“Qafan hava limanının açılması Azərbaycanla sülh danışıqları prosesini çətinləşdirən növbəti erməni təxribatıdır. Sərhəddən belə yaxın məsafədə havaya qalxan Ermənistan təyyarələrinin Azərbaycanın hava məkanını pozması qaçılmazdır”.

Bunu “Report”a açıqlamasında britaniyalı politoloq və jurnalist Nil Vatson deyib.

Politoloqun fikrincə, Ermənistan bu hava limanını işə salmaq imkanını nəzərdən keçirməzdən əvvəl Azərbaycanla məsləhətləşməli idi.

“Eurocontrol” bu məsələdə vasitəçi ola bilər, çünki onlar Azərbaycanın milli aviadaşıyıcısından (AZAL) Ermənistanın hava məkanı üzərindən Naxçıvana uçuşlar üçün ödəniş tələb edirlər. Bundan əlavə, Ermənistan təyyarələrinin hərbi məqsədlər üçün istifadə oluna biləcəyi ilə bağlı ciddi narahatlıqlar var. Bu isə işğaldan azad edilmiş Zəngilan ərazisi üçün birbaşa təhlükədir. Müvafiq tədbirləri görən Azərbaycan qonşu ölkənin hava məkanını pozmamaq üçün Ermənistanla sərhəddən xeyli aralıda Zəngilan aeroportunu tikib”, - N.Vatson bildirib.
Ekspert hesab edir ki, Qafan hava limanının açılması ilə bağlı qərar Ermənistanı dəstəkləyən ölkələrin iştirakı ilə verilib:

“Ermənistan heç vaxt təkbaşına hərəkət etmir. Görünür, Rusiya və İran bu təxribatı bəyəniblər və hava limanının tikintisini yəqin ki, beynəlxalq erməni diasporu maliyyələşdirib. Nikol Paşinyan yaxşı bilir ki, sülh sazişi imzalanmalıdır. Lakin hava limanının tikintisinə icazə öz ölkələrindəki qruplaşmaları və nüfuzlu beynəlxalq erməni diasporunu sakitləşdirmək üçün alınıb. Bu addım Paşinyanın lider kimi səmərəsiz fəaliyyətinin növbəti təsdiqidir”.

“Vəziyyətin nədən ibarət olduğunu bilə-bilə bu iddianı dilə gətirən şəxs utanmalıdır”.

Teref.az pravda.com.ua-ya istinadən xəbər verir ki, bu fikirləri Danimarkanın müdafiə naziri Yakob Ellemen-Yenssen Rusiyanın Kopenhagendəki səfiri Vladimir Barbinin iddiasına cavabında səsləndirib.

Məlumata görə, Ellemen-Yenssen Rusiya səfirinin “Ukraynaya F-16 təyyarələrinin verilməsi müharibəni alovlandırmaqdır” sözlərini cavabsız qoymayıb və diplomatı utandırıb:

“Dinc qonşusuna hərbi təcavüz edən və dinc əhalini öldürən ölkənin nümayəndəsi cəsarət edib deyir ki, guya müharibəni başqaları qızışdırır.

Əslində, onlar: “Biz öz ölkəmizə çəkilirik”, – deyərək günü sabah müharibəni dayandıra bilərlər.

Vəziyyətin nədən ibarət olduğunu bilə-bilə bu iddianı dilə gətirən şəxs utanmalıdır”.

İrandan Ermənistana yenə hərbi texnika daşınır.

Bizim.Media xəbər verir ki, bu barədə görüntüləri “Azad İran” “Telegram” kanalı yayıb.

Mənbə yazır ki, video avqustun 18-də Təbriz-Mərənd yolunda çəkilib.

Bildirilir ki, Hindistana məxsus hərbi texnikalar İran TIR-ları vasitəsilə Ermənistana göndərilir.

NATO-nun Baş katibinin ofisinin rəisi Stian Yensenin Ukraynanın ərazi güzəştləri ilə bağlı açıqlaması Prezident Vladimir Zelenskinin sülh danışıqlarına məcbur ediləcəyinə işarə ola bilər.

Axar.az xəbər verir ki, bu barədə "Advance"nin köşə yazarı D.Maryanoviç deyib.

“Əslində, geosiyasi nöqteyi-nəzərdən baxsanız, Ukraynanı münaqişəyə son qoymağa və əraziləri Rusiyaya verməyə inandırmaq Qərb üçün indi faydalı olardı”, - jurnalist bildirib.

Onun sözlərinə görə, Ukrayna Silahlı Qüvvələrinin əks-hücum əməliyyatına başlamasından iki ay sonra acı həqiqət üzə çıxıb:

"Ukraynalılar Rusiyanın müdafiə xəttini yarıb itirdikləri əraziləri geri ala bilmədilər. İndi Zelenskiyə onun təslim olmasına dair eyham an məsələsidir. Qərb silahlı münaqişəni bu yolla bitirmək istəyir, çünki sadəcə olaraq başqa yol yoxdur".

Qeyd edək ki, Yensen Ukraynanın ərazilərini Rusiyaya vermək müqabilində NATO-ya üzv ola biləcəyini deyib.

Qərb mətbuatı yazır ki, “Jozef Şulte” gəmisi Rusiya Federasiyasının “Taxıl sazişi”ndən itaətkarlıqla çıxmasından sonra Böyük Odessa limanlarını tərk edərək İstanbula gəlib. Konteyner gəmisi Rusiyanın taxıl müqavilələrini pozmasından sonra Ukraynanın açdığı müvəqqəti marşrutdan istifadə edən ilk gəmi olub. Söhbət dövlət suverenliyi ilə qorunan Ukrayna, Rumıniya, Bolqarıstan, Türkiyənin 12 millik zonası boyunca uğurlu marşrutdan gedir. Yəni başqa ölkələrin hərbi gəmilərinin onu dayandıra bilməyəcəyi yerdə.

Yeri gəlmişkən, bu, Rusiya mənbələrinin Çinin Rusiya Federasiyası ilə gəminin maneəsiz keçməsi ilə bağlı razılığa gəldiyi iddiasını şübhə altına alır (əgər razılıq əldə olunsaydı, konteyner gəmisi birbaşa Odessadan Bosfor boğazına gedəcəkdi).

Amma gəlin Qara dənizdəki vəziyyətdən qlobal problemlərə və nəticələrə keçək: nə qədər bayağı səslənsə də, ABŞ-dan başlayaraq sivil dünya yenə də Rusiyadan qorxur. Bu qorxu uzun illərdir var. Hətta deyərdim ki, bu, “Soyuq müharibə” dövründən, nüvə qarşıdurması dövründən miras qalıb. Bütün Qərb siyasətçiləri, hərbçiləri, ekspertləri, politoloqları, jurnalistləri və s. nəsilləri bu qorxu ilə tərbiyə olunub.

Təbii ki, bu, hər kəsi maraqlandırmır, lakin xeyli sayda insan öz raketlərini uzaq məsafələrə göndərməyə qadir olan kosmos gücünə, “dünyanın ikinci ordusu”nun bu ekzistensial qorxusuna yoluxur.

Lakin bütün bu qorxular çox şişirdilmişdir, onları dağıtmaq lazımdır ki, əslində Ukrayna Müdafiə Qüvvələri il yarımdır ki, bunu edir. Lakin bu, açıq-aydın kifayət deyil.

Buna görə də Ukrayna (geniş mənada - siyasətçilərdən və məmurlardan tutmuş ekspertlərə, mütəxəssislərə, xaricdəki vətəndaşlarımıza və soydaşlarımıza qədər) dostlarına və tərəfdaşlarına, eyni zamanda, onlara göstərdikləri dəstəyə görə böyük minnətdarlıq hissi ilə nümayiş etdirməli və xatırlatmalıdır ki, Rusiya Federasiyası o qədər də dəhşətli güc deyil.

Doğrudan da, əslində bu qorxu Ukraynaya dəstəyi əngəlləyir, sanksiyaların tətbiqinə və Rusiyanı öz yerində oturtmaq üçün Qara dənizdə görülə biləcək və görülməli olan mümkün tədbirlərə mane olur. Çünki əslində Qara dəniz problemi həll olunmamış strateji məsələlərin nəticəsidir. Yeri gəlmişkən, onlar təkcə Rusiyanın gəmiçiliyə qarşı aqressiv hərəkətləri halında müəyyən edilməməlidir.

Müəllif: Andrey Klimenko - Qara Dəniz Strateji Araşdırmalar İnstitutunun rəhbəri.
Mənbə: AYNA
Tərcümə AYNA-ya məxsusdur

Baku TV-nin Ermənistandan hazırladığı reportaj “daşlar diyarı”nda böyük səs-küyə səbəb olub və qonşu ölkənin dövlət təhlükəsizlik sisteminin zəifliyini göstərib.

Teref.az caliber.az-a istinadən xəbər verir ki, “Hraparak” nəşri “Eko-Media” qeyri-hökumət təşkilatının təsisçisi Narine Kirakosyanın bəyanatını dərc edib.

Kirakosyan Ermənistanda Azərbaycan kanalının çəkilişinə bir neçə yerli ekoloqun kömək etdiyini, onların müsahibə verdiyini və Zəngəzur mis-molibden kombinatı və digər yerli mədən şirkətləri barəsində danışdığını bildirib.

Məqalədə deyilir ki, Baku TV-nin jurnalistləri erməni toponimlərindən istifadə etmədən erməni ekoloqlarını yerli mədən şirkətlərinin Zəngəzurda baş verən ekoloji fəlakətin günahkarları olduğunu deməyə məcbur ediblər.

“Bilmirəm, Ermənistan Milli Təhlükəsizlik Xidməti videoda iştirak edən şəxsləri dindirib, onlardan bu Azərbaycan kanalına necə və niyə müsahibə verib-vermədiklərini soruşubmu?” - deyə Narine Kirakosyan yazıb.

Bundan əlavə Narine Kirakosyan deyir ki, o, artıq üç nəfərdən Baku TV-yə niyə rus dilində müsahibə verdiyini soruşub.

Cavabında “Ecolur” ictimai təşkilatının rəhbəri İnqa Zarafyan bildirib ki, azərbaycanlı jurnalistlər ona özlərini Rusiyanın Bloknot.ru redaksiyasının müxbirləri kimi təqdim edib və ilkin olaraq elektron sorğu ediblər. Bundan sonra onlarla görüşüb və müsahibə verib.

Erməni nəşri xəbər verir ki, yerli sakin Albert Atayan və Qafan rayonunda hamının tanıdığı ekoloji ictimai təşkilatın rəhbəri Vladik Martirosyan da Azərbaycan telekanalına müsahibə verib.

Vladik Martirosyandan Baku TV-yə müsahibə verməyi xahiş edən məhz Albert Atayan olub. Atayanın dediyinə görə, Baku TV-nin müxbirinin yanında erməni oğlan olub, o da özünü “Mir” telekanalının operatoru Tiqran kimi təqdim edib.

Biz də Ermənistana girib, bu ölkənin xüsusi xidmət orqanlarını hərifləyib, yerli ekoloqları həm yerli əhalini, həm də bütün bölgə əhalisini yavaş-yavaş öldürən Qafan və Qacaranın mədən sənayesinin səbəb olduğu ekoloji fəlakətin miqyası barədə bütün həqiqəti söyləməyə məcbur edən Baku TV-dən olan həmkarlarımızın yüksək məharətini qeyd edirik.
“İnformasiya sahəsində Ermənistan milli təhlükəsizlik sisteminin sıradan çıxması, daha doğrusu, bütün mövcud resursların bir şəxsin fiziki təhlükəsizliyinə və onun hakimiyyətinin saxlanmasına yönəldilməsi səbəbindən məğlubiyyətə uğrayır”, - deyə nəşr yekunlaşdırıb.

Ukrayna Prezidenti Volodimir Zelenski ölkəsini qorumaq üçün dünyadan kömək istəyib.

“Report” xəbər verir ki, o, bu barədə “X”də paylaşım edib.

“Mən dünyanı Rusiya terroruna qarşı durmağa çağırıram. Ukraynanı özünü qorumaq üçün əlavə vasitələrlə təmin edin. Rusiya bu müharibədə uduzmalıdır”, - Zelenski yazıb.

O, dünya dövlətlərini Rusiyaya qarşı mübarizəyə çağırıb.

Qeyd edək ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb.

Niger Prezidenti Mohamed Bazum tərəfindən qurulan hökumətdə Baş nazir vəzifəsini icra edən, xaricdəki nigeriyalıların Xarici İşlər, Əməkdaşlıq və İşlər Naziri Asumi Məsudu Fransanın bu ölkədəki vəziyyətə hərbi müdaxilə etməsinə icazə verən sənədi imzalayıb.

Bu barədə "Le Monde" qəzeti məlumat yayıb.

Le Monde qeyd edib ki, Fransa bölmələri iyulun 27-də Milli Qvardiyanın qərargahına gəlib.

Məlumata görə, helikopterlər hazır vəziyyətə gətirilib.

Bundan əvvəl Bazum əməliyyata qarşı çıxaraq üsyançılarla danışıqların uğur qazanacağına inanırdı.

Azərbaycan Açıq Hökumət Tərəfdaşlığından (Open Government Partnership – OGP) birdəfəlik uzaqlaşdırılıb.

2016-cı ildən başlayaraq illərdir OGP Azərbaycanın qurumdakı üzvlüyünü qeyri-aktiv statusda saxlayırdı. Buna səbəb ölkədə vətəndaş cəmiyyəti sahəsində geriləmələr və məhdudlaşdırmalar göstərilirdi. Təşkilat Azərbaycan hökumətindən vətəndaş cəmiyyəti ilə bağlı məhdudiyyətləri aradan qaldırılması üçün plan təqdim etməsini istəmişdi. OGP Azərbaycana vətəndaş cəmiyyəti sahəsində irəliləyişə nail olmaq üçün bir neçə dəfə vaxt verdiyini açıqlamış, əks təqdirdə ölkənin platformadan uzaqlaşdırılacağını bildirilmişdi.

Qurumun avqustun 17-də qəbul edilmiş qərarında da bildirilir ki, təşkilat Azərbaycanın tərəfdaşlıqda qalmaq şərtlərini yerinə yetirə bilməməsindən və vətəndaş cəmiyyəti üçün şərtlərin çətin olaraq qalmasından dərin məyusluq hiss keçirib.

Azərbaycan hökumətinin təmsilçilərindən məsələyə, hələlik, münasibət almaq mümkün olmayıb. Amma rəsmilər, bir qayda olaraq, ölkədə fundamental azadlıqların qorunduğunu, vətəndaş cəmiyyətinin inkişafına dəstək verdiklərini bəyan edirlər.

Milli Məclisin İnsan hüquqları komitəsinin üzvü Fazil Mustafa isə Turana bildirib ki, Azərbaycanın bu tipli təşkilatlardan uzaqlaşdırılması əslində yaxşı hal deyil: “Biz çalışmalıyıq ki, beynəlxalq təşkilatlarla əlaqəmiz qırılmasın”.

O hesab edir ki, Azərbaycanın OGP-də iştirakının dayanmasının ölkəyə xüsusi təsiri olmayacaq: “Çünki biz dövlət olaraq bu cür təzyiqlərlə tez-tez üzləşirik. Amma QHT-lərin olması bizim öz daxili siyasətimiz üçün lazımdır”.

F.Mustafanın sözlərinə görə, bu məsələdə anlayış fərqliliyi var: “Hələ ki, burada müsbət bir genişlənmə, açılım müşahidə olunmur. Olsa, yaxşı olar. Bütün hallarda bu cür yanaşmalar ciddi müzakirə olunmalıdır. Biz müəyyən etməliyik ki, Avropa məkanından uzaqlaşmaq, yoxsa ora inteqrasiya etmək və orada Azərbaycanla bağlı bütün yanaşmaları dəyişmək istəyirik? İkinci yol daha rasional yoldur”.

Vətəndaş Hüquqları İnstitutunun rəhbəri Bəşir Süleymanlı xatırladır ki, Azərbaycanın OGP-dən uzaqlaşdırılması prosesi 2014-cü ildən – bəzi QHT-lərin bağlanmasından və qanunvericiliyin sərtləşməsindən sonra başlayıb. “Bu vaxtdan bəri Azərbaycana bir neçə dəfə vaxt verilmişdi ki, QHT-lərlə bağlı qanunvericilik liberallaşdırılsın və ölkədə vətəndaş cəmiyyətinin fəaliyyətinin normallaşması istiqamətdə addımlar atılsın. Amma hökumət heç bir addım atmadı”, – o, AzadlıqRadiosuna bildirib.

Ekspertin sözlərinə görə, Azərbaycanın birdəfəlik təşkilatın sıralarından uzaqlaşdırılmasının səbəbi ölkədə insan haqları ilə bağlı problemlərin daha da dərinləşməsi, son dövrlər ictimai-siyasi şəxslərə qarşı aparılan həbslər olub: “Bu, səbir kasasını daşıtdı”.

B.Süleymanlı da Azərbaycanın OGP-dən çıxarılmasının yaxşı hal olmadığını deyir: “Bu, açıq hökuməti təşviq edən bir platformadır və orada olan dövlətlər açıqlığın, şəffaflığın tərəfdarıdırlar, korrupsiya ilə mübarizə aparmağa israrlıdırlar. Bu, ölkəyə müəyyən dividentlər verir. Yəni, gələcəkdə kreditlərin ayrılması, investisiya imkanları üçün bir indikatordur”.

Açıq Hökumət Tərəfdaşlığı daha şəffaf, inklüziv və hesabatlı hökumətlər qurmaq üçün minlərlə vətəndaş cəmiyyəti təşkilatı ilə işləyən 70-dən çox ölkə və 100-dən artıq yerli hökumətin qlobal birliyidir.

Azərbaycan Açıq Hökumət Tərəfdaşlığına 2011-ci ildə könüllü qoşulub. Sosial xidmətlər, açıq məlumatlar, büdcə şəffaflığı və digər sahələrdə öhdəlikləri özündə əks etdirən üç fəaliyyət planı hazırlayıb…