Politoloq Qabil Hüseynli Teleqraf.com-a müsahibə verib.

Teref.Az onunla müsahibəni təqdim edir:

- Separatçılar Xankəndidə növbəti mitinq keçirdilər. Mitinqdə çıxış edən separatçı Ruben Vardanyan Azərbaycana “savaş” elan etdi, hədəflərinin “müstəqillik” olduğunu dedi. Hadisələr bundan sonra hansı məcrada davam edə və Azərbaycanın ona cavabı necə ola bilər?

- Bu mitinq və oradakı radikal ab-havadakı çıxışlar, üstəgəl, Vardanyanın “son nəfəsinə qədər Azərbaycana qarşı mübarizə” aparacağı ilə bağlı fikirləri vəziyyəti kifayət qədər gərginləşdirir. Azərbaycan indiyədək məsələləri siyasi yolla, diplomatik müstəvidə çözməyə çalışırdı. Çünki bütün dünya və beynəlxalq təşkilatlar Azərbaycanın ərazi bütövlüyünü tanıyıb. Amma Azərbaycanın öz ərazi bütövlüyünü tam bərpa etmək səyləri və vətəndaşlarımızın Xankəndi-Şuşa yolundakı dinc aksiyalarına tamam başqa münasibət görürük və bu da vəziyyəti dəyişir.

Vəziyyətin dəyişməsi onunla bağlıdır ki, separatçılara dəstək verən və onları ruhlandıran dövlətlərin sayı artıb. Əlbəttə, burada ilk yerləri Rusiya, Fransa və Ermənistan tutur. Ermənistan bu məsələ ilə bağlı Azərbaycana müəyyən vədlər verməsinə baxmayaraq, separatçıların hərəkətə keçmələri üçün zəmin yaratmağa çalışır. Bu durumda Laçın yolunun separatçı və təxribatçı məqsədlərə xidmət edəcək səviyyədə açılmasından söhbət gedə bilməz, yol humanitar məqsədlər üçün açıqdır.

Azərbaycan Laçın yoluna nəzarəti gücləndirmək üçün burada sərhəd və gömrük məntəqələrinin qoyulmasına ciddi ehtiyac var. Paralel olaraq, bu ərazilərdə hələ də qalmaqda davam edən Ermənistan ordusunun tör-töküntülərinə qarşı antiterror tədbirlərinə başlanılmalıdır. Həmin qüvvələrin yerləşdirildikləri ərazilərdə demək olar ki, Rusiya sülhməramlıları yox dərəcəsindədir. Bu məqamdan istifadə edərək, həmin ərazilərimizdə suverenliyimizi bərpa və torpaqlarımıza soxulmuş terrorçu dəstələri yox etmək üçün bütün imkanlardan istifadə edilməlidir. İrəvana da Qarabağdakı durumla bağlı xəbərdarlıq edilməlidir ki, burada vəziyyətin gərginləşməsi Ermənistan-Azərbaycan münasibətlərinə də təsir edir, iki ölkə arasında sülh müqaviləsinin imzalanmasını ləngidir.

Beynəlxalq təşkilatlarla, ilk növbədə BMT ilə ciddi iş aparılmalıdır. Çünki məlum oldu ki, BMT Təhlükəsizlik Şurasında müzakirələr zamanı reallıqla uzlaşmayan xeyli məsələlər gündəmə gətirilib. Bu saxta məlumatlar əsasında da Azərbaycana qarşı ittihamlar səsləndirilib. Bunları nəzərə alaraq, bütün kanallar vasitəsilə bu yöndə ciddi iş aparılmalıdır və bölgədəki durumun səhih və düzgün şəkildə BMT və digər beynəlxalq təşkilatlara çatdırılmasına səy göstərilməlidir.

Son mitinqdən və oradakı çıxışlardan sonra Ruben Vardanyan və Araik Arutyunyanı dayandırmaq üçün mütləq silaha, lokal xarakterli olsa da hərbi əməliyyatlara ehtiyac olacaq. Azərbaycan bunu etməkdən çəkinməməli, hətta beynəlxalq təşkilatların birtərəfli qınaqlarını bir kənara qoyaraq, öz ərazi bütövlüyünün tam bərpası istiqamətində praktiki addımlar atmalıdır.

- Brüsseldə gedən danışıqlar ilin sonunadək sülh müqaviləsinin imzalanacağına ümid yaratmışdı, ABŞ da bu yöndə səy göstərirdi. Amma hadisələr birdən-birə bu yerə gəlib çatdı. Sizcə, bu prosesi kim pozdu?

- Bu haqda danışarkən, iki ölkənin adını cəsarətlə çəkmək olar. Onların birinci və ya ikinci yerə qoyulmasına da ehtiyac yoxdur. Məsələn, Fransa Prezidenti Makron diplomatik nəzakət gözləmədən, açıq şəkildə Azərbaycanı ittiham edirsə, Rusiyanın siyasi dairələri bunu kamuflyaj edərək və ya gizli formada edir. Rusiya üzdə bir söz, arxada başqa söz deyir, sülhməramlılarına isə tamam başqa tapşırıqlar verir.

BMT də bu məsələdə çox destruktiv mövqe tutur. BMT-nin Azərbaycanda qaçqınlar üzrə xüsusi missiyası var. Amma onlardan müəyyən məlumatları almaq əziyyətini çəkmək istəmirlər. Eləcə də Azərbaycanın rəsmi qurumlarına müraciət edərək, onların mövqelərini də öyrənməyə həvəs göstərmirlər.

Azərbaycanın BMT-dəki nümayəndəsi bu qurumun Təhlükəsizlik Şurasının son iclasında baş verənlərlə bağlı ətraflı məlumatları təqdim etsə də, şuranın daimi və qeyri-daimi üzvləri buna önəm vermədilər. BMT Təhlükəsizlik Şurasının toplanmasında Fransanın fəal rolu oldu.

Azərbaycana qarşı mənfur planlar quran bəlli dairələr ölkəmizin əleyhinə apardıqları qaralama kampaniyasını daha da genişləndirmək fikrindədirlər. Bununla da bu nüfuzlu beynəlxalq təşkilata və onun erməni işğalı ilə bağlı məlum qətnamələrinə kölgə salmağa çalışırlar. Bir sözlə, müəyyən dövlətlər Qarabağ məsələsi ətrafındakı münasibətləri gərginləşdirməklə, bu bölgədə özlərini qorumaq üçün təminat axtarırlar, yaxud Cənubi Qafqaza soxularaq, dominat rola sahib olmaq istəyirlər.

Böyük dövlətlərin bölgə uğrunda rəqabəti ciddi qarşıdurmaya gətirib çıxarır. Bölgədə yeni, ilk mərhələdə lokal, ikinci mərhələdə geniş antiterror əməliyyatlarının əlamətləri özünü açıq şəkildə göstərir.

- Sizə görə, ehtimal olunan bu savaş Ermənistanla Azərbaycana arasında olacaq, yoxsa Ukraynaya bənzər qlobal bir prosesdən söhbət gedir?

- Ukraynaya bənzər bir durumun yarana biləcəyi qənaətinə deyiləm. Amma Ermənistanın Azərbaycanın öz suverenliyini bərpa etmək üçün başlayacağı mümkün antiterror əməliyyatlarına öz qüvvələri ilə müdaxilə ehtimalı var. Rusiya sülhməramlıları isə əvvəldən ikibaşlı oynayırlar, sırf ermənipərəst mövqe tutublar. Bundan sonra da onların hansı mövqedə dayanacaqlarını proqnozlaşdırmaq o qədər də çətin deyil.

Birinci mərhələdə Rusiyadan hədələrin və beynəlxalq təşkilatlardan həyasız bəyanat və dəyərləndirmələrin arta biləcəyini proqnozlaşdırmaq olar. Zənnimcə, Azərbaycan onlara qarşı obyektiv və təsiredici izahat işi qurmaqla bu işdə çəkingən davranmamalıdır, hücum diplomatiyası həyata keçirməlidir.

Vardanyan kimi dələduz, quldur, Qarabağda doğulmayan bir nadürüstün Azərbaycana meydan oxumasına imkan verməməliyik. Ya özü ərazilərimizdən çıxıb getməlidir, ya da xüsusi əməliyyatla onun zərərsizləşdirməyə nail olmalıyıq. Qaradan başqa rəng yoxdur.

Laçın yoluna nəzarətimizi daha da gücləndirməliyik. İndiyədək ictimaiyyət nümayəndələri burada dinc aksiya keçirirdilərsə, bundan sonra Azərbaycanın müvafiq strukturları da bu işə cəlb edilməlidir. Bununla Laçın yolu tam nəzarətə götürülməli, daha sonra isə Qarabağın qalan ərazilərində də Azərbaycanın suverenliyinin tam bərpa edilməsinə çalışılmalıdır.

"Həyatda insanın rəftarını və davranışını nizamlayan iki güc var: Biri ictimai əxlaq, digəri isə qanunlardır. Biz qanun deyirik, amma dədə-babalarımız törə deyib. Törə cəmiyyətin təcrübəsindən doğulan, onun ümumi həyat tərzinə uyğunlaşan qanunlar sistemidir".
Bu fikirləri Xalq şairi, Vətəndaş Həmrəyliyi Partiyasının sədri, millət vəkili Sabir Rüstəmxanlı Bakupost.az saytının "Sabir Rüstəmxanlı söhbətləri" verilişində deyib.
Millət vəkilinin fikrincə, törələr bəzən əsrlər boyu dəyişmir:
"Çünki cəmiyyətin istəyi bəllidir. O istəyi dəyişdirmək, başqa səmtə döndərmək çətindir. Amma qanunlar daha çox hakimiyyətlər tərəfindən yaradıldığına, onların marağına xidmət etdiyinə görə tez-tez dəyişilir, onlara əlavələr edilir. Bu iki amildən biri olan əxlaq insanın cəmiyyətdəki yerini müəyyənləşdirir, ona güc verir. Bəzən onu zirvələrə, bəzən isə bataqlıqlara aparır. Bəzən də insanın əxlaqı köməyə gəlmir, onu idarə edə bilmir. İnsanın əxlaqı cəmiyyətin maraqlarıyla düz gəlmirsə, onda qanunlar onu nizama salır".
✓Qanunu qorumaq üçün təyin olunan şəxslərin özü qanunu daha çox pozur
✓Bəzən quldurun yekəsi əxlaqdan və dövlət marağından danışır
✓Ölkədə rüşvət və talançılıq zənciri var. O zəncir qırılmalıdır ki, proses dayansın
✓Balaca məmurların balaca milyonları, böyük məmurların böyük milyardları var
✓Büdcəmiz böyük olsa da, oğurlanmış milyonlar dibsiz uçurum yaradır və dövlət bundan sarsıntı keçirir
✓Məmurlara verilən maaşlar yaşamağa kifayət edər. Əgər onlar normal insan həyatı yaşamaq istəyirlərsə...
✓Əyrilik, korrupsiya bataqlığında boğulan cəmiyyətdə təmiz şəxsiyyətlərin yaşamaq imkanları minimuma enir, beyinlər donur, yaradıcılıq imkaları tükənir
✓Bizdə məmurlara nəzarət bəzən xeyirdən çox zərər vurur. Çünki nəzarət edənlərin də məqsədləri doğru deyil
✓Dövlətin yüksək vəzifəsində otur, bütün təminatlarını ödə, etdiyin əməllər də dövləti sarsıtsın. Belə olmaz.
Məmurlarımız elə bilirlər ki, bu vəzifələr onlar üçün yaradılıb.
✓Bəziləri təkcə ailəsi, qohumları üçün deyil, bütün nəsilləri, tanışları üçün yüzillik para qazanırlar
✓Cəmiyyətdə insan sevgisi və bu sevgiyə inam olmalıdır
Millət vəkilinin qanunlar və əxlaq barədə mülahizələri haqda daha ətraflı "Sabir Rüstəmxanlı söhbətləri"ndə dinləyə bilərsiniz...

Əziz oxucularım, sizi sevgi və hörmətlə salamlayıram.

Bu yazıda ictimaiyyət arasında Adnan Hoca kimi tanınan və Harun Yəhya əsərləri ilə məşhur olan Adnan Oktarla etdiyim müsahibəni sizlərlə paylaşmaq istəyirəm.

Asel UÇAK: Siz və sizinlə birlikdə 176 nəfər 2018-ci il iyulun 11-də “cinayət törətmək üçün təşkilat yaratmaq”, “uşaqlara qarşı cinsi istismar” və “seksual zorakılıq” ittihamları ilə saxlanılmış, 18 iyul 2018-ci ildə isə həbs edilmişdiniz. gətirdiyiniz məhkəmə. Bu vəziyyət haqqında nə deyərdiniz?

Adnan OKTAR: Hər hadisə Allahın nəzarəti altında, Allahın təyin etdiyi qədərdə baş verir. Allah Bəqərə surəsində, yoxsa sizdən əvvəlkilərin bəlası sizə gəlmədən Cənnətə girəcəyinizi güman edirdiniz? deyir. Quranda peyğəmbərlərin və həqiqi möminlərin həmişə oxşar imtahanlardan keçdiklərini görürük; Böhtan var, zindan var, həbs var, sürgün var… hamısı var. Dünyada səbr göstərəcək, Allaha olan sevgimizi göstərəcək hadisələr olacaq ki, insanlar Cənnətə layiq olsunlar. Əgər çətinlik yoxdursa, mükafatı çox az olacaq. Hüquqi baxımdan; Bütün Türkiyə, hətta bütün dünya bilir ki, biz silahlı cinayət təşkilatı deyilik. Mən 40 ildir ictimaiyyətin, dövlətimizin qarşısında fəaliyyət göstərən insanam. Gecə-gündüz bütün fikirlərimi, düşündüklərimi, şərhlərimi kitablarımda, saytlarda, A9 TV-də canlı yayımlarda açıq şəkildə paylaşdım. Mənim və dostlarımın dövlətə sədaqətini, təqvasını, Türk-İslam Birliyi idealımızı bütün Türkiyə yaxşı bilir. Gecə-gündüz xalqın gözü önünde, televiziyada olan cinayətkar təşkilat ola bilərmi? Cinayət təşkilatı gizlidir, gizli. Bizimki qədər şəffaf cəmiyyət yoxdur. Bir gecədə bizi cinayət təşkilatı elan etdilər. 40 illik idealist cəmiyyət bir gecədə necə cinayət təşkilatına çevrilə bilər? Əlbəttə ki, iftira yolu ilə. Amma mən dövlətimizə, məhkəmə sistemimizə güvənirəm. Allahın izni ilə oynanan bu oyun pozulacaq.

Asel UÇAK: Sizə 9803 il 6 ay həbs cəzası verildi, bu sizə mənfi təsir etdimi? Azadlığa çıxmağa ümidiniz varmı?

Adnan OKTAR: Heç bir şey müsəlmana mənfi təsir göstərmir. Hər bir qərar Allahın iradəsidir. Bunun Allahdan gəldiyini bildiyim üçün heç bir qərara, hadisəyə kədərlənməmişəm, hirslənməmişəm. Təbii ki, ümidim var, təbii ki, Türkiyə məhkəmə sistemi bu hiyləni deşifrə edərək deşifrə edəcək, onun vaxtı var. İnanıram ki, ölkəmizdə ədalətli, vicdanlı, azad, əxlaqlı hakimlər var. Fəaliyyətimə 1980-ci ildə başlamışam. Bir neçə dəfə böhtan atdılar, daha 2 dəfə həbsxanaya getdim, bir dəfə də məni ruhi xəstəxanaya yerləşdirdilər. Bəs sonra nə oldu? Faktlar aydınlaşdı, məni təmizə çıxardılar və azadlığa buraxdılar. Sonra Allah böyük nemət verdi; Mənimlə dostlarımın sayı çoxaldı, dostlarımın mənə sevgisi minlərlə dəfə artdı, pərəstişkarlarımızın sayı çoxaldı, dünyanın hər yerində təsirli əsərlərim oldu. Həbsxanada və ruhi xəstəxanada qaldıqdan sonra 300-dən çox kitabım 80-ə yaxın fərqli dilə tərcümə olundu və əsərlərimdən istifadə etməklə dünyanın demək olar ki, hər bir qitəsində konfranslar keçirildi. Allah Quranda bizə xatırladır, deyir ki, siz bunu şər hesab edirsiniz, amma xeyir var. Allah onların hamısını xeyir üçün yaradır. İnsan başına gələnlərə kədərlənirsə, mənfi təsirlənirsə, ümidsizliyə düşərsə, bunun hesabını Allah qarşısında verə bilməz, çox utanar. İstər bolluqda, istərsə də yoxsulluqda, qürbətdə və ya həbsdə olarkən həyatımın hər anında həmişə Allahdan razı olmuşam. Allah bizə Allahı nə qədər sevdiyimizi göstərməyə imkan verən gözəl bir imtahan yaradır.

Asel UÇAK: Sizin və komandanızın ABŞ-da elmi ictimaiyyətdə hörməti olmayan, sonradan inkişaf etdirilən ‘’yaradılışçılıq’’ və “ağıllı dizayn” cərəyanları ilə əlaqəli olduğunuz və IRC (Institute forCreationResearch) tipli cərəyanlardan kopyalandığınız bildirilir. Bu doğrudur?

Adnan OKTAR: İstər IRC kimi gənc dünyaya inanan din alimlərinin, istərsə də ağıllı dizaynı müdafiə edənlərin təbii ki, bizim qəbul etmədiyimiz cəhətləri və fikirləri var. Biz onların dediklərinin hamısının tamamilə doğru olduğunu heç vaxt demədik.

Allah Ali-İmran surəsinin 64-cü ayəsində buyurur:

De: “Ey kitab əhli, bizimlə sizin aranızda ortaq bir sözə (tövhidə) gəlin. Allahdan başqa heç kimə ibadət etməyək, Ona heç bir şeyi şərik qoşmayaq və Allahı qoyub özümüzdən bir neçəsini Rəbblər qəbul etməyək. ” Əgər yenə də üz çevirsələr, de: “Şahid olun ki, biz müsəlmanlarıq”.

Yəni Allah buyurur ki, kitab əhli ilə şərik olun ki, Allahdan başqa ilah yoxdur. Deyir ki, ‘’La ilahə illəllah’’ deyənlərlə bir yerdə işləyə bilərsən. Biz də xristian elm adamlarının darvinizmi və materializmi elmi cəhətdən çürütmək, Allahdan başqa yaradanın olmadığını, təsadüflərin həyatı yarada bilməyəcəyini göstərmək istiqamətindəki işlərindən faydalandıq. Elmi araşdırma aparmağa nə vaxtımız, nə də imkanımız var. Biz bu din alimlərinin biokimya, molekulyar biologiya, antropologiya, paleontologiya və tibb kimi sahələrdə apardıqları elmi araşdırmaların nəticələrini götürüb Qurana uyğun şərh edərək izah etdik. Bu insanların apardıqları elmi araşdırmalara istinad edərək Allahın varlığını və qüdrətini izah etmək, təkamül nəzəriyyəsinin olmadığını isbat etmək kopyalamaq deyil. Onlar da bizim işimizdən istifadə edib öz rəvayətlərinə əlavə etdilər.

Asel UÇAK: Mehdilik əqidəsini yaydığınız və bu mənada davamlı olaraq Mehdilik haqqında özünüzü eyhamladığınız iddia edildi. Doğrudanmı siz Mehdinin gələcəyini hədislərlə ifadə edərkən, onun əlamətlərindən nümunələr verərkən, özünüzü də önə çəkirsiniz, hətta özünüzü Mehdi elan edirsiniz?

Adnan OKTAR: Mən Mehdini təsvir etdiyim üçün bəzi dairələr özümü Mehdi elan edəcəyimi düşünürdülər. Dəfələrlə demişəm ki, belə bir şey etməyəcəyəm, canlı yayımda yüzlərlə dəfə Allahın adına and içmişəm, Mehdilik iddiasına girməyəcəyimi demişəm. Yenə də buna inanmayanlar var idi. Peyğəmbərimiz (s.ə.v) Mehdini çox təfərrüatlı şəkildə təsvir etmişdir. Bir çox hədis var; Mehdi ilə müjdə ver dedi. Peyğəmbərimizin (s.ə.v) sünnəsinə tabe oldum. Mehdi ilə müjdə verdim. Səhabələr həmişə Mehdini axtarırdılar, gözləyirdilər və Peyğəmbərimizdən (s.ə.v) hər zaman təfərrüatlarını soruşurdular. Tarix boyu yüzlərlə mühüm İslam alimi həmişə Mehdidən bəhs etmiş, hətta onların bir çoxu onun öz zamanında gələcəyini ümid etmiş, onu arzulayanlar da olmuşdur. Mehdilik həm sünni, həm də şiə inanclarında çox mühüm bir məsələdir. Qeyri-adi bir şey də var; Peyğəmbərimizin 1400 il əvvəl olacağını bildirdiyi hər hadisə baş verir, Peyğəmbərimiz deyir ki, bu hadisələr muncuq tökülməsi kimi bir-birinin ardınca baş verəcək. Doğrudan da, özünün dediyi kimi, təəccüblü şəkildə bütün hadisələr açıq şəkildə baş verir. Bu, böyük bir möcüzədir. Bu, Peyğəmbərimizin (s.ə.v) möcüzəsidir; O, təfərrüatlarını verərək hadisələri sanki 1400 il əvvəl görmüş kimi təsvir edib. Təbii ki, onlara demək lazımdır, susmalıyıq, yoxsa gizlənməliyik? Mənə deyirlər ki, sənin fiziki xüsusiyyətlərin eynidir, özünü nəzərdə tutursan. Onun mənə oxşar xüsusiyyətləri var deyə susub sənə deməliyəm? Burnu kiçik, gözləri yaşıl, alnı açıq, çiyinləri geniş və s. Məndə də çoxlu xüsusiyyətlər var. Amma dünyada bu fiziki xüsusiyyətlərə malik milyonlarla insan var. Bir insana sırf bu xüsusiyyətlərə malik olduğu üçün Mehdi demək olarmı? O zaman milyonlarla insan Mehdilik iddiasında olacaq. Mehdi dəlil sahibidir; Yəni dünyanı sülh və sevgi ilə idarə edən, Quran əxlaqını hakim edən, dünyada sülhün bərqərar olmasına kömək edən, müharibələri dayandıran bir insan olacaq; O zaman belə bu adamın Mehdi olduğunu söyləyə bilmərik, ancaq bu adamın Mehdi ola biləcəyini istəklə düşünə bilərik. Bir insana “Sən Mehdisən” demək küfr olardı, çünki o insana “Sən cənnətliksən” demək olar. Bunu biz də heç vaxt bilməyəcəyik, amma Allah bilir. Xülasə, mən heç vaxt Mehdiyəm deməmişəm, eyham vurmamışam, eyham etməmişəm, Allahdan qorxuram.

Asel UÇAK: Siz Atatürk əleyhinəsiniz?

Adnan OKTAR: Yox, təbii ki, mən Atatürk əleyhinə deyiləm. Əksinə, Atatürkü bütün dəlilləri, bütün gözəl cəhətləri ilə Türkiyəyə tanıdan, Atatürkə səmimi sevgi hiss etdirən insanam. Atatürk çox dindar, millətçi, cəsur bir gənc, vətən oğlu idi. Müasirliyi, zərifliyi və mehribanlığı ilə aydın, müasir dindar Türkiyə üçün böyük bir model idi. Atatürkü dinə qarşı göstərənlərin oyununu pozaraq, Atatürkün dindarlığını cəmiyyətə tanıtmaqla, Atatürkü daha geniş kütlələrə sevgi və hörmət bəsləmişik. Atatürk heç vaxt din əleyhinə olmayıb, əksinə, dərin, düşünən, rasional din anlayışına malik olub; Peyğəmbərimizi (s.ə.v) çox gözəl təhlil edib anladı və dövlət idarəçiliyində onu nümunə götürdü. Atatürk dinə deyil, təəssübkeşliyə qarşı idi; O, Quran İslamını və səhabə İslamını müdafiə edən mömin idi. Atatürklə bağlı çoxlu əsərlərim, kitablarım, çıxışlarım var. Hamısında məntiqli ifadələrlə, dəlillərlə Atatürkü bütün təbəqələrə sevdirdim, hörmət etdirdim. Bu əsl kamalizmdir.

Asel UÇAK: Siz silahlı cinayət təşkilatı kimi qeydiyyatdasınız. Tapılan silahları necə izah edirsiniz?

Adnan OKTAR: Silahlı cinayət təşkilatının ittihamı heç bir inandırıcılığı olmayan bir iddiadır. Biz 40 ildir sevgidən, şəfqətdən, dostluqdan, qardaşlıqdan danışan bir toplumuq. Bu silahlı cinayət təşkilatıdır? Bu iddialara heç kim inanmır. Türkiyədə bizim silahlı cinayət təşkilatı olduğumuza ürəkdən inanan adam tapa bilməzsiniz. Tapılan silahların hamısı dostlarımızın lisenziyalı silahlarıdır. Onsuz da cəmi 20-30 adamın əlində silah var idi. Dostlarımın çoxu iş adamıdır, bizneslə məşğul olurlar, bəzilərini hədələyiblər. Bəziləri 15 iyul dövlət çevrilişinə cəhddən sonra prezidentimizin təşviqi ilə silah vəsiqəsi aldıqlarını məhkəmədə elan etdilər. Həqiqətən də Prezidentimiz bu cür xəyanətkar cəhdlərdən qorunmaq üçün xalqı silah almağa təşviq etdi və sonra silah lisenziyası ilə bağlı müraciətlərdə böyük yüksəliş oldu. Bu kimi səbəblərdən dövlətin müvafiq orqanlarına müraciət ediblər və dövlətimizin razılığı ilə onlara rəsmi yollarla silah vəsiqəsi verilib. Əməliyyat zamanı bir dənə də olsun lisenziyasız silah aşkar edilməyib. Silah sənədi verilməsi dövlət tərəfindən təsdiq edilmiş insanlara, ‘’niyə silahınız var?’’ deyə soruşmaq normal deyil. Lisenziyalı silahı olan insanlara “Silahlı təşkilatsınız” demək də ağılsızlıqdır. Heç bir silahlı cinayət təşkilatının lisenziyalı silahı ola bilməz. Dostlarım arasında 30 ildir silahı olanlar var. Bu silahlardan bir dəfə də olsun istifadə olunmayıb, cinayətdə iştirak etmək bir yana qalsın, heç istifadə etməyiblər. Dövlət silah lisenziyasını verdi, sonra bu silahlardan bir dəfə də olsun istifadə olunmadı. Hətta gizli istintaq getdiyi bir vaxtda dövlət etimad göstərib, silah verib. 1999-cu ildəki əməliyyatdan sonra dövlət bütün silahları dostlarımıza geri verdi. Bu o deməkdir ki, dövlət bizim cinayət təşkilatı olmadığımıza və cinayət etməyəcəyimizə qərar verib, ona görə də bütün silahları geri qaytarıblar. Türk milləti çox zəkidir, təbii ki, bu detalları görür və bu iddialara bir nəfər də olsun inanmır.

Asel UÇAK: Zəngin ailələr sizi mənfəətpərəst bir təşkilat kimi gördüklərini, hətta narahat olduqlarını, böyüyən övladlarının sizə aldandığını söylədilər. Bu vəziyyətə necə reaksiya verdiniz?

Adnan OKTAR: Dostlarımın demək olar ki, bütün ailələri bizi və işimizi ürəkdən dəstəkləyir. Bu, böyük yalan və bəzi media quruluşlarının təxribatıdır. Bizə düşmən olan bəzi adamlar 3-5 ailəni hədələdilər ki, övladlarınızı həbsdən xilas etmək istəyirsinizsə, mal-dövlətinizin, iş yerinizin əlindən alınmasını istəmirsinizsə, bizim dediklərimizi edin. Çox az ailə qorxudan şikayət etməyə, övladlarını və mallarını xilas etməyə məcbur oldu. 300-ə yaxın dostum var; cəmi 3-5 ailə şikayətçi oldu. Bu ailələrdən bəziləri onlara qarşı oynanılan oyunu görüb və şikayətlərini geri götürüblər. Hazırda şikayətçi olan cəmi 2 ailə var, bütün bu təxribat məhz bu 2 ailə vasitəsilə edilir. Odur ki, ailələrin şikayət etməsi və ya narahat olması iddiaları doğru deyil; medianın yaratmağa çalışdığı yanlış təsəvvür. Ailə müqəddəsdir, xalqımızın həssas cəhətlərindən biridir. Bizə qarşı hiylə quranlar bu əsəb uclarına toxunaraq həmişə bizə qarşı düşmənçilik yaratmağa çalışıblar. Bu prosesdə bizə böhtan atanlar ailələrə əsl ziyanı verdilər. 36 dostumun anası, atası və böyük bacısı dünyasını dəyişdi. Dostlarımın çoxunun köhnə ailələri var, xəstəlikləri var. Həbsdə olduqları müddətdə övladlarına baxa bilmədilər, böyük çətinliklərlə üzləşdilər. 2 ailənin adı çəkilir, halbuki faktiki olaraq 300 ailə zülmə məruz qaldı.

Asel UÇAK: Masonlarla əlaqəniz nədir? Çünki televiziyada özünüzü 33-cü dərəcəli mason ustası elan etdiniz. Mason lojaları ilə güçlü bir əlaqənizmi var?

Adnan OKTAR: Mən özümü mason ustası elan etməmişəm; Masonluq tarixində ilk dəfə camaatın gözü qarşısında masonlar məni 33-cü dərəcəli mason elan etdilər. Bu, görünməmiş bir vəziyyət idi. Bildiyiniz kimi, masonluq son dərəcə gizli bir təşkilatdır, əsrlər boyu gizli fəaliyyət göstərir. Masonluğu şəffaf edən ilk insan mən olmuşam. Daha əvvəl yazdığım kitablarda masonluğun məqsədini, hərəkət tərzini, rituallarını və inanc tərzini sənədləşdirmişdim. Mən masonluğu camaata tanıtdıran, onu deşifrə edən adamam. Sonra onlara masonluq mərasimini canlı keçirtdirdim. ‘’Niyə əvvəlcə deşifrə etdiniz, tarix boyu zülmü izah etdiniz və sonra mason olmağa razılaşdınız?’’ deyə soruşurlar. Əvvəla, bütün masonlar dinsizdir və ya bütün masonlar pis niyyətlidir deyə bir şey yoxdur. Masonluqda hər cür insan var, önəmli olan o insanları doğru yola yönəltməkdir. Möminlər hər kəsə təbliğ edir. Firon da mason idi. Hz. Musa ona təbliğ etdi. Nəmrud da mason idi. Hz. İbrahim ona İslam haqqında danışdı. Niyə biz masonlara təbliğ etmirik? Gəlin onlara belə edək ki, dünyada bu qədər nüfuzlu bir toplumu haqqa yönəltsən, haqqın və yaxşılığın yayılmasını sürətləndirərsən. Masonlara mesaj vermək üçün onların arasında olmaq, tanış olmaq lazımdır. Dostlarım mason lojalarında Quran möcüzələrini, Allahın varlığının dəlillərini, təkamül nəzəriyyəsinin elmi etibarsızlığını izah edən mühazirələr oxuyurdular. Tarixdə ilk dəfə olaraq Quran xaricdəki mason lojalarında yerləşdirilib. İstanbuldakı məsciddə masonlar namaz qılıb. Bunlar İslam üçün böyük nailiyyətlərdir və biz onların hamısında vəsilə olmuşuq. Əgər biz masonları daim lənətləyiriksə, söyürüksə, onlara kim həqiqəti söyləyəcək? O zaman İslam ancaq müəyyən bir qrup arasında sıxışıb qalacaq.

Asel UÇAK: Atatürk zamanında mason lojalarını bağladı. Nəticədə Atatürkün zəhərləndiyinə dair iddialar və sənədlər bir-bir tirajlandı. Tarixi qeyd və sənədlərdə, hətta bəzi memarlıq əsərlərində Osmanlı dövründə masonlarla əlaqənin olduğunu görürük. Masonlarla əməkdaşlıq bizim ölkənin tanınmış şəxsləri üçün bu qədərmi önəmlidir?

Adnan OKTAR: Masonluq bütün dünyada çox təsirli bir təşkilatdır. İzah etdiyim kimi, əgər siz bu təşkilatı maarifləndirsəniz, məlumatlandırsanız və düzgün istiqamətə inandırsanız, dünyada baş verən bir çox təhriflər, pozğunluqlar düzələcək. Masonlar arasında çox dindar olanlar da var. Məsələn, rasional ifadə ilə İslamı dərhal qəbul edirlər. Türkiyəyə gələndə dostlarımızla məsciddə namaz qıldılar. Dünya siyasətini yönləndirən, müharibələrə qərar verən bir cəmiyyəti sevgiyə, sülhə, dostluğa yönləndirəndə bütün dünya sülh tapır. Bu çox açıq həqiqətdir.

Asel UÇAK: 1986-cı ildə Harun Yəhya olaraq sizin yazdığı və ya yazdığı iddia edilən “Yəhudilik və Masonluq” kitabı nəşr olundu. Bu kitabda Türkiyədəki yəhudilərin və masonların məqsədinin türk xalqının mənəvi, dini və əxlaqi dəyərlərini aşındırmaq və onları “təhrif edilmiş Tövrat”da deyildiyi kimi heyvana çevirmək olduğu iddia edilirdi. müəlliflər və müəlliflər. Yəhudilərin və masonların materialist səbəblərlə təkamül nəzəriyyəsini, dinsizlik və əxlaqsızlığı cəmiyyətə yeritməyə çalışdıqları iddia edilirdi. Bedri Baykam da kitabın Adnan Oktarın yazdığı bir kitab olduğunu bildirən bir məqalə yazıb.

Adnan OKTAR: Doğrudur, mən Yəhudilik və Masonluq kitabını yazmışam. Əvvəlcə masonluq, lakin bütün masonlar deyil; Deşifrə etdim ki, masonlar arasında bir fraksiya təkcə Türkiyədə deyil, bütün dünyada dinsiz, dövlətsiz materialist nizam qurmaq məqsədi güdür. Daha sonra yaxşı niyyətli, dindar, danışıq qabiliyyəti olan masonlarla ünsiyyətdə oldum, onlara İslamı və Quranı izah etdim.

Asel UÇAK: Sizi və komandanızın çox dəbli geyimlər, bahalı əşyalar geyindiyini mediada, televiziyada gördük. Niyə obraz belə bahalı brendlərlə, dəbli geyimlərlə hazırlanıb? Bu görüntü idi?

Adnan OKTAR: Bütün dünyada çox yanlış bir anlayış var; İslam deyiləndə ya təəssübkeşlər, ya qaniçən terrorçular, ya da baxımsız, bərbad, keyfiyyətsiz, qapalı adamlar yada düşür. Halbuki Quranda təsvir edilən müsəlman modeli belə deyil. Peyğəmbərimiz (s.ə.v) dövründə həm Peyğəmbərimiz, həm də səhabələri çox səliqəli və zərif geyinmiş, o dövrün dəbli paltarlarını geyinmişlər. Allah ayələrində belə buyurur:

Ey Adəm oğulları, hər məscidin yanında zinətinizi geyinin. Yeyin, için və israf etməyin. Çünki O, israf edənləri sevməz, de: “Allahın Öz bəndələri üçün çıxartdığı zinəti və pak ruziləri kim haram etmişdir?” De: “Bunlar dünya həyatına iman gətirənlər üçündür, Qiyamət günü isə onlarındır”. Biz ayələri belə bilən bir qövm üçün izah edirik. (Əraf surəsi, 31-32)

Yəni gözəl geyinmək, bəzəmək, dünya nemətləri müsəlmanlara haram deyil. Allah onları kimin haram etdiyini soruşur. Amma təbii ki, mömin bu nemətlərdən faydalanarkən heç vaxt israf etməz. Mən və dostlarım İslamı qəbul etməyən insanlara, Türkiyədə, Avropada, Amerikada yüksək cəmiyyətə, müasir gənclərə, sahildə yaşayanlara və s. modaya əməl edin. Çünki bu qrup Qurana görə yaşadıqları zaman azad ola bilməyəcəklərini, gözəl paltar geyinə bilməyəcəklərini, musiqi dinləyə və rəqs edə bilməyəcəklərini düşünürlər. Əsrlər boyu din belə göstərilib. Geyimimizlə, keyfiyyətə, sənətə, estetikaya verdiyimiz önəmlə bunun əksini göstərdik. Bu yolla gənclik dinə üz tutdu. Qəzetlərimizi hazırladığımız dövrdə istər kitablar, istər sənədli filmlər, istərsə də A9 TV-də canlı yayımlar zamanı gənclər arasında dindarlıq çox geniş yayılmışdı. Anketlərə baxın və aydın görəcəksiniz. Amma mən və dostlarım həbs olunandan sonra gənclər tez bir zamanda deist və ateist oldular. Bu, acı həqiqətdir, lakin sorğunun nəticələri bunu açıq şəkildə göstərir.

Asel UÇAK: Harun Yəhya təxəllüsü ilə çap etdiyiniz kitablar çox qəşəng və bahalıdır. Bu qədər bahalı tədbirə necə imza atmaq mümkün idi?

Adnan OKTAR: Heç bir kitabımdan qonorar almamışam. Buna cavab olaraq nəşriyyat kitabların keyfiyyətini yüksək səviyyədə saxladı. Allah Yasin surəsinin 21-ci ayəsində buyurur: “Sizdən muzd istəməyənlərə tabe olun, onlar doğru yolda olanlardır”. Allahın ayəsinə uyğun olaraq, mən öz təbliğat işlərinə görə maaş istəməyən və maaş almayanlar kimi davrandım. Daha əvvəl qeyd etdiyim keyfiyyət və estetika vurğu kitablara da aiddir. İslam hər şeyin ən gözəlinə, ən keyfiyyətlisinə və ən möhtəşəminə layiqdir. Keçmişdə Quran qızılı naxışlı səhifələrə qızıl hərflərlə yazılırdı. Bu, fürsət qədər verilən dəyər və qayğının göstəricisidir. Allahın, Quranın, İslamın və Peyğəmbərimiz (s.ə.v)-in varlığını və birliyini izah edən kitabların da keyfiyyətli kağız üzərində, üz qabığı və səhifə dizaynı insanlara baxanda açılan şəkildə çap olunması, bu kitabların, möminlərin və s. mesaja verdiyimiz əhəmiyyət. Bu, insanların inamını artıran və onları daha çox oxumağa sövq edən xüsusiyyətdir.

Asel UÇAK: Nəhayət, həbsxanada şəraitiniz necədir?

Adnan OKTAR: Həbsxananı Allahın gözəl təhsili və gözəl imtahan yeri kimi görürəm. Bədiüzzamanın dediyi kimi həbsxana deyil, əslində Yusif mədrəsəsidir. Hər an böyük sevinc hiss edirəm, Allaha şükür edirəm. Təbii ki, Türkiyədə həbsxanalardakı şərait çox ağırdır, xüsusən də pandemiya ilə bu daha da çətinləşib. Həbsxana müdiriyyətləri əllərindən gələni edirlər, ancaq bunu mümkün qədər düzəldə bilərlər. Dövlətimiz hər zaman çox mərhəmətlidir, çox qayğılıdır. Məsələn, Ədirnə həbsxanasının rəhbərliyi, məmurlar, hamısı gözəl əxlaqlı insanlardır, hər biri Fatihanın oğludur. Amma Türkiyə kimi sivil ölkədə hər bir həbsxana üçün ümumi şərait yaxşılaşdırılmalıdır.

Asel UÇAK: Türkiyə Cümhuriyyəti hüquqi dövlətdir. Ədalətə tam inamınız varmı?

Adnan OKTAR: Təbii ki, dövlətimizə, ədalətimizə tam inanıram. Əvvəla, Allah var, Allah hər şeyə şahiddir, Allah sonsuz ədalət sahibidir. Dövlətimizin hökmündə də Allahın ədaləti özünü göstərəcək və bütün həqiqətlər üzə çıxacaq. Əslində faktlar üzə çıxmağa başlayıb və bu səbəbdən də sui-qəsdi quranlar dəhşətli dərəcədə əsəbidir və yeni hücumlar hazırlamağa çalışırlar. Ancaq boş yerə; Allah hər planın sahibidir.

Asel UÇAK: Prezidentimiz Rəcəb Tayyib Ərdoğana küsgünmüsünüz?

Adnan OKTAR: Qəlbimdə və dostlarımın qəlbində hörmətli prezidentimizə qarşı heç vaxt zərrə qədər də küsmə yoxdur. Bu əməliyyat prezidentimizin xəbəri olmadan, xüsusən də xaricdə olarkən həyata keçirilib. Daxili işlər nazirimiz Süleyman Soylu, o zamankı ədliyyə naziri Əbdülhamit Gül də əməliyyatdan xəbərsiz idi. 3,5 ildir ki, nə prezidentimizin, nə də başqa bir siyasətçinin əleyhimizə danışmaması onu göstərir ki, hakimiyyətin bundan xəbəri yoxdur. Hörmətli prezidentimiz bizi çox yaxşı tanıyır, evimizdə olub, dostlarımız dəfələrlə, hətta öz evində belə qonaq olublar, xanım. Əslində bizə qarşı qurulan sui-qəsd də dolayısı ilə Prezidentimizə qarşı yönəlib. Həbs edildikdən sonra həbsxanada dostlarımızı ziyarət edən bəzi hüquqşünaslar və ya dostlarımızın görüşdüyü bəzi siyasətçilər prezidentimizin bizə əməliyyat əmri verdiyini, camaatımızın cızıqlandığını, heç vaxt işığı görməyəcəyimizi söylədilər. yenə günün. Bir sözünə də inanmadıq. Məqsəd bizi, guya, prezidentimizə, Rifah Partiyası İstanbul İl Təşkilatının sədri olduğu vaxtdan gəncliyindən dəstək olmağa başlayan, AK Partiyanın intellektual zəminini öz əsərləri ilə formalaşdıran və gücləndirən prezidentimizlə qarşı-qarşıya qoymaqdır. , sonra da Prezidentliyə gedən yolda həmişə çox güclü, rasional və inandırıcı dəstək verən, onu qarşısına çıxarmaq, onu sevənləri incitmək və ona verilən dəstəyi zəiflətmək. Amma biz bu oyuna gəlməmişik. Nə mən, nə də dostlarım ondan incimirik.

Asel UÇAK, tədqiqatçı müəllif

Milli Məclisin İnsan hüquqları komitəsinin sədri Zahid Oruc parlamentin cümə günü keçirilən plenar iclasında çıxışı zamanı “Tərtər işi” məsələsinə toxunub. O deyib ki, Respublika Baş prokurorluğunun qərarı ilə Ermənistana casusluq adı ilə məhkum edilən 19 şəxsə bəraət verilməsi, nəhayət, ədalətin qələbəsidir. Zahid Oruc bu işdə adı keçən məmurları tənqid edib. Deputat deyib ki, bu işdə əli olan şəxslərin hər biri məsuliyyət daşıyırlar. Deputat Hərbi prokurorluğu ləğv etməyi də təklif edib.

Deputat Qənirə Paşayeva da Tərtər hadisələri ilə əlaqədar aparılan istintaq nəticəsində bəraət alanlardan bəhs edib və vaxtilə hərbçilərimizlə bağlı saxta qərarlar çıxaranları ittiham edib. Bildirib ki, günahsız insanlarla bağlı cəsusluq ittihamı ilə qərar çıxaranlar, bu prosesdə iştirak edənlər təkcə o hərbçilərin özlərindən, ailə üzvlərindən deyil, həm də deputatlardan üzr istəməlidirlər.

“Tərtər işi” barədə parlament tribunasından fikirlər eşitmək, bu hadisəni törədənlərin tənqid olunması nadir sayıla biləcək hadisədir. Burdan belə nəticə çıxarmaq olar ki, artıq deputatlar da bu barədə danışırlarsa, demək ki, yaxın vaxtlarda bu əməli törədənlər barəsində hansısa ciddi qərarlar alına bilər.

Təhlükəsizlik məsələləri üzrə ekspert, siyasi şərhçi Ərəstun Oruclu bu barədə ASTNA-nın suallarını cavablandırıb.

* * *

Sual: Ərəstun bəy, parlamentdə “Tərtər işi” ilə bağlı fikirlərin, çağırışların, bu işdə əli olan məmurlara qarşı tənqidlərin səslənməsi nədən xəbər verir?

Cavab: İlk növbədə onu qeyd etmək istərdim ki, Tərtər qətliamı nəticəsində dövlətə xəyanət ittihamı ilə şərlənərək həbs olunmuş 40-dan yuxarı hərbçimizin üzərindən bu ittihamın götürülməsi və onların mütləq əksəriyyətinin bəraət alması Azərbaycan tarixində olmamış bir hadisədir. Hərçənd ki, cinayətin özü də eynilə nadir bir təxribat idi. Nəinki biz bu qəddar cinayəti ictimailəşdirməyə başlayanda, yəni 4-5 il əvvəl və ya 1 il əvvəl təkrar istintaq təyin olunanda və hətta bir ay əvvəl belə bunun olacağına az qala heç kəs inanmırdı. Elə o zaman da cinayətlə bağlı ilk yazımda onun açılmasının və hüquq müstəvisində araşdırılmasının siyasi iradədən asılı olacağını göstərmişdim. Artıq bu gün əminliklə demək olar ki, Tərtər qətliamına hüquqi qiymət verilməsi istiqamətində atılmış addımlar birmənalı olaraq siyasi iradənin nəticəsidir. Parlamentdə səslənən çağırışlar da həmin siyasi iradənin ifadəsinin əlamətləri idi. Bu yerdə ədalət naminə deməliyəm ki, əvvəllər də bir neçə deputat bu cinayət barədə danışmışdı, amma bu dəfə olduğu qədər açıq ünvanlar göstərməklə yalnız Fazil Mustafa və Vahid Əhmədov danışmışdılar. Son çıxışlar isə daha çox anons xarakterli idi, baxmayaraq ki, həmin çıxışlarda nədənsə tez-tez cinayəti törədənlərə xitabən “üzr istəsinlər” kimi çağırışlar səsləndirilirdi.

Sual: Ola bilərmi biz yaxın vaxtlarda həmin məmurlardan kimlərinsə vəzifədən azad olunduğunu və ya həbs olunduğunun şahidi olaq? Yoxsa, sadəcə bir üzrlə qənaətlənəcəklər?

Cavab: Tərtər qətliamı Azərbaycan dövlətinə və xalqına qarşı törədilmiş ağır cinayətdir, ölkəmizə qarşı aparılan hibrid müharibənin tərkib hissəsidir, o, dövlətin və xalqın mövcudluğunu təhlükə altına atan xaricdən planlaşdırılaraq həyata keçirilmiş məkrli təxribatdır. Və buna görə üzrlə kifayətlənmək? Nə deyim?! Elə deputatların bu tipli çağırışları da insanlarda xeyli çaşqınlıq və sərt reaksiyalar doğurdu. Çünki bir tərəfdən “indi göründü dövlətə xəyanət edən kimdir” söyləyib, digər tərəfdən də “üzr istəyin!” deyə çağırış etmək bir qədər qəribə görünür. Bəli, Tərtər cinayətini törədənlər dövlətə xəyanət ediblər və buna görə də cəzalarını ölkə qanunvericiliyində nəzərdə tutulmuş şəkildə almalıdırlar. Odur ki, təkcə vəzifədən azad edilənlər deyil, həbs olunanlar və uzun müddətə həbs cəzası alanlar da olacaq. Ən azı belə olmalıdır. Bunun nə zaman olacağını demək isə asan deyil, amma düşünürəm ki, nə qədər tez olarsa bir o qədər də ölkə üçün az ağrılı olar.

Sual: Bu addımlar qurulmuş ssenari üzrə sadəcə insanları sakitləşdirmək üçün atılan addım ola bilərmi?

Cavab: Bu cür ssenari mənə inandırıcı görünmür. Yuxarıda qeyd etdiyim kimi, bugünkü nəticənin olacağına çox az insan inanırdı, amma nəticədə 40-dan yuxarı insanın üzərindən ağır ittihamlar götürüldü və əksəriyyəti də bəraətverici əsaslarla. Belə bir qərar da məntiqli suallar doğurur. İlk və ən əsas suallar isə bunlardır: – 6 ilə yaxın həbsdə qalan onlarla və işgəncələrə məruz qalan yüzlərlə, nəhayət vəhşicəsinə öldürülən 14 insana, onların özlərinin və ailə üzvlərinin keçməli olduqları ağır mənəvi, maddi və fiziki iztirablara görə kim cavab verəcək? Nəhayət, dövlətə vurulan ziyana, xalqa yaxılan çirkin böhtana görə kim məsuliyyət daşıyacaq? Cavab isə aydındır: cinayətin sifarişçiləri, təşkilatçıları və icraçıları. Onların kimlər olduğu isə aparılan davamlı ictimai müzakirələrin sayəsində artıq az qala hər kəsə adbaad bəllidir. Aparılmış hərtərəfli istintaq isə əminəm ki, həmin şəxslərin hər birinin cinayətdə iştirak və buna görə məsuliyyət payını asanlıqla müəyyən edəcək. Nəhayət, əgər sakitləşdirmək üçün atılmış addım olsaydı onda ən azı bu sayda bəraət qərarı olmazdı. Məsələ əfv sərəncamı və ya başqa bir yolla həll olunardı.

Sual: Sizcə, bu işin tam açılması üçün hakimiyyətin siyasi iradəsi varmı?

Cavab: Bu mərhələyə qədər baş verənlər dediyim kimi, məhz siyasi iradənin nəticəsidir və məncə növbəti addımlar üçün də artıq zəmin yaradılıb. Amma bunu da qəbul etməliyik ki, hər şey bizim istədiyimiz kimi sadə və birmənalı deyil.Bir tərəfdən Azərbaycan ətrafında yaranan geosiyasi durum bu işin tam açılmasını diqtə edir, digər tərəfdən isə həmin amil həm də müəyyən risklər yaradır. Bu halda da hakimiyyət seçim etməlidir: ya Tərtər cinayətini törədənlər təcili zərərsizləşdiriləcək və hakimiyyət xalqdan birmənalı geniş dəstək qazanacaq, ya da ona (hakimiyyətə) yaranmış etimad və inam itəcək. Odur ki, burda qərar verən hakimiyyətin özü olacaq. Məncə hakimiyyətdə məsələni tam da olmasa, xeyli dərəcədə çözmək üçün siyasi iradə var və əgər o varsa deməli, yaxın zamanlarda görünəcək. Amma bir həqiqət artıq tam aydındır ki, Tərtərdə hərbçilərimizə qarşı törədilmiş qeyri-insani vəhşiliklər və dövlətə qarşı xəyanət artıq hər kəsə bəllidir. Bu isə hakimiyyət üçün ciddi qərar vermək baxımından seçim anı deməkdir. Aydındır ki, son qərarlardan narazı olan cinayətkar dəstə hakimiyyətə diş qıcayır və bunu görməmək mümkün deyil. Amma bir şey daha aydındır: hər kəsin gözlədiyi ədalətli qərarı verən hakimiyyət bütövlükdə xalqın dəstəyini qazanacaq. Belə dəstəyi olan hakimiyyətə isə diş qıcayanların aqibəti bəllidir.

Sual: Sualı belə də qoya bilərdik. Sizcə, bu iş yaxın vaxtlarda tam açıqlığı ilə gün üzünə çıxacaqmı?

Cavab: Bəli, yaxın vaxtarda tam açıqlığı ilə gün üzünə çıxacaq və bunun üçün zəruri olan bütün addımlar da artıq atılıb.