Ardını oxu...
Azərbaycan Respublikası Milli Məclisinin deputatı Tənzilə Rüstəmxanlı Neftçala rayonu Qaçaqkənd, Xanməmmədli, Ramazanlı və Qazaqbərə kəndlərindən olan seçiciləri ilə görüşüb.
Görüşdə vətəndaşlar tərəfindən işsizlik, təhsil və səhiyyə problemləri, aqrar sahənin inkişafı, aqroparkların yaradılması və rəqabət mühitinin olması, kənd təsərrufatında istifadə olunan texnikanın çatışmamazlığı və qiymətlərin həddən artıq yüksək olması ilə bağlı narazılıq, yaşayış məntəqələrində ödəniş terminallarının və bankomatlarının olmamasıı ilə bağlı məsələlər qabardılıb.
Millət vəkili vətəndaşların qayğıları, üzləşdiyi problemlərlə maraqlanıb, hər birini ayrı-ayrılıqda dinləyərək müvafiq tədbirlərin görülməsi üçün qeydlər aparılıb və qanun çərçivəsində öz həllini tapması üçün müvafiq qurumlara ünvanlanmasına tapşırıqlar verilib.
Görüş iştirakçıları artıq həllini tapmış məsələlər və göstərilmiş yardımlarla bağlı deputat Tənzilə Rüstəmxanlıya dərin təşəkkürlərini ifadə ediblər.
Görüşdə həmçinin Neftçala RİH-in məsul əməkdaşı Esmira Məmmədzadə və Neftçala Rayon İcra Hakimiyyəti başçısının Qaçaqkənd kənd inzibati ərazi dairəsi üzrə nümayəndəsi Ağasəf Süleymanov da iştirak edib. Onlar da öz növbəsində qeyd olunan məsələ və problemlərə münasibətini bildirib, tədbir görülməsi üçün müvafiq qeydlər aparıb.
Qeyd edək ki, millət vəkili Tənzilə Rüstəmxanlının seçicilərlə görüşü hər ay mütəmadi olaraq keçiriləcək.
Ardını oxu...
Ardını oxu...
Ardını oxu...
Ardını oxu...
 

Ardını oxu...
 

Qabaqlar milli telekanallarımızın dəyərlərimizə, əxlaqa, mənəviyyata uyğunluğu işlərinə Ramiz Mehdiyev baxırdı. Tez-tez bu istiqamətdə tənqidi məqalələr yazırdı. Bir məqaləsi o qədər uzun idi ki, xalqımız hələ oxuyub axırına çata bilməmişdir. Mən hələ ortalardayam, ANS kanalı haqda oxuyuram. 

Ancaq müqəddəs yer boş qalmır, hazırda Ramiz müəllimin estafetini deputat Səyavuş Novruzov ələ almışdır. Dünən növbəti dəfə televiziyaları parlamentdə tənqid atəşinə tutmuşdur. (Axırı xeyirli olsun, Səyavuş müəllim nədənsə son dövrlər özünü radikal müxalifət kimi aparmağa başlayıb). Deyir aparıcılar prokuror, rəislərə göstəriş verir, nəticədə cinayətlərin sayı artır. 

Doğrusu, bunu tam izah etmədi və güman edirəm rəis və prokurorlar da özlərini aparıcı kimi aparmağa başladığı üçün cinayətlər artır. Əks halda, səbəb-nəticə əlaqəsi anlaşılmır. 

Sayın deputatımızın bu sözləri isə olduqca ibrətamizdir: “Əvvəllər oğullarımız Koroğluya, Nəbiyə bənzəməyə çalışırdısa, indi seriallardakı kriminal obrazlara, qızlar da Həcərə, Nigara bənzəməyə çalışırdısa, indi müxtəlif obrazlara oxşamağa çalışırlar. Bu, mənəviyyat məsələsidir. Bu problemlərin qarşısı alınmalıdır”. 

Gözəl sözlərdir. Yaxşı olar Təhsil Nazirliyi gələn il bunu “Həyat bilgisi”, “Botanika”, “Təbiətşünaslıq”, “Astronomiya”, “3-cü sinifin Riyaziyyat” dərsliklərinə salsın. Doğrudan da indi Koroğlu və Nəbiyə bənzəmək istəyən oğullar yoxdur. Həmçinin Həcər və Nigara oxşamaq istəyən qızlar. Hətta ekran-efirə baxanda adama elə gəlir ki, indi oğlanlar Nigara, qızlar Nəbiyə bənzəmək istəyir. 

Lakin bunlar məsələnin zahiri tərəfidir. Mahiyyətinə diqqət etməliyik. Bəlkə də cəmiyyətdə, real olaraq Koroğlu, Nigar görməyən gənclər yolunu azırlar, kriminal avtoritetlərə, bambılı serial qəhrəmanlarına oxşamaq istəyirlər. Bəs çıxış yolu yoxdurmu? Var! Məncə, gənclərimiz Səyavuş müəllimə bənzəməyi özlərinə həyat devizi seçsələr yaxşı olar. Adam canlı nümunə kimi qarşımızdadır. 

Yazını Ramiz müəllimə açdıq, bu da səbəbsiz deyil. Bildiyiniz kimi, Donald Tramp artıq ABŞ prezidenti seçilib. Qarşıdan gələn 4 ili onun feyk açıqlamaları, hap-gopu ilə keçirtməyə məcburuq. Olsun. Atalarımız demişkən, az idi arıq-uruq, biri də gəldi boynu buruq. Hazırda bütün planet Tramp müəllimə, rus demişkən, “xod” axtarır. Türkiyə qəzetində oxudum, keçmiş maliyyə naziri Berat Albayrak-ın yenidən hökumətə qaytarılması müzakirə edilirmiş, çünki Berat bəy vaxtilə, Trampın birinci prezidentliyi dönəmində onunla mehriban münasibətdə olub, Vaşinqtonda öpüşüb-görüşüblər. Bəlkə biz də Trampla sıcaq ilişkiləri olmuş əski nəqliyyat bakanımız Ziya müəllimi geri qaytarmalıyıq. Bakıda birgə ev tikmişdilər. Gəlib yenə tiksinlər, hələ yer qalır. 

Ramiz Mehdiyevin də siyasi-iqtisadi, mənəvi-ekoloji potensialından sanki axıracan istifadə etmədik. O cür adamları son damlasınacan xalq üçün sıxmaq lazımdır. 

Ümidvaram əlaqədar orqanlar təklifimi nəzərə alar. Yaxşı bilirəm ki, onlar bu yazıları diqqətlə oxuyur. Məsələn, İspaniyada xeyli oxucum var imiş. Bu yaxında orada sel olanda mən yazmışdım ki, gərək xalqımız təbii fəlakətlərə dözümlü olsun, ispanlardan örnək alsın. Özündən sitat gətirmək təvazökarlıq olsa da məcburam, belə yazmışdım: “Odur, biz Sabunçu tunelində 2 nəfəri ağlayıb bitirməmiş sel gəldi, İspaniyada, Valensiyada 100-ə yaxın adam öldü. Xalq narazı qalıb kral 6-cı Filip müəllimin istefasını tələb etdimi? Etmədi. Əksinə, gələcəkdə taxta oturacaq "7-ci Filip"ə dualar oxudular və çıxıb getdilər “Valensiya”-"Barselona" oyununa baxmağa" (“YM”, 1 noyabr, 2024). Qısa zaman keçdi, ispanlar kralı və xanımını palçıqla, daş-kəsəklə qovdular. Baş nazir Pedro müəllimin istefasını tələb etdilər. Sən demə sel haqda camaata heç bir xəbər verilməyib, 200-dən çox adam ölüb, saysız itkinlər var. Üstəlik, seldən keçən günlər ərzində xilasetmə, bərpa əməliyyatları da çox pis keçir. Küçələri, evləri camaat özü, kürəklə, süpürgə ilə təmizləyir, içməli su tapılmır və sairə. 

Mənim fikrimcə, İspaniyada bu “bardak”ın yaranması baş nazirin sosialist partiyasının nümayəndəsi olması ilə bağlıdır. Solçular həmişə belə populizmlə məşğul olur, işləməklə isə araları olmur. 

İspan kralına palçıq atılmasının səbəbi isə ordunun fəaliyyətsizliyinə görədir. Orada əsgər krala tabedir, lakin təbii fəlakətə qarşı ordunu cəlb etmək nədənsə kralın ağlına gəlməyib. 

Yəqin gələcəkdə Səyavuş müəllimi İspaniya kralı da qoymaq olar. 

Ardını oxu...Zamin HACI
Ardını oxu...
Ağstafa rayonunda 1991-ci il təvəllüdlü İlkin yetkinlik yaşına çatmayan Lalə (adlar şərti verilib - red.) ilə cinsi əlaqədə olub.

Teleqraf.com-un əldə etdiyi məlumata görə, Gəncə şəhər sakini İlkin Göygöl rayonunda yaşayan yetkinlik yaşına çatmamış tanışı Laləni Ağstafa şəhərində kafelərdən birinə aparıb və onunla qeyri-təbii yolla cinsi əlaqədə olub.

İstintaq orqanı tərəfindən İlkinin barəsində Cinayət Məcəlləsinin 152.1-ci (on dörd yaşına çatmış, lakin on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən İlkin ona elan olunmuş ittiham üzrə özünü təqsirli bilməyib. İfadəsində göstərib ki, onun Lalə ilə əlaqəsi olmayıb, aralarında heç nə baş verməyib: "Laləni ilk dəfə Ağstafada restoranda tanışım Nəsimi adlı şəxsin vasitəsilə tanımışam. Ağstafa şəhərinə gəzmək məqsədi ilə getmişdim. Burada Elmar, Aqil və Valeh adlı tanışlarımla görüşmüşəm. Bir neçə gün hoteldə qaldım. Mən Ağstafa şəhərinə gəldikdən bir gün sonra Nəsimi də ora gəldi. Daha sonra Lalə Nəsiminin yanına gəldi. Ağstafada restoranda olarkən mənim Nəsimi ilə sözüm çəpləşdi. Aramızda mübahisə baş verdi".

Təqsirləndirilən şəxs qeyd edib ki, Lalə və Nəsimi birlikdə əyləşdikləri stoldan duraraq gediblər: "Səhərisi Gəncə şəhərinə getmək üçün taksi sifariş verdim. Nəsimiyə zəng edərək onların da gedib-getməyəcəyini soruşdum. Nəsimi razılıq verdikdən sonra Ağstafa şəhərində yerləşən "Dərya" marketin yaxınlığından maşına əyləşərək getdik. Tovuz şəhərində hoteldə Nəsimi və Laləni düşürdük. Təxminən gecə saat 3 radələrində mən Nəsimiyə zəng etdim. Telefonu Lalə açaraq Nəsiminin hamamda çimdiyini bildirdi. Nəsimiyə zəng etməkdə məqsədim həmin günün sabahı Qazax rayonuna qayıdacağım, onların da gedib-getməyəcəyini bilmək idi. Nəsimi zəng edərək onları da götürməyimi istədi. Mən də taksi ilə Gəncədən gələrkən Nəsimi və Laləni də götürüb Ağstafa şəhərinə qayıtdıq".

İlkinin ifadəsinə görə, aprelin 22-də hoteldə qalıb: "Saat 21:00-dan 00:30-dək olan müddət ərzində Qazax şəhərində yerləşən "Damcılı" restoranında dostum Elmarla birlikdə olmuşam. Lalə ilə hoteldə gecə qalmamışam. Qeyd olunan gecəni Lalə Nəsimi ilə bir yerdə hoteldə qalıblar. Mən Lalə ilə qeyri-təbii yolla cinsi əlaqədə olmamışam".

İş üzrə zərərçəkmiş qismində ifadə verən Lalənin sözlərinə görə, Göygöl şəhərində yaşayır:

"Hadisədən əvvəl 9-cu sinfin attestatına şəkil çəkdirməli olduğum üçün evdən çıxdım. Tural adlı tanışıma zəng edərək evdən çıxdığımı, mənə qalmağa yer lazım olduğunu bildirdim. Tural mənə mərkəzi poçtun qabağına gəlməyi tapşırdı, 15 dəqiqəyə orada olacağını dedi. Tural mənimlə görüşdükdə xalası oğlu İlkini mənimlə tanış edəcəyini, Ağstafa şəhərinə onun yanına gedəcəyimizi bildirdi. Mən də razılaşdım".

Zərərçəkmiş qeyd edib ki, daha sonra Tural onu aprelin 22-də taksi ilə Ağstafa şəhərinə yola salıb: "Ağstafa şəhərində, qırmızı rəngli yanacaqdoldurma məntəqəsinin yaxınlığında İlkin Gürcüstan nömrəli avtomobillə məni qarşıladı. Məni kafeyə apardı. Orada əvvəlcə İlkinlə məndən başqa heç kəs olmayıb. Daha sonra Nəsimi adlı bir şəxs gəldi, biz birlikdə yemək yedik. Arada oradan çıxıb geri qayıtdıq. Kafedə olarkən mən İlkinə dedim ki, Tural sizin mənə iş tapacağınızı söyləmişdi. İlkin mənə iş tapacaqlarını dedi, ev tapılana kimi bir gün hoteldə qalmağı təklif etdi. Kərim adlı polis əməkdaşı İlkinlə məni avtomobilində hotelə apardı. İlkin məndən otaqda tək qalıb-qalmamağımı soruşdu. Mən tək qalacağımı bildirdim. İlkin mənə bu ərazidə narkomanların və oğruların çox olduğunu dedi, onunla birlikdə qalmalı olacağımı söylədi. Mən də onunla razılaşdım".

Lalənin ifadəsinə görə, həmin gün saat 21 radələrində İlkinlə öz razılığı əsasında bir dəfə qeyri-təbii yolla cinsi əlaqədə olublar: "İlkin mənə cinsi əlaqədə olmağımız barədə heç kimə danışmamağı tapşırdı. Gecəni birlikdə orada qaldıq. Növbəti gün mən Nəsimiyə İlkinlə cinsi əlaqədə olduğumu dedim. İlkinlə barışmamışam, ondan şikayətçiyəm".

İş üzrə hotelin sahibi də ifadə verib. O, ifadəsində göstərib ki, aprelin 22-də dostları ilə balıq tutmağa gedib və dostuna onun yerinə kafedə durmasını xahiş edib:

"Saat 21-22 radələrində kafeyə qayıtdıqda dostum mənə bir polis əməkdaşının gəldiyini, qonaqlarının bir gün qalmaları üçün otaq verilməsini xahiş etdiyini bildirdi. Mən də razılaşıb həmin şəxslərə istirahət otağını verdim. Bir neçə gün sonra polis əməkdaşları tanımadığım bir qızla kafemə gəldi. Qıza məni tanıyıb-tanımaması, görüb-görməməsi barədə sual verdilər. Qız məni tanımadığını bildirdi. Sonra məni Ağstafa Rayon Polis Şöbəsinə dəvət etdilər. Polis şöbəsində olarkən mən baş vermiş hadisə barədə eşitdim".

Bu cinayət işinə Ağstafa Rayon Məhkəməsində baxılıb. Məhkəmənin hökmü ilə İlkin 1 il 1 ay 29 gün müddətə azadlıqdan məhrumetmə cəzasına məhkum edilib. Onun cəzasını ümumi rejimli cəzaçəkmə müəssisəsində çəkməsi müəyyən edilib.
 
Ardını oxu...
   

Sumqayıtda 29 yaşlı qadın qaynının həyat yoldaşı tərəfindən bıçaqlanıb.

Hadisə şəhərin 12-ci mikrorayonunda qeydə alınıb.

Belə ki, 1995-ci il təvəllüdü Ülviyyə Faiq qızı Quluyeva yaşadığı evdə yaranmış mübahisə zamanı qaynının həyat yoldaşı, 1998-ci il təvəllüdlü Ruhanə Mübariz qızı Quluzadə tərəfindən bıçaqlanıb.

Yaralı dərhal xəstəxanaya çatdırılıb. Faktla bağlı araşdırma aparılır.//Report

Ardını oxu...
Məcburi hicab qaydalarının tətbiqinə etiraz əlaməti olaraq universitetin həyətində paltarlarını soyunan tələbə qız psixiartiya xəstəxanasına köçürülüb.
Bakupost.az xəbər verir ki, bu barədə Məsud Pezeşkian hökumətinin sözçüsü Fatimə Mühacirani məlumat yayıb.
O, həmin qızın univetsitetdən qovulub-qovulmayacağı məsələsinin müzakirə olunmadığını bildirib.
Mühacirani tələbə qızın həyat yoldaşına istinadən onun psixi problemlərinin olduğunu və müalicəsinin vacibliyini iddia edib.
Qeyd edək ki, Tehran Azad Universitetinin Fransız dili və ədəbiyyatı institunun tələbəsi olan Ahu Dəryayi noyabrın 2-də məcburi hicab qaydalarının tətbiqinə etiraz olaraq paltarlarını soyunub və alt paltarı ilə Universitet həyətində gəzməyə başlayıb
 
 
 
Ardını oxu...
Astara rayonunda intihar hadisəsi baş verib.

"Qafqazinfo" xəbər verir ki, rayonun Pensər kənd sakini, 2006-cı il təvəllüdlü Əfsanə Yalçın qızı İbadova özünü asaraq həyatına son qoyub.

Onun meyitini yaxınları evdə asılı vəziyyətdə aşkar ediblər.

Faktla bağlı Astara Rayon Prokurorluğunda araşdırma aparılır.
 
Ardını oxu...
Sosial şəbəkələrdə yayılan video marağa səbəb olub.
TEREF Milli.Az-a istinadən xəbər verir ki, dünyaya qız övladı gətirən qadına həyat yoldaşının etdiyi hədiyyə müzakirələrə səbəb olub.
Belə ki, ər onu sevindirən arvadına övladının çəkisi ağırlığında qızıl hədiyyə etmək qərarına gəlib.

Sözügedən görüntüləri təqdim edirik:

 
Ardını oxu...
Sosial şəbəkələrdə Tehranda motosikletli gənc qızların maraqlı videosu paylaşılıb.

Oxu.Az xəbər verir ki, bu barədə "Azad İran" "Telegram" kanalı məlumat yayıb.

Qeyd edək ki, İranda yol hərəkəti qaydalarına əsasən, qadınların motosiklet sürməsi rəsmən qadağan olsa da, video izləyicilərin diqqətini çəkib.
Ardını oxu...
Elm və Tədqiqat Universitetinin tələbəsi olan qız məcburi hicab bəhanəsilə radikal və yarımhərbi "Bəsic" qüvvələrinin və təhlükəsizlik qüvvələrinin təzyiqinə məruz qaldıqdan və paltarı cırıldıqdan sonra bütün paltarlarını çıxararaq Universitetin həyətində oturub.
İran molla rejimi qadınlara qarşı şiddəti davam etdirir. 7-ci əsrin quldarlıq qanunları insanları bezdirib.

 
Ardını oxu...
ABŞ-ın vitse-prezident Kamala Harris noyabrın 5-də keçiriləcək prezident seçkilərində Demokratlar partiyasının namizədidir.

59 yaşlı Harris ABŞ prezidentliyinə ilk qaradərili və asiyalı namizəddir.

Eyni zamanda, qalib gələcəyi təqdirdə Amerikanın ilk qadın prezidenti olacaq.

ABŞ Prezidenti Joe Biden namizədliyini geri götürərək Harris-in namizədliyini dəstəkləyib.

Biden-in 81 yaşı olmasının seçkilərdə partiyaya ziyan vuracağını düşünən bəzi demokratlar seçki kampaniyasına yeni enerji qatmaq üçün Harris-in namizədliyini irəli sürüblər.

Bəs Kamala Harris kimdir?

Kamala Harris siyasətə necə gəlib?
Kamala Harris 2020-ci ilin prezident seçkilərində ABŞ-ın ilk qaradərili və asiyalı qadın vitse-prezidenti kimi tarixə düşüb.

2021-ci ilin noyabrında Biden tibbi müayinədən keçən gün 75 dəqiqə prezident səlahiyyətlərini icra edib.
Ardını oxu...
ŞƏKLİN MƏNBƏYİ,KAMALA HARRIS

Şəklin alt yazısı,Kamala Harris uşaqlıq illərində anası və bacısı Maya ilə birlikdə

Kaliforniyanın Oklend şəhərində doğulmuş Kamala Harris-in anası Hindistanda, atası isə Yamaykada anadan olub.

Harris-in 5 yaşı olanda onlar boşanıblar, Kamalanı anası - xərçəng xəstəlikləri üzrə tədqiqatçı və qeyri-kommersiya təşkilatlarının müdafiəçisi Şyamala Qopalan Harris böyüdüb.

Anasının onu və bacısı Mayanı Oklenddəki qaradərili icmalara inteqrasiya etməyə çalışdığını qeyd edən Harris "The Truths We Hold" adlı avtobioqrafik kitabında belə yazıb: "Anam iki qaradərili qız böyütdüyünü bilirdi. O bizi özünə güvənən və qürurlu qaradərili qadınlar olaraq böyütməkdə qərarlı idi".

Qaradərililərin çox olduğu məktəblər siyahısında birinci olan Hovard Universitetini bitirəndən sonra Harris Cənubi Afrikada irqçilik və ABŞ-da irqi münasibətlər kimi siyasi mövzularla maraqlanmağa başlayıb.
Ardını oxu...
ŞƏKLİN MƏNBƏYİ,GETTY IMAGES

O, Kaliforniya Universitetində hüquq təhsili də alıb, vəkil kimi fəaliyyət göstərib. Sonra müxtəlif bölgələrin prokurorluqlarında çalışıb. 2010-cu ildə Kaliforniyanın Baş prokuroru olub.

2016-cı ildə Kaliforniyanın senatoru seçilib.

2020-ci ildə prezidentliyə namizədliyini irəli sürmək üçün kampaniya aparıb, yarış başlayandan az sonra namizədliyini geri götürüb və Joe Biden onu vitse-prezidentliyə namizəd seçib.

Biden Harris-i "ağıllı, sərt, təcrübəli döyüşçü" adlandırıb.

Onlar 2020-ci il seçkilərində Donald Trump-a və onun vitse-prezidentliyə namizədi Mike Pence-ə qalib gəliblər.

Biden-in kampaniyasında arxa planda görünsə də, qaradərili qadınların 90 faizinin onlara səs verməsi faktı deməyə əsas verir ki, Harris-in qaradərili olmasının bu qələbəyə təsiri olub.

Harris vitse-prezident olduğu müddətdə nələr edib?

ABŞ-ın vitse-prezidenti Kamala Harris, eyni zamanda ABŞ Senatının sədridir və hər hansı qanun layihəsiylə bağlı həlledici səsə malikdir.

Harris ABŞ tarixində bu səlahiyyətdən ən çox istifadə edən vitse-prezidentdir - düz 32 dəfə qərarlar onun səsiylə qəbul olunub.

Ali Məhkəmə ölkədə 1973-cü ildən bəri abortları qanuniləşdirən “Rou Ueydə qarşı” qərarını ləğv edəndən sonra Harris qadınların reproduktiv sağlamlıq hüquqlarını müdafiə etmək üçün 2022-ci ildən etibarən, bütün ölkə boyu kampaniya aparıb.

Harris mühacirlərin cənub sərhədindən ölkəyə qeyri-qanuni girişini azaltmağa çalışmayıb.

Vitse-prezident olduğu müddətdə seçicilərin ona etimadı yüksək olmayıb. “FiveThirtyEight” təşkilatının keçirdiyi sorğunun nəticələrinə görə, amerikalıların 51 faizi onun fəaliyyətini qənaətbəxş hesab etməyib; Harris-in gördüyü işləri respondentlərin cəmi 37 faizi bəyənib.

ABŞ-da prezident seçkilərini izləyən BBC müxbiri Katty Kay-ın sözlərinə görə, Biden-in ona verdiyi əsas tapşırıq miqrasiyanı məhdudlaşdırmaq olsa da, Harris bu problemi həll edə bilməyib.

ABŞ Nümayəndələr Palatasının 5 demokrat üzvü 81 yaşlı Biden-in televiziyadakı seçki debatlarında rəqibi Donald Trump-a qarşı zəif çıxışını əsas gətirərək prezident seçkilərində namizədliyini geri götürməsi üçün ona açıq çağırış etmişdi.

Biden-i dəstəkləməyə davam etdiyini vurğulayan Kamala Harris həmin günlərdə deyib ki, "Bizim namizədimiz Joe Biden-dir. Biz əvvəl də Trump-ı məğlub etmişik, yenə məğlub edəcəyik. Bu mənim son sözümdür".

Sonra partiyanın bir çox məşhur üzvü Biden-in geri çəkilməsi çağrışına qoşularaq seçkiyə Harrisin qatılmasını təklif etdi. Biden namizədliyini geri götürdüyünü elan edəndən sonra Harris qurultay nümayəndələrinin razılığını alaraq seçkiyə qatıldı.

Son rəy sorğuları Harris-in Trump-a Biden-dən daha yaxşı rəqib ola biləcəyini göstərsə də, vəziyyət kritikdir və onun həlledici üstünlük əldə etmədiyini göstərir.

Harris-in siyasətində əsas xüsusiyyətlər hansılardır?
İqtisadiyyat:

Senator olduğu illərdə Harris ödənişli ailə məzuniyyəti, sosial mənzil, aşağı və orta gəlirli ailələr üçün pulsuz təhsil kimi mütərəqqi təklifləri dəstəkləyib.

Biden-in infrastruktura və yaşıl enerjiyə böyük sərmayələr nəzərdə tutan vacib iqtisadi tənzimləmələrinin qəbul edilməsində rolu olub.

Amma inflyasiya və yüksək faiz dərəcələri vətəndaşları narahat edir. Sorğular göstərir ki, iqtisadiyyat bir çox seçici üçün ən vacib məsələ olaraq qalmaqdadır.

Miqrantlar:

Harris-in mühacir məsələsinə münasibəti əvvəlkinə nisbətən xeyli dəyişib. 2020-ci il seçkilərində demokratların prezidentliyə namizədi olmaq üçün kampaniya aparanda Harris mühacirlərin qaldığı mərkəzləri bağlamağı vəd etmişdi.

İndi isə o, prezident seçiləcəyi təqdirdə “sərhəd təhlükəsizliyini gücləndirmək üçün hər iki partiyanın dəstəkləyəcəyi həll yollarına” sadiq qalacağını deyir.

Ukraynaya yardım və NATO

Keçən il Münhen Təhlükəsizlik Konfransındakı çıxışında Harris NATO-nu dəstəkləyib, təcrid siyasətini pisləyib.

Rusiyaya qarşı müharibədə Ukraynanı “nə qədər lazımdırsa” dəstəkləməyə söz verib.

Qəzza müharibəsi

Harris uzun müddətdir ki, bu konflikin ikidövlətli həllini müdafiə edir.

İsrail-Həmas müharibəsində o, İsraili Biden-dən daha çox tənqid edib.

Harris fələstinlilərin üzləşdiyi humanitar fəlakətdən narahatlığını dilə gətirib və "təcili atəşkəs" tələb edən ilk yüksək vəzifəli administrasiya üzvlərindən biri olub.

Netanyahuya Qəzzadakı itkilərlə bağlı "ciddi narahatlığını" ifadə edib, İsrailin özünümüdafiə tərzinin vacib olduğunu bildirib.

Ağ Evdə Netanyahu ilə görüşəndən sonra deyib: “Bu müharibəni bitirməyin vaxtı çatıb”.

Bununla belə, Harris ABŞ-dakı bəzi solçuların İsrailə silah embarqosu tətbiq etmək tələbini dəstəkləməyib. (BBC)

Dünyapress TV

Xəbər lenti