 |
|
|
"Parisdə Olimpiya Oyunlarının açılışı ərəfəsində icazə rejimi tətbiq edildikdən sonra şəhər əsir düşərgəsi kimi görünməyə başlayıb".
Oxu.Az xəbər verir ki, bu fikri Fransanın Vətənpərvərlər Partiyasının lideri Florian Filippo "X" sosial şəbəkəsindəki səhifəsində bildirib.
"Dünən Parisi gəzərək gördüm ki, paytaxtı hərbi əsir düşərgəsinə çeviriblər! Söhbət etdiyim polis zabitləri etməli olduqları işin dəlicəsinə absurdluğunu başa düşdüklərini (evə qayıdan insanları skan etmək üçün vaxt sərf etdiklərini) söyləyiblər", - F.Filippo yazıb.
Siyasətçi qeyd edib ki, bu təhlükəsizlik sistemini təsvir edən qanun Fransa Prezidenti Emmanuel Makronun partiyası tərəfindən qəbul edilib və onlar buna görə yalnız utanc hissi keçirməlidirlər.
F.Filippo parisliləri QR kodları boykot etməyə çağırıb.
https://twitter.com/f_philippot/status/1814576778079334827?ref_src=twsrc%5Etfw%7Ctwcamp%5Etweetembed%7Ctwterm%5E1814576778079334827%7Ctwgr%5E64d56415304e9cf670ece79e8c2b2e5b25a30df0%7Ctwcon%5Es1_c10&ref_url=https%3A%2F%2Foxu.az%2Fdunya%2Ffransali-siyasetci-parisi-herbi-esir-dusergesine-benzedib
Türkiyənin aparıcı media orqanları Azərbaycan Prezidenti İlham Əliyevin İkinci Şuşa Qlobal Media Forumundakı çıxışını geniş şəkildə işıqlandırıblar.
AZƏRTAC xəbər verir ki, qardaş ölkənin media qurumları Azərbaycanın dövlət başçısının Şimali Kipr Türk Cümhuriyyətinin (ŞKTC) Prezidenti Ersin Tatarın bu yaxınlarda Türk Dövlətləri Təşkilatının (TDT) Şuşada keçirilən qeyri-rəsmi sammitində iştirakı ilə bağlı dediklərinə xüsusi diqqət çəkib.
Azərbaycan Prezidentinin Kipr türklərinə dəstək bəyanatının Türkiyə Silahlı Qüvvələrinin Kiprdə sülhün təmin edilməsi üzrə əməliyyatının başlanmasının 50-ci ildönümündə səsləndirildiyi vurğulanıb.
Prezident İlham Əliyevin Türk Dövlətləri Təşkilatının inkişaf perspektivləri ilə bağlı fikirləri də yüksək qiymətləndirilib.
Yaxın Şərqdəki vəziyyətə, xüsusilə Fələstin dövlətinə münasibətdə Azərbaycan liderinin sözlərinə xüsusi diqqət yetirilib.
Ərdəbil vilayətində kənd sakinləri bölgədəki qum-çınqıl istehsalı zavodlarının zərərli fəaliyyətlərinə etiraz olaraq insan zənciri təşkil ediblər.
Sosial şəbəkələr və yerli medianın yaydığı məlumata əsasən, Ərdəbil vilayətinin Xalxal şəhərindəki turistik Xəmis kəndinin sakinləri iyulun 16-da Aşura günündə mitinq keçiriblər.
Xalxal şəhəri ilə bağlı türk və fars dillərində xəbərlər yayan Khalkhalim.ir saytının yazdığına görə, etirazçılar həmçinin yazılı bir bəyanat dağıdıblar. Sayt etirazçıların bəyanatını dərc edib.
Bəyanatda deyilib ki, “biz turistik Xəmis kəndinin sakinləri məzlum kənd əhalisinin dinclik və rahatlığını pozan və təbii sərmayələrimizə böyük ziyanlar vuran qum yuyan zavodların və onlara bağlı mədənlərin dağıdıcı və çirkəndirici fəaliyyətlərinə kəskin etiraz və narazılığımızı elan edirik.”
Bəyanatda ətraf mühitə ziyan vuran zavodlar və mədənlərin fəaliyyətinə icazə verən dövlət qurumlarına da etiraz bildirilib.
“Kəndin ətrafında çoxsayda qum yuyan və asfalt zavodunun fəaliyyət etməsinə icazə verərək bu məzlum əhalinin haqqına girən cahil ya qərəzli məsullara da xəbərdarlıq edirik ki, artıq bu xalqın səbri tükənib. Biz qanuni yollardan şikayətimizi davam etdirib və bu icazələri imzalayanları məhkəməyə verəcəyik. Zavodlar qapadılıb və ya buradan köçürülənə qədər etiraz və fəaliyyətimizi davam etdirəcəyik,” deyə etirazçıların müraciətində yazılıb.
Nazir: "Yəhudi dövləti buna dözməyəcək və ya geri çəkilməyəcək"
İsrailin xarici işlər naziri İsrael Kats beynəlxalq ictimaiyyəti İrana qarşı sanksiyaları sərtləşdirməyə çağırıb.
TEREF “Report”a istinadən xəbər verir ki, bu barədə İsrail Xarici İşlər Nazirliyinin bəyanatında deyilir.
Onun sözlərinə görə, İsrail Hərbi Hava Qüvvələri iyulun 20-də İranın Yəməndəki terrorçu qoluna zərbə endirib:
“Beynəlxalq ictimaiyyətin İrana qarşı sanksiyaları mümkün qədər gücləndirməsinin vaxtı çatıb. Onun (İran – Red) rəhbərliyi altında husilər naviqasiya azadlığına və ticarət yollarına ölümcül ziyan vurur. İran İsrailə hücum etmək üçün istifadə etdiyi regional terror qruplaşmasından biri olan husiləri dəstəkləyir, öyrədir və maliyyələşdirir. Yəhudi dövləti buna dözməyəcək və ya geri çəkilməyəcək, ancaq öz vətəndaşları üçün təhlükə yaradan hər kəsə zərbə endirəcək”.
Qeyd edək ki, İsrail Hərbi Hava Qüvvələrinə məxsus təyyarələr Yəmənin Hudeydə limanı yaxınlığındakı hərbi obyektlərə zərbələr endirib.
ABŞ Prezidenti Cozef Bayden Avropa Komissiyasının (AK) sədri Ursula fon der Lyayen ilə telefon danışığında Ukraynaya yardım və Rusiyaya qarşı tədbirləri müzakirə edib.
"Report" xəbər verir ki, bu barədə Ağ Evin mətbuat xidmətinin bəyanatında deyilir.
Onlar Ukraynaya dəstəyi və münaqişəyə görə Rusiyanı məsuliyyətə cəlb etmək səylərini müzakirə ediblər.
Tərəflər güclü ABŞ-Aİ münasibətlərinə və dünyanın ən böyük problemlərini həll etmək üçün birgə işləməyə sadiq olduqlarını bir daha təsdiq ediblər.
Qeyd edək ki, Ursula fon der Lyayen növbəti beşillik müddətə Avropa Komissiyasının (AK) sədri seçilib.
Son iki ildə Rumıniya ərazisinə keçmiş ukraynalı qaçqınların sayı 9 milyon nəfəri ötüb.
“Report” xəbər verir ki, bu barədə “TASS” Sərhəd Polisi Müfəttişliyinə istinadən məlumat yayıb.
Rumıniya hökuməti tərəfindən bu hesablamalar 2022-ci il fevralın 10-dan etibarən aparılır.
Beləliklə, qeyd olunan tarixdən bəri ölkəyə 9 033 191 ukraynalı gəlib.
Gürcüstan parlamenti "Amnistiya haqqında" qanun layihəsini birinci oxunuşda qəbul edib.
Parlamentin 82 deputatı qanun layihəsinin lehinə səs verib.
Qanun layihəsinə əsasən, Gürcüstanda bütün məhkumların təxminən üçdə birinin cəza çəkməkdən tamamilə azad ediləcəyi və ya cəza müddətinin azaldılacağı gözlənilir.
Bildirilir ki, bu gün Gürcüstanda 10 mindən çox insan məhkumluq həyatı yaşayır və qanunun qəbulundan sonra onların təxminən 10 faizi azadlığa buraxılacaq.
Amnistiya 2024-cü il iyulun 1-dək törədilmiş cinayət əməllərinə görə məhkum olunmuş şəxslərə şamil edilsə də, qətl törədənlərə, narkotik vasitələri istehsal edən və satışı ilə məşğul olan şəxslərə, ağır cinayətlər törətmiş şəxslərə şamil olunmayacaq.
Qanunun payız sessiyasında ikinci və üçüncü oxunuşlarda qəbul edilməsi nəzərdə tutulur.
Qeyd edək ki, müxalifətin əksər deputatları parlamentin iclasına qatılmayıb.
News Georgia
ABŞ prezidentliyinə namizəd Donald Trampın Pensilvaniyadakı seçki kampaniyasının mitinqinin təhlükəsizliyini təmin etmək üçün taktiki komandanın tərkibində olan snayperlərdən biri siyasətçiyə sui-qəsd cəhdindən əvvəl atıcı Tomas Metyu Kruksu damda görübmüş.
Gundemxeber.az xarici mediaya istinadla xəbər verir ki, bu barədə Amerikanın “CBS News” telekanalı məlumat yayıb. Yerli hüquq-mühafizə orqanlarındakı mənbə telekanala deyib ki, snayper həmin anda tüfəngin binoklundan baxarkən Kruksu görüb və onun şəklini çəkə bilib. Bundan sonra o, şübhəli şəxs haqqında rəhbərliyə məlumat verib.
Kanalın həmsöhbətinin sözlərinə görə, Kruksun Trampa hücumda istifadə etdiyi binanın içərisində snayperlərdən ibarət taktiki qrup yerləşib. Atıcı görünəndə iki polis əməkdaşı dama çıxmağa çalışsa da, silahlı şəxs həmin an atəş açıb.
WTAE televiziya kanalı atıcını göstərən video nümayiş etdirib. Video sui-qəsddən bir saat əvvəl mitinq iştirakçılarından biri tərəfindən çəkilib. Açıq rəngli geyimdə olan Kruks kamera obyektivinə tərəf gedir. O, mühafizə olunan perimetr hasarının arxasındakı ərazidə gəzərkən görüntüyə gəlib.
Eyni zamanda, mitinqdə olanlar atıcının damda silahla hərəkət etdiyini görür və ona fikir vermirlər.
O da məlumdur ki, 20 yaşlı cinayətkar Trampa sui-qəsd edilən gün işdən bir günlük icazə alıb. O, bir işi olduğuğunu deyib. Kruks sui-qəsdin ertəsi günü işə qayıtmağı planlaşdırıb.
ABŞ-ın keçmiş prezidentinə sui-qəsd edildiyi gün Kruks üç dəfə məxfi xidmətdən yayına bilib. Əvvəlcə binada olan snayperlərdən biri küçədən dama baxan atıcını görüb. Kruks binaya baxış keçirib və gözdən itib. Bundan sonra o, qayıdıb, çəmənlikdə oturub və telefonuna baxmağa başlayıb.
Daha sonra Kruks məsafəölçən götürüb. Bundan sonra snayper komanda məntəqəsi ilə radioəlaqə saxlayıb. Bu zaman Kruks yenidən gözdən itib, sonra isə bel çantası ilə qayıdıb.
Snayperlər şübhəli şəxs barədə rəhbərliyə məlumat veriblər. Əlavə kömək üçün gələn asayiş keşikçisi Kruksun olduğu dama çıxarkən o, Trampa atəş açıb.
Polis hesab edir ki, Kruks damın üstünə çıxmaq üçün havalandırma sistemindən istifadə edib.
Hazırda FTB hələ də Trampa hücumun motivini müəyyən edə bilməyib. Onların fikrincə, Kruksun dostları az olub və güclü siyasi əqidəsi olmayıb. Həmçinin, onun telefonunda istintaqa kömək edə biləcək heç bir məlumat tapılmayıb.
Bu infomasiyadan sonra Tomas Metyu Kruksun öncədən qarşı damdakı snayperin nişahgahında olması tezisi təsdiqini tapir. Həmin snayper onu, atəş açandan 1-2 saniyə sonra bir atəşlə öldürüb.
Gundemxeber.az
Süleyman Demirel uzun siyasi həyatında bir çox siyasi partiya və onların liderləri ilə koalisiya ortaqlığı, müxtəlif kabinələrdə bərabər çalışmışdır. Xalq o dövrün siyasətçilərinə xoş ləqəblər qoymuşdu – Türk Milliyyətçilərinin lideri Alparslan Türkeşə “Türk çocuğu”, Sol hərəkatın ən önəmli isimlərindən Bülent Ecevite “Halk çocuğu”, İslamçı-mühafizəkar Necmettin Erbakana “Müslüman çocuğu” deyirdilər.
Demirelin isə yaxşı bir ləqəbi-filan yox idi. Və bir dəfə kameralara gözlənilmədən belə deyir:
“Türkeş Türk çocuğu, Ecevit halk çocuğu, Erbakan Müslüman çocuğu, biz o... çocuğu muyuz?”…
foto: soldan sağa - B.Ecevit, N.Erbakan, S.Demirel, A.Türkeş
İbrahim Nebioğlu
TEREF
İyulun 26-da Parisdə keçiriləcək Olimpiadanın açılış mərasimində iştirak etməli olan üç minə yaxın fransalı sənətçi hökuməti tətillə hədələyib.
Oxu.Az "Le Parisien" nəşrinə istinadən xəbər verir ki, onlar rüsvayçı əmək müqavilələrindən şikayət edirlər.
Qeyd olunur ki, artıq həmkarlar ittifaqının bəyanatı aidiyyəti qurumlara təqdim olunub.
Xatırladaq ki, Parisdə Olimpiya Oyunları iyulun 26-dan avqustun 11-nə qədər, Paralimpiya Oyunları isə avqustun 28-dən sentyabrın 8-nə qədər keçiriləcək.