 |
|
|
“Ən böyük arzum erməni vandallarının Laçında viran qoyduğu məzarlarımızı, bacımın məzarını ziyarət etməkdir”.
Bunu Oxu.Az-a açıqlamasında uzun illər Laçın şəhərində peşə məktəbində müəllim kimi çalışan Tutu Məmmədova deyib.
“Ermənilər bizi evimizdən didərgin saldılar. Bu gün mənim üçün nə qədər sevincli gündürsə, o qədər də kədərlidir. Yaxınlarımızı, doğmalarımızı itirdik, minlərlə şəhid verdik, yurdumuzdan didərgin düşdük. 31 il köçkün həyatı yaşadıq. Amma bu gün bizim o qorxulu yuxularımız sona çatdı. Sabah gözümüzü öz yurdumuzda, evimizdə açacağıq. Çox sevincliyəm. Bu sevinci bizə prezidentimiz, ordumuz, şəhidlərimiz, qazilərimiz bəxş etdilər. Onların qarşısında baş əyirəm”, - deyə Tutu Məmmədova təəssüratlarını bölüşüb.
Bloger Günay Mehdiyeva keçmiş əri Fərdi Əliyevin onu intim fotolar və telefon nömrəsini yaymaqla şantaj etdiyini açıqlayıb. Məsələ ilə bağlı Yenisabah.az-a danışan müğənni Günel Ələkbərova ("Pişik" Günel) bu cür hərəkətlərin kişiyə yaraşmaz olduğunu bildirib:
"Sözüm yaxşı kişilərdən iraq, bu gün belə hallar artıb, çünki kişilərin çoxu “matışkə”dir. Normal kişi heç vaxt bu cür hərəkət etməz. Normal düşüncədə olan, anasına, bacısına hörmət edən şəxs nəinki keçmiş arvadıba, ümumiyyətlə, heç bir xanıma qarşı belə hərəkət, xüsusən də, onu şantaj etməz.
Bu cür yollara əl atanlar ancaq nakişi ola bilər. Bu addımı yalnız "matışkə"lər ata bilər.
Dəqiq bilmirəm Fərdi Əliyev keçmiş xanımına qarşı bu addımı atıb, ya yox, yəni heç kimi ittiham da etmək istəmirəm, lakin əgər belə bir şey həqiqətən yaşanıbsa, bu, kişilik deyil".
Müğənni qeyd edib ki, şantaj qanunvericiliklə də cinayət məsuliyyəti yaradır və bu addım atan cəzasını alacaq:
"Başqasını intim görüntüləri ilə qorxudub, şantaj edənlər mütləq qanun qarşısında cavab verirlər. Özü də necə lazımdır cavab verirlər.
Bəzən deyirlər ki, kişilər aliment verməkdən boyun qaçırmaq üçün bu addımı atır, bununla razı deyiləm. Düşünmürəm ki, bunun alimentlə bir əlaqəsi olsun. Uşaqların varsa, kimisə doğuzdurmusansa, eks-arvadın da olsa, canın çıxacaq, alimentini ödəyəcəksən.
Aliment böyük məbləğ deyil. Amma hər bir halda, uşaq əgər sənindirsə, gəbərə-gəbərə də olsa, o pulu verəcəksən.
Mən bu mövzularla həmişə qadınların tərəfindəyəm, ona görə yox ki, özüm də qadınam. Sadəcə onu bilirəm ki, kişi yaxşı kişi olsa, qadın ondan boşanmaz. Heç bir qadın istəməz ki, uşaqları ola-ola ailəsi dağılsın. Balıq başdan iylənir.
Həmişə deyirlər, kişi evin dirəyidir, kişi ailənin təməlini qoyur və s. Bu məsələdə də kişinin üzərinə məsuliyyət düşür. Ona görə heç bir qadını qınamıram. Düzdür, bəzi istisnalar var, onların da qanı xarabdır, genində var. Amma mən onları saymıram. Lakin yaxşı kişinin xanımı ondan boşanmaz, yaxşı kişinin sevgilisi başqa kişilərlə görüşməz. Görüşürsə, həmin kişidə problem var".
Son günlər sosial şəbəkələrdə yayılan Xırdalan şəhəri 1 nömrəli tam orta məktəbin 4-cü sinfinin müəllimi Yaqut Ağamalıyevaya valideynlərin qızıl əşyalar hədiyyə etməsini özündə əks etdirən görüntülər müzakirələrə səbəb olub.
Xırdalan şəhər 9 saylı tam orta məktəbdə də oxşar hadisə yaşanıb. Belə ki, “Əlifba” bayramında müəllimə qızıl bilərzik hədiyyə edilib.
Cəmiyyət isə bu cür davranışın müəllim nüfuzuna xələl gətirdiyini və belə halların yolverilməz olduğunu düşünür.
DİA.AZ-ın məlumatına görə, məsələ ilə bağlı Yenisabah.az-a danışan tanınmış hüquqşünas Ələsgər Əhmədoğlu bildirib ki, bu, sırf valideynlərin şəxsi təşəbbüsü əsasında baş verib. Ortada heç bir məcburiyyət yoxdur və şagirdlər müəllimlərinə son dəfə xatirə hədiyyəsi bağışlayıblarsa, məsələnin bu qədər ciddi müzakirəsi əhəmiyyətsizdir:
"Rüşvət və ya hədiyyə məsələləri işə görə dəyişir. Müəllim tələbəyə, şagirdə bilgi verir və və buna görə şagird ona hər hansı haqq ödəmir, çünki təhsil dövlət hesabına verilir və müəllimin əmək haqqını da dövlət ödəyir. Bu baxımdan, sözügedən məsələdə hər hansı asılılıq yoxdur. Əgər müəllimə valideynlər hörmət edirsə, yaxud maddi dəyəri olan hədiyyə verirsə, bu müəllimin illərlə çəkdiyi zəhmətin haqqıdır, ona görə bu məsələni çox böyütmək lazım deyil.
Əgər müəllim bu hədiyyəni şagirdə qiymət yazmaq qarşılığında etsəydi, o zaman məsələni müzakirə etmək, müəllimi qınamaq olardı. Amma bu məsələdə iş bitib, şagirdlər müəllimlə vidalaşıb gedərkən ona xatirə hədiyyəsi verirsə, məsələni bu qədər böyüdüb krizis halına niyə gətirirlər, mənə çatmır. Yenə deyirəm, müəllim nəyinsə qarşılığında bunu valideynlərdən tələb etsəydi, o zaman məsələ ciddi müzakirə oluna bilərdi.
Kimsə yığışıb müəllimə qalıcı bir hədiyyə veribsə, bu toplumu bu qədər gərəcək hadisə olmamalıdır. Xüsusən də şagirdlər müəllimlə vidalaşırsa, bundan sonra həmin müəllim onlara bir daha qiymət yazmayacaqsa, şagird tərəfindən içdən gələn davranışdırsa, o zaman bunun belə geniş müzakirəsinə ehtiyac yoxdur".
Ekspert bildirib ki, bu gün cəmiyyətdə müzakirə olunmalı daha ciddi problemlər var və onların fonunda müəllimə hədiyyə alınması çox cılız məsələdir:
"Hesab edirəm ki, müəllimə zinət əşyasının bağışlanması bu gün taksi qiymətlərinin qanunsuz şəkildə yüksəlməsi fonunda çox cılız məsələdir. Çalışıb cəmiyyət onu daha çox ilgiləndirən məsələlərə yönəlməlidir. Bu gün büdcədən milyonları xərcləyib heç bir hesabat verməyənlərdən biz hesab sormuruqsa, hansısa müəllimə qızıl bilərzik, sırğa hədiyyə edilməsinin hesabını sormaq mənasızdır. Müəllimlərin üzərinə kütləvi şəkildə getmək, yüz minlərlə müəllimin əməyini bir hadisəyə görə qiymətləndirmək çox təhlükəlidir".
Türkiyənin Dənizli şəhərində mağazaya daxil olan yaşlı qadın sevdiyi mahnının səsləndiyini eşidib və gözlənilmədən rəqs etməyə başlayıb.
Hadisə mağazanın müşahidə kameraları tərəfindən qeydə alınıb.
Görüntülər daha sonra sosial şəbəkələrdə yayılıb.
Mənbə: İHA
İzmirin Bornova mahalında "Mall"ların birində (Alış-veriş mərkəzlərinin) dəhşətli hadisə baş verib.
32gun.az Türkiyə KİV-nə istinadən bildirir ki, Kişinin qadını döydüyünü görən ətrafdakı vətəndaşlar vəziyyətlə bağlı polisə məlumat veriblər.
Hadisə yerinə gələn polis əməkdaşları həyat yoldaşına qarşı zorakılıq edən M.Y.-ni sakitləşdirməyə çalışıb.
Həmin vaxt hadisəni törədən şəxs polislərin üzərinə hücum çəkib, söyüş söyməyə başlayıb. Bu zaman polislər M.Y-ni tutmaq istəyib.
Polisə təslim olmamaq üçün müqavimət göstərən şübhəli gözyaşardıcı qazın tətbiqindən sonra zərərsizləşdirilib. Həmin anlar ticarət mərkəzində vətəndaşlar tərəfindən mobil telefon kamerası ilə lentə alınıb.
Digər tərəfdən, polislər tərəfindən nəzarətə alınan M.Y.-nin "qəsdən adam öldürmə və silahla yağmalama" cinayətlərindən 19 il həbs cəzası aldığı öyrənilib.
Amerikada yaşayan keçmiş aparıcı Günel Hümbətova və həyat yoldaşı Firuz Soliyev ayrılmağa qərar veriblər.
Teref.az Qaynarinfo-ya istinadən bildirir ki, bu barədə Günel Hümbətova sosial mediada məlumat yayıb.
İnstaqramda hekayə bölümündə video paylaşan məşhur qeyd edib ki, 8 illik evliliyi sonlandırmağa qərar veriblər. Buna səbəb kimi isə hər ikisinin artıq birləkdə xoşbəxt olmadığını göstərib.
Lakin eks-aparıcı daha sonra paylaşmını silib.
Məlumat üçün bildirək ki, 2015-ci ildə ailə quran cütlüyün bu nikahdan bir qızı var.
Türkiyə Mərkəzi Bankının 92 illik tarixi ərzində ona ilk dəfə qadın rəhbər təyin olunub.
“AzPolitika.info” Türkiyə mediasına istinadla xəbər verir ki, Hafize Gaye Erkan ilə dünyada qadınların idarə etdiyi mərkəzi bankların sayı isə 23-ə yüksəlib.
180-dən çox ölkənin mərkəzi banklarının rəhbərləri üzərində aparılan araşdırmaya görə, 2013-cü ildə qadınların rəhbərlik etdiyi mərkəzi bankların sayı 21 idisə, 2023-cü ildə bu rəqəm 22-yə yüksəlib. Hafize Qaye Erkanla birlikdə bu rəqəm 23-ə çatıb.
Kristin Laqard 2019-cu ildən Avropa Mərkəzi Bankının (ECB) prezidentidir.
Jorgovanka Tabakovic 2012-ci ilin avqustundan Serbiya Mərkəzi Bankının, Janette Semeleer isə 2008-ci ildən Aruba Mərkəzi Bankının prezidentidir.
Sindi Şotlandiya 2002-ci ildən Kayman Adaları Maliyyə Təşkilatının sədri, Rosanna Kosta 2022-ci ildən Çili Mərkəzi Bankının sədri, Malanqu Kabedi-Mbuyi 2021-ci ildən Konqo Demokratik Respublikası Mərkəzi Bankının sədri, Rebekka Patrisia Santoman 2022-ci ildən Honduras Mərkəzi Bankının rəhbəri, Anita Angelovska Bejoska 2018-ci ildən Makedoniya Respublikası Mərkəzi Bankının sədri, Nor Shamsiah Mohd Yunus 2018-ci ildən isə Malayziya Mərkəzi Bankının sədridir.
Victoria Rodriguez Ceja 2022-ci ildən Meksika Bankının prezidenti, İda Volden Baxe 2022-ci ildən Norveç Bankının prezidenti, Elvira Nabiullina 2013-cü ildən Rusiya Mərkəzi Bankının prezidenti, Maiava Atalina Ainuu-Enari 2011-ci ildən Samoa Mərkəzi Bankının prezidentidir.
Catia Tomasetti 2018-ci ildən San Marino Mərkəzi Bankının, Karolin Abel 2012-ci ildən Seyşel Adaları Mərkəzi Bankının qubernatoru, Nguyen Thi Hong 2020-ci ildən Vyetnam Mərkəzi Bankının qubernatoru, Elizabeth Genia isə qubernatordur. 24 yanvar 2023-cü ildən Papua Yeni Qvineya Mərkəzi Bankının sədri, Than Than Swe isə 2022-ci ildən Myanma Mərkəzi Bankının sədridir.
Digər tərəfdən, ABŞ-da bəzi regional mərkəzi banklara qadınlar rəhbərlik edir. Syuzan Kollinz 2022-ci ildən Boston FED-in prezidenti, Lori Loqan 2022-ci ildən Dallas Fed-in prezidenti, Loretta Mester 2014-cü ildən Klivlend FED-in prezidenti, Meri Deyli isə 2018-ci ildən San Fransisko Fed-in prezidentidir.
Xəbər verdiyimiz kimi, ötən həftədən sosial şəbəkələrdə vəfat edən atasına başdaşı qoymaq üçün su daşıyıb satdığını deyən 10 yaşlı Elvinin videosu yayılmışdı.
TEREF.AZ xəbər verir ki, Baku TV qardaşı Eminlə birlikdə nənəsinin himayəsində yaşayan Elvinin rayonunda (Gədəbəy) olub.
Azyaşlıların nənəsi və anası danışaraq maddi imkanlarının qənaətbəxş olmadığını bildiriblər.
“4 ildir ayrılmışıq. Kimsəsiz insanam, qonşular kömək edir, dolanıram. Aliment də kəsiblər, vallah, verə bilmirəm. Fəhləlik olanda gedib 5-3 manat qazanıram. Elə gün olur ki, ac yatıram... Onlarla görüşmək istəyirəm. Amma məni küçədə görəndə daşa basırlar”, - deyə uşaqların anası deyib.
Daha ətraflı süjetdə:
ARB telekanalında yayımlanan “Səni axtarıram” proqramında hər kəsi təəccübləndirən hadisə yaşanıb.
Teref.az baku.ws-ə istinadən bildirir ki, Elşən adlı bəy 27 il əvvəl itkin düşən bacısı Azadə Mirzəyevanın tapılması üçün verilişə müraciət edib.
Proqramda Elşən əslində bəy deyil, xanım olduğunu, adının isə Gülər olduğunu deyərək hər kəsi təəccübləndirib.
Bacısı Azadə itkin düşəndən sonra Gülərin həyatı məhv olub. O, kişi paltarı geyinərək küçələrdə bacısı Azadəni axtarmağa başlayıb. Parklarda yatıb, küçələrdə gecələməli olub.
Veriliş zamanı Gülər, “Heç kim mənə kəm gözlə baxmasın, namusum tapdalanmasın deyə oğlan libası geyinib kişi işləri görürəm”, – sözlərini söyləyib.
O, bacısının itkin düşməsində isə ögey bacısı Cəmiləni ittiham edir. Gülər bacısı Azadə geri qayıdarsa, qız libası geyinib onu qarşılayacağını deyib.
Dünyada yalnız 20 nəfərə verilən təqaüdün qaliblərindən biri də azərbaycanlı məktəbli olub. Sumqayıt şəhəri 24 nömrəli məktəbin 9 “d” sinif şagirdi Şəhanə Cavadzadə Avropa İttifaqının və Birləşmiş Millətlər Təşkilatının dəstəyi ilə yaradılan “Eastern Partnership European School in Georgia” beynəlxalq məktəbinə tam təqaüdlə qəbul olub.
Gənc istedad gələcək təhsilini isə kompüter mühəndisliyi üzrə davam etdirmək niyyətindədir. Bu barədə Oxu.Az-a Şəhanənin anası Kəmalə Cavadzadə bildirib.
Onun sözlərinə görə, qızı Tbilisidəki məktəbdə iki il, beynəlxalq bakalavriat proqramı üzrə oxuyacaq.
K.Cavadzadə bir neçə təqaüd proqramına müraciət etdiklərini qeyd edib:
“Düşünürəm ki, bu, müəllimlərin zəhmətinin nəticəsidir. Bütün gözəl nemətlər kimi, yaxşı övlad da təkcə bir ailənin deyil, xalqın mənəvi sərvətidir. Bu günə qədər Şəhanəyə dərs keçən ibtidai sinif müəllimləri başda olmaqla hər kəsə ayrı-ayrılıqda minnətdarlıq bildirirəm.
Hazırda istedadlı gənclər üçün çox yaxşı şərait yaradılıb. Hər il müxtəlif proqram seçimləri olur. Biz də bir neçəsində özümüzü sınadıq.
Tbilisidəki məktəbdən sonra növbəti mərhələlər haqqında konkret düşüncəmiz yoxdur. Hansı universiteti qazana bilsə, orada da oxuyacaq”. Kəmalə Cavadzadə təqaüdün məbləği barədə məlumatlı olmadıqlarını əlavə edib:
“Təqaüdə təhsil, nəqliyyat və yataqxana xərcləri daxildir. Bizə bu barədə konkret məbləğ deyilməyib. Lakin tam təqaüd olduğu dəqiqdir”.
Sumqayıt şəhəri 24 saylı tam orta məktəbin direktoru Nəsibə Cabbarova Oxu.Az-a Şəhanənin buraxılış imtahanında uğurlu nəticə əldə etdiyini qeyd edib:
“Şəhanəyə anası dəstək olur. Anası Kəmalə xanım ingilis dili müəllimidir. Eyni zamanda təlimçidir. Uşağını hər yerə aparır. Uşaq özü də istedadlıdır. Respublika fənn olimpiadasının, Respublika fənn müsabiqələrinin qalibidir. İngilis dilindən beynəlxalq sertifikatları, qızıl medalı var. 9-cu siniflər arasında əlaçıdır. Buraxılış imtahanında maksimum bal olan 300-dən 265 topladı. Şəhanə çalışır ki, hər bir olimpiadaya qoşulsun. Sonuncuda da təqaüd proqramı ilə təhsil qazandı. Uğurlu olsun!”