Azərbaycan Avtomobil Yolları Dövlət Agentliyi (AAYDA) balansında olan "Bakı 4 №-Li Yol İstismarı" Məhdud Məsuliyyətli Cəmiyyətinə məxsus asfalt zavodun çirkab suları Böyükşor gölünə axıdılır.

TEREF xəbər verir ki, bu barədə Azfakt.com saytı məlumat yayıb.

Məlumata görə Nərimanov rayonu, Dərnəgül qəsəbəsi ərazisində yerləşən "Bakı 4 №-Li Yol İstismarı" MMC-yə məxsus asvalt zavod işləyəndə havaya qatı və kəskin qoxulu tüstü buraxır. Ərazidə yaşayan sakinlər bildirirlər ki, çox vaxt gecələr işləyən zavodun tüstüsü evlərin içinə qədər gəlib çatır. Bundan başqa zavodda formalaşan çirkab sular yenə də gizli şəkildə Böyük Şor gölünə axıdılır.

"Bakı 4 №-Li Yol İstismarı" MMC rəhbəri Fazil Musayevdir.

Fazil Musayevə bir neçə dəfə Ekologiya və Təbii Sərvətlər Nazirliyi tərəfindən xəbərdarlıq və cərimə tətbiq edilib.

Qeyd edək ki, "Bakı 4 №-Li Yol İstismarı" MMC rəhbəri Fazil Musayev AAYDA İdarə Heyətinin sədri Saleh Məmmədovun yaxınlığı ilə tanınır.

Məsələ ilə bağlı qarşı tərəfdən mövqe öyrənə bilmədik.

Mərkəzi Bankın keçmiş sədri, Baş nazirin müşaviri Elman Rüstəmov Qax rayonundakı əmlaklarını da satışa çıxarıb.

Bu barədə adıçəkilən rayondan daxil olan məlumatda bildirilir. Qeyd olunur ki, keçmiş baş bankirə məxsus iri torpaq sahələri, villalar, obyektlər satışa qoyulub.

Xatırladaq ki, Qax, Zaqatala rayonları uzun illər Elman Rüstəmovun qudası, “Su Təsərrüfatı ASC”-nin keçmiş rəhbəri Əhməd Əhmədzadənin ailəsinin nəzarətində olub. Onun qardaşı Mübariz Əhəmdzadə bu rayonlarda icra başçısı vəzifəsini tutub. Nəticədə bölgənin iri torpaq sahələri, gəlirli ticarət obyektləri onların nəzarətinə keçib. Görünür, E.Rüstəmov da qudaları vasitəsi ilə Qax rayonundan milyonluq mülklərin sahibi olub.

Keçmiş bankirin əmlakını satışa çıxarması yeni xəbər deyil, o, digər sahələrdəki investisiyalarına da “əl gəzdirir”.

Bir neçə gün əvvəl dərc oluna məlumatda Elman Rüstəmovun biznes imperiyasının tərkib hissəsi kimi təqdim edilən “Səba” ASC-də ciddi maliyyə problemləri yarandığı bildirilirdi.

Qeyd olunur ki, sirkətin səhmdarlarının oktyabrın 28- i tarixinə təyin edilmiş növbədənkənar ümumi yığıncağının gündəliyinə ASC-nin aktivlərinin bir hissəsinin satılması məsələsi salınıb. Belə ki, İdarə Heyəti qərarında yığıncağın gündəliyinə törəmə şirkətlərdəki “Səba” ASC-yə məxsus payların satılması da daxil edilib.

Xatırladaq ki, “Səba”nın aktivləri Hidayət Quliyev (37,5%), Natiq Quliyev (37,5%) və Azərbaycan İnvestisiya Holdinqinə (25%) məxsusdur. Onların Mərkəzi Bankın sabiq sədri Elman Rüstəmovun xalası oğlanları olduğu bildirilir.

“Bank Respublika” ASC-nin əsas səhmdarlarından olan Natiq Quliyevin qardaşları Elçin və Namiq Quliyevlə birlikdə Elman Rüstəmovun Azərbaycanda ayrı-ayrı bölgələrdə müxtəlif sahələrə aid biznesini idarə etdikləri bildirilir. Bura Rüstəmova aid bəzi bank və şirkətlərlə yanaşı, maşın salonları, restoranlar, şadlıq evləri, quşçuluq təsərrüfatı və sair daxildir. /azpolitika.info

Biləcəri dairəsindən Bakı Beynəlxalq Avtovağzal Kompleksinə qalxan yolda çəkilən avtobus zolağı sürücülərin ciddi narazılığına səbəb olub.

TEREF oxu.az-a istinadən bildirir ki, sosial şəbəkələrdə yayılan videogörüntülərdə sürücülər bu zolağın onların görünüş dairəsində olmadığını və kəsişən küçədən zolağa girən avtomobillərin cərimələnməli olduğunu bildirirlər.

Məsələ ilə bağlı Azərbaycan Yerüstü Nəqliyyat Agentliyinə (AYNA) sorğu ünvanladıq.

Qurumun Mətbuat Xidmətindən Oxu.Az-ın sorğusuna cavab olaraq bildirilib ki, Biləcəri dairəsindən Bakı Beynəlxalq Avtovağzal Kompleksi və əks istiqamətdə avtobus zolaqları bir neçə il əvvəl təşkil olunub.

"Sürücülərin məlumatlandırılması üçün avtobus zolağının başlanğıcında 5.9 "Marşrut nəqliyyat vasitələri üçün zolaq" və 7.5.4 qüvvədə olma vaxtı yol nişanları quraşdırılıb", - deyə açıqlamada bildirilib.

Qeyd edək ki, Bakı şəhərində yeni avtobus zolaqları şəbəkəsinin tətbiqi çərçivəsində AYNA tərəfindən 26 küçə və prospektdə uzunluğu 77 km-dən çox olan xüsusi hərəkət zolağı təşkil edilib.

Avtobus zolaqlarının davamlılığının təmin edilməsi, həmçinin yaşayış məntəqələri və mühüm nəqliyyat dəhlizlərini əhatə edən zəncirvari şəbəkənin qurulması məqsədilə bu işlər digər küçə və prospektlərdə də həyata keçiriləcək. Növbəti mərhələdə 106 kilometrlik avtobus zolağı şəbəkəsinin təşkil edilməsi də nəzərdə tutulub.

Bu gün Ermənistanın Azərbaycana qarşı hərbi təxribatlarının, döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə başladılan Vətən müharibəsində canlarından keçən qəhrəman şəhidlərimizin Anım Günüdür.

Artıq dördüncü ildir sentyabrın 27-si Azərbaycanda Anım Günü kimi qeyd olunur.

Anım Günü ilə əlaqədar mərkəzi və yerli icra hakimiyyəti strukturları ölkə miqyasında bir sıra tədbirlər təşkil edəcək, eləcə də ölkəmizin xaricində anım mərasimləri keçiriləcək.

Ötən illərdə olduğu kimi, bu il də Anım Günündə şəhidlərimiz Azərbaycanda fəaliyyət göstərən dini məbədlərdə - məscidlərdə, kilsələrdə, sinaqoqlarda dərin ehtiramla yad olunacaq, Azərbaycanın ərazi bütövlüyü uğrunda canından keçmiş Vətən övladlarının ruhuna dualar oxunacaq.

Saat 12:00-da ölkə ərazisində şəhidlərin əziz xatirəsi bir dəqiqəlik sükutla yad ediləcək.

Prezident İlham Əliyevin 2 dekabr 2020-ci il Sərəncamına əsasən, Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-si Azərbaycanda Anım Günü kimi qeyd edilir.

2020-ci il sentyabrın 27-də Prezident, Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusu Ermənistan silahlı qüvvələrinin hərbi təxribatlarının, döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə bütün cəbhə boyu əks-hücum əməliyyatlarına başlayıb. 44 günlük Vətən müharibəsi Azərbaycanın həm döyüş meydanında, həm də siyasi masada qələbəsi ilə başa çatıb. Bütün bunlara Azərbaycan Ordusunun 2 908 şəhidinin qanı bahasına nail olunub.

2023-cü il sentyabrın 19-da isə Azərbaycan Silahlı Qüvvələri tərəfindən üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək Azərbaycan ərazilərindən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçuların təhlükəsizliyinin təmin olunması və ölkənin Konstitusiya quruluşunun bərpa edilməsi məqsədilə lokal xarakterli antiter­ror tədbirlərinə başlanılmışdı.

24 saatdan az müddətdə həyata keçirilən antiterror tədbirləri nəticəsində Azərbaycan ərazisində qanunsuz yerləşən Ermənistan ordusu tam şəkildə tərksilah edilərək ölkəni tərk etdi. Qarabağda qeyri-qanuni xunta rejimi ləğv edildi, Azərbaycan hüquq-mühafizə orqanlarının həyata keçirdiyi tədbirlər nəticəsində separatçıların əsas rəhbərləri həbs olundu.

Antiterror tədbirləri zamanı Azərbaycan Ordusunun 192 hərbçisi şəhidlik zirvəzinə yüksəldi.

Beləliklə, Vətən müharibəsi və antiterror tədbirləri nəticəsində uzun illər erməni işğalı altında olan Azərbaycanın əzəli və əbədi torpaqları azad olundu. Bununla da Azərbaycanın bütün ərazilərində dövlət suverenliyi və Konstitusiya quruluşu bərpa edildi.
Tanrı şəhidlərimizin ruhunu şad eləsin!

Avqustun 21-də Türkiyənin Diyarbəkir şəhərinin Bağlar rayonunda itən və 19 gün sonra cəsədi dərəyə atılan çuvalda tapılan azyaşlı Narin Güranın qətlində yeni detallar üzə çıxıb.

"Azərbaycan Reallığı" Türkiyə mətbuatına istinadla xəbər verir ki, araşdırmalar nəticəsində Güran ailəsinin bir çox üzvünün Narinin itdiyi gündən sonra vatsap yazışmalarını sildiyi üzə çıxıb.

Eyni zamanda onlar zəng ziyahılarını da siliblər və telefonlarını yeniləri ilə əvəzləyiblər.

Halk TV-nin xəbərində iddia edilir ki, təhlükəsizlik qüvvələrinin apardığı araşdırmalar nəticəsində Güran ailəsi üzvləri jandarmın ətrafı xüsusi cihazlarla dinlədiyini öyrənib. Bundan sonra Güran ailəsi kişilərinin iştirak etdiyi azı 7 ayrı ailə arası görüşlər keçirilib. Açıq və qapalı məkanlarda baş tutan görüşlər zamanı ailə üzvləri polislər onların danışdıqlarını başa düşməsin deyə yüksək səslə musiqi qoşublar.

Digər bir məlumata görə, Güran ailəsinin üzvləri dəfələrlə əmi Salim Güranın tapşırığı ilə hərəkət edib.

Narinin qətlə yetirildiyi ata evində bir çox xalça, divan və kreslo üzlükləri, süfrə ilə birgə ana Yüksel Güranın paltarları paltaryuyan maşında yuyulub.

Evdəki xalçaların azı 2 dəfə yuyulduğu üzə çıxıb.

Yuma işlərini qohum Hediye Güranın təşkil etdiyi deyilir. İddia edilir ki, Narinin cəsədi evdən çıxarıldıqdan sonra Salim Güranın tapşırığı ilə Hediye, Maşallah və Yüksel Güran birlikdə evdəki xalça və süfrələri yuyub.

Narinin anasının evdə olan paltaryuyan maşına normadan çox örtük, süfrə və paltar atdığı üçün maşının xarab olduğu, ona görə də çirklilərin qohum Hediye Güranın evindəki maşınla yuyulduğu müəyyən olunub. Xüsusilə evin girişindəki əsas zalın və Narinin qətlə yetirildiyi otaqdakı bütün örtüklərin yuyulduğu üzə çıxıb.

Evin döşəməsinin də dəfələrlə kimyəvi təmizləyicilərdən istifadə edilərək silindiyi bəlli olub.

Bundan əlavə, bütün ailə üzvləri, xüsusilə Hediye, Maşallah və Yüksel Güranlar 21 avqustda azı 2 dəfə hamamda çimib, əmi Salim Güran uzun müddət yuyunub və maşınını qapının qarşısında yuyaraq təmizləyib.

Narinin 21 avqust saat 15:15-də evə gəldikdən dərhal sonra qətlə yetirildiyi müəyyən edilib. Onun cəsədi evdən çıxarıldıqdan sonra əmi Salim Güran saatlarla ailə üzvləri və yaxın çevrəsi ilə telefon danışıqları aparıb. Danışıqların əksəriyyəti vatsap vasitəsilə baş tutub. Sözügedən müzakirələrdə əmiyə sübutların üzə çıxmaması üçün yardım edildiyi bəlli olub.

Hüquq-mühafizə orqanları hadisədən dərhal sonra əmi Salim Güranın təlaşlı şəkildə hərəkət etdiyini öyrənib. Bu vəziyyətə kənddən olan, lakin qohum olmayan bir nəfər şahidlik edib. Hadisələri uzaqdan izləyən bu şəxsin hüquq-mühafizə orqanları ilə əlaqə yaratdığı və daha sonra gizli şahid olduğu bildirilir.

Jandarmın apardığı araşdırma ilə əmi Salim Güranın evində hadisədən əvvəl təhlükəsizlik kamerasının olduğu, lakin qətldən dərhal sonra qeyri-işlək vəziyyətə gətirildiyi də məlumatlar arasındadır. Bənzər şəkildə digər əmi Hüseyin Güranın evində olan səsli qeydiyyat aparan təhlükəsizlik kamerasının da söndürüldüyü, hər iki evdəki kameraların əvvəlki tarixdəki bütün görüntülərinin xüsusi proqramla silindiyi aşkarlanıb.
Buna baxmayaraq jandarmın hər iki təhlükəsizlik kameralarının hard disklərini ələ keçirərək Türkiyə Elmi və Texnoloji Araşdırmalar qurumuna göndərdiyi öyrənilib.

Araşdırmalar nəticəsində məktəbin açarının əmi Güranda olduğu, onun hadisədən sonra məktəbə gedərək təhlükəsizlik kamerası görüntülərini izlədiyi üzə çıxıb.

Görüntülərin silinməsi və ya montaj olunub-olunmadığının aşkarlanması üçün həmin kameraların hard disklərinin də araşdırılmağa verildiyi qeyd edilib.

Xatırladaq ki, N.Güranın qətlinə görə anası və qardaşı da daxil olmaqla 12 nəfər saxlanılıb. Ekspertiza 8 yaşlı qızın boğularaq öldürüldüyünə rəy verib. İstintaq davam edir.

"Lerik Broyler" MMC barəsində inzibati iş başlanıb.

Qaynarinfo xəbər verir ki, şirkət İnzibati Xətalar Məcəlləsinin 602.-4-cü (Sahibkar tərəfindən yoxlama prosesində yoxlamaya aid sənədlərin yoxlayıcıya təqdim edilməməsinə, yoxlama zamanı yaranan suallara şifahi və (və ya) yazılı izahatlar verilməməsinə, təhrif olunmuş, yanlış məlumatın verilməsinə və ya sahibkarlıq fəaliyyəti üçün istifadə olunan əraziyə, istehsal və emal müəssisələrinə, anbarlara, satış sahələrinə, nəqliyyat vasitələrinə, habelə sahibkarlıq fəaliyyəti üçün istifadə olunan digər yerlərə baxış keçirilməsinə mane olma) maddəsi ilə ittiham edilir.

İş baxılması üçün Lerik Rayon Məhkəməsinə göndərilib.


602.4-cü maddəyə əsasən, vəzifəli şəxslər 1000 manatdan 1500 manatadək məbləğdə cərimə edilir.

"Lerik Broyler" MMC keçmiş deputat İqbal Məmmədova məxsusdur. Şirkət İqbal Məmmədovun qardaşı Çingiz Məmmədov, daha sonra isə onun oğlu Orxan Nərimanlı rəhbərlik edib.

2019-cu ildə "Relax” istirahət mərkəzində Vergi İdarəsinin əməkdaşlarına qarşı fiziki güc tətbiq etdikləri üçün İqbal Məmmədovun oğlu Mirhəmid Nərimanlı və qardaşı oğlu Orxan Nərimanlı həbs olunublar.

Siyəzən rayonunda qadın iş yerində vəfat edib.

XALQ.AZ xəbər verir ki, hadisə sentyabrın 23-ü saat 16 radələrində Siyəzən şəhərinin ərazisində yerləşən “Siyəzən Broyler” ASC-nin yeməkxanasında baş verib.
Şirkətin əməkdaşı, 1963-cü il təvəllüdlü Rəfiqə Hacı qızı İsaqovanın halı iş yerində qəfil pisləşib və dünyasını dəyişib. Onun infarktdan öldüyü bildirilib.

Faktla bağlı araşdırma aparılır.
Qeyd edək ki, ölkə mətbuatında “Siyəzən Broyler” ASC-i Milli Məclisin deputatı Kəmaləddin Qafarova məxsus olduğu bildirilir, və bu məsələ Kəmaləddin Qafarov tərəfindən təkzib olunmayıb.

Sərnişinlərin mənzil başına tez və rahat çatmaları üçün paytaxtın bir çox küçə və prospektlərində avtobusların rahat və maneəsiz hərəkəti üçün avtobus zolaqları çəkilib.

Lakin zolaqların olmasına baxmayaraq, avtobus sürücüləri onlardan istifadə etmirlər.

Sürücülər məsələ ilə bağlı bildiriblər ki, ağac budaqları, avtobus zolaqlarında qoyulan zibil qutuları avtobusların hərəkətinə mane olur:

"Məcburuq ki, zolaqdan kənara çıxaq".

Taksi sürücüləri üçün nəzərdə tutulan dayanacaqlara da avtobus zolağı çəkən müvafiq qurum əslində həmin istiqamətdə demək olar ki, avtobus hərəkəti olmadığını nəzərə almayıb. Ekspertlər deyirlər ki, bu kimi hallar qəbulolunan deyil və problemin həlli zəruridir.

Məsələ ilə bağlı Azərbaycan Yerüstü Nəqliyyat Agentliyindən (AYNA) bildirilib ki, 28 May küçəsində zolaq çəkilsə də, hələ ki həmin ərazidə tamamlanma işləri aparılır və elə bu səbəbdən də taksi dayanacağı ləğv edilib.

Avtobusların zolaqdan çıxmasına gəlincə isə AYNA-nın açıqlaması belə olub:

"Manevretmə, geridönmə və müxtəlif maneələrlə rastlaşdığı təqdirdə avtobuslar onlar üçün ayrılmış zolaqdan kənara çıxmaq məcburiyyətində qalırlar. Bu kimi hallar olmadığı təqdirdə avtobuslar təşkil edilmiş zolaqla hərəkət etməlidirlər. Bununla bağlı daşıyıcılarla iş aparılır. Onlara sürücülərin sərnişindaşıma və yol hərəkəti qaydalarına riayət etmələri ilə bağlı maarifləndirici söhbətlərin aparılması tapşırığı verilir".

Ətraflı Baku TV-nin süjetində:

Azərbaycan bəzi hallarda vətəndaşlar ölkəni tərk etmək istəyərkən problemlə qarşılaşırlar. Belə ki, onların ölkəni tərk etməsinə məhdudiyyət və qadağalar olduğu üçün xaricə səfər edə bilmirlər.

AJMEDİA.İNFO xəbər verir ki, ölkədən çıxışa hansı hallarda qadağa qoyulmasını və hüquqi əsasları baku.ws araşdırıb.

Əgər hava limanında və ya quru sərhədlərində geri qaytarılmaq istəmirsinizsə, qanunvericilikdə nəzərdə tutulan bu halları diqqətlə izləməyiniz vacibdir.

Azərbaycan Respublikasının vətəndaşı yalnız müəyyən qanuni əsaslarla ölkəni tərk etmək hüququndan məhrum edilə bilər. Bu vəziyyətlər Azərbaycan Respublikası Miqrasiya Məcəlləsi, Azərbaycan Respublikası İnzibati Xətalar Məcəlləsi, və Azərbaycan Respublikası Cinayət Məcəlləsi kimi qanunvericilik aktlarında qeyd olunur.

Bu hallarda ölkədən çıxışa qadağa qoyula bilər:

1. Məhkəmə qərarı ilə ölkəni tərk etmək qadağası

Vətəndaşlar məhkəmə qərarı ilə ölkəni tərk etmək hüququndan məhrum edilə bilərlər.

Aşağıdakı hallarda məhkəmə tərəfindən belə bir qərar verilə bilər:

Cinayət təqibi altında olan şəxs: Əgər vətəndaşa qarşı cinayət işi açılıbsa və istintaq zamanı onun ölkədən çıxışı məhdudlaşdırılıbsa, bu şəxsin sərhədi keçməsinə icazə verilməyəcək.

Cərimə və ya borc öhdəliyi olanlar: Məhkəmə qərarı ilə borc öhdəliklərini yerinə yetirməyən şəxslərin ölkəni tərk etməsi məhdudlaşdırıla bilər. Bu bura həmçinin vergi borcu olan şəxslər də daxildir.

2. Əsgərlik öhdəliyi

Əsgərlik öhdəliyi olan, lakin həmin öhdəliyi yerinə yetirməyən kişilər ölkəni tərk edə bilməzlər. Qanunvericiliyə əsasən, əsgərlik yaşı çatmış şəxslər ölkədən çıxış zamanı yoxlanılır və əgər hərbi xidmətə çağırışdan yayınıblarsa, hava limanında və ya sərhəddə geri qaytarıla bilərlər.

3. Məhkəmə qərarı ilə zamin duran şəxslər
Banka zamin duran şəxsin ölkəni tərk etməsi məhdudlaşdırıla bilər. Əgər zamin dayandığı borclu öhdəliklərini yerinə yetirmirsə və məhkəmə tərəfindən qərar çıxarılıbsa, zamin olan şəxs də məsuliyyət daşıyır və onun da ölkəni tərk etməsi qadağan oluna bilər.
4. Dövlət sirrini bilən vəzifəli şəxslər
Dövlət sirrinə malik olan vəzifəli şəxslərin ölkədən çıxışı məhdudlaşdırıla bilər. Bu şəxslərin ölkəni tərk etməsi milli təhlükəsizliyə zidd hesab olunduqda, xüsusi qaydalar əsasında onların hərəkətləri məhdudlaşdırılır.

5. Qanunsuz miqrasiya və saxta sənədlərlə ölkəni tərk etmə cəhdi
Əgər bir şəxs saxta sənədlərlə və ya qanunsuz miqrasiya məqsədilə ölkəni tərk etməyə cəhd edərsə, hava limanında və ya sərhəddə bu cəhdin qarşısı alınır və şəxs geri qaytarılır.
6. İnzibati və ya cinayət işləri üzrə borclular

İnzibati və cinayət işləri üzrə dövlətə və ya vətəndaşlara borclu olan şəxslər (məsələn, aliment ödəməyənlər) də ölkəni tərk edə bilməzlər. Bu cür şəxslərin ölkəni tərk etmə hüququ məhkəmə qərarları əsasında məhdudlaşdırıla bilər.