlavə 10 qəpik daşıyıcı şirkətin gözünə girsin”. Bu, peşəkar jurnalist, TEAS Press Nəşriyyat Evinin baş redaktoru Famil Cəfərlinin şəxsi feysbuk səhifəsindəki paylaşımıdır. “206” - yəni 206 saylı marşrut xətti üzrə işləyən (işləməyə çalışan, səy göstərən, guya ki işləyən – M.R.) avtobus. Famil Cəfərli bir çoxumuzun yarasının qaysağını qoparıb bu paylaşımla.

Statusa yazılan rəylər də bunu sübut edir. Sosial şəbəkə istifadəçiləri “himə” bəndmiş kimi bərbad vəziyyətdə olan ictimai nəqliyyatdan o ki var şikayət ediblər. Neçə-neçə marşrutdan narazılıqlar qeyd edilib. Bu şikayətlərə diqqətlə baxanda görürsən ki, ictimai nəqliyyatdakı problemlər hörümçək toru kimi az qala bütün Bakını əhatə edir. 96, 136, 118, 50, 64, 77, 39... və sair müntəzəm marşrut xətləri üzrə hərəkət edən avtobuslardan sərnişinlər narazıdır. Müntəzəm marşrut xətlərində interval 20 dəqiqəyə, hətta yarım saata çatır. Bunu yay mövsümü, sərnişin sıxlığının azalmasıyla izah edirlər. Amma unudurlar ki, yay mövsümü olsa da, gündəlik işə gedib-gələn insanlar var - “qara fəhlə” sinfi. “Qara”dır deyə, günün altında yarım saat dayanıb avtobus gözləyə-gözləyə daha da qaralmalı və qızmar günün altında nəfəsi kəsilməlidir?
Müntəzəm xətt marşrutlarında istifadə olunan sərnişin avtobuslarının çoxu köhnə, qırıq-sökük, istismara yararsızdır. Amma daşıyıcı şirkətlər onları xətdən çıxarmır, sürücüləri də sükan arxasına əyləşməyə məcbur edirlər. Eyni hal “Neftçilər” metrostansiyası – Günəşli yaşayış massivi istiqamətində hərəkət edən 50 saylı avtobusla bağlı yaşanır. Bu avtobusların hamısı bəlkə də, ötən əsrin 80-ci illərində Cənubi Koreyada istehsal olunmuş “Daewoo” markalı avtobuslardır. Mühərriklər çoxdan xarab olub. Avtobus salonuna dolan tüstü sərnişinləri boğur. Qapıları normal açılıb-bağlanmır. Oturacaqlar iyrənc halda. Tutacaqlar ya qırıq-qırıq, ya da heç yoxdur. Avtobusun döşəməsi yamaq-yamaq... “Podyomu” çıxa bilmir, bu avtobuslar. Gücənir-gücənir, amma bacarmır. Sərnişinləri yarı yolda tökür aşağı... Gediş qiyməti isə 50 qəpik!..

İctimai nəqliyyatda problemlərdən biri də kondisionerlə bağlıdır. Dediyimiz kimi, qırıq-sökük avtobuslarda heç oturacaqlar normal deyil, kondisionerdən danışmağa dəyməz. Sərnişinlər qızmar yay günlərində avtobusda “sauna” effekti yaşayır. Amma bu hələ son deyil. Kondisionerli avtobuslar da sərnişinləri sətəlcəm edir. Məsələn, 77 saylı avtobus komfortludur. Sağ olsun, daşıyıcı şirkət, sərnişinlərin qayğısına qalır. Amma həddindən artıq! Kondisionerlər var gücü ilə işləyir, sərnişin az olduğundan salonda hava çox soyuq olur. Təsəvvür edin, küçədə 35-37 dərəcə istidən birdən-birə soyuq hava mühitə düşür sərnişinlər. Titrəməyə başlayırlar. Dayanacaqda avtobusa endikdə, təkrar isti havanın ortasına atılmış olurlar. Sürücülərsə bəzən sərnişinlərin etirazına cavab olaraq, “kondisioneri söndürə bilmərəm, sonra salonu soyutmaq çətin olur”, deyir. Yəni kondisioneri tənzimləmək mümkün deyil? Daha bunu harası komfort oldu?

Digər problem paytaxt üzrə ictimai nəqliyyatın bütünlüklə kart sisteminə - nağdsız ödənişə keçməməsidir. Məsələn, 136 saylı avtobus nağd ödənişlə işləyir. Bu, sadəcə bir nümunədir. Başqaları da var və deyilənə görə paytaxtda müntəzəm marşrut xəttlərində vatobusalrın 36 faizi nağd ödənişlə işləyir. Məsələ ilə bağlı Azərbaycan Yerüstü Nəqliyyat Agentliyindən Xəzər TV-yə bildirilib ki, ümumilikdə paytaxtda 115 marşrut üzrə 1824 avtobusda nağdsız ödəniş edilməsi mümkündür. Hazırda fəaliyyət göstərən marşrutların 64 faizində nağdsız ödəniş sistemi tətbiq olunur. Yerüstü Nəqliyyat Agentliyi tərəfindən sərnişin daşımalarını yerinə yetirən subyektlərdə gediş haqqının nağdsız ödənilməsini təmin edən ödəniş sisteminə keçidin sürətləndirilməsi ilə bağlı işlər davam etdirilir.
Bəzi avtobusların hələ də nağd ödənişlə işləməsi sərnişinlərə əlavə çətinlik yaradır. Avtobuslar bir-bir kart sisteminə keçdikcə, sərnişinlər nağdsız ödəmələrə vərdiş edə bilmirdi, indi isə buna vərdiş etdiyi halda, qarşılarına çıxan nağd ödəmələrlə bağlı çətinlik çəkirlər. Səbəb nədir ki, bəzi avtobuslarda hələ də kart sistemi formalaşdırılmayıb? Avtobus dayanacaqlarında ödəmə terminallarının olmaması da bir ayrı dərddir!.. Bəli, QR kod, mobil yükləmə sistemləri var. Amma bu yenilikləri tətbiq edən dövlət qurumları orta və yaşlı nəsli də düşünməlidir. Hamının əlində smartfon yoxdur. Nə yaşlı insanlardan, nə də ümumiyyətlə, kimsədən onlayn ödəmə tələb etmək düzgün deyil. İnsanlar üçün ictimai nəqliyyatı və ödəmələri, yükləməni də sadə, rahat etmək aidiyyətli qurumların vəzifə borcudur.

Sosioloq İlqar Hüseynli “Sherg.az”a açıqlamasında ictimai nəqliyyatda ciddi problemlərin hələ də qaldığını söylədi:

- Taksi fəaliyyətində yeni tənzimləmələrə başlanılarkən demişdik ki, ictimai nəqliyyatda problemləri həll etmədən vətəndaşları fərdi avtomobillərdən imtinaya çağırmaq absurddur. Səhər işə, axşam evinə tələsən insanlar əgər ictimai nəqliyyatdan istifadə edə bilmirsə, avtobuslar tapılmırsa, xidmət sıfır səviyyəsindədirsə, ictimai nəqliyyatdan istifadəyə təşviq cəhdləri əbəsdir. Bəli, paytaxt yollarında həddındən artıq sıxlıq var. Tıxaclar bitmir, azalmır. Amma sual olunmalıdır, niyə insanlar şəxsi avtomobillərə üstünlük verir. Cavab bəllidir: çünki ictimai nəqliyyat yetərli deyil. Sosial şəbəkələrdə yazılanlar həqiqətdir. Kimsə özündən nəsə quraşdırmır. Böhtan atmır, yalan yazmır. Hər kəs gördüyünü yazır, deyir. Və görünür ki, ictimai nəqliyyatdakı problemlər aradan qaldırılmayıb. İnsanların ən böyük problemi avtobus, tıxaclar, taksi çatışmazlığıdır. Paytaxtda çox bərbad bir durum yaranıb. Hələ indi istirahət, məzuniyyətlər mərhələsidir. Yeni tədris ilinə qədər ictimai nəqliyyatdakı problemlər həllini tapmasa, vəziyyət daha da acınacaqlı olacaq. Şərt o deyil, yeni avtobuslar alınsın, elektrik avtobusları gətirilsin. Paytaxt yalnız mərkəzdən ibarət deyil. Ümumiyyətlə, ictimai nəqliyyatda həllini gözləyən ciddi problemlər var.

Sumqayıtda üç fəhlə qazdan zəhərlənib.

"Report" xəbər verir ki, hadisə şəhər ərazisində yerləşən istehsalat müəssisələrinin birində qeydə alınıb.

Belə ki, Sumqayıt sakinləri - 1989-cu il təvəllüdlü Rəşad Şahvələd oğlu Heydərov, 1992-ci il təvəllüdlü Valeh Balaş oğlu Talıbov və Lerik rayon sakini, 1989-cu il təvəllüdlü Anar Mütəllim oğlu Talıbov işlədikləri müəssisədə istehsalat qazından zəhərləniblər.

Onlar xəstəxanaya çatdırılıblar.

Faktla bağlı araşdırma aparılır.

Bakının mərkəzi küçələrinin birində yerləşən restoranının mətbəxində siçovul görüntülənib.

TEREF oxu.Az-a istinadən xəbər verir ki, həmin görüntülər restoran əməkdaşları tərəfindən lentə alınıb.

Onlar gülərək siçovulun haradan mətbəxtə gəlməsi ilə bağlı bir-birilərinə suallar veriblər.

Qeyd edək ki, həmin restoranın “Biblioteka” olduğu iddia edilir.

Həmin görüntüləri təqdim edirik:

Noyabrın 11-dən 22-dək Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP 29) üçün ölkəmizdə hazırlıq işləri görülür.

Paytaxtın bir çox ərazilərində yollarda təmir işləri aparılır. Əsasən, mərkəzi ərazilərdə görülən işlərlə əlaqədar nəqliyyat vasitələrinin hərəkətində də məhdudiyyətlər tətbiq olunur.

Qeyri-rəsmi məlumatlara görə, noyabrda 10 günlük məhdudlaşdırıcı tədbirlər də həyata keçirilə bilər. Belə ki, paytaxtda mötəbər tədbirlə bağlı 10 günlük yalnız zəruri xidmət sahələrində fəaliyyətə icazə veriləcəyi bildirilir.

Mövzu ilə bağlı Ölkə.Az-a danışan Əmək Hüquqlarının Müdafiə Liqası İcraiyyə Komitəsinin sədri, hüquq müdafiəçisi Sahib Məmmədov deyib ki, müəyyən məhdudlaşdırıcı tədbirlərin olması gözləniləndir:

“COP29-un Təşkilat Komitəsi hər dəfə iclas keçirəndə bu barədə ictimaiyyətə məlumat verir. Əgər belə bir müzakirə olsaydı, yəqin ki, məlumat verilərdi. Belə bir qərarın olub-olmaması barədə məlumatsızam. Amma böyük tədbir dövründə müəyyən məhdudiyyətlərin olması da qaçılmazdır. Bu nə dərəcədə əhatəli olacaq, iş yerləri bağlanacaq, yaxud yalnız xidmət və həyatı təmin edəcək iş yerlərinin fəaliyyətinə icazə veriləcəyi fikri ilə o qədər də razı deyiləm. Müəyyən məhdudiyyətlər ola bilər. Nəqliyyatın hərəkətində müəyyən dəyişikliklər ola, bəzi küçələr bağlana bilər. Dərs vaxtına düşürsə, müəyyən tətillər verilə bilər. Bunlar sadəcə ehtimallardır. Məndə heç bir məlumat yoxdur. Bütövlükdə böyük tədbirlər keçirilərkən belə məhdudiyyətlər olur. Məsələn, bu yaxınlarda G7 ölkələri toplaşmışdı. Həmin tədbirin keçirildiyi şəhər demək olar ki, iflic vəziyyətinə salınmışdı. Yaxud da İkinci Dünya müharibəsində ikinci cəbhənin açılması münasibətilə keçirilən tədbirdə Fransada bir şəhər tamamilə bağlanmışdı. Belə hallar olur. Böyük tədbirlərin keçirildiyi şəhərlərdə məhdudiyyətlər həyata keçirilir və bizdə də mütləq olacaq. Amma onun xarakteri, dərəcəsi, nələri əhatə edəcəyini tam demək olmur. İşlərin dayandırılacağı barədə dəqiq məlumatım yoxdur. Müəyyən ərazilərdə nəsə ola bilər, amma bu məhdudlaşdırıcı tədbirlər paytaxtın bütün ərazilərini əhatə etməyəcək. Düşünürəm ki, məsələn, Bakının Yasamal rayonunda və ya digər rayonlarda tədbir dövründə həyat adi qaydada davam edəcək”.