 |
|
|
Türkiyənin altı hərbçisi şəhid oldu
Dekabrın 23-də İraqın şimalında – “Pəncə-Kilid” əməliyyatı bölgəsində – Türkiyə Silahlı Qüvvələrinin altı hərbi qulluqçusu şəhid olub.
Bu barədə Türkiyənin Milli Müdafiə Nazirliyi məlumat yayıb. \\Redaktor.Az
Rusiya ordusunun xüsusi əməliyyat zonasında (SVO) yaratdığı laylı hava hücumundan müdafiə kontekstində Türkiyənin Bayraktar pilotsuz uçuş aparatı (PUA) Rusiya hava hücumundan müdafiə qüvvələrinin asan hədəfinə çevrilib. Bu barədə NV ilə söhbətində ukraynalı ekspert Aleksandr Kovalenko danışıb.
“Bayraktar müasir laylı hava hücumundan müdafiə sistemi şəraitində o qədər də effektiv deyil, çünki o, o qədər əlverişli hədəfdir ki, təhlükəli hava məkanı zonasına daxil olarsa, onu məhv etmək çox asandır”, – Kovalenko izah edib.
Hərbi-siyasi müşahidəçinin fikrincə, münaqişənin əvvəlində Ukrayna Silahlı Qüvvələri (AFU) Türkiyənin PUA-larından fəal istifadə etsə də, bu gün buna Rusiyanın hava hücumundan müdafiəsinin effektivliyinin xeyli artması mane olur. Ekspert hesab edir ki, Ukrayna Silahlı Qüvvələri Bayraktardan yalnız istixana şəraitində, döyüş təmas xəttindən uzaqda istifadə edə bilər.
Daha əvvəl rusiyalı polkovnik Andrey Koşkin Türkiyəyə məxsus PUA-ların Şimal Hərbi Dairə zonasından yoxa çıxmasına diqqət çəkib. O, Lenta.ru ilə söhbətində qeyd edib ki, bu gün Ankaradan silah tədarükü artıq Ukrayna cəbhəsində qüvvələr balansını dəyişməyə qadir deyil.
Mənbə: Lenta.Ru
Rəsmi İrəvan sülh bəyanatlarının kölgəsində sürətli şəkildə silahlanır, Ermənistanın məkrli niyyəti göz önündədir
Ermənistan rəhbərliyi sülh müqaviləsini imzalamağa hazır olduğunu davamlı şəkildə bəyan etdiyi halda, Fransa və Hindistanın hesabına özünün silah arsenalına yeni nümunələri əlavə edir. Rəsmi İrəvanın ordunu gücləndirməsi sülh bəyanatlarının saxta olduğunu deməyə əsas verir. Əgər sülh imzalanacaqsa, normal qonşuluq əlaqələri qurulacaqsa, kommunikasiyalar açılacaqsa, o halda bu qədər silah-sursata, artilleriya qurğularına, zirehli texnikaya nə ehtiyac var idi? Özü də yüz milyonlarla dollara başa gələn silahlanma prosesi Ermənistanın miskin durumda olması fonunda davam edir.
Son məlumatlardan aydın olur ki, Hindistanın Ermənistanın silahlanmasında rolu xüsusilə artmaqdadır. “EurAsianTimes” Hindistanın Ermənistana “Akaş” zenit-raket komplekslərini satdığına dair məlumatlar dərc edib. “Akaş” Hindistanın “Bharat Dynamics Limited” (BDL) şirkəti tərəfindən istehsal olunan, həssas əraziləri və nöqtələri hava hücumlarından qorumaq üçün nəzərdə tutulmuş qısa mənzilli zenit-raket kompleksidir.
Bu hava hücumundan müdafiə sistemi 4-25 kilometr radiusda helikopterləri, döyüş təyyarələrini və pilotsuz uçuş aparatlarını (PUA) effektiv şəkildə vurmağa qadirdir. “EurAsianTimes yazır” ki, “Akaş” “Bakı tərəfindən istifadə edilən silahlı PUA-larla mübarizə aparmaq üçün İrəvanın ehtiyaclarına ideal şəkildə uyğundur. Amma Ermənistan bununla kifayətlənmir. O, Hindistandan kamikadze dronlar, "hava-yer" və “yer-yer” raketləri almaqda da maraqlıdır. Ermənistana çatdırılmaların yaxın bir neçə ay ərzində başlanması gözlənilir. Ermənistan bu hava hücumundan müdafiə sistemlərini Hindistandan 600 milyon dollara alıb. Bir çox ölkə, o cümlədən Braziliya, Misir və Filippin “Akaş” hava hücumundan müdafiə sisteminə maraq göstərir. Maraqlıdır, Hindistan tərəfindən Ermənistana verilən zenit-raket kompleksləri Azərbaycan üçün hansısa təhdid yaradırmı? Hindistan bu dəstəklə nəyə nail olmaq istəyir? Dehlinin Azərbaycandan umduğu nədir ki, erməniləri belə açıq dəstəkləyir? Bizim ölkələr arasında ciddi problem olmayıb axı...
Deputat Sahib Alıyev “Yeni Müsavat”a açıqlamasında bildirdi ki, Hindistanın Ermənistanla sıcaq əlaqələr qurmasının iki səbəbi var: “Birinci səbəb hindlilərin, farsların, qaraçıların və hayların eyni kökdən olmaları ilə bağlıdır, amma iki ölkə arasındakı əlaqələrdə bu, həlledici faktor sayılmır. Həlledici faktor Azərbaycan-Pakistan əlaqələridir. Azərbaycan Cammu və Kəşmir məsələlərində Pakistanın mövqeyini həmişə və birmənalı şəkildə dəstəkləyib. Bu isə Hindistanı, özəlliklə də indi orada hakimiyyətdə olan ultramillətçiləri qıcıqlandırır və onlar öz narazılıqlarını Ermənistanı dəstəkləməklə göstərirlər. Ermənistana silah-sursat satılması təbii ki, gəlir gətirməklə yanaşı, dünya silah bazarına hələ təzə qədəm qoyan Hindistana reklam baxımından da lazımdır. Fəqət mən belə düşünürəm ki, Ermənistanla əməkdaşlıq gələcəkdə Hindistan üçün əsl antireklama çevriləcək. Çünki Azərbaycanın əlində hindlilərin texnikalarını tənəkəyə çevirəcək bütün vasitələr var. Əgər Ermənistan bu cür silahlanmaqda davam edəcəksə, heç kimdə şübhə yoxdur ki, o da baş verəcək. Azərbaycan Prezidentinin Ermənistanda revanşizm baş qaldırdığı, bizim təhlükəsizliyimiz təhdid edildiyi halda hansı dərinlikdə yerləşməsindən asılı olmayaraq, həmin təhdid nöqtələrinin sıradan çıxarılacağı haqda xəbərdarlığı yəqin unudulmayıb”. Deputat mühüm bir məqama diqqət çəkdi: “Hindistandan yeni hərbi texnika almağı planlaşdıranlar Azərbaycan Hərbi Hava Qüvvələrində pilotsuz uçuş aparatları bölmələri ilə təlim-məşq uçuşlarının niyə keçirildiyini və bunun nə demək olduğunu yəqin bilməmiş deyillər. Onlar 44 günlük savaş zamanı "S-300" zenit-raket kompleksinin Ermənistan ərazisində necə məhv edildiyini yəqin xatırlayırlar”.
Sosial Tədqiqatlar Mərkəzinin icraçı direktoru Sahib Məmmədov qeyd etdi ki, Azərbaycanın sülh proseslərini dərinləşdirmək istiqamətində addımlar atması və Ermənistanın da buna bəzi pozitiv reaksiyaları fonunda Ermənistan paralel olaraq qlobal informasiya müstəvisində və beynəlxalq hüquq vasitələrindən istifadə etməklə Azərbaycana qarşı hücumlarını genişləndirməkdədir: “Təəssüf doğuran odur ki, Ermənistan özünün dövlət büdcəsində silahlı qüvvələrə ayrılan vəsaitin həcmini artırmada davam edir. Bu gün Ermənistan mümkün hallarda silahları yardım şəklində əldə etməklə yanaşı, - Fransa silahlarının alınması üçün xərcin Avropa İttifaqının "Sülh Fondu" tərəfindən qarşılanması və sair - həmçinin müasir hücum silahları almaq üçün intensiv fəaliyyətlər aparmadadır. Onun əsas silah aldığı ölkələr içərisində dünyanın ən iri dövlətlərindən olan Hindistan xüsusi olaraq seçilməkdədir. Hindistandan alınan silahların müdafiə məqsədilə alınmasına dair Ermənistan rəsmilərinin açıqlamaları da həqiqətə uyğun deyil. Ermənistan Azərbaycanın regionun hava məkanındakı şəksiz üstünlüyünün qarşısını almaq üçün xüsusi komplekslər almaqla əslində uzaqgedən niyyətlərini gizlətmir. Əlbəttə, Ermənistan nə qədər silahlansa belə, Azərbaycan Ordusu qarşısında duruş gətirmək iqtidarında deyil. Bununla belə, bu silahlanma Ermənistanın revanş niyyətini ortaya qoyur. Əgər Ermənistan silahlanmaya deyil, sülh prosesinə doğru addımlar atsa və sülh müqaviləsi imzalansa, Azərbaycanla qarşılıqlı surətdə ərazi bütövlüyünun tanınması və hücum etməmək barədə razılığa gələcəklər. Bu halda intensiv silahlanma da mənasını itirəcək. Ermənistan isə sülh müqaviləsini ləngidir, digər tərəfdən isə yanaşı fəaliyyətlərini davam etdirir və siyasi riyakarlıq nümayiş etdirir". O ki qaldı rəsmi Dehlinin məqsədlərinə, S.Məmmədov hesab edir ki, Hindistan dünyanın supergüclərindən birinə çevrilməkdədir: “Hindistan əhali sayına görə lider dövlətdir. Texnoloji inkişaf sürətli dinamikaya malikdir. Bu baxımdan, əlbəttə, Azərbaycanın belə bir dövlətlə əməkdaşlığı arzuolunandır. Amma Azərbaycan öz müttəfiqlərinə münasibətdə ardıcıl və səmimidir. Biz Pakistanı bütün platformalarda birmənalı dəstəkləyirik və bu da Hindistanın xoşuna gəlmir. Eyni zamanda Hindistan silahlarını satır və gəlir əldə edir. Uduzan isə yenə Ermənistan olacaq. Rusiyadan ödənişsiz aldığı milyardlarla dəyəri olan silahlar indi haradadır? Bir hissəsi trofey kimi bizim silahlı qüvvələrin əlində, digər hissəsi qənimətlər parkında və metal qalığı kimi istifadə olunmadadır. Nəticə çıxarmayıblarsa, o zaman pullarını rifaha və inkişafa deyil, silaha və informasiya müharibəsinə sərf etməkdə davam etsinlər. "Dəmir yumruq" yerindədir. Bizim gündəlik başqadır. Qarabağa təhsil, idman və mədəniyyət tədbirləri ilə qayıdırıq. “Böyük qayıdış” yalnız deportasiya olunmuş əhalinin öz evlərinə qayıtması deyil, daha geniş prosesdir".
Hərbi ekspert, ehtiyatda olan polkovnik Üzeyir Cəfərov isə öncə xatırlatdı ki, Hindistan tərəfdən Ermənistanın silahlandırılmasının tarixçəsi son 3 ilin söhbətdir: “Ona görə də 44 günlük Zəfər savaşımızdan sonra öz ordusunun bir çox problemlərini həll etmək üçün Paşinyan komandası təcili addımlar atmağa başlayıb. İlk sırada olan paytaxtlardan biri də Dehli oldu. Ötən müddət ərzində Ermənistana bir sıra silah-sursatlar verilib. Hələ ötən ilin payızında Ermənistanın müdafiə naziri Suren Papikyan Hindistana səfəri çərçivəsində ölkənin müdafiə naziri ilə görüşmüşdü. Tərəflər ikitərəfli hərbi, hərbi-texniki əməkdaşlığa dair məsələləri müzakirə etmişdilər. İki ölkənin hərbi qurumları arasında imzalanan müqaviləyə görə, Hindistan qarşı tərəfə 214 mm-lik "Pinaka" reaktiv yaylım atəş sistemi, adı çəkilməyən tank əleyhinə raket kompleksi, müxtəlif sursat verməyə başlamışdı". Polkovnik onu da qeyd etdi ki, hələ 2020-ci ildə Hindistan Ermənistana 40 milyon dəyəri olan 4 “Swathi” kontrbatareya radarı tədarük etmişdi: “İndi də Hindistan yaxın bir neçə ay ərzində Ermənistana "Akaş" zenit-raket komplekslərini tədarük etməyə başlayacaq. Ermənistan bu hava hücumundan müdafiə sistemlərini Hindistandan 600 milyon dollara alıb. “Akaş” qısa mənzilli zenit-raket kompleksi Hindistan Müdafiə Araşdırma və İnkişaf Təşkilatı tərəfindən yaradılıb. Kompleksin ilk uğurlu sınaqları 2007-ci ilin dekabrında baş tutub. O vaxtdan bəri kompleksin bir neçə modifikasiyası yaradılıb". Məsələyə həssas yanaşmanı zəruri sayan Ü.Cəfərov hesab edir ki, bu silahlar bir müddət sonra bizim bədnam qonşularımız tərəfindən Azərbaycana qarşı təzyiq və ya təhdid kimi istifadə oluna bilər.
Beləliklə, ərazisində Avropa İttifaqının mülki missiyasını yerləşdirən və bu missiyanın sayının artmasına imkan yaradan Ermənistan hücum silahları almaqla məkrli niyyətini gizlətmir. Ermənistan fürsət düşən kimi Azərbaycana qarşı hansısa həmlələri həyata keçirmək, təxribatlar törətmək niyyətindədir, heç şübhəsiz. Aydın məsələdir, düşmən daha sarsıdıcı şəkildə cavabını alacaq. Amma o da istisna deyil ki, Ermənistanı revanşa həvəsləndirən bu bölgədə möhkəmlənmək istəyən Fransa və dostlarıdır, həmçinin Hindistan. Amma sonda uduzan Ermənistan olacaq!
E.PAŞASOY,
“Yeni Müsavat”
Rusiyanın “Rosatom” dövlət şirkəti və Ermənistan hökuməti arasında Metsamor AES-in istismar müddətinin 2036-cı ilə qədər uzadılması haqqında saziş imzalanıb.
“Rosatom”un məlumatına görə, Rusiya və Ermənistan arasında iqtisadi əməkdaşlıq üzrə hökumətlərarası komissiyanın iclasında bu barədə razılıq əldə olunub.
Sənədi Metsamor AES-in baş direktoru Eduard Martirosyan və “Rosatom”un layihələr üzrə direktoru Yuri Sviridenko imzalayıblar.
“Rosatom” Ermənistan AES-in modernləşdirilməsinin birinci mərhələsinin müsbət nəticələrini nəzərə alaraq, stansiyanın 2036-cı ilə qədər səmərəli və təhlükəsiz işləməsinə təminat verib.
Ermənistanın ümumi elektrik enerjisi istehsalında Metsamor AES-in payı təxminən 30%-dir. Nüvə enerjisi ekoloji cəhətdən təmiz istehsal mənbəyidir, ona görə də AES elektrik enerjisi istehsalı atmosferə əhəmiyyətli miqdarda karbon qazı atmamağa imkan verir.
2014-cü ildə Ermənistan hökuməti AES-in modernləşdirilməsi və istismar müddətinin uzadılması xahişi ilə “Rosatom”a müraciət edib. Modernləşdirməyə 2015-ci ildə başlanılıb, işlər 2021-ci ildə başa çatıb. İşin böyük hissəsi stansiyanın fəaliyyəti dayandırılmadan həyata keçirilib. Rusiyanın ixtisaslaşmış təşkilat və institutlarının cəlb edilməsi ilə ətraflı hesablamalar aparılıb, stansiyada çoxlu sayda avadanlıq dəyişdirilib. Enerji blokunun qəzalı soyutma sistemi, maşın otağı, turbinlər, avtomatlaşdırılmış idarəetmə sistemləri müasirləşdirilib. Enerji blokunun gücü 380-390 MVt-dan 440 MVt-a qədər artırılıb.
Ermənistan AES-in istismar müddəti 2026-cı ildə başa çatır, müvafiq lisenziya 2021-ci ildə hökumət yanında Nüvə Təhlükəsizliyinin Tənzimlənməsi üzrə Dövlət Komitəsinə verilib.
Görünən odur ki, Ermənistan Rusiyanın buxovundan xilas olmaq istərkən, getdikcə daha çox asılılığına düşür. Rusiyaya qarşı addımları davam edərsə, Ermənistanın üstündə oturduğu AES “bombası” göyə də uça bilər...
AMİP Mərkəzi Şurasının sədri, politoloq Rəşad Bayramov dedi ki, Qərbin bütün təzyiqlərinə baxmayaraq Ermənistanın tezliklə Rusiya boyunduruğundan xilas olması mümkünsüzdür: “Bunun da çox sadə səbəbi var. Bu da Ermənistanın iqtisadi baxımdan Rusiyadan kritik asılılığı ilə bağlıdır. Məhz bu səbəbdəndir ki, Ermənistan Rusiyaya qarşı bütün demarşlarına baxmayaraq, hələ də Kollektiv Təhlükəsizlik Müqaviləsi Təşkilatının, Avrasiya İqtisadi Birliyinin üzvü olmaqda davam edir.
Rusiyanın “Rosatom” dövlət şirkəti və Ermənistan hökuməti arasında Metsamor AES-in istismar müddətinin 2036-cı ilə qədər uzadılması haqqında saziş də bunun bariz göstəricisidir. Baxmayaraq ki, 2022-ci ildə ABŞ və Ermənistan arasında Mülki Nüvə Əməkdaşlığı üzrə memorandum imzalanıb və bu memaranduma görə ABŞ Metsamorun fəaliyyəti ilə bağlı Ermənistana bütün lazımi texniki dəstəyi göstərə biləcəyini vəd edib. Amma real olaraq bunu etmək çox çətindir, ona görə ki, stansiyanın idarəetməsi ruslara məxsusdur və stansiyanı beynəlxalq standartlara uyğun şəkildə yeniləmək mümkün deyil. Avropa İttifaqı isə ümumiyyətlə bu stansiyanın təhlükəsizlik səbəbilə bağlanması təklifi ilə çıxış edir.
Ermənistanın ümumi elektrik enerjisi istehsalında Metsamor AES-in payının 30%-dan artıq olduğunu nəzərə alsaq, stansiyanın bağlanması Ermənistan üçün olduqca böyük problemlərə yol aça və ölkədə enerji böhranına səbəb ola bilər. Odur ki, Ermənistan istəmədən də olsa Rusiya ilə müvafiq sazişi imzalamağa məcbur idi.
Ümumiyyətlə isə Ermənistanın Rusiyadan ən çox asılı olduğu sahə enerji sektorudur. Belə ki, Ermənistanda elektrik enerjisi istehsalının 70%-i Rusiyanın təmin etdiyi enerji məhsulları ilə həyata keçirilir. İdxal edilən təbii qazın təqribən 88%-i maye qaz idxalının isə 90%-dən artığı Rusiyanın payına düşür. Qazla yanaşı Rusiya Ermənistanda həm də benzin və dizelin əsas təminatçısıdır. Neft məhsullarının idxalının təqribən 75 %-i Rusiyanın payına düşür. Ermənistanda qaz təminatı və satışı ilə Rusiyanın “Qazprom” şirkəti məşğul olur. Ermənistanda elektrik enerjisinin paylanmasını həyata keçirən Ermənistan Elektrik Şəbəkələri də Rusiyanın “Taşhir Qrup”a məxsusdur. Bundan başqa, Ermənistanın dəmir yolları şirkəti olan Cənubi Qafqaz Dəmiryolu da tam olaraq Rusiya Dəmir Yolları dövlət şirkətinə məxsusdur. Bunlar onu deməyə əsas verir ki, Rusiya Ermənistanın strateji əhəmiyyətli şirkətlərinə də tam olaraq nəzarət edir və bu şirkətlər vasitəsilə Rusiya Ermənistana təsir etmək imkanlarını hər zaman öz əlində saxlayır.
Paşinyanın dekabrın 25 və 26-da Sankt-Peterburqda keçiriləcək Aİİ İqtisadi Şurasının və MDB Dövlət Başçıları Şurasının iclasında iştirak etməyə razılıq verməsi də Gümrüdə Parlament fəalları ilə keçirilən iclasda “Qərb İrəvanın addımlarını düzgün qiymətləndirmir, ona görə də Rusiya ilə yumşaq siyasətə keçməyin vaxtı çatıb” kimi bəyanatla çıxış etməsi də bunun bariz sübutudur".
Hərbi ekspert Səxavət Məmməd Ermənistanın mövcudluğunun getdikcə sual altına düşdüyünü qeyd etdi: “Ermənistan hər nə qədər Rusiyadan qopmaq istədiyini göstərməyə çalışsa da, əslində bunun o qədər asan olmayacağı bəlli idi. Ermənistan ərazisində Rusiya hərbi bazası var. Bundan əlavə, Ermənistan iqtisadiyyatının 60-70 faizi Rusiyanın nəzarətindədir. Ermənistanın dəmir yolları tamamilə Rusiyanındır. Belə olan halda Ermənistanın Rusiyadan asanlıqla qopacağı gözlənilmirdi. Əksinə, iki ölkənin yaxınlaşacağını müşahidə edə bilərik. Son günlər diqqət edirik ki, Fransanın aktivliyi sıfıra düşüb. Əvvəl Rusiyanın çağırdığı toplantılara qatılmayan Paşinyan hakimiyyəti indi nəinki rəsmi, qeyri-rəsmi toplantılara da qatılır. Dolayısı ilə Ermənistan anlayır ki, hələ də regionda Rusiyanın gücü qalmaqdadır. ABŞ-ın əsas diqqətini İsrail və bundan sonra Sakit okean hövzəsinə ayıracağını nəzərə alsaq, region uğrunda mübarizə Rusiya, İran və Türkiyə arasında gedəcək. Ermənistanın qaçacağı yer yoxdur. Burada diqqət çəkilməli bir məsələ də var. Rusiya prezidenti Vladimir Putin belə bir bəyanat verdi ki, müstəqil siyasət yürüdə bilməyən ölkələr xəritədən silinəcək. Düzdür, bu, birbaşa Ermənistana ünvanlanmayıb, ancaq Ermənistan kimi ölkələrə deyildiyi açıqdır. Ona görə də Ermənistanın 2030-cu ildən sonra mövcudluğu sual altındadır”.
Siyasi analitik Asif Nərimanlı isə qeyd etdi ki, Metsamor AES-in istifadə müddəti başa çatıb: “Xüsusilə 1976-cı ildə tikilmiş nüvə reaktorlarının yenilənməməsi bölgə üçün yeni Çernobıl təhlükəsi yaradır. Lakin Ermənistan AES-dən imtina etmək niyyətində deyil. "Rosatom"la bağlanan müqavilə də bunu təsdiq edir. Fikrimcə, Metsamor AES-in yenilənməsinin Rusiyaya verilməsinin iki mümkün səbəbi var. Birincisi, Avropa ölkələri, yaxud nüvə enerjisi üzrə ixtisaslaşmış şirkətlər Metsamoru yeniləmək istəmirlər, çünki AES-in istifadə müddəti bitib, Avropa İttifaqı da 2011-ci ilə qədər stansiyanı bağlamağı tövsiyə etmişdi. Bu baxımdan, AES-in yenilənməsini istəyən Ermənistannın, belə demək mümkünsə, “Rostom”a ehtiyacı var. İkincisi, Ermənistan nə qədər anti-Rusiya siyasəti aparsa da, müəyyən qədər balansı da qorumağa çalışır, xüsusilə iqtisadi sahələrdə. Çünki Rusiyadan böyük ölçüdə asılılığı var. Misal üçün, Nikol Paşinyan KTMT-nin və MDB-nin iclaslarında iştirak etmir, amma Avrasiya İqtisadi İttifaqına gedir. Ümumiyyətlə, Ermənistanın Rusiyaya qarşı radikal addımlar atacağı ehtimalı az görünür, fikrimcə, İrəvanda Ukrayna müharibəsinin nəticəsini gözləyirlər, əgər Moskva məğlub olarsa, o zaman anti-Rusiya siyasətini sürətləndirəcək, ona qədər isə daha ehtiyatlı davranmağa çalışacaq".
Mənbə: “Yeni Müsavat”
Azərbaycan Hərbi Hava Qüvvələrinin “N” saylı hərbi hissəsində NATO-nun Əməliyyat İmkanları Konsepsiyası (ƏİK) çərçivəsində “Mi-17-1V” helikopter cütlüyünün “İkinci səviyyəli özünüqiymətləndirmə təlimi” keçirilib.
Bu, Azərbaycanla NATO arasında genişlənən əməkdaşlığı əhatə edən çoxtərəfli təhlükəsizlik alətlərindən biridir.
Çünki ƏİK proqramı NATO-nun tərəfdaş ölkələrlə sıx əməliyyat əlaqələrinin qurulmasına xidmət edən praktiki çoxməqsədli hərbi elementdir.
ƏİK proqramı Alyans ilə əməkdaşlıq edən ölkələrin NATO standartlarına uyğun olaraq tam qarşılıqlı fəaliyyət göstərə bilən və əməliyyat qabiliyyətinə malik qüvvələri inkişaf etdirmək məqsədinə xidmət edir.
Budəfəki qiymətləndirmə təliminin keçirilməsinin hərbi və təhlükəsizlik aspektləri ilə bərabər, geosiyasi əhəmiyyətini də qeyd etmək lazımdır.
Bildirək ki, Azərbaycanla Qərb arasında hər nə qədər anlaşılmazlıqlar və çoxlu sayda mübahisəli gündəlik olsa da, Bakının NATO ilə əlaqələrinin dinamikası yüksələn xətt üzrə irəliləyir.
Bu, olduqca vacibdir, çünki NATO-nun gözündə Azərbaycanın fərqli bir nöqtədə olması Bakı ilə Alyansın müştərək maraqlarının aynasıdır.
Bu güzgüdə daha qüdrətli görünmək üçün Azərbaycan çoxvektorlu siyasətindən irəli gələn çağırışlarında NATO ilə bağlı hissələrin sərhədlərini bərkitməlidir.
Çünki Azərbaycanın NATO ilə əməkdaşlıq sferası onun regional geosiyasi imkanlarının təkmilləşdirilməsi məsələsini təşviq edən alətlərdən birinə çevrilir.
Bu, qarşıdakı illərdə beynəlxalq təhlükəsizlik mühitində gözlənilən dəyişikliklərə qarşı Azərbaycanın müdafiə immunitetinin sabit qalmasına töhfə verir.
NATO üçün Azərbaycanın əhəmiyyətinə gəlincə, bu, Alyansın qlobal genişlənməsi əməliyyatı imkanları ilə əlaqəlidir.
Azərbaycanın qlobal ticarəti təşkil edən yolların üzərindəki geostrateji əhəmiyyəti, zəngin təbii sərvətlərə malik olması və enerji resurslarını Avropa bazarlarına diversifikasiya etməsi NATO üçün cəlbedicidir.
Ona görə də NATO Cənubi Qafqazda təhlükəsizlik qövsü çəkməkdə maraqlıdır və bu işdə o, Azərbaycanla səmərəli və faydalı rejimdə dərinləşən əməkdaşlığa həvəslidir.
Bu, NATO-ya imkan verir ki, Cənubi Qafqaz və Mərkəzi Asiya regionlarını vahid geosiyasi kontekstdə təhlil edib strateji nəticələr çıxarsın.
NƏTİCƏ:
- Azərbaycan HHQ-də keçirilən təlim fonunda demək olar ki, Bakı ilə NATO müştərək təhlükəsizlik mühitinin təkamülünə təkan verirlər,
- NATO Azərbaycanın ixtiyarında olan arsenalın təkmilləşməsinə maraq göstərir və bunu özünün regional geniş dalğası üçün qiymətli hesab edir,
- Azərbaycan və NATO bir sıra mürəkkəb vəziyyətlərə birgə uyğunlaşmaq potensialını nümayiş etdirirlər.
Aqşin Kərimov
Fələstinin HƏMAS hərəkatının yaraqlı qanadı “İzzəddin əl-Qəssam Briqadaları” Təl-Əvivə raket zərbəsi endirdiyini açıqlayıb.
Bu barədə qrupun “Telegram” kanalında məlumat yayılıb.
“İzzəddin əl-Qəssam Briqadaları” (fələstinli) mülki əhalinin kütləvi qətliamına cavab olaraq Təl-Əvivə raket zərbəsi endirib”, - deyə məlumatda bildirilir.
Yəmənin «Ənsar Allah» üsyançı hərəkatından olan husilər Fələstin-İsrail münaqişəsinin qızışmağa başlamasından bəri Qırmızı dənizdə gəmilərə 100-dən çox hücum həyata keçirib.
Bu barədə Pentaqonun Qırmızı dənizdəki vəziyyətlə bağlı 43 ölkənin nümayəndələrinin iştirak etdiyi onlayn konfransdan sonra dərc olunmuş bəyanatında deyilir.
Məlumata görə, husilər pilotsuz uçuş aparatları və ballistik raketlərdən istifadə etməklə 100-dən çox hücum həyata keçiriblərr. "10 ticarət gəmisinə hücum edilib ki, bu da 35-dən çox ölkəyə təsir göstərib”.
Pentaqon qeyd edib ki, hazırda dünya ticarətinin 10-15%-i Qırmızı dəniz vasitəsilə həyata keçirilir. Beynəlxalq gəmiçilik şirkətləri husilərin atəşə tutması nəticəsində gəmiləri Ümid burnundan keçirərək, neft və qaz da daxil olmaqla əsas malların çatdırılmasına həftələr əlavə etməyə məcbur edilir.
Bazar ertəsi ABŞ müdafiə naziri Lloyd Ostin tərəfindən verilən açıqlamaya görə, ABŞ və bir sıra digər ölkələr husilərin hücumları fonunda naviqasiya azadlığını təmin etmək və gəmiləri qorumaq üçün Qırmızı dənizdə əməliyyat keçirmək niyyətindədir. Əməliyyatın iştirakçıları arasında Bəhreyn, Böyük Britaniya, İspaniya, İtaliya, Kanada, Hollandiya, Norveç, Seyşel adaları və Fransa olmalıdır.
Qəzza zolağında Fələstin-İsrail münaqişəsinin şiddətlənməsindən sonra husilər İsrail ərazisinə hücumlar edəcəklərini və əməliyyat başlanana qədər əlaqəli gəmilərin Qırmızı dəniz və Bab əl-Məndəb boğazından keçməsinə icazə verməyəcəklərini bildiriblər.
Mənbə: TASS
Şərq cəbhəsində vəziyyət ağırdır - Ukraynalı general
Ukrayna Silahlı Qüvvələri (AFU) ölkənin şərqində bir sıra istiqamətlərdə Rusiyanın silah və şəxsi heyət baxımından üstünlüyü səbəbindən çətin vəziyyətə düşüb.
Bu barədə Ukrayna Silahlı Qüvvələrinin Quru Qoşunlarının komandanı Aleksandr Sırski bildirib.
O, Telegram kanalında yazıb: "Vəziyyət çətindir. Biz düşmənin həm silah, həm də şəxsi heyət baxımından üstün olduğu şəraitdə vuruşmalıyıq".
Sırski əlavə edib ki, Ukrayna qoşunları Kupyansk, Artemovsk və Limansk istiqamətlərində, xüsusən Xarkov vilayətinin Sinkovka kəndi ərazisində müdafiəyə keçib.
Çərşənbə axşamı Rusiya Müdafiə Nazirliyi bildirib ki, Rusiya qoşunları son 24 saat ərzində Ukrayna ordusunun Kupyansk istiqamətində 8 hücumunu dəf edib və Sinkovka ərazisində Ukrayna Silahlı Qüvvələrinin 115-ci mexanikləşdirilmiş briqadasının bölmələrini darmadağın edib. Nazirliyin məlumatına görə, Ukrayna Silahlı Qüvvələrinin itkiləri 60-a qədər hərbçi təşkil edib.
Mənbə:TASS
Rusiya Ordusu Orexovo vilayətində Ukrayna Silahlı Qüvvələrinin döyüşçülərinə zəhərli qazla hücum edir, onları səngərdən çıxarmağa çalışır. Son həftələrdə ən azı 9 belə hadisə baş verib.
Onlar xəbər verirlər ki, ruslar zəhərli qazı pilotsuz təyyarələrdən atır.
"Ukrayna Silahlı Qüvvələrinin döyüşçüləri bu qazdan kor kimi olur. İki nəfəs dəfə nəfəs almaq kifayətdir ki, artıq zəhərlənəsən və nəfəs ala bilməyəsən". - deyə CNN-ə üçün anonim hərbi həkim deyib.
Onun sözlərinə görə, qaz hücumları nəticəsində artıq bir ukraynalı hərbçi həlak olub. “Rusiya qazı”ndan sağ qurtulan bəzi Ukrayna Silahlı Qüvvələri əsgərləri bunları deyib:
"Əvvəlcə tüstü gördüm. Xəndəkdən qaçdıq, birdən qaz alovlandı. Xəndək alov içində qaldı. Qaz yananda adamı kor edir, nəfəs ala bilmirsən, dərhal boğazına vurur. Bizim bir saniyəmiz belə yox idi”.
İkinci bir əsgər əlavə edib: "İki dəfə nəfəs alırsan, sonra nəfəs ala bilmirsən".
Əsgərlər qazdan boğazlarının və ağızlarının yandığını, üzlərində yanıq və çapıqların qaldığını bildiriblər. Onların dərilərinin təsirlənmiş hissələrində hələ də qırmızı ləkələr var.
Bununla belə, xəsarət alan ukraynalıların fikrincə, Rusiyanın məqsədi Ukrayna Silahlı Qüvvələrini “zəhərləmək” deyil, çaxnaşma yaratmaqdır. Döyüşçüləri qazla səngərlərdən çıxaran düşmən müntəzəm atəşə başlayır və ya dronlardan istifadə edir - bu onun taktikasıdır.
Ukrayna kəşfiyyatının anonim nümayəndəsinin CNN-ə verdiyi məlumata görə, bu cür hücumlarda Rusiya Federasiyası bir növ CS-dən (iritant) istifadə edir. Bu, qıcıqlanmaya səbəb olan zəhərli maddədir. KİV-in məlumatına görə, söhbət insanın müvəqqəti olaraq fəaliyyət qabiliyyətini itirməsinə, onun hiss orqanlarına – göz, burun, ağız, həm də digər mühüm orqanlara – dəri və ağciyər sisteminə təsir edən gözyaşardıcı qazdan gedir.
Mənbə: UNİAN
“Cəbhədəki əsgərləri kimsə əvəz etməlidir...”
Ukrayna Silahlı Qüvvələrinin Baş komandanı, general Valeri Zalujnı hesab edir ki, bütün Ukrayna üzrə hərbi komissarların vəzifələrindən azad edilməsi səhv qərar olub.
“AzPolitika.info” xəbər verir ki, V.Zalujnı dekabrın 18-də yerli jurnalistlərə açıqalmasında Ukraynada səfərbərliyin lazım olan səviyyədə keçirilməməsindən narazılığını bildirib: “Səfərbərlik məsələlərinə gəlincə, onu gücləndirmək yox, əvvəlki hədlərə, çərçivəyə qaytarmaq lazımdır”.
General vurğulayıb ki, indi bu, cəbhə xəttində döyüşən əsgərlər üçün problemdir, onları kimsə əvəz etməlidir: "Onu (səfərbərlik prosesini) əvvəllər işlədiyi çərçivəyə qaytarmaq lazımdır".
Regional hərbi komissarların işdən çıxarılmasının səfərbərliyin səmərəliliyinə necə təsir etdiyini soruşduqda, baş komandan “onlar peşəkar idilər, bunu necə edəcəklərini bilirdilər, amma indi onlar yoxdurlar”, - deyə cavab verib.
Xatırladaq ki, Prezident Volodimir Zelenski avqustun 11-də korrupsiya faktları səbəbindən Ukraynadakı bütün hərbi komissarlıq rəislərini işdən azad edib. Onların yerinə isə əsasən cəbhədə döyüşmüş hərbçilər təyin olunub.