 |
|
|
Avqustun 22-dən 23-ə keçən gecə İranın Xuzistan əyalətinin İzə şəhərində hökumət qüvvələri ilə silahlılar arasında qarşıdurma baş verib.
Sitat.info xəbər verir ki, bu barədə İran mediası və müxalifət mətbuatı məlumat yayıb.
Bildirilib ki, atışma məmurların axtarışda olan müxaliflərin gizləndiyi evə basqını zamanı baş verib.
Atışma nəticəsində 2 nəfər öldürülüb, üç nəfər həbs edilib.
Öldürülənlərdən biri bundan əvvəl etiraz aksiyalarında fəal iştirak edən Kəmər Təhmasibidir.
Öldürülən digər şəxsin və həbs edilənlərin kimliyi açıqlanmayıb.
Rusiya Prezidenti Vladimir Putin dünən Tver əyalətində təyyarə qəzasında həlak olanlarla bağlı başsağlığı verib.
"AzPolitika.info" TASS-a istinadən xəbər verir ki, Putin ilkin dəlillərin təyyarədə ölənlərin “Vaqner” şirkətinin nümayəndələri olduğunu göstərdiyini bildirib.
Rusiya Prezidenti Y. Priqojini 1990-cı illərin əvvəllərindən tanıdığını, onun çətin taleyi olmasına rəğmən istədiyi nəticələrə nail olduğunu vurğulayıb.
O, Priqojinin ciddi səhvlərə yol verdiyini, ancaq bacarıqlı adam olduğunu bildirib.
Rusiya Prezidenti həmçinin qeyd edib ki, hadisənin səbəblərini İstintaq Komitəsi araşdırır.
"Araşdırmada sonuna qədər gediləcək" - deyə, Putin bildiib.
"Hazırda mütəxəssislər “Vaqner” şirkətinin təsisçisi Yevgeni Priqojinin təyyarəsinin qəzaya uğrayması ilə bağlı ekspertiza aparırlar. Hazırda ekspertizalar aparılır: texniki, genetik ekspertizalar. Bu, bir qədər vaxt aparacaq”, - o deyib.
Putin “Embraer” təyyarəsinin qəzaya uğraması nəticəsində ölənlərin ailələrinə də başsağlığı verib: “Aviaqəzaya gəlincə, ilk növbədə bütün ölənlərin ailələrinə dərin hüznlə başsağlığı vermək istəyirəm. Bu, həmişə faciədir. Orada həqiqətən “Vaqner”çilər olubsa - ilkin məlumatlar göstərir ki, orada şirkətin əməkdaşları olub - qeyd etmək istərdim ki, onlar bizim ümumi işimizə töhfə vermiş insanlardır”
O, “Vaqner” döyüşçülərinin göstərdiyi xidmətləri də unutmayacaqlarını söyləyib.
Xatırladaq ki, Tverdə müəmmalı şəkildə yerə çırpılan təyyarədə "Vaqner"in sahibi Yevgeni Priqojin və komandiri Dmitriy Utkin də həlak olub.
Bayden Priqojinin ölümünə təəccüblənmədi.
Musavat.com xəbər verir ki, ABŞ Prezidenti Jo Bayden də "Vaqner" rəhbəri Yevgeni Priqojinin ölümü haqqında fikir söyləyib.
ABŞ Prezidenti qoca Co Priqojinin ölümü barədə bu fikirləri paylaşıb: "Mən Priqojinin başına gələnləri bilirəm və təəccüblənmirəm".
Rusiyada həbsdə olan siyasətçi Aleksey Navalnının komandası Rusiya Prezidenti Vladimir Putinin yeni lüks yaxtasının fotolarını paylaşıb.
Hurriyyet.az xəbər verir ki, 127 milyon dollar dəyərində olan yaxta Putin və onun bir müddət birlikdə olduğu iddia edilən gimnast sevgilisi Alina Kaebayevanın istifadəsində olub.
Rəsmi adı “Graceful” olan lüks yaxtanın 81 metr uzunluğunda olduğu bildirilir.
Həmçinin qeyd olunur ki, Putinin sevgilisinin yataq otağında təxminən 35 min dollarlıq çarpayı, 15 min dollarlıq stol, 42 min dollarlıq divan və təxminən 90 min dollarlıq xalça olub.
Ayda 9 min dollar maaş alan Putinin bu gəmini necə aldığı böyük müzakirələrə səbəb olub.
Qeyd edək ki, Kreml məsələ ilə bağlı açıqlama verməyib.
İranda İnsan Haqları Təşkilatı (HRANA) ölkədə insan haqlarının vəziyyəti ilə bağlı məlumat verib və bu ay ərzində ən azı 69 nəfərin edam cəzasına məhkum edildiyini açıqlayıb.
Bu barədə “Azad İran” “Telegram” kanalı xəbər yayıb.
Xəbərə görə, İranda həyata keçirilən edamların 75%-dən çoxu barədə hökumət və ya məhkəmə orqanı tərəfindən məlumat verilmir və insan haqları təşkilatları bu halları gizli edamlar adlandırırlar.
Qeyd edək ki, beynəlxalq təşkilatların məlumatına əsasən, İran edam sayına görə dünyada birinci yerdədir.
Regionda davam edən meşə yanğını səbəbi ilə Çanaqqala boğazı Mərmərə dənizi istiqamətində gəmilərin keçidi üçün bağlanıb.
“Report” xəbər verir ki, bu barədə Türkiyənin Nəqliyyat və İnfrastruktur Nazirliyi “X” sosial şəbəkəsində məlumat yayıb.
“Çanaqqala-Kəpəz bölgəsində baş verən meşə yanğını ilə əlaqədar olaraq Çanaqqala boğazında cənub-şimal istiqamətində gəmilərin hərəkəti müvəqqəti olaraq dayandırılıb. Gəmilərin hərəkəti bir istiqamətdə həyata keçirilir”, - nazirliyin açıqlamasında deyilir.
Beləliklə, gəmilər müvəqqəti olaraq Egey dənizindən Mərmərə dənizinə qədər boğazdan keçə bilməyəcəklər.
Xankəndində separatçılar arasında hakimiyyət uğrunda mübarizə şiddətlənir.
Bunu Xankəndində yaşayan erməni bloger Artur Osipyan özünün sosial şəbəkə hesabında yazıb.
Qeyd edib ki, rus sülhməramlıların müvəqqəti yerləşdiyi Azərbaycan ərazilərində mövcud qurum daxilində ciddi siyasi mübarizə davam edir:
“Bu insanlar hesab edir ki, artıq xaos yaranıb, indiki vəziyyətdən çıxış yolu tapmaq mümkün deyil və bu, hakimiyyəti ələ keçirmək üçün son məqamdır. Qarabağı qarət etdilər, indi Ermənistanda hakimiyyəti dəyişmək üçün qoşun hazırlayırlar”.
Bloger əlavə edib ki, Qarabağda vəziyyətin gərginləşməsi daxili qarşıdurmaya gətirib çıxara bilər:
“Qarabağ Ruben Vardanyanın vecinə deyil, ona Qarabağ erməniləri lazımdır ki, onların köməyi ilə İrəvanda hakimiyyətə gələ bilsin. O, 30 ilin bütün günahlarını Araik Arutyunyanın üzərinə atıb, təmiz şəkildə hakimiyyətə gəlmək istəyir”.
Ermənistanda bir çox ekspertlər də Qarabağda mövcud vəziyyətlə bağlı Artur Osipyan ilə eyni fikirləri bölüşür.
Məsələ ilə bağlı politoloq Zərdüşt Əlizadə Cebhe.info-ya açıqlamasında qeyd edib ki, Ermənistan və Qarabağda heç kəs ağır məğlubiyyəti öz boynuna götürmək istəmir:
“İkinci Qarabağ müharibəsindən əvvəl, yəni 30 il ərzində ermənilər öz qələbələri ilə qürurlanırdılar. Onlar heç vaxt işğal etdikləri torpaqlardan geri çəkilməyəcəklərini bəyan edirdilər, hətta lovğalanırdılar.
Amma 44 günlük Vətən müharibəsində Ermənistanın işğalçı ordusu Azərbaycan Ordusu tərəfindən darmadağın edildi, ağır məğlubiyyətə uğradıldı və işğal altında saxladıqları torpaqlar azad edildi. Növbəti müharibə baş verərsə, Ermənistan daha da böyük məğlubiyyətə dücar olacaq.
Nə Ermənistanda, nə də Qarabağda heç kəs ağır məğlubiyyəti boynuna almaq istəmir. Rusiya da öz siyasi oyunçusunu, Ruben Vardanyanı Qarabağa gətirib.
Halbuki Qarabağda Vardanyan yerli ermənilər tərəfindən bəyənilmir. Orada yaşayan ermənilər çox yaxşı başa düşür ki, Vardanyan erməni xalqının yox, məhz Rusiyanın maraqlarına xidmət edir, Moskvanın sifarişlərini yerinə yetirir.
Ruben Vardanyan Rusiyada tanınmış oliqarxlardan biridir, banklarda 600 milyondan çox pulu var, Moskva və London kimi iri şəhərlərdə saysız-hesabsız mülkləri var. Ona görə də Qarabağda yaşayan kasıb erməninin problemi Vardanyanın vecinə deyil. Bu şəxs Kremlin tapşırıqları əsasında Qarabağa gəlib. Bunu Azərbaycan və Ermənistan daxil hamı çox yaxşı bilir.
Qarabağda separatçılar arasında baş verən çəkişməyə gəlincə, bu, batan gəmidə günahkar axtarmağa bənzəyir”.
Politoloqun sözlərinə görə, Ruben Vardanyanın Ermənistan ictimaiyyətində siyasi çəkisi yoxdur:
“Ermənistanda Ruben Vardanyanı xeyriyyəçi kimi tanıyırlar. Onun pulu hesabına Ermənistanın İcevan şəhərində təhsil ocağı tikilib, eləcə də ölkədə sosialyönümlü tədbirlər həyata keçirilibdir. Bunlara baxmayaraq Ruben Vardanyanın Ermənistanda hakimiyyətə gəlmək imkanları yoxdur. Hətta Vardanyan Qarabağ məsələsindən istifadə edib buna can atsa da, o, öz istəyinə nail ola bilməyəcək”.
Ermənistanda hazırki siyasi proseslərə münasibət bildirən Zərdüşt Əlizadə vurğulayıb ki, mövcud şəraitdə İrəvana heç kəs kömək edə bilməz:
“Ermənistan yalnız bir yolla özünü ağır vəziyyətdən xilas edə bilər. İrəvan məğlubiyyətini etiraf etməli, Azərbaycanla sülh müqaviləsi imzalamalı və Türkiyə ilə münasibətlər qurmalıdır.
Erməni xalqı qonşuları ilə bərabər dinc yanaşı yaşamalıdır. Heç kəs onlara toxunmayacaq. Təəssüf ki, Ermənistanda mənfur müxalif qüvvələr və ordu generalları erməni ictimaiyyətinin bu istiqamətdə addım atmasına əngəl yaradır”.
Cebhe.info
Azərbaycan bizim üçün münasibətlərin tamamilə yeni mərhələyə yüksəldiyi ən yaxın ölkələrdən biridir.
Bunu Özbəkistan Prezidenti Şavkat Mirziyoyev Azərbaycan Prezidenti İlham Əliyevlə keçirdiyi mətbuata bəyanatda deyib.
İlk dövlət səfərini Azərbaycana etdiyini söyləyən Ş.Mirziyoyev bildirib: “Çünki biz həqiqətən də iki yaxın xalq, iki yaxın ölkəyik və şəxsi münasibətlərimiz əlaqələrimizi tamamilə yeni mərhələyə yüksəldib. Bu gün həm Özbəkistan, həm də Azərbaycan xalqı bu münasibətlərlə fəxr edir və bizim əlaqələrimizin, səfərlərimizin nəticələrini görürlər”.
İran öz neftini daşıyan tankerlərdə piratçılıq əməllərini görüb sakit qalmayacaq.
Axar.az xəbər verir ki, bu sözləri İran Xarici İşlər Nazirliyinin sözçüsü Nasir Kənani deyib.
“İran neftini daşıyan tankerlərin ələ keçirilməsi dəniz quldurluğunun və beynəlxalq dəniz qaydalarının pozulmasının bariz nümunəsidir. İran bu məsələyə laqeyd qalmayacaq”, - Kənani bildirib.
Rusiya prezidentinin sözçüsü Dmitri Peskov üç həftədir ki, brifinq vermir və ictimaiyyət arasında görünmür.
Buna Rusiyanın “Brief” nəşri diqqət yetirib.
Peskovun jurnalistlər üçün sonuncu brifinqi avqustun 4-də keçirdiyi vurğulanır.
“Rusiya prezidentinin mətbuat katibi “The New York Times” qəzetinə verdiyi müsahibəsində “Rusiyada prezident seçkisi əsl demokratiya deyil, bahalı bürokratiyadır” dedikdən sonra ictimai sahədən yoxa çıxıb”, - deyə nəşr “Telegram” kanalında iddia edir.
Qeyd edək ki, Peskov amerikalı jurnalistin onun sözlərini təhrif etdiyini bildirmişdi.