 |
|
|
Son analizlər göstərir ki, dünya üzrə neft ixracının əsas mərkəzləri hesab olunan 13 böyük liman sular altında qalmaq təhlükəsi ilə üz-üzədir.
Musavat.com xəbər verir ki, beynəlxalq Kriyosfer İqlim Təşəbbüsünün (ICCI) açıqladığı hesabatlara əsasən, iqlim böhranı səbəbindən dəniz səviyyəsinin qalxması 2070-ci ilə qədər qaçılmazdır.
Deniz səviyyəsinin artması ilə bağlı əsas faktlar:
• The Guardian qəzetində dərc olunan xəbərə görə, əsasən “süpertanker” gəmilərin istifadə etdiyi bu 13 liman dəniz səviyyəsinin sadəcə 1 metr qalxması ilə belə ciddi zərər görə bilər.
• Səudiyyə Ərəbistanının Ras Tanura və Yanbu limanları ən zəif mövqedədir. Bu limanlar ölkənin neft ixracının 98%-ni həyata keçirən Aramco şirkəti tərəfindən idarə olunur.
Hesabatda adı çəkilən digər limanlar arasında:
• ABŞ-ın Texas ştatındakı Houston və Galveston limanları,
• Birləşmiş Ərəb Əmirliklərindəki Havr Fakkan və Füceyrə limanları,
• Çinin Dalian, Şanxay və Ningbo-Zhousan limanları,
• Sinqapur və Hollandiya limanları yer alır.
Buzlaqlar əriyir, nəticələr qaçılmazdır
ICCI-nin məlumatına görə:
• Dəniz səviyyəsinin 1 metr qalxması bu əsrdə qaçılmazdır.
• Yüksək emissiya səviyyəsi azaldılmasa, buzlaqların əriməsi 2070-ci ildə bu prosesin pik həddə çatmasına səbəb ola bilər.
• Əgər buzlaqların əriməsinin qarşısı alınmasa, gələcəkdə (təxminən 1000 il ərzində) dəniz səviyyəsi 3 metrə qədər arta bilər.
“İronik” təhdid
Alimlər, iqlim böhranının səbəbi olan fosil yanacaqların yükləndiyi limanların məhz bu böhranın təsirlərinə məruz qalmasını ironik adlandırırlar. ICCI direktoru Pam Pearson bildirib ki, “Petrol tankeri limanlarının dəniz səviyyəsinin yüksəlməsi ilə təhdid edilməsi ironikdir.”
O əlavə edib ki, hökumətlər və şirkətlər qısa müddətli maraqları səbəbilə bu təhlükəni görməzdən gəlirlər. Pearsonun sözlərinə görə, dəniz səviyyəsinin yüksəlməsi ilə bağlı məlumatlar hökumətlərin və şirkətlərin davranışlarına təsir göstərmir.
ICCI-nin baş məsləhətçisi James Kirkham isə bildirib ki, “Petrol istifadəsinə davam etmək, dəniz səviyyəsinin artımını sürətləndirmək deməkdir.”
MƏNBƏ: https://www.hurriyet.com.tr/dunya/bilim-insanlari-uyardi-limanlar-tehdit-altinda-dunya-haritasi-yeniden-cizilecek-42648132
Musavat.com
Rusiyadakı erməni diasporu Ermənistan bayrağı ilə rəs edən gənclərin əlindən bu ölkənin bayrağının alınmasından sonra hərəkətə keçib.
Referans.az xəbər verir ki, Rusiyanın Yessentukidə şəhərində yerləşən 7 nömrəli məktəbdə gənclər diskoteka dəşkil ediblər. Şənlikdə iştirak edən ermənilər öz dövlət bayraqlarını çıxarıb rəqs etməyə başladılar. Bunu görən müəllimlər (Natalya Lyulina və Marqarita Şlyagina) dərhal bayraqları onların əllərindən alıblar.
Görüntülər yayılandan dərhal sonra erməni diasporunun təbliğan maşını işə düşüb və müəllimlərin işdən çıxarılması tələbləri ilə Rusiya Təhsil Nazirliyinə, prokurorluğa, Daxili İşlər Nazirliyinə müraciətlər, təhqir və dənqidlər yağmağa başlayıb.
Qeyd edək ki, rus qadınlarının təqibinə erməni siyasətçiləri də qoşulub.
Həmin görüntüləri təqdim edirik.
ABŞ prezidenti Bayden bir qrup tanınmış şəxsi Azadlıq Medalı ilə təltif edib.
Bununla bağlı Ağ Evdə mərasim keçirilib.
Prezidentin təltif etdiyi şəxslər arasında ABŞ-ın sabiq dövlət katibi Hillari Klinton, dünya şöhrətli futbolçu Messi, populyar kino aktyoru Denzel Vaşinqton, basketbol əfsanəsi Conson və digərləri var.
Messi vaxt səbəbindən mərasimdə iştirak edə bilməyib.
Serbiyanın ən iri aviaşirkəti olan “Air Serbia” Rusiyanın Kazan (Tatarıstan Respublikası) və Soçi (Krasnodar diyarı) şəhərlərinə reysləri dayandıracaq.
AYNA xəbər verir ki, bunu Rusiya Turoperatorlarının Assosiasiyası (RTA) bildirib.
“Air Serbia”nın rezervasiya sisteminə görə, qış cədvəlində Belqrada son reys Kazandan yanvarın 19-da, Soçidən isə yanvarın 20-də həyata keçiriləcək”, – təşkilatın teleqram hesabında qeyd olunub.
Serbiya şirkəti reyslərin dayandırılması ilə bağlı rəsmi açıqlama verməyib.
“Air Serbia”nın cədvəlində Belqraddan Moskva və Sankt-Peterburqa reysləri hələ də qalmaqdadır”, – RTA vurğulayıb.
Qeyd edək ki, daha əvvəl “Türkmənistan” aviaşirkəti Aşqabad – Moskva – Aşqabad reysini bir ay müddətinə ləğv etmişdi.
Xatırladaq ki, “Azərbaycan Hava Yolları”na məxsus Bakı – Qroznı reysini həyata keçirən “Embraer 190” sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarədə olan 67 nəfərdən 38-i ölüb, 29-u sağ qalıb.
"ABŞ-nin şərq sahili üzərində görünən və çoxalan uçan naməlum obyektlər qravitasiya ilə idarə olunur. Belə texnologiyalara yalnız ABŞ və Çin malikdirlər".
Oxu.Az-ın verdiyi məlumata görə, bu barədə "Tesla Cybertruck"u partladan Metyu Livelsbergerin mediaya sızan elektron məktubunda qeyd olunub.
O, ABŞ-ni öz ekzotik silahlarını və texnologiyalarını gizlətməkdə günahlandırıb.
Məktubda xəbərdarlıq edilib ki, ölkə boyu müşahidə olunan dronlar, əslində, Pekinin gücünü nümayiş etdirmək məqsədilə Atlantik okeanı vasitəsilə buraxılan Çinin qravitasiya aparatlarıdır. Livelsberger bu dronların qeyri-məhdud yükqaldırma qabiliyyətinə malik olduğunu vurğulayaraq, onu milli təhlükəsizliyə görünməmiş təhlükə kimi təsvir edib.
O, Çinin ABŞ-nin şərq sahilinə hücuma hazırlaşdığı barədə gümanını da bölüşüb.
Xatırladaq ki, ABŞ-nin Nyu-Cersi də daxil olmaqla bir sıra ştatının sakinləri gecələr səmada onlarla dronun görünməsindən narahatlıqlarını bildiriblər. Yerli hökumətlər federal hökumətdən və hərbçilərdən baş verənləri araşdırmağı tələb ediblər. Lakin Pentaqon naməlum dronların uçuşlarında aşkar təhlükə görmədiyini və PUA-ların xarici dövlətlərə məxsusluğuna dair sübutların olmadığını vurğulayıb. Bununla belə, hadisələrin inkişafının izlənəcəyinə vəd verilib.
Yeri gəlmişkən, 18 ili Xüsusi Təyinatlı Qüvvələrdə olmaqla 19 ildən çox hərbi xidmətdə olan Livelsberger Yeni ilin ilk günlərində Las-Veqasda Trampın hotelinin yaxınlığında "Tesla Cybertruck"ı partladıb, özü də orada ölüb.
Sonxeber.az
“1988-ci ildən Qarabağda arvadı gözəl olan erməni kişiləri sərbəst gəzə bilmirdi”.
TEREF Konkret.az - a istinadən xəbər verir ki, bu sözləri erməni bloqer Roman Baqdasaryan bildirib.
O daha sonra fikirlərini belə davam etdirib:
“Amma indi gözəl erməni qadınları Paşinyanın dövründə öz ərləri ilə Ermənistanın küçələrində sərbəst gəzə bilirlər. Yüzlərlə gözəl, yaraşıqlı, əndamlı erməni xanımları ordunun birinci şəxslərinin, yüksək çinli məmurların tələsinə düşürdülər. Hadrutun ordu komandiri, digər daşnaklar gözəl erməni qızlarının ərlərini ya müharibəyə göndərirdilər, ya da öldürürdülər və sonradan izah verirdilər ki, guya onları snayper vurub. Və ərləri öldürülmüş erməni qadınlarla sekslə məşğul olurdular.
O dövrdə yüzlərlə erməni öz gözəl qızlarını qorumaq üçün Qarabağdan qaçmışdı. 35 il ərzində yeganə lider Paşinyandır ki, onun dövründə gözəl xanımlara sərbəstlik, azadlıq verilib. İndi gözəl erməni qadınlarını zorlayanlar erməni kanallarında Paşinyana dərs deməyə çalışırlar.
Dediklərim bir həqiqətdir ki, yüzlərlə erməni ona görə öldürülüb ki, arvadları gözəl olub”.
Ermənistanın keçmiş prezidenti Levon Ter-Petrosyanın 1993-cü ildə erməni milli hərəkatının hərbi qolu olan “Yerpaka” üzvləri qarşısında etdiyi çıxışında səsləndirdiyi fikirlər, onun “demokrat” imicinin nə qədər yanlış olduğunu bir daha ortaya qoyur.
Ter-Petrosyanın açıqlamaları ermənilərin planlı şəkildə Azərbaycan əhalisinə qarşı həyata keçirdiyi sistemli etnik təmizləmə siyasətini təsdiqləyir.
Ter-Petrosyan çıxışında açıq şəkildə bildirib:
“Biz Ermənistanı azərbaycanlılardan təmizlədik, Artsaxı təmizlədik. Erməni xalqının son 600 ildə edə bilmədiyini siz etdiniz.”
Musavat.com sitatın davamını təqdim edir: "Biz Ermənistanı təmizlədik azərbaycanlılardan, biz Artsaxı təmizlədik. Erməni xalqının son 600 ildə edə bilmədiyini siz etdiniz ( könüllü hərbi dəstələri nəzərdə tutur) .
Biz Ermənistanı azərbaycanlılardan ona görə təmizlədik ki, onlar bizə hədəflərimizə çatmağa əngəl olacaqdılar. 170 min azərbaycanlı 3 rayonda çoxluq təşkil edirdilər. Zəngəzur boyu da çoxsaylı idilər. Biz onları təmizləməsəydik həmin bölgələrdə problemlər yaşayacaqdıq, SSRİ dağılan kimi.
Azərbaycanda Dağlıq Qarabağdan kənarda yaşayan 300 min ermənilərin köçüb Ermənistana gəlməsi də bizə lazım idi. Onlar orada qalsaydılar Azərbaycan girov kimi onlardan bizə qarşı istifadə edib tarixi missiyamızı gerçəkləşdirməyə qoymayacaqdılar.
Üstəlik, bununla biz demoqrafik problemimizi həll etdik.
Etnik təmizləmə və məkrli planların etirafı
Ter-Petrosyanın dedikləri, Ermənistanın Azərbaycan və Türkiyəyə qarşı apardığı etnik təmizləmə siyasətinin necə planlı şəkildə həyata keçirildiyini ortaya qoyur. O, azərbaycanlıların Ermənistan və Zəngəzurdan qovulmasını, SSRİ-nin dağılmasından sonra ermənilərin “problemlər yaşamasını” önləmək məqsədilə etdiklərini etiraf edir. Eyni zamanda, Azərbaycanın müxtəlif bölgələrində yaşayan ermənilərin Ermənistana köçürülməsini “Azərbaycanın girov kimi istifadə etməsinin” qarşısını almaq üçün vacib bir addım kimi göstərir.
Bu çıxış, təkcə Ermənistandakı etnik təmizləmənin arxasında duran sistemli planları deyil, həm də Qarabağ münaqişəsi zamanı Ermənistanın bölgədə apardığı işğalçı siyasətin mahiyyətini bir daha təsdiqləyir.
Ter-Petrosyan təkcə Ermənistanın deyil, bütün ermənilərin tarixində ən təhlükəli liderlərdən biridir. Onun Azərbaycana qarşı həyata keçirdiyi təxribatlar və millətçi planlar Sumqayıt hadisələrindən tutmuş, Azərbaycanın müxtəlif bölgələrində baş verən "poqrom"lar və etnik qırğınlarla nəticələnmişdir. Özünü “demokrat” kimi təqdim etməyə çalışan bu şəxs, əslində adi qatildir və antitürk siyasətinin ən bariz nümayəndəsidir.
Musavat.com Levon Ter-Petrosyanın bu çıxışından video parçanı təqdim edir. Onun səsləndirdiyi fikirlər Ermənistanın regionda apardığı siyasətin mahiyyətini və niyyətini bir daha üzə çıxarır.
Mənbə: https://www.youtube.com/watch?v=JR4yhACAICE&ab_channel=AlbertIsakov
Musavat.com
ABŞ Prezidenti Co Baydenin əlində və çənəsində qəribə göyərtilər müşahidə edilib.
Bu barədə "Daily Mail" xəbər verib.
Bildirilir ki, bu vəziyyət ciddi xəstəlikdən xəbər verə bilər.
"Bayden qorxunc görünürdü. Sanki alt dodağını bərk əzib, tamamilə şişmiş və göyərmiş vəziyyətdə idi", - deyə nəşrdə vurğulanıb.
Məqalə müəllifləri, həmçinin ABŞ televiziya kanallarının şərhçilərinin fikirlərini də təqdim ediblər. Ekspertlərdən birinin fikrincə vəzifəsini yanvarın 20-də tərk edəcək ABŞ prezidenti insult keçirmiş ola bilər.
Moldova hakimiyyəti bir sıra ölkələrin, o cümlədən Ermənistan və Rusiya aviaşirkətlərinin fəaliyyətinə qadağa qoya bilər.
“Qafqazinfo” xarici KİV-ə istinadən xəbər verir ki, ölkənin İnfrastruktur və Regional İnkişaf Nazirliyi müvafiq layihənin müzakirəyə çıxarılmasını təklif edib.
Bildirilir ki, belə bir qərarın məqsədi milli qanunvericiliyi Avropa İttifaqının normalarına uyğunlaşdırmaqdır.
Siyahıya Rusiya, Ermənistan, Əfqanıstan, Qırğızıstan, Tanzaniya, Konqo, İran, Liviya və Sudan da daxil olmaqla 20-dən çox ölkənin aviaşirkətləri daxildir.
ABŞ-ın yeni seçilmiş prezidenti Donald Tramp koronavirusa görə Çindən trilyonlarla dollar təzminat tələb edəcək.
Bunu Avropa Parlamentinin keçmiş üzvü, Krit Universitetinin Aİ institutlarının professoru Notis Marias bildirib.
“Mən güman edirəm ki, Tramp ABŞ və ümumilikdə Qərbin Rusiyaya qarşı sanksiyalar tətbiq etməsi və Rusiya hökumətinin 300 milyard dollardan çox vəsaitinin dondurulması “nailiyyətlərindən” istifadə edərək, indi çəkinmədən Çindən koronavirus səbəbindən dəymiş ziyana görə kompensasiya tələb edəcək. Koronavirusdan", - deyə Marias bildirib.
Xatırladaq ki, daha əvvəl ABŞ konqresmenləri koronavirusun laboratoriya mənşəli olduğunu açıqlayıb və Çini günahlandırıblar.(Bizim.media)