Rusiyanın sursatları tükənir. Bu isə onların hücum potensialının azalması prosesini sürətləndirir.

Bu barədə Pentaqonun qapalı brifinqində ABŞ kəşfiyyatının adı açıqlanmayan rəsmisi deyib.

"Bizim sursatların tükəndiyinə və artıq onların gizli anbarlardan çıxarılması dair çoxlu sübutlarımız var", - ABŞ kəşfiyyat rəsmisi deyib.

ABŞ kəşfiyyatının məlumatına görə, indi Rusiya batalyon-taktiki qruplarını birləşdirib və öz qüvvələrini bərpa etməyə çalışır.

Qeyd edək ki, son günlər Krımda baş verən silsilə partlayışlar da Rusiya ordusunun silah anbarlarının, hərbi texnikanın və infrastrukturun məhv edilməsi məqsədi daşıyır.

Xüsusilə də Ukraynanın uzaq məsafəni yüksək dəqiqliklə vuran raketlər əldə etməsindən sonra Rusiyanın hərbi arsenalının məhv edilməsi prosesi sürətlənib. Ona görə də perspektivdə Rusiya üçün müharibəni davam etdirmək çətin ola bilər. Teref.az-ın məlumatına görə, politoloq Xaqani Cəfərli Cebhe.info-ya açıqlamasında bildirib ki, Ukrayna Rusiyanın yalnız silah arsenalını deyil, həmçinin hərbi logistikasını da məhv etməyə çalışır. Ona görə də Rusiyanın hərbi potensialı tükənmək üzrədir:

"Bir müddət öncə Böyük Britaniya kəşfiyyatı Rusiyanın arsenalında olan dəqiq silahların 70 faizini istifadə etdiyi barədə məlumat açıqlamışdı. Eyni məlumatın bir qədər başqa şəkildə ABŞ kəşfiyyatı tərəfindən verilməsi bununla bağlı Qərb xüsusi xidmət orqanlarında kifayət qədər informasiyaların olduğunu təsdiq edir.

Ümumiyyətlə, ötən müddətdə açıqlanmış kəşfiyyat məlumatların öz təsdiqini tapması göstərir ki, Qərb Rusiyada gedən proseslərə tam nəzarət edə bilir.

Yəni Kremlin atdığı addımları, planlarını dəqiqliklə müəyyən edirlər. Çünki Rusiyanın Ukraynaya hücum edəcəyi ilə bağlı ABŞ, Britaniya və NATO ölkələrinin dəqiq məlumatı vardı. Bu sonradan sübuta yetirildi. Ona görə də Pentaqonda açıqlanmış məlumatın səhih olduğunu düşünmürəm. Burada fərq cüzi ola bilər. Amma Rusiyanın silah-sursat ehtiyatının tükənməsi barədə çoxsaylı məlumatlar var. O ki, qaldı Ukraynanın son zamanlar Rusiyanın silah anbarlarını vurmasına, bu, rəsmi Kiyevin müharibə fəlsəfəsinin dəyişdiyini göstərir.

Əvvəllər Ukrayna Sovet müüharibə fəlsəfəsindən istifadə edirdi. Amerikalı generallardan biri deyib ki, döyüşü əsgər, müharibəni logistika udur.

Artıq biz Ukraynanın Rusiya ordusunun logistikasını məhv etdiyini görürük. Logistika dedikdə, yalnız yollar və körpülər nəzərdə tutulmur. Buraya silah anbarları, təhcizat məntəqələri, yanacaq bazası daxildir. Yanacaq vaxtında çatdırılmasa, texnika hərəkət edə bilməz və açıq hədəfə çevrilər. Yaxud silah-sursat olmasa, əsgər əliyalın qalır. Ona görə də Ukrayna Rusiyanın logistikasını məhv etməklə planlaşdırılan əks-hücum zamanı uğur qazanmağa nail olmaq istəyir. Bütün məlumatlar Rusiyanın ağır itkilər verdiyini göstərir.

Məsələn, Rusiya Qara dəniz donanmasının aviasiyasının yarıdan çoxunu itirib. Bu o deməkdir ki, Xersonda və digər vilayətlərdə Ukrayna hava hücumundan ehtiyat etmədən hərəkət edə bilər. Ukrayna həmçinin, Rusiyanın hava məkanında üstünlüyünü də aradan qaldırmağa çalışır. Çünki Krıma endirilən zərbələrin əsas hədəfi hərbi hava limanlarıdır. Müharibə başlayanda Rusiyanın hava məkanında çox böyük üstünlüyü vardı. Ancaq belə zərbələrlə Ukrayna üstünlüyü öz xeyrinə dəyişmək istəyir".

Ekspertin sözlərinə görə, müharibədə böyük itkilər verən Rusiya hərbi sənayeni yenidən işə salmağa cəhd edir: "Ancaq bunu reallaşdırmaq üçün Rusiyanın müasir texnologiyası yoxdur. Köhnəlmiş Sovet texnikası ilə uğur qazanmaq isə mümkün deyil".

Rusiya Milli Respublika Ordusu Darya Duginanın ölümü ilə bağlı məsuliyyəti öz üzərinə götürdüyünü bəyan edib.

Azpost.info bildirir ki, bu barədə özünün Youtube kanalında Dövlət Dumasının sabiq deputatı İlya Ponomaryev bildirib.

“Rusiya ərazində törədilən digər aksiyalar kimi bu aksiya da Milli Respublika Ordusu tərəfindən reallaşdırılıb. Biz “Pospartizan” resursu ilə həmin qurumun döyüşçüləri ilə əlaqə yaratmışıq. MRA mənə öz manifestlərini oxumaq üçün vəkalət verib”-deyə sabiq deputat vurğulayıb.

Daha sonra Ponomaryev Bəyanatı oxuyub. Sənəddə deyilir ki, Respublika Ordsunun döyüşçülərini müharibə səbəbkarlarına, qarətçilərə və Rusiya xalqlarına zülm edənlərə qarşı olan fəallar, hərbçilər və siyasətçilər təşkil edir.

MRA bəyan edib ki, Putin məhv ediləcək. Qurum öz hədəfləri sırasında Rusiyanın hökümət üzvlərinin, korrupsioner biznesmenlərin, güc strukturlarının və hərbi yük daşıyan işçilərin olduğunu açıqlayıb.

“Biz prezident Putini hakimiyyəti ələ keçirməkdə ittiham və hərbi cinayətlərdə əli olduğunu, slavyan xalqları arasında qardaş qırğını saldığını, rus əsgərlərini labüd və mənasız ölümə göndərdiyini bəyan edirik”-deyə Bəyanatda deyilir.

“MRA mülki obyektlərə hucum etməyəcəyini vəd edib.

Ponamaryev bildirib ki, Ukraynada rus hərbçilərinin Rusiya Könüllü Korpusu və Azad Rusiya Legionu döyüşür.

Qeyd edək ki, dünən “rus dünyası” ideyasının rəhbəri, filosof Duginin qızının avtomobilinə bomba qoyulub. Partlayış nəticəsində Darya Dugina həlak olub.

Müasir Rusiya millətçiliyinin atalarından və “Rus dünyası”nın əsas ideoloqlarından olan Aleksandr Duginin qızı Darya avtomaşınına yerləşdirilmiş partlayıcının işə düşməsi nəticəsində həlak olub. Bir çox müşahidəçilərin dediyinə görə, əslində bombanın hədəfi Duqinin özü olsa da, hədəfə gələn onun qızı olub.

Qaziler.az xəbər verir ki, bu sözləri təhlükəsizlik üzrə ekspert Ərəstun Oruclu qeyd edib.

Ekspertin sözlərinə görə, Duqinin daha çox “Darya Platonova” təxəllüsü ilə tanınan qızı da atasının ideoloji tərəfdaşı və fəal dəstəkçisi idi:

“Qeyd olunur ki, o, Moskva ətrafındakı tədbirdən geri dönərkən qətlə yetirilib. Bu da bildirilir ki, terrorun hədəfi olan Duqinin sağ qalmasının səbəbi son anda başqa maşında getməyə qərar verməsi olub.

Donbas terrorçu-separataçılarından tutmuş digər Rusiya radikallarınadək, bir çoxları terrorun ukraynalı diversantlar tərəfindən təşkil olunduğunu iddia etsələr də, bu, inandırıcı görünmür. İlk növbədə ona görə ki, indi ukraynalıları maraqlandıran daha çox onların ölkəsinə qarşı müharibə aparan generallardır.

İdeoloqlar isə bir qayda olaraq daxildəki siyasi-ideoloji rəqibləri tərəfindən hədəfə alınırlar. Duqin də bu mənada istisna deyil. Avrasiya ideyalarının arxasında gizlənən Duqinin əsas ideoloji platforması rus faşizmidir və bu, getdikcə daha aydın görünməkdədir. Çox güman ki, onun hədəfə alınmasının səbəbi də elə budur. Amma konkret halda Duqinə qarşı terror törədənlərin onun ideoloji rəqibləri deyil, həmin ideologiyanı onun əlindən almaqda maraqlı tərəfin olması daha inandırıcıdır. Bunun da konkret səbəbi var: bu gün Rusiyada aşırı millətçiliyə alternativ ideologiyanın olduğu və hətta ola biləcəyi də görünmür. İllər ərzində Kreml təbliğatı sayəsində aşırı millətçiliyə, ksenofobiyaya, irqçiliyə, bir sıra hallarda isə açıq faşizmə yoluxdurulmuş Rusiya cəmiyyətində uğur qazanmağın yeganə yolu həmin baxışlarla, həmin ideoloji platforma ilə silahlanmaqdan keçir. Bu ölkədə başqa siyasi baxışların şansının olduğu görünmür”.

Ekspertin sözlərinə görə, hətta daim liberal siyasətçi kimi tanınmış keçmiş Prezident Medvedyevin davamlı olaraq millətçiliyə, şovinizmə, irqçiliyə istinad etməsi də təsadüfi sayılmamalıdır:

“Müasir Rusiya siyasətində uğur (daha doğrusu, xalqın dəstəyini) qazanmağın yeganə yolu budur. Rusiya siyasi çevrələrində gedən mübarizə əslində millətçi-faşist ideologiyaya sahiblənmək uğrundadır. Hakimiyyətə aparan yeganə yol həmin ideoloji paltformadan keçir. Elə buna görə də ölüm-dirim savaşı ideoloji baxımdan eyni qütbdən olanlar arasında gedir və gedəcək də. Bu mənada “rus dünyasının” atasının hədəfə alınması ideoloji platforma uğrunda mübarizənin (əslində isə müharibənin) kəskinləşdiyinin və kulminasiya nöqtəsinə yaxınlaşdığının indikatoru kimi qəbul oluna bilər. Digər tərəfdən də “ayının dərisini bölüşdürməyə” başlayıblarsa, demək, ayı ya artıq ölüb, ya da can üstədir.

Baş verən hadisələr Rusiyada diversiyaların, terror aktlarının, “ürəktutmalar”dan ölümlərin, “avtoqəzalar”ın və nəhayət, “intiharlar”ın artacağını deməyə əsas verir. Mübarizənin vasitələri də bunlardır, çünki faşist ideologiyasının hökmranlıq etdiyi siyasi mühitdə sivil mübarizə metodları olmur”.

Rusiya Federasiyasının xadimlərindən kimlər baş verənlərə və Rusiyanın təcavüzünün davam etməsinə təsir edə bilir və Dmitri Medvedevin bu gün siyasi rolu nədən ibarətdir.

Bu suala rusiyalı politoloq Dmitri Oreşkin cavab verib.

«Böyük məxfilik daxilində Vladimir Vladimiroviç Putin. Bütün qalanlar təsir dairəsi, arxa qapıdan giriş uğrunda mübarizə aparırlar. Və bu mübarizəni az-çox uğurla aparırlar. Amma bütün qərarları Putin qəbul edir, xarici siyasəti Putin formalaşdırır» - o, Freedom layihəsinin efirindən bəyan edib («UNİAN»).

Politoloq hesab edir ki, Rusiya Federasiyasında hər şey bircə nəfərdə cəmləşib. Onun sözlərinə görə, insanlar var ki, Putinə az-çox təsir göstərə bilirlər. Amma o, informasiyanı əsasən, xüsusi xidmətlərdən alır və istifadə edir.

Oreşkin bir çoxlarının “cib prezidenti” adlandırdığı Medvedevə də «toxunub» «Onun rolu alçaqlıqdır. Bunu hamı anlayır, onun özündən başqa. Filə hürən «moska» (balaca it!) roludur. Bu zaman o, bunu hündürdən etməlidir, çünki o, pis imicə (behraund - arxa fon) malikdir. O özünü demokrat və liberal kimi aparmağa cəhd edib, indi ona lazımdır ki, buraxılmış səhvləri düzəltsin» - politoloq qeyd edib.

Onun sözlərinə görə, Medvedev öz fikirlərini heç də həmişə düzgün ifadə edə bilmir, amma bu imkan ona verilib, “çünki kiçicik bir heyvandır”.

Jurnalistlərin məlumatına görə, Rusiyanın sabiq Prezidenti özünü öldürməyə cəhd göstərib. Guya mühafizəçi onu alkoqol sərxoşluğu vəziyyətində, əlində tapança görüb.

Dünyanın ən çirkli havası olan şəhərlərinin adı açıqlanıb.
Şanxay, Moskva və Tehran havanın azot dioksid (NO2) ilə ən çox çirklənməsinə malik şəhərlər adlandırılıb.

Bizimyol.info xarici mətbuata istinadla xəbər verir ki, bu nəticəyə Amerika qeyri-kommersiya təşkilatı “Health Effects Institute” və Sağlamlıq Metrikləri və Qiymətləndirmə İnstitutu gəlib.

İlk onluğa həmçinin Çinin Pekin, Misirin Qahirə, Türkmənistanın Aşqabad, Belarusun Minsk, Türkiyənin İstanbul və Vyetnamın Ho Şi Min, Rusiyanın Sankt Peterburq şəhərləri daxildir.

Tədqiqata rəhbərlik edən baş elmi işçi Pallavi Pant etiraf edib ki, Rusiyanın bir neçə şəhərinin reytinq cədvəlində birinci yerdə olması onu təəccübləndirib.

"Çox güman ki, bu nəticə nəqliyyatın emissiyaları və köhnəlmiş avtomobil parkı ilə bağlıdır",- deyə ekspert bildirib. Alimlər qeyd edib ki, atmosferdəki PM2.5 incə hissəciklərindən fərqli olaraq, NO2 emissiyaları problemi az öyrənilib.

Bu isə qazı aşkar etmək qabiliyyətinə malik yerüstü monitorinq stansiyalarının olmaması ilə əlaqədardır. Tədqiqatçıların fikrincə, azot dioksidi PM2.5 kimi həyat üçün təhlükəli deyil. Bununla belə, müxtəlif tənəffüs xəstəliklərinə, o cümlədən uşaqlarda astmanın inkişafına səbəb ola bilər.

NO2-nin əsas mənbəyi daxili yanma mühərrikləri olan avtomobillərdir. Mütəxəssislərin fikrincə, ən böyük zərər köhnə avtomobillərdən gəlir.

Eyni zamanda, kömürlə işləyən elektrik stansiyalarının istifadəsi, tullantıların yandırılması və nəqliyyatdan havaya atılan PM2.5 hissəciklərinin ən yüksək səviyyəsi Hindistanın Dehli və Kolkata şəhərlərində qeydə alınıb. Bu növ çirklənmənin miqyasına görə onlardan sonra Nigeriya Kano və Peru Liması gəlir.

Reytinq tərtib edilərkən havanın, suyun təmizliyi, sənaye müəssisələrinin və poliqonların sayının göstəriciləri nəzərə alınıb.

İlahin, Bizimyol.info

Avropa Məhkəməsi Ermənistanın Azərbaycana qarşı vəsatətini rədd edib
İnsan Hüquqları üzrə Avropa Məhkəməsi Ermənistanın Azərbaycana qarşı vəsatətini rədd edib.

“Report” xəbər verir ki, bu barədə Ali Məhkəmə sədrinin müavini, Azərbaycanın İnsan Hüquqları üzrə Avropa Məhkəməsi yanında səlahiyyətli nümayəndəsi Çingiz Əsgərov bildirib.

"Bu gün İnsan Hüquqları üzrə Avropa Məhkəməsi növbəti dəfə Azərbaycana münasibətdə müvəqqəti təminat tədbirlərinin tətbiqinə dair Ermənistanın vəsatətini rədd edib", - o qeyd edib.

SSRİ-nin ilk və son prezidenti Mixail Qorbaçov artıq 3 ildir ki, xəstəxanada yaşayır.
Bakupost.az xəbər verir ki, bu barədə Rusiya Elmlər Akademiyasının müxbir üzvü, iqtisadçı alim Ruslan Qrinberq “Zvezda” telekanalına danışıb.
Mərkəzi Kilinik Xəstəxanasında yatan Qorbaçovu ziyarət etdiyini deyən Qrinberqin sözlərinə görə, Qorbaçov şəkər xəstəliyindən və böyrək problemindən əziyyət çəkir. O, mütəmadi olaraq dializ edilir.
Qrinberq qeyd edir ki, 91 yaşlı Qorbaçov nadir hallarda yataqdan qalxır:
"Onun yaddaşında da problem var. Söhbət zamanı onda unutqanlıq yarandığı hiss edilir, çünki mövzuları qarışdırır".
Məlumata görə, Qorbaçov üçün xəstəxanada ev şəraiti qurulub. Görünür, dəfələrlə ölüm xəbəri yayılan Qorbaçov hələ bir müddət də xəstəliklə və qocalıqla mübarizə aparmağa davam edəcək.
Mixail Qorbaçov 15 mart 1990-cı ildən 25 dekabr 1991-ci ilə qədər SSRİ prezidenti olub.

Avropa ölkələri qış mövsümünə qədər enerji təchizatını təmin etmək üçün həll yolları axtarsalar da, indiyədək atılan heç bir addım həll yolu olmayıb.

Regionda enerji xərcləri artdıqca qənaət paketləri tətbiq olunub. Yaxınlaşan qış mövsümi öncəsi yaşanan enerji böhranının dərinləşməsi artıq bölgədəki istehlakçıları da düşündürməyə başlayıb.

Cebhe.info xəbər verir ki, Rusiya və Ukrayna arasındakı müharibə onsuz da enerji problemi ilə mübarizə aparan Avropada böhranı daha da dərinləşdirmişdi.

Bu prosesdə açıqlanan embarqo qərarları və Rusiyanın enerji kozurundan geri çəkilməməsi Avropanı dalana sürüklədi. Rusiyadan asılılıqdan qurtulmaq üçün mübarizə aparan Avropa ölkələri enerji səfərbərliyi elan etsə də, Rusiyadan təbii qaz nəqlinin azalması və embarqo qərarlarının təsiri ilə qış mövsümündə Avropada böhranın dərinləşəcəyi gözlənilir.

Rusiyadan aldıqları qazı kompensasiya etmək üçün alternativ tapa bilməyən Avropa ölkələrini istehlakın yüksək olduğu qış mövsümündə daha çətin günlər yaşaya biləcəyi bildirilir. Yaşanan problemlər artıq Aİ ölkələrində istehlakçıları düşünməyə vadar etməyə başlayıb.

Beynəlxalq Enerji Agentliyinin (IEA) məlumatına görə, Avropa İttifaqı (Aİ) ötən ilin iyul ayında Rusiyadan gündəlik təxminən 300 milyon kubmetr qaz idxal etdiyi halda, 2022-ci ilin iyul ayına bu rəqəm 100 milyon kubmetrdən aşağı düşüb.

Beləliklə, Aİ-nin Rusiyadan aldığı təbii qazın həcmi bir ildə 70 faiz azalıb. Almaniyanın enerji bazarının tənzimləyicisi, Avropanın istehsal bazası və ən böyük iqtisadiyyatı olan “Bundesnetzagentur” (BNetzA) şirkətinin prezidenti Klaus Müller bəyan edib ki, Rusiya qaz təchizatını tamamilə kəsərsə, ölkədəki qaz anbarları tələbatı maksimum 2,5 ay ödəyə biləcək.

Almaniya istehlakçılara əlavə vergi tətbiq edir

Avropa ölkələri arasında Almaniya qazın kəsilməsinə ən həssas ölkə kimi görünür. Müharibədən əvvəlki dövrdə qaza görə Rusiyadan asılı olan ölkə müharibədən sonra da qaza olan tələbatının 35 faizini Rusiyadan qarşılayırdı. İndi qışı əlində məhdud enerji ilə keçirməli olan Almaniya qiymət artımından sonra qaz təchizatı şirkətlərinə dəstək məqsədilə oktyabrın 1-dən bütün istehlakçılara əlavə vergilər tətbiq etməyə hazırlaşır.

İqtisadiyyat Nazirliyi son açıqlamasında müvəqqəti əlavə verginin oktyabrın 1-dən qüvvəyə minməsinin və 2024-cü il aprelin 1-də başa çatmasının planlaşdırıldığını açıqlayıb. Əlavə vergi tarifinin hesabları hər ailə üçün təxminən 500 avro artıracağı gözlənilir”.

Azərbaycan Prezidenti İlham Əliyevlə görüşümdə yenidən Şimali Kipr Türk Respublikasının tanınması məsələsi qaldırıldı.

Teref.az Axar.az-a istinadən xəbər verir ki, bu barədə Şimali Kipr Türk Cümhuriyyətinin Prezidenti Ərsin Tatar deyib.

“Şimali Kiprin tanınması yaxın günlərdə baş verə bilər. Əliyevlə görüş çox səmimi keçdi, dünyaya siyasi mesaj verildi. Görüşümüz Yunanıstanı təşvişə saldı”, – Ərsin Tatar deyib.